བཀྲ་ཤིས་དོན་འགྲུབ།
རྒད་པོ་འཁོགས་པོ་ཡིན་པའི་གྲོགས་པོ་ཚོ།།
རྒས་ཉམས་མ་སྟོན་འཇིག་རྟེན་གཉིད་ལས་སློང་།།
རྒུད་ཉམས་མ་སྟོན་གསོན་པའི་བཟོ་སྟོན་དང་།།
ང་དང་ཁྱོད་ཀྱི་མདུན་ལམ་གཅིག་པ་ཡིན།།
བོད་མི་མང་གི་གཅེས་ཕྲུག་བླ་ན་མ་མཆིས་པ། རྒྱལ་བ་རིན་པོ་ཆེ།
(འཁྲུངས་སྐར་དུས་ཆེན་ཉིན་བྲིས།)
སྤོབས་པ་མཐའ་ཡས།
རྒྱལ་བ་རིན་པོ་ཆེ་ནི་མི་ལོ་བཞི་བརྒྱར་ཉེ་བའི་རིང་དུ་བོད་ཀྱི་ཆོས་སྲིད་ལ་དབང་བསྒྱུར་བའི་ལོ་རྒྱུས་ལྡན་པའི་དབུ་ཁྲིད་ཅིག་རེད། སྔོན་དུས་སུ་སྡེ་པ་གཞུང་གི་མི་སེར་ཚོས་འབྲུ་རིགས་དང་དཀར་ཟས་ཀྱི་ཁྲལ་འཇལ་བའི་དུས་སུ་འདིའི་ནང་གི་ཆ་ཤས་གཅིག་རྒྱལ་བ་རིན་པོ་ཆེའི་གསོལ་ཅོག་སྒང་དུ་སླེབས་སྲིད་པ་རེད་ཟེར་ནས་ཆེས་གཙང་མ་དང་སྤུས་ཀ་ཅན་ཁྲལ་དུ་འབུལ་སྲོལ་ཡོད་པ་རེད། བོད་ལ་རྒྱ་དམར་གྱི་བཙན་འཛུལ་བྱས་པར་བརྟེན་དུས་ཀྱི་འགྱུར་བ་ཆེན་པོ་འདིའི་ཁྲོད་དུ་ཡང་བོད་མི་མང་གི་དད་པ་གཙང་མ་དང་དམ་ཚིག་བརྟན་པོས་རྒྱལ་བ་རིན་པོ་ཆེའི་མཛད་འཕྲིན་མཐོར་འདེགས་དང་རྒྱལ་བ་རིན་པོ་ཆེའི་མཚན་སྙན་སྲུང་སྐྱོབ་ལ་བརྟེན་ནས་རྒྱལ་བ་རིན་པོ་ཆེའི་སྐད་གྲགས་ཀྱིས་འཛམ་གླིང་ཧྲིལ་པོར་ཁྱབ་ཡོད།
དེ་ལས་མང་བ་། “བོད་མི་མང་གི་གཅེས་ཕྲུག་བླ་ན་མ་མཆིས་པ། རྒྱལ་བ་རིན་པོ་ཆེ།” »
རེབ་གོང་དང་རཀ་ར། སྤྲུལ་སྐུ་ཞིག་རྗེས་སུ་དྲན་པ།
ཉིན་འགའི་སྔོན་དུ་རཀ་ར་རིན་པོ་ཆེ་དགོངས་པ་རྫོགས་པའི་མྱ་ངན་རྗེས་དྲན་གྱི་རྩོམ་ཡིག་ཅིག་གྲགས་ཅན་རྩོམ་པ་པོ་འཇམ་དབྱངས་ནོར་བུས་རང་གི་དྲ་དེབ་ཏུ་སྤེལ་འདུག་པ་མཐོང་། ངས་རཀ་ར་རིན་པོ་ཆེ་དགོངས་པ་རྫོགས