སྐར་ཆེན། ཡོ་རོབ།
དེ་རིང་འདི་ནས་ཡར་བརྩིས་ན་དམིགས་བསལ་ཚོགས་ཆེན་ཚར་ནས་ཉིན་གྲངས་ཉི་ཤུ་ལྷག་འགྲོ་གི་ཡོད།འོན་ཀྱང་། ངེད་ཀྱི་རྩོམ་འདི་ཉིན་གྲངས་ཉི་ཤུའི་རྗེས་སུ་བྲིས་བ་ཡིན། ཉིན་གྲངས་ཉི་ཤུའི་དུས་ཡུན་ནི་ངེད་ཀྱིས་དམིགས་བསལ་ཚོགས་ཆེན་གྱི་སྐོར་ལ་བསམ་བློ་བཏང་བའི་དུས་ཡུན་རེད། དུས་ཡུན་འདིའི་ནང་ལ་ངེད་ཀྱིས་དམིགས་བསལ་ཚོགས་ཆེན་གྱི་སྐོར་དང་འབྲེལ་བའི་གཞུང་འབྲེལ་གསུང་བཤད་དང་གསུང་འཕྲིན། ཟིན་བྲིས། གཞན་མི་སྒེར་བའི་གསུང་བཤད་དང་ཚོགས་པ་སྒེར་བའི་གསུང་བཤད། ཕྱིརྒྱལ་བའི་ཚོད་དཔག་དང་རྩོམ་བྲིས། ད་དུང་གསར་འགོད་པ་ཚོའི་གསར་འགྱུར་སོགས་ཕྱོགས་ཡོངས་ཀྱི་གནས་སྟངས་ལ་བསྡུ་ལེན་བྱས། ཉན་ཤེས་བྱས། བསམ་བློ་བཏང་སྟེ་གཞི་ནས་རྨོངས་འཆར་ཆུང་ཆུང་ཞིག་འབྲི་ཁུལ་བྱས་བ་ཡིན།
ད་ལོའི་བོད་ནང་གི་ཛ་དྲག་བྱུང་རྐྱེན་དང་རྒྱལ་སྤྱིའི་གནས་བབ་བཅས་བོད་ཀྱི་རྩ་དོན་ཐོག་གོ་བསྡུར་བགྲོ་གླེང་ཞིབ་ལྷོད་ཅིག་གནང་ཆེད་བཙན་བྱོལ་བོད་མིའི་བཅའ་ཁྲིམས་དོན་ཚན་༥༩བའི་ཆ་རྐྱེན་འོག་དམིགས་བསལ་ཚོགས་ཆེན་ཞིག་འཚོགས་དགོས་ཀྱི་འདུག་ཞེས་ཕྱི་ལོ་༢༠༠༨ལོའི་ཟླ༩ཚེས་༡༡ཉིན་༧གོང་ས་མཆོག་གིས་སྐུ་སྒེར་ཡིག་ཚང་བརྒྱུད་སྤྱི་འཐུས་ལྷན་ཚོགས་ཀྱི་ཚོགས་གཙོ་བགྲེས་གཞོན་དང་བཀའ་ཤག་ལྷན་རྒྱས་ལ་བཀའ་གནང་། དུས་ཚོད་དེ་ནི་ཏག་ཏག་སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དུས་དྲུག་པ་རྡ་རམ་ས་ལར་འཚོགས་བཞིན་པའི་སྐབས་རེད། གྲོས་ཚོགས་ཚོགས་དུས་དྲུག་པ་ཚོགས་བཞིན་པའི་སྐབས་དང་བསྟུན་བཙན་བྱོལ་བོད་གཞུང་བཀའ་ཤག་ནས་ཚོགས་དུས་ཉིན་བདུན་པ་ཕྱི་ལོ་ ༢༠༠༨ ཟླ་ ༩ ཚེས་ ༡༥ རེས་གཟའ་ཟླ་བ་ཉིན་བཙན་བྱོལ་བོད་མིའི་བཅའ་ཁྲིམས་དོན་ཚན་ ༥༩ འོག་དམིགས་བསལ་ཚོགས་ཆེན་ཐེངས་དང་པོ་ཞེས་པའི་ཚོགས་ཆེན་བསྡུ་བསྐོང་གནང་རྒྱུའི་ལས་རིམ་གྲོས་འཆར་ཞིག་སྤྱི་འཐུས་ཚོགས་འདུའི་སྟེང་ཕུལ། གྲོས་ཚོགས་ནང་བཀའ་སྤྱི་གཉིས་ནས་ཚོགས་འདུའི་ལས་རིམ་གྱི་གྲོས་འཆར་ལ་གོ་བསྡུར་སྦྱང་བཤད་གནང་བའི་མཐར་ཚོགས་འདུའི་མིང་ལ། བཙན་བྱོལ་བོད་མིའི་བཅའ་ཁྲིམས་དོན་ཚན་ང་དགུ་པའི་འོག་དམིགས་བསལ་ཚོགས་ཆེན་ཐེངས་དང་པོ་ཕྱི་ལོ་ ༢༠༠༨ ཅེས་དང་། ཚོགས་དུས། ཕྱི་ལོ་ ༢༠༠༨ ཟླ་ ༡༡ ཚེས་ ༡༧ རེས་གཟའ་ཟླ་བ་ནས་ཚེས་ ༢༢ སྤེན་པའི་བར་ཉིན་དྲུག་རིང་སྔ་དྲོ་ཆུ་ཚོད་ ༩་༣༠ ནས་ཕྱི་དྲོ་ཆུ་ཚོད་ ༥་༠༠ བར།ཚོགས་ཡུལ་རྡ་སྟེང་བོད་ཁྱིམ་སློབ་གྲྭ། གཞན་ཚོགས་མིའི་ཡོང་ཁུངས་དང་ཚོགས་མིའི་གྲངས་ཁྱོན་༥༦༠གཏན་འབེབས་དང་དེའི་ཁོངས་སུ་གཞུང་གི་ལས་ཀྱི་སྣེ་མོར་མི་གཏོགས་པའི་གཞུང་འབྲེལ་མིན་པའི་ཚོགས་པ་ཁག་བཅུའི་སྐུ་ཚབ་གྲངས་ཉི་ཤུ་དང་རྒྱུན་ལྡན་བོད་དོན་ཐོག་ཐུགས་ཁུར་དང་འགན་འཁུར་ལས་འགུལ་གནང་མཁན་རྒྱ་བལ་འབྲུག་གསུམ་དང་། དེ་མིན་ཕྱི་རྒྱལ་ཡུལ་གྲུ་ཁག་ནས་དང་བླངས་ཕེབས་མཁན་གྲངས་༤༨བཅས་འདུག ཚོགས་འདུའི་དབུ་འབྱེད་ཀྱི་མཛད་སྒོའི་སྟེང་དུ་། བཀའ་ཤག་གི་བཀའ་བློན་ཚོས་ཚོགས་ཆེན་གྱི་སྐོར་ལ་གསུང་བཤད་ཚིག་རྐྱང་གནང་གི་མིན་གསུངས་འདུག། ད་དུང་གཞུང་ཞབས་ཚོར་གཞུང་གི་སྲིད་བྱུས་དང་ལངས་ཕྱོགས་གླེང་སློང་མི་དགོས་པར་སོ་སོའི་ལྟ་ཚུལ་བཤད་དགོས་ཟེར། འདི་ཕྱི་གསལ་ནང་གསལ་གྱི་སྐད་ཆ་ཞིག་རེད་དམ་མ་རེད། གཞུང་ཞབས་ཚོས་ཚོགས་ཐོག་ཏུ་གཞུང་གི་སྲིད་ཇུས་དང་ལངས་ཕྱོགས་གླེང་མ་དགོས་བར་སོ་སོའི་ལྟ་ཚུལ་བཤད་ཆོག་ན་དམིགས་བསལ་ཚོགས་ཆེན་དབུ་མ་ཚུགས་པའི་སྔོན་ལ་གཞུང་ཞབས་ཚོར་དམིགས་བསལ་ཚོགས་ཆེན་དང་འབྲེལ་བའི་བཅར་འདྲི་བྱས་མི་ཆོག་པ་ཅི་རེད། ངེད་ཀྱི་རྨོངས་འཆར་ལྟར་ན། ཚོགས་ཆེན་ཐོག་ཏུ་གཞུང་གི་སྲིད་ཇུས་དང་ལྟ་བ་བཤད་མི་བཤད་དེ་སྐད་ཆ་གཞན་ཞིག་རེད། གལ་སྲིད་ད་རེས་དངོས་གནས་དྲང་གནས་༧གོང་ས་མཆོག་གི་ཐུགས་རེ་ནང་བཞིན་མང་ཚོགས་ཀྱི་བསམ་ཚུལ་བསྡུས་ཡོད་ན། ཚོགས་ཐོག་ཏུ་གཞུང་གི་སྲིད་ཇུས་དང་ལྟ་བ་གླེང་རྒྱུའི་གཞི་མེད། དེ་ལྟར་བྱུང་མེད་ན་ནི། ཚོགས་ཐོག་ཏུ་གཞུང་གི་སྲིད་ཇུས་དང་ལྟ་བ་མ་གླེང་རུང་ཚོགས་ཐོག་གི་སྐད་ཆ་དེ་གཞུང་གི་སྲིད་ཇུས་དང་ལྟ་བའི་སྣེ་ནས་འདུག་གི་རེད། ཕར་བཤད་ཚུར་བཤད་ཅི་ཞིག་བྱས་རུང་གཞུང་གི་དཀྱིལ་འཁོར་དེ་ལས་ཕར་བརྒལ་ཐུབ་ཀྱི་མ་རེད།
སྲི་ཐར་
འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་གཞོན་པ་སྲི་ཐར་ཨ་རིའི་རྒྱལ་ས་ཝ་ཤིན་ཊོན་དུ་སླེབས་ནས་བོད་དོན་སྐོར་གྱི་གསར་འགོད་གསལ་བསྒྲགས་འགོད་ཀྱི་རེད་ཟེར། ཁོའི་ལོ་རྒྱུས་ཞིབ་གསལ་མཁྱེན་མཁན་ཡོད་ན་འདིར་འགོད་རོགས། གཤམ་གསལ་པར་རིས་དེ་དྲ་རྒྱ་ནས་བཤུས་པ་ཡིན་
