ཐེ་བོ་ཤེས་རབ་རྒྱ་མཚོ།

ཀ་རྩོམ་གཟུ་མོ་གཉོམ་ཆུང་རྒྱབ་རྩར་སྤྲིངས།།
ཁ་བ་སྐམ་པོ་ཁ་དོན་མཐུན་ནས་འདུག།
ག་ས་གང་དུ་ཁྱོད་འདྲ་ཡོད་སོང་ན།།
ང་ཚོ་མི་རབས་གསར་པ་སུ་ལ་འཇིགས།།

ཅ་ཅོ་སྒྲོག་པའི་ཙི་ཙིའི་ཕྲུ་གུ་རྣམས།།
ཆ་ལུགས་བཙོག་པ་དེ་འདྲ་རིག་ན་ཡང་།།
ཇ་མར་ཟ་འཐུང་ཙམ་ཞིག་རྙེད་པ་ན།།
ཉ་བ་རྒན་པོ་བཞིན་དུ་འཁུམས་པ་འདྲ།།

དེ་ལས་མང་བ་། “བསྟན་འཛིན་སྒང་ལ་སྡིགས་པ།” »

ཐོར་རྒོད་པ་སྤྱན་ཆབ།

རྩལ་ལ་གཏད་པ་ཞིག
བློ་ཡིས་བཏབ་པ་ཞིག
བཅད་པ་ཞིག མཐུད་པ་ཞིག
ཆོ་འཕྲུལ་མ་ཡིན་པའི
སྒྱུ་རྩལ་མ་ཡིན་པའི
མཛེས་རིས་ཀྱི་དོད་དུ
ཆུ་རིས་ཀྱི་དབྱིབས་སུ
སེམས་དང་སེམས་ལ་སིམ་པ་དེ
རྐང་དང་རུས་པར་ཟུག་པ་དེ
ཡིད་ཆེས་ཐེངས་ཤིག་གི་མིའི་སེམས་དྲོད་དོ

དེ་ལས་མང་བ་། “སེམས་དང་སེམས་པའི་བར།༼ ཞར་བཀོད་ལྔ ༽” »

རྟ་ནག་སྐལ་བཟང་ལུང་རིགས།

ནོར་གླིང་མཐོ་སློབ་ཀྱི་སྙན་ངག་མ་ཞིག་ལ་བསྟབས་པ།

སིལ་སྙན་ཁྲོལ་ཁྲོལ་དཀྲོལ་མཛད་ཀྱི་ལྷ་མོ་གང་ནས་ཕེབས་ཡིན།།
པི་ཝང་ལྡེམ་ལྡེམ་འཁྲོལ་མཁན་གྱི་ལྷ་མོ་གང་ན་བཞུགས་འདུག།
དར་གོས་ཤམ་ཤམ་མནབས་པོ་ཡི་ལྷ་མོ་གང་ནས་ཕེབས་ཡིན།།
སྙན་ངག་ལྷང་ལྷང་གྱེར་པོ་ཡི་ལྷ་མོས་ཅི་ཞིག་གསུངས་སོང་།།

དེ་ལས་མང་བ་། “མཛེས་མ་སྒྲོལ་མ་འདྲ་བོ་ཁྱེད་ཡིན། དུམ་བུ་བཞི་བ།” »

མྱི་སྟིག

དགུང་ནས་མེ་ཏོག་ཆར་བ་མ་བབས་ལ།།
ས་ནས་འཇའ་ཚོན་སྣ་ལྔ་མ་འཆར་བར།།
ཅི་ཞིག་བསགས་པའི་བྱིན་དང་ནུས་མཐུ་ཡིས།།
བོད་ཀྱི་མདོ་ཁམས་སྨད་ནས་མི་རུ་སྐྱེས།།
ཨ་ཕས་བཤད་ན་སྙིང་རྗེ་ཡིན་རབས་ཟེར།།
ཨ་མས་བཤད་ན་ངན་རྟགས་སྟོན་རབས་ཟེར།།
ད་དུང་ཕུ་བོས་ངུ་ཁ་སླ་རབས་ཟེར།།
གང་ལྟར་ཨ་ཅེ་དག་གིས་མྱངས་རབས་འདུག།