་པའི་གསར་འགྱུར་དེ་ཐོག་མར་ཐོས་པ་ཡིན་ནམ། འདི་ཡིན་མི་སྲིད། ཡིན་སྲིད། ངས་ཀློག་བཞིན་པའི་དྲ་དེབ་དང་གསར་འགྱུར་དག་ན་ཁོང་གི་དགོངས་རྫོགས་ཀྱི་གནས་ཚུལ་མ་འཁོད་པ་དང་། རྒྱུན་ལྡན་གྱི་རླུང་འཕྲིན་སོགས་ཀྱི་གསར་འགྱུར་ལ་ནི་ཕྲན་གྱིས་ཉན་ལོང་མེད་པར་ལུས་འགྲོ་བ་དང་། ད་དུང་རང་ཉིད་ནི་བོད་མི་བཅུ་གྲངས་ཤིག་ལས་མེད་པའི་ས་ཆ་ཁུག་ཀྱོག་ཅིག་ཏུ་སྡོད་བཞིན་པ་བཅས་ལ་བརྟེན་ནས། ངས་ང་ནི་བོད་ཀྱི་འཇིག་རྟེན་ལས་ཧ་ཅང་ཐག་རིང་བ་ཞིག་ཏུ་བསྐྱལ་ཡོད། རྒྱུ་མཚན་འདི་ལ་བརྟེན་ནས་རཀ་ར་རིན་པོ་ཆེ་དགོངས་པ་རྫོགས་པ་དེ་ཡང་ཡུན་རིང་པོར་མ་ཐོས་པ་རེད།
དེ་ལས་མང་བ་། “རེབ་གོང་དང་རཀ་ར། སྤྲུལ་སྐུ་ཞིག་རྗེས་སུ་དྲན་པ།” »
ལ་ཁའི་ཆིག་ལབ། ༼སྒྲུང་གཏམ༽
དགེ་འདུན་རྒྱ་མཚོ།
༼ཚན་པ་ལྔ་བ༽
འདི་ཁྱོད་ཀྱི་ཀློག་དེབ་རེད་དམ། ཡང་ན་འབྲི་དེབ་རེད། དགེ་རྒན་གྱིས་སྐད་མགོ་ཅུང་མཐོན་པོས་དྲི་བ་དེ་བསམ་ཁོས་གོ་ཡོད་ངེས་ཡིན། ཡིན་ན་ཡང་དྲི་བ་དེར་ཁོས་ལན་འདེབས་ཤེས་ཀྱི་མེད་པ་འདྲ། ཁ་ལ་ལྕེ་ལྡག་བྱེད་བཞིན་ང་ཚོ་སློབ་མ་ཚོར་བལྟས་བྱུང་། དེ་ནི་ཁོའི་སྲུང་འཁོར་རེད། བསམ་ཁོའི་ཚབ་ལ་བུ་མོ་ཁ་ངན་མ་དེས་ལན་བཏབ་སོང་། ཡང་གསེར་མོ་འཚོ་རེད། འཛིན་གྲྭ་གང་བོས་ཁ་ཕྱོགས་མོ་ལ་འཁོར་ནས་ཅེར་རེ་བལྟས།
སྐྱེས་ཆེན་དམ་པ་ཞིག་གི་འཁྲུངས་སྐར་བསུ་བ།
གཉན་པོ།
གནམ་ས་གཉིས་ལ་ཁ་དོག་གནང་བའི་སྐྱེས་བུ
བདག་གི་རི་རབ་ལས་ཀྱང་དབུ་འཕང་མཐོ་ཨང
འཇིག་རྟེན་གྱི་གནས་ལུགས་ལ་གྲག་འགུལ་མེད་པའི་དེ་རིང
ང་ཚོ་ད་དུང་རི་བོའི་ཕ་རོལ་ན་ཡོད
ངའི་རྨི་ལམ།
ཀླུ་སྨྱོན།
