ཐོར་རྒོད་པ་སྤྱན་ཆབ།
ཆུང་ཆུང་བྱིས་པའི་དུས་ཚེ་ལ།།
སྐུ་ཡི་འཕེན་པ་རྫོགས་པ་ཐོས།།
དུང་ཟླ་དཀར་པོའི་དཀྱིལ་འཁོར་ནས།།
ཁྱེད་སྐུ་རབ་རུབ་མཇལ་བ་དྲན།།
ཞིབ་ཀྱིས་བལྟས་པས་ཡོད་ཡོད་འདྲ།།
ཡང་ཡང་བལྟས་པས་མེད་མེད་འདྲ།།
མིག་ཟུང་ཕྱིས་ནས་བལྟས་པ་ན།།
ཡོད་ཡོད་འདྲ་བའི་སེམས་དེ་རྨད།།
ཤ་ཀླན་འཇམ་དབྱངས་གྲགས་པ།
ཚེ་རབས་མང་པོའི་ལས་དང་སྨོན་པས།། བརྟན་བརྗིད་གངས་རིའི་ལྗོངས་སུ་སྐྱེས་ཤིང་།།
རྡོ་བའི་གཤིས་འཛིན་རིགས་ཀྱི་ཞེན་པས།། རྗེ་དཔོན་ངན་པར་མགོ་བོ་མི་སྒུར།།
མིག་གསུམ་པ། (ལྡི་ལི)
ཉིན་འདི་ཚོར
མེ་ལྕེ་ཡི་ཀློང་ན་མངོན་བཞིན་པ་དེ་དག་མི་གཟུགས་ཤིག
ཕྱོགས་བཞི་ཡི་རླུང་ལས་ཚོར་བཞིན་པ་དེ་དག་བསྲེགས་དྲི་ཞིག
ཉིན་འདི་ཚོར
རྣ་བ་ཡོད་ཀྱང་ཉན་མི་ཤེས་པའི་མ་ཉན་རོགས
མིག་ཟུང་ཡོད་ཀྱང་ལྟ་མི་ཤེས་པའི་མ་ལྟ་རོགས
བླ་ན་མེད་པའི་རིན་ཐང་གི་འབོད་སྒྲ་ཇོ་མོ་གླིང་མའི་དབུ་ནས་མཆེད་འདུག
རྨི་ལམ་ཚེར་མ།
ང་ནི་དར་ཆ་དམར་པོའི་འོག་ནས་སྐྱེས་ཤིང་འཚར་ལོངས་བྱུང་བ་ཞིག་ཡིན། ང་སྐྱེས་པ་ནས་ད་ལྟ་བར་མཐོང་ཐོས་བྱུང་བ་ནི། དར་ཆ་དམར་པོ་སྟེ། སྐར་མ་ལྔ་ཅན་དང་། ཐོ་བ་དང་ཟོར་བསྣོལ་བའི་རི་མོ་ཅན། སྐར་མ་དང་དཔལ་འབར་གྱི་རི་མོ་ཅན་དེ་དག་སྟེ། མིག་ལམ་ནས་ཡལ་རྒྱུ་མ་བྱུང་ལ། དེང་རབས་ཅན་བཞི་མངོན་འགྱུར། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས། རྒྱལ་གཅེས་ཆོས་གཅེས། ཁ་ཕྲལ་ལ་ངོ་རྒོལ། ཏཱ་ལའི་རུ་ཚོགས་ངོ་རྒོལ་བཅས་ནི་ཉན་མི་འདོད་ཀྱང་ཉིན་རེ་བཞིན་ངའི་རྣ་བ་འདིས་གཡོལ་ས་མེད། མཐོང་ཐོས་གཙོ་བོ་འདི་དག་ནི། དར་ཆ་དམར་པོ་དེའི་འོག་ནས་སྐྱེས་པའི་ངའི་ལན་ཆགས་རེད། ལན་ཆགས་ལྕི་ཆེས་ནས། ད་ལྟ། ངའི་མིག་ལོང་སོང་། ངའི་རྣ་འོན་སོང་། ངའི་ལྕེ་ལྐུགས་སོང་། ངའི་ལག་པ་ཆག་སོང་།
