༡
བྱུང་རབས་ལྷ་མོ་ཡི་མཛེས་ཉམས་ཆགས་པས་བྲིས་ཤིང།།
དངོས་བྱུང་མིག་མཐོང་གི་གཟུགས་ལ་སྣང་བརྙན་མེད་པའི།།
སྣང་ཡུལ་རབ་རིབ་ཀྱི་ཆར་སྤྲིན་སྨུག་ལོང་འདི་གོ།
བདག་གི་ཡབ་མེས་ཀྱི་ལོ་རྒྱུས་གླེགས་བམ་ཉིད་དོ།།
སེམས་ཀྱི་ཐིགས་པ།
བོད། ཤ་ཁྲག་རུས་གསུམ། གཞན་དོན་ལས་ལ་ཞུམ་མེད་ཞི་བའི་ལྷ།། དུས་གསུམ་ཀུན་གཟིགས་འགྲོ་བའི་སྐྱབས་གནས་མཆོག། སྲིད་མཐའི་བར་དུ་འབྲལ་མེད་རྗེས་བཟུང་སྟེ།། ཞི་བའི་འཐབ་རྩོད་ལམ་ལྷོང་ཡོང་བར་སྨོན།།
བོད་ཀྱི་ཞི་བའི་ལས་འགུལ་བ་མ་བུ་གསུམ་དང་འུ་ཅག
བསྟན་འཛིན་ཤེས་རབ།
ཉིན་འདི་གཉིས་རིང་ང་ཚོ་ཆེས་སེམས་འཚབ་ཀྱིས་གཟིར་བཞིན་པ་ནི། ང་ཚོའི་མིག་མདུན་དུ་གནས་ཤིང་སྒོ་ཁ་ནས་དཀའ་སྡུག་ཚད་མེད་མྱོང་བཞིན་པའི་བོད་ཀྱི་ཞི་བའི་འཐའ་རྩོད་པ་གླིང་ཚ་ཚེ་བརྟན་རྡོ་རྗེ་མ་བུ་གསུམ་གྱི་བདེ་སྡུག་དང་གནས་ཚུལ་རེད། ཁོང་ཅག་གིས་བོད་ཀྱི་བདེན་མཐའ་གསལ་ཆེད་རང་ཉིད་ཀྱི་ཡོད་ཚད་བློས་བཏང་ཞིང་གོམ་པ་རེ་རེ་བཞིན་སྤོས་ཏེ་ད་ལྟ་རྒྱ་བལ་གཉིས་ཀྱི་ས་མཚམས་སུ་སླེབས་ཡོད། ཁོང་ཅག་གི་ལམ་བར་གྱི་ངལ་དུབ་དང་ཚ་བདུག བཀྲེས་ལྟོགས་དང་སྐོམ་གདུང་སོགས་ཀྱི་དཀའ་སྡུག་སྣ་མང་ལ་བློ་སེམས་རེ་སྐོར་ཚེ། ངོ་མ། སྙིང་རྩ་ལ་ཟུག་འདར་རྒྱག་ཅིང་སེམས་ཁོང་ལ་གནོངས་པ་ཞིག་འཁྱིལ་འོངས་ཨང་། རང་རེའི་སྤྱི་དོན་ལ་ཁ་ཞེ་གཉིས་མེད་དང་བློ་རྩ་བརྟན་པའི་ཚེ་བརྟན་རྡོ་རྗེ་མ་བུ་གསུམ་གྱིས། ཞི་བའི་གོམ་བགྲོད་ཀྱི་འགོ་བཙུགས་མ་ཉིད་ནས། རང་རེའི་སྤྱི་ཚོགས་ལ་ཡིད་ཆེས་དང་རེ་བ་ཆེན་པོ་བཅངས་ཤིང་།
དེ་ལས་མང་བ་། “བོད་ཀྱི་ཞི་བའི་ལས་འགུལ་བ་མ་བུ་གསུམ་དང་འུ་ཅག” »
སེམས་ཤུགས་འཕེལ་བའི་བོད་ནང་གི་གནས་ཚུལ། ཨ་མདོའི་ཕྱོགས་སུ་སྐད་ཡིག་སྲུང་སྐྱོབ་ཀྱི་ལས་འགུལ།
རྡོ་རྗེ་ཚེ་བརྟན། རྒྱ་གར་བོད་རང་བཙན་སློབ་ཕྲུག་ཚོགས་པའི་འགན་འཛིན།