འཁྲུངས་སྐར་ཞིག་ལ།
མདང་གསུམ་ང་ཡི་རྨི་ལམ་ནང་། །
པོ་ཏ་ལ་ཡི་གསེར་ཁྲིའི་སྟེང་། །
ལོ་ངོ་དྲུག་ཅུའི་ས་རྡུལ་དག །
བདག་གིས་གཙང་མར་ཕྱིས་པ་རྨིས། །
ཕག་ལོ་བ། ངས་ཁྱེད་ལ་འདྲི།
རོང་པོ་དགེ་འདུན་ལྷུན་གྲུབ། བོད་འབྱོར།
ཕག་ལོ་བ། ངས་ཁྱེད་ལ་འདྲི
ཁྱེད་ཀྱི་ཕ་ཡུལ་གང་ན་ཡོད
ཁྱེད་ཀྱི་ཕོ་བྲང་གང་ན་ཡོད
ད་ལྟ་ཁྱེད་ཀྱི་གསེར་ཁྲི་སེར་པོའི་ཡང་སྟེང་ལ
༄༅།། སྐུ་ཚེ་ཁྲི་ནས་ཁྲི་ལོར་ཤོག
ཁྲི་འཛུམ་གྲོལ། བོད་འབྱོར།
—–༧གོང་ས་མཆོག་གི་འཁྲུངས་སྐར་གྱི་སྐྱེས་སུ་བཏེགས།
བརྩེ་ཆེན་སྙིང་རྗེའི་རང་གཟུགས་བཟླུམས་པའི་བདེ་སྟོང་གསང་གསུམ་སྒྱུ་མའི་གར།།
སྲིད་ཞིའི་གདུང་སེལ་རྟེན་འབྱུང་ཟབ་མོའི་ཡེ་ཤེས་འོད་ཀྱི་སྣང་བ་འབར།།
གཞན་ཕན་འཚེ་མེད་སྤྱོད་པའི་རླུང་ཤུགས་ལས་ཉོན་འཁོར་བའི་རི་ལ་བརྫུས།།
སྨིན་གྲོལ་བདེ་ཆེན་གཡུ་ལོའི་ཞིང་མཆོག་འགྲོ་ཀུན་འདྲེན་པའི་སྐྱབས་སུ་མཆོད།།
ས་སྒང་འཛུམ་གྱིས་བསུ་བའི་གད་མོ་ཅན།
ཁྲོ་གཏུམ།
—–༧གོང་ས་མཆོག་གི་སྐུའི་འཁྲུངས་དཀར་གྱི་ཉིན་མོར་ཕུལ་བའི་སེམས་ཞིག
གློ་བུར་གྱི་སྒྲ་དག་གིས་མི་སེམས་སྒུལ་ཏེ
འཇིག་རྟེན་སྔོན་ཆད་ལྷིང་འཇག་དང
དུས་དེ་རིང་ཟང་ཟིང་ཡིན་པར་འགྲེལ་མཁན་རྣམ
འཇིག་རྟེན་ལ་འགྲེལ་བ་འབྲི་མཁན་དེ་དག
ངལ་གསོ་ཐེངས་གཅིག་གནང་རོགས།
གཅན་འོད་འབར།
ཐག་རིང་ཐག་རིང་ཞིག་དུ་བསྡད་ནས།
བརྩེ་ཁུལ་གྱིས་ཁྱེད་རང་གླེང་མཁན་ཧ་ཅང་མང་ལ།
ཐག་ཉེ་ཐག་ཉེ་ཞིག་ཏུ་བཅར་ནས།
དུངས་མདོག་གིས་ཁྱེད་རང་འཆད་མཁན་ཡང་ཤིན་ཏུ་མོད།
སྟོང་བའི་རྐང་མར། ( ཞར་བཀོད་གཅིག )
བོན་རྒྱ་བསྟན་འཛིན་རབ་རྒྱས།