དེ་ལས་མང་བ་། “མིག་ལོང་སོང་། རྣ་འོན་སོང་། ལྕེ་ལྐུགས་སོང་། ལག་པ་ཆག་སོང་།” »
བསམ་གླིང་ཚེ་རིང་ལྷ་མོ།
རླབས་ཆེན་གྱི་བོད་རྒྱལ་ཁབ་ཆེན་པོའི་དཔའ་བོ་དང་དཔའ་མོ་ཇེ་སྙེད་ཅིག་གིས། རང་རང་གི་རྩ་ཆེའི་ཚེ་སྲོག་ལེགས་སྐྱེས་ཀྱིས་ང་ཚོའི་རྒྱལ་ཁབ་ཀྱི་ལ་རྒྱ་དང་། གཟི་བརྗིད་སྙིང་སྟོབས་སོགས་བརྩོན་ལེན་གནང་སོང་ལ། བོད་མི་རིགས་འདི་ཉིད་འཛམ་གླིང་སྟེང་ངོ་གནོང་མི་དགོས་པའི་མི་རིགས་ཤིག་ཡིན་པ་ར་སྤྲོད་གནང་སོང་།
ཨ་རིག་དགེ་མཐོང་།
རྩོམ་བརྡ་ལས་འཕྲོས་ཏེ་གླེང་བ།
ཁོ་བོ་རྒྱ་གར་གྱི་རྒྱལ་ས་ལྡི་ལི་ནས་ཕྱིར་རང་ཤག་ཏུ་ཐོན་མ་ཐག་དྲ་རྒྱ་ཁག་གི་སྒོ་ཕྱེས་ཏེ་བལྟས་ཡིན། ཁོ་བོའི་ཟིན་བྲིས་དགོན་པ་དང་སྒོར་མོ་ཞེས་པའི་འོག་ཏུ་མཆན་བུ་ཞིག་བཏབས་པ་འདི་ལྟར་ཏེ། སྐུ་ཞབས་ཞོགས་དུང་གི་བསམ་བློའི་ཆ་དང་དགག་སྒྲུབ་སྙིང་སྟོབས་ཀྱི་ཆ་ལས་ཆབ་སྲིད་སྐོར་མི་གླེང་རོགས་ལྟ་བུའི་རྩོམ་བརྡ་ཞིག་འབྱོར་ཐལ། ང་ཚོས་དགེ་ཆོས་དང་དོན་གྲུབ་རྒྱལ་ལ་སྒྲོ་བཏགས་ཏེ་ངག་ཐོག་དང་ཡིག་ཐོག དྲ་སྟེང་དང་ཚགས་དེབ་སྟེང་ནས་ཤེས་ཡོན་པ་དང་བླུན་རྨོངས་པ། ཤེས་ནས་དཔྱད་མཁན་དང་མ་ཤེས་ཀྱང་འུར་འདྲོགས་བྱེད་མཁན་གང་མང་མང་གིས་གླེང་བ་རེད།
གཅན་འོད་འབར།
ཆར་རླུང་དྲག་པོ་དེའི་རྗེས་སུ།
སྐྱ་རེངས་ཀྱི་ཡོལ་བས་བཀྱགས་པའི་ཕྱེ་ལེབ་མང་པོས།
ཉི་ཟེར་གྱིས་རྒྱན་པའི་མཛེས་སྡུག་གི་གཤོག་འགྱུར་མངོན་ཞོར།
ནམ་མཁའི་དྭངས་གཙང་གི་ངོ་གདོང་གཡོགས་ཤིང་།
ས་གཞིའི་ཡིད་འོང་གི་མིག་ཟུང་བསྒྲིབས་པ།
ཉིན་མོ་ཞིག་གི་ཆེས་ཐོག་མའི་རེ་བའི་མེ་ཏོག་བཞད་སྟངས་ཡིན་ནམ།
དུས་ཚིགས་ཤིག་གི་ཆེས་མཐའ་མའི་ཕམ་ཁའི་ཁ་བ་བཞུ་ཚུལ་ཡིན།
འདབ་གཤོག་གི་ཁ་དོག་མི་གཅིག་ལ་འཕུར་ལྡིང་གི་སྟངས་སྟབས་མི་འདྲ་བའི་ཕྱེ་མ་ལེབ།
ཡུལ་ལྗོངས་གང་ནས་ཕེབས་ཤིང་རི་ལུང་གང་དུ་ཉུལ་འགྲོ་མི་ངེས་པའི་ཕྱེ་མ་ལེབ།
སྦྲ་དཔལ་ལྡན།
མི་རྟག་སྒྱུ་མའི་ལས་ཀྱིས་བརྐོས་པའི་འཇིག་རྟེན་མི་ཡི་གྲུ་ཁ་འདིར།།
ཁྱོད་ཀྱི་བརྩེ་སེམས་མེ་ཏོག་དམར་བོ་བདག་གི་སྙིང་ཁར་ལྷུང་བ་ནས།།
ཡིད་ཆེས་དྭངས་མོས་གཏམ་གྱིས་བཏེགས་པའི་བདག་གི་སེམས་པ་དམར་བོ་འདི།།
དབང་མེད་བརྩེ་བའི་གཤོག་ཟུང་ཐོགས་ནས་ཁྱོད་ཀྱི་ཕྱོགས་སུ་ལྷོད་ཀྱིས་འཕུར།།
ཤར་ཕྱོགས་ཁུག་རྟ།
སྣང་བ་འཇམ་པོས་བག་མར་ཉོས་དུས་ནམ་སྟོད་རིང་མོའི་རླུང་གི་དབྱངས།།
དལ་བུའི་འགྲོས་ཀྱི་ཁུགས་སོ་རེ་ནས་མུན་པའི་ཞགས་པ་ཡིད་དུ་རུམ།།
གཟུགས་བརྙན་འབུམ་གྱི་གྲིབ་སོ་དག་ནས་འཆར་སྣང་གཤིན་པོའི་འཁྲེང་སེམས་སྟོང༌།།
བྱུང་རིམ་རི་མོར་ཡུན་གྱིས་འཐམས་པས་སྐྱིད་སྡུག་གར་གྱི་འཇིག་རྟེན་བརྩིགས།།
འདུ་བྱེད་འོད་ཀྱི་ཟེགས་མ་རེ་ན་སྣེ་གཉིས་འདྲེས་པའི་གནས་ལུགས་ཤིག།
བཟང་ཞན་བཏགས་པ་མཛེས་དཔྱོད་ཆུ་བོས་རང་གི་གངས་ཀྱི་སེམས་པ་སྟོན།།
འཐད་མིན་ན་བུན་ཡན་གར་འཕྱུར་བ་འགྱུ་སྟངས་གྱ་གྱུའི་གྲིབ་མ་ཡིས།།
དམའ་སར་འཚོ་བའི་རྐང་གཉིས་ཚོགས་ལ་མི་འཆི་སྲོག་གི་འཚོ་གནས་སྦྱིན།།
ངས་པོ་རྒྱལ་མཚན
ཞི་བདེའི་མེ་ཏོག་བཞད་པའི་ཁ་བའི་ལྗོངས།། ཕུན་ཚོགས་རང་དབང་བདེ་སྐྱིད་རོལ་པའི་དུས།།