དེ་ལས་མང་བ་། “རང་གི་ལོ་རྒྱུས་ཚིགས་བཅད་དུ་བྱོ་བ།” »

(དཔའ་བོ་ཚེ་དབང་ནོར་བུ་མཆོག་ལ།)
ཨ་འདུས་མིག་ཆུ།

མེས་པོའི་རུས་རྐང་ས་རུ་མི་འཐོར་སླད།།
རིགས་ཀྱི་བརྒལ་ཚིགས་ནང་དུ་མི་སྒུར་ཕྱིར།།
ནང་གི་དཔའ་གདེང་མངོན་པའི་བརྡ་རྟགས་ཤིག།།
ས་ཆེན་རྩེ་མོར་འོད་དུ་བྱས་སོང་ཨང་།།

ལྕགས་ཐག་སིལ་མའི་སྒྲ་ཡིས་ས་གཞི་འགེངས།།
རོ་དང་རུས་པ་ཆེན་པོའི་རི་རབ་བརྩེགས།།
ཡིད་ཀྱི་སེམས་ཀྱིས་མ་བཟོད་ན་ཟུག་ཀུན།།
སྐུ་ལུས་མེ་རུ་སྤར་ཏེ་གསལ་བརྡ་བྱིན།།

དེ་ལས་མང་བ་། “རྗེས་སུ་དྲན་པའི་དབྱངས།” »

སློབ་དཔོན་རྒྱ་མཚོའི་སྤྲིན་གྱི་ལང་ཚོ།

ཀ་མ་ལ་ལྟར་མཛེས་པའི་ཡིད་འཕྲོག་མ།།
ཁ་བའི་ལ་རྒྱ་འཛིན་པ་མཛངས་མའི་ཕུལ།།
ག་ཆད་ཕྲག་དོག་གདོན་གྱིས་ཟིན་པ་ཡི།།
ང་རྒྱལ་ཅན་རྣམས་ཟིལ་གྱིས་གནོན་མཁས་མ།།

ཅ་ཅོ་མ་ཡིན་བོད་དོན་གཏམ་གྱི་ཕྲེང་།།
ཆ་ཙམ་མ་ཡིན་གོ་ལའི་ཁྱོན་ཡངས་པོར།།
ཇ་ཡུན་ཙམ་མིན་གཏན་དུ་སྒྲོག་པ་ལ།།
ཉ་རྒྱས་ཟླ་བའི་དཔལ་གྱི་ལྷག་བསམ་འཆང་།།

དེ་ལས་མང་བ་། “མཛངས་མ་ཚེ་རིང་སྐྱིད་ལ་བསྔགས་པ་བདེན་དོན་གཏམ་གྱི་ཉིང་ཁུ།” »

གཙང་ཁ་བུས།

གླིང་ཆེ་འདི་ནས་བདེན་པའི་གནས་ཤིག་བཙས། །
རང་དབང་ལུང་པར་མར་མེ་ཁྲོམ་སྐོར་རེས། །
དཔའ་བོའི་རྣམ་ཤེས་དག་ཞིང་གང་ཞིག་ལ། །
ཀྱེ་མ་འདི་འདྲའི་དཔའ་རྒོད་རྣམ་པ་ཚོས། །
གཅིག་རྗེས་གཉིས་སུ་བཞི་ཤེད་འཐེན་གྱུར་ན། །
ས་སྟིང་འདི་ན་བོད་ཀྱི་བདེན་མཐའ་དང་། །
གངས་སེང་རྒྱལ་དར་ནང་ཞིག་བསྒྲེང་བར་དཀའ། །
ཨ་སྔོན་གནམ་ལ་དུ་དྲི་ཁྱབ་ཉིན་དེར། །

དེ་ལས་མང་བ་། “མྱ་ངན་རྗེས་དྲན་དུ།” »

