(སེམས་ཀྱི་སྨོན་ལམ་ཞེས་པའི་གླུ་འགྲོས་ལས་ཕ་ཡུལ་བསམ་པ།)
གཡུ་དྲུག་དཀར། རྡ་ས།
ད་ནི་སླར་ཡང་སྟོན་མགོ་ཞིག་ཚུགས་སོང་པས། ས་གཞི་སྐྱ་ཐག་ཐག་དང་རླུང་བུ་གྲང་ཤུར་ཤུར་དུ་གཡུག་པས་ཡིན་ནམ། ང་ཡི་མི་རིགས། ང་ཡི་ཕ་ཡུལ། ཁྱོད་ལ་ཉན་པའི་རྣ་བ། སྨུག་ལོང་འཐིབས་པའི་ལུང་བ་ཆ་གཅིག་ཏུ་འདུག་གོ། ཁྱོད་ལ་གཏད་པའི་སེམས་པ། གྲགས་མེད་འགུལ་མེད་དུ་བསྡད་དེ། ཧ་ཅང་ངུ་སྙིང་འདོད་དོ།།
མྱེ་ལྕེ་འདི་དང་འདིའི་མཇུག་འབྲས།
ཁ་བ་སྐམ་པོ།
བརྗེད་དཀའ་བའི་ཉིས་སྟོང་བཅུ་གཅིག་ལོ་འདི་ནི་ང་ཚོ་བོད་མི་སྤྱི་བོ་གནམ་བསྟན་ཡོངས་ཀྱིས་ཨམ་གཙིགས་སྡོམ་གྱིན་པའི་ལོ་ཞིག་ཡིན་སོང་ལ། ལྷག་པར་བོད་ནང་གི་རྒྱལ་གཅེས་བ་ཚོས་རང་ལུས་མཆོད་མྱེ་རུ་ཕུལ་དང་འབུལ་བཞིན་པ་དང་། ད་དུང་འབུལ་འགྱུར་ཡིན་པ་གསལ་བོ་གསལ་རྐྱང་རང་རེད། འདི་ནི་བོད་མི་ཚོ་ཧ་ཅང་སྡུག་ཐུག་སོང་བ་དང་ཐབས་མེད་སོང་བ་ཡིན་ཏེ། རྒྱ་ནག་གི་བཙན་དབང་འོག་བཟོད་བསྲན་བྲལ་བས་འཚེ་མེད་མཐར་ཐུག་པའི་ལས་འགུལ་འདི་བརྩམ་དང་རྩོམ་གྱིན་པ་རེད། འདི་ནི་བསྐལ་བ་ལྔ་བཅུ་ང་དགུ་ལོར་བོད་ས་ཡོངས་རྫོགས་རྒྱ་ནག་གིས་བཙན་བཟུང་བྱས་ནས་རིམ་པའི་སྙིང་དང་འདྲ་བའི་བླ་ཆེན་དང་སྐྱེས་ཆེན་ཚོ་དངོས་ཤུགས་བརྒྱུད་གསུམ་ནས་གསོད་གཏུབ་འཛིན་གསུམ་བྱས་ནས་ང་ཚོར་བཞག་བའི་སོས་མེད་ཀྱི་རྨ་ཁ་ཞིག་ཡིན་སོང་བ་དེ་རེད།
ཚེ་སྲོག་ཅན་གྱི་སྒྲོན་མེ་དེ་དག་བོད་ཀྱི་རིག་གནས་ཤིག་རེད།
བོན་རྒྱ་བསྟན་འཛིན་རབ་རྒྱས།
༡ བར་ཐག་དེའང་སེམས་པ་སྐྱོ་བའི་སྣོན་མ་ཞིག་རེད།
ཁ་སང་རྔ་བ་ཀིརྟི་དགོན་པའི་གྲྭ་བློ་བཟང་སྐལ་བཟང་དང་བློ་བཟང་དཀོན་མཆོག་གཉིས་ཀྱིས་ཚེ་སྲོག་མཆོད་མེར་སྒྲོན་པའི་གནས་ཚུལ་དེ་ཐོན་རྗེས་སེམས་ལ་རང་བཞིན་གྱིས་བྲེལ་ཤ་ལངས་ཤིང་བཀྲ་བྷེ་དང་། བློ་བཟང་ཕུན་ཚོགས། ཚེ་དབང་ནོར་བུ་བཅས་པ་དུས་གཅིག་ཏུ་མིག་མདུན་ལ་བཅར་ཡོང་བའི་སྣང་བ་ཞིག་ཤར་ཞིང་། གནས་གཅིག་ཏུའང་སྡོད་མི་ཚུགས་པར་ལས་ཁུངས་ནང་ནས་ཡར་འགྲོ་མར་འགྲོ་བྱེད་དགོས་པའི་ཚོད་ལ་གྱུར། དགོང་མོར་མེག་ལོར་ན་མར་མེ་ཁྲོམ་སྐོར་བྱེད་ཀྱིན་ཡོད་པ་གོ་བས་དེ་ལ་ཆེད་སྐྱོད་བྱས། སྐབས་དེར་གསར་འགོད་པ་ཞིག་གིས་བདག་ལ་དེའི་ཐད་བཅར་འདྲི་བྱས་ཤིང་། གནས་ཚུལ་དང་གནས་ལུགས་ལ་བསམ་ཞིང་བསམ་ཞིང་སྐད་ཆ་བཤད་དུས་གློ་སྙིང་མཆིན་གསུམ་དུས་གཅིག་ཏུ་ཡར་ལངས་ཏེ་ངག་གིས་ཀྱང་ཇི་བཞིན་མི་འཁྲོལ་བའི་གནས་སུ་གྱུར།
