བོད ལྷ་ཀླུ་གཉན་གསུམ།

ངས་འདི་ནས་སྐད་ཆ་ཁ་ཤས་ཤིག་འདིི་ལྟར་ཞུ་འདོད་ཀྱིས་ཁ་སེམས་མེད་པར་ཞུ་རྒྱུའི་བློ་ཐག་བཅད་པ་ཡིན། དེ་ཡིན་དུས་ངས་སྐད་ཆ་དེ་བཤད་རྗེས་སུ་མི་མི་ཉུང་བ་རེ་ཡིས་ང་ལ་ཁ་བརྡང་བྱེད་སྲིད་ལ། བྱེད་འོས་པའིི་གནས་ལུགས་རེ་ཟུང་ཡོད་ངེས་ཡིན་ལ། བྱེད་མི་འོས་པའི་རྒྱུ་མཚན་ཡང་རེ་ཟུང་ཞིག་ཡོད་སྲིད་པ་ཡིན།

དེ་དག་ཡོད་ཚད་ཀློག་མཁན་གྱི་བོད་རིགས་སྤུན་ཟླ་དག་གིས་བསམ་བློ་སྔོན་བཏང་གི་སྒོ་ནས་ཞིབ་དུ་ཀློག་རོགས་ཞུ། དེང་སང་བོད་བཙན་བྱོལ་གཞུང་ཟེར་ནས་ལོ་ངོ་ལྔ་བཅུ་སོང་བའི་དེ་རིང་གི་ཉིན་མོ་འདི་ལ་བཙན་བྱོལ་སྒྲིག་འཛུགས་ཟེར་བའི་མིང་ཚིགས་ཤིག་མི་འདོད་ཀྱང་བཙན་གྱིས་བོད་གཞུང་གི་ཆེས་མཐོའི་དབུ་ཁྲིད་བཀའ་བློན་ཁྲི་བ་ནས་གསུངས་དེ་སླེབས་འོང་དུས། མངའ་འོག་སྐྱེ་འབུངས་མི་སེར་ཆེས་མི་ཉུང་བ་ཞིག་སེམས་ཁོང་དུ་དྲི་བ་ཞིག་རང་བཞིན་གྱིས་སླེབས་ཀྱི་ཡོད།

དེ་ལས་མང་བ་། “རང་བཙན་ལག་དེབ་མེ་བསྲེག་གཏོང་རོགས།” »

འཆམ་ར་དྲི་མེད་རྒྱལ་མཚན།

གཞིས་བཞུགས་བོད་ཀྱི་གྲགས་ཅན་རྩོམ་པ་པོ། སྒོ་ཡོན་ལགས་ཀྱི་རྩོམ་ཡིག། ༼ལྕགས་སྒྲོག༽ཟེར་བ་ནི། ཁོང་སྤྱི་ཟླ་ ༦ ཚེས་ ༥ ཡི་དགོང་མོའི་དུས་ཚོད་ ༡༡ དང་ ༡༢ ཡས་མས་སུ་རྒྱ་གཞུང་གིས་འཛིན་བཟུང་བྱས་རྗེས་སྨན་ཁང་ནང་དུ་༢༠༡༠་༦་༢༢་ཉིན་བྲིས་པའི་འཛམ་གླིང་ལ་བསྒྲགས་པའི་གཏམ་ཞིག་རེད་འདུག་ལ།

དེའི་ནང་གི་བརྗོད་དོན་གཙོ་བོ་ནི། སྒེར་གཅོད་གཞུང་གིས་ཁུངས་ལུང་མེད་པའི་སྐྱོན་འཛུགས་དང་། མི་ཡུལ་གྱི་དམྱལ་བར་ཇི་ལྟར་བརྫངས་ཚུལ་བཅས། མདོར་ན། དགྲ་གཞུང་གི་བཙོན་ཁང་ནང་ནས་བོད་མི་ཚོར་ཇི་ལྟར་མནར་གཅོད་གཏོང་བཞིན་པའི་སྐོར་ཧ་ཅང་ཡིད་སྐྱོ་དགོས་པ་དང་། འཇིགས་སྣང་སྐྱེ་དགོས་པ་རེར་གླེང་འདུག

