རྒྱང་མིག
—-༧གོང་ས་མཆོག་གི་སྐུའི་འཁྲུངས་སྐར་ལ་ཕུལ།
ཞིང་དཔག་མེད་རབ་འབྱམས་རྒྱ་མཚོའི་སངས་རྒྱས་དང་བྱང་སེམས།།
སྐུ་ཞི་དྲག་ཇི་སྙེད་གར་མཛད་ཡི་དམ་དང་ཆོས་སྐྱོང་།།
སྐྱབས་བསླུ་མེད་མཆོག་གསུམ་རིན་ཆེན་ཀུན་འདུས་ཀྱི་སྤྱི་གཟུགས།།
རྗེ་བསྟན་འཛིན་རྒྱ་མཚོར་རྣམ་ཀུན་སྙིང་དབུས་ནས་མཆོད་དོ།།
དགའ་ལྡན་ཤར་རྩེ་ཐོས་བསམ་ནོར་གླིང་ཆེས་མཐོའི་ནང་བསྟན་གཙུག་ལག་སློབ་གྲྭའི་དགེ་སློབ་ཡོངས།
༄༅། །ལྷ་དང་བཅས་པའི་འགྲོ་བ་ཡོངས་ཀྱི་མ་འདྲིས་པའི་མཛའ་བཤེས་ཆེན་པོ་ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག་འཛམ་གླིང་ཞི་བདེའི་དེད་དཔོན། རང་ཅག་གཞིས་བྱེས་བོད་འབངས་ཡོངས་ཀྱི་དཔྲལ་བའི་མིག་དང་ཁོག་པའི་སྙིང་། སྐྱོབ་པའི་ཕ་མ། འདྲེན་པའི་དེད་དཔོན། འདི་ཕྱིའི་སྐྱབས་གནས་བླ་ན་མ་མཆིས་པ་༸སྤྱི་ནོར་༸གོང་ས་༸སྐྱབས་མགོན་༸རྒྱལ་དབང་ཡིད་བཞིན་ནོར་བུ་མཆོག་འདི་ལོ་ཕྱི་ལུགས་དགུང་གྲངས་༧༨ ལ་ཕེབས་པའི་སྐུའི་འཁྲུངས་སྐར་དུས་ཆེན་ཁྱད་པར་ཅན་ལ་
འཛམ་གླིང་ཞི་བདེའི་དེད་དཔོན་༧གོང་ས་༧སྐྱབས་མགོན་ཡིན་བཞིན་ནོར་བུ་མཆོག་ལ་བསྟོད་པ་པདྨ་དཀར་པོ།
—–སྐུའི་འཁྲུངས་སྐར་ལ་ཕུལ།
སྣ་ཚོགས་རང་གྲོལ།
ཀུན་ཉོན་འཁོར་བའི་རྩ་བ་གཏོར་ཏེ་སྲིད་ཞི་གཉིས་ཀྱི་མཐའ་ལས་འདས།།
འཚེ་བ་མེད་པའི་དམ་ཆོས་ཉི་མའི་འོད་ཟེར་གདུལ་བྱའི་ཁམས་སུ་སྤྲོ།།
དོན་གཉིས་མཐར་སོན་ཤཱཀྱའི་རིགས་འཁྲུངས་ཀུན་མཁྱེན་ཉི་མའི་གཉེན་གྱི་ལྷར།།
སོར་བཅུའི་འདབ་མ་སྙིང་གར་སྦྱར་ཏེ་གསོལ་བ་འདེབས་སོ་བྱིན་གྱིས་རློབས།།
རྨེ་རུ།
ངུར་སྨྲིག་ན་བཟའ་སྐུ་ལ་བསྣམས་བཞིན།།
ཞལ་གྱི་འཛུམ་མདངས་འགྲོ་ལ་གཟིགས་ཤིང་།།
འཚེ་མེད་ཞི་བདེའི་གླུ་དབྱངས་གྱེར་བའི།།