༼གསང་བ་རྒྱ་ཅན་གྱི་རིག་མའི་ལེའུ་ལས་ཁོལ་དུ་ཕྱུང་བའི་གསང་ཆོས་གཅེར་རྗེན་མ་ཞིག་ཡིན།༽

རྣལ་འབྱོར་རློན་པས།
ནམོབཛྲཌཱཀིནཱི
༡༽སྲོག་འཛིན་རླུང་གི་སྒྱུ་འཕྲུལ་སྒྱུ་མའི་གར།།
ཉི་མ་ཟླ་བ་བཞུས་པའིོ་དྭངས་མའི་ཁམས།།
གསང་བའི་དཔྱིད་ཀྱི་ཐིག་ལེར་ཟགས་པ་མོ།།
བདེ་ཆེན་ལས་ཀྱི་ཕྱག་རྒྱ་ཨེ་མ་ཧོ།།

དེ་ལས་མང་བ་། “ལས་ཀྱི་ཕྱག་རྒྱ་མ།” »

ཟླ་བ་གཞོན་ནུ

བདེ་སྐྱིད་སབ་བེ་སོབ་བེ་དེའི་སྣང་བ་འགོག་དོགས་ཀྱིས
སྡིག་སྡུག་གི་ཐལ་རྡུལ་མ་གཙུབས་དང
འདས་སོང་གི་རལ་གྲི་ཁ་རྡུགས་མ་དེ་བཟུང་ནས
མིའི་གཉོམ་དུང་དུང་གི་སེམས་ངོར་མ་གཅིལ་ཀྱེ

འབྲི་ཞོ་བཞིན་ཁད་ཀྱིས་འཆགས་པའི་སེམས་ཀྱི་ཞིང་ཁམས་ལ
ཧམ་པ་ཞིག་དང་འགྲོགས་པའི་ཁྱོད་ཀྱི་ལག་རིང་དེ་བསྲིངས་ནས་མ་ཡོང་དང
ཞི་འཇམ་དང་ལྷོད་བག་གི་དྲི་མ་ཙམ་ཡང་མི་ཁ་བའི་ལག་པ་དེས་ང་ལ་མ་ཐུག་ཝེ

དེ་ལས་མང་བ་། “ཁྱོད་ལ་བསྒོ་བ།” »

བུ་ཆུང་ལྡུམ་ར་བསོད་ནམས།

ཁ་སང་རྒྱ་གར་རང་བཙན་གྱི་ཉིན་མོར།
ཆར་སིམ་སིམ་རྒྱུན་ཆད་མེད་བབས་ཀྱང་།
དགའ་སྤྲོའི་ངང་གཞས་དང་ཞབས་བྲོར་རོལ།
དེ་རྗེས་འདམ་རྫབ་ཀྱི་ཁེངས་བའི་གསང་ལམ་དུ།
ལག་ཏུ་ཉི་གདུགས་ཐོགས་ནས་འགྲོ་སྐབས།
ཁྱེད་ཀྱི་རང་ལུས་མེར་བསྲེགས་བཏང་བའི་གནས་ཚུལ་ཐོས།
ཆར་ཐིགས་ཡིན་ནམ་མིག་ཆུ་ཡིན།
ངའི་མཁུར་ཚོས་ཀྱི་རི་སྒང་ཉུལ་ནས།
ངའི་སེམས་ཀྱི་གཤོང་པ་བརླན།
ངའི་ཡིད་ལ་སྨུག་པས་གཡོགས།

དེ་ལས་མང་བ་། “དཔའ་བོ་ཚེ་དབང་ནོར་བུ་ལགས།” »

བསམ་གླིང་ཚེ་རིང་ལྷ་མོ།

མཐའ་ཡས་ས་གཞི་ན་བུན་འཚུབ་མས་སྒྲིབ།།
ཨ་སྔོན་ནམ་མཁའ་ཤག་ཤག་ཆར་སྒྲར་གཡེངས།།
བདུད་བརྩིའི་བདག་པོ་སྒུག་པའི་མཛའ་ན་མོའི།།
ཡིད་ཀྱི་དྲན་གདུང་སུ་ཡིས་རྟོགས་པར་ནུས།།