ལྷ་ས་ས་རེད། ཇོ་བོ་ཟངས་རེད།
སྤོབས་པ་མཐའ་ཡས། རང་རེའི་མི་ཕལ་མོ་ཆེས་དད་པ་འཇོག་དགོས་ས་དེར་མི་འཇོག་པར་མི་དགོས་ས་རྐྱང་རྐྱང་གི་ཆེད་དུ་སྲོག་ཡིན་ཡང་གཏོང་ཐུབ་པའི་དད་པ་འཇོག་གི་རེད། བོད་མི་ཕལ་མོས་ཆེ་མི་ཚེའི་རིང་ལྷ་སར་ཐེངས་གཅིག་འགྲོ་ཐུབ་པ་དེ་ཧ་ཅང་གི་སྐལ་བ་བཟང་པོ་ཞིག་ཏུ་བརྩི་ཞིང་། སྔོན་དུས་སུ་ངེད་ཚོའི་ཕ་ཡུལ་མདོ་ཁམས་སྨད་ནས་ལྷ་ས་བར་དུ་གོམ་བགྲོད་ཀྱིས་ཟླ་བ་གསུམ་བགྲོད་དགོས་ཤིང་རྐུན་ཇག་མང་བ། མཐུན་རྐྱེན་ཞན་པ། འབྲོག་སྟོང་དང་། གཡང་ས་དང་། ནགས་ཁྲོད་དང་། ལ་ཐུར་མང་བ་སོགས་ཀྱི་དཀའ་ངལ་རྣ་བས་ཉན་མི་བཟོད་པ་མང་པོ་ཡོད་ཀྱང་ཇི་མི་སྙམ་པར་འགྲོ་ཞིང་སྲོག་མགོ་ཐོན་པ་དང་མ་ཐོན་ཅི་རིགས་བྱུང་གིན་ཡོད་འདུག བོད་མི་ཚོ་ས་དེ་ལྟབུའི་དཀའ་བ་དང་དུ་བླངས་ནས་གང་ཞིག་མཇལ་དུ་འགྲོ་བ་དེ་ནི་ཀོང་ཇོས་སྤྱན་དྲངས་པར་གྲགས་པའི་ཇོ་བོ་ཞེས་པའི་གསེར་སྐུ་འདི་དང་གཞན་ཡང་ལྷ་སྐུ་མདའ་ངེ་མདུང་ངེ་དང་ལྷ་ཁང་བ་གེ་བུག་གེ་ཁ་ཤས་ཤིག་རེད། དེ་མིན་གླིང་སྐོར་ལམ་འགྲམ་གྱི་ས་རྡོ་ཡན་ཆད་ལ་བྱིན་རླབས་ཞུ་བ་དང་མཆོད་པ་འབུལ་ཁུལ་གྱིས་མར་བྱུགས་ནས་ནག་རིལ་རིལ་བཟོས་ཡོད་པ་རེད། ལྷ་ཁང་དང་ལྷ་སྐུ་དེ་བཞིན་ས་རྡོ་འདི་ཚོས་བྱིན་རླབས་ཟེར་བ་དེ་བཙན་ཐབས་སུ་རང་རྒྱུད་ལ་བཅུག་ཡོང་གིན་ཡོད་པའི་དད་པ་ལོང་བ་ཞིག་ལས་གང་ཡང་མེད། དེང་དུས་སུ་ཡང་བོད་མི་ཚོས་དོ་སྐྱེལ་འཕྲུལ་འཁོར་གླས་ཤིང་དོ་སྐྱེལ་འཕྲུལ་འཁོར་རེ་རེའི་ནང་དུ་མི་བཞི་བཅུ་ནས་བརྒྱད་ཅུའི་བར་བསྡད་ནས་འགྲོ་ཞིང་དེའི་དཀའ་ངལ་དང་ཉེན་ཁ་དེ་ཡང་སེམས་ཀྱིས་མི་བཟོད་པ་ཞིག་རེད། འཕྲུལ་འཁོར་ཁ་ལོ་པ་མང་པོ་ཞིག་ལ་སྦྱོང་བརྡར་དང་ལག་ཁྱེར་ཡང་ཚད་ལྡན་མེད་སྟབས་བརྡབ་སྐྱོན་བྱུང་ནས་སྲོག་ཤོར་བའི་གྲངས་འབོར་ཧ་ཅང་ཆེན་པོ་ཡིན། སྤྱིར་བཏང་ལྷ་སར་སོང་ན་ཕན་ཡོན་མེད་ཅེས་བཤད་མི་ཐུབ་ཀྱང་བོད་མིའི་དད་པ་འཇོག་སྟངས་འདིའི་གང་ལ་ཡང་སླེབས་ཀྱིན་མེད། ད་དུང་ལ་ལས་བརྐྱངས་ཕྱག་འཚལ་ཞིང་ལོ་ནས་ལོ་མཐུད་དེ་མགོ་བོས་ས་བརྡུངས་ཏེ་ལྷ་སའི་བར་དུ་འགྲོ་ཞིང་དེ་ལ་བརྟེན་ནས་ཚེ་འདི་ཕྱིའི་དོན་ཆེན་ཞིག་འགྲུབ་མདོག་སྟོན་པ་འདི་ཚོར་ཡང་ལེགས་པར་བརྟག་ན་དེ་ཙམ་ཡིད་སྨོན་ཤོར་འོས་པའི་ཆོས་བསྒྲུབ་སྟངས་ཤིག་མ་རེད་སྙམ། དཀའ་བ་སྤྱད་པ་དེ་ཡང་ཀུན་སློང་དང་ངེས་ཤེས་ཡང་དག་ཅིག་གིས་མ་ཟིན་ན་ཕྱི་རོལ་པའི་དཀའ་ཐུབ་ལས་ཀྱང་ཞན། ཕྱི་རོལ་པས་དཀའ་ཐུབ་སྤྱོད་པ་ལ་དེའི་ཚོད་ཀྱིས་དངོས་གྲུབ་བསྒྲུབ་སྟངས་ཀྱི་མན་ངག་ཅིག་ཡོད་ཀྱང་བོད་མིས་ནི་ལྷ་ས་མཇལ་ཆེད་དུ་རྔུལ་ནག་ཅི་ཙམ་མང་པོ་ཞིག་བཞུར་བ་དེ་ཙམ་་གྱི་བྱིན་རླབས་མོད་པོ་ཞིག་འབྱུང་སྙམ་པ་ལས་གང་ཡང་མེད། ལྷ་ས་འདི་ཆོས་རྒྱལ་སྲོང་བཙན་སོགས་ཀྱི་སྐབས་ནས་བོད་ཀྱི་རྒྱལ་ས་ཡིན་པ་དང་། བོད་ཆོས་སྲིད་གཉིས་ཀྱི་མངའ་བདག་༸གོང་ས་སྐྱབས་མགོན་རྒྱལ་དབང་ཐམས་ཅད་མཁྱེན་པའི་བཞུགས་གནས་གཙོ་བོ། ར་ས་འཕྲུལ་སྣང་གི་གཙུག་ལག་ཁང་དང་གདན་ས་སེ་འབྲས་དགའ་གསུམ་སོགས་ཆགས་ཡོད་སྟབས་བྱིན་རླབས་དང་དངོས་གྲུབ་གཞན་ལས་མྱུར་བའི་སྒྲུབ་གནས་ཁྱད་པར་ཅན་ཞིག་ཀྱང་ལོས་ཡིན། འོན་ཀྱང་བཀྲ་མི་ཤིས་པ་འབྱུང་ས་ཞིག་གི་ངོས་ནས་བསམ་ན་ལྷ་ས་འདི་ལས་ལྷག་པའི་བཀྲ་མི་ཤིས་པ་མང་དུ་བྱུང་སའི་ཡུལ་ལྗོངས་ཤིག་བོད་སྟོད་སྨད་བར་གསུམ་གང་ན་ཡང་མེད་པ་ལྟ་བུར་འདུག དཔེར་ན་གཙང་སོག་ཀྱི་དམག་འཁྲུགས་དང་། བོད་རྒྱའི་དམག་འཁྲུགས་རིམ་བྱུང་། དེ་མཚུངས་ཕྱི་དགྲ་དང་ནང་འཁྲུག་བྱུང་བའི་ལོ་རྒྱུས་དེ་ཚོ་བྐླགས་ན་ལྷ་ས་ནི་དམྱལ་བའི་ཟངས་ཁང་ལྟ་བུ་ཞིག་ཏུ་གྲུབ་འདུག་པས་ལྟ་སྐོར་ལ་འགྲོ་བའི་རིན་ཐང་ཡོད་ཀྱང་མཇལ་སྐོར་འགྲོ་ཡུལ་ཞིག་མིན་པ་འདྲ། ནང་པ་སངས་རྒྱས་པའི་ཆོས་འདི་ནང་སེམས་ཀྱི་ཡར་རྒྱས་ལ་གཙོ་བོར་འཛིན་པའི་ཆོས་ལུགས་ཤིག་ཡིན་པར་དངོས་གནས་ཡིད་ཆེས་ཡོད་ན་ཨི་ཟི་ལམ་པ་ཚོ་མེ་ཁ་ལ་རྡོ་གྲུ་བཞི་དེ་མཇལ་དུ་འགྲོ་བ་ལྟར་དུ་ཡོད་ཚད་བློས་གཏང་དགོས་ཀྱང་ཅི་མི་སྙམ་པར་ལྷ་སར་གནས་སྐོར་ལ་རྒྱུག་སྲོལ་འདི་འགོག་རན་འདུག
ཁ་བརྡར་ཕུལ་བ།