དེ་ལས་མང་བ་། “ཚེ་སྲོག་ཅན་གྱི་སྒྲོན་མེ་དེ་དག་བོད་ཀྱི་རིག་གནས་ཤིག་རེད།” »
རང་གིས་རང་ཉིད་བསད་པ།
ལོ་ལོན་བསམ་ཤེས།
འདིར་མང་པོ་ཞིག་འབྲི་འདོད་མེད། འབྲི་དགོས་དོན་ཡང་མི་འདུག ཡིན་ན་ཡང་ཚིག་ཉུང་ལ་དོན་བསྡུས་པ་ཞིག་བཤད་ན། བློ་བཟང་སེང་གེ་དང་ཤར་ཕྱོགས་ཁུག་རྟའི་གནད་དོན་དེ་ཨ་མདོ་བ་ཚོས་གཅིག་རྒྱབ་གཅིག་ལངས་བྱས་ནས་དོན་ངོ་མ་ལ་རྫུན་མས་རྒྱས་འདེབས་པ་དང་། དོན་ཆུང་ཆུང་ནས་ཤིན་ཏུ་ཆེན་པོ་ཞིག་བཟོ་བཞིན་འདུག་ཟེར་བ་འདི་ཙམ་ཡིན། ཆབ་བྲག་ལྷ་མ ོ་སྐྱབས་དང་དགེ་འདུན་རབ་གསལ་སོགས་རིག་པ་གྲུང་ལ་ཤེས་ཡོན་ལྡན་པ།
བཀུར་འོས་སྐུ་ཤོ་དཔལ་ལྡན་རྒྱ་མཚོ་མཆོག་ས་གནས་སྦོས྄་ཊོན་དུ་ཕེབས་པ༎
བྱང་ཨ་རིའི་ས་གནས་སྦོས྄་ཊོན་དུ་རྒྱལ་གཅེས་ལྷག་བསམ་ལྡན་པའི་གཞོན་སྐྱེས་ཁ་ཤས་ཤིག་གིས་ཕྱི་ལོ་ ༢༠༠༨ ཟླ་བ་ ༣ ཚེས་པ་ ༡༠ ནས་བཟུང་ད་བར་༧སྐུའི་བླ་གཟའ་རེ་གཟའ་ལྷག་པ་གང་ཡིན་ལ་ཆར་རླུང་ཚྭ་གྲང་གངས་ཚུབ་གང་ཅིར་འཛེམས་མེད་དང་ཆབ་སྲིད་ཀྱི་ལངས་ཕྱོགས་རིགས་མེད་ཐོག་འདི་ག་ས་གནས་སྦོས྄་ཊོན་དུ་ཧར་ཝཊ་(Harvard Square) འཛོམ་ར་ཆེན་མོར་དགོང་དྲོའེ་ཆུ་ཚོད་ ༦ ནས་ ༨ བར་བོད་ཀྱི་རྩ་དོན་དང་བོད་ནང་གི་གནས་སྟངས་རྒྱ་དམར་གཞུང་ནས་བོད་ཐོག་འཛིན་བཞིན་པའི་སྲིད་བྱུས་སོགས་ཡུལ་བསྐོར་སྤྲོ་འཆམས་པ་རྣམས་དང་ལྷག་པར་དུ་ཧར་ཝཊ་གཙུག་ལག་སློབ་གྲྭའི་སློབ་ཕྲུག་རྣམས་ལ་གོ་རྟོགས་སྤེལ་རྒྱུའི་ཡིག་ཆ་སྒྲེམས་སྤེལ་དང་ཆབས་གཅིག་༧རྒྱལ་བའི་ཞབས་བརྟེན་མཎི་ཡིག་དྲུག་སྒྲོལ་མའི་གཟུང་སྔགས་སོགས་འུར་འདོན་གྱི་ལས་འགུལ་བརྩམ་དང་རྩོམ་བཞིན་པར་ཁེ་སང་རེ་གཟའ་ལྷག་པ་ཕྱི་ཚེས་ ༢༦ ལྷག་དཀར་གྱི་དགོངས་དྲོ་ཆུ་ཚོད་…
དེ་ལས་མང་བ་། “བཀུར་འོས་སྐུ་ཤོ་དཔལ་ལྡན་རྒྱ་མཚོ་མཆོག་ས་གནས་སྦོས྄་ཊོན་དུ་ཕེབས་པ༎” »
སྙིང་སྟོབས།
ནམ་མཁའ་ནས།
མཚོན་གྱིས་བསྣུན་ལ་མི་འཇིགས་སྙིང་སྟོབས་ཀྱིས།།
གཞན་སྡུག་རང་གིས་ལེན་པའི་སེམས་བསྐྱེད་སྟེ།།
ལུས་སེམས་འབྲེལ་ཐག་ཆད་ལ་མི་སྐྲག་པའི།།
རྒྱལ་གཅེས་དཔའ་བོ་རྣམས་ལ་སྙིང་ནས་འདུད།།
རྩོམ་སྐུལ་གསལ་བསྒྲགས།
༄༅། །མཁྱེན་དཔྱོད་ཡངས་པའི་རྒྱ་ཆེའི་སྨྱུག་ཐོགས་པ་རྣམ་པའི་སྙན་ལམ་དུ་ཆེད་གསོལ།
