མི་ཕམ་ཚངས་ཐིག

ཆོས་ལུགས་ཀྱི་ཆ་ནས་བཤད་ན། ཕྱི་ལོ་༡༩༩༩ ཡས་མས་ནས་བཟུང་བཙན་བྱོལ་བོད་གཞུང་དུ་ཇོ་ནང་པས་བོད་ཀྱི་ཆོས་བརྒྱུད་ཆེ་གྲས་ཀྱི་ཐོབ་ཐང་ཞུས་པའི་དབང་གིས་ཁ་ཆེ་དང་ཡེ་ཤུ བོན་པོ་སོགས་ཀྱི་གནས་སྟངས་གླེང་མི་དགོས་ས་ནས་གླེང་སློང་བྱུང་ཡོད། དེ་ནི་ཕྱི་སྡོད་བོད་མིའི་གནད་ཡོད་མི་སྣ་དག་གིས་བོད་ཀྱི་ཆོས་སྲིད་ལོ་རྒྱུས་ཀྱི་གནས་ཚུལ་ལ་རྒྱུས་ལོན་གྱིས་མ་འདང་བ་དང་ཕོངས་བས་ཉེར་ལེན་ལས་བྱུང་བ་རེད།

དེ་ལས་མང་བ་། “ཁ་ཆེ། ཡེ་ཤུ། ཇོ་ནང་། མེ་སྲེག” »

རུ་ཤུལ་བུ།

ཕྱི་ཚེས་བཅུ་གཅིག་ཉིན་དབྱིན་ཅི་རྒྱལ་ས་ལོན་ཏྲོན་ནས་བོད་རིགས་བུ་མོ་ཆོས་དབྱིངས་སྐྱིད་ཀྱིས་འཛམ་གླིང་རྩེད་ཐང་དུ་བོད་པ་ཚང་ལ་གོ་སྐབས་ཡོད་ན་མི་རིགས་གཞན་དང་གཅིག་མཚུངས་ཡིན་པས་དཔང་རྟགས་སུ་རྒྱ་མོ་དག་གི་ཕྲག་གདང་ལ་རྐང་པ་བཞག་ནས་བོད་པ་ཚང་གི་ལོ་རྒྱུས་ལ་དངུལ་གྱིས་རྟགས་མ་ཞིག་གིས་ཟིན་ཐོ་བཀོད་པ་དེ་འུ་ཅག་ཚང་མ་དགའ་འོས་པའི་དོན་བཟང་ཞིག་ཅི་ལ་མིན། ཕྱི་ཚེས་བཅུ་གསུམ་ཉིན་ནས་མདོ་སྨད་རྨ་ཆུའི་ཡུལ་དུ་གེ་སར་རྟ་རྒྱུག་འགྲན་ཚོགས་ཆེན་མོ་འགོ་ཚུགས་ཡོད་འདུག

དེ་ལས་མང་བ་། “རྩེད་མོ་དང་རིགས་ཞེན།” »

ཨོ་རྒྱན་ཉི་མ།

མཁས་དབང་བཀའ་ཁྲི་མཆོག་གིས་སཱ་ར་མཐོ་སློབ་ཀྱི་དུས་སྟོན་ཐོག་གནང་བའི་གསུང་བཤད་ལས། ༼༧གོང་ས་མཆོག་གིས་སྐུ་དབང་མི་མང་གིས་འོས་འདེམས་བྱས་པའི་དབུ་འཁྲིད་ལ་རྩིས་སྤྲོད་གནང་པའི་ལོ་གཅིག་རིང་ལས་དོན་ལ་འཐུས་ཤོར་ཕྱིན་མེད་པ་དང་། ད་ལྟའི་བཙན་བྱོལ་སྤྱི་ཚོགས་གཞན་ལས་ལྷག་ཅིག་བྱུང་ཡོད་པ་འདི་མི་རབས་རྒན་པ་དག་གི་བཀའ་དྲིན་ཡིན་པ། ད་ཆར་བཙན་བྱོལ་སྤྱི་ཚོགས་དང་སྒྲིག་འཛུགས་ཀྱི་རྨང་རྡོ་ཉིན་རེ་བཞིན་སྲ་བརྟན་དུ་འགྲོ་བཞིན་ཡོད་པ་དེས་བཙན་བྱོལ་སྤྱི་ཚོགས་འཐོར་ཞིག་ཏུ་མི་འགྲོ་བའི་བརྡ་ལན་ཞིག་པེ་ཅིན་ལ་སྤྲོད་བཞིན་ཡོད། དེ་བཞིན་བཀའ་ཤག་གི་སྲིད་ཇུས་ཆིག་སྒྲིལ་དང་གསར་གཏོད། རང་ཁ་རང་གསོ་གསུམ་གྱི་སྐོར་གསལ་བཤད་གནང་སྐབས་ཁོང་གིས། བོད་མི་ཚོར་གཞན་རྟེན་གྱི་བསམ་བློ་ཤུགས་ཆེན་པོ་ཡོད་པའི་ཚོར་སྣང་བྱུང་ཚུལ་དང་། གལ་སྲིད་སོ་སོར་རང་གི་རྐང་པའི་སྒང་ལངས་ཐུབ་པའི་གདེང་ཚོད་མ་བསླེབ་པར་དུ་བོད་ཀྱི་རྩ་དོན་འགྲུབ་ཁག་པོ་ཡིན་༽སྐོར་སོགས་གསུངས་པ་ཞིག དུས་བབ་ལས་མཐོང་སོང་བས་བསམ་གཞིག་བྱ་རྒྱུ་དང་། ཞིབ་འཇུག་བྱ་རིན་ཡོད་པའི་སྐད་ཆ་ཞིག་རེད།

