མེ་ཏོག་དཀར་པོ།
ཀ་ཁ་ག་ང་ཤེས་པའི་ཁེངས་པས། །
ཁ་ལྕེ་བརྒྱ་དང་སྟོང་དུ་སྤྲུལ་ཏེ། །
ག་ས་ག་རུ་ཆོས་ལ་སྨོད་མཁན། །
ང་ཚོའི་ཁྲོད་དུ་མང་དུ་མང་དུ། །
ཅ་ལག་ཙག་ཙིག་བཙོང་མཁན་ཡན་གྱི། །
ཆ་འཇོག་བློ་བཏད་བཅོལ་སའི་ཡུལ་ཞིག །
ཇ་ཕུད་ཆང་ཕུད་མཆོད་ཡུལ་སྲུང་མར། །
ཉ་སོགས་དུད་འགྲོ་འདྲ་འོ་སྐད་དོ། །
ཨ་རིག་དགེ་མཐོང་།
ཐོག་མའི་གཏམ།
དེ་རིང་གི་ངའི་བརྗོད་གཞི་ནི་(བོད་སྐད་དང་བོད་ཡིག་བར་གྱི་འབྲེལ་བ། ཆོལ་ཁ་གསུམ་སོ་སོའི་ཐུན་མིན་གྱི་ཡུལ་སྐད་རྣམས་བོད་སྐད་ཡིན་པའི་སྒྲུབ་བྱེད། དེ་དག་ཡོངས་གྲགས་ཚིག་མཛོད་ཆེན་མོ་རྣམས་སུ་བཅུག་ན་དགེ་སྐྱོན་གང་ཡོད་སོགས་ལ་དཔྱད་པ། )འདི་ རེད། བརྗོད་གཞི་འདི་བོད་མི་རིགས་ཀྱི་ཚེ་སྲོག་དང་འབྲེལ་འདུག་པས་ངས་དགའ་བཞིན་སྤྲོ་ བཞིན་ངང་དང་ལེན་བྱས་པ་ཡིན། དེ་མིན་ད་ལྟའི་དུས་སུ་བོད་ཀྱི་རྩོམ་པ་པོ་དང་མཁས་པ་ཚོས་ངས་མི་འཇོན་ཚུལ་དང་ང་ ལ་ཤེས་ཡོན་མེད་ཚུལ།
ངས་པོ་རྒྱལ་མཚན།
སྔོན་བྱུང་ཞི་བའི་ཁམས་སུ་རང་དབང་དཔལ།།
མ་བཅོས་ལྷུན་གྲུབ་རང་བཞིན་གཏེར་གྱི་མཛོད།།
གློ་བུར་དུད་རབས་ཉི་ཤུའི་སྲིབ་ཀ་ནས།།
ཀླ་ཀློའི་གདུང་རྩུབ་ཅིག་གིས་རྩད་ནས་གཏོར།།
འགྲན་བྲལ་མེས་པོའི་ཐུགས་མཚོའི་ལྟེ་བ་ལས།།
ལེགས་འཁྲུངས་ནང་རིག་རིན་ཆེན་ནོར་བུའི་ཕུང།།
མེ་ཆུའི་སྦྱོར་བ་བཙན་པོས་བརླགས་བྱས་ཏེ།།
དབེན་གནས་ཞི་གྲོང་ཁྲག་མཚོའི་གླིང་དུ་བསྒྱུར།།
དེ་ལས་མང་བ་། “མུན་ནག་དང་སྐྱོ་གདུང་གི་ལོ་ཟླ་མངོན་པའི་ཁྲག་དྲོན་གྱི་ཟིན་ཐོ།” »
ནམ་མཁའ།
འདོད་པ་མང་བའི་སེམས་ཀྱི་མཁའ་དབྱིངས་སུ།།
ཆགས་སེམས་སྤྲིན་གྱིས་བྲིས་བའི་བུ་མོ་ལ།།
དྲན་པའི་ཡིད་ཀྱི་འཇའ་ཚོན་སྐེ་རྒྱན་འདི།།
གཡུ་ཆུང་བུ་མོའི་མགུལ་དུ་འཁྱོལ་བར་ཤོག།