སྐར་ཆེན་། ཡོ་རོབ། ཁ་བརྡ་དྲ་དེབ་འདི་སྒོ་ཕྱེས་ནས་ཟླ་ངོ་འགའ་ཤས་མ་གཏོགས་ཕྱིན་མེད། ཟླ་ངོ་འགའ་ཤས་འདིའི་རིང་ལ་ཁ་བརྡའི་སྒང་ལ་རྩོམ་ཡིག་སྤེལ་མཁན་མང་། ཁ་བརྡའི་སྒང་གི་རྩོམ་ཡིག་ྐློག་མཁན་མང་། རྩོམ་ཡིག་སྤེལ་མཁན་དང་ྐློག་མཁན་གཉིས་ཀྱིས་ག་ལ་ཚད། མཆན་བུ་འདེབས་མཁན་དེ་ལས་མང་།་ འོན་ཀྱང་། མཚམས་རེར་མཆན་བུ་དག་བརྗོད་བྱའི་རྩོམ་གྱི་སྒང་ལ་མ་ཕྱིན་བར་མི་སྒེར་གྱི་སྒང་ལ་ཕྱིན་པས་ག་ལ་ཚད། མི་སྒེར་གྱི་མདུན་བརྒྱབ་བསྔོགས། མི་སྒེར་གྱི་མཚང་བྲིས། ད་དུང་དེས་ག་ལ་ཚད། མཚམས་མཚམས་སུ་བརྟག་དཔྱད་དང་ཞིབ་འཇུག་མེད་པར། བློ་བསྐྱེད་དང་གནས་ལུགས་མེད་པར། རང་གི་རྩ་བའི་བླ་མའི་སྐོར་ལ་ཡང་འདྲ་མི་འདྲ་གླེང་གི་ཡོད། གང་ལྟར། མཐའ་མར་ཅིག་འགྲིག་འགྲོ་གི་འདུག རྒྱུ་མཚན། ཁ་བརྡའི་སྒང་གི་རྩོམ་འབྲི་བ་མང་ཆེ་བ་ཉམས་མྱོང་ཡོད་མཁན། བསམ་བློ་ཐོངས་མཁན་། ཉེ་ཕུགས་མཐོང་མཁན་རྐྱང་ཡིན། དེར་བརྟེན། ད་ལྟར་བར་དུ་ཁ་བརྡའི་རྩོམ་འབྲིའི་ཐད་ལ་དཀའ་ངལ་དམིགས་འཕྲད་མེད་པའི་ཚོར་བ་ངེད་ལ་ཡོད། མ་འོངས་བར་ཡང་དཀའ་ངལ་དང་འགོག་རྐྱེན་མེད་པར་ཁ་བརྡའི་རླུང་རྟ་གོང་ནས་གོང་དུ་འཕེལ་བའི་སྨོན་ལམ་ཡོད། རེ་བ་ཡོད། ཕྱོགས་ཆུང་ས་ནས་བཤད་ན་ཁ་བརྡ་འདིས་ཁ་འཐོར་བའི་བོད་རིགས་རྩོམ་པ་པོ་ཚོར་རང་གི་ཚོར་བ་དང་བསམ་ཚུལ་གླེང་སའི་གླེང་སྟེགས་ཤིག་བསྐྲུན་སོང་། གླེང་སྟེགས་འདིས་རྩོམ་པ་པོ་རྣམས་ལ་རང་དབང་དང་ཐོབ་ཐང་གླེང་སའི་གོ་སྐབས་ཆེན་པོ་ཞིག་སྤྲད་སོང་། ད་ལྟ་བར་དུ་ཁྱེད་ཀྱིས་གླེང་མ་ཐུབ་པ་མང་པོ་ཞིག་ཁ་བརྡ་བརྒྱུད་གླེང་སོང་ལ་ངས་ཀྱང་བཤད་མ་ཐུབ་པ་མང་པོ་ཞིག་ཁ་བརྡ་བརྒྱུད་ནས་བཤད། ཐ་ན་ཁྱེད་གང་ལ་འགྲོ་དང་ཁྱེད་ལ་ལས་ཀ་ཅི་ཡོད་སོགས་ཀྱང་ཁ་བརྡ་བརྒྱུད་དང་གླེང་ཐུབ་སོང་། འདི་ནི་ཁ་བརྡ་རང་དབང་ལུང་བའི་སྐྱེས་བའི་གཟི་བརྗིད་རེད། ཁ་བརྡ་རང་དབང་ལུང་བར་འཁྲུངས་བའི་རྟེན་འབྲེལ་ཀྱང་རེད། གལ་སྲིད་ཁ་བརྡ་འདི་ཇ་འཐུང་སའི་ཇ་ཁང་ཡིན་པའི་ཆ་བཞག་ན། ཇ་ཁང་འདི་ཉིན་མ་རྟག་པར་ཇ་འཐུང་མཁན་གྱི་འགྲུལ་བས་ཁེངས་ནས་ཡོད། ཇ་ཁང་འདི་རྟག་པར་འགྲུལ་བ་འདྲ་མིན་ཐུག་སའི་དཀྱིལ་འཁོར་སྟབས་བདེ་ཞིག་ཀྱང་ཡིན། ཇ་ཁང་འདིར་ཡོང་བའི་འགྲུལ་བ་ཚོ་ཡང་ཕྱོགས་ཁག་འདྲ་མིན་ནས་ཡིན་ལ་ཁོང་ཚོར་གནས་ཚུལ་ཡང་འདྲ་མིན་བཤད་རྒྱུ་ཡོད། མཚམས་རེར་འགྲུལ་བ་ཚོའི་བར་ལ་ཁ་རྩོད་ཤོར། གཅིག་གིས་གཅིག་ལ་མིག་ལོག་རྒྱག་རེས་བྱས། འོན་ཀྱང་། འགྲུལ་བ་འདི་ཚོར་ཡོན་ཏན་ཞིག་ཡོད་པ་ནི་འགྲུལ་བ་འདི་ཚོ་ནམ་ཡང་འཁྲུག་འཛིང་མི་བྱེད། འདི་ནི་ཇ་ཁང་འདིའི་དྲོལ་ཁོལ་ཡིན་ལ་འགྲུལ་བ་ཚོའི་ཡོན་ཏན་ཡང་ཡིན། གལ་སྲིད་ཁ་བརྡ་འདི་བུད་མེད་ཞིག་ཡིན་པའི་དབང་དུ་བཏང་ན། བུད་མེད་འདིའི་གདོང་ལ་བལྟ་མཁན་ཉིན་རེ་ནས་ཉིན་རེར་ཇེ་མང་ནས་ཇེ་མང་ཡིན། བུད་མེད་འདིའི་ཁང་བའི་སྒོ་རྡུང་མཁན་ཡང་ད་ལྟ་བར་དུ་ཆད་མྱོང་མེད། སྒོ་རྡུང་མཁན་ཡང་ཉིན་མཚན་གཉིས་ལ་ཡོད། ད་དུང་ཉིན་མོ་ལས་མཚན་མོར་མང་། བུད་མེད་འདི་ལ་ཡང་བདག་པོ་གཅིན་མིན། བདག་པོ་ཁ་ཤས་ཡོད། བདག་པོ་ཚང་མ་བུད་མེད་འདིའི་མཛེས་སྡུག་གཅེས་སྐྱོང་གནང་མཁན་ཡིན། འདི་ནི་ཆུང་ས་ནས་བཤད་ན་ཁ་བརྡས་ངེད་ཀྱི་སེམས་ལ་བཞག་པའི་ཚོར་བ་ཡིན།
འདི་ལོར་ལོ་གསར་མ་བྱེད་རོགས།
མགོ་ལོག་འཇིགས་མེད་བློ་གྲོས་རིན་པོ་ཆེ།
ཤ་རུས་གདུང་རྒྱུད་གཅིག་པའི་བོད་རིགས་སྤུན་ཟླ་ཡོངས་ལ་ནང་གཏམ་ཞུ་རྒྱུར།
སྤྱིར་བཏང་ལོ་གསར་ནི་འཛམ་བུ་གླིང་གི་རྒྱལ་ཁབ་ཐམས་ཅད་ལ་དར་ཞིང༌། ལོ་རེའི་ནང་གི་དགའ་སྐྱིད་ཀྱི་དུས་སྟོན་ཆེ་ཤོས་ཡིན་པར་མ་ཟད། རང་རེ་གླུ་གར་དང་སྤྲོ་སྐྱིད་ལ་རོལ་རྒྱུར་དགའ་བའི་བོད་མི་རིགས་འདིས་དམིགས་བསལ་གྱིས་དགའ་ཞེན་བྱེད་ས་དང༌། ལོ་རེའི་ནང་གི་རེ་སྒུག་ཆེས་ཆེ་ཤོས་ཀྱི་དགའ་སྟོན་དུས་ཆེན་ཞིག་ཀྱང་ཡིན། འོན་ཀྱང་མི་གཅིག་གི་མི་ཚེའི་ནང་གནམ་ལོ་གསར་དུ་ཚེས་ཚད་ལ་ལོ་གསར་གཏོང་གི་ཡོད་དམ་ཟེར་ན་མེད་དེ། ཕ་མ་སྤུན་མཆེད་སོགས་རང་གི་ནང་མི་གྲོངས་པ་དང༌། ཉེ་འབྲེལ་དང་གྲོགས་པོ་ཁྱིམ་མཚེས་རྣམས་ཀྱི་ནང་མི་གྲོངས་ན་ཡང་ལོ་གསར་བྱེད་ཀྱི་མེད། སྤྱིར་བཤད་ན་༡༩༥༩ལོར་བོད་ས་རྒྱ་ལག་ཏུ་ཤོར་བ་དང༌། བོད་མིའི་འདི་ཕྱིའི་སྐྱབས་མགོན་ས་མཐར་ཕེབས་དགོས་བྱུང་བ་ནས་བཟུང༌། བོད་གཞིས་བྱེས་ལྷན་འཛོམས་ཀྱི་ཉི་མ་མ་ཤར་བར་དུ་བོད་མི་རྣམས་ཀྱིས་ལོ་གསར་གཏོང་གི་མེད་ན། འཛམ་གླིང་རྒྱལ་སྤྱིའི་སྤྱི་ཚོགས་ཀྱི་མིག་མདུན་དུ་བོད་མི་རིགས་ཀྱིས་མྱོང་དང་མྱང་བཞིན་པའི་སྡུག་བསྔལ་གྱི་རྣམ་པ་ཕྱི་ལོགས་སུ་སྟོན་པའི་ཐབས་ལམ་ཡག་ཤོས་ཤིག་ཡིན་ངེས་མོད། དེ་ལྟར་མ་བྱུང་བར་མ་ཟད་བྱེས་བཞུགས་བོད་མི་ཚོས་དགོན་པ་དང་དགོན་པའི་བར། སློབ་གྲྭ་དང་སློབ་གྲྭའི་བར། སྐྱིད་སྡུག་ཚོགས་པ་དང་སྐྱིད་སྡུག་ཚོགས་པའི་བར་འགྲན་བསྡུར་ལྟ་བུ་བྱས་ནས་ལོ་གསར་དང༌། ལོ་གསར་མ་ཡིན་པའི་སྤྲོ་སྐྱིད་སྣ་ཚོགས་གཏོང་གི་ཡོད་པ་འདི་རྒྱལ་སྤྱིའི་སྤྱི་ཚོགས་ཀྱི་མིག་ལ་དེ་ཙམ་འཕྲོད་ཀྱི་མེད། དེ་བས་ཀྱང་འདི་ལོར་ནི་བོད་པའི་དམིགས་བསལ་གྱི་ཁྲག་དང་མིག་ཆུའི་ལོ་ཟླ་ཞིག་ཡིན་པས་བོད་མི་རྣམས་ལ་རྒྱས་སྤྲོས་ཀྱི་ལོ་གསར་དང༌། གླུ་ལེན་བྲོ་འཁྲབ་བྱེད་རྒྱུའི་ཡི་ག་དང་འོས་བབས་ག་ལ་ཡོད།
