གཡུ་སྒང་དགེ་འདུན། མ་ལུས་འགྲོ་ཀུན་བརྩེ་ཆེན་ཞགས་པས་ཉེ་བར་བཟུང་བའི་འཇིག་རྟེན་མགོན།། ཉོན་མོངས་དུག་ལྔའི་མུན་ཚོགས་འཇོམས་པའི་ཡེ་ཤེས་གཏེར་ཆེན་འཇམ་དཔལ་དབྱངས།། གཟུགས་ཅན་གཟུགས་མེད་དགྲ་དང་བགེགས་རྣམས་ཐལ་བར་བརླག་མཛད་མཐུ་སྟོབས་བདག ། རིགས་གསུམ་གཅིག་བསྡུས་གངས་ཅན་མགོན་པོར་མི་ཕྱེད་དད་པས་གུས་ཕྱག་འཚལ།།     ཁྱེད་ཀྱི་མཚན་དཔེའི་མེ་ཏོག་དཀར་པོ་མདོ་སྨད་ཙོང་ཁའི་རི་འདབས་སུ།། བཞད་པའི་སྐལ་བཟང་དཔྱིད་ཀྱི་དཔལ་ཡོན་ས་ཆེན་གོ་ལའི་ངོགས་སུ་རྒྱས།། བྱམས་བརྩེའི་ཕྱག་ཟུང་ཕྱོགས་བཅུར་བརྐྱངས་ཏེ་ཉམ་ཐག་སྡུག་གི་དོང་ལས་དྲངས།། མཛད་འཕྲིན་སྤྲིན་བྲལ་ཉི་ཟླའི་གཟི་བྱིན་གླིང་བདུན་ཆེ་དགུས་གཙུག་ཏུ་མཆོད།།     གངས་དཀར་ལྷུན་པོའི་ཕྲག་ལ་ཁུར་བའི་ཁྲི་གདུགས་ཉི་མའི་འོད་ཞགས་ཀྱིས།།…

དེ་ལས་མང་བ་། “ཕྱག་ན་པདྨོ།” »

ཆོས་དབྱིངས་ཀློང་ན་སྤྲོས་པའི་མཐའ་བརྒྱད་མཚན་འཛིན་རྡུལ་བྲལ་འོད་ལྔའི་ཐིག་ལེ་ཆོས་སྐུ་ཀུན་ཏུ་བཟང་པོ་མཆོག། འོག་མིན་ཞིང་ན་ངེས་པ་ལྔ་ལྡན་མིག་འཕྲུལ་ཇི་བཞིན་རོལ་བ་འབྱམས་ཀླས་ལོངས་སྐུ་འོད་མཐའ་ཡས་པ་དང་།། རིག་འཛིན་དཔའ་བོ་དཔའ་མོའི་ཚོགས་རྗེ་ཞི་ཁྲོའི་དཀྱིལ་འཁོར་སྤྲོ་བསྡུའི་བྱེད་པོ་སྤྲུལ་སྐུ་ཨོ་རྒྱན་ཆེན་པོ་ཞེས།། མཚན་སྙན་གདུགས་དཀར་གཡས་སུ་འཁོར་བའི་གཟི་བྱིན་ཉི་ཟླའི་འོད་རླབས་སྤྲོ་མཛད་ཁྱབ་བདག་བླ་མའི་བླ་མར་འདུད།། རྒྱལ་ཀུན་གསང་གསུམ་ཚངས་པའི་མཚོ་ཆེན་སྲིད་ཞིའི་མཛེས་སྡུག་མཎ་ད་རས་བསྲུབས་དབྱངས་ཅན་དཔལ་གྱི་འཇོ་སྒེག་མས།། ཤེས་བྱའི་དཀྱིལ་འཁོར་གཞི་ཡི་ཁྱོན་ཀུན་ཤེལ་དཀར་ཏམ་བུ་ར་ཡི་རྒྱུད་དུ་ལེགས་དྲངས་སྙན་ངག་ཆེན་པོའི་རྒྱན།། དེ་རིང་བྱིན་རླབས་སྦྲང་རྩིའི་ཟུར་མིག་འཇམ་དཔལ་དཔའ་བོའི་ཡིད་ཀྱི་བརྟན་འཕྲོག་རིག་བྱེད་དབྱངས་བདུན་རྫོགས་པའི་གླུ།། བདག་གི་མགྲིན་པ་ལོངས་སྤྱོད་འཁོར་ལོར་ཤིས་པའི་མེ་ཏོག་ཕང་ཕུང་རབ་བརྩེགས་རྩ་གསུམ་མཆོད་པའི་སྤྲིན་དུ་སྤྲོས།། གངས་རིའི་མུ་ཁྱུད་བསྟར་ལ་བརྒྱུས་པས་སྲིད་ཞིའི་ཕྱ་གཡང་མགྲོན་དུ་འགུག་པའི་བསིལ་ལྡན་ཁ་བའི་འཇིག་རྟེན་ཆེར།། རྒྱལ་བསྟན་ཡོངས་རྫོགས་མདོ་སྔགས་ལམ་བཟང་ནག་ཕྱོགས་བདུད་སྡེའི་གྲོང་ཁྱེར་འཇིག་བྱེད་ལུས་སྲོག་ལོངས་སྤྱོད་ཡོངས་བཏང་སྟེ།། འདྲེན་མཛད་ཆོས་རྒྱལ་མེས་དབོན་རྣམ་གསུམ་སྤྲུལ་པའི་ལོ་པཎ་མཛད་རྗེས་དྲན་ཚེ་དད་གུས་སྙིམ་པའི་མེ་ཏོག་ཕྲེང་།། རྗེས་དྲན་སོར་མོའི་རྒྱན་དུ་དཔྱངས་ཏེ་ཉིན་མཚན་རྣམ་དཀར་ཆོས་ཀྱི་བགྱི་ཞེས་དམ་བཅའི་རི་མོ་སྙིང་ལ་འབྲི།། རིག་འཛིན་བྱེ་བའི་རལ་བའི་མེ་ཏོག་ཞབས་པད་མཛེས་པའི་རྒྱན་དུ་ལེན་མཁས་རྒྱལ་དབང་པདྨ་ཀ་ར་ཡི།། ཟབ་གཏེར་སྦྲང་རྩིའི་བཅུད་ལ་འཐུངས་པའི་སྤྲུལ་པའི་གཏེར་སྟོན་ར་ཡིག་གཉིས་པའི་ཚོགས་ཆེན་རྒྱུན་མི་ཆད་པའི་དབུས།། མངོན་མཐོའི་མཚན་སྙན་སྤྲིངས་ཡིག་དམར་པོ་སྲིད་ཞིའི་ཁོར་ཡུག་ཀུན་ཏུ་འཕུར་བའི་གཏེར་ཆེན་ཆོས་ཀྱི་རྒྱལ་པོ་ཞེས།།…