དེ་ལས་མང་བ་། “གྲགས་ཅན་རྩོམ་པ་པོ་སྒོ་ཡོན་དང་། ཁོང་གི་རྩོམ་ཆོས་འཚོལ་བ།” »

བླ་མ་ཉིན་ཐོ་བ།
ང་ཚོས་ནམ་རྒྱུན་ནས་ང་ཚོ་ནི་འཛམ་གླིང་འདིའི་ནང་དུ་ཧ་ཅང་གི་མ་འདྲ་བའི་མི་རིགས་ཤིག་ཡིན་པར་བཤད་པ་དང་ལྷག་པར་དུ་སྤྱན་རས་གཟིགས་དངོས་ཀྱི་གདུལ་བྱར་གྱུར་བའི་བྱམས་པ་དང་སྙིང་རྗེ་ཅན་ཤ་སྟག་གི་མི་རིགས་ཤིག་ཡིན་པར་འགྲེལ་གྱི་ཡོད་པ་རེད།

དགེ་རྒན་དང་ཕ་མ། རྒན་པ་དང་ཆེ་བ་དག་གིས་ཀྱང་རྒྱུན་དུ་ནས་བསླབ་བྱ་བརྒྱག་སྐབས་བོད་མི་ཚོར་མི་རིགས་གཞན་པ་དང་གཏན་ནས་འདྲ་བོ་མིན་པའི་ཐུན་མིན་གྱི་ཁྱད་ཆོས་ཤིག་ཡོད་པ་ནི་བསམ་བློ་གཏོང་སྟངས་དང་སྤྱོད་པ་འཁྱེར་སྟངས་ཀྱི་ཆ་དེ་ཡིན་པ་རེད་ཟེར་གྱི་འདུག

དེ་ལས་མང་བ་། “ང་ཚོས་རྒྱ་མི་ལ་འཆམ་པོ་བྱས་ན་ཡག་ཤོས་རེད།” »

བསྟན་འཛིན་ཤེས་རབ།

བུ་མོ་ཆུང་ཆུང་དེ་ལ་ཁ་བརྡ་བྱས་རྗེས་ནས་བཟུང་བདག་གི་སེམས་པ་ཀློང་ཀློང་བོ་ཞིག་ཏུ་གྱུར་འདུག བདག་ལྟོས་དབང་གིས་གནས་འདིར་སླེབས་རྗེས་ཐོག་དང་བོར་རྙོག་ལྷད་ཀྱི་དྲི་མས་མ་གོས་པའི་སེམས་པ་དྭངས་བཙང་ཅན་ཞིག་དང་ལྷན་ཁ་བརྡ་རྒྱུན་རིང་ཀློད་པ་ནི་བུ་མོ་ཆུང་ཆུང་དེ་ཡིན། བུ་མོ་ཆུང་ཆུང་དེ་ནི་འབྲོག་ས་འདིའི་འབྲོག་པ་བཟའ་མི་གཉིས་ཀྱི་དཀྲུས་ན་མི་དག་པའི་བུ་མོ་གཅིག་བུ་དེ་རེད། ཁོ་མོས་ད་ལྟ་ར་རྒྱ་སློབ་གྲྭ་རུ་སློབ་སྦྱོང་བྱེད་བཞིན་ཡོད་ལ་འཛིན་གྲྭ་དང་བོའི་ལོ་རིམ་གཉིས་པ་རེད།

དེ་ལས་མང་བ་། “རྒྱ་རུ་འགྱུར་གྱིན་པའི་འབྲོག་པའི་བུ་མོ་ཞིག” »

