སྐྱོ་བྲག་དགའ་དབང་།
གྲོགས་པོ་ལགས། ལུས་ཟུངས་ཟད་པའི་རྒས་འཁོགས་དག་ལ་ཟས་གོས་གནས་མལ་གྱིས་ཕན་འདོགས་པ་ནི། སེམས་གཏིང་ནས་དགའ་འོས་པའི་ལེགས་བྱས་ཡིན་ཅིང་། ད་དུང་ང་ཚོས་སེམས་ཁུར་མི་བྱེད་པའི་དཀའ་ངལ་འགའ་ལའང་དོ་སྣང་བྱ་དགོས་པ་སྟེ།
༡ ཁོ་ཚོའི་ངོས་ཀྱི་སེམས་སྐྱོ་ཤོས་ཤིག་ནི། ཕྲུག་གུ་སྐྱེ་འཚར་དང་གཞོན་པོ་ཧ་ལམ་མཐོང་ཐོས་མེད་པར། རྟག་པར་ན་ན་ཤི་ཤི་དང་ཧ་ཅང་རྒས་ཤིང་འཁོགས་པའི་གཟུགས་བྱད་རྐྱང་མཐོང་ཐོས་བྱུང་ནས་བཙོན་ར་ལྟ་བུའི་ཚོར་སྣང་འབྱུང་གི་ཡོད་ཕྱིར་གཞོན་པོ་འགྲོ་བསྐྱོད་ཡོད་པ་ཞིག་བྱ་ཐུབ་དགོས་པ་ཡིན།
སྐྱོ་བྲག་དགའ་དབང་།
གྲོགས་པོ་ལགས། ལུས་ཟུངས་ཟད་པའི་རྒས་འཁོགས་དག་ལ་ཟས་གོས་གནས་མལ་གྱིས་ཕན་འདོགས་པ་ནི། སེམས་གཏིང་ནས་དགའ་འོས་པའི་ལེགས་བྱས་ཡིན་ཅིང་། ད་དུང་ང་ཚོས་སེམས་ཁུར་མི་བྱེད་པའི་དཀའ་ངལ་འགའ་ལའང་དོ་སྣང་བྱ་དགོས་པ་སྟེ།
༡ ཁོ་ཚོའི་ངོས་ཀྱི་སེམས་སྐྱོ་ཤོས་ཤིག་ནི། ཕྲུག་གུ་སྐྱེ་འཚར་དང་གཞོན་པོ་ཧ་ལམ་མཐོང་ཐོས་མེད་པར། རྟག་པར་ན་ན་ཤི་ཤི་དང་ཧ་ཅང་རྒས་ཤིང་འཁོགས་པའི་གཟུགས་བྱད་རྐྱང་མཐོང་ཐོས་བྱུང་ནས་བཙོན་ར་ལྟ་བུའི་ཚོར་སྣང་འབྱུང་གི་ཡོད་ཕྱིར་གཞོན་པོ་འགྲོ་བསྐྱོད་ཡོད་པ་ཞིག་བྱ་ཐུབ་དགོས་པ་ཡིན།
རྨ་མགུར་སངས་རྒྱམ།
བོད་ཡིག་གསར་འགྱུར་མེ་ལོང་ངམ་ཡུལ་ཕྱོགས་སོ་སོའི་གསར་འགྱུར་མེ་ལོང་ཞེས་པ་ནི། སྤྱི་ལོ་༡༩༢༥་ནས་༡༩༦༣་ལོའི་བར་དུ་རྒྱ་གར་གྱི་བྱང་ཤར་ས་ཁུལ་གྱི་ཀ་ལོན་སྦུག་ས་གནས་སུ་པར་སྐྲུན་བྱས་ཤིང་བོད་ནང་དང་ས་ཁུལ་གཞན་དག་ཁ་ཤས་སུ་འགྲེམ་སྤེལ་བྱས་པ་རེད། དེ་ནི་འཛམ་གླིང་གི་ནང་དུ་བོད་ཀྱི་ལོ་རྒྱུས་ཀྱི་དོན་སྙིང་ལྡན་པའི་བོད་ཡིག་གི་གསར་འགྱུར་ཚགས་པར་ཨང་དང་བོ་དང་