མ་ཡུམ་ས་རཱ་སློབ་གྲྭའི་འཁྲུངས་སྐར་ཉིན་བྲིས།
ཨ་འདུས་མི་ཆུ། ཁ་སང།
འདས་ཟིན་པའི་རླབས་ཆེན་གྱི་མེས་པོ་ཁྲི་ཕྲག་གིས་ངལ་བ་ཁྱད་དུ་བསད་ནས་མི་རིགས་ཤིག་ས་ཆེན་པོའི་ཡང་རྩེ་ན་རྒལ་ཚིགས་དྲང་པོར་གནས་ཕྱིར། དགའ་བའི་དགོད་སྒྲ་དང་སྐྱོ་བའི་མིག་ཆུ་མ་བཏོན་པར་རྔུལ་ཆུ་དང་རྔུལ་ཆུ་བསྐྱིལ་ནས་རིག་གཞུང་ཞིག་གི་འོད་སྣང་བཀྱེད་ཀྱང། ཁྱིམ་གཞི་ཞིག་གི་དྲོད་ཁོལ་བསྐྲུན་ནས་ཕྱི་རབས་པ་རྣམས་མགོ་བོ་སྒུར་མི་དགོས་ལ། གཞན་ལ་རེ་མི་དགོས་པའི་ཤུལ་རྟེན་རྩ་ཆེན་རེེ་བཞག་ནས་ཆེས་རྒྱང་ཐག་རིང་ས་རིང་ས་ཞིག་ན་ང་ཚོ་དང་ཁ་གྱེས་སོང་དུས། ཅི་ཡང་བཤད་ལ་གང་ཡང་བསྒྲུབ་མི་ཐུབ་པའི་ཕྱི་རབས་སྐུ་དྲག་དག་གི་སྒོ་ཁར་རྒྱ་དམར་པོའི་བོའུ(མེ་མདའ)་མཆུས་དྲག་རྡུང་བྱེད་དུས། མི་སྨྲའི་རྟུལ་ཞུགས་བཟུང་ཞིང་།
