འབའ་སྲས།
ཨོཾ་སྭསྟི།
རྨད་བྱུང་ཚུལ་ཁྲིམས་ཕུང་བོས་རབ་མཛེས་སྐུ་ཡི་ལྷུན་པོ་རྡུལ་དང་བྲལ།།
ལེགས་བཤད་བདུད་རྩི་ཀུན་ལ་གདམས་པའི་གསུང་གི་ཡོན་ཏན་ཟད་དུ་མེད།།
མཁྱེན་རྟོགས་ཚད་མེད་གཏེར་གྱིས་ཕྱུག་པའི་ཐུགས་ཀྱི་ནམ་མཁའ་གཞལ་དུ་རིང་།།
ངུར་སྨྲིག་འཛིན་པ་ཤཱཀྱའི་སྲས་བོ་རྒྱལ་བ་བསྟན་འཛིན་རྒྱ་མཚོ་རྒྱལ།།
གང་དེ་རྟ་བདུན་ཤིང་རྟར་བཞུགས་ཏེ་ནུབ་ཀྱི་འགྲོ་བའི་དོན་དུ་གཤེགས།།
གངས་ལྗོངས་ཆོས་སྲིད་དབྱིག་འཛིན་གདོང་ལ་མུན་པའི་གྲིབ་མ་རྗེས་སུ་བཞག །
ཀུན་ཀྱང་མྱ་ངན་འོ་དོད་འབོད་དུས་གདུང་བའི་མུན་པ་ཟློག་བྱེད་དུ།།
འཁྲུལ་མེད་ཡང་སྲིད་སྐུ་ཡི་ཉི་གཞོན་སྟག་འཚེར་ནམ་མཁའི་དབྱིངས་སུ་ཤར།།