འགྲོ་བའི་སྐྱབས་མགོན་ཁྱེད་མིན་སུ་མཆིས།།
བཀྲ་ཤིས་དོན་འགྲུབ།
—–རི་བོ་བྷེེ་ཊ་པུར་དུ་འཛམ་གླིང་སྤྱི་བསང་ལ་ཆས་སྐབས།
རི་བོ་མཐོན་པོ་གནམ་ལ་ཟུག་ས་ནས།།
རི་རྩེ་རྣོན་པོ་སྨུག་པས་འཐུམ་ས་ནས།།
རླུང་རྟ་རླུང་ལ་སྤུར་བའི་ཉམས་འུར་འདི།།
སེམས་ཀྱི་སྙན་ངག་གྱེར་བའི་ལམ་སྲོལ་རེད།།
ཀླུ་སྨྱོན།
༄༅། །བླ་མ་དང་མགོན་པོ་འཇམ་པའི་དབྱངས་ལ་ཕྱག་འཚལ་ལོ། །
གྲུབ་མཐའི་གཞུང་ལུགས་སྦྱངས་པ་མཐར་སོན་ཏེ། །གྲུབ་མཐའི་དེ་ཉིད་ཀུ་ཤའི་རྩེ་མོ་བཞིན། །གྲུབ་མཐའ་ཤེས་འདོད་དག་ལ་སྟོན་མཛད་པའི། །གྲུབ་མཐའ་མཁན་པོ་དེ་དག་སྤྱི་བོས་མཆོད། །གངས་རིའི་ཁྲོད་ཀྱི་ལུང་རིགས་སྨྲ་བའི་དབུས། །འཇིགས་མེད་གདོང་ལྔའི་སྒྲ་དབྱངས་སྒྲོགས་མཁས་པ། །མཁས་པའི་དབང་པོའི་གྲུབ་མཐའ་རིན་ཆེན་ཕྲེང་། །སྡོམ་ཚིག་དར་གྱི་སྲད་བུར་བདག་གིས་འདྲེན། །དེ་ཡང་ཚེ་འདིའི་རྙེད་དང་བཀུར་སྟི་དང་། །ཚིགས་སུ་བཅད་པ་དག་ལ་མི་བལྟ་ཞིང་། །སྙིང་ནས་གྲོལ་བ་དོན་གཉེར་གང་ཟག་གིས། །
དེ་ལས་མང་བ་། “གྲུབ་མཐའི་སྡོམ་ཚིག་ཤེས་རབ་སྒོ་འབྱེད་གསེར་གྱི་ལྡེ་མིག” »
བསམ་གླིང་ཚེ་རིང་ལྷ་མོ།
རི་བོར་འཛེགས་བཞིན་འཛེགས་བཞིན།།
སྣང་བ་སྐྱིད་དུ་སྐྱིད་དུ།།
མཐོང་རྒྱ་ཆེ་རུ་ཆེ་རུ།།
མཁའ་དབུགས་གཙང་དུ་གཙང་དུ།།
༧འཛམ་གླིང་ཞི་བདེའི་དེད་དཔོན་༧གངས་ཅན་འགྲོ་བའི་མགོན་པོ་སྲིད་གསུམ་དབང་བསྒྱུར་མཚུངས་པ་མེད་པའི་སྡེ་༧གོང་ས་ལྷ་མིའི་རྣམ་འདྲེན་རྒྱལ་བའི་དབང་པོ་བསྟན་འཛིན་རྒྱ་མཚོ་མཆོག་ལ་བསྟོད་པ་དྲི་མེད་སེམས་ཀྱི་མཆོད་སྤྲིན།
ཨོ་རྒྱན་ཉི་མ།
མཚན་དཔེའི་ལང་ཚོ་འབུམ་གྱིས་རབ་མཛེས་མཐོང་ན་མི་མཐུན་མེད་པའི་སྐུ།།
གསུང་དབྱངས་ཡན་ལག་དྲུག་ཅུའི་སྒྲ་དབྱངས་སྐལ་ལྡན་སྐྱེ་བོའི་རྣ་བར་འཇེབས།།