དར་ཁྱབ་ཆེ་ཤོས་དེ་ཆགས་ཡོད། གསར་འགྱུར་མེ་ལོང་དེའི་ལས་ཁང་ནི། སྤྱི་ལོ་༡༩༢༥་ལོར་ཁུ་ནུ་བ་རྡོ་རྗེ་མཐར་ཕྱིན་ལགས་ཀྱིས་གསར་འཛུགས་གནང་བ་དང་། ལོ་དེའི་སྤྱི་ཟླ་བཅུ་བའི་ནང་དུ་གསར་འགྱུར་ཚགས་པར་ཐོག་མར་འགྲེམ་སྤེལ་བྱས་པ་རེད། སྐབས་དེར་ཁོང་གིས་གསར་འགྱུར་ལས་ཁང་དེའི་གསར་འགོད་པ་དང་། རྩོམ་སྒྲིག་པ། འགོ་འཛིན་པ་བཅས་ཀྱི་འགན་ཁུར་བཞེས་ཡོད།
དེ་ལས་མང་བ་། “བོད་ཡིག་གསར་འགྱུར་མེ་ལོང་དང་དགེ་འདུན་ཆོས་འཕེལ།” »
ཕྱི་ལོ་ ༢༠༡༢ ཟླ་ ༨ ཚེས་ ༡༧ ཉིན་གནས་ཚུལ་འབྱོར་གསལ་ལ། རྔ་པ་རང་སྐྱོང་ཁུལ་འབར་ཁམས་རྫོང་རྒྱལ་རོང་ཚོ་བདུན་ཞང་ད་ཐོག་སྡེ་བའི་གཞིམ་གོན་ཚང་གི་གྲྭ་བློ་བཟང་སེང་གེ། རང་ལོ་ ༡༩ ཡས་མས་ཅན་དང་། ཚོ་བདུན་ཞང་གཙུག་ཚེ་སྡེ་བའི་མོས་སྐོས་གྱོ་ཚང་གི་གྲྭ་ཡར་འཕེལ། རང་ལོ་ ༡༨ ཡས་མས། ཚོ་བདུན་ཞང་མཁར་དགུ་སྡེ་བའི་གྲྭ་རྣམ་སྲས། རང་ལོ་ ༡༨ ཡས་མས་ཡིན་པ་བཅས་འདི་ཟླའི་ཚེས་ ༡༢ ཉིན་གྱི་མཚན་མོ་དགོན་པའི་གྲྭ་ཤག་སོ་སོ་ནས་འཛིན་བཟུང་བྱས་ཤིང་། ད་བར་གང་དུ་ཁྲིད་ཡོད་མེད་སོགས་ཀྱི་གནས་ཚུལ་གཅིག་ཀྱང་ཤེས་རྟོགས་ཐུབ་མེད། ཁོང་གསུམ་ནི་རྒྱལ་རོང་ཚོ་བདུན་ཀིརྟི་དགོན་པའི་གྲྭ་པ་ཡིན་ཞིང་། བློ་བཟང་སེང་གེ་དང་རྣམ་སྲས་གཉིས་འཛིན་གྲྭ་ཁ་ཏོག་གོང་མ་དང་། ཡར་འཕེལ་འཛིན་གྲྭ་རྟགས་རིགས་ཡིན་འདུག
མགར་འཇམ་དབྱངས།
མི་ཞིག་ལ་མཚོན་ན་ཐེངས་གཅིག་མ་གཏོགས་ནམ་ཡང་བདག་མི་སྲིད་པའི་ཆེས་རིན་ཐང་ལྡན་པའི་ཚེ་སྲོག་དེ་ཉིད། གནོང་འགྱོད་དང་ཞུམ་པ་མེད་པར་ཉམ་ཐག་པའི་མི་རིགས་ཤིག་གི་ཆེད་དུ། བལྟར་མི་བཟོད་པའི་འཆི་སྟངས་ཡ་ང་བ་ཞིག་གི་འོག་ཏུ་ཚར་བཞིན་ཡོད་པ་ང་ཚོས་ཤེས་ཡོད་ཀྱང་། ང་ཚོར་ཡོད་པ་མིག་ཆུ་དང་སྐྱོ་སྡུག་ལས་ཅི་ཡང་མེད་མོད། ང་ཚོས་ནམ་ཡང་བརྗེད་མི་སྲིད་པ་ཞིག་ནི། རྒྱལ་གཅེས་པ་ཁྱེད་ཚོའི་མེ་ལྕེའི་ཁྲོད་ཀྱི་ཞལ་ཆེམས་ཁོ་ན་ཡིན། ཡིན་ནའང་ཤོག་བུ་སྣུམ་གྱིས་ཟིན་པའི་དཔེ་ལྟར། མི་རིགས་གཞན་གྱི་སྐད་ཡིག་གོམས་གཤིས་སོགས་ལ་ཨ་གསར་ཆེ་བའི་གཞན་བསྟེན་གྱི་སྤྱི་ཚོགས་ཆུང་ཆུང་ཞིག་ལ་མཚོན་ན། མི་གཅིག་གི་ཚེ་སྲོག་ཡིན་ཀྱང་ཉེན་སྲུང་བྱ་དགོས་པའི་དུས་ཚོད་ཅིག་ཀྱང་མ་རེད་སུས་ཀྱང་ཟེར་དཀའ།
མིག་བརྒྱད་པ།
མཁས་པའི་དབང་པོ་དགེ་འདུན་ཆོས་འཕེལ་གྱིས། རང་རེས་གང་མཐོང་བ་ནི་དབང་པོའི་སྟོབས་ཀྱིས་ཅི་ཙམ་ཞིག་ལྕོགས་པའི་རྣམ་པའམ་གཟུགས་བརྙན་ཞིག་མཐོང་བ་ཡིན་གྱི། དངོས་པོ་དེ་རྗེན་པར་མཐོང་བ་མི་སྲིད་དོ་སོགས་སྨྲ་སྟེ། འདི་དག་ཀྱང་ཡེ་ཤུའི་ཆོས་ལུགས་ལྟ་བུ་གཞན་ན་སྒྲོས་ཙམ་ཡང་མེད་པས་ས་ཡན་སིའི་རིགས་པ་སྔོན་མེད་ཅིག་ཡིན་པར་བརྩིས་ཀྱང་རང་རེ་ལ་སྔོན་ནས་རྣ་བ་བྱང་བྱང་བ་དེ་དག་ཡིན། ཞེས་པ་ལྟར་དུས་རབས་ཉི་ཤུ་བའི་ནང་གསར་དུ་དར་བའི་ཁོན་ཊོན་དངོས་ཁམས་རིག་པའམ་ཚད་རྡུལ་ཕྲ་མོའི་རྣམ་གཞག་དེས་འགུལ་ཤུགས་དང་ནུས་ཤུགས་རྣམས་རང་བཞིན་དུ་གནས་པ་མིན་པར་བཤད་ཅིང་། རྡུལ་ཕྲན་གྱི་ཆ་ཕྲ་མོའི་གྲུབ་རྫས་རྣམས་རླབས་དང་རྡུལ་གྱི་རང་བཞིན་གཉིས་ཀ་ལྡན་པ་དང་།
རིན་ཆེན་སྒྲོལ་མ།
གཙང་པོ་དང་རླབས་ཕྲེང་གིས
ཁྱེད་ཀྱི་གཏམ་རྒྱུད་ཡང་ཡང་བཀྲུས་པས
གངས་རིའི་མཛེས་སྡུག་གི་དྭངས་མ
ལང་ཚོའི་དཔལ་དང་ གཤིས་སྤྱོད་ཀྱི་གཏིང་སར་ཐིམ
ཚངས་པའི་སྲས་མོ ང་ལ
བརྩེ་འདང་གི་འོད་གོར རོལ་དབྱངས་ཀྱི་རྨུ་ཐག་འཐེན་རོགས
སྤྲུལ་སྐུ་དབང་ཆེན།