དབྱངས་ཅན་ངག་གི་རོལ་མོའི་གདངས་ཀྱི་གཟུགས།།
དབྱངས་ཅན་ངག་གི་གཅུང་མོས་བྲིས་བ་ཞིག།
སྤྲིན་ལས་གྲོལ་བའི་ཟླ་བའི་འོད་སྣང་བཞིན།།
ཡུན་རིང་འཁྱམས་པའི་བུ་ཡི་སེམས་སུ་ཤར།།
མགོན་པོ་བསོད་ནམས།
ཀ་མེད་གལ་ལ་ཐུག་དུས་སྐུ་རྟེན་སྐུལ།། ཁ་རྗེ་དབང་ཐང་ཉམས་ཤིང་མགོ་མེད་བོད།།
ག་བར་ཁྲིད་ན་ཆུ་སྣ་གར་འཐེན་འདིས།། ང་ཚོར་ཇུས་ཉེས་ཐེབས་པའི་ལོ་རྒྱུས་མང་།།
འབའ་སྲས།
དེ་རིང་འཐུང་བའི་ཆང་འདི་ཞིམ་པོ་མ་རེད།།
དེ་རིང་ལངས་པའི་གླུ་འདི་སྙན་མོ་མ་རེད།།
དེ་རིང་སྡོད་སའི་རྐུབ་སྟེགས་བདེ་བོ་མ་རེད།།
སང་ཉིན་སྐྱིད་པའི་འཚོ་བ་བདག་ལ་ཡོད་དམ།།
རྨེ་རུ།
ཉི་མ་ལ་ཁར་འགྲོ་འགྲོ།
ང་ཚོ་ཕ་ཡུལ་ལ་འགྲོ།
གཉེན་ཉེ་ཚོས།
རེ་སྒུག་གི་ཁ་བཏགས་བཟུང་ཡོད།
གཅན་འོད་འབར།
༡
ཁོར་ཡུག་འདིའི་གྲུ་ཟུར་ཀུན་ཏུ་དྲག་རླུང་ལྟར་ལྡང་ཞིང་འབྲུག་སྒྲ་བཞིན་གྲགས་པའི་ཡ་མཚན་དངོས་བྱུང་གི་གནས་ཚུལ་ཁྱད་མཚར་ཞིག་ཁྱབ་བཞིན་པ་དེ་ནི་ཁ་སང་འཇིག་རྟེན་འདི་དང་གཏན་དུ་ཁ་བྲལ་བའི་ཤི་བོ་དེའི་དོན་རྐྱེན་རེད། བསམ་བློ་པ་ཚོས་བཤད་ན། ཁོར་སེམས་ནད་བྱུང་ནས་ཤི་བ་རེད་ཟེར། ཚན་རིག་པ་ཚོས་སྨྲས་ན་མ་རེད། ཁོ་གཞན་གྱིས་ལྐོག་གསོད་བྱས་པ་རེད་ཟེར། སྨན་པ་ཚོས་བརྗོད་ན། དེ་མ་རེད། ཁོ་ནད་རྙིངབསྐྱར་འཕར་བྱུང་ནས་འཆི་བ་རེད་ཟེར།
མིག་གསུམ་པ། ལྡི་ལི།
ཕྱི་རོལ་ན་གྲགས་འགུལ་ཅི་ཡང་མེད་པའི་ཁོར་ཡུག་འདིར
ང་རང་འོད་སྣང་གི་ཉེ་སར་བཅར་དུས
འོད་སྣང་གིས་བདག་ལ་སྩལ་བའི་བསམ་གཞིག་བརྩེགས་མ
ཁ་བའི་འདབ་མ་བཞིན་སྨྱུག་རྩེ་ནས་བབས
གཡུ་དྲུག་དཀར། རྡ་ས།
ཟླ་བཞི་བ་ཚེས་དུས། ཕ་ཡུལ་ལ་དབྱར་ཕ་མ་འདྲ་ཞིག་འཇབ་ནས་ཡོང་གིན་ཡོད་ཅིང་། སྐྱིད་མེ་ཏོག་འདྲ་ཞིག་འཛུམ་གྱིས་བཞད་དེ་ཡོང་གིན་ཡོད་པས། ངས་ནམ་ཡང་རང་གི་ཕ་ཡུལ་དེ་ཟླ་བཞི་བའི་ཕ་ཡུལ་ཡིན་ཆོག་ཨང་སྙམ་གྱིན་ཡོད་མོད།