དེ་ལས་མང་བ་། “བཀའ་ཁྲིའི་གསུང་ལས་འཕྲོས་པའི་གཏམ།” »

ཁྲིམས་ལུགས་སློབ་མ། བློ་བཟང་གྲགས་པ།

བོད་ས་ཤོར་ནས་ད་བར་ལོ་ངོ་ཧྲིལ་པུ་༥༣རིང་། ༧གོང་ས་མཆོག་གི་ཐུགས་རྗེ་བཀའ་དྲིན་ལ་བརྟེན་ནས། ང་ཚོ་གནས་མེད་ཀྱི་འཁྱམ་པོ་ཞིག་ཏུ་གྱུར་མེད་ལ། བདག་མེད་ཀྱི་དྭགས་ཕྲུག་ལྟ་བུའི་གནས་སྟངས་ཤིག་ཏུ་དེ་བས་ལྷུང་མེད། དེ་ནི་རྒྱ་གར་གཞུང་གིས་ཆབ་སྲིད་དང་ཁྲིམས་ལུགས། རིག་གཞུང་དང་སྤྱི་ཚོགས་སོགས་ལྟ་གྲུབ་དུ་མས་གྲུབ་འབྲས་ཀྱིས། ང་ཚོར་གནས་ཚང་གཡར་པ་རེད། བོད་མིའི་རང་ཉིད་ཀྱི་ཆོས་དང་རིག་གཞུང་། གོམས་གཤིས་དང་ལེགས་བྱང་སོགས་མ་ཉམས་གོང་འཕེལ་དང་ཉམས་པར་སླར་གསོའི་ཆེད་དུ། བོད་མི་སྐྱབས་བཅོལ་བ་རྣམས་རྒྱ་གར་རྒྱལ་ཡོངས་ཀྱི་ཞིང་ཆེན་འདྲ་མིན་དུ་བགོས་ནས། ད་བར་གཞིས་ཆགས་༣༨ཙམ་དུ་གནས་འཁོད་བྱས་པར་མ་ཚད། རང་ཉིད་ཀྱི་མི་དམངས་ཁྲི་ཚོགས་མང་པོ་དཀའ་ངལ་གྱི་གནས་སུ་ལྷུངས་ཡོད་ནའང་།

དེ་ལས་མང་བ་། “ས་ཁང་བདག་དབང་དང་འབྱུང་འགྱུར་གྱི་དཀའ་ངལ།” »

ནམ་མཁའ

ང་ཚོ་ཚང་མས་ཤེས་གསལ་ལྟར་ཆབ་སྲིད་ཀྱི་རི་སྒང་དེ་ནས་མར་མེ་ཁྲོམ་སྐོར་ཐེངས་ལྔ་བཅུ་རྒལ་སོང་། ཡིན་ཡང་འཛམ་གླིང་གི་ཚོང་རྫས་སུ་གྱུར་བའི་བོད་ཀྱི་གནས་སྟངས་ལ་འགྱུར་བ་ཕྲན་བུ་ཙམ་ཡང་བྱུང་མེད། དེས་རྐྱེན་བོད་ནང་གི་དཔའ་བོ་དང་དཔའ་མོ་ཚོས་རང་གི་ལུས་ལོངས་སྤྱོད་དང་།ཐ་ན་རང་གི་བྲང་ཁོག་ནས་བརྒྱུད་པའི་བུ་ཕྲུག་ཡང་བློས་བཏང་བྱེད་དང་བྱེད་བཞིན་ཡོད། འདི་འདྲའི་གནས་སྟངས་གཉེན་ཕྲེང་ཅན་ལ་བོད་མི་ཡོངས་ཀྱིས་སེམས་ནས་མ་བཟོད་པར།བོད་གཞུང་དང་འགོ་ཁྲིད་མི་སྣ་སོགས་ལ་ཁ་རྡུང་ཡང་གཏོང་བཞིན་ཡོད། མ་ཟད་ད་རུང་༧གོང་ས༧་མཆོག་གིས་བོད་ནང་གི་བོད་མི་ཚོར་རང་ལུས་མེ་བསྲེགས་ཀྱི་ལས་འགུལ་མཚམས་འཇོག་བྱེད་དགོས་བའི་བཀའ་སློབ་གནང་དགོས་ཚུལ་གྱི་བསམ་ཚུལ་དངོས་ཤུགས་གང་རུང་དུ་བརྗོད་དང་བརྗོད་བཞིན་ཡོད།