འདི་གར༼གསེར་གྱི་གཟེངས་རྟགས༽དུས་དེབ་རྩོམ་སྒྲིག་ཁང་ནས། ༸གོང་ས་༸སྐྱབས་མགོན་ཕྱག་ན་པདྨོ་༸རྒྱལ་དབང་ཐམས་ཅད་མཁྱེན་པའི་ཞལ་སྔ་ནས་ཀྱིས། ཉེ་ཆར་བོད་ཀྱི་ཆབ་སྲིད་ཀྱི་དབུ་ཁྲིད་ལས་བགྲེས་ཡོལ་ཕེབས་གནང་མཛད་པ་དང་། དེ་བཞིན་གནམ་བསྐོས་དགའ་བ་བརྒྱ་ལྡན་ཕོ་བྲང་བ་ཆེན་པོའི་མཚན་གནས་ཕྱིར་བསྡུ་དང་། ཆོས་སྡེ་དང་སློབ་གྲྭ་ཁག་སོགས་སུ་རིགས་གཅིག་རྐང་འཛིན་གྱི་ཆེད་ལས་པ་ཐོན་ཐབས། ཚན་ཆོས་ཟུང་འབྲེལ་གྱིས་རྒྱལ་བསྟན་འཛིན་ཐབས། ༸གོང་ས་མཆོག་གི་བྱམས་བརྩེ་དང་། རྒྱ་གཞུང་གིས་འཁྱོག་བཤད། ༸གོང་ས་མཆོག་གིས་ཞི་བདེའི་ལམ་སྟོན་དང་། རྒྱལ་སྤྱིའི་དགོས་མཁོ། ༸གོང་ས་མཆོག་དང་།གཞིས་ལུས་རྒྱ་ཆེའི་མི་མང་དབར་གྱི་དམ་ཚིག་སོགས་སོ་སྐྱེས་བློ་ཡུལ་ལས་འགོངས་པའི་མཛད་བཞེད་ཁག་གཞིར་བཟུང་ནས་དཔྱད་རྩོམ་དང་། བརྗོད་དོན་དེ་མཚུངས་རྒྱལ་ཕྱི་ནང་གི་རྩོམ་ཡིག་གྲགས་ཅན་བསྒྱུར་རྩོམ། བསྟོད་རྩོམ། དེ་བཞིན་༸རྒྱལ་དབང་སྐུ་ཕྲེང་རིམ་བྱོན་དང་འབྲེལ་བའི་ཆེད་རྩོམ་རྒྱལ་བ་དགྱེས་པའི་མཆོད་སྤྲིན་དུ་འགྱུར་ངེས་དག་མྱུར་མགྱོགས་ངང་ཕྱིཟླ་༡༢ པའི་ཚེས་ཤར་ཚུན་འགྱངས་མེད་གནང་སྐྱོང་ཡོང་བའི་སྐྱབས་འཇུག་ཞུ་རྒྱུ་དང་། དེ་ཡང་རྩོམ་ཡིག་དང་འབྲེལ་ནས་རྩོམ་པ་པོ་སོ་སོའི་ལོ་རྒྱུས་ཉུང་ངུ་རེ་དང་། སྐུ་པར། ཁ་པར་གྱི་ཨང་གྲངས་བཅས་བསྐུར་རོགས།
རྩོམ་ཡིག་གི་མ་ཕྱི་རང་གིས་ཉར་ཚགས་གནང་དགོས་པ་ལས་རྩོམ་སྒྲིག་ཁང་ནས་ཕྱིར་འབུལ་རྒྱུ་མིན་པས་ཐུགས་ལ་འཛིན་པར་ཞུ།
སེང་གེའི་སྡེར་མོ།-གླེང་མི་འོས་པ་ཞིག་གླེང་བ།
དགེ་འདུན།
——–
མེ་ལྕེ་ཞིག་མཆེད། མེ་ལྕེའི་ཚ་ཚད་ནི་ཧ་ཅང་ཚད་མཐོ་པོ་ཞིག་རེད། ཐབ་ན་འབར་བཞིན་པའི་མེ་དེའི་ཚ་ཚད་ལས་ཀྱང་བརྒལ་འདུག མེ་ཚ་བོ་དེའི་དཀྱིལ་དེ་སྣུམ་གྱིས་ཁེངས། སྣུམ་དེ་དཔའ་བོའམ་དཔའ་མོ་ཞིག་གི་སྐུ་ལུས་ལ་སིམ། དེས་དྲངས་པའི་མེ་ལྕེ་དེ་དག་ནི་ཡོམ་ཡོམ་གྱིས་མཆེད། ལྷོག་ལྷོག་ཏུ་མཆེད། བ་སྤུ་ཞིག་མེས་ཚིག་པའི་ན་ཟུག་ཀྱང་བཟོད་དཀའ་བ་རེད། འོན་ཀྱང་མེ་ལྕེས་ལག་པ་འཚིག མེ་ལྕེས་རྐང་པ་ཚིག མེ་ལྕེས་རྣ་བ་དང་མིག་འབྲས་ཀྱང་འཚིག