ཆབ་བྲག་ལྷ་མོ་སྐྱབས།

༢༠༡༡།༡༠།༡༢ཉིན་བཀའ་ཤག་ལན་འདེབས་ཚོགས་ཆུང་གི་ཚོགས་གཙོའི་མཚན་ཐོག་ནས། ཤར་ཕྱོགས་ཁུག་རྟ་ལགས་ཀྱི<སེང་གེ་བཀའ་ཤག་གི་མདུན་ལམ>ཞེས་པའི་དཔྱད་རྩོམ་དེ་གཞུང་ཞབས་ལས་བྱེད་ཀྱི་སྒྲིག་གཞི་དང་འགལ་འཛོལ་བྱུང་བས་ཁོང་ཉིད་ལས་བྱེད་ཁོངས་ཉིན་གླའི་ངོ་བོར་ཕྱག་ལས་གནང་བཞིན་པ་དེ་ཡང་མི་ཆོག་པའི་བཀོད་ཁྱབ་ཅིག་གསལ་བཤད་དམ་ཉེན་བརྡའི་སྔོན་འགྲོ་གང་ཡང་མེད་པར་གློ་བུར་འབྱོར་འདུག
དེ་ལ་རྩོམ་པ་པོའི་ངོས་ནས་དགོངས་པ་ཆེ་བཞེས་ཀྱིས་དགོངས་སེལ་དང་གསལ་བཤད་སྙན་ཞུ་ཞིག་ཕུལ་བར་མ་ཟད། བཀའ་བློན་ཁག་ཅིག་གི་མདུན་སར་བཅར་ནས་ཀྱང་གསལ་བཤད་གནང་འདུག ལྷག་པར་བཀའ་ཁྲིའི་སྒེར་དྲུང་བརྒྱུད་ཐེངས་གསུམ་ལ་བཀའ་ཁྲི་དངོས་ལ་དེ་དོན་གསལ་བཤད་ཀྱི་གོ་སྐབས་ཞུས་ཀྱང་བཀའ་ཁྲིས་ཐག་བཅད་ཟིན་པས་འགྱུར་བ་མེད་ཅེས་མཇལ་འཕྲད་གནང་མི་འདུག

དེ་ལས་མང་བ་། “ཤར་ཕྱོགས་ཁུག་རྟའི་འཕུར་ལམ་བཀག་པ།” »

སློབ་དཔོན་འཇིགས་མེད་བློ་གྲོས་རྒྱལ་མཚན།
སྤོབས་པ་མཐའ་ཡས་ལགས་སུ། ཉིད་ཀྱི་དྲི་བ་དེ་ཉིན་ཤས་སྔོན་ནས་མཐོང་སོང་ཡང་། དེ་རིང་གི་བར་དུ་ལན་འབུལ་རྒྱུའི་དུས་ཚོད་མ་བྱུང་བར་དགོངས་པ་མ་ཚོམས་རོགས་ཞུ། དེ་བཞིན་ལ་སྟོད་བུ་ལགས་ཀྱིས་མཆན་འདེབས་མཁན་རྣམས་ལ་མཐོང་ཆུང་མ་བྱེད་པར་ལན་འདེབས་རོགས་གསུངས་འདུག་ཀྱང་། མཐོང་ཆུང་ག་ལ་ཡིན་ཏེ་ཉིན་འདི་དག་གི་རིང་ཐ་ན་ངལ་གསོ་ཡག་པོ་ཞིག་ཀྱང་རྒྱག་ལོངས་མ་བྱུང་བས་ལན་འབྲི་རྒྱུའི་དུས་ཚོད་བྱུང་མ་སོང་ལགས། དེ་རིང་གཟའ་སྤེན་པ་ཡིན་ཡང་ཞོགས་པའི་ཆུ་ཚོད་བརྒྱད་པ་ནས་ཡིག་ཆ་ཞིག་གི་ཆེད་དུ་གཞུང་གི་ལས་ཁུངས་ཁག་ཏུ་སོང་སྟེ་ཉིན་གང་པོར་བསྒུགས་པ་དང་། དགོང་མོའི་ཆུ་ཚོད་དྲུག་པའི་ཐོག་གཟོད་ཁྱིམ་དུ་སླེབས་ཐུབ་པ་ཙམ་བྱུང་། ཁར་སང་ཁར་ཉིན་ཡང་གཅིག་མཚུངས་ཡིན།

དེ་ལས་མང་བ་། “སྤོབས་པ་མཐའ་ཡས་སོགས་ཀྱི་དྲིས་ལན།” »

