བོད ལྷ་ཀླུ་གཉན་གསུམ།
དུག་དང་ཁྲག་གཉིས་བསྲེས་པའི་ཚོར་བ་ཞིག།
དབང་མེད་བྲན་དུ་འཚུད་པའི་མི་བུ་བདག།
འདོམ་བཀང་ལག་དུ་བཟུང་བའི་ཕྱིར་ཉིན་ནས།།
རང་ངོ་སྙིགས་དུ་དཔྱངས་པའི་ཚུལ་འདི་སྐྱོ།།
དྲང་ཚུགས་ཡོད་པར་ལྟ་བའི་རང་སེམས་དང་།།
གཤིས་ཀ་གསེར་དུ་རློམ་པའི་ལྐོག་ལས་ལ།།
གོམ་ནས་ནད་ཀྱི་མལ་ཁྲིར་བསྙེས་པ་འདིས།།
ཤི་ཁར་མ་ཎི་འདོན་ཡང་ཕན་མེད་རེད།།
ཉེ་ཆར་ས་སྐྱ་ནས་ཁ་པར་འབྱོར་བར། ས་སྐྱ་དགོན་པའི་དཔེ་ཆ་ཚང་མ་བཏོན་ནས། ས་ཆ་གཞན་ཞིག་ལ་འཁུར་སོང་ཟེར། རེ་ཞིག་ཧོན་ཐོར་ནས། དེ་ཡིན་སྲིད་ཀྱི་མ་རེད། ཁྲིམས་མེད་ཀྱི་ལས་ཀ་དེ་འདྲ་བྱེད་ཨེ་སྲིད་ཅེས་ཁ་ནས་ཤོར་སོང་། ཡིན་ནའང་། རྗེས་མ་སྤྱི་ཚོགས་ཚན་རིག་ཁང་ལ་ཁ་པར་བཏང་ནས། དེའི་སྐོར་ལ་སྐད་ཆ་འདྲི་སྐབས། “ཀྲུང་དབྱང་གིས་སྒོར་མོ་མང་པོ་བཏང་ནས་ས་སྐྱ་དགོན་པའི་དཔེ་མཛོད་གསར་པ་བཞེངས་ནས། ད་ལྟ་དཔེ་ཆ་དེ་དག་ཁང་པ་གསར་པ་དེའི་ནང་དབོར་བ་རེད།” “རྒྱ་ནག་ལ་དབོར་མེད།”ཟེར། དེའི་སྐོར་གྱི་གསར་འགྱུར་དྲ་ཐོག་ལ་བཙལ་ཀྱང་། http://tb.tibet.cn/news/xz_news/ttxw/201009/t20100907_625782.htm་ཐོག་ལ་དཔར་ཞིག་ལས་དེ་མིན་དེའི་སྐོར་གསར་འགྱུར་མཐོང་མ་བྱུང་། ཁྱེད་ཚོས་དེའི་སྐོར་གོ་ཐོས་འདྲ་བྱུང་སོང་ངམ།
རྗེ་བཙུན་ཆེན་པོ་པདྨ་ཐོད་འཕྲེང་ལ། བཙན་པོ་ཁྲི་སྲོང་སྡེའུ་བཙན་གྱིས་གསེར་གྱི་མཎྡལ་ལ་གཡུ་ཡི་ཚོམ་བུ་བཀོད་ནས་ ཞུས་པ། མ་སྒྲིབ་ས་ལེ་མཁྱེན་པའི་གྷུ་རུ་རྗེ། །བོན་ཆོས་གཉིས་ཀྱི་ལོ་རྒྱུས་འབྱུང་ཁུང་དང་། །དར་ནུབ་རྒྱུ་རྐྱེན་ཐ་དད་ཡོད་མེད་རྣམས། །བདག་ཉིད་ཆེན་པོས་མ་ལུས་གསུངས་པར་ཞུ། །ཞེས་ཞུས་པས། གྷུ་རུའི་ཞལ་ནས་བོན་གྱི་འབྱུང་ཁུང་ཆོས་ཀྱི་རྣམ་དབྱེ་ནི། ཟུར་ཙམ་བཤད་ཀྱིས་རྒྱལ་བོའི་ཡིད་ལ་ཞོག བསྐལ་པ་འདི་ཡི་གོང་རོལ་ཡང་གོང་དུ། བསྐལ་བ་མངོན་དགའ་བྱ་བ་བརྒྱད་ཁྲི་བཞི་སྟོང་བྱུང་། དེ་ཡི་གོང་དུ་སྒྲོན་མའི་བསྐལ་པ་བྱུང་། ཐོག་མ་ནས་བཟུང་ད་ལྟའི་བསྐལ་པ་ལ་འདྲེན་པའི་བསྐལ་པ་བཞི་བྱུང་སྟེ། དང་བོ་ཆགས་པའི་བསྐལ་བ་འབྱུང་རྫོགས་དུས། །སྔོན་ལ་ཡོངས་རྫོགས་ཁྲི་བཞི་ནམ་ཏིང་བྱུང་། །དེ་ནས་རླུང་གི་བསྐལ་བ་ཆགས་པའི་ཚེ། །རླུང་ལས་གྲུབ་པའི་བ་རབ་གླིང་རྩོལ་བྱུང་། །དེ་ནས་མེ་ཡི་བསྐལ་བ་ཆགས་པའི་ཚེ། །དེ་ནས་མེ་ལས་གྲུབ་པའི་ཁྲི་རྨང་རྒྱལ་བ་བྱུང་། །དེ་ནས་ཆུ་ཡི་བསྐལ་པ་ཆགས་པའི་ཚེ། །ཆུ་ལས་གྲུབ་པའི་ལྡེ་བོ་གསུང་ཆེན་བྱུང་། །
དེ་ལས་མང་བ་། “ཨོ་རྒྱན་པདྨས་མཛད་པའི་བོན་ཆོས་རྣམ་དབྱེ་བཞུགས་སོ། ” »
ཟླ་འདིའི་ཚེས་