ཁ་སང་ལྷག་དཀར་ཉིན་མོར་བདག་གི་སེམས་ཐག་ཉེ་བའི་གྲོགས་པོ་བོད་དོན་འཐབ་རྩོད་པ་ཆབ་སྲིད་བཙོན་ཟུར་ལྷ་མོ་སྐྱབས་ལགས་བདག་གི་ཡིག་ཚང་དུ་སླེབས་སོང་ལ། མཚར་སྣང་དང་རེ་སྒུག་གིས་ཁེངས་པའི་ཁོང་གི་རྣམ་རིག་གྲུང་བོ་མཐོང་མ་ཐག་བདག་གིས་ཁོང་ལ་ནམ་རྒྱུན་དང་མི་འདྲ་བའི་གནས་ཚུལ་གསར་བ་ཞིག་ཡོད་པ་ཤེས་ཐུབ།ཁོང་གིས་རང་ཉིད་ཀྱི་མཐེབ་འཇུག་ལས་བདག་ལ་བོིད་ནང་གི་ཡིད་འགུལ་ཐེབས་པའི་ལྷག་དཀར་སྲུང་བརྩི་བྱེད་སྟངས་ཀྱི་རྣམ་པ་དམིགས་གསལ་བ་ཞིག་བསྟན་སོང་། སེམས་ཤུགས་འཕར་བའི་གནས་ཚུལ་དེས་བདག་གི་ལྷག་དཀར་ཉིན་མོ་དེ་ཡང་དམིགས་བསལ་བ་ཞིག་བཟོས་སོང་།
རྫུ་བག་གི་འཇིག་རྟེན།
ནམ་མཁའ།
དགོད་མ་འཛུམ་གྱི་སེམས་ཁམས་འདིས།
སྣོད་བཅུད་ཀྱི་འཇིག་རྟེན་ལ་གོད་ཆག་བཟོས།
གས་ཆག་ཏུ་སོང་བའི་འཇིག་རྟེན་ན།
རྫུན་འབག་གི་མ་རྒྱན་པའི་འཇིག་རྟེན་ཞིག་མཐོང་ཨེ་སྲིད།
བཅོས་མའི་སེམས་ཁམས་འདིས།
སྤྲིན་པ་དཀར་བོའི་ཁ་བཏགས།
རས་པ།
༡
གངས་ཀྱི་རི་ལ་ཞབས་རྗེས་གནང་ཡོད།།
ཞབས་རྗེས་ཞི་བདེའི་འགྲུལ་བཞུད་དཀར་པོ།།
གངས་དཀར་ཉི་ཟླའི་འོད་ཟེར་གྱིས་བཏེགས།།
ཐུགས་ཀྱི་ཞུན་མ་འགྲོ་བར་གནང་བ།།
ཐུགས་བཞེད་མཚན་ལ་ཀུན་ཁྱབ་སེམས་འཁུར།།
བཀའ་བསྟན་བསྲུབས་པའི་གསེར་གྱི་དབྱུག་པ།།
རྒྱ་མཚོའི་དཀྱིལ་སྙིང་དེ་དང་འདྲ་བ།།
ཡུལ་ལ་ལོག་ཤོག -(ཞར་བཀོད་ལྔ།)
གཅན་འོད་འབར།
ཡུལ་ལ་ལོག་ཤོག
མིག་ཟུང་མཆི་མས་སྒྲིབ་པའི་རི་བོ་འདི་ཚོས་ཁྱོད་ལ་རེ་སྒུག་བྱས་ཡོད།
ལག་ཟུང་བཙག་གིས་གཙེས་པའི་གཙང་བོ་འདི་ཚོས་ཁྱོད་ལ་ཕེབས་བསུ་བྱས་ཡོད།
ཡུལ་ལ་ལོག་ཤོག
གཞན་ཡུལ་ཇི་འདྲའི་སྐྱིད་ཀྱང་ཡུལ་ལ་ལོག་རྒྱུ་མ་བརྗེད།
རང་ལ་བཤད་པ།
ཅི་ཞིག་གི་ཆེད་དུ་གསོན་ཡོད་པ་མ་ཤེས་ལ།
གང་ཞིག་གི་སླད་དུ་ཤི་དགོས་པ་ཡང་མ་རྟོགས་མོད།
གང་ལྟར། ང་སྔར་བཞིན་ང་རྒྱལ་གྱིས་འཚོ་འདོད་ལ།
གང་ལ་བུད་སོང༌།
འདས་ཟིན་པའི་ཚ་བོ་ལ་ཕུལ་བ།
ལྷ་ལུང་རྒྱལ།
སྒུག་ཀྱང་ཞལ་རས་མིག་གིས་མ་མཐོང༌།།
ཉན་བསམ་སྐད་ངག་རྣ་བས་མ་གོ།
ཚེ་འདིར་ཐུག་རྒྱུའི་གོ་སྐབས་མ་བྱུང༌།།
དངངས་ཤིང་སྐྲག་བཞིན་གང་ལ་བུད་སོང༌།།
འདས་སོང་ལོ་ཟླའི་ཡུལ་ལྗོངས་ཤིག་ནས།།
ལྷན་ཅིག་བརྩེ་དགའི་རོ་ལ་མྱངས་ཤིང༌།
ཁོ་བོར་དུང་བའི་ཉམས་འགྱུར་བསམ་ན།།
སྐྱོ་བའི་ན་བུན་དྭངས་ཐབས་མི་འདུག།
མགོ་དཀྲིས་དམར་པོའི་འོག་གི་གསང་བ།
……..རྩེ་སྐར།
གནག་སྣུམ་སྐྲ་ལོ་གླས་མའི་ལན་བུ་འགྲམ་པའི་མཁུར་ཚོས་ཐུར་དུ་དཔྱངས།།
བཅུ་དྲུག་ལང་ཚོའི་ནུ་འབུར་ཟུང་དེ་སྟོད་གོས་ཐུ་ལ་བཙན་གྱིས་བཙུར།།
གཞོན་ཤ་ཆགས་པའི་རྐེད་པའི་ལྡེམ་སྒེག་གོམ་པའི་འདེགས་འཇོག་བར་ན་གསལ།།
ཕོ་སྐྱེས་རིག་ན་ངོ་ཚའི་ཟོལ་ཞིག་ཟུར་མིག་གཡོ་བའི་ཞོར་ནས་མངོན།།
ད་ནི་མགོ་དཀྲིས་དམར་པོའི་འོག་ན་སེམས་ཀྱི་འདོད་པ་ཅི་ཞིག་ཡོད།
ང་ཡི་གླུ་རྒྱལ་བདུད་པེ་གཏན་བཞུགས་མཛོད།།
རང་རྟོན།
གླུ་བ་བདུད་པེར་ཆེད་དུ་ཕུལ།
ཁ་བའི་བདེ་སྡུག་ལྷན་སྐྱེས་ངག་ལ་བརྒྱུས་པའི་དབྱངས་རྟའི་འགྱུར་ཁུགས་སྟོང་གིས་ས་ཆེན་ཁམས་འདི་གཉིད་ལས་དཀྲོགས་པའི་གཏམ་རྒྱུད་སྙན།།
ཁ་ཙམ་ཡིན་པའི་ལ་རྒྱའི་གཡུ་རལ་གསིག་བཞིན་མི་ཚེའི་ལང་ཚོ་རྫོགས་པའི་རྐང་རྗེས་རེ་རེ་འཇིག་རྟེན་ངོས་སུ་རྣམ་པར་བཀྲ།།
ཁ་སེམས་ཤར་ནུབ་མིན་པའི་ངེས་དོན་ལོ་རྒྱུས་མི་ཡུལ་ཁམས་ན་འབྲུག་བཞིན་ལྡིར་བའི་མཚན་སྙན་བ་དན་དཀར་བོ་དགུང་ན་གཡོ།།
ཁ་ཁུ་སིམ་པོའི་བོད་ཡུལ་ལུང་བ་ཁད་ཀྱིས་དཀྲོགས་པའི་སྙིང་སྟོབས་དེ་ཡང་སྒང་བ་བོད་པའི་ཤ་ཁྲག་རུས་ན་གནས་ཤིང་གསོན།།
དྭངས་མོ་མཚོ། ཁྱོད་གང་ན་ཡོད།༼ཁག་གཉིས་པ།༽
འབའ་སྲས།
ཞི་བདེའི་རྒྱ་མཚོ་ཆེན་པོའི་ཕ་རོལ་ན།།
བདག་གི་སེམས་པ་དམར་པོའི་ནང་རོལ་ན།།
ནམ་ཡང་བརྗེད་པར་དཀའ་བའི་དྭངས་མོ་མཚོ།།
ཞེ་མཐུན་རོགས་ཁྱོད་དེང་སང་གང་ན་ཡོད།།