གཉེན་གྲོགས་སྐྱོབ་ལ་ལྷག་པར་མ་ཆགས་བརྩེ་བ་ཆེན་པོའི་སྟོང་བ་ཉིད། །
ཡིད་འོང་འཛུམ་གྱི་དར་ཆ་མ་འཕྱར་ཡིད་འོང་བྱམས་པའི་ཕྱག་རྒྱ་ཆེ། །
སྣང་ཞིང་སྟོང་བའི་དེ་ཉིད་གཟིགས་པ་རྫོགས་པ་ཆེན་པོའི་རྐང་གི་མར། །
གནས་ལུགས་རྗེན་མའི་ཟླ་བ་དཀར་པོར་བསིལ་བའི་གྲུ་ཆར་ཇི་ཡང་འཇོ། །
སྟོན་པ་རྙེད་པའི་བསྒྲགས་གཏམ།
འབའ་པ་སྐལ་བཟང་འཕྲིན་ལས།
___བདག་གི་བླ་མ་བདག་ཉིད་ཆེན་པོ་༧གོང་ས་རྒྱལ་དབང་ཡིད་བཞིན་ནོར་བུ་མཆོག་གི་འཁྲུངས་སྐར་བསུ་བ།
ཚན་པ་དང་པོ། ཞི་བདེའི་སྟོན་པ།
ཁྲག་སྦྱོར་འཕྲལ་ཕུགས་བརྒྱུད་ལམ་སྤྱད་ནས་གནད་དོན་མཐའ་གཅོད་བྱས་པ་ཡི།།
ཉེར་གཅིག་དུས་ཀྱི་ངེས་མེད་འཕར་མཆོང་མིག་མདས་དེད་ནས་མཐར་གཏུགས་དུས།།
སྣོད་བཅུད་གཉིས་ཀ་ཀླད་ཀོར་གྱུར་བའི་མིག་དཔེ་སྟོང་གི་མཇུག་ཐོགས་སུ།།
ཞི་བདེའི་ལས་ཀྱིས་གོ་ལ་བསྐོར་བའི་ཐབས་ཚུལ་ཞིག་གིས་དཔེ་བརྗོད་བཞག།
མཛད་བརྒྱད་ཡིད་ཀྱི་མེ་ཏོག
འབའ་པ་ཡེ་ཤེས།
༡ སྐུ་བལྟམས་པའི་མཛད་པ།
ཀ་ཁ་ག་ངའི་རིག་གཞུང་དར་ཡུལ་གངས་རིའི་བསྐོར་བའི་ཡུལ་ལྗོངས་སུ།།
ཁ་བ་རི་པའི་སྐྱེ་རྒུ་རྨོངས་ཅན་འདོད་པའི་བྲན་གཡོག་འགྲོ་བ་དང།།
ག་ན་པ་ཌའི་བསྟན་པ་ཕྱིར་ཏུ་ལྟག་མཚེར་ཡུལ་དུ་སྐུ་འཁྲུངས་པ།།
ང་ཡི་བླ་མ་འདི་ཕྱིའི་༸སྐྱབས་མགོན་བསྟན་འཛིན་རྒྱ་མཚོར་སྙིང་ནས་བཏུད།།
༅༅།། འཆི་ཡུལ་ནས་ཕྱིར་ལོག་པ། རྫུ་འཕྲུལ་གྱི་བུ། དངོས་མཐོང་བདེན་དཔང་། ལེའུ་བཅུ་གཉིས་པ།
རྔ་བ་རྒྱལ་ཁམས་པ།