ཤར་ཕྱོགས་འབྱུང་པོའི་བསླུ་བྲིད་དབྱེན་སྦྱོར་གྱིས།། བསིལ་ལྡན་ལྗོངས་ལ་ཁྲག་གི་འཁོར་ལོ་བསྐོར།།
ཕྱག་ན་པད་མོ་ས་མཐའི་ཡུལ་ལ་སྤྲད།། སྣང་མཐའི་མགོན་པོ་མུན་པའི་བཙོན་དུ་བཅུག།།
རིགས་ཞེན་ལང་ཚོ་རྒྱས་པའི་གངས་ཕྲུག་ཚོ།། གཡོ་སྒྱུའི་གདུག་རྩུབ་མེ་མདས་སྐུ་སྲོག་འཕྲོག།
དེ་རིང་ཁ་བརྡའི་ཐོག་བཀོད་པའི་སངས་རྒྱས་རྒྱལ་གྱི་པར་དེ་མཐོང་བ་དང་གསུང་བཤད་གོ་རྗེས། ཁོང་ཡང་ཡང་ཡིད་ལ་དྲན་ཞིང་སེམས་ལ་སྐྱོ་བ་སྐྱེས་བྱུང་བས་ཁོང་ལ་རྗེས་སུ་དྲན་པའི་ཆེད་དུ་རང་དབང་མེད་པར་ཚིག་འགའ་ཤོར། དགེ་རྒན་ཆེན་མོ་སངས་རྒྱས་རྒྱལ་ལགས་ནི་སྐུ་གཤེགས་ཟིན་ཡང་ཁོང་གི་མི་རིགས་ཀྱི་སློབ་གསོའི་ཆེད་གནང་བའི་བཀའ་སློབ་དག་ནི་ད་རུང་ང་ཚོས་རྣ་བས་ཉན་ཐུབ་པ་འདིའང་བསྐལ་བ་བཟང་། ན་ནིང་སློབ་གྲོགས་ཤིག་གི་ཁ་ནས་ཁོང་སྐུ་གྲོངས་པ་གོ་རྗེས་ཡིད་ལ་ཕངས་སེམས་ཡང་ཡང་སྐྱེས་ཀྱང་དེ་ལ་བྱ་ཐབས་ཅི།
གཅན་འོད་འབར།
༤
དུས་ཚོད་ནི་དུས་ཚོད་དེ་འཛིན་ཐབས་བྲལ་བའི་མདའ་མོ་ཞིག་དང་འདྲ་བར་ཟླ་བ་གཉིས་ངང་གིས་འདས་སོང། བདེ་སྐྱིད་ཀྱི་ལུས་པོ་རང་ཡུལ་དུ་ཡོད་རུང་ཁོ་མོའི་སེམས་པ་རྒྱང་ཐག་རིང་བའི་དཔལ་འཛོམས་གྲོང་ཁྱེར་དུ་ལྷག་འདུག ཁོ་མོར་མཚོན་ན་དྲན་གདུང་དང་ཁེར་རྐྱང་གིས་ཕུད་པའི་ཉིན་མཚན་དེ་ཚོ་ལོ་ཟླ་ལས་ཀྱང་རིང་བའི་སྣང་བ་ཞིག་འདུག་ལ་བསྐྱལ་དཀའ་བའི་དུས་ཡུན་དེའི་རིང་དུ་མོས་བདེ་ལྡན་ལ་གསང་བའི་ཐོགས་ནས་འབྲེལ་བ་གནང་ནས་ནང་མི་སུ་ཞིག་ལ་ཡང་ཁོང་གཉིས་ཀྱི་འབྲེལ་བའི་སྐོར་ཤེས་སུ་བཅུག་མེད་སྙམ་ནའང། ཤོད་སྟངས་ཤིག་ལ་ཆུ་ཚོགས་པའི་སྣོད་ཡོད་རུང། གཏམ་ཚོགས་པའི་སྣོད་ག་ལ་ཡོད་ཅེས་པ་བཞིན།
