དགའ་ཉག་འཁྱམ་པོ།

རབ་དཀར་གངས་རིའི་ཡུལ་ནས་དགོས་དབང་གིས་ཐོལ་གྱིས་ཕེབས་ཏེ་ས་ཆེན་ཞི་བདེའི་དཔལ་ལ་ཡོངས་སུ་འགོད་པའི་དཔལ་ལྡན་བླ་མ་དམ་པ། ཡོངས་རྫོགས་བསྟན་པའི་མངའ་བདག་༧སྐྱབས་མགོན་ཡིད་བཞིན་ནོར་བུའི་སྐུ་ཡི་འཁྲུངས་སྐར་ལ་སྙིང་ནས་འཚམས་འདྲི་དང་གུས་འདུད་ཞུ།

རྣམ་འབྱེད་ཤེས་རབ་ཟབ་མོ།།
བརྩེ་ཆེན་ཀློང་ནས་རྡོལ་ཏེ།།

དེ་ལས་མང་བ་། “འཁྲུངས་སྐར་ཤིས་ཚིག” »

འཇམ་དབྱངས་དཀར་པོ།

ཀ་དག་ཀློང་ནས་ཤར་བའི་སྙིང་རྗེའི་ལྷ།།
ཁ་ནས་བྱམས་བརྩེ་རྟེན་འབྱུང་འདོམས་པའི་གསུང་།།
ག་ལེར་འཛམ་གླིང་ཞི་བདེར་སྐྲུན་མཛད་ཐུགས།།
ང་ཅག་མགོན་ཁྱོད་ཞབས་པད་བརྟན་གྱུར་ཅིག །

དེ་ལས་མང་བ་། “དགུང་ལོ་ ༧༨ ལ་ཕེབས་པའི་འཁྲུངས་སྐར་དུ།” »

༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་དགུང་གྲངས་༧༨ ལ་སོན་པའི་སྐུའི་འཁྲུངས་སྐར་ལ་དད་གུས་ཆེན་པོས་ཕུལ།

སེར་ཤུལ་རིན་ཆེན་དོན་གྲུབ།

འཛམ་གླིང་ཤར་ནུབ་བློ་ལྡན་སྐྱེ་བོས་ཁྱེད་ཀྱི་སྙན་པའི་མཛེས་པ་བཏེགས།།
ཀུན་ཁྱབ་བསམ་བློའི་ཞིང་ས་དམ་པར་མཛེས་པའི་ལམ་སྟོན་འོད་ཀྱིས་བཀྲམ།།
ཞི་བདེ་འཚེ་བྲལ་བཟང་སྤྱོད་སྟོང་གིས་འགྲོ་བའི་བདེ་སྐྱིད་བླ་ན་སྤེལ།།
དོན་ལྡན་མཚན་གྱི་སྙན་པ་རིང་མོ་གླིང་ཆེན་རྣམ་བཞིའི་མཐོངས་ལས་འཕུར།།

དེ་ལས་མང་བ་། “རྟེན་འབྲེལ་རིགས་པའི་དེད་དཔོན།” »

ཚེ་རིང་དཔལ་ལྡན།

ཁམས་གསུམ་འཁོར་བའི་འཇིག་རྟེན་འདི་ན་བྱིས་རྣམས་རྨོངས་པའི་ཆགས་སྡང་གིས།།
ཕན་ཚུན་འཁོན་པའི་རྡུལ་མཚོན་ཕྲ་མོས་རྟེན་འབྱུང་ཆོས་ཉིད་འདོར་བའི་ཚེ།།
ལུགས་གཉིས་བཟུང་འབྲེལ་ཉིན་བྱེད་འོད་ཀྱིས་ཉོན་མོངས་མུན་པ་འཇོམས་བྱས་ཏེ།།
ཟབ་མོ་ཆོས་ཀྱི་གསུངས་དབྱངས་དྲུག་ཅུས་མཁའ་ཁྱབ་འགྲོ་རྣམས་འདྲེན་མཛད་པ།།

དེ་ལས་མང་བ་། “༸གོང་ས་མཆོག་གི་སྐུའི་འཁྲུངས་སྐར་ཕུལ་བ།” »

ཁ་བའི་འབྲོག་མོ།
——སྐུའི་འཁྲུངས་སྐར་ལ་རྟེན་འབྲེལ་ཞུ།

རབ་བྱུང་བཅུ་དྲུག་དུས་ལེགས་ཏེ།།
བསྐལ་བ་རྫོགས་ལྡན་ཚངས་པའི་དུས།།
ཉི་ཟླ་སྐར་གསུམ་དགུང་ལ་འཛོམས།།
སྐྱེ་དགུའི་ཁམས་ཀྱི་མུན་པ་སེལ།།

དེ་ལས་མང་བ་། “མཚུངས་མེད་བླ་མ་ཀུན་ནས་རྒྱལ།” »

རོང་པོ་སྒང་ནེ།

ཀ་མ་ལ་ལྟར་རང་བཞིན་གཙང་ཞིང་ཀུན་གྱིས་དགའ་བའི་མིན་ན་ཀ།།
ཁ་བ་ཅན་གྱི་མགོན་པོ་ཁྱེད་ནི་འཛམ་གླིང་ཞི་བདེ་འདྲེན་པའི་ཁ།།
ག་སར་ཕེབས་ཀྱང་དགྲ་དང་གྲོགས་མེད་བཞིན་གྱི་ཞལ་ནི་བཞད་ཀྱི་ག །
ང་ཡི་རྩ་བའི་བླ་མ་ཁྱེད་ཀྱི་འཁྲུངས་སྐར་ཤིས་སྨོན་འབུལ་འདི་ང་།།