ད་ནི་ཤི་གསོན་གྱི་སོ་མཚམས་འདི་ན་ཕན་ཐོགས་ངེས་ཤིག་ཡོད་པ་ནི། དམ་པའི་ལྷ་ཆོས་ལས་གསུངས་པའི་སྐྱེ་འཆིའི་བློ་སྦྱོང་གི་རྣམ་བཞག་ཁོ་ན་རེད། ངས་རང་གིས་ཤེས་ཚོད་ཀྱིས་སྐུ་གསུམ་ལམ་འཁྱེར་དང་། བར་དོ་ཐོས་གྲོལ་གྱི་རྣམ་བཞག ཟབ་ལམ་འཕོ་བའི་ཆོས་སྐོར་བཅས་ཡིད་ལ་ཤར་སྒོམ་ཞིག་བྱས། བུའི་རྣ་བ་གཡོན་མའི་ནང་སྐད་གདངས་དྲག་ཞན་རན་པ་ཞིག་གི་ཐོག སྐད་ཆ་འདི་དག་བཤད་པ་ཡིན།
དེ་ལས་མང་བ་། “༅༅།། འཆི་ཡུལ་ནས་ཕྱིར་ལོག་པ། རྫུ་འཕྲུལ་གྱི་བུ། དངོས་མཐོང་བདེན་དཔང་། ལེའུ་བཅུ་གཉིས་པ།” »
གངས་རིའི་མིག་གཅིག
སོག་མདའ།
ངོ་མཚར་རྟགས་དང་བཅས་དེ་སྐུ་བལྟམས་པས།།
ཤར་ཕྱོགས་མདོ་སྨད་སྟག་འཚེར་ཁྱིམ་གཞིས་ནས།
འཛམ་གླིང་ཞི་བདེའི་དེད་དཔོན་བླ་མེད་མཆོག །
བསམ་བཞིན་ཡུལ་འདིར་འཁྲུངས་པས་སྐལ་བ་བཟང་།།
༸སྐུའི་འཁྲུངས་སྐར་གྱི་དགའ་སྟོན་ལ།
མི་ཉག་དུང་བརྡ།
ས་ཆེན་གྱི་གྲུ་ཟུར་ཞིག་ན།
མཐོ་སྒང་གི་རྩིབ་རུས་ཤིག་་ན།
རང་དབང་གི་པད་འདབ་ཅིག་ལ་བརྫུན་ཏེ་འཁྲུངས་པའི།
ཐེའུ་གསར་ཞིག་གམ།
ཡང་ན། ཁྱེའུ་ཞིག་གི་འཁྲུངས་སྐར་བསུ་རུ་འགྲོ །
ཞོགས་ཆར་ཁྲོད་ཀྱི་དེ་རིང་གི་སའི་གོ་ལ།
༧རྒྱལ་བ་རིན་པོ་ཆེའི་འཁྲུངས་སྐར་ལ་བཀྲ་ཤིས་བདེ་ལེགས་ཞུ།
ཨེ་མ་ཧོ།
ཨེ་ཝྃ་རིག་པའི་རྟེན་འབྱུང་རྒྱལ་བའི་ལམ།།
ཇི་བཞིན་མངོན་གཟིགས་འགྲོ་ལ་སྟོན་མཁས་པ།།
འཛམ་གླིང་ཞི་བདེའི་འདྲེན་པ་རྒྱལ་བའི་སྲས།།
བསྟན་འཛིན་རྒྱ་མཚོའི་བཞེད་དོན་ལྷུན་གྲུབ་ཤོག །
གང་གི་ཐུགས་བསྐྱེད་སྨོན་ལམ་རྣམ་དག་གིས།།
གངས་ཅན་འགྲོ་ཁམས་གཟིགས་པར་ཞལ་བཞེས་བཞིན།།
དེ་ལས་མང་བ་། “༧རྒྱལ་བ་རིན་པོ་ཆེའི་འཁྲུངས་སྐར་ལ་བཀྲ་ཤིས་བདེ་ལེགས་ཞུ།” »
གསོལ་འདེབས་རྟ་ཐོག་མ།
དགེ་འདུན་རྒྱ་མཚོ།