དེ་ལས་མང་བ་། “།།འོག་མིན་ཨོ་རྒྱན་སྨིན་གྲོལ་གླིང་གི་རྟེན་དང་བརྟེན་པར་བསྔགས་པའི་སྙན་ངག་གཏེར་ཆེན་བཞད་པའི་སྒྲ་དབྱངས་ཞེས་བྱ་བ་བཞུགས་སོ།།” »

ནོ་སྦེལ་ཞི་བདེའི་གཟེངས་རྟགས་ལ་ཕུལ་བ། བརྩེ་ཆེན་ཐུགས་ཀྱི་ཟླ་བ་དཀར་པོའི་འཚེ་མེད་འོད་ཀྱི་ཟེགས་མ་རེས།། དུས་རབས་གསར་པའི་གོ་ལའི་ཁྱིམ་གཞི་ལྷིང་འཇགས་འཚོ་བའི་གནས་སུ་བསྙལ།། རིགས་དང་རུས་ཀྱི་དབྱེ་བ་མེད་པར་གཞན་ཕན་ཕྱག་གིས་སྐྱོང་མཛད་པའི།། ཞི་བདེའི་ཟླ་ཞུན་དྭངས་མས་བསྐྱིལ་བའི་མགོན་ཁྱེད་དད་གསུམ་ཕྱག་བགྱི་འོ།། ཁྱེད་ཞལ་དགྱེས་འཛུམ་ལང་ཚོའི་དཔལ་གྱིས་ཤེལ་དཀར་ལྷུན་པོ་ཡིབ་ལ་བྲེལ༎ ཟབ་གསལ་གསུང་གི་དྲི་ཞིམ་སྦུབས་རྒྱ་གྲོལ་བས་བདེ་དགའི་དཔལ་སྦྱིན་བ།། ལྷག་བསམ་ཐུགས་ཀྱི་པད་དཀར་གཞོན་ནུས་སྐྱེ་བོའི་དུང་བ་འདྲེན་མཛད་དེ།། སྙིང་རྗེའི་སྤྱན་ཟུང་ཀུན་ལ་གཟིགས་པའི་ཞི་བདེའི་ཉི་མ་གཙུག་ན་རྒྱལ།། དབུས་འགྱུར་ཡུལ་དུ་དུས་རབས་ཉེར་གཅིག་སྟོན་པ་ཆེན་པོར་སྐུར་བཞེངས་ཏེ༎ མཛད་འཕྲིན་ཁ་བབ་ཆུ་བོའི་བཞུར་རྒྱུན་གླིང་བཞི་རྒྱ་མཚོའི་གོས་སུ་གྱོན།། དོན་ལྡན་ལུགས་གཉིས་ཞི་བདེའི་རླབས་ཕྲེང་ཕྱོགས་དང་ཕྱོགས་མཚམས་ཀུན་འཕྱོ་བའི༎ རྣམ་དཔྱོད་རིག་པའི་གྲུ་གཟེངས་གཏོང་བའི་ཞི་བདེའི་དེད་དཔོན་ཆེན་པོར་བསྟོད།། གཡུ་སྒང་དགེ་འདུན་གྱིས། ཕྱི་ལོ་…