ཁྱེད་ཀྱི་ཞལ་རས་མ་མཐོང་ལོ་ལྔ་འགོར།།
ཁྱེད་ཀྱི་འཕྲིན་ཡིག་མ་འབྱོར་ལོ་བཞི་འདས།།
ཁྱེད་རང་གང་ཡོད་མ་ཤེས་ལོ་གསུམ་སོང་།།
ངོ་མ་བཤད་ན་ཁྱོད་ནི་གང་ན་ཡོད།།
ཁེར་རྐྱང་དུ།
གཅན་འོད་འབར།
ཁུ་སིམ་གྱི་མགོ་བོ་བྲང་ཁར་སྨད་ནས།
བདག་མེད་ཀྱི་སྐྲ་ལོར་བྱིལ་བྱིལ་བྱེད་པའི་རླུང་ཞིག་ལྡང་བར་རེ་ལ།
འཁྱག་སིབ་ཀྱི་ལག་ཟུང་བྲང་ཁར་བཞག་ནས།
ཁེར་རྐྱང་གི་འགྲམ་པར་འཇམ་ཞིམ་གྱི་འོ་ཞིག་བྱེད་པར་སྒུག
རེ་བས་ཁེངས་བའི་རི་གྲོང་འདིའི་མཚམས་སྤྲིན་ངོགས་ནས།
རང་ལ་མི་དབང་བའི་ཁང་མིག་འདི་ལ།
བརྩེ་འདང་གི་སྨུག་ཞགས་རེ་ཨེ་འཁོར་བལྟས་ཤིང་།
དྲོད་ཁོལ་ཀྱི་ཉི་ཟེར་རེ་ཨེ་ཕོགས་ལ་སྒུག
འདང་ཅན་དྲན་པ།
ཤར་ཕྱོགས་ཁུག་རྟ།
༡
ཆུ་ཚོད་སྐར་ཆ་འདི་མི་འདུག་ཐག་ཐག་འགྲོ་དུས།།
ལག་པས་འགྲོ་བསྐྱོད་ལ་ཚོད་འཛིན་བྱས་ན་བསམས་ཀྱང་།།
ཤར་ཕྱོགས་ཉི་མ་དེ་མི་འདུག་ནུབ་རིར་ཕྱིན་ན།།
སེམས་ནས་མི་འདོད་ཀྱང་ལག་པས་སྙོབ་ཚོད་མི་འདུག།
༢
ཟླ་བ་གཅིག་འདི་གོ་བསམས་ན་ཐུང་ཐུང་ཡིན་ཡང་།།
བྲལ་ནས་གྲངས་ཀ་དེ་ག་ལེར་རྒྱག་དགོས་བྱུང་ཚེ།།
སྣང་ཡུལ་ཐམས་ཅད་པོ་སུན་པས་ཁུར་ནས་འགྲོ་སྟབས།།
ཁྱེད་ལ་བྲལ་རྒྱུ་འདི་དངོས་གནས་ཡོང་ས་མ་རེད།།
རི་མཐོན་པོ་དྲན་གླུ།
འཇམ་དབྱངས་ནོར་བུས་བརྩམས། ཚེ་རིང་དོན་གྲུབ་ཀྱིས་བསྒྱུར། ངས་ཨ་རིའི་མངའ་སྡེ་ཁཱ་ལོ་ར་སྒྲའི་རྒྱལ་ས་སྒྲེན་བེར་གནམ་ཐང་དུ་རླངས་འཁོར་ལ་སྒུག་སྡོད་སྐབས། སྤྱིར་བཏང་གི་བོད་པ་གྲོགས་པོ་ཞིག་གིས་ཁ་པར་འབྱོར་སོང་ལ། ཁོས་བཤད་རྒྱུརདེ་ལྟར་མ་བསམ་པ་ཞིག་ལ། གཅིག་བྱས་ན་ང་རང་ནོར་སྲིད། ཨ་རིས་བོད་ནང་དུ་བོད་མིའི་འཇབ་དམག་ལ་སྦྱོང་བརྡར་ལས་རིམ་ཞིག་བསྐྱར་འཛུགས་བྱས་པ་ཡིན་ནམ་ཟེར། ངས་དེ་འདྲ་རྩ་བ་ཉིད་ནས་ཡོང་མི་སྲིད་པ་ཞིག་རེད། ང་རང་རོ་ཁིའེ་ནང་ཡོད་པའི་ཧཱལ་དམག་སྒར་ལ་འགྲོ་བཞིན་ཡོད་ལ་དེར་མཛད་སྒོ་་ཞིག་འདུག