གྲགས་པ་ནས།
སྤྱི་ཟླ་༡ཚེས་༢ཉིན་བལ་ཡུལ་འཇོ་ལ་ཁེལ་གཞིས་ཆགས་སུ་གནས་སྡོད་བྱེད་མཁན་བུད་མེད་བསོད་ནམས་ཟེར་བ་མོས་རང་ལུས་མེ་སྲེག་བྱེད་རྩིས་བྱས་འདུག་མོད། གནད་དོན་འདིའི་སྔ་རྗེས་ལ་བསམ་གཞིག་བྱས་ན། མོ་རང་ནི་དེ་སྔོན་ཕྱི་ལོ་༢༠༠༨ནས་བལ་ཡུལ་ནང་གི་བོད་དོན་ལས་འགུལ་ལ་མཉམ་ཞུགས་གནང་མཁན་གྱི་དཔའ་མོ་ཞིག་ཡིན་པ་མ་ཟད། བོད་དོན་ལས་འགུལ་གྱི་ཆེད་དུ་རང་གི་ཤ་ནས་སྐྱེས་པའི་ཕྲུ་གུ་གཉིས་ཡོད་པ་ཡང་སྐབས་རེ་ནང་ལ་བཅུག་ནས་སྐད་འབོད་ལ་འགྲོ་བ་དང་། སྐབས་རེ་ཁྱིམ་མཚེས་ལ་བཅོལ་ནས་རང་ཉིད་ལས་འགུལ་ནང་མཉམ་ཞུགས་བྱེད་མཁན་ཞིག་ཡིན་པ་ཁོ་བོས་ཤེས་རྟོགས་བྱུང་།

དེ་ལས་མང་བ་། “གང་དུ་དམ་དྲག་དང་དཀའ་ངལ་ཡོད་པ་དེ་ནས་མེ་སྲེག་གི་དོན་རྐྱེན་འབྱུང་སྲིད་པ་རེད།” »

བཀྲ་ཤིས་ནག་ལྡང་།

བླ་མ་ལ་སྐྱབས་སུ་མཆུའོ། གཤམ་གྱི་བསམ་ཚུལ་འདི་དག་ནི་མི་གཅིག་དབང་འཛིན་གྱི་གྷ་ཏྲ་ཧྥེ་ལྟ་བུ་དང་། སྲིད་དབང་སྒེར་གཅོད་ཀྱི་དམར་ཤོག་ཚོགས་པ་ལྟ་བུ། མགོ་སྐོར་བསླུ་མཁས་ཀྱི་ས་ཐམ་མོ་སན་ལྟ་བུ་གང་ལའང་དཔེ་བླངས་པ་མ་ཡིན་པར་རང་ཉིད་ཀྱི་འགོ་ཁྲིད་ལྷོད་པར་མི་འཇོག་པ། རྒྱུད་ལུག་ཏུ་མི་གཏོང་བ། རང་ངོ་ཟིན་པ། ལས་འགན་ཤེས་པ། གསེར་གྱི་རྐུབ་སྟེགས་དག་པའི་ཞིང་གི་ལྡུམ་རྭ་ལ་རྒྱབ་མེད་པ་བཅས་ཀྱི་དྲན་ཤེས་བསྐྱེད་པའི་རྒྱུ་རུ་འགྱུར་ཐུབ་བམ་སྙམ་པས་སྤེལ་བར་བྱའོ།

དེ་ལས་མང་བ་། “གཤོག་པ་ཅན་གྱི་ཁུག་རྟ་དང་སྡེར་མོ་ཅན་གྱི་སེང་གེ།” »

སད་མི་ཅོང་ཐོགས།

སྤྱིར་ན་ངས་ཆབ་སྲིད་མི་ཤེས། དེའི་རྐྱེན་གྱི་དགའ་ཡང་མི་དགའ། དོ་སྣང་མེད་པས་ཁ་ཡང་གྲགས་མི་འདོད། འོན་ཀྱང་ང་དྲང་བདེན་ལ་དགའ། དྲང་བདེན་གྱི་རྒྱབ་རྩར་སྲོག་བསྡུས་ཀྱིས་བགྲེང་ན་འདོད། དྲང་བདེན་གྱི་རྒྱབ་རྩར་བགྲེང་སྟེ་གཡོ་བརྫུན་གྱི་རིགས་མཐའ་དག་ཕམ་པར་རྒྱག་ན་འདོད། དེ་བས། ཁ་ཚ་དགོས་གཏུགས་ཀྱི་སྐད་ཆ་འགའ་འདིར་ཨུ་ཚུགས་ཀྱིས་བཤད་རྒྱུ་ཡིན་ལ། གཡས་ཕོག་གཡོག་རྩུབ་ཀྱི་གནད་དོན་རེ་བྱུང་ཚེ་དཀྱེལ་ཡངས་གནང་རོགས་ཞུ་རྒྱུ་ཡིན།

དེ་ལས་མང་བ་། “བཀའ་སྤྱི་གཉིས་ལ་སློབ་སྟོན་ཞིག་བྱས་ན།” »