དེ་ལས་མང་བ་། “བརྩེ་ཆེན་གྱི་ཟླ་ཞུན་དྭངས་མ།” »

བོད་འབྱོར། གྲང་འཁྱག་གི་ཡུལ་ལྗོངས་འཚོ་བའི་མི་ཚོགས་ཤིག་གིས།  གློ་སྙིང་བྲང་གསུམ་གཏད་ཆོག་ཆོག་ནི། གངས་རི་ལས་ཡོད་མི་སྲིད་པས།  ཤིན་ཏུ་འཁྱག་པའི་སྐབས་སུ་གངས་རི་དྲན་འོང་བ་ནི།  ཆེས་རྒྱུན་ལྡན་ཞིག་རེད།  མཐོ་སྒང་གི་གནམ་གཤིས་ལོ་རེ་བཞིན་ཇེ་དྲོར་གྱུར་དུས། གངས་རི་ལོ་རེ་བཞིན་ཞུ་འགྲོ་བ་ལ་སེམས་ཁྲལ་བྱེད་མཁན་སུ་ཞིག་ཡོད།  གངས་རི།  སྐྱིད་དུས་ཀྱི་གངས་རི།  སྡུག་དུས་ཀྱི་གངས་རི།  དཀར་པོ་ཡིན་པའི་གངས་རི།  ནོགས་མ་མྱོང་པའི་གངས་རི། ཉི་འོད་ཀྱིས་དྲོ་དུས་ཁྱོད་རང་དྲན།  ཟླ་འོད་ཀྱིས་བསིལ་དུས་ཁྱོད་རང་དྲན།…

དེ་ལས་མང་བ་། “གངས་རི།” »

ཆབ་མདོ་ངག་ཕུན། སྔོན་བསགས་བཟང་པོའི་འབྲས་བུ། །༸རྒྱལ་བ་བསྟན་འཛིན་རྒྱ་མཚོ། ། དེ་རིང་ཞལ་མཇལ་གསུང་ཐོས། །ལུས་སེམས་བདེ་བར་འཁོད་སོང་། ། གསེར་ཁྲི་པདྨའི་སྟེང་དུ། །༸ཡིད་བཞིན་ནོར་བུ་བཞུགས་མཛད། ། ཞལ་རས་འཛུམ་མདངས་རྒྱས་འདྲ། །བྱམས་སེམས་ཆེ་བའི་སྐྱབས་མགོན། ། གངས་ཅན་པ་ཡི་༸མགོན་སྐྱབས། །སངས་རྒྱས་བསྟན་པའི་སྲོག་ཤིང་།…

དེ་ལས་མང་བ་། “ཆོ་འཕྲུལ་སྨོན་ལམ་ཆེན་མོ།” »