རྒྱ་ནག་གི་དཔོན་ཟུར་ཀྲོའུ་རོན་ཅི་སྔོན་མ་སྲིད་འཛིན་གྱི་ལས་འགན་(༢༠༠༣-༢༠༠༧)འཁུར་བཞིན་པའི་སྐབས་ཚོགས་འདུ་ཞིག་ནང་གཏམ་བཤད་འདི་འདྲ་ཞིག་སྤེལ་སོང་། ང་ཚོ་ཀྲུང་གོའི་ནུབ་ཕྱོགས་ན་རྣམ་པ་མི་ཡིན་པ་ལ་བསམ་བློ་དུད་འགྲོ་དང་གཅིག་མཚུངས་ཀྱི་གྲངས་ཉུང་མི་རིགས་གླེན་པ་གནག་ཕྱུགས་དང་འདྲ་བོ་ཞིག་ཡོད་ཅེས་བཤད་པ་དང་མུ་མཐུད་མི་རིགས་དེའི་བསམ་བློ་དང་འཚོ་བ་བཅས་ཕྱོགས་གཉིས་ནས་ཡར་རྒྱས་གཏོང་དགོས་ཡོད་ཅེས་བཤད་སོང་།
དེ་ལས་མང་བ་། “བུ་མོ་ཆོས་དབྱིངས་སྐྱིད་ཀྱི་མདུན་ལམ་ལ་གཟིགས་དགོས། །” »
འབའ་སྲས།
དེ་རིང་ངས་ཡང་བསྐྱར་རྒྱལ་སྤྱི་ཨོམ་ལིམ་སྟེང་འདར་རྒྱུག་ཨང་གསུམ་པ་ལེན་མཁན་བོད་མོ་ཆོས་དབྱིངས་སྐྱིད་ཀྱི་སྐོར་ལ་རྩོམ་ཡིག་གསུམ་པ་ཞིག་འབྲི་དགོས་བྱུང་སོང་། རྒྱུ་མཚན་ཅི་ཡིན་ཞེ་ན། རླུང་འཕྲིན་དང་། རྩོམ་ཡིག སྤྱིར་བཏང་གི་སྐད་ཆའི་ཁྲོད་ནས་སྐད་ཆ་སྣ་ཚོགས་ཤིག་ཐོས་པའི་དབང་གིས་ཡིན།
མཁོ་འདོན་པཿ རྡོ་རྗེ་ཚེ་བརྟན།
༧གོང་ས་སྐུ་ཕྲེང་བཅུ་གསུམ་པའི་བོད་རང་བཙན་ཁྱབ་བསྒྲགས་ཀྱི་ཡིག་ཆ་བསྐྱར་བསྐྲུན་བྱས་ནས་མང་ཚོགས་ལ་འགྲེམས་སྟོན་བྱས་པ།
ས་གནསྲ ལྡི་ལི། དུས་ཚོད། ་༢༠༡༢་ལོའི་ཟླ་༨་པའི་ཚེས་༡༥ དགོང་དྲོའི་ཆུ་ཚོད་༥:༣༠་ནས་༧:༣༠
དེ་རིང་བོད་རང་བཙན་སློབ་ཕྲུག་ཚོགས་པ་དང་ལྡི་ལི་བསམ་ཡས་གླིང་ས་གནས་བོད་ཀྱི་གཞོན་ནུ་ལྷན་ཚོགས། རོ་ཧི་ནི་ས་གནས་གཞོན་ནུ་ལྷན་ཚོགས་བཅས་ཀྱིས་མཉམ་རུབ་ཐོག་བོད་མི་དང་བོད་དོན་རྒྱབ་སྐྱོར་བ་ཉིས་བརྒྱ་ལྷག་བསྐོངས་ནས་རྒྱ་གར་རྒྱལ་ཁབ་ཆེན་པོའི་རང་བཙན་གྱི་ཉིན་མོ་ཐེངས་དྲུག་ཅུ་རེ་དྲུག་པ་དེ་སྲུང་བརྩི་ཞུས་པ་དང་ཆབས་ཅིག་ཕྱི་ལོ་༡༩༡༣་ལོར་༧གོང་ས་སྐུ་ཕྲེང་བཅུ་གསུམ་པ་ཆེན་པོས་མཛད་པའི་བོད་རང་བཙན་ཁྱབ་བསྒྲགས་ཀྱི་ཡིག་ཆ་བསྐྱར་བསྐྲུན་བྱས་ཏེ་དེར་འདུས་ཀྱི་མང་ཚོགས་ཡོངས་ལ་འགྲེམས་སྟོན་བྱས་ཡོད་ལ།