གཅན་འོད་འབར།
ཁོར་མཚོན་ན་འཇིག་རྟེན་ནི་མུན་ནག་རྐྱང་རྐྱང་གི་ཞིང་ཁམས་ཤིག་སྟེ་གནམ་སའི་བར་གྱི་མཛེས་སྡུག་ནི་མཐོང་རེག་བྲལ་བའི་རྨི་ལམ་ཞིག་ལས་མ་འདས་མོད། ཁོ་མོའི་ཡོད་ཚད་ད་དུང་ཁོའི་སེམས་པའི་མིག་གོང་ན་གསལ་ལམ་མེར་’འོད་དུ་འཚེར། “ཤུ་་་་” ཁོས་དབུགས་རིང་ཞིག་འཐེན་རྗེས་འཁར་རྒྱུག་མདུན་དུ་བསྲིངས་ཞོར་དལ་ལྷོད་གྱི་གོམ་ཁ་མདུན་ཕྱོགས་ཀྱི་ཁང་ཆུང་དེའི་ཕྱོགས་སུ་བསྒྱུར་འགོ་ཚུགས།
ཁོས་རང་ཉིད་ཀྱི་མི་ཚེ་འདིའི་ལས་དབང་དང་ད་ལྟའི་གནས་སྟངས་སོགས་ཡིད་ལ་འཁོར་ཐེངས་རེར་འགོག་དཀའ་བའི་སྐྱོ་སྣང་གི་ཚོར་བ་དྲག་པོ་ཞིག་མེ་རི་བཞིན་སེམས་གཏིང་ནས་ཤུགས་ཀྱིས་འབར་ཡོང་ལ་སྡུག་ཡུས་ཀྱི་མཆི་མ་རྡོག་པོ་རེ་མིག་ཟུང་ནས་ཆར་ཐིགས་བཞིན་དབང་མེད་ལྷུང་ཡོང།
ཕྱེ་མ་ལེབ་སྔོན་མོ།
བསིལ་རླུང་དལ་གྱིས་ཐོལ་ཞིང་གཡས་གཡོན་ལ་གྲྭ་པ་ཚོས་དཔེ་ཆ་སྐྱོར་ཀློག་བྱེད་པའི་གསུང་དབྱངས་ནི།རྣ་བར་སྙན་ཞིང་ཡིད་གུས་ཐེབས་པའི་ཞོགས་པ་དེར།རྒན་དགེ་འདུན་ལགས་ནི་སྔར་ས་ནས་མལ་ལས་ལངས་ནས།རང་ཉིད་རྒྱུན་རིང་ཉལ་རྒྱུ་མ་བྱུང་བའི་གཟིམས་སྒམ་དེའི་སྒང་ཙོག་པུར་བསྡད་དེ་སུ་ཞིག་ལ་རེ་སྒུག་བྱེད་པར་བཞིན་མིག་གཉིས་མདུན་ཕྱོགས་སུ་ཡོད་པའི་འཛུལ་སྒོ་དེར་བཅེར་ཏེ་གནས།ཁོ་ནི་ནམ་རྒྱུན་ནས་རྒྱ་གར་གྲོང་ཁྱེར་རྡི་ལིའི་བོད་མི་གནས་སྡོད་བྱེད་ཡུལ་MTལ་རྒྱུན་སྡོད་བྱེད་པ་དང་།
རྩོམ་པ་པོ། ཀྲང་བྷོ་ཧྲུའུ།
བཀའ་ཡིག་དྲུང་འཕར་བུ་རྫོང་ལྷ་མོ་ཚང་ཚེ་རིང་དབང་ཕྱུག་གིས་བོད་ཡིག་ཏུ་བསྒྱུར།