ཨ་རིའི་གསང་པའི་ལས་ཁུངས་ཀྱིས་གསང་པའི་ངང་སྦྱོར་བརྡར་སྤྲད་པའི་བོད་མི་རང་དབང་འཐབ་རྩོད་པ་སུམ་བརྒྱར་རྗེས་དྲན་ཆེད་ཟངས་ལྕགས་ལས་བཟོས་པའི་དྲན་གསོའི་བྱང་བུ་ཞིག་གཏན་འཇོག་གནང་གི་འདུག རྒྱ་མིས་བོད་བཙན་འཛུལ་བྱེད་སྐབས་ཁོ་ཚོའི་ནང་མི་མང་པོ་དམག་འཐབ་ཁྲོད་ཚེ་སྲོག་ཤོར་ཡོད་པ་རེད། ཅེས་ཁོ་ལ་འགྲེལ་བརྗོད་བྱས། རྩོམ་ཡིག་འདིའི་འཕྲོས་གཟིགས་ན། ནུབ་གླིང་གི་བོད་ཅེས་པའི་དྲ་རྒྱ་འདི་ནས་གཟིགས་འཚལ།
གླུ་རྒྱལ་བདུད་བྷེའི་ཞབས་བརྟན་བདེན་ཚིག་སྨོན་ལམ་གྱི་ཁ་བཏགས་དཀར་པོ། །
ཨོཾ་སྭ་སྟི། །
གདོད་མའི་མགོན་པོ་ཆོས་སྐུ་ཚེ་དཔག་མེད། །
ལོངས་སྤྱོད་རྫོགས་སྐུ་ཚེ་ལྷ་སྤྱན་བདུན་མ། །
འཇའ་ལུས་པད་འབྱུང་མནྡ་ར་ཝ་སོགས། །
རིག་འཛིན་ཚེ་ཡི་ལྷ་ཚོགས་དགོངས་སུ་གསོལ། །
ཀ་ལ་མ་ལྟར་དཀར་བའི་ལྷག་བསམ་ཅན། །
ཁ་བའི་ཟློས་གར་མཁན་པོ་ཚངས་དབྱངས་སྲས། །
ག་ས་གང་དུ་སྙན་པའི་དཔལ་འབར་བའི། །
ང་ཡི་ཁུ་བྱུག་སྔོན་མོ་སྐུ་ཚེ་བརྟན།
དེ་ལས་མང་བ་། “གླུ་རྒྱལ་བདུད་བྷེའི་ཞབས་བརྟན་བདེན་ཚིག་སྨོན་ལམ་གྱི་ཁ་བཏགས་དཀར་པོ། །” »
སྒྲོལ་མ་དཀར་མོ། ཁྱོད་ལ་ཐད་ཀར་དུ་བལྟས་ན
མིག་གསུམ་པ། ལྡ་ལི།
༡
སྒྲོལ་མ་དཀར་མོ
ཆེས་ཐོག་མའི་ཐུག་ཕྲད་ཀྱི་ཀློང་ནས
ཁམས་འདྲིའི་གོམ་སྟོབས་ལ་ཁད་ཀྱིས་ཞུགས་ཏེ
ཁྱོད་ཀྱི་ངོ་གདོང་ལ་ཐད་ཀར་དུ་ལྟ་དུས
ཞལ་རས་སྒོར་སྒོར་དེ་ང་ལ་གནང་བའི་པད་དཀར་ཞིག་གམ
སེམས་སྒྲ་གཉོམ་པོ་དེ་ང་ལ་བཏང་བའི་གླུ་གཞས་སྙན་མོ་ཞིག
ཀ་ཁ་ག་ང་ཤེས་པའི་ཁེངས་པ།
མེ་ཏོག་དཀར་པོ།
ཀ་ཁ་ག་ང་ཤེས་པའི་ཁེངས་པས། །
ཁ་ལྕེ་བརྒྱ་དང་སྟོང་དུ་སྤྲུལ་ཏེ། །
ག་ས་ག་རུ་ཆོས་ལ་སྨོད་མཁན། །
ང་ཚོའི་ཁྲོད་དུ་མང་དུ་མང་དུ། །
ཅ་ལག་ཙག་ཙིག་བཙོང་མཁན་ཡན་གྱི། །
ཆ་འཇོག་བློ་བཏད་བཅོལ་སའི་ཡུལ་ཞིག །