དབང་པོ་རེ་རེ་འཚིག་སྐབས་མེ་ལྕེས་སྤྲད་པའི་ན་ཟུག་ནི་བཟོད་དཀའ་བ་ཞིག་རེད། ཡན་ལག་རེ་རེ་ནས་འཚིག་སྐབས་མེ་ལྕེས་མཆེད་པའི་ན་ཟུག་ནི་བཟོད་དཀའ་བ་ཞིག་རེད། མིའི་གཤིས་ཀའི་ཐོག་ནས་ངུ་ངག་འདོན་པ་ནི་ ཨ་ཚ་ཚ་ ཞེས་པ་དེ་ཡིན། འོན་ཀྱང་དཔའ་བོ་དང་དཔའ་མོ་ཚོའི་ངུ་ངག་ནི། “བོད་རང་དབང་རང་བཙན་གཙང་མ་ཡིན།” “༧རྒྱལ་བ་བསྟན་འཛིན་རྒྱ་མཚོ་སྐུ་ཚེ་ཁྲི་ལོར་བརྟན་པར་ཤོག” ཅེས་སོགས་རེད། འདི་ནི་སྤུན་ཟླ་བཅུ་གྲངས་ཤིག་མེས་འཚིག་པ་མ་རེད། འདི་མི་རིགས་ཤིག་མེས་འཚིག་པ་རེད། དེའི་རྐྱེན་གྱིས་ བོད་དང་ཕྱི་རོལ་གྱི་འཇིག་རྟེན་གང་ཡིན་ལ་གནས་བཅས་པའི་བོད་མི་ཡོད་དོ་ཅོག་གི་སེམས་འདི་མེ་ལྕེ་ལ་མཆེད། དཔའ་མོ་དང་དཔའ་བོས་མྱངས་པའི་ན་ཟུག་དེ་སྒོམ། མིག་མཐའ་མཆི་མས་གཡོགས། མཆི་མ་དེ་ཡང་ས་སྣུམ་ཞིག་དང་མཚུངས། མེ་ལྕེ་དྲག་ཏུ་མཆེད་པའི་རྒྱུར་གྱུར། འདི་ནི་ད་ལྟའི་བོད་ཀྱི་སེམས་ཁམས་རེད།
དེ་ལས་མང་བ་། “སེང་གེའི་སྡེར་མོ།-གླེང་མི་འོས་པ་ཞིག་གླེང་བ།” »
མདོ་སྨད་རྔ་པ་ཕྱོགས་ཀྱི་གནས་ཚུལ་འགའ་ཞིག
ཕྱི་ལོ་ ༢༠༡༡ ཟླ་ ༡༠ ཚེས་ ༢༧ ལ་གནས་ཚུལ་འབྱོར་བར་ཉིན་ཤས་སྔོན་རྔ་པ་རྫོང་རྔ་སྟོད་ཨ་འདུས་གཤོང་བའི་ཝོ་ཁ་ཚང་གི་རྔ་པ་ཀིརྟི་དགོན་པའི་གྲྭ་བློ་གྲོས། རང་ལོ་ ༣༦ ཙམ། ཕ་མིང་གདུགས་ཁོ་ཡིན་པ་ཁོང་འཛིན་བཟུང་བཀག་ཉར་བྱས་ཡོད་ཀྱང་། ད་ཆ་གར་ཡོད་སོགས་ཀྱི་གནས་སྟངས་འབྲེལ་ཡོད་ཚོས་ཤེས་རྟོགས་ཡོང་གི་མེད་པར་མ་ཟད། འཛིན་བཟུང་བྱེད་དགོས་པའི་རྒྱུ་མཚན་ཡང་འདི་ཡིན་གསལ་བཤད་གང་ཡང་བྱས་མེད་འདུག
དེ་བཞིན་འདི་ཟླའི་ཟླ་སྟོད་ཙམ་ལ་རྔ་པ་རྫོང་ཇོ་ལེབས་སྡེ་བའི་སྟག་ཀ་ཚང་གི་ཟླ་བ། རང་ལོ་ ༣༩
དུས་རབས་ཀྱི་ང་ཞེས་པའི་དུས་དེབ་ཀྱི་རྩོམ་སྒྲིག་པ་ཁོང་ལ་རྔ་པ་ཁུལ་གྱི་ལྟེ་གནས་འབར་ཁམས་ནས་ལོ་ ༣ གྱི་དུས་བཀག་བཙོན་འཇུག་གི་ཐག་གཅོད་བྱས་ཡོད་འདུག ཁོང་ཕྱི་ལོ་ ༢༠༡༠ ཟླ་ ༡༠ ཚེས་ ༡ ཉིན་རྔ་པ་ཁུལ་གྱི་བདེ་འཇགས་མི་སྣས་རྒྱ་ནག་གི་གྲོང་ཁྱེར་ཁྲིན་ཏུའུ་ནས་འཛིན་བཟུང་བྱས་པ་ནས་ད་བར་ཐག་གཅོད་གང་ཡང་མ་བྱས་པར་བཞག་ཡོད་འདུག ཁོང་རྔ་པའི་གྲོང་སྡེའི་སློབ་གྲྭ་ཞིག་གི་དགེ་རྒན་ཡིན་ཞིང་། ལས་ཞོར་དུ་དུས་རབས་ཀྱི་ང་རྩོམ་སྒྲིག་གི་ལས་ཀ་གནང་བཞིན་པ་དང་། ཁོང་དང་ལས་རོགས་དག་གིས་རྔ་པའི་ནང་ལ་རིག་གཞུང་བགྲོ་གླེང་མང་པོ་གོ་སྒྲིག་གནང་མྱོང་ཡོད་འདུག ཁོང་འཛིན་བྱེད་དགོས་པའི་རྒྱུ་མཚན་གསལ་པོ་ཤེས་རྟོགས་མ་ཐུབ་མེད། ཉིན་ཤས་གོང་གཟའ་ཟླ་དང་ཕྲུ་གུ་བཅས་ཕན་ཚུན་མཐོང་ཙམ་གྱི་གོ་སྐབས་སྤྲད་ཡོད་ཀྱང་སྐད་བཤད་རྒྱུའི་གོ་སྐབས་མེད་ཅིང་། ཁོང་སྐུ་སྒེར་དྲུང་ཆེ་རྔ་པ་ཚེ་རྒྱམ་གྱི་སྤུན་ཡིན་འདུག