༼ རྩོམ་ཡིག་འདི་སྤེལ་མཁན་ཀྲང་བྷོ་ཧྲུའུ་ནི་རྒྱ་ནག་པེ་ཅིང་གི་མི་ཡིན་ཞིང་རྒྱ་ནག་མི་དམངས་དཔལ་འབྱོར་སློབ་ཆེན་གྱི་མཁས་པའི་ཕྱག་འཁྱེར་དང་རྒྱ་ནག་སྤྱི་ཚོགས་མཚན་རིག་ཞིབ་འཇུག་ཁང་གི་མཚན་ཉིད་རིག་པ་ནས་རབ་འབྱམས་པ་དང་འབུམ་རམ་པ་འཐོབ་པའི་གྲགས་ཅན་ཞིབ་འཇུག་པ་ཞིག་ཡིན་འདུག ཁོང་གིས་ལོ་མང་རིང་རྩོམ་འབྲི་གནང་བའི་《དེང་རབས་ཅན་དང་ལམ་ལུགས་དེང་རབས་ཅན》སོགས་མཚོན་པའི་རྩོམ་ཡིག་ནང་དག་ཅིག་སྤེལ་མྱོང་ཡོད་མཁན་གྱི་རྒྱ་རིགས་མཁྱེན་ལྡན་པ་ཞིག་ཡིན་འདུག༽
དེ་ལས་མང་བ་། ““ཏཱ་ལའི་བླ་མར་དྲི་བ་བདུན་བཏོན་པ“”ཞེས་པའི་རྩོམ་ཡིག་གི་ཉེན་ཁའིཕྱོགས་ལྷུང༌།” »
-4/14 ཡུལ་ཤུལ་ས་ཆར་ས་ཡོམ་གྱི་གོད་ཆག་བྱུང་ནས་ལོ་འཁོར་གཉིས་ལོན་པར་རྗེས་དྲན་དུ་བྲིས་པ།
གཅན་འོད་འབར།
ཁུ་སིམ་ཁད་ཀྱིས་དཀྲོགས་པའི་ནངས་མོ་དེ།
ལྷིང་འཇགས་ཐོལ་གྱིས་བཅོམས་པའི་ཞོགས་པ་དེ།
ནངས་མོ་དེ་དང་ཞོགས་པ་དེར།
སུ་ཞིག་གིས་ཡིད་ལ་མ་དྲན་ཞིང།
གང་ཞིག་གིས་ཐུགས་ལ་མ་མཁྱེན་པའི་ས་ཆེན་པོའི་གོད་ཆག་ཅིག་གིས།
ཡངས་བའི་རྩྭ་ཐང་གི་མཛེས་སྡུག་བསད་ཅིང།
བརྗིད་པའི་གངས་རི་ཡི་གཟི་མདངས་འཁྱེར་ལ།
ཉམ་ཆུང་སྤུན་ཟླ་ཚོའི་བདེ་སྐྱིད་འཕྲོག་སོང་།
རྩེ་སྐར།
སྲིང་བལ་གྱི་སྦུབས་སུ་བཏུམས་པའི་ཤིང་ཕྲན་རྐང་གཅིག་གམ།
ཡང་ན། ཞུན་མར་གྱི་མཚོ་ལ་བཙན་གྱིས་བཙུགས་པའི་མེ་ཏོག་རྐང་གཅིག
ལྷུན་ཆགས་ཀྱི་རང་གཤིས་ཤིག་བཟུང་སྟེ།
འཇིག་རྟེན་འདིར་ཉམ་ཆུང་གིས་འཚོ་འདོད་ཡོད་ཀྱང༌།
འདོད་རྔམ་ཆེ་བའི་མི་དག་གིས།
གཞོག་གཏུབ་ཀྱིས་མནར་གཅོད་གཏོང་སྟངས་དེས།
གྲང་ཤུར་ཤུར་གྱི་དགུན་ཟླ་རིང་མོ་ཞིག་གི་དུས་ཚུགས་ན།