ད་ལོར་ཟླ་བཞི་བ་ཚེས་དུས། ངས་ཕ་ཡུལ་གྱི་སྔོ་དྭངས་དྭངས་ཀྱི་ནམ་མཁའ་དྲན་གྱི་མེད། ངས་ཕ་ཡུལ་གྱི་ལྗང་ཐིང་ཐིང་གི་སྤང་ལྗོངས་དྲན་གྱིན་མེད། ངས་ཕ་ཡུལ་གྱི་ཁྲ་ཆིལ་ཆིལ་གྱི་མེ་ཏོག་དྲན་གྱིན་མེད་ལ། ངས་ཕ་ཡུལ་གྱི་སྙན་ལྷང་ལྷང་གི་ཁུ་བྱུག་ཀྱང་དྲན་གྱིན་མེད།
རྩོམ་པ་པོ། གནས་ནང་འགྱུར་མེད་དབང་གྲགས།
་་་་་་་་་་་་་་་་་་་་་་་་་་ཨ་རིའི་བོད་སྐད་བརྙན་འཕྲིན་གྱི་མདུན་དུ་བསྟབས་པའི་གཏམ་ཤལ་ལེ་མ།
ཨ་འཇམ་གྱིས།
མི་རིགས་ཤིག་ལ་མི་རིགས་ཤིག་གི་ཁྱད་ཆོས་ལྡན་པའི་གོ་རིམ་ནི། མི་རིགས་གང་དེའི་ཀྱག་ཀྱོག་གི་ལོ་རྒྱུས་ཀྱི་དུས་ཡུན་རིང་མོའི་གོ་རིམ་ཁྲོད་དུ་འབད་ཅིང་རྩོལ་བ་ལ་བཏབ་སྟེ་བྱུང་བའི་རིག་གནས་ཐོན་སྐྱེད་ཀྱི་སྣང་ཚུལ་ཞིག་ལ་གོ་ཆོག དེ་རིང་གི་མགོ་བོ་མཐོ་བར་འདེགས་པའི་འུ་ཅག་གི་གདེང་སྤོབས་འདི་ཡང་མེས་པོའི་རྩོལ་སྒྲུབ་ཀྱི་ནུས་པས་བསྐྱེད་པའི་རིག་གནས་ཀྱི་ངོམ་སོ་ལས་བྱུང་བ་ཡིན།
ང་ཚོས་རིག་གནས་གང་ཞིག་གི་ཁྱད་ནུས་ཀྱང་རང་ཉིད་ཀྱི་ཁོར་ཡུག་དང་དུས་ཚོད་ཀྱི་བབ་བསྟུན་དུ་ཐག་གཅོད་དགོས་པའི་གནས་ཚུལ་ཤིན་ཏུ་མང་པ་བདེན་དུ་མཆི་ཡང་། རིག་གནས་གང་ཞིག་གི་མདུན་དུ་བདོག་པའི་མི་རིགས་དེ་ཉིད་ཀྱིས་རིག་གནས་དེ་ལ་ལྟ་བའི་འདུ་ཤེས་འཛིན་སྟངས་ཚད་ལྡན་ཞིག་དང་། བཀོལ་སྤྱོད་ཁེ་ཕན་ཡང་དག་ཅིག འགན་འཁྲིའི་བསམ་བློ་བརྟན་པོ་ཞིག་དགོས་ཏེ། རིག་གནས་དེས་སྐྱོབ་པའི་མི་རིགས་ཤིག་གི་དར་རྒུད་ཐག་གཅོད་ཀྱི་གནད་དོན་ཞིག་དང་འབྲེལ་བས་སོ།།
མིག་གསུམ་པ། ལྡི་ལི
རྟག་བརྟན་མེད་པའི་འཁོར་བ་འདིའི་ཕྱི་ནང་
ཅི་ཡང་མ་མཐོང་བའི་མིས་བཟོས་ལྡུམ་རྭ་ཆེན་པོ་ཞིག