གཞུང་པ་ཚེ་དབང་བསོད་ནམས། ཀ་དག་ཕྱག་རྒྱ་གངས་ཅན་མགོན་པོ་དུས་རབས་ཉེར་གཅིག་ཞི་བདེའི་མགོན། ཁ་བའི་ལྗོངས་སུ་ཀླ་ཀློའི་བཙན་འཛུལ་བོད་མིའི་ངོ་བོ་འཇིག་པའི་ཉེན། ག་ས་ག་ལ་ཀླ་ཀློའི་བཙན་འཛུལ་བོད་འབངས་བདེ་སྐྱིད་ཉི་ནུབ་མཚམས། ང་ཚོ་བོད་མིའི་ལས་སྨོན་བཟང་པོས་མགོན་པོ་གང་ཉིད་འཕགས་ཡུལ་འཁོད། ཅ་ཅོ་མང་བའི་ཆོས་མེད་ཀླ་ཀློའི་བོད་ཀྱི་མངའ་དབང་བཙན་གྱིས་ཕྲོག ཆ་རྒྱུས་མེད་པའི་ཀླ་ཀློའི་ལམ་ལུགས་ནང་ཆོས་དམར་པོར་རྒྱུར་བའི་ཐབས། ཇ་ཆང་ཟས་ཀྱི་མིང་ཙམ་འོག་ཏུ་བོད་མིའི་འཚོ་བར་གྱོང་གུན་སྤྲད། ཉ་ཤ་ཕག་ཤ་སྡིག་ཟས་སྤྱོད་ལ་ཆོས་མེད་ཀླ་ཀློ་བདུད་དང་འདྲ། ཏ་ལའི་བླ་མས་དུས་གསུམ་གསལ་གཟིགས་བོད་མིའི་མདུན་ལམ་མང་གཙོ་བསྟན། ཐ་དད་ཆོས་ལུགས་འཆམ་མཐུན་འོག་ཏུ་ལྟ་གྲུབ་གང་ཡིན་རང་གི་སྲུང། ད་ལྟའི་དུས་རབས་ཉེར་གཅིག་འདི་ལ་འཛམ་གླིང་ཀུ་ལ་ནང་ཆོས་དར། ན་ལན་ཌ་ཡིས་མཁས་པའི་བཞེད་གཞུང་སངས་རྒྱས་བསྟན་པའི་མེ་རོ་འདྲ། པན་གྲུབ་བཅུ་བདུན་དུས་རབས་འདི་ལ་བསྟན་པ་འཛིན་པའི་ཀ་གདུང་འདྲ། ཕ་ལམ་འདྲ་བའི་སངས་རྒྱས་བསྟན་པ་འཛིན་སྐྱོང་སྤེལ་ལ་དགེ་འདུན་སྡེ།…

དེ་ལས་མང་བ་། “ཀ་བཤད་དོན་ལ་འཇུག་པ།” »

–རྔ་བ་ཀུན་བཟང་། ཨ་མ་ལགས། ང་ཕ་ཡུལ་ལ་ལོག་ཡོད། མི་ལོ་སུམ་ཅུ་ཟིན་པའི་འཁྱམ་པོ་ང་། གཞན་ཡུལ་དུ་ནར་སོན་ཞིང་། གཞན་ཁྱིམ་ནས་རྒས་ཏེ། དེ་རིང་དེ་ལྟར་ལེ་དབར་སྟོང་ཕྲག་ཆོད་ནས་ཕ་ཡུལ་ལ་ལོག་དུས། འཇིག་རྟེན་གྱི་གྲུ་ཁ་འདིེར་ཐོག་མར་འཁྱེར་ཡོང་མཁན་གྱི་ཨ་མ་ཁྱོད་ཉིད་མེད་དུས། ད་གཟོད། སྔར་ཡོད་ཀྱི་འབྲོག་ཁྱིམ་དང་། རྩྭ་ཐང་དང་རྟ་ནོར། རི་ཆུ་ནག་གསུམ་ཡོད་ཚད་ཁེར་རྐྱང་ལ་འགྱུར་སོང་བས། ཅི་ཞིག་བཤད་འདོད་ཀྱང་། ཅི་ཡང་མི་ཤོད་པའི་དུས་ཤིག་བྱུང་། ཨ་མ་ལགས།…

དེ་ལས་མང་བ་། “ཨ་མ་ལགས། ང་ཕ་ཡུལ་ལ་ལོག་ཡོད།  ” »

ཨ་འབྲུག་དཀོན་མཆོག—- སྣང་བའི་སྤྲིན་པ་མྱོང་བའི་ཆུ་ཁུར་ཅན། ། འཚོ་བའི་རི་ཐང་ཀུན་ནས་འགོག་མེད་འཕྱུར།། དབྱིབས་དང་ཁ་དོག་མ་ངེས་སྣ་ཚོགས་ཀྱིས།། སེམས་ཀྱི་འཇིག་རྟེན་མོག་ཅིང་འཁྲུག་པར་བྱེད།།   ཆུང་གི་དྲན་སྣང་འཇའ་རིས་ཐགས་བྲན་དང་།། གཞོན་པའི་རེ་བཞག་དཔྱིད་མགོའི་མེ་ཏོག་མ།། མི་ཚེའི་སྣང་བ་སྨུག་ལོང་ཐང་བྲན་ཁྲོད། ། ད་ནི་སྣང་ཙམ་ཡལ་ཙམ་ཉིད་དུ་ངེས། །   དུས་ཀྱི་སྐུད་པར་བརྒྱུས་པའི་མི་ཚེའི་ཕྲེང་།…

དེ་ལས་མང་བ་། “མྱོང་སྣང་རྡུལ་གྱི་འདར་དབྱངས།” »