རིག་འབྱུང་རྒྱ་མཚོ།

སྐུ་ལུས་མེ་རུ་སྒྲོན་པའི་གཅིག་རྗེས་གཉིས་མཐུད་ཀྱི་གནས་ཚུལ་འདིས་བོད་མི་མང་པོ་ཞིག་གི་སེམས་ལ་བཟོད་བརླགས་མེད་པའི་ན་ཚ་དང་འདག་ཏུ་མེད་པའི་རི་མོ་བརྐོས་བ་མ་ཟད། གྲངས་ཉུང་གི་སྟེང་དུ་སྐྱེས་སྲོག་བརླགས་པས་ཆེས་འཁུར་དུ་དཀའ་བའི་འཕང་སེམས་ཀྱི་འཁུར་བོ་ཞིག་ཡིན་པ་དུང་ཞེན་མཁན་སུ་ཞིག་ཡོད། ཕྲན་ལ་ཡང་གནས་ཚུལ་འདིས་མནར་གཅོད་བཏང་པ་ཉུང་ཉུང་མིན། འོན་ཀྱང་། ཁོང་ཚོས་ལུས་སྲོག་བློས་བཏང་གི་རླབས་ཆེན་གྱི་ལུས་འགུལ་འདི་ནི་ས་ཡ་དྲུག་གི་ཚེ་སྲོག་ཆགས་འཇིག་ལས་སྐྱོབས་ཆེད་རེད་ལ། བོད་འདི་དུད་འགྲོ་ལྟར་ཅི་ལྟར་བཀོལ་བཀོལ་ཆོག་ཆོག་ཅིག་མིན་པ་བཟང་ངན་གྱི་དབྱེ་བ་ཤེས་ཤིང་། ཕྲལ་ཕུག་གི་བདེ་སྡུག་ངོས་ཟིན་མཁན་ཞིག་ཡིན་པ་མ་ཟད། རླབས་ཆེན་གྱི་བྱ་བཞག་ཆེད་དུ་ཡོད་ཚད་བཏང་ཐུབ་ཅིང་།

དེ་ལས་མང་བ་། “མེ་རུ་སྒྲོན་པའི་ཚེ་སྲོག་གིས་སྤྲད་པའི་མྱོང་སྣང་།” »

བོད། ལྷ་ཀླུ་གཉན་གསུམ།
་་་་་་་་་་་་་་་་་་་་་་མྱ་ངན་གྱི་ལོ།

བོད་ཀྱི་ཐུན་མོང་མ་ཡིན་པའི་སྲོལ་རྒྱུན་དུ། རང་གི་ཕ་མ་དང་ནང་མི་ཞིག་གྲོངས་ཚེ། ལོ་དེར་ལོ་སར་མི་གཏོང་བ་དང་གོས་གསར་བ་མི་གྱོན་པ། དགའ་སྤྲོའི་གླུ་མི་ལེན་པ། སྐྱིད་པའི་བྲོ་མི་འཁྲབ་པ། སྡིག་སྤངས་དགེ་སྒྲུབ་ལ་འབད་འབུངས་བྱེད་སྲོལ་ཡོད་པ་རེད། དེ་ཡིན་དུས་བོད་མི་སྐྱེ་བོ་ཡོངས་ཀྱིས་རང་ཉིད་བོད་མི་ཞིག་ཡིན་པ་དང་བོད་མི་ཞིག་གིས་བོད་མིའི་འགན་ལེན་པར་འདོད་མོས་ཡོད་མཁན་དག་གིས། ད་ལོའི་ལོ་འདི་ཡང་ལོ་ནག་གམ་མྱ་ངན་གྱི་ལོ་ཞེས་ལོ་སར་མི་བྱེད་པར། སྤྱིན་གཏོང་དང་དགེ་བའི་ལས་ལ་འབད་འབུངས་བྱས་ནས། དཀར་པོའི་ཟས་ཟ་བ་དང་། དམར་པོ་ཤ་ཁྲག་གི་རིགས་སྤངས་པ། བོད་མི་རིགས་ཀྱི་མཆེད་དུ་རང་ལུས་མཆོད་མེར་སྒྲོན་པའི་རྒྱལ་གཅེས་པ་དབའ་བོ་དེ་དག་གི་ཆེད་དུ་མྱ་ངན་འཁུར་ན་ཡག་པོ་འདུག

དེ་ལས་མང་བ་། “ད་ལོ་ཡང་ལོ་སར་མི་བྱེད། བོད་མི་ཚོ།” »