དེ་ལས་མང་བ་། “སྐུའི་འཁྲུངས་སྐར་ལ་ཕུལ་བའི་ཀ་ཕྲེང་དད་པའི་སྤུ་ལོང་གཡོ་བའི་འབྲུག་སྒྲ།” »

ཤར་ཕྱོགས་ཁུག་རྟ།

༄༅།། སྐུ་ཚེ་ཞལ་བཞེས་ལྟར་བརྟན་པར་སྨོན། དགུང་གྲངས ༡༡༣ ལ་བཞུགས་རྒྱུར་བོད་མི་རིགས་ཀྱི་བསོད་ནམས་ཀྱིས་འཁྱོག་པར་ཤོག ༸གོང་ས་ཆེན་པོ་ཁྱེད་ལས་གཞན་བོད་མི་རིགས་ཞེས་པའི་གདགས་གཞི་ཞིག་བདག་ལ་མེད་ཅིང། ༸གོང་ས་ཆེན་པོ་ཉིད་ཀྱི་དགོངས་གཞི་ལས་བོད་མི་རིགས་ལ་དབང་བོ་རྣམ་ལྔ་ཞིག་བདག་ལ་མེད། ༸གོང་ས་ཆེན་པོ་ཉིད་ཀྱི་ཤེས་རབ་འབར་བའི་ལམ་སྟོན་དག་ལས་བོད་མི་རིགས་ལ་མདུན་ལམ་དང་ཚེ་སྲོག་ཅེས་པ་ཞིག་ཀྱང་བདག་ལ་དུས་གཏན་དུ་མེད་པས།

དེ་ལས་མང་བ་། “བོད་མི་རིགས་ཀྱི་ཚེ་གཡོག་ཟླ་མེད་ཁྲི་ལོར་ཤོག” »

རྒྱང་མིག
—-༧གོང་ས་མཆོག་གི་སྐུའི་འཁྲུངས་སྐར་ལ་ཕུལ།

ཞིང་དཔག་མེད་རབ་འབྱམས་རྒྱ་མཚོའི་སངས་རྒྱས་དང་བྱང་སེམས།།
སྐུ་ཞི་དྲག་ཇི་སྙེད་གར་མཛད་ཡི་དམ་དང་ཆོས་སྐྱོང་།།
སྐྱབས་བསླུ་མེད་མཆོག་གསུམ་རིན་ཆེན་ཀུན་འདུས་ཀྱི་སྤྱི་གཟུགས།།
རྗེ་བསྟན་འཛིན་རྒྱ་མཚོར་རྣམ་ཀུན་སྙིང་དབུས་ནས་མཆོད་དོ།།

དེ་ལས་མང་བ་། “ཡིད་དད་གུས་ཀྱིས་ཁྱེད་ལ་བསྟོད།” »

དགའ་ལྡན་ཤར་རྩེ་ཐོས་བསམ་ནོར་གླིང་ཆེས་མཐོའི་ནང་བསྟན་གཙུག་ལག་སློབ་གྲྭའི་དགེ་སློབ་ཡོངས།

༄༅། །ལྷ་དང་བཅས་པའི་འགྲོ་བ་ཡོངས་ཀྱི་མ་འདྲིས་པའི་མཛའ་བཤེས་ཆེན་པོ་ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག་འཛམ་གླིང་ཞི་བདེའི་དེད་དཔོན། རང་ཅག་གཞིས་བྱེས་བོད་འབངས་ཡོངས་ཀྱི་དཔྲལ་བའི་མིག་དང་ཁོག་པའི་སྙིང་། སྐྱོབ་པའི་ཕ་མ། འདྲེན་པའི་དེད་དཔོན། འདི་ཕྱིའི་སྐྱབས་གནས་བླ་ན་མ་མཆིས་པ་༸སྤྱི་ནོར་༸གོང་ས་༸སྐྱབས་མགོན་༸རྒྱལ་དབང་ཡིད་བཞིན་ནོར་བུ་མཆོག་འདི་ལོ་ཕྱི་ལུགས་དགུང་གྲངས་༧༨ ལ་ཕེབས་པའི་སྐུའི་འཁྲུངས་སྐར་དུས་ཆེན་ཁྱད་པར་ཅན་ལ་

དེ་ལས་མང་བ་། “༸སྐུའི་འཁྲུངས་སྐར་ལ་ཕུལ་བའི་ཤིས་ཚིག” »

རྨེ་རུ།

ངུར་སྨྲིག་ན་བཟའ་སྐུ་ལ་བསྣམས་བཞིན།།
ཞལ་གྱི་འཛུམ་མདངས་འགྲོ་ལ་གཟིགས་ཤིང་།།
འཚེ་མེད་ཞི་བདེའི་གླུ་དབྱངས་གྱེར་བའི།།
འགྲོ་བའི་སྐྱབས་མགོན་ཁྱེད་མིན་སུ་མཆིས།།

དེ་ལས་མང་བ་། “དད་གདུང་ཡིད་ཀྱི་མཆོད་པ།” »