དེ་ལས་མང་བ་། “བདེན་པའི་མེ་ལྕེ་ནས་བདེན་པའི་ཨུ་ཚུགས་སུ་བསྐྱོད།” »

གཅན་འོད་འབར།

ད་ལྟ་བོད་ཕྱི་ནང་གཉིས་ན་ཚ་ཚ་འུར་འུར་གྱིས་འབར་ཞིང་ཁྱབས་ཀྱིན་པ་ནི་བོད་ནང་གི་རང་ལུས་མེར་བསྲེགས་ཀྱི་ལས་འགུལ་འདི་རེད། རང་ལུས་མེར་བསྲེགས་ཀྱི་རྒྱལ་སྐྱོབ་ལས་འགུལ་འདི་གཅིག་མཇུག་གཉིས་མཐུད་དུ་བྱུང་ནས་ཁ་གྲངས་འདི་འདྲ་ཞིག་ལ་སླེབས་པར་བསམ་ན་སེམས་གཏིང་ནས་སྐྲག་སྣང་ཞིག་ངམ་ངམ་ཤིག་ཤིག་གིས་མི་སྐྱེ་པའི་བོད་མི་ཞིག་ཡོད་མི་ངེས་འདོད་ལ། ལས་འགུལ་འདིའི་རྒྱབ་ལྗོངས་དང་ཁྱབ་རྒྱ། རྒྱལ་གཅེས་པ་འདི་དག་གི་ཞལ་ཆེམས་དམ་བཅའ་དང་དགོས་དམིགས་རེ་འདུན་སོགས་ཤེས་ན་སྙིང་གསེབ་ནས་སྔར་མེད་ཀྱི་སེམས་ཤུགས་ཤིག་དྲག་ཏུ་ལངས་མི་སྲིད་པའི་བོད་མི་ཞིག་ཀྱང་ཕལ་ཆེར་མེད་མི་སྲིད་ཅེས་བརྗོད་ན་ཆོག་མོད།

དེ་ལས་མང་བ་། “ངས་འདི་ལྟར་བསམ།” »

མི་ཉག་དུང་ཟླ།

ནམ་ཟླ་ཆར་སྨུག་གིས་བཟུང་བའི་ཉིན་ཞག །
ས་གཞི་ལ་རྒས་གཉེར་གཡོ།
རི་གྲོང་དང་རྣ་བ་ཡོད་ཚད།
འཇག་སྐྱའི་ཤུགས་གླུ་ཡིས་ཡང་ཡང་གདུང་།
ཀརྨ་པ ཁྱེད་ཕེབས་ཤུལ་དུ།
རི་གྲོང་འདི ལྕགས་མཁར་སྒོ་མེད་ཀྱི་ཞིང་ཁམས་ཡིན།

དེ་ལས་མང་བ་། “ཀརྨ་པ ཁྱེད་ཕེབས་ཤུལ་དུ།” »

ཁྲོ་གཏུམ།

སྐད་ཡིག་གི་ཁྱབ་ཁོངས་སུ་མེད་དུ་མི་རུང་ཞིང་མེད་ན་མི་ཆོག་པ་ནི་བརྡ་སྤྲོད་ཞེས་བ་འདི་ཡིན་ལ། གལ་སྲིད་བརྡ་སྤྲོད་ཀྱི་ནུས་པ་མེད་ན་མི་རིགས་འདིའི་རིག་གཞུང་དང་ཡུལ་སྲོལ་གོམས་གཤིས། མེས་པོའི་མཛད་རྗེས་སོགས་ཇི་ལྟར་ལོ་ངོ་ཁྲི་འབུམ་ལ་གནས་ཐུབ་བམ། རྒྱལ་ཁབ་དང་མི་རིགས་ཞེས་ལོགས་སུ་ཡོད་པ་ཞིག་ཡིན་དུས་རྒྱལ་ཁབ་དེ་ལ་དཔག་པའི་སྐད་ཡིག་ཞེས་པ་ཞིག་དང་འབྲེལ་ནས་བརྡ་སྤྲོད་ཞིག་གི་འགྲོས་རིམ་ཡོད་པ་ནི་སྐད་ཡིག་དེའི་སྲོག་རེད།

དེ་ལས་མང་བ་། “བོད་སྐད་ཡིག་གི་མ་འོངས་པར་བལྟས་པ།” »