འཁོར་བར་གནས་པའི་དགེ་སྡུག་གི་བྱེད་པོ
ངའི་ཁོར་ཡུག་གི་མེ་ཏོག་བཅོམ་བྱེད་ཀྱི་ཆར་བ་ཞིག་དང་ཀུན་ནས་མཚུངས
ཆར་བ་བབས་ཐེངས་ཤིག་གིས སེམས་པ་འདི་མགོ་ལྕོག་ལྡེམ་པར་བྱས་པའི་མེ་ཏོག་ཕོན་པོ་ཞིག་ཏུ་བསྒྱུར
སེར་སྨད་དགེ་བཤེས་ལྷ་རམས་པ་ཡང་སྟེང་སྤྲུལ་སྐུ།
༄༅། །བདེ་ཅན་ཞིང་ནས་གངས་ཅན་བོད་དུ་སྐར་མདའ་བཞིན་དུ་བྱོན་པ་ཡི། །
རྒྱལ་བའི་དབང་པོ་འོད་ཟེར་དཔག་མེད་པཎ་ཆེན་སྙིང་གི་ནོར་བུ་ལགས། །
ད་སྟེ་ཁྱེད་ཉིད་ཞི་བར་གཤེགས་ཏེ་ལོ་གྲངས་ཉེར་གསུམ་ཙམ་ཞིག་ཐལ། །
འོང་ཏང་བདག་གི་ཁོག་པའི་སྙིང་དུ་ཁྱེད་ཉིད་ཁ་སང་བཞིན་དུ་བཞུགས། །
གྱ་བདུན་ལོ་རུ་མགོན་པོ་ཁྱེད་ཉིད་བོད་ཁམས་ཤར་ཕྱོགས་འདབ་ཡུལ་དུ། །
དགྱེས་བརྩེས་གཟིགས་པས་ཞབས་ཟུང་འཁོར་ལོ་དཀའ་བ་སྟོང་གིས་སྒྱུར་བ་ན། །
ཁྱེད་ཀྱི་ཞལ་རས་ཉ་གང་ཟླ་བས་འཛུམ་དམུལ་དམུལ་གྱི་དགྱེས་ཉམས་བཅས། །
བྱམས་བརྩེ་ཕྱག་གིས་བདག་གིས་མགོ་བོར་རེག་པར་མཛད་པ་ཡིད་ལ་དྲན། །
དེ་ལས་མང་བ་། “པཎ་ཆེན་ཐམས་ཅད་མཁྱེན་པའི་རྗེས་དྲན་ཡིད་ཀྱི་སྨྲེ་ངག” »
འབའ་སྲས།
༼ཀ༽
ཁ་སང་གི་གཏམ་རྒྱུད་དེ་འོད་ལམ་ལམ།
དེ་རིང་གི་དངོས་སྒྲུང་ནི་སྐྱ་མོག་མོག
ཨ་ཕ་ལགས། དྲང་མོར་གསུངས་དང་།།
གཏམ་རྒྱུད་དེ་ངོ་མ་བདེན་པ་ཡིན་ནམ།
(༧ཀུན་གཟིགས་པཎ་ཆེན་ཚང་ལ་ཕུལ་བ།)
གཅན་འོད་འབར།
བརྗེད་དཀའ་བའི་ཉིན་མོ་འདིའི་ནམ་ཟླའི་བཞུད་སྟངས་ཀྱིས།
ཟླ་བ་ཞིག་ཤར་ནས་ནུབ་ཚུལ་དྲན་དུ་བཅུག་ལ།
མེ་ཏོག་ཅིག་འཁྲུངས་ནས་བོར་ཚུལ་ཡང་བསམ་དུ་བཅུག
དད་བརྩེའི་མིག་ཟུང་ནས་བྲལ་བའི་ཟླ་བ།
རེ་བའི་སེམས་ཁོང་ནས་ཡལ་བའི་མེ་ཏོག
བཙལ་ནས་མ་རྙེད་པའི་ཟླ་བ་དང་མེ་ཏོག
ད་ལྟ་གང་ཞིག་ན་མཉམ་དུ་བཞད་ཡོད།
བློ་གྲོས་རབ་བརྟན།
