རས་པ།
འདི་ནས་ཡར་ལ་བལྟས་པའི་རི་བོ་དེས།
ག་ལེར་སྐྱ་ཡུག་ཡུག་གི་ལྭ་བ་མནབས་ཏེ།
སྐྱོ་གདུང་གི་རྡུལ་འཚུབ་གཏོར།
མཛེས་སྡུག་གི་རི་ལུང་བདེ་བར་བཞུད་ཅིག
སྐྱིད་སྡུག་ནི་སྔ་ཕྱི་ཙམ་ཡིན་པས་སང་ལོ་མཇལ་ཆོག
རི་ཞིག་ལ་འདང་རྒྱབ་ན།
ཁྱོད་ལ་རང་གི་མཛེས་སྡུག་གི་སྔོ་ལྗང་འཕྲོག་པའི་སྡུག་བསྔལ་ཡོད་དམ།
ངས་རང་གི་སྤང་ཐང་ཡངས་པོ་དྲན་ཐེངས་རེར།
སྡུག་བསྔལ་དང་ཁོང་ཁྲོ་ཡིས་རང་ཉིད་འཇོམས་པར་བྱེད།
ཡིན་ནའང་། དགུན་འཁྱག་གི་དུས་འགྱུར་འདི་ལ།
མགོ་བོ་བསྲིངས་ནས་རང་སྲོག་གཅོད་མི་སྲིད།