ཀ་བཙན་བླ་མ་སྐྱབས།
ཨ་མདོའི་ཡུལ་ནས་འཁྲུངས་པའི་སྐྱེས་ཆེན་གྱི་དམ་པས།།
ཨ་ཞང་ཚང་གི་སྲིད་སྟེགས་མཐོན་པོ་རྣམས་བཞག་ནས།།
ཨ་རིའི་ཡུལ་དུ་བདེན་པ་ར་སྤྲོད་ལ་ཕེབས་པའི།།
ཨ་ཀྱཱ་ཚང་གི་ཟླ་མེད་སྙིང་སྟོབས་དེ་ངོ་མཚར།།
ཐོལ་རྩོམ་ཆུ་མིག་དགུ་སྒྲིལ།
རྐ་སྲས། ལོ་ཟླ་ཕར་ཕར་བསྐྱལ་བའི་མི་ཚེའི་འགྲུལ་བཞུད།། སཱ་ལའི་སྨན་ལྗོངས་ཕྱུག་མོར་ཇེ་རིང་ཇེ་རིང་།། ཡིད་ཀྱི་མཚོ་མོའི་ངོགས་ཀྱི་དྲན་པའི་ཕ་ཡུལ།། ཨོ་ལོས་སླར་ཡང་མཇལ་བའི་གདེང་ཚོད་མ་ཐིག། ཨོ་གླིང་མེ་གླིང་ཧྥེ་གླིང་ཁྱི་བཞིན་ཉུལ་ཏེ།། རྒྱལ་ཁམས་ལྟད་མོས་སྐོར་འདོད་ནད་རྙིང་ཞིག་ཡོད།། མགོ་སེར་གཡའ་དེ་སེམས་ལ་ལྷུང་བ་ཡིན་ནམ།། རང་ལ་རྒྱལ་ཁབ་མེད་པའི་སྐོམ་གདུང་ཨེ་ཡིན།། སྣ་མང་རིག་གནས་ཡུལ་སྲོལ་དགའ་ཕྱོགས་སྣ་ཚོགས།། རང་རང་ས་ན་ཞིམ་པའི་བྲོ་བ་ཞིག་མཐོང་།། ནས་རྩམ་ཁོ་ནས་ཆོག་པའི་འབྲོག་ཕྲུག་རྣལ་མ།། སྒང་དྲུག་རི་ནས་ཆས་ཏེ་གང་ལ་བཞུད་སོང་།།…