བྱང་ཆུབ་སེམས་མཆོག་དང་བོད་མི།
ཨ་རིག་དགེ་མཐོང་།
ཉེ་ཆར་ཁོ་བོ་བཀའ་སྤྱིའི་ལས་འགུལ་ལ་དྭང་བླངས་སྒོ་ནས་མཉམ་ཞུགས་བྱས་ཡིན། སྐབས་དེར་ཚོར་སྣང་དག་ནི་གཅིག་རྗེས་གཉིས་མཐུད་བྱས་ཏེ་བསླེབས་ཡོང་གིན་འདུག་ལ། སོ་སོའི་འདོད་ཚུལ་ལྟར་ན་བཀའ་སྤྱི་དང་གཞུང་གིས་ལས་འགུལ་འདི་ལྟ་བུ་ལས་ཅི་བྱེད་སྙམ་པ་སྐྱེས་སོང་། ལས་འགུལ་གྱི་ངོ་བོ་དང་རྣམ་པ་སྔར་བཞིན་རེད་ལ། སྔོན་མའི་ཚོགས་སྡེ་དག་གི་ལས་འགུལ་དང་མ་འདྲ་བའི་ཆ་ནི་སྐུ་མགྲོན་གལ་ཆེན་བཞི་བཅུ་ལྷག་ཅིག་གི་གསུངས་བཤད་དང་བོད་དོན་གླེང་བ་དེ་རེད། དེའི་ནང་དུ་གྲོས་ཚོགས་གོང་འོག་གི་གནད་ཡོད་མི་སྣ་དང་མངའ་སྡེ་བློན་ཆེན་ཟུར་བ། གྲགས་ཆེན་གསར་ཤོག་གྱི་རྩོམ་སྒྲིག་པ་ཟུར་བ་དང་གསར་འགོད་པ་རྙིང་གྲས། རྒྱུན་ལྡན་བོད་དོན་དུ་ལས་འགུལ་གང་བྱས་ལ་རྒྱབ་སྐྱོར་དང་མཉམ་ཞུགས་གནང་མཁན་གྱི་རིགས་ཚོ་རེད།
འགྲོ་བ་མི་ཞིག་བྱེད་པའི་ཆ་རྐྱེན་ལ་ང་ཚོ་ཚང་མ་འགན་ཡོད།
བོད། ལྷ་ཀླུ་གཉན་གསུམ།
འགྲོ་བ་མི་ཟེར་ནས་འོང་དུས། འཛམ་གླིང་འདིར་སྐྱེ་བའི་འགུལ་བསྐྱོད་ཅན་གྱི་ནུས་པ་ལྡན་པའི་སྲོག་ཆགས་གཞན་དག་ལས་ཁྱད་དུ་འཕགས་པ་ཞིག་ཡིན་ལ། དེ་ནི་ཟ་ཤེས་པ་དང་འཐུང་ཤེས་པ། ཉལ་ཤེས་པ་དང་འགྲོ་ཤེས་པ་ཙམ་མ་ཡིན། མཐོ་རིམ་སྲོག་ཆགས་ཤིག་སྟེ། འགྲོ་བ་མི་ཞེས་པའི་ཀླད་པའི་འཁོར་ནུས་ལ་འབུར་ཐོན་རང་བྱུང་གི་ཁྱད་ཆོས་ཡོད་པ། བདེ་སྡུག་རང་བྱུང་གི་དགོས་འདོན་ཆེ་བ། སྨྲ་ཤེས་པ་དང་དོན་རྟོགས་པ་ཞིག་ཡིན་དུས། སྐད་ཡིག་དང་གོམ་གཤིས་གང་དུ་སྐྱེ་བའི་མི་རིགས་སུ་ཞིག་ཡིན་ཡང་།
དེ་ལས་མང་བ་། “འགྲོ་བ་མི་ཞིག་བྱེད་པའི་ཆ་རྐྱེན་ལ་ང་ཚོ་ཚང་མ་འགན་ཡོད།” »
བོད་མི་ཚོར་སྤྲིངས་པའི་སེམས་འཕྲིན།
ཤར་ཕྱོགས་ཁུག་རྟ།
——