སོར་བཅུའི་འདབ་མ་སྙིང་ཀར་བསྣོལ་ཏེ་གང་ལ་དམིགས་པའི་ལྷའི་དཀྱིལ་འཁོར།།
ཁྱབ་བདག་དང་པོའི་མགོན་པོ་མཆོག་ཉིད་མི་ཡི་གར་དུ་བསྒྱུར་བའི་སྲོལ།།
སེམས་འཛིན་སྲོག་གི་ཐིག་ལེ་ལ་ཞུགས་གདེངས་ཀའི་སྦུབས་རྒྱ་ཀུན་བྲལ་ཏེ།།
ལོག་ལྟའི་མགོ་བོ་ས་ལ་བསྙིལ་དེས་མི་ཕྱེད་དད་པས་ལན་བརྒྱར་འདུད།།
“རྒྱལ་བ་རིན་པོ་ཆེ་མཆོག་གི་མཛད་རྣམ་མདོར་བསྡུས།
ཆབ་མདོ་ངག་དབང་ཕུན་ཚོགས།
—–སྐུའི་འཁྲུངས་སྐཪ་དུས་ཆེན་ལ་ཕུལ།
སྔོན་གླེང༌།
ཕྱི་ལོ་༡༩༥༩ བོད་ས་ཡོངས་རྫོཌ་དགྲ་ལག་ཏུ་ཤོར་ཏེ་བོད་མི་རིགས་ཀྱི་ལོ་རྒྱུས་ནང་དུ་བྱུང་མྱོང་མེད་པའི་ཁྲག་དང་མིག་ཆུའི་འཚོ་བ་རོལ་དགོས་པའི་གནས་སྟངས་སུ་གྱུར་ནའང་། ྋརྒྱལ་བ་རིན་པོ་ཆེས་གཙོས་པའི་སྐུ་འཁོར་ཧྲག་བསྡུས་ཤིག་ངལ་བ་བརྒྱ་ཕྲག་དང་དུ་བཞེས་ཏེ་བོད་མི་རིཌ་དང་སངས་རྒྱས་བསྟན་པའི་དོན་དུ་ཁྱིམ་མཚེས་རྒྱལ་ཁབ་རྒྱ་གར་འཕཌ་པའི་ཡུལ་དུ་བཙན་བྱོལ་དུ་ཕེབས་དགོས་བྱུང༌།
དེ་ལས་མང་བ་། ““རྒྱལ་བ་རིན་པོ་ཆེ་མཆོག་གི་མཛད་རྣམ་མདོར་བསྡུས།” »
༧གོང་ས་མཆོག་གི་འཁྲུངས་སྐར་བསུ་བའི་སྙན་རྩོམ།
༼བོད་མིའི་བླ་ན་མེད་པའི་དབུ་ཁྲིད་༧གོང་ས་༧སྐྱབས་མགོན་ཆེན་པོ་མཆོག་དགུང་གྲངས་༧༨ བཞེས་པའི་སྐུའི་འཁྲུངས་སྐར་ལ་དྲ་གྲོགས་སྐོར་ཞིག་གིས་དགའ་བསུ་ཞུ་བའི་སྙན་རྩོམ་འགའ་ཞིག༽
མཁོ་གཏོང་བ། འཇིགས་བྲལ་བསྟན་འཛིན།
བགྲེས་པའི་ལོ་ལ་གཞོན་ཤའི་མེ་ཏོག་བཞད།།
ཞི་བདེའི་འོད་སྣང་གོ་ལའི་མཁའ་ནས་སྤྲོས།།
ས་སྟེང་འདི་ན་འཚོ་བའི་སྟོན་པ་ཞིག།
ད་ལྟ་རྒྱ་གར་ཡུལ་ན་མཆིས་སོ་སྐད།།
དེ་ལས་མང་བ་། “༧གོང་ས་མཆོག་གི་འཁྲུངས་སྐར་བསུ་བའི་སྙན་རྩོམ།” »