དུས་གསུམ་སྒྲིབ་མེད་མཁྱེན་པའི་སྟོབས་བཅུས་གདུལ་བྱའི་རྒྱུད་ཚོད་སྣ་ཚོཊ་གཟིཊ།།
ས་གསུམ་འདི་ན་མཚུངས་ཟླ་བྲལ་བ་དོན་ཀུན་གྲུབ་པས་དགེ་ལེགས་སྩོལ།།
རྡོ་མེ་འབུད།
མུ་ཏིག་གི་ཕྲེང་སྐོར་ཞིག
ག་ལེར་འཐོར་སོང་བའི་ཤུལ་ན།
ཆུ་མིག་ཅིག་ལྷོག་ལྷོག་ངང་གདུ།
དེ་ནི་སུ་ཞིག་གི་ཟུངས་ཁྲག་དང་འབྲེལ་ཡོད་ངེས།
སྲོད་ཁ་ཞིག་སྟེ།
སྐར་མ་ཡང་ཤར་མེད་པའི་སྔ་རོལ་དེར།
ཚུལ་ཁྲིམས་ཟླ་བ།
སྐར་ཚོགས་དགུ་ཚིགས་བཀྲ་བའི་གནམ་འོག་ན།།
མུན་པས་ས་ཆེན་གཡོག་པའི་དཀྱིལ་མ་ན།།
སྒྱུ་རྩལ་གནམ་ལ་ངོམ་པའི་སྟང་སྟབས་འདི།།
དམར་ཆུང་སྙིང་རྩ་འཕར་བའི་ཡོ་ལང་རེད།།
དགེ་འདུན་རྒྱ་མཚོ།
༼ཚན་པ་བཞི་པ།༽
གཡག་རྒན་དེའི་ཐོག་ནས་མར་འབབ་དུ་བཅུག་ནས་ཁོའི་ཨོང་ཤ་ལ་བལྟས་པ་ན་ངོ་མ་སོ་བརྒྱབ་ཡོད་པ་མ་ཟད་རྨ་ཡང་བཟོས་འདུག མཆེ་བ་གཉིས་ཟུག་པའི་གཅིག་ནི་སྡེར་མོས་བྲད་པ་ལྟར་དམར་ཤུར་རེ་བཏོད་འདུག་ལ། རྐང་མནབ་རྙིང་བ་མདོག་སྔོན་པོ་ཅན་ཞིག་གྱོན་པའི་འདོམས་ཡང་བཀོག་ནས་རལ་བཞག་ཡོད་པས་ལྟ་སྲོལ་མེད། ངོ་མ་དགོད་བྲོ་བ་ཞིག་ལ་སྙིང་ཡང་འཕར་བ་ཞིག་རེད། འདི་ཨ་མ་ལ་ཅི་ལྟར་བཤད། ངོ་མ་བྱ་གཙོག་གི་ཡ།
འཁྱམས་པོ།
དགའ་སྐྱོའི་ན་བུན་འཁྲིགས་པའི་ལ་ཁ་ན།།
བདེ་སྡུག་རླུང་གིས་སྤུར་པས་དར་ལྕོག་ལ།།
ལོ་རྒྱུས་གླེགས་བམ་རུམ་པའི་གཡག་མགོ་ཞིག །
མེས་པོའི་དཔུང་ཤེད་གླེང་བཞིན་བརྟན་པོར་འགྲེང་།།
བཀྲ་ཤིས་དོན་འགྲུབ།
རྣ་བ་ཕར་ལ་མ་གཏད་ཀྱང་།།
འུར་སྒྲ་ཚུར་ལ་འཁོར་བ་འདི།།
འཇིག་རྟེན་རླུང་གིས་གཡོ་ས་ནས།།
ལྷིང་འཇགས་ཟད་པའི་སུན་སྣང་ཡིན།།
ཁ་བའི་འབྲོག་མོ།
ཉི་ཟླའི་སོ་མཚམས་དུས་ཀྱི་གོམ་བགྲོད།།
ལང་ཚོའི་འགྱུར་ལྡོག་མིག་གི་རྣམ་པ།།
ལུས་པོ་ཉམས་རྒུད་སྒྱུ་མའི་ཆོ་འཕྲུལ།།