ལོ་འདིའི་ཟླ ༣ ཚེས ༡༦ ནས་དེ་རིང་ཟླ ༡༠ ཚེས ༢༧ བར་ཕ་ཡུལ་གངས་ཅན་ལྗོངས་སུ་རྒྱལ་གཅེས་དཔའ་བོ་དཔའ་མོ་བཅུས་རང་ལུས་མེར་སྲེག་གི་གནས་ཚུལ་བྱུང་བ་དང་། གསེར་རྟ་ནས་ཞི་བའི་སྐད་འབོད་བྱེད་མཁན་ཚོར་མེ་མདའ་རྒྱབ་སྟེ་ཡན་ལག་གཅོད་དགོས་བྱུང་བ་དང་ཚེ་དབང་སྐྱིད་སོགས་བཙོན་འཇུག་བྱས་པ། ལྷ་སར་སྡེ་དགེ་རྫོགས་ཆེན་སྟོབས་ལྡན་གྱིས་ཁྲི་ཟུར་འཇུ་ཆེན་ལགས་ཀྱི་ཞེ་དགུའི་མཆོད་འབུལ་ཙམ་ཡང་བྱས་མ་ཆོག་པར་བཙོན་འཇུག་བྱས་པ། དེ་བཞིན་བཀུར་འོས་རྩོམ་པ་པོ་གྲགས་ཅན་མེ་ལྕེ་ལགས་དང་ངྷི་ཚ་དགོན་གྱི་དགེ་བཤེས་རྨོག་རུ་ཚུལ་ཁྲིམས་རྣམ་གཉིས་རིག་གནས་ལས་དོན་གནང་བཞིན་པའི་སྐབས་སུ་རྒྱ་གཞུང་དམག་མིས་བཙན་ཁྲིད་བྱས་པ་སོགས། ༢༠༠༨ ནས་ཉི་མ་དེ་རིང་བར་རང་རེའི་གངས་ཅན་པ་རྣམས་སྔར་ལས་ཉིན་གཅིག་ལའང་སེམས་བག་ལྷོད་པོ་བྱུང་མ་མྱོང་བའི་སྐབས་འདིར། ཕྲན་ཡང་ཚོར་བ་དེ་དག་གི་སྒུལ་ཤུགས་འོག་དེང་རབས་ཀྱི་ཁྱད་ཡོན་བླ་ན་མཐོ་བའི་བཀའ་ཁྲི་གསར་བར་རང་ནུས་མཉམ་སྤུངས་ཀྱི་ལྷག་བསམ་ཀུན་ནས་བསླངས་ཏེ་སེམས་ཚོར་ཡིག་གཟུགས་སུ་བྲིས་པ་ཁ་རྒྱ་ནག་ཏུ་གཏད་པ་རང་གཞུང་ལན་འདེབས་དྲ་བར་གསལ་བ་དེ་དག་དང་། ཁ་ནང་དུ་གཏད་པ་༼ བཀའ་བློན་འདི་གཉིས་ཀྱིས་ངར་༧པཎ་ཆེན་རིན་པོ་ཆེ་དྲན་བཅུག་སོང་༽ཞེས་པ་དང་༼ སེང་གེའི་བཀའ་ཤག་གི་མདུན་ལམ་༽བཅས་བོད་མི་ཚོར་བསམ་འཆར་གྱི་ཚུལ་དུ་ཕུལ་བ་ཡིན།
བསམ་ཚུལ་ཡིན་དཱ།
སྙན་བཟང་གཡུང་དྲུང་ཚེ་རིང་།
———-
ཉིན་འགའི་གོང་དུ་ལི་བྷི་ཡའི་དྲག་སྤྱོད་པ་ཚོས་རང་གི་སྲིད་འཛིན་ལ་མེ་མདའ་སྐག་སེ་བརྒྱབ་ནས་བསད་སོང་། ཁྲག་དམར་ལྷོག་ལྷོག་ཏུ་བཞུར་བ་མཐོང་། ཊུ་ནི་ཤ་ཡའི་སྲིད་འཛིན་དང་ཨི་ཇུབ་ཀྱི་འགོ་འཁྲིད་གཉིས་ཀྱིས་ཀྱང་སྲིད་དབང་བློས་བཏང་མེད་ན་ཚེ་བཙོན་དང་དམར་གསོད་གཉིས་ཀྱི་ལམ་ཁ་གང་རུང་ཞིག་ལས་གཞན་མེད་པ་རེད། ད་དུང་ཡང་ཨ་རབ་ཏུ་གསར་བརྗེའི་མེ་ལྕེ་མུ་མཐུད་དུ་འབར་གྱིན་འདུག འདི་ལས་གསལ་པོ་ཞིག་མཐོང་བ་ནི། ‘‘གསར་བརྗེ་’’ནི་མི་མང་གི་སྟོབས་ཤུགས་ཀྱིས་སློང་དགོས་པ་དང་། གསར་བརྗེ་ལ་བརྟེན་ནས་མི་མང་གི་རེ་འདུན་ཀྱང་རྣམ་པར་རྒྱལ་བཞིན་པ་དེ་རེད།
ནོར་བུ་གླིང་གར་མར་མེའི་ཁྲོམ་སྐོར་བྱས་པ།
མཁོ་སྤྲོད་པ་སྤྱན་ཆབ།
སྤྱི་ཟླ༡༠ཚེས་༢༧ཉིན་ནོར་བུ་གླིང་གར་གནས་བསྡོད་ཆབ་སྲིད་བཙོན་ཟུར་ཕུན་ཚོགས་ཚེ་རིང་ལགས་གཙོས་རྒན་བློ་གྲོས་རྒྱ་མཚོ་མགོན་པོ་གསུམ་གྱིས་མ་སྐུལ་དང་བླང་གིས་ཚེས་༢༥ཉིན་རང་ལུས་མེར་མཆོད་བཏང་བའི་ཁམས་དཀར་མཛེས་དགོན་ཆེན་གྱི་གྲྭ་ཟླ་བ་ཚེ་རིང་ལགས་གཙོ་བྱས་བོད་ནང་གི་རྒྱལ་གཅེས་དཔའ་བོ་དཔའ་མོ་རྣམ་པར་དང་གདུང་སེམས་མཉམ་སྐྱེད་དུ་གཞི་རྒྱ་ཆེ་བའི་མར་མེའི་ཁྲོམ་སྐོར་བཀོད་སྒྲིག་བྱས་འདུག