ཁང་གསར་རྡོ་རྗེ།

ང་ཚོས་རང་ཅག་གི་བཀའ་བློན་ཁྲི་པ་དེ་ཐད་ཀར་འོས་འདེམས་བྱེད་བཞིན་ཡོད་ཅེས་བཤད་ཀི་ཡོད་ལ། དོན་ལའང་མང་ཚོགས་ཀྱིས་ཐད་ཀར་མོས་ཤོག་འཕངས་ཏེ་འདེམས་ཀྱི་ཡོད་པས། ཐད་ཀར་འདེམས་བཞིན་པ་ལྟར་སྣང་། འོན་ཀྱང་གཤམ་གསལ་གྱི་གནད་དོན་ཁག་ལ་དགོངས་པ་ཞིབ་ཙམ་བཞེས་རྗེས། ང་ཚོས་བཀའ་ཁྲི་ཐད་འདེམས་བྱེད་ཀི་ཡོད་མེད་གསུངས་རོགས།

༡༽ ཇི་ལྟར་རྒྱ་ནག་དམར་པོའི་གཞུང་གཅིག་པུས་དབང་ཆ་གཅིག་བསྡུས་སུ་བཟུང་བ་ལས། རྒྱ་ནག་ནང་ཁ་གཏད་དམ་ཕྱོགས་འགལ་ཚོགས་པ་མེད་པ་ནང་བཞིན། བཙན་བྱོལ་བོད་མིའི་སྤྱི་ཚོགས་ཁྲོད་དུའང་ཕྱོགས་འགལ་ཚོགས་པ་གཏན་ནས་མེད་ལ། ཁ་གཏད་ཀྱི་སྲིད་དོན་ཚོགས་པ་ཐོན་ཉེའི་སྐབས་སུ་བཀག་འགོག་བྱེད་བཞིན་ཡོད།

དེ་ལས་མང་བ་། “མི་དམངས་ཀྱིས་ཐད་ཀར་འདེམས་བཞིན་ཨེ་ཡོད།” »

བོད་ཀྱི་སྐད་ཡིག་དང་དེང་རབས་ཀྱི་འཇིག་རྟེན་གཉིས་བར་ཧ་ལམ་སྐྱེ་བ་སྔ་ཕྱི་དང་འདྲ་བའི་ཁྱད་པར་ཞིག་ཡོད་པ་འདྲ། ད་དུང་ང་མ་ཉལ་གོང་དེར། བོད་གཞུང་གིས་ བོད་ཀྱི་སྐད་ཡིག་རིག་གནས་དང་བཅས་པ་ཆག་འཇིག་ལ་ཐུག་ཡོད་ཅེས་གསུངས། ཡང་ཡང་གསུངས། ལོ་ནས་ལོ་བསྟུད་དེ་གསུངས། སུམ་ཅུའི་དུས་དྲན་རེ་རེ་ནས་དེ་ཐོས། བཀའ་སློབ་གསུང་ཆོས་རེ་རེ་ནས་དེ་ཐོས། ངའི་སེམས་ལ་དེའི་བག་ཆགས་མཐུག་པོ་ཞིག་བཞག་ཡོད། ང་དེ་ལྟར་ཉལ། མ་ཉལ་གོང་དེར་བོད་ཀྱི་སྐད་ཡིག་ལ་སེམས་ཁྲལ་བྱེད་བཞིན་ཉལ། སྐད་ཡིག་དང་འབྲེལ་བའི་རྩོམ་ཡིག་ཅིག་འབྲི་ཞོར་ཉལ། སྔས་མགོ་ན་ས་པཎ་གྱི་གསུང་འབུམ་ཡང་ཡོད། དེབ་དམར་པོ་པོད་གསུམ་ཅན་པ་དེ་ཡོད། ང་གཉིད་མཐུག་པོ་ཞིག་ཁུག

དེ་ལས་མང་བ་། “སྐད་ཡིག་གི་ཆུ་ལོག” »