ཆུ་འཛིན་སྟུག་པོས་ལྷ་ལམ་ཀུན་ཏུ་དཀྲིགས།།
བསིལ་ཟེར་ཅན་ཁྱོད་ཁྲི་མུན་གང་དུ་གཤེགས།།
ཡུན་རིང་ཁྱེད་ཞལ་ཟླ་ཟེར་སྒུག་པ་ཡི།།
ཀུ་མུད་ཚོགས་ནི་ཡིད་གདུང་དྲག་པོས་མནར།།

དེ་ལས་མང་བ་། “ཀུ་མུད་གཉེན་ཁྱེད་ད་ལྟ་གང་དུ་བཞུད།” »

དོལ་སྨྱོན།

གྲངས་མེད༵་བསྐལ་བའི་འཛིན་མ་ཡངས་པོར་དཔག་མེད༵་བསོད་ནམས་ལེགས་བསགས་ནས། །
གཞལ་མེད༵་ཤེས་བྱ་ཧུབ་ཀྱིས་འཐུང་ལ་འགྲན་མེད༵་དཔའ་བོ་ཁྱོད་ཉིད་ཀྱིས། །
ཚད་མེད༵་འགྲོ་བའི་རྨོངས་མུན་སེལ་ལ་མགོན་མེད༵་མགོན་དཔུང་གཅིག་གྱུར་པ། །
སྐྱབས་མེད༵་བདག་གི་སྤྱི་གཙུག་རྒྱན་དུ་འབྲལ་མེད༵་དུས་ཀུན་བརྟན་པར་མཛོད། །

དེ་ལས་མང་བ་། “མཁན་ཆེན་ཞི་བ་འཚོའི་བཀའ་དྲིན་རྗེས་སུ་དྲན་པ་བཅོས་མིན་སེམས་ཀྱི་རང་མདངས།” »

༼བུད་མེད་ལས་འཕྲོས་པའི་བསྟན་བཅོས་སྔོན་པོ།༽

ཕོ་རོག་དཀར་པོ།

༡༽མི་རྣམས་ཀུན་གྱི་འབྱུང་གཞི་བུད་མེད་མཆོག།
ཚུལ་བཞིན་བསམས་ན་བདེ་བའི་རྩ་བ་རུ།།
ཡིན་པར་ཤེས་ནས་འབད་པ་དུ་མ་ཡིས།།
གཏན་ཏུ་འགྲོགས་འདྲིས་ཐུབ་པར་བྱིན་གྱིས་རློབས།།

༢༽ལན་ཅིག་ཙམ་ལ་འགྲོགས་པའི་བུད་མེད་ནི།།
ཤིན་ཏུ་རྙེད་སླ་དོན་ཆུང་ཤེས་གྱུར་ནས།།
ཉིན་མཚན་ཀུན་ཏུ་གཡོ་འོག་མི་ཚུད་པར།།
རྒྱུན་ཆད་མེད་པར་འཛེམས་པར་བྱིན་གྱིས་རློབས།།

དེ་ལས་མང་བ་། “བུད་མེད་གཞི་གྱུར་མ།” »

དུར་བདག

ཞེ་སའི་གདངས་དང་རྣམ་འགྱུར་སྟོན་སྟངས་མེད་ན།།
ཞེ་སྡང་བསྐུང་ནས་བསླུ་བྲིད་གཏོང་སྟངས་མེད་ན།།
ཞེ་འཁོན་ཉམས་ཀྱིས་ཨག་སྐད་འདོན་སྟངས་མེད་ན།།
ཞེ་མཐུན་བོད་ལ་ཞབས་ཞུ་དཀོན་ཚོད་འདུག་གོ།

སྐུ་ངོ་ཚོན་པོར་ལགས་སོ་ཞུ་སྟངས་ནོར་ན།།
ལྕམ་མོ་སྤྱར་མར་ཡ་ལན་སྟེར་སྟངས་འཕྱུག་ན།།
སྲས་དང་སྲས་མོར་འབོད་པའི་གུས་ཚིག་སྟོང་ན།།
སྐུ་དྲག་སྒོ་མདུན་བརྒྱུད་ནས་འཇབ་སའང་མེད་དོ།།

དེ་ལས་མང་བ་། “དངེན་པ་འཐེན་སྟངས་ཤིག” »