སེང་གེ་བློ་བཟང་དང་བྱེའུ་ཁུག་རྟ།
གསལ་ལེ་རྒྱལ།
སེང་གེ་བློ་བཟང་ལགས་གཅན་གཟན་དང་རི་དྭགས་ཀུན་གྱི་རྒྱལ་བོར་འོས་བའི་གྲོས་མཐུན་བྱུང་བ་ནས་བཟུང་། ཁོས་ཁྲི་ཐོག་ནས་འཕྲེང་བ་བཟུང་སྟེ་མ་ནི་འདོན་ཁུལ་གྱིས་ཁ་མུར་མུར་བྱས། དེ་ནི་སེང་གེའི་འཁྲབ་ཚན་ཞིག་ཡིན་པ་གཅན་གཟན་ཚང་མས་ཤེས་ཀྱིན་ཡོད་ནའང་རི་དྭགས་ཉམས་ཆུང་ཚོས་ཤེས་ཀྱིན་མེད་ལ་བྱ་བྱེའུ་འབའ་འབུ་ཚོས་དེ་བས་ཀྱང་ག་ལ་ཤེས།
བྱེའུ་ཁུག་རྟས་སེང་གེ་བློ་བཟང་ཚང་གི་ལྷས་རའི་ནང་ནས་བྱེའུ་ཚང་བཅས་ཏེ་རང་ལའང་རྒྱལ་བོ་དང་མགོན་སྐྱབས་ཡོད་པའི་ངོམས་སོ་བྱས། ཡིན་ནའང་ཁོས་རང་གི་ཁ་ནང་ནས་གྲག་གིན་པའི་ཅ་ཅོ་དེ་དག་གིས་སེང་གེ་བློ་བཟང་གི་ལྷིང་འཇགས་སྐྲོག་གིན་པ་ད་དུང་ཤེས་མེད་ལ་སེང་གེ་བློ་བཟང་གིས་ཀྱང་དེ་ནི་ཞོགས་པའི་ཅོང་བརྡ་ཙམ་གྱི་ཚབ་ཏུ་བཟུང་ཡོད། ཡིན་ནའང་ནང་མོ་དེར།
ལྷ་ཡུལ་གྱི་གླེང་མོལ།
བསམ་གླིང་ཚེ་རིང་ལྷ་མོ།
མེ་ལྕེ་དེ་དག་ནི་སྡུག་བསྔལ་དང་སྡིག་སྒྲིབ་སྲེག་པའི་མེ་ལྕེ་ཞིག་ཡིན་པ་ལས་མེ་མུར་གྱི་རླུང་ཞིག་ག་ལ་ཡིན། རླབས་ཆེན་གྱི་མེ་ལྕེ་འདིས་འདས་ཟིན་པའི་སྨེ་བཙོག་ཐམས་ཅད་སྲེག་པར་བྱེད། འགྲན་ཟླ་བྲལ་བའི་མེ་ལྕེ་འདིས་ལྗན་ལྗིན་ཡོད་ཚད་རྨེག་མེད་དུ་གཏོང་ལ། སུམ་བཅུ་རྩ་གསུམ་གྱི་ལྷ་ཡུལ་ལའང་འཇིག་སྣང་བསྐུལ་སོང་ཞེས་ལྷ་ཕྲུག་གཞོན་ནུ་ཞིག་གིས་བཤད།
སྐབས་དེར་ལྷ་ཕྲུག་གཞོན་ནུ་གཞན་འགའ་རེས་དེ་ལྟར་བཤད། ནམ་རྒྱུན་ཡིན་ན་བསྐལ་པ་འཇིགས་པའི་དུས་འདིར་འབྱུང་བ་མེས་འཇིག་ཆུས་འཇིག་ཞེས་བཤད་སྲོལ་འདུག་ཀྱང་། དེང་གི་དུས་འདིར་བསྐལ་པ་འཇིག་པའི་དུས་མ་ཡིན་ཞེས་བཤད་པས་ལྷ་ཕྲུག་གཞོན་ནུ་གཞན་ཞིག་གིས། བསྐལ་བ་སྙིགས་མ་བདོ་བའི་དུས་དེར་བདག་ཅག་གི་ཡུལ་འདིར་མི་ཡུལ་ནས་ཐད་ཀར་མེ་ལྕེའི་འཁོར་ལོ་གཞོན་ཏེ་ཕེབས་མཁན་ཞིག་མེད་ཟེར།
དབུགས་གླིང་རྒྱང་འབུད་ཀྱི་ངོ་རྒོལ།
མཁོ་འདོན་པ།སྦྲ་རིགས་ཐོགས་མེད།
(པར་རིས་གསར་འགྱུར།)