རི་མོའི་རྣམ་པས་རང་བཞིན་བཀོད་པ།།
རྩོམ་པ་པོ། མགར་རྩེ་འཇིགས་མེད།
༄༅།། བོད་ཀྱི་སློབ་གསོ་དང་པེ་ཅིན་སྲིད་གཞུང༌།
༡ པེ་ཅིན་སྲིད་གཞུང་གིས་དུས་རྒྱུན་བོད་ཀྱི་སློབ་གསོ་གོང་འཕེལ་དུ་གཏོང་དགོས་ཞེས་ཁ་ནས་བཤད་ཀྱི་ཡོད་ཀྱང༌། དོན་ཀྱིས་བོད་ཀྱི་སློབ་གསོར་གོང་འཕེལ་ལ་ནུས་ཤུགས་ཅི་ཡང་འདོན་གྱི་མེད་པ་ནི། བོད་མི་རིགས་པེ་ཅིན་སྲིད་གཞུང་འོག་ཏུ་སོང་ནས་མི་ལོ་དྲུག་ཅུ་ལྷག་འདས་མོད། བོད་མི་ཚན་རིག་ལག་རྩལ་པ་རྩེར་སོན་གཅིག་ཀྱང་གསོ་སྐྱོང་བྱས་མེད་པ་འདིས་བདེན་དཔང་གསལ་ཐག་ཆོད་པ་ཞིག་བྱས་ཡོད།
དེ་ལས་མང་བ་། “༼བཙན་པོའི་སྙིང་སྟོབས་༽ལས། བོད་ཀྱི་སློབ་གསོ་དང་པེ་ཅིན་སྲིད་གཞུང༌།” »
རྔ་བ་ཀུན་བཟང་སྒྲོལ་མ།
—ན་གཞོན་རྩོམ་པ་པོ་སྒོ་ཤེས་རབ་རྒྱ་མཚོའི་ངོར་བྲིས།
རྒྱང་རིང་ས་མཐའི་ཡུལ་གྱི་བུ་མོ་ངས།།
མི་བཟང་གཏམ་ངན་ཐོས་ནས་སྐྱོ་མོད་ཀྱང་།།
སྒེར་གཅོད་རང་ལུགས་བཙན་པོའི་ལག་འོག་ནས།།
ནམ་ཡང་ལངས་དགོས་གངས་རིའི་དཔའ་བོ་ཁྱེད།།
ཨོ་རྒྱན་ཉི་མ།
མཚུངས་མེད་བླ་མ་མཆོག་དང་དབྱེར་མེད་པའི།།
མཉམ་མེད་བུ་རམ་ཤིང་པར་ཕྱག་འཚལ་ནས།།
རང་དང་སྐལ་མཉམ་དག་ལ་གྲོས་ཤིག་འདེབས།།
བདེན་རྫུན་དོན་ཐོག་འཁྱོལ་བར་བྱིན་གྱིས་རློབས།།
དབྱངས་ཅན་འབངས།
ཁ་ཁོག་མེད་པའི་གཏམ་དེ།།
ཁ་ནས་ཐོན་གྱི་མེད་ན།།
ཁ་བརྡ་དྲ་བར་འཛུལ་ནས།།
ཁ་བརྡ་ཚིག་གསུམ་བྱོས་དང་།།
སྣ་ཚོགས་རང་གྲོལ།
—–ཀུ་ཤུ་རྟགས་ཅན་སོགས་དེང་གི་གསར་ཐོན་ཁ་པར་རྣམས་ལ་བསམ་ནས་བྲིས།
ཀྭ་ཡེ་བློ་ཐུབ་གྲོགས་མོ་ཁ་པར་ནང་ནས་རེག་སོང་།།
ཁ་བ་བོད་ཀྱི་རིག་གཞུང་ཁ་པར་ལམ་ནས་སྤེལ་སོང་།།
ག་ལེར་འཛམ་གླིང་ཚང་མ་ཁ་པར་ནང་ནས་མཐོང་སོང་།།
ང་དང་ཁྱོད་ཀྱི་རྣམ་དཔྱོད་ཁ་པར་ཐོག་ནས་རྒྱས་སོང་།།