(དགེ་རྒན་དམ་པ་ལྷ་ལུང་རྒྱལ་ལ།)
རྩོམ་པ་པོ། མིག་གསུམ་པ།
བདག་གིས་མཐོ་སློབ་ཀྱི་སྒོ་ཐེམ་བཅར་སྐབས་ཞིག་ལ་ཞི་དལ་ཉམས་ཆུང་གི་དགེ་རྒན་བཀའ་དྲིན་ཅན་དེར་ཐ་སྙད་དང་ལོ་རྒྱུས་རིག་གནས་ཀྱི་འབྲེལ་ཞིག་འཇོག་པར་བགྱིས། དགེ་རྒན་དེ་ལ་གཞན་དང་བསྒྲུན་དུ་མེད་པའི་སྨྲ་ལྕེ་ཡི་རྣོ་དབལ་ལྡན་པར་མ་ཟད། བསམ་གཞིགས་ཀྱི་སྒོ་འཕར་ཡངས་པོར་མངའ་བའི་བཀའ་དྲིན་བསྐྱར་དྲན་གྱི་ཤེས་རིག་གི་སྒྲོན་མེ་ཞིག་ཡིན། དུས་དེ་ནས་བཟུང་ལོ་ངོ་ཁ་ཤས་རིང་སེམས་པ་དང་སེམས་པ་གཅིག་ཏུ་འདྲེས་ནས་ཤེས་བྱའི་”ནང་ནོམ”ལ་རོལ་བའི་སྐལ་བ་བླ་ལྷག་ཏུ་ཐོབ་མོད། རང་ཉིད་ལེ་ལོ་དང་ཟང་ཟིང་གི་འདུ་འཛིའི་བྲན་དུ་གྱུར་ཏེ་ཆེས་གཏིང་ཟབ་ཀྱི་བསམ་བློའི་ཁ་ཕྱོགས་དེ་འཚོལ་སྒྲུབ་བྱེད་ཐུབ་མ་སོང་།

དེ་ལས་མང་བ་། “དགེ་རྒན་གྱི་བཀའ་གསུང་ཡང་དྲན་བསྐྱར་དྲན།” »

རྨ་མགུར་སངས་རྒྱམ།

ཉེས་ཅན་ཀྱི་གཏེ་བོ་རྒ་སྒྲ་ཧྤེ་བསད་པའི་རྗེས་སུ་ལི་རྦུ་ཡའི་གཞུང་གསར་བས་མ་འོངས་བར་ཁྲིམས་ཀྱི་དབང་བསྒྱུར་བྱེད་པའི་ལམ་ལུགས་ཤིག་གསར་དུ་གཏོད་ངེས་རེད། ལི་རྦུ་ཡའི་ཐོག་ཏུ་རྒ་སྒྲ་ཧྤེའི་ལོ་ངོ་༤༢་རིང་གི་དབང་བསྒྱུར་ནི་དེ་རིང་མཇུག་རྫོགས་པ་འདིས་འགྲོ་བ་མིའི་ཐོབ་ཐང་གི་ལོག་སྤྱོད་ཀྱི་དམིགས་བསལ་ལྡན་པའི་ཡུན་རིང་གི་དུས་རབས་མཇུག་རྫོགས་ནས་རྒྱལ་ཁབ་འདིར་ཐུན་མོང་གི་གོ་སྐབས་གསར་བ་ཞིག་འཆར་བ་རེད། རྒ་སྒྲ་ཧྥེའི་གདུག་རྩུབ་ཀྱི་དབང་བསྒྱུར་མཇུག་རྫོགས་པ་དང་མཉམ་དུ་ལི་རྦུ་ཡའི་མི་དམངས་ཀྱིས་ད་ལྟ་ཁོའི་དབང་བསྒྱུར་ཀྱི་ཐོག་ཏུ་ནག་ཉེས་བསགས་པའི་མི་ངན་དེ་ཚོ་ལ་འོས་ཤིང་འཚམས་པ་དང་དྲང་བདེན་གྱི་ཁྲིམས་གཅོད་ནན་མོ་ཞིག་ཡོང་བར་རེ་སྒུག་བྱེད་བཞིན་པ་དང།

དེ་ལས་མང་བ་། “ལི་རྦུ་ཡའི་མི་དམངས་དུས་རབས་གསར་བ་ལ་སྐྱོད་པ།” »

སྤོབས་པ་མཐའ་ཡས།
ཁ་སང་དྲ་དེབ་འདིའི་སྟེང་དུ་སློབ་དཔོན་འཇིགས་མེད་བློ་གྲོས་ཀྱིས་སྤེལ་བའི་དུས་རབས་ཉེར་གཅིག་པའི་ཐེག་ཆེན་པ་ཞིག་གི་གཏམ་ཞེས་པའི་རྩོམ་ཡིག་དེ་ཞིབ་པར་ཐེང་གཅིག་བཀླགས། ནང་དོན་ཕལ་མོ་ཆེ་དུས་བབ་གནད་སྨིན་དང་སེམས་ལ་ཕན་པའི་ལེགས་བཤད་ཤ་སྟག་ཏུ་འཁུམས། ཡིན་ན་ཡང་གནད་དོན་གཅིག་ལ་དོག་པ་ཆེ་ཙམ་བྱུང་། དེ་ནི་སློབ་དཔོན་ཁོང་གིས་རྫོགས་ཆེན་དང་ཕྱག་ཆེན་ལས་ཀྱང་སྙིང་རྗེ་བྱང་ཆུབ་ཀྱི་སེམས་གལ་ཆེ་ཚུལ་རྩལ་དུ་བཏོན་ནས་གསུངས་སྟངས་འདི་རེད།

དེ་ལས་མང་བ་། “སློབ་དཔོན་འཇིགས་མེད་བློ་གྲོས་ལ་བཀའ་འདྲི་ཞིག” »