གྲོགས་པོ་རྣམ་པ།ང་ཕ་ཡུལ་དང་བྲལ་ནས་ལོ་བཅུའི་རྗེས་སུ།ངའི་ཕ་ཡུལ་ལ་བཟང་ངན་གྱི་འགྱུར་ལྡོག་སྣ་ཚོགས་ཤིག་བྱུང་སོང་།མང་ཆེ་བ་ངན་ཕྱོགས་ཀྱི་འགྱུར་ལྡོག་རེད།འགྱུར་ལྡོག་དེ་ཡང་རང་ཉིད་ལ་རང་ཚུགས་མེད་པ་དང་དེའི་ཁར་རྒྱ་གཞུང་གི་ངན་གྲོགས་ཚབས་ཆེ་བས་རེད།
ངའི་ཕ་ཡུལ་གྱི་མི་རྣམས་འཐོར་སོང་།རང་ས་བཞག་སོང་།རྒྱ་མི་སྡོད་སར་བཞག་སོང་།ངའི་ཕ་ཡུལ་གྱི་མི་རྣམས་རྒྱ་གར་དང་བལ་ཡུལ།འབྲུག་ཡུལ།ཨ་རི་དང་ཁ་ན་ཏྲ།ཡོ་རོབ་སོགས་སུ་ཁེ་རྒྱང་གིས་འཚོ་བཞིན་ཡོད།
ཁྱུང་ནག
ཁྱེའུ་ཆུང་ཆུང་ཞིག་ངོས་འཛིན་གནང་མ་ཐག་གྲོངས་སོང
བིས་མདོའི་མགོན་པོ་ཚེ་བརྟན་ཡར་ཁྲིད་ཤོག་ཟེར
ཉི་མ་ལྷ་ས་ན་འོས་སྤྲུལ་མང་པོའི་སྟག་སེང་འགྱིང་འདུག་ཟེར
གོ་མན་ཏང་དང གུང་བྲན་ཏང་གིས
ཡང་ན་ཆིངས་ཡིག་དོན་ཚན་བཅུ་བདུན་གྱིས
ཁྱེད་རང་སེང་ཁྲིའི་སྟེང་དུ་བཞག་ཅིང
ཐམས་ཅད་མཁྱེན་པས་རྒྱང་རིང་ནས་ཁྱེད་ལ་བཀའ་ཡིག་བསྩལ
ཆབ་བྲག་ལྷ་མོ་སྐྱབས།
མགོན་པོ་འོད་དཔག་མེད་ལགས། བདེ་བ་ཅན་ལ་བཞུགས་ཟེར། དེ་སྲས་པཎ་ཆེན་བླ་མ། མི་ཡུལ་བཙོན་རར་བཞུགས་འདུག སངས་རྒྱས་འདི་འདྲ་ཡིན་ན། མི་ཡུལ་ཕེབས་ནས་ཅི་བྱེད། སུ་ཡིས་སུ་ཞིག་སྐྱོབ་རྒྱུ།
པཎ་ཆེན་སྣང་བ་མཐའ་ཡས། འོད་ཟེར་སྤྲོ་རྒྱུ་མིན་ན། མུན་ནག་ནང་གི་ང་ཚོས། རང་ལུས་མཆོད་མེར་སྦར་ནས། གསོལ་བ་སྨོན་ལམ་བཏབ་པ། དོན་མེད་སྡུག་གྱོང་མིན་ནམ། ཐུགས་རྗེའི་སྤྱན་ཆབ་གང་ན།
ལྷ་ལུང་རྒྱལ།
རྫ་སྤང་ནགས་རི་ཚལ་བར་གཤག་ཅིང་དགོ་འབྲོང་རི་དྭགས་མཚོན་ཁར་རྫོགས།།
ཤང་ཤང་གཙང་པོ་དུག་གིས་སྦགས་ཏེ་འབྱིན་རྔུབ་རླུང་ཡང་ནག་པོས་རྒྱུ།།
ཉི་མའི་ཁྱིམ་གྱི་འོད་རླབས་དམར་པོར་བསྐལ་བའི་འཁྱག་རོམ་གདུ་ཞིང་འཁོལ།།
བསིལ་ལྗོངས་སྣོད་ཀྱི་འཇིག་རྟེན་ངུ་བཞིན་ནམ་ཞར་དུ་ཡང་ཁྱོད་ཉིད་གླེང་།།