ཕྱོགས་གཅིག་ནས་འདི་ལོར་བོད་ཀྱི་རྒྱལ་དོན་དུ་གྲོངས་པའི་རྒྱལ་གཅེས་དཔའ་བོ་རྣམས་སྐུ་གཤེགས་ནས་ལོ་ཁ་གང་མེད་ཅིང༌། ཁྱོ་ག་དང་ཕ་རྒན་གྱི་གཅེས་སྲོག་བོད་ཀྱི་རྒྱལ་དོན་དུ་ཤོར་བའི་ཡུགས་མོ་དང་དྭ་ཕྲུག་རྣམས་ཀྱི་མཆི་མ་ད་དུང་སྐམ་མེད་པས། ང་ཚོ་ལ་དགོད་སྒྲ་ལྷང་ལྷང་གིས་ལོ་གསར་བྱ་རྒྱུའི་ཡི་ག་དང་འོས་བབས་མེད། བོད་ཀྱི་རྒྱལ་དོན་དུ་གཅེས་སྲོག་ཤོར་མཁན་གྱི་ཤུལ་བཞུགས་ནང་མི་ཚོས་འདི་ལོར་ལོ་གསར་བྱེད་ཀྱི་ཡོད་དམ། གལ་ཏེ་མེད་ན་ང་ཚོས་ཀྱང་ཁོང་རྣམས་དང་གདུང་སེམས་མཉམ་བསྐྱེད་བྱེད་དགོས་པ་ལས་ལོ་གསར་གཏན་ནས་བྱེད་རྒྱུ་མེད།
ལོ་རྒྱུས་ཁྲོད་རྩ་ནས་ཁ་ཐོར་བྱུང་མ་མྱོང་བའི་བོད།
ད་ང་ཅུང་ཟད་ར་བཟི་འདུག གྲོགས་པོ་ཚོ། ཡིན་ན་ཡང་ངས་གསལ་པོར་དྲན་གྱི་འདུག ཀླུ་སྨྱོན་གྱིས་སྔོན་མ་ཞིག་ལ་མདོ་ཁམས་ཀྱི་ས་ཆ་དེ་རྒྱ་ཁོངས་ཡིན་པ་ལྟ་བུ་ཞིག་བཤད་པ་དེ་ལོས་དྲན། ངས་ཀྱང་དེའི་སྐབས་དེ་ནི་དངོས་ཡོད་ལོ་རྒྱུས་དང་ཐག་ཉེ་སེ་ཡོད་པ་ལྟ་བུ་ཞིག་བཤད་ཡོད། ད་ལྟ་ཡང་དེ་ག་རང་ཡིན། རྒྱལ་སྤྱིའི་ལོ་རྒྱུས་དང་ལྷག་པར་དུ་ཆབ་སྲིད་རྐྱང་བའི་ལོ་རྒྱུས་བཤད་ཡོང་ན་ཁོའི་སྐད་ཆ་དེར་བདེན་པ་ཡོད་པ་ལྟ་བུ་ཞིག་ཡོད་པ་རེད། ཡོངས་གྲགས་ལྟར་ན། མདོ་ཁམས་འདི་ཆོས་རྒྱལ་མེས་དབོན་ཚོའི་སྐབས་བོད་ཁོངས་ཡིན་པ་ལྟ་བུ། དེ་ནས་འ་ཞ། དེ་ནས་སོག་པོ། དེ་ནས་བར་གནས་ཀྱི་རྒྱལ་ཕྲན་ཁག་ཅིག་གམ་རྒྱ་ཁོངས་ཡང་ན་བོད་ཁོངས། བོད་དེའང་རང་བཙན་ནམ་རྒྱ་ཁོངས་ཡིན་པ་ལྟ་བུའི་སྲིད་དོན་ལོ་རྒྱུས་རབ་རིབ་ཅིག་ཡོད་པ་རེད། འདི་ནི་ཡོངས་གྲགས་ཀྱི་ལོ་རྒྱུས་ལྟ་སྟངས་ཤིག་རེད། ཡིད་ངོར་ཆབ་སྲིད་དང་ལངས་ཕྱོགས་གང་ཞིག་གིས་ཀྱང་སླད་མ་ཞུགས་པའི་མི་མང་ཕལ་བ་ཚོས་སྟོད་དབུས་གཙང་ནས་བོད་རང་བཙན་ཡིན་ལབ་ན་སྨད་རྒྱ་བོད་འདྲེས་མཚམས་སུ་ཡང་བོད་རང་བཙན་ཡིན་ཞེས་སྐད་འབོད་བྱེད་ཀྱི་འདུག རྒྱལ་སྤྱིའི་ལོ་རྒྱུས་ཀྱིས་ཤུགས་རྐྱེན་ཐེབས་པ་ཞིག་དང་ཡང་ན་རྒྱ་ནག་གི་ལོ་རྒྱུས་ཀྱིས་ཡིད་ངོར་ལྷད་ཞུགས་པ་ཞིག་ཡིན་ན་འདི་ནི་ཕལ་ཆེར་བློ་ངོར་འབབ་དཀའ་བའི་དོན་དག་ཅིག་ཡིན་པ་བཤད་མ་དགོས་པ་ཞིག་ལོས་ཡིན། དེ་བས་ངས་དམིགས་བསལ་གྱིས་ཅིའི་ཕྱིར་བོད་ཀྱི་ལོ་རྒྱུས་མཁན་པོ་རྣམས་བོད་རང་བཙན་སྐོར་ལ་གོམ་པ་འཁྱར་འཁྱོར་དང་ཐེ་ཚོམ་ཅན་དུ་གྱུར་བ་དང་་ཅིའི་ཕྱིར་རྒྱལ་མཚམས་ཀྱི་མི་མང་ཕལ་བ་རྣམས་རང་བཙན་སྐོར་ཡིད་གཉིས་ཐེ་ཚོམ་སྤུ་ཅམ་ཡང་མེད་པའི་སྐོར་བསམ་ཞིབ་ཅིག་མ་བྱས་རང་བྱས་རེད། གཅིག། ད་བོད་རང་གི་ལོ་རྒྱུས་ལ་ལྟོས་ཏེ་བཤད་ན། རྒྱ་བོད་གཉིས་ཀྱི་ལོ་རྒྱུས་ལོགས་སུ་རེད། བོད་ཀྱི་རྒྱལ་རབས་ལོ་རྒྱུས་གང་ཞིག་ན་ཡང་བོད་ཀྱི་ཆ་ཤས་ཙམ་ཞིག་རྒྱ་ཁོངས་སུ་ཕྱིན་པའི་ལོ་རྒྱུས་མེད་པ་རེད། དབུས་གཙང་པ་ཞིག་ཡིན་ན་ཡང་འདྲ། ཨ་མདོ་བ་ཞིག་ཡིན་ན་ཡང་འདྲ། སུས་བྲིས་པ་ཡིན་ན་ཡང་བོད་ཀྱི་རྒྱལ་རབས་གཅིག་མ་གཏོགས་གཉིས་ཡོད་མ་རེད། བོད་སིལ་བུར་ཐོར་བའི་ལོ་རྒྱུས་ཤིག་ཡོད་ན་ཡང་དེ་ནི་བོད་ཀྱི་ལོ་རྒྱུས་ཀྱི་ཁྱབ་ཁོངས་ལས་གཞན་གང་ཡང་མིན། གཉིས། མདོ་ཁམས་འདི་ཡར་གྱི་ཁོངས་ཕྱིན་པ། མར་གྱི་ཁོངས་ཕྱིན་པ། རང་མགོ་རང་སྐྱོང་ཡིན་པ་སོགས་མགོ་ཐུག་ལ་མ་ཐུག་པའི་ལོ་རྒྱུས་ཞིག་ཡོད་ཀྱང་དམངས་ཁྲོད་དུ་ཞིབ་འཇུག་ཅིག་བྱས་པ་ཡིན་ན་གཞན་དབང་དུ་ཚུད་པའི་ལོ་རྒྱུས་ཀྱི་རྗེས་ཤུལ་ཙམ་ཡང་རྙེད་རྒྱུ་མི་འདུག ཁོ་ཚོར་མཚོན་ན་གནའ་ནས་་ད་བར་བོད་ཀྱི་འདུ་ཤེས་འཛིན་སྟངས་འདིར་འགྱུར་བ་རྩ་ནས་ཕྱིན་མི་འདུག གསུམ། མ་མཐའ་རྒྱ་བོད་ས་མཚམས་སུ་གནས་པའི་བོད་མི་ཞིག་ཡིན་ན་ཡང་ང་བོད་མི་ཡིན། ཆོས་རྒྱལ་སྲོང་བཙན་སྒམ་པོ་ཟེར་བ་འདི་ཁ་ནས་གླེང་རྒྱུར་གནའ་ནས་ད་བར་ཕལ་ཆེར་འགྱུར་བ་བྱུང་མེད་པ་འདྲ་། ཕྱི་རྒྱལ་གྱི་མཁས་དབང་རེ་ཟུང་གིས་ཀྱང་འདིར་དོ་སྣང་བྱུང་འདུག མདོ་ཁམས་ཀྱི་མི་མང་ཚོས་བོད་རང་བཙན་ནམ་བོད་རྒྱལ་ཁབ་ཀྱི་འདུ་ཤེས་འདི་ད་བར་ཅི་ལྟར་སེམས་ནང་ཉར་ནས་ཡོང་བར་བསམ་བློ་ཅུང་ཟད་བཏང་ན་རང་ཉིད་ཀྱང་སྐྱེ་ས་མདོ་ཁམས་ཡིན་པའི་ཆ་ནས་འདིའི་འབྱུང་རྩ་ལས་སླ་པོར་རྙེད་ཀྱི་འདུག དེ་ནི་གཙོ་བོ་བོད་ཀྱི་རྒྱལ་རབས་ལོ་རྒྱུས་དང་ཆོས་རིག་གཅིག་གྱུར་ལ་ཐུག་ཡོད་པ་ནི་རྩོད་གཞི་དང་བྲལ་བ་ཞིག་རེད། ཞིབ་ཙམ་བཤད་ན། བོད་ཀྱི་རྒྱལ་རབས་ལོ་རྒྱུས་དེ་ཀ་ངོ་ཡིག་ངོ་མི་ཆོད་པ་ཚོས་ཀྱང་གཉེན་བཤད་དང་སྟོན་བཤད་ཚུན་བརྒྱུད་ནས་ད་བར་བརྒྱུད་འཛིན་བྱས་ཡོང་ཐུབ་པས་ཁོ་ཚོའི་སེམས་ནང་བོད་དེ་ནམ་ཡང་རྒྱལ་ཁབ་ཅིག་གི་ངོ་བོར་གནས་འདུག