བདེ་ཆེན་སྒྲོལ་མ།
༼བོད་ནང་གི་ཚེ་སྲོག་ལ་བསྡུས་པའི་བོད་དོན་ལས་འགུལ་དང་བཙན་བྱོལ་ནང་གི་ཕུགས་རྒྱང་མེད་པའི་ཁྱབ་བསྒྲགས་རིགས་ལམ་སྐོར།༽

ང་ནི་ནམ་ནམ་ཞར་ཞར་དུ་བོད་ནང་གི་བོད་མི་སྤུན་ཟླ་དག་ལ་སེམས་གཏིང་ནས་ཡིད་ཆེས་དང་རེ་བ་ཡོད་མཁན་ཞིག་དང་། ནམ་ནམ་ཞར་ཞར་དུ་བོད་ནང་གི་བོད་མི་སྤུན་ཟླ་དག་གི་ཚེ་སྲོག་དང་མདུན་ལམ་ལ་སེམས་ཁུར་ཡོད་མཁན་ཞིག་ཡིན།
ཡིན་ནའང་། ང་ནི་བཙན་བྱོལ་ནང་གི་བོད་མི་སྤུན་ཟླ་དག་ལ་དེ་ཙམ་གྱི་ཡིད་ཆེས་དང་རེ་བ་མེད་མཁན་ཞིག་དང་། ལྷག་པར་དུ་གཞོན་ནུ་དང་བུད་མེད་ལྟ་བུའི་སྐབས་འཚོལ་བའི་ཚོགས་པ་དག་ལ་དེ་བས་ཀྱང་ཡིད་ཆེས་དང་རེ་བ་གཏན་མེད་མཁན་ཞིག་ཡིན།
མཚམས་མཚམས་སུ་བོད་མི་དམངས་སྤྱི་འཐུས་དང་འཛིན་སྐྱོང་བཀའ་ཤག་ཀྱང་སྐབས་འཚོལ་བའི་ཚོགས་པ་འདི་དག་དང་འདྲ་བར་ཕུགས་རྒྱང་མེད་པའི་ཁྱབ་བསྒྲགས་ཙམ་གྱི་ལམ་དུ་ཞུགས་འགྲོ་བ་ནི་ཧ་ཅང་བློ་ཡིད་ལ་མི་ཤོང་བའི་དུས་རབས་དང་ཉི་འོག་གི་རིགས་མཐུན་འུ་བུ་ཅག་གི་ནག་ཉེས་རྡོག་རྡོག་པོ་ཡིན་པར་སྙམ་མོ།།

དེ་ལས་མང་བ་། “དབུ་དང་དབུས་ན་འདུག་མཁན་ཚོགས་ལ།” »

བོད། ལྷ་ཀླུ་གཉན་གསུམ།

དུས་རབས་ཀྱི་འགྱུར་འགྲོས་མྱུར་ཞིང་། རིགས་དངོས་ཐོན་རྫས་ཀྱི་ཡར་ཐོན་ཆེ་བའི་དུས་རབས་ཉེར་གཅིག་པའི་ནང་འདི་ལ། བྱ་དངོས་ཆེས་མི་ཉུང་བ་ཞིག་ལ་འགྱུར་བ་བླ་ལྷག་འཕེལ་བ་དང་དུས་བསྟུན། ཁ་སང་དེ་རིང་ཕྱི་རྒྱལ་ཡུལ་གྲུ་ཆེས་མི་ཉུང་བ་ཞིག་ན། གཉེན་སྒྲིག་གི་ལས་ལ་ཡང་འགྱུར་བ་སོང་ནས། མཚན་མཐུན་གཉེན་སྒྲིག་དར་བའི་ཕྱི་རྒྱལ་ཡུལ་གྲུ་ཆེས་མི་ཉུང་བ་ཞིག་ཆགས་ཡོད་ལ། རྒྱལ་ཁབ་རེ་ཟུང་གིས་མཚུན་མཐུན་བཟའ་སྒྲིག་ལ་ཁྲིམས་ཐོག་ནས་ངེས་ལེན་བྱས་པའི་རྒྱུད་རིམ་ཡང་བྱུང་ཡོད་པ་རེད། མིའི་འདོད་སྲེད་ཀྱི་བྱེད་ཐབས་ལ་མཐའ་མེད་པ་དང་། འདོད་པའི་བདེ་བ་འཚོལ་ལུགས་ཀྱང་གཏན་ནས་མི་འདྲ་བའི་གནམ་འོག་འདིའི་འཚོ་བའི་ནང་དུ། དེང་དུས་སུ་མཚན་མཐུན་གཉེན་སྒྲིག་བྱེད་མཁན་མང་ནས་མང་དུ་འགྲོ་བཞིན་ཡོད་པ་རེད།

དེ་ལས་མང་བ་། “རིགས་རྒྱུད་བཙོང་བ་དང་སྤྲོད་པ་ལ་དགེ་མཚན་འདུག་གམ” »