ཇ་ཕུད་ཆང་ཕུད་མཆོད་ཡུལ་སྲུང་མར། །
ཉ་སོགས་དུད་འགྲོ་འདྲ་འོ་སྐད་དོ། །
བོད་ཀྱི་སྐད་དང་ཡི་གེ་ལ་རགས་ཙམ་བལྟས་པ།
ཨ་རིག་དགེ་མཐོང་།
ཐོག་མའི་གཏམ།
དེ་རིང་གི་ངའི་བརྗོད་གཞི་ནི་(བོད་སྐད་དང་བོད་ཡིག་བར་གྱི་འབྲེལ་བ། ཆོལ་ཁ་གསུམ་སོ་སོའི་ཐུན་མིན་གྱི་ཡུལ་སྐད་རྣམས་བོད་སྐད་ཡིན་པའི་སྒྲུབ་བྱེད། དེ་དག་ཡོངས་གྲགས་ཚིག་མཛོད་ཆེན་མོ་རྣམས་སུ་བཅུག་ན་དགེ་སྐྱོན་གང་ཡོད་སོགས་ལ་དཔྱད་པ། )འདི་ རེད། བརྗོད་གཞི་འདི་བོད་མི་རིགས་ཀྱི་ཚེ་སྲོག་དང་འབྲེལ་འདུག་པས་ངས་དགའ་བཞིན་སྤྲོ་ བཞིན་ངང་དང་ལེན་བྱས་པ་ཡིན། དེ་མིན་ད་ལྟའི་དུས་སུ་བོད་ཀྱི་རྩོམ་པ་པོ་དང་མཁས་པ་ཚོས་ངས་མི་འཇོན་ཚུལ་དང་ང་ ལ་ཤེས་ཡོན་མེད་ཚུལ།
མུན་ནག་དང་སྐྱོ་གདུང་གི་ལོ་ཟླ་མངོན་པའི་ཁྲག་དྲོན་གྱི་ཟིན་ཐོ།
ངས་པོ་རྒྱལ་མཚན།
སྔོན་བྱུང་ཞི་བའི་ཁམས་སུ་རང་དབང་དཔལ།།
མ་བཅོས་ལྷུན་གྲུབ་རང་བཞིན་གཏེར་གྱི་མཛོད།།
གློ་བུར་དུད་རབས་ཉི་ཤུའི་སྲིབ་ཀ་ནས།།
ཀླ་ཀློའི་གདུང་རྩུབ་ཅིག་གིས་རྩད་ནས་གཏོར།།
འགྲན་བྲལ་མེས་པོའི་ཐུགས་མཚོའི་ལྟེ་བ་ལས།།
ལེགས་འཁྲུངས་ནང་རིག་རིན་ཆེན་ནོར་བུའི་ཕུང།།
མེ་ཆུའི་སྦྱོར་བ་བཙན་པོས་བརླགས་བྱས་ཏེ།།
དབེན་གནས་ཞི་གྲོང་ཁྲག་མཚོའི་གླིང་དུ་བསྒྱུར།།
དེ་ལས་མང་བ་། “མུན་ནག་དང་སྐྱོ་གདུང་གི་ལོ་ཟླ་མངོན་པའི་ཁྲག་དྲོན་གྱི་ཟིན་ཐོ།” »
མི་མཐོང་སེམས་པ་མ་མཐོང་བུ་མོས་ཁྱེར།
ནམ་མཁའ།
འདོད་པ་མང་བའི་སེམས་ཀྱི་མཁའ་དབྱིངས་སུ།།
ཆགས་སེམས་སྤྲིན་གྱིས་བྲིས་བའི་བུ་མོ་ལ།།
དྲན་པའི་ཡིད་ཀྱི་འཇའ་ཚོན་སྐེ་རྒྱན་འདི།།
གཡུ་ཆུང་བུ་མོའི་མགུལ་དུ་འཁྱོལ་བར་ཤོག།
དབྱངས་ཅན་ངག་གི་རོལ་མོའི་གདངས་ཀྱི་གཟུགས།།
དབྱངས་ཅན་ངག་གི་གཅུང་མོས་བྲིས་བ་ཞིག།
སྤྲིན་ལས་གྲོལ་བའི་ཟླ་བའི་འོད་སྣང་བཞིན།།
ཡུན་རིང་འཁྱམས་པའི་བུ་ཡི་སེམས་སུ་ཤར།།