སྐར་ཆེན། ཡོ་རོབ།
རྨོངས་འཆར་འདི་སྤེལ་དུས། ངས་གལ་སྲིད་ཞེས་བའི་ཐ་སྙད་འདི་སྤྱོད་དགོས་བར་གྱུར། རྒྱུ་མཚན། ང་ཕ་མ་མིན། ང་བུ་ཕྲུག་ཞིག་ཡིན། མཐོ་སློབ་འགྲིམས་བཞིན་པའི་བུ་ཕྲུག་ཞིག་ཡིན།
སློབ་བུ་ཞིག་ཡིན། རང་གི་ཕ་ཡུལ་དང་ཁ་བྲལ་བའི་སློབ་བུ་ཞིག་ཡིན། ཕ་མ་མ་ཐུག་པར་ལོ་བརྒྱད་འགོར་བའི་སློབ་བུ་ཞིག་ཡིན། འོན་ཀྱང་། གལ་སྲིད་ང་ཕ་མ་ཡིན་ན། ངེད་ལ་བུ་ཕྲུག་བསྐྱེད་པའི་དམིགས་ཡུལ་་ཞིག་ཡོད་། རང་གི་བུ་ཕྲུག་གི་འཚར་ལོངས་ལ་རེ་བ་ཞིག་ཡོད།
ཁྲག་མཚོའི་ནང་གི་ལོ་གསར་དགོང་འཚོགས།
རིག་མཆོག་གིས། —————— དེ་སྔོན་ཕྱི་ཟླ་བརྒྱད་པའི་ནང་རྒྱ་ནག་སྲིད་གཞུང་གིས་གོ་སྒྲིག་འོག པེ་ཅིང་གནམ་བདེ་སྒོ་མོ་ཆེའི་ཐང་ཆེན་ཏེ། སློབ་ཕྲུག་སྟོང་ཕྲག་མང་པོ་དམར་གསོད་བྱས་པའི་གཤིན་རྗེའི་དུར་ཐང་སྐྱ་མོ། ད་དུང་མི་ཁྲག་དམར་ཆིལ་ལེ། མི་རུས་དཀར་ཐར་རེ། ཤུལ་ལུས་ཕ་མ་རྒན་རྒོན་རྣམས་ཀྱིས་ངུ་འབོད་འུར་ཟིང་ངེ་ཡོད་པའི་མི་ཡུལ་གྱི་བཅས་ར་ཆེན་མོ་དེར། རྒྱལ་སྤྱིའི་ལུས་རྩལ་འགྲན་འཚོགས་དགའ་སྤྲོའི་ངང་འཚོགས་པ་འདིས། རྒྱ་རིགས་སྟོང་ཕྲག་དུ་མའི་སེམས་ལ་མནན་ན་མི་ནོན་པའི་སྐྱོ་སྡུག་ཚད་མེད་ཅིག་བསྐྲུན་ཡོད། དེ་བཞིན་ད་ལོར་བོད་གངས་ཆོས་ཀྱི་ཞིང་སར། རྒྱ་ནག་འཇིགས་སྐུལ་སྲིད་གཞུང་གིས། ཉེས་མེད་བོད་མི་བརྒྱ་ཕྲག་མང་པོ་དོན་མེད་དམར་གསོད་བྱས་ཏེ། སྒང་སྒང་རོ་ཡིས་བཀང་། གཤོང་གཤོང་ཁྲག་གིས་བཀང་ཏེ། གངས་རི་དང་ཆུ་བོ་ཡོད་ཚད་ཀྱི་ཁ་དོག་ཁྲག་གིས་བསྒྱུར་ཞིང་། དམྱལ་བའི་འཇིག་རྟེན་མི་ཡུལ་དུ་འཕོས་པ་ལྟ་བུའི་ཁྲག་གི་འཁོར་ལོ་བར་མཚམས་མེད་པར་བསྐོར་བ་མ་ཟད། ད་དུང་གངས་རིའི་དཔའ་རྒོད་སྟོང་ཕྲག་མང་པོ་གཤིན་རྗེའི་བཙོན་དུང་ནག་པོར་བཙན་གྱིས་བཅུག་ཏེ། མི་སྤྱོད་ལས་འདས་པའི་མནར་གཅོད་དྲག་པོ་བཏང་དང་གཏོང་བཞིན་ཡོད་པས། གངས་ཅན་གཞིས་བྱེས་གཉིས་ཀྱིས། མིག་མཐའ་མཆི་མས་སྐོར་བཞིན། སྐྱོ་བའི་ཤུགས་རིང་འཐེན་བཞིན། སྐྱོ་སྡུག་གི་འོ་དོད་འབོད་བཞིན། ངུ་འབོད་ཀྱི་གནམ་ས་གཡོ་བཞིན། སྡུག་གི་མུན་པ་ནག་