དེ་མིན་ལྷ་བསང་ཀླུ་བསང་སྐབས་ཀྱི་བསང་ཡིག་གམ་བསང་འབོད་དེ་ཚོས་བོད་མི་ཕྱོགས་མཐའ་ཚང་མའི་བསམ་བློ་གཞི་གཅིག་ཏུ་སྦྲེལ་བར་ནུས་པ་ཐོན་ཡོད་པ་འདྲ། གཞན་ཡང་གླུ་དང་ལ་གཞས། གཏམ་དཔེ་ཚུན་ཆད་ནང་སྟོད་རྒྱ་གར། སྨད་རྒྱ་ནག། བོད་གངས་ཅན་ཟེར་ནས་ཁོ་ཚོའི་སེམས་ནང་བོད་འདི་རྒྱལ་ཁབ་ཅིག་གི་ངོ་བོར་གནས་ཡོད་པ་རེད། གཞན་གོ་མིན་ཏང་གི་དམག་ཤེད་ཅན་དེ་འདྲས་བོད་ཀྱི་ས་མཚམས་རེ་ཟུང་ལ་བཙན་འཛུལ་རེ་བྱས་པ་དང་། རྒྱ་དང་ཁ་ཆེའི་ཚོང་པ་ཉུང་ཤས་རེ་བོད་ཀྱི་ས་མཚམས་ཀྱི་ཚོང་འདུས་དེ་འདྲར་ཚོང་རྒྱག་ཏུ་ཡོང་བ་ལས་གཞན་བོད་ས་མང་ཆེ་བ་ཁེ་གཙང་རང་བྱས་ནས་བསྡད་པས་བོད་ནམ་ཡིན་ན་ཡང་རང་བཙན་ཡིན་བསམ་པའི་བློ་ཞིག་རང་བཞིན་གྱིས་ཡོད་པ་རེད། མདོར་དེད་ན། རྒྱལ་སྤྱི་དང་རྒྱ་བོད་ཀྱི་ལོ་རྒྱུས་ཤེས་མཁན་གྱི་ཤེས་ལྡན་པ་མང་པོ་ཞིག་བོད་རང་བཙན་ཡིན་མིན་སྐོར་གླེང་ན་བློ་ཐེ་ཚོམ་ཅན་དུ་འགྱུར་གྱི་ཡོད་ཀྱང་མི་མང་ཕལ་བ་རྣམས་དེ་ལ་བློ་དྭོགས་ཙམ་ཡང་མི་འདུག་པ་འདི་ཡང་ཤེས་དགོས་པའི་གནད་ཅིག་ཏུ་མཐོང་། རྒྱ་བོད་ས་མཚམས་སུ་ཞིང་འབྲོག་གི་མི་མང་ཤེས་རྨོངས་རྐྱང་རྐྱང་གིས་བོད་རང་བཙན་གཙང་མ་ཡིན་ཞེས་ལབ་ཡོང་ན་མི་འགའ་རེའི་སེམས་ངོར་འདི་ག་འདྲ་ཞིག་ཡིན་ནམ། ཁོ་ཚོའི་བློ་རྒྱུད་མི་གཞན་གྱིས་བསྒྱུར་བ་མིན་འགྲོ་དེ་འདྲ་བསམ་གྱི་ཡོད་ཚོད་རེད་དེ། དོན་དངོས་སུ་འདི་ནི་གནའ་ནས་ད་བར་གྱི་ཁོ་ཚོའི་མ་བཅོས་པའི་བསམ་བློ་རྣལ་མ་དེ་ཡིན་པ་ཤེས་དགོས་པའི་གནས་སོ། ཡང་ཞོར་འཕྲོས་སུ་བཤད་འདོད་པ་ཞིག་ནི། མཐའ་ཁུལ་གྱི་བོད་མི་འདི་ཚོས་སྟོད་ཉི་མ་ལྷ་ས། སྟོད་ཀྱི་རྒྱལ་བ་པཎ་ཆེན་། སྒང་པ་བོད་ཟེར་ནས་བསམ་བློ་གཅིག་མ་གཏོགས་ཡོད་པ་མ་རེད་དེ།…
དེ་ལས་མང་བ་། “ལོ་རྒྱུས་ཁྲོད་རྩ་ནས་ཁ་ཐོར་བྱུང་མ་མྱོང་བའི་བོད།” »
༧གོང་ས་མཆོག་གིས་ཡུ་རོབ་གྲོས་ཚོགས་སུ་བཀའ་སློབ་བསྩལ་བ།
དུས་ཀྱི་འཁོར་ལོ་དང་དེའི་འཕྲོས་བཤད།
རྩོམ་ཡིག་འདི་ལ་གཟིགས་འདོད་ཡོད་ཚེ་གཤམ་གྱི་ཁ་བྱང་དེར་རྡེག་གནོན་གནང་རོགས། kalachakara
བཙན་བྱོལ་བོད་མིའི་མ་འོངས་པའི་འདུན་ལམ་གང་ཡིན་ནམ།
དགེ་མཐར། ——— བོད་མི་མང་གི་ཐབ་རྩོད་ནི་རྒྱལ་སྤྱིའི་འགྲོ་བ་མིའི་ཐོབ་ཐང་ཚོགས་པ་ལྟར་འགྲོ་བ་མིའི་ཐོབ་ཐང་གི་ཆེད་དུ་མ་ཡིན་ལ། ཡང་ན་རྒྱ་རིགས་དམངས་གཙོ་དོན་གཉེར་བ་རྣམས་ལྟར་དམངས་གཙོའི་སྲིག་གཞུང་སྤེལ་པའི་ཆེད་དུ་ཡང་མ་ཡིན། ཡང་ཡི་ཤུའི་རྣམ་དག་ཆོས་ལུགས་ཀྱི་གཞུང་ལྟར་ཆོས་ལུགས་སྤེལ་བའི་ཆེད་དུ་ཡང་མ་ཡིན། ང་ཚོ་བོད་མི་རྣམས་ཀྱི་ཐབ་རྩོད་ནི་བོད་མིར་རང་ཐག་རང་གཅོད་དང་རང་ཡུལ་རང་ལག་ཏུ་ཡོང་བའི་ཆེད་དུ་ཡིན། གལ་ཏེ་བོད་ཡུལ་དེ་བོད་མིར་བདག་དབང་ཐོབ་རྗེས་བོད་ཡུལ་དེ་དམངས་གཙོའམ་དམར་ཤོག་གམ་སེར་ཤོག་གང་དུ་འགྱུར་ཡང་ཁྱད་པར་མེད། བོད་རང་བཙན་ནི་བོད་མིའི་འདོད་འདུན་དང་དམིགས་ཡུལ་ཡིན། དམིགས་ཡུལ་བོད་རང་བཙན་དོར་ན་ཆོས་དད་རང་དབང་དང་དམངས་གཙོ་དང་འགྲོ་མ་མིའི་ཐོབ་ཐང་སོགས་ལ་ཇི་ཙམ་འབད་ཀྱང་ང་ཚོའི་རྩ་དོན་ངོ་མར་མཐུ་ཤོར་འགྲོ་བ་ལས་ནུས་པ་གང་ཡང་ཐོན་མི་ཐུབ། བོད་ཕྱི་ནང་དུ་གནས་པའི་བོད་མི་སུ་ཡིན་ཡང་སྙིང་གི་ནང་དུ་བོད་རང་བཙན་མི་བསམ་མཁན་སུ་ཡང་མེད་ལ་དེ་ལ་དུས་རབས་ནས་དུས་རབས་དང་མི་རབས་ནས་མི་རབས་འབད་བརྩོན་བརྟེན་རྒྱུར་ཡང་ཐེ་ཚོམ་མེད། འོན་ཀྱང་རྡ་སའི་བཙན་བྱོལ་བོད་གཞུང་གི་དམིགས་ཡུལ་ངོ་མ་དེ་སྔར་གྱི་དགའ་ལྡན་ཕོ་བྲང་བོད་ནང་སྐྱར་གསོ་ཡོང་ཐབ་ཡིན་ནམ། ཡང་ན་སྔར་མེས་དབོན་རྣམ་གསུམ་གྱི་བོད་དེ་སྐྱར་གསོ་ཆེད་ཡིན་ནམ། ཡང་ན་བོད་ནང་གི་བོད་མི་ཚོར་འགྲོ་བ་མིའི་ཐོག་ཐང་དང་ཆོས་དད་རང་མོས་ལ་རྒྱབ་སྐྱོར་ཡིན་ནམ། ཡང་ན་རྒྱ་གར་དང་བལ་ཡུལ་ནང་གི་སྐྱབས་བཅོལ་བོད་མི་རྣམས་བོད་ནང་པྱིར་ལོག་ཐུབ་པ་བཅས་གང་ཡིན་ཁ་གསལ་པོ་ཞིག་མེད་པའི་གནས་སྟངས་འདི་ལྟ་བུའི་འོག་མི་ལོ་ལྔ་བཅུའི་རིང་སྐྱབས་བཅོལ་གནས་སྟངས་འོག་བསྡད་པའི་བོད་མི་རྣམས་ཀྱི་མ་འོངས་འདུན་ལམ་སྐོར་ལ་ཇི་ལྟར་བསམ་དགོས་སམ། ཕྱི་ལོ་ ༡༩༥༩ ལོ་ནས་རིམ་པས་བཙན་བྱོལ་བོད་མི་རྣམས་རྒྱ་གར་དང་བལ་ཡུལ་འབྲུག་ཡུལ་བཅས་སུ་གཞིས་ཆགས་ཏེ་གནས་གོ་ཚུགས་པ་ནས་རིམ་པས་རང་རང་གི་འཇོན་ཐང་གི་ནུས་པས་སྐྱིད་སྡུག་འདྲ་མིན་སྣ་ཚོགས་སུ་འགྱུར། ད་བར་མི་ལོ་ལྔ་བཅུའི་རིང་རྡ་སའི་བོད་གཞུང་གིས་ཅི་གསུངས་བཀའ་འགྲུབ་འོག་རྒྱ་གར་དང་བལ་ཡུལ་གྱི་ལུང་ཁུགས་ཁག་ནང་གནས་པའི་ཉམས་ཆུང་སྐྱབས་བཅོལ་གཞིས་ཆགས་རྣམས་ཀྱི་མི་དམངས་ཀྱི་གནས་སྟངས་ནི་འཚོ་བའི་ཆ་ནས་ས་གནས་ཀྱི་ཡུལ་མི་ཉམ་ཐག་ཁག་གཅིག་ལས་ཏོག་ཙམ་ལེགས་པ་ཡོད་སྲིད། འོན་ཀྱང་བོད་མི་དེ་དག་རང་ཉིད་དེ་སྔ་ལོ་མང་གནས་སའི་ཁང་པ་དང་གཞིས་ཆགས་ཀྱི་ཐོབ་སྐལ་ས་ཞིང་ཡང་རང་ཉིད་ལ་ཁྲིམས་མཐུན་བདག་དབང་མེད་ཐོག་ཡུལ་དེར་མི་ལོ་ལྔ་བཅུ་བསྡད་ཀྱང་ད་དུང་གནས་སྐབས་་ལག་འཁྱེར་ལོ་རེ་རེ་ལ་གསར་བཅོས་རེ་བྱས་ནས་བསྡོད་ཆོག་ཙམ་དང་དངུལ་ཁང་ཨང་སྒོ་ཕྱེ་ཆོག་ཙམ་ལས་ལུང་པ་དེའི་ནང་ཁྲིམས་མཐུན་གྱི་ཕུགས་རྒྱང་རིང་པོའི་ཚོང་ལས་དང་ལས་འཆར་གང་ཡང་སྤེལ་མི་ཆོག་པ་ཞིག་འཛིན་ནས་བོད་རང་བཙན་གནམ་ཆུ་ལྟར་གུགས་ཏེ་ད་བར་གནས་བཞིན་པ་དེ་རྣམས་ད་དུང་ཡང་མི་རབས་ནས་མི་རབས་མུ་མཐུད་འདི་མུར་བསྡོད་ཐབ་མེད་སྟབས་དེ་དག་གི་མ་འོངས་པའི་གནས་སྟངས་ཇི་འགྱུར་སྐོར་ལ་འབྲེལ་ཡོད་ལས་ཀྱི་སྣེ་མོར་གཏོགས་པ་རྣམས་ནས་ཧ་ལས་པའི་འགན་ཆེན་པོ་ཞིག་འཁྱེར་ནས་ཛ་དྲག་པོས་བོད་མི་དེ་རྣམས་ཀྱི་ཕུགས་རྒྱང་རིང་པོའི་བདེ་དོན་ལ་དམིགས་བསལ་གྱི་དོ་སྣང་དང་བཟང་བཅོས་ཞིབ་ཚགས་ཀྱིས་དེང་དུས་རྒྱ་གར་དང་བལ་ཡུལ་མི་དམངས་ཀྱི་རང་དབང་དང་ཤེས་ཡོན། ཆབ་སྲིད་དང་དཔལ་འབྱོར་བཅས་ཀྱི་ཡར་རྒྱས་དང་མཉམ་བསྲེས་མཉམ་འགྲོད་ཐུབ་པ་ཞིག་ཏུ་འགྱུར་བར་འབད་དགོས་པའི་དུས་ལ་བབས་ཡོད། གནད་དོན་དེ་ནི་དབུས་བཙན་བྱོལ་བོད་མིའི་འཛིན་སྐྱོང་གི་སྒྲིགས་གཞི་གསར་འཛུགས་སྐབས་ཀྱི་ཐོག་མའི་དམིགས་ཡུལ་གཙོ་བོ་ཞིག་ཡིན་པས་ད་ཆ་མི་ལོ་ལྔ་བཅུ་ཐམ་པ་རང་དབང་གི་ལུང་པར་གནས་པའི་རྗེས་སུ་ཡང་དམིགས་ཡུལ་དེའི་རྣམ་པ་གསལ་པོ་བཟོ་མ་ཐུབ་པ་གང་ཡིན་ནམ།
སྤྲོ་སྟོན་གླུ་གཞས།
ཟླ་བ་འདིའི་སྤྱེ་ཚེས་༢༡་ཉིན་བལ་ཡུལ་དུ་རྒྱ་རི་བློ་གྲོས་ཚང་གི་བུ་མོའི་སྲས་ཞིག་ཨྱོན་སྤྲུ་སྐུའི་ཡང་སྲིད་ལ་བོད་མི་ལས་ཕྱི་རྒྱལ་བ་ མང་བ་འཛོམས་ནས་ཁྲི་སྟོན་མཛད་སྒོ་རྒྱ་ཆེན་ཞིག་སྤེལ་ཡོད་ལ་སྐབས་དེར་རྒྱ་རི་བློ་གྲོས་རྒྱལ་མཚན་ཕེབས་ཡོད་པ་དང་། ཁྲི་སྟོན་གྱི་ཉིན་གསུམ་པར་བལ་ཡུལ་གྱི་བོད་རིགས་གླུ་བ་ཚེ་རིང་འགྱུར་མེད་ནས་སྤྲོ་སྟོན་གྱི་གླུ་དབྱངས་ཕུལ་ཡོད་པར། བལ་ཡུལ་གནས་སྡོད་བོད་རིགས་ཁག་ཅིག་ནས་ད་ལོའི་སྡུག་སྣང་འདིའི་འོག་ནས་དགའ་སྣང་གི་གཞས་གཏོང་བ་ནི་འོས་པོ་ཞིག་མ་རེད་སོགས་ཀྱི་གླེང་སློང་བྱས་དང་བྱེད་ཀྱིན་ཡོད་འདུག དེས་ན། ཀློག་མཁན་ཁྱེད་རང་ལ་ཚོར་སྣང་ཅི་ཞིག་སྟེར་རམ།
བོད་པའི་མིག
དགེ་འདུན་རབ་གསལ་གྱིས། ང་ལ་བོད་པའི་མིག་ཅིག་ཡོད། ངས་རང་གི་བོད་པའི་མིག་འདི་འཁྱེར་ནས་འཇིག་རྟེན་མྱུལ། ངའི་གྲོགས་པོ་ཚོ་ལ་ཡང་བོད་པའི་མིག་དེ་ཡོད་ལ། ངའི་གཞུང་དང་ངའི་དཔོན་པོ། ངའི་བླ་མ་རྣམས་ལ་ཡང་བོད་པའི་མིག་དེ་ཡོད། བོད་པའི་མིག་དེ་ལ་ཡ་མཚན་མང་པོ་རྙེད། ངའི་བོད་པའི་མིག་འདིས་ “འོ་མ་”ཞེས་པའི་བཏུང་བ་འདི་ནི་སེམས་ཅན་ལས་བཞོས་པ་ཤེས། ངའི་འཁྲིས་ཀྱི་ “བོད་པ་མ་ཡིན་པའི་མིག་”དེ་ཚོས་ “འོ་མ་”ཞེས་པ་དེ་འགྱིག་དམ་ཞིག་གི་ནང་དུ་ཡོད་པའི་བཟོ་གྲྭའི་ཐོན་རྫས་ཤིག་ཏུ་མཐོང་། ངའི་བོད་པའི་མིག་གིས་ཚོན་མདོག་དམར་པོ་དེ་མ་འགྲིག་པ་དང་ཉེན་ཁའི་རང་བཞིན་ཅན་དང་། ལྗང་ཁུ་དེ་ཉེན་མེད་དང་འགྲིག་པ་ཞིག་ཡིན་པའི་མཚོན་རྟགས་སུ་མི་འཛིན། གཞན་གྱི་”མིག་”གིས་དེ་ལྟར་འཛིན། ངའི་བོད་པའི་མིག་འདི་སྲང་ལམ་འདམ་འབག་གིས་ཁེངས་པ་ལ་གོམས་ཡོད་སྟབས། རྡོ་གཅལ་བཏིང་བའི་རྒྱ་ལམ་ལ་ཡ་མཚན། དེ་ནི་གསར་རྙིང་གི་ཁྱད་པར་ཞིག་ལོས་ཡིན། ངའི་བོད་པའི་མིག་འདི་བྱམས་སྙིང་རྗེ་དང་། ཕ་མ་རྒན་རབས་ལ་གུས་ཞབས་བྱེད་རྒྱུར་གོམས་ཡོད་སྟབས། མཚམས་རེར་འཇིག་རྟེན་དུ་དམག་འཁྲུག་ཆེན་པོ་ལངས་སྐབས་ངའི་མིག་འདི་སྡུག་བསྔལ་གྱིས་བཏིམས། འདི་ནི་ “འཇིག་རྟེན་སྤྱི་ཡོངས་ཀྱི་མིའི་གཤིས་ཀ་”ཞིག་ཡིན་པར་འགྲེལ། ངའི་མིག་འདིས་བོད་ཡིག་དང་བོད་ཀྱི་བསམ་བློའི་འཁྱེར་སོ་དེ་བརྒྱུད་ནས་འཇིག་རྟེན་ཁམས་ལ་ལྟ། འཇིག་རྟེན་དུ་ཡོད་པའི་མི་རིགས་གཞན་གྱི་བྱ་སྤྱོད་ལ་ཧང་སངས་ཤིང་མཚམས་རེར་ཁྲེལ་དགོད་བྱེད། དེ་ནི་ང་ལ་འཆར་སྣང་ངམ་སྟོང་སེམས་ཀྱི་བསམ་བློ་ཡོད་པའམ་ཡང་ན། ང་ལ་ “དངོས་ཡོད་”ཐད་གོ་རྟོགས་ལེགས་པོ་ཞིག་མེད་པས་རེད་ཟེར། དེ་ལྟར་བསམས་སྐབས་ང་ཚོས་ཕྱི་ཡུལ་ནས་འཁྱེར་ཡོང་བའི་མིང་ཚིག་ “འཇིག་རྟེན་ལྟ་ཚུལ་ལམ་ Worldview” ཟེར་བ་འདི་ལ་ང་ནི་ངོ་མ་འཕྲོད་པའམ། ཡང་ན་ ངོ་འཕྲོད་ལ་ཉེ་བའི་སྐབས་ཤིག་ཡིན་པ་འདྲ། འདས་པའི་ལོ་ངོ་སུམ་བཅུའི་རིང་གི་བོད་ཀྱི་ཤེས་ཡོན་སྤྲོད་སྟངས་དང་། བོད་ཀྱི་རང་དབང་སླར་གསོའི་ལས་འགུལ་སྤེལ་སྟངས། ཐ་ན་རྒྱ་ནག་དང་ཞི་འགྲིག་བྱེད་པའི་ཐབས་ལམ་ “དབུ་མའི་ལམ་”ཞེས་པའི་མིང་འདོགས་སྟངས་ཚུན་ནས་ “དངོས་ཡོད་རིང་ལུགས་” དང་ “ལག་ལེན་”ལ་མི་མཐུན་པ་རྐྱང་རེད་འདུག་ཅེས་གཞན་ཚོས་བཤད། ང་ཚོའི་བོད་པའི་མིག་གིས་དེ་དག་མི་མཐོང་བ་རེད། གཞན་གྱི་མིག་གིས་དེ་འདྲ་མཐོང་བ་རེད། ང་ཚོས་ “སོ་སོ་རང་གི་སྣང་བ་དག་ནས་བསྡད་ཡོད་པ་རེད།” ཟེར་བའི་བཤད་སྲོལ་ཡོད་པ་དེ་དག་ཀྱང་འདི་ལ་འབྱོར་འདུག་བསམས། ངས་ཉིན་གཅིག་གྲོགས་པོ་ཞིག་ལ། “ཨ་རིའི་ཕོ་བྲང་དཀར་པོ་”ཞེས་བཤད། ཁོས་ “འདི་ནི་ཕོ་བྲང་དཀར་པོ་མ་རེད།”ཟེར། ངས་ “ཡིན་ན་ཡང་། བོད་སྐད་ལ་འདི་ལ་ཕོ་བྲང་དཀར་པོ་ཟེར་”ཞེས་ལན་བཏབ། ཁོས། “ཕོ་བྲང་ཟེར་བ་དེ་རྒྱལ་པོ་ལ་འབྲེལ་བའི་ཚིག་རེད།…
འཇིགས་རུང་གི་ན་ཚ། བོད་ཡུལ་དུ་ཁྱབ་བཞིན་པའི་གློ་གཅོང་ཆེན་མོ།
བོད་ཡུལ་དུ་ཁྱབ་བཞིན་པའི་གློ་གཅོང་ཆེན་མོའམ་གློ་གཅོང་གི་འཇིགས་པ་དམར་པོ་ཞེས་པའི་ཆེད་རྩོམ་ཞིག་ལ་ལྟ་འདོད་ན་གཤམ་གྱི་འབྲེལ་ཡིག་བཤུ་འཁྱེར་གྱིས་ཀླད་དུ་དྲངས་ནས་ཀློགས། རྩོམ་ཡིག་དེ་པནཌི་ཏ་ཡིག་གཟུགས་སུ་འདུག་པས་ཁྱེད་ཀྱིས་ཀློག་ཐུབ་མིན་གྱི་འགན་ལེན་མེད། http://www.tibet123.com/tibbs/dispost.asp?BoardID=22&PostID=10373
འཇིགས་རུང་གི་ན་ཚ། བོད་ཡུལ་དུ་ཁྱབ་བཞིན་པའི་གློ་གཅོང་ཆེན་མོ།
བོད་ཡུལ་དུ་ཁྱབ་བཞིན་པའི་གློ་གཅོང་ཆེན་མོའམ་གློ་གཅོང་གི་འཇིགས་པ་དམར་པོ་ཞེས་པའི་ཆེད་རྩོམ་ཞིག་ལ་ལྟ་འདོད་ན་གཤམ་གྱི་འབྲེལ་ཡིག་བཤུ་འཁྱེར་གྱིས་ཀླད་དུ་དྲངས་ནས་ཀློགས། རྩོམ་ཡིག་དེ་པནཌི་ཏ་ཡིག་གཟུགས་སུ་འདུག་པས་ཁྱེད་ཀྱིས་ཀློག་ཐུབ་མིན་གྱི་འགན་ལེན་མེད། http://www.tibet123.com/tibbs/dispost.asp?BoardID=22&PostID=10373
འཇིགས་རུང་གི་ན་ཚ། བོད་ཡུལ་དུ་ཁྱབ་བཞིན་པའི་གློ་གཅོང་ཆེན་མོ།
བོད་ཡུལ་དུ་ཁྱབ་བཞིན་པའི་གློ་གཅོང་ཆེན་མོའམ་གློ་གཅོང་གི་འཇིགས་པ་དམར་པོ་ཞེས་པའི་ཆེད་རྩོམ་ཞིག་ལ་ལྟ་འདོད་ན་གཤམ་གྱི་འབྲེལ་ཡིག་བཤུ་འཁྱེར་གྱིས་ཀླད་དུ་དྲངས་ནས་ཀློགས། རྩོམ་ཡིག་དེ་པནཌི་ཏ་ཡིག་གཟུགས་སུ་འདུག་པས་ཁྱེད་ཀྱིས་ཀློག་ཐུབ་མིན་གྱི་འགན་ལེན་མེད། http://www.tibet123.com/tibbs/dispost.asp?BoardID=22&PostID=10373
འཇིགས་རུང་གི་ན་ཚ། བོད་ཡུལ་དུ་ཁྱབ་བཞིན་པའི་གློ་གཅོང་ཆེན་མོ།
བོད་ཡུལ་དུ་ཁྱབ་བཞིན་པའི་གློ་གཅོང་ཆེན་མོའམ་གློ་གཅོང་གི་འཇིགས་པ་དམར་པོ་ཞེས་པའི་ཆེད་རྩོམ་ཞིག་ལ་ལྟ་འདོད་ན་གཤམ་གྱི་འབྲེལ་ཡིག་བཤུ་འཁྱེར་གྱིས་ཀླད་དུ་དྲངས་ནས་ཀློགས། རྩོམ་ཡིག་དེ་པནཌི་ཏ་ཡིག་གཟུགས་སུ་འདུག་པས་ཁྱེད་ཀྱིས་ཀློག་ཐུབ་མིན་གྱི་འགན་ལེན་མེད། http://www.tibet123.com/tibbs/dispost.asp?BoardID=22&PostID=10373
འཇིགས་རུང་གི་ན་ཚ། བོད་ཡུལ་དུ་ཁྱབ་བཞིན་པའི་གློ་གཅོང་ཆེན་མོ།
བོད་ཡུལ་དུ་ཁྱབ་བཞིན་པའི་གློ་གཅོང་ཆེན་མོའམ་གློ་གཅོང་གི་འཇིགས་པ་དམར་པོ་ཞེས་པའི་ཆེད་རྩོམ་ཞིག་ལ་ལྟ་འདོད་ན་གཤམ་གྱི་འབྲེལ་ཡིག་བཤུ་འཁྱེར་གྱིས་ཀླད་དུ་དྲངས་ནས་ཀློགས། རྩོམ་ཡིག་དེ་པནཌི་ཏ་ཡིག་གཟུགས་སུ་འདུག་པས་ཁྱེད་ཀྱིས་ཀློག་ཐུབ་མིན་གྱི་འགན་ལེན་མེད། http://www.tibet123.com/tibbs/dispost.asp?BoardID=22&PostID=10373
མདོ་སྨད་རེབ་གོང་ནས་མི་དགུ་ལ་ཁྲིམས་ཆད།
འདི་ལོའི་ཞི་རྒོལ་ཆེན་མོའི་སྐབས་རྒྱ་ནག་གཞུང་གི་འབྲེལ་ཡོད་ཉེན་རྟོག་དང་དམག་མི། བདེ་སྲུང་ལས་ཁུངས་སོགས་ཀྱིས་འཛིན་བཟུང་བཀག་ཉར་འོག་ཡོད་རིགས་ལས། ད་ལམ་མདོ་སྨད་རེབ་གོང་ནས་གཤམ་གསལ་མི་གྲངས་དགུ་ལ་ཁྲིམས་ཐག་བཅད་པ་ཁྱབ་བསྒྲགས་བྱས་འདུག་ཅིང༌། ཁོང་ཚོའི་ནག་ཉེས་ནི། ཞི་བའི་ངོ་རྒོལ་གྱི་ལས་འགུལ་ནང་ངོ་རྒོལ་བ་ཚོའི་སྣེ་འཁྲིད་གཙོ་བོའི་ལས་ཀ་བྱས་པ་དང༌། ངོ་རྒོལ་སྐབས། རྒྱལ་བ་རིན་པོ་ཆེ་བོད་ལ་ཕེབས་འཇུག་དགོས། བོད་ལ་རང་བཙན་དང་རང་དབང་སྤྲོད་དགོས། བོད་རྒྱ་ཞི་མོལ་མྱུར་དུ་བྱེད་དགོས་སོགས་ཀྱི་སྐད་འབོད་བྱས་པ་སོགས་ནི་རྒྱལ་ཁབ་ལ་ངོ་རྒོལ་དང༌། སྤྱི་ཚོགས་བརྟན་བརླིང་ལ་གཏོར་བཤིག་གི་ལས་འགུལ་ཞིག་ཡིན་པའི་ངོས་འཛིན་དང་བཅས་ཏེ་ཁོང་ཚོར་ཁྲིམས་ཐག་བཅད་པའི་སྐོར་ཡོངས་བསྒྲགས་བྱས་ཡོད་འདུག ད་ལམ་ཁྲིམས་ཐག་བཅད་པའི་མི་གྲངས་དགུ་པོ་ནི། རེབ་གོང་རྒྱལ་པོ་ཀླུ་ཆུ་ས་ཁུལ་ནས་འདི་ལོའི་ཟླ་ ༣ ཚེས་ ༡༧ ཉིན་ཞི་བའི་ངོ་རྒོལ་གྱི་སྐད་འབོད་བྱས་པའི་སྐབས་ཀྱི་ལས་འགུལ་འཆར་འགོད་དང༌། སྣེ་འཁྲིད་བྱེད་མཁན། ལས་འགུལ་དངོས་གཞིའི་སྐབས་སུའང༌། བོད་ཀྱི་རྒྱལ་དར་འཕྱར་བཞིན་སྣེ་འཁྲིད་ནས་མགར་རྩ་ཞང་སྲིད་གཞུང་གི་ནང་བསྒྲེངས་འཛུགས་བྱས་ཡོད་པའི་རྒྱ་ནག་གི་དར་ཆ་མར་ཕབ་ནས་བོད་ཀྱི་རྒྱལ་དར་བསྒྲེངས་མཁན་གཙོ་བོ་ཡིན་པའི་ངོས་འཛིན་འོག་འཛིན་བཟུང་བྱེད་ཉེའི་མཚམས་མགོ་ལོག་ཕྱོགས་ལ་བྲོས་བྱོལ་དུ་ཡོད་པ་ནས་འཛིན་བཟུང་བྱས་ནས་ཡོད་པ་ཀླུ་ཆུའི་གཅོད་པ་ཐར་ལ་ལོ་ ༣ དང༌། དེ་བཞིན་རེབ་གོང་ཕྱོགས་ནས་ཞི་རྒོལ་ལས་འགུལ་སྔ་རྗེས་སུ་སྤེལ་སྐབས་འཛིན་བཟུང་བྱས་པ་བྱེ་དྲིའི་ཤ་བོ་ཀླུ་རྒྱལ་ལ་ལོ་ ༢ སྡོང་ངེ་ནམ་མཁའ་ཚེ་རིང་ལ་ལོ་ ༢ སྡོང་ངེ་ཤ་བོ་བཀྲ་ཤིས་ལ་ལོ་ ༡ དང་ཟླ་ ༦ ངོ་མོ་བཀྲ་ཤིས་རྒྱལ་ལ་ལོ་ ༢ རོང་པོ་དགོན་པའི་གྲྭ་སྦྱིན་པ་ལ་ལོ་ ༡ དང་ཟླ་ ༦ ཀོའུ་སྡེའི་སྐར་རྒྱམ་ལ་ལོ་ ༡ རྒྱལ་པོ་སྒང་ཆོས་ལྡན་ལ་ལོ་ ༢ ཧོར་ནག་ཤ་བོ་རིན་ཆེན་ལ་ ༢ བཅས་ཀྱི་ཁྲིམས་ཐག་བཅད་ཡོད་པ་ཉིན་ཤས་སྔོན་ཁྱབ་བསྒྲགས་བྱས་ཡོད་འདུག་པའི་གནས་ཚུལ་དུ། ཕྱི་ལོ་ ༢༠༠༨ ཟླ་ ༡༢ ཚེས་ ༥ ཉིན།
སྐུ་ཚེ་རིང་བའི་བོད་མི་རིགས།
ཉེ་ལམ་མགོ་ལོག་ཁུལ་གྱིས་དགུང་ལོ༦༠ཡན་གྱི་རྒན་པ་རྣམས་བརྟག་དཔྱད་ཐོ་འགོད་གནང་ཞིང་། ཁུལ་ཡོངས་སུ་རྒན་པ༨༧༩༦ཡོད་པ་དང་། (དེའི་ནང་དུ་དགུང་ལོ༦༠ཡན་གྱི་རྒན་པ༤༧༦༠ཡོད་པ་དང་། དགུང་ལོ༧༠ཡན་གྱི་རྒན་པ༢༩༤༣ཡོད། དགུང་ལོ༨༠ཡན་གྱི་རྒན་པ༩༩༧ཡོད།དགུང་ལོ༩༠ཡན་གྱི་རྒན་པ༧༦ཡོད། དགུང་ལོ༡༠༠ཡན་གྱི་རྒན་པ༢༠ཡོད།)འབྲེལ་ཡོད་སྲིད་ཇུས་ལ་གཞིགས་ནས། མགོ་ལོག་ཁུལ་གྱིས་དགུང་ལོ༧༠ཡན་གྱི་རྒན་པ༧༥༢ལ་དགུང་ལོ་མཐོ་བའི་གཟིགས་སྐྱོང་དཔང་རྟགས་སྤྲད་པ་དང་། དགུང་ལོ་བརྒྱ་ཡན་ལ་སོན་ཡོད་པའི་རྒན་པ་རྣམས་ལ་སྐུ་ཚེ་རིང་བའི་སྒོར་ཁྲི༡.༣སྤྲད་པ་རེད། ། བོད་ལྗོངས་ཆ་འཕྲིན་ལས་བཤུས།
ཕྱེད་རང་བཙན་ཡང་ན་གོར་ཐིག་རང་བཙན་ཟེར་བ་དེ་འདྲ་ཡོད་དམ
ཕྱེད་རང་བཙན་ཡང་ན་གོར་ཐིག་རང་བཙན་ཟེར་བ་དེ་འདྲ་ཡོད་དམ སྟག་སྨྱོན་གྱིས་ ༼རྩོམ་ཡིག་འདི་གཤམ་གསལ་འབྲེལ་ཐག་ན་ཡོད་པས་དེ་ལ་བསྣུན་ཏེ་གཟིགས་འཚལ།༽ 50-1
ལྷ་སའི་ཇོ་བོ་འདི་རྒྱ་བཟའ་ཀོང་ཇོས་བོད་ཁྱེར་ཡོང་བ་ཟེར་བ་མི་བདེན་པ་འདྲ།
སྤོབས་པ་མཐའ་ཡས། ལྷ་ལྡན་ར་ས་འཕྲུལ་སྣང་གི་གཙུག་ལག་ཁང་ན་བཞུགས་པའི་ཇོ་བོ་ཤཀྱཱ་མུ་ནེའི་སྐུ་བརྙན་དེ་ནི་བོད་དུ་ཡོད་པའི་སྐུ་རྟེན་ཐམས་ཅད་ཀྱི་ནང་ནས་རྩ་བ་ཆེ་བ་ཞིག་ཏུ་རྩིས་ཏེ་བོད་མི་ཚང་མས་ཇོ་བོ་ལན་གཅིག་མཇལ་ཐུབ་ན་ཚོགས་བསག་སྒྲིབ་སྦྱོང་གི་གོ་སྐབས་ཁྱད་དུ་འཕགས་པ་ཞིག་ཏུ་ངོས་འཛིན་བྱེད་སྲོལ་ཡོད་པ་བོད་མཐའ་དབུསཀྱི་སྐྱེ་བོ་ཀུན་ཀྱང་མཚུངས། སྤྱིར་ན་སངས་རྒྱས་ཀྱི་སྐུ་རྟེན་རྙིང་གྲས་བལ་པོའི་ལི་སྐུ་བཟོ་རིག་གི་སྒྱུ་རྩལ་ལྡན་པ་ཞིག་ཡིན་སྟབས་བྱིན་རླབས་དང་རིན་ཐང་ཅན་ཞིག་ཡིན་པ་བཤད་མ་དགོས་ཀྱང་དེའི་འབྱུང་ཁུངས་ཀྱི་ཐད་ལ་དོགས་པ་འདི་ལྟར་སྐྱེས། ལྷ་སའི་ཇོ་བོ་འདི་ལྷའི་རྒྱ་གར་གྱི་རྒྱལ་པོ་ཞིག་གིས་རྒྱ་ནག་གི་རྒྱལ་པོ་ཞིག་གིས་གསོལ་བ་བཏབ་དོན་ལྟར་རྟེན་སྐལ་དུ་གནང་ཞིང་རྒྱའི་རྒྱལ་པོའི་མཆོད་གནས་སུ་བཞུགས་པ་དེ་རྒྱ་བཟའ་ཀོང་ཇོ་བོད་དུ་འོངས་སྐབས་རྫོངས་སྐལ་དུ་བྱིན་པའི་གཏམ་རྒྱུད་མཚར་ལ་རིང་བ་ཞིག་ཤོད་སྲོལ་ཡོད། རང་རེའི་རྒྱལ་རབས་གསལ་བའི་མེ་ལོང་སོགས་ལས་ཐང་ཐའེ་ཙུང་གིས་བྱིན་པའི་རྫོངས་བ་ཐམས་ཅད་ཀྱི་ནང་ནས་རྩ་བ་དང་རིན་ཐང་ཆེ་ཤོས་ཏེ་ཇོ་བོའི་སྐུ་བརྙན་འདི་ཡིན་ཚུལ་དང་དེ་ཉིད་སྤྱན་འདྲེན་པར་དཀའ་ངལ་མང་པོ་འཕྲད་ཚུལ་སོགས་ཀྱང་བྲིས་ཡོད། འོན་ཀྱང་རྒྱ་དཀར་ནག་གི་ལོ་རྒྱུས་གང་ན་ཡང་དེ་ལྟ་བུའི་ལོ་རྒྱུས་མེད་ཐོག་རྒྱ་བཟའ་ཀོང་ཇོ་བོད་དུ་འོངས་པའི་ལོ་རྒྱུས་ཤིག་རྒྱའི་ཐང་ཡིག་ལ་ཡོད་ཅིང་དེའི་ནང་དར་ཟབ་སོགས་ཀྱི་རྫོངས་སྐལ་བྱིན་ཚུལ་ཡང་རྒྱས་པར་ཡོད་མོད་འདི་ལྟ་བུའི་ལྷ་སྐུ་རིན་ཐང་ཅན་ཞིག་བྱིན་པའི་ལོ་རྒྱུས་མེད། དེའི་སྐབས་ཀྱིལོ་རྒྱུས་སུ་་དར་ཟབ་དང་ལག་ཤེས་མཁན་སོགས་བཏང་བ་ཡན་ཆད་ལོ་རྒྱུས་སུ་བཀོད་ཡོད་ན་ཐང་གི་རྒྱལ་པོ་ཚོ་ནང་པའི་ཆོས་ལ་དད་མོས་ཡོད་མཁན་ཡིན་སྟབས་ཇོ་བོ་དེ་ཐང་གི་རྒྱལ་པོའི་མཆོད་གནས་དེ་འདྲའི་རྩ་ཆེན་ཞིག་ཡིན་ན་རིན་ཐང་ཅན་གྱི་སྐུ་རྟེན་དེ་ཉིད་ལྷ་གཅིག་ཀོང་ཇོའི་རྫོངས་སྐལ་དུ་བྱིན་ཚུལ་ལོ་རྒྱུས་སུ་འགོད་འོས་པ་ལྟ་བུ་ཡིན་ཡང་དེ་ལྟར་མི་འདུག ད་ལྟའི་ཇོ་བོ་བཞུགས་སའི་ལྷ་ཁང་འདི་བལ་བཟའ་ཁྲི་བཙུན་གྱིས་བཞེངས་པའི་ལྷ་ཁང་ཡིན་པ་ལས་རྒྱ་བཟས་བཞེངས་པ་མ་ཡིན་སྟབས་རྒྱ་བཟས་སྤྱན་དྲངས་པའི་ཇོ་བོ་དེ་ལྷ་ཁང་འདིར་བཞུགས་སུ་གསོལ་དགོས་དོན་ཡང་མ་མཆིས། དེ་ལྟར་བསམ་སྐབས་ཇོ་བོའི་སྐུ་བརྙན་འདི་རྒྱ་ནག་ཀོང་ཇོས་བོད་དུ་ཁྱེར་ཡོང་ཟེར་བ་མི་བདེན་པ་འདྲ།