༄༅། །རྒྱ་ཆེའི་ཀློག་པོ་སྤྱི་དང་ཤེས་བྱའི་གནས་ལ་འབད་འབུངས་གནང་བཞིན་པའི་མ་འོངས་སོན་རྩ་རྣམས་ལ་ཞུ་རྒྱུར། ཁྱེད་རྣམ་པས་མཁྱེན་གསལ་ལྟར། ཕ་ཡུལ་ཤེས་བྱའི་བང་མཛོད་ནི། མ་འོངས་བོད་ཀྱི་སོན་རྩ་རྣམས་ཀྱི་བོད་ཀྱི་ཐུན་མོང་མ་ཡིན་པའི་སྐད་ཡིག་གཙོས་པའི་ཤེས་ཡོན་ཡར་རྒྱས་གཏོང་རྒྱུའི་ཆེད་དུ་ཡིན་པས། འདིར་ང་ཚོས་འཕྲོད་བསྟེན་དང་། གནའ་དེང་གི་རྒྱུན་ཤེས། མཚར་གཏམ། བརྩམས་སྒྲུང་དང་། དེ་བཞིན་ཚན་རིག་ཤེས་བྱ་ལ་སོགས་པའི་སྒྱུར་རྩོམ་རིགས་བཅས་སློབ་ཕྲུག་གི་ཁམས་དང་མོས་པ་གཙོ་ཆེར་དམིགས་ནས་པར་སྐྲུན་ཞུས་དང་ཞུ་བཞིན་ལགས་ན། དམིགས་ཡུལ་དེ་ཉིད་འགྲུབ་པར་ཁྱེད་རྣམས་ཀྱི་ཕྱར་གྲུ་མཉམ་འདེགས་ནི་མེད་དུ་མི་རུང་བའི་ཆ་རྐྱེན་དུ་འགྱུར་ཡོད།
དེ་ལས་མང་བ་། “ཤེས་རིག་ལས་ཁུངས་ཀྱིས་སྤེལ་བའི་རྩོམ་སྐུལ་གསལ་བསྒྲགས།” »
མགོན་པོ་ཕྱག་གཉིས་པ།
ཕྱག་འཚལ་ཆོས་དབྱིངས་མྱུར་མ་དཔའ་མོ།།
ཞབས་གཉིས་གཡས་བསྣོལ་གཡོན་བསྣོལ་བྱས་ཏེ།།
འཁྱག་འཁྱོག་བྱ་གག་འགྲོས་དང་འདྲ་བར།།
ཀུན་ནས་བསྐོར་རྒྱུག་བྱས་ན་མགྱོགས་མ།།
ཕྱག་འཚལ་པགས་རྩག་ཡུལ་དུ་ལུས་མ།།
ནུ་ཁེབས་མ་གཏོགས་སྟོད་གཡོགས་མེད་མ།།
འདོམས་རས་མ་གཏོགས་སྨད་ཤམ་མེད་མ།།
ཀུན་ནས་བསྐོར་དགའ་གཅེར་རུར་བརྒྱུགས་མ།།
དེ་ལས་མང་བ་། “ཨོྃ་ལུས་རྩལ་བ་ཆོས་དབྱིངས་སྐྱིད་ལ་ཕྱག་འཚལ་ལོ།” »
དུས་རབས་དང་། སློབ་གཉེར། དད་མོས། ལྟ་ཚུལ་བཅས་ཀྱི་དོན་དངོས་དཔྱད་གླེང་།
སེར་ཤུལ་རིན་ཆེན་དོན་གྲུབ།