པོ་དགུ་བརྩེག་གི་འོག་ཏུ་ཉིན་མཚན་མི་འཁྱོལ་བར་གནས་བཞིན་སྐབས་འདིར། རྒྱ་རི་བློ་གྲོས་རྒྱལ་མཚན་ཚང་གིས་བུ་རབས་ཚ་རྒྱུད་དང་བཅས་པ་སྤྲུལ་སྐུའི་སྡེ་ཚོགས་ཤིག་ཏུ་གཡོ་ཐབས་ཀྱིས་བསྒྱུར་ཏེ། གངས་ཅན་དཔའ་བོ་དཔའ་མོ་རྣམས་ཀྱི་རྣམ་ཤེས་ཀྱི་བླ་མི་བདེ་ཞིང་། གསོན་པོའི་རྣ་མི་བདེ་བའི་དགའ་སྐྱིད་སྟོན་མོ་ནམ་ལངས་པ་ལྟ་བུ་ཞིག་བྱས་རྗེས། མཚོ་སྔོན་བརྙན་འཕྲིན་ཁང་ནས་ཀྱང་། ད་ལོའི་ལོ་གསར་དགོང་ཚོགས་ཤིག་གྲ་སྒྲིག་བྱས་ཡོད་པ་འདི། བོད་གངས་ཅན་པའི་རྒྱལ་གཅེས་དཔའ་བོ་དཔའ་མོ་རྣམས་ལ་མྱ་ངན་རྗེས་དྲན་དང་། ཤུལ་ལུས་ཕ་མ་རྒན་རྒོན། ཡུགས་ཕོ་ཡུགས་མོ། དྭ་ཕྲུག་བདག་མེད་རྣམས་ལ་གདུང་སེམས་མཉམ་བསྐྱེད་ཞིག་གི་ཚབ་ཏུ། སྐྱིད་པའི་གླུ་བླངས། དགའ་བའི་བྲོ་འཁྲབ་སྟེ། ལོ་གསར་བསུ་བའི་དགའ་སྟོན་ལ་རོལ་བཞིན་ཡོད་པ་ནི། བོད་ཀྱི་གཏམ་དཔེར། སྡུག་གིས་ཡོབ་ཆེན་མི་ནོན་པའི་སྐབས། སྐྱིད་ཀྱིས་རྟ་ཁ་མི་དོ། ཟེར་བ་ལྟར་ཡིན་པས། ཤ་ཁྲག་རུས་གསུམ་བོད་དུ་གཏོགས་པའི་བོད་གངས་ཅན་པ་ཞིག་ཡིན་ཕྱིན། ད་ལོ་ཡུལ་དུས་གང་གི་ཆ་ནས་ཀྱང་ལོ་གསར་སྤྲོ་སྐྱིད་གཏོང་རྒྱུའི་དུས་ཚོད་མ་ཡིན་པ་ངེས་པར་དུ་ཤེས་དགོས། གལ་ཏེ་ང་ཚོས་འདི་ལྟར་སྤྲོ་སྐྱིད་བཏང་བ་ཡིན་ན། བདེན་པའི་ང་རོ་སྒྲོག་བཞིན། ཚེ་སྲོག་གི་རིན་ཐང་རྒྱལ་ཁབ་དང་མི་རིགས་ཀྱི་ཆེད་དུ་དམར་མཆོད་གནང་བའི་བསིལ་ལྗོངས་དཔའ་རྒོད་རྣམས་དང་། དེ་དག་གི་ཤུལ་ལུས་ནང་མི་དང་ཉེ་འབྲེལ། ད་དུང་མུན་ནག་གི་བཙོན་ཁང་ཡ་ང་བའི་ནང་དུ་ན་ཟུག་གི་ངུ་འབོད་སྒྲོག་བཞིན་པའི་ཉེས་མེད་བཙོན་པ་རྣམས་ལ་ཡིད་ཆད་དང་སྙིང་ཚིམ་དེ་ལས་ལྷག་ཅིག་བྱེད་རྒྱུ་མེད་པས། བདེ་སྡུག་མྱོང་བྱེད་ཀྱི་ཚོར་འདུ་རྒྱུད་ན་ཡོད་པའི་མི་ཞིག་ཡིན་ན། ད་ལོར་ལོ་གསར་སྤྲོ་འཚོགས་སོགས་དགའ་སྐྱིད་ཀྱི་རིགས་མཐའ་དག་ཡོངས་སུ་སྤངས་ཏེ། སྤྲོད་སྐྱིད་ཀྱི་ཚབ་ལ་སྡུག་འཚོགས་དང་། གླུ་གཞས་ཀྱི་ཚབ་ལ་ངུ་འབོད། ཞབས་བྲོའི་ཚབ་ལ་བྲང་རྡུང་སོགས་བྱས་ཏེ། གཤིན་པོ་རྣམས་ཀྱི་བླ་བདེ་བ། གསོན་པོ་རྣམས་ཀྱི་རྣ་བདེ་བ།…