ཉེ་ཆར་(༢༤/༡༠/༢༠༡༡)ལྡི་ལི་བོད་ཀྱི་མཐོ་རིམ་སློབ་མ་ཚོས་མཉམ་འབྲེལ་རྒྱལ་ཞཽགས་ཀྱི་ལྡི་ལི་ཡན་ལག་ལས་ཁུངས་མདུན་དུ་དགོས་འདུན་དོན་ཚན་གསུམ་གྱི་འོག་ངོ་རྒོལ་སྐད་འབོད་བྱས་རྗེས། ས་གནས་འབྲེལ་མཐུད་པ་བརྒྱུད་སྙན་ཞུའི་ཡིག་ཆ་ཁག་ཐད་ཀར་རྒྱལ་ཚོགས་ཀྱི་དྲུང་ཆེ་མཆོག་ལ་ཕུལ་ཐུབ་པ་བྱུང་ཡོད། གཤམ་གྱི་འདྲ་པར་ཁག་ནི་ཉིན་དེའི་ངོ་རྒོལ་བྱེད་སྟངས་ཀྱི་རྣམ་པ་ཁག་ཡིན་ལ་ངོ་རྒོལ་བྱེད་ཚུལ་དེ་ལ་དབུགས་གླིང་རྒྱང་འབུད་ཀྱི་ངོ་རྒོལ་(whistle blowing Protest)་ཅེས་སུ་འབོད།
སྟོན་གྱི་སྨེང་གླུ།
བསམ་གླིང་ཚེ་རིང་ལྷ་མོ།
མཁའ་དབྱིངས་སྨུག་པས་བཏུམས་སོང་།།
ས་གཞི་རྡུལ་གྱིས་བཏུམས་སོང་།།
རྒྱུ་སྐར་ཉི་ཟླའི་ལས་དབང་།།
སུས་ཀྱང་ཤེས་ཐབས་མི་འདུག
བོད་ཡུལ་རྒྱ་ཡིས་བཏུམས་སོང་།།
དགོན་སྡེ་དམག་གིས་བཏུམས་སོང་།།
རྒྱལ་གཅེས་དཔའ་བོའི་ལས་དབང་།།
ཤེས་ཐབས་ཁག་པོ་ཆགས་སོང་།།
དཔལ་ལྡན་བཀའ་བློན་ཁྲི་པ་འབུམ་རམས་པ་སྐུ་ཞབས་བློ་བཟང་སེང་གེ་མཆོག་གི་དྲུང་དུ།
རྩོམ་པ་པོ་བློ་བཟང་ཆོས་འབྱོར་གྱིས།
ཕྲན་ནས་ཉེ་སྔོན་དུས་བབ་དྲ་ངོས་སུ་༼ སེང་གེའི་བཀའ་ཤག་གི་མདུན་ལམ ༽་ཞེས་པའི་རྩོམ་ཡིག་ཅིག་སྤེལ་བ། རང་ངོས་ནས་ལྷག་བསམ་རྣམ་དག་གིས་ཆབ་སྲིད་དཔྱད་གཏམ་དུ་བྲིས་པ་ཉག་ཅིག་ཡིན་ཡང་། ལས་བྱེད་པའི་བླང་དོར་སྒྲིག་གཞི་དང་འགལ་འཛོལ་བྱུང་བའི་བཀའ་ཡིག་འབྱོར་སོང་བས། ཕྲན་རང་ལས་བྱེད་བླང་དོར་སྒྲིག་གཞིའི་ཐད་ཤེས་རྟོགས་གང་ཡང་མེད་པས་དེ་འགལ་རིགས་ལ་སྙིང་ནས་དགོངས་སེལ་ཞུ་རྒྱུ་ཡིན། དེ་བཞིན་རྩོམ་ཡིག་དེར་རང་གི་བློ་མིག་ཉམས་ཆུང་གིས་མ་མཐོང་མ་རྟོགས་པའི་ཆ་ཤིན་ཏུ་མང་བ་ཆོས་ཉིད་དུ་གྲུབ་ཀྱང་། ཀུན་སློང་དང་དམིགས་ཡུལ་གཙང་མ་གཙང་རྐྱང་ཡིན་པའང་དོ་གལ་ཆེན་པོས་ཞུ་བཞིན་ཡོད།
དེ་ལས་མང་བ་། “དཔལ་ལྡན་བཀའ་བློན་ཁྲི་པ་འབུམ་རམས་པ་སྐུ་ཞབས་བློ་བཟང་སེང་གེ་མཆོག་གི་དྲུང་དུ།” »
རྒྱལ་གཅེས་དཔའ་བོ་ཁམས་དཀར་མཛེས་དགོན་པའི་གྲྭ་ཟླ་བ་ཚེ་རིང་ལགས་ཀྱི་གནས་སྟངས།
༼བོད་ཀྱི་དུས་བབ་དྲ་ངོས་ནས་འདྲེན་བཀོད་ཞུས༽
ཁམས་དཀར་མཛེས་དགོན་གྱི་གྲྭ་ཟླ་བ་ཚེ་རིང་ལགས་ཀྱིས་རང་ལུས་མེར་བསྲེགས་བཏང་རྗེས། དགེ་འདུན་པ་དང་མི་མང་ཚོས་སྨན་ཁང་དུ་ཁྲིད་དེ་སྨན་བཅོས་ཕྲན་བུ་བྱས་ནས་ཕྱིར་དགོན་ནང་དུ་ཕེབས་ཡོད་འདུག
དེ་ལས་མང་བ་། “རྒྱལ་གཅེས་དཔའ་བོ་ཁམས་དཀར་མཛེས་དགོན་པའི་གྲྭ་ཟླ་བ་ཚེ་རིང་ལགས་ཀྱི་གནས་སྟངས།” »