གཅན་འོད་འབར།
༡
རྩ་བ་སྐམ་པའི་ཤིང་སྡོང་འདིའི་ཡལ་གར་བལྟས་ན།
ཅི་ཞིག་སྐྱེས་ཡོང་བསམ་པའི་རེ་བ་ཞིག་ཡེ་ནས་མི་འདུག་མོད།
དཔྱིད་ཀ་གཞན་ཞིག་གི་ལོག་ཕེབས་བསམ་ཚེ།
སྟོང་བསམ་འདྲ་བའི་རྨི་ལམ་ཞིག་གཏང་མི་ཆོག་པ་ག་ལ་ཡོད་སྙམ།
འོན་ཀྱང་སྐྱེ་འཆི་ལྷ་རུ་བཅོལ་བའི་འགྲོ་བ་འདི་ཚོ་བསམ་ན།
གསེར་དངུལ་ཟངས་ཀྱིས་བཞེངས་བའི་ཁ་མི་གྲག་པའི་འབག་སྐུ་འདི་ཚོ།
ཉི་མ་འཚོ།
གཅིག
ཁོ་མོ་ནི་གྱོན་ཆས་གསར་བ་དང་རྒྱན་ཆ་ལ་ཧ་ཅང་དགའ། ཁོ་མོའི་ངོ་གདོང་དང་ལུས་ཀྱི་རྣམ་པ་ནི་ནམ་ཡང་དཔེ་གསར་ཁོ་ན་ལས་མ་འདས། ཁོ་མོ་བྱིས་པ་ཞིག་གི་ཨ་མ་རེད་ཟེར་ན་སུས་ཀྱང་ཡིད་མི་ཆེས་ལ། ཁོ་མོར་ཡང་ཨ་མ་ཞིག་ཡིན་བསམ་པའི་སྣང་བ་ཁྱོན་ནས་མེད། ཁོ་མོས་ཤེལ་སྒོ་ནང་རང་ཉིད་ཀྱི་སྐྱེས་གཟུགས་དང་རྣམ་པ་ལ་ཡིད་ཚིམ་པ་ཞིག་བལྟས་རྗེས། ཐག་སྒྲ་ཞིག་གི་འགྲོས་དང་བསྟུན་ནས་ཁ་གཏད་ཕྱི་རྒྱལ་གྱི་ཟ་ཁང་ཞིག་གི་ནང་དུ་འཛུལ། ཁོ་མོས་ཁ་སང་གྲོགས་པོ་ཞིག་གི་མགྲོན་བྱས་པའི་ཟ་མ་དེ་ཡོད་མེད། ཚལ་ཐོ་ཐོག་མིག་གཤེར་གྱིས་ཕར་ཀློག་ཚུར་ཀློག་འགའ་བྱས། “དིར དིར དིར” ཁ་པར་གྱི་སྒྲ་བསྟུན་མར་གྲགས་བྱུང་།
འབྲུག་ལོ་བ།
ཤ་ཁྲག་གཅིག་པའི་སྤུན་ཟླའི་ལག་རྡང་མེ་ལྕེའི་ཀློང་ནས་མདུད་དེ་ཐལ།།
མུན་པ་གཤགས་པའི་སྤོབས་པའི་ཁུ་ཚུར་གནམ་ལ་འཕྱར་ནས་བཞུད་དེ་ཐལ།།
གཅིག་བཞུད་གཉིས་བཞུད་མེ་ལྕེའི་རླབས་ཀྱིས་སེམས་ཀྱི་རི་ཀླུང་ཡང་ཡང་སྒུལ།།
མེ་དང་ཉེ་བའི་བདག་གི་སེམས་འདི་མེ་བཞིན་བཞུར་ཞིང་མཆེད་ཀྱིན་ཡོད།།
དེ་ལས་མང་བ་། “ད་ནི་མེ་ལྕེའི་ཀློང་ལ་ཞུགས་ནས་བླ་འབོད་ཐེངས་ཤིག་བྱེད་སྙིང་འདོད།།” »