“༸གོང་ས་༸སྐྱབས་མགོན་ཆེན་པོ་མཆོག་གི་སྤྱོད་འཇུག་ཆེན་མོའི་བཀའ་ཁྲིད་ལས། ལྷག་དོན་དགོན་པའི་ནང་ལ་ཡོད་པའི་དགེ་ཚུལ་གཞོན་ནུ་དེ་ཚོའི་གྲས་ལ་དེང་དུས་ཀྱི་སློབ་སྦྱོང་བྱེད་ཡ་དེ་ཚོ་དམིགས་བསལ་གྱིས་ལྟ་རྟོག་མ་བྱས་པར་དེ་སྔའི་ལམ་དང་ལུགས་སོ་ཞིག་ཡིན་ཟེར་ནས་དཔེ་ཆ་ཚིག་སྐམ་པོ་ཞིག་བསླབས། ཉེས་རྟགས་འདྲ་བཏང་། དེ་འདྲ་ཞིག་མ་གཏོགས་མེད་བསྡད་ནས་ཕྱིན་པ་ཡིན་ན་ལོ་གཉིས་གསུམ་བཞི་ལྔ་ཞིག་གི་དུས་ཚོད་སྐྱེལ་དུས་སློབ་གྲྭར་འགྲོ་བའི་དུས་ཚོད་དེ་ཡང་འདས། དེའི་རིང་ལ་ཚིག་སྐམ་པོ་ཞིག་བསླབས་བཞག་པ་དེ་ཡིས་སོ་སོའི་མི་ཚེ་གང་པོ་དགོན་པ་ནས་བསྡད་དེ་ཁུང་འཁྱོལ་ན་འགྲིག་གི་རེད་དེ། གང་འཚམ་ཞིག་ནས་དགོན་པར་སྡོད་འདོད་མེད་པའི་བཟོ་འདྲ་བོ།
ཕྱི་ལོ་ ༢༠༡༢ ཟླ་ ༡ ཚེས་ ༢༣ ཉིན་སྟེ་རྒྱ་ནག་གི་དཔྱིད་གསར་དུས་ཆེན་ཉིན་རྔ་པ་རྫོང་རྨེའུ་རུ་མའི་ཞང་ཐོག་ནས་མི་མང་བརྒྱ་ཕྲག་བརྒལ་བས་ངོ་རྒོལ་སྐད་འབོད་བྱས་སྐབས་༸གོང་ས་མཆོག་གི་སྐུ་པར་ལག་ཏུ་བཟུང་ནས་མི་མང་གི་སྣེ་ཁྲིད་པའི་ཉེས་མིང་འོག་རྨེའུ་མ་ཞང་རུ་ཆེན་དང་པོའི་དཔལ་ལྡན་ཚང་གི་མག་པ་ལོ་བརྒྱ། རང་ལོ་ ༣༣ ཡིན་པ་ཁོང་ལ་ལོ་ ༤ བཙོན་འཇུག་ཁྲིམས་ཐག་བཅད་ཡོད་འདུག
ཕྱི་ལོ་༢༠༡༢ ཟླ་༡ ཚེས་༦ ཉིན་རང་ལོ་ ༢༠ ཡིན་པའི་རྒྱལ་གཅེས་དཔའ་བོ་བློ་བཟང་ཚུལ་ཁྲིམས་དང་ལྷན་དུ་རྔ་པ་རྫོང་ནས་རང་ལུས་མེར་སྲེག་གནང་ཞིང་། ཉིན་དེ་རང་ལ་འདས་གྲོངས་སུ་གྱུར་པའི་རྒྱལ་གཅེས་དཔའ་བོ་བསྟན་ཉི་ལགས་ཀྱི་སྐུ་པར་སྐབས་དེར་རྙེད་སོན་བྱུང་མེད་ཀྱང་། ཉེ་ཆར་བོད་ནས་སྐུར་འབྱོར་བྱུང་བ་ཟུར་གསལ་དེ་ཡིན་ལགས་པས་དེ་ལུགས་དགོངས་འཇགས་ཡོང་བར་ཞུ།
བསྟན་ཉི་ནི་རྔ་པ་རྫོང་མཐའ་བ་གོང་མ་ནས་ཡིན་ཞིང་། རང་ལོ་༢༠ ། ཕ་མིང་ལ་ཡར་འཕེལ་ཡིན། ཁོང་ཆུང་ཆུང་སྐབས་ཀིརྟི་དགོན་པར་གྲྭ་བྱས་ཤིང་ལོ་ཤས་གོང་སྐྱ་སར་བབ་པ་ཞིག་ཡིན་འདུག
དེ་ལས་མང་བ་། “རྒྱལ་གཅེས་དཔའ་བོ་བསྟན་ཉི་དང་རིག་འཛིན་རྡོ་རྗེ་གཉིས་ཀྱི་པར།” »
ཕྱི་ལོ་ ༢༠༡༢ ཟླ་ ༨ ཚེས་ ༡༣ ཉིན་རང་ལུས་མེར་སྲེག་གིས་རྒྱ་གཞུང་གིས་བོད་ཐོག་འཛིན་པའི་སྲིད་བྱུས་ལ་ངོ་རྒོལ་གནང་མཁན་རྒྱལ་གཅེས་དཔའ་བོ་བཀྲ་ཤིས་ལགས་རྔ་པ་བོད་རིགས་རང་སྐྱོང་ཁུལ་གྱི་ལྟེ་གནས་འབར་ཁམས་ནས་ཕྱི་ཚེས་ ༡༤ ཉིན་འདས་གྲོངས་སུ་གྱུར་ཡོད་ཀྱང་ཁོང་གི་སྐུ་ཕུང་ནང་མིར་སྤྲད་ཡོད་མེད་གསལ་པོ་ཤེས་རྟོགས་མ་བྱུང་། རྒྱལ་གཅེས་དཔའ་བོ་གཉིས་ཀྱིས་ཕྱི་ཚེས་ ༡༣ ཉིན་རང་ལུས་མེར་སྲེག་བཏང་བར་བརྟེན་ཤུལ་ལུས་ནང་མི་དང་བཅས་པར་གདུང་སེམས་མཉམ་བསྐྱེད་མཚོན་ཆེད་ཕྱི་ཚེས་ ༡༤ ཉིན་རྔ་པའི་རྫོང་མཁར་གྱི་བོད་པའི་ཟ་ཁང་དང་ཚོང་ཁང་ཚང་མ་སྒོ་རྒྱབ་སྟེ་རྔ་པ་མི་མང་གིས་དགོན་པ་ཁག་ལ་བསྔོ་བསྟེན་ཕུལ་བ་དང་སྐོར་ར། ཕྱག་མཆོད་འབུལ་སོགས་བྱས་ཏེ་རྣམ་པ་སྟོན་གང་ཐུབ་བྱས་ཡོད་འདུག
དེ་ལས་མང་བ་། “རྒྱལ་གཅེས་དཔའ་བོ་བཀྲ་ཤིས་ལགས་འདས་གྲོངས་ཕྱིན་པ།” »
བོད་ཀྱི་ལུས་རྩལ་པར་འདུར་རྒྱུག་ཟངས་རྟགས་ཐོབ་རྗེས། བོད་སྐད་ཐོས་པས་མིག་ཆུ་ཤོར་ཉེན 藏族选手竞走摘铜 赛后只想吃牛羊肉喝白酒 རྒྱ་ཡིག་ནས་བསྒྱུར་བས། སྐད་གཉིས་ཤན་སྦྱར་དུ་བཀོད་པ་ཡིན། ཞུ་དག་དང་ནོར་བཅོས་གནང་བར་རེ་ཡོད། ཆ་ཚང་འབྲེལ་ཐག་འདིར་བསྣུན་ནས་གཟིགས། ལུས་རྩལ་པས་བོད་སྐད་ཐོས་པས་མིག་ཆུ་ཤོར་ཉེན
ཐེ་བོ་ཤེས་རབ་རྒྱ་མཚོ།
མདང་དགོང་ངས་འོད་ཟེར་གྱིས་གསར་དུ་བྲིས་པའི་བླ་བྲང་ཨ་ཁུ་འཇིགས་མེད་སྐོར་གྱི་བྲིས་རྩོམ་ཞིག་བཀླགས་པ་ཡིན། བླ་བྲང་ཨ་ཁུ་འཇིགས་མེད་ནི་ད་ལྟ་མདོ་སྨད་གཙོད་གྲོང་ཁྱེར་གྱི་གསོལ་མགྲོན་ཁང་ཞིག་ཏུ་བཀག་ཉར་བྱས་ནས་རྒྱུན་རིང་སོང་ཡོད་པས། ཨ་ཁུ་འཇིགས་མེད་ཀྱི་ཕུ་བོས་བཤད་ན། ཆུ་ཚོད་༢༤ རིང་ཉེན་རྟོག་པ་བཞི་ལྔ་ཞིག་གི་ལྟ་རྟོགས་ནན་པོའི་འོག་བཞག་ཡོད་འདུག ངས་བསམ་ན་བཀག་ཉར་དེའི་རྒྱབ་ཏུ་ཤིན་ཏུ་རྟོག་དཀའ་བའི་གསང་བ་གཞན་ཞིག་ཡོད་སྲིད། བདག་གིས་འོད་ཟེར་གྱི་བྲིས་རྩོམ་དེ་བཀླགས་ཚར་དུས། ད་ལྟ་བོད་ན་ཧ་ཅང་ཤ་ཚ་མོ་དང་དཀྱུས་མ་ཡིན་པའི་ཐ་སྙད་རྒྱུན་སྤྱོད་སྐོར་ཞིག་ལ་རྒྱ་ནག་གཞུང་གི་དབང་སྒྱུར་འོག་ཏུ་ནག་ཉེས་ཕོག་ནས་ཁྲིམས་ཐག་གཅོད་ཀྱིན་ཡོད་པ་ཤེས་རྟོགས་བྱུང་།
ཨོ་རྒྱན་ཉི་མ།
བོད་ཀྱི་བུ་མོ་ཆོས་དབྱིངས་སྐྱིད་ལགས་ནི་འབྲོག་པའི་རྩ་ཐང་དུ་ལུ་གུ་དང་། བེའུ་མཉམ་དུ་འཚར་ལོངས་བྱུང་ཞིང་། གྲོང་གསེབ་ནས་གྲོང་བརྡལ། གྲོང་ཁྱེར་སོགས་རིམ་བགྲོད་ཀྱིས་འཛམ་གླིང་ཤར་ནུབ་གཉིས་ན་གྲགས་པ་འབར་བའི་ཨོ་ རྩལ་འགྲན་ཚོགས་སུ་ཞུགས་པ་རེད། ཁོ་མོས་འགྲོས་རྒྱུགས་ཀྱིས་ཨང་གསུམ་པའི་བྱ་དགའ་བླངས་པ་དེས་ལྟད་མོ་བར་དམིགས་བསལ་གྱི་ཚོར་སྣང་ཞིག་སྟེར་མེད་ལ། དེ་ནི་སྤྱིར་བཏང་ཞིག་ལས་ཧ་ལས་དགོས་པའི་རྟགས་མ་ཞིག་ཀྱང་མ་རེད། དེ་ཕྱིར་དེ་ལ་ཁོ་བོ་ཡང་ཁོ་ཚོས་སྤྲད་པའི་བྱ་དགའ་ལ་ཧ་ལས་པའི་སེམས་ཚོར་ཞིག་གང་ཡང་མ་བྱུང་།
དེ་ལས་མང་བ་། “ཆོས་དབྱིངས་སྐྱིད་ཀྱི་བྱས་རྗེས་ཆེ་ཤོས་དེ་འཛུམ་མདངས་རེད།” »
ཨོ་རྒྱན་ཉི་མ།
དེང་སང་ཡོད་ཚད་ཀྱིས་རྩོད་བཞིན་པ་ནི་ཐོབ་ཐང་རེད། ཆབ་སྲིད་པས་ཐོབ་ཐང་རྩོད་རྒྱུ་ནི་སྤྱིར་བཏང་ཞིག་རེད། ཆབ་སྲིད་ཅེས་པ་དེ་སྒེར་རང་ཉིད་དང་། རང་གི་ཚོགས་པ། རང་གི་མི་རིགས། རང་གི་རྒྱལ་ཁབ་ཆེད་དུ་རང་ཁེ་གཞན་ཕམ་བྱ་བའི་ཐབས་ལམ་ཞིག་རེད། དེ་ཕྱིར་ཆབ་སྲིད་པས་ཐོབ་ཐང་རྩོད་པ་དེ་ལ་དམིགས་བསལ་ཧ་ལས་དགོས་དོན་མི་འདུག་མོད། དམ་པའི་ཆོས་ཞེས་པ་དེ་རང་གཞན་གཙོ་བོར་བྱ་དགོས་པ་དང་། རང་དོན་ལས་གཞན་དོན་གཙོ་ཆེར་བཟུང་བའི་ཐབས་ལམ་ཞིག་ཡིན་དུས་རྩ་ནས་ཐོབ་ཐང་རྩོད་པ་དེ་མཐའ་གཅིག་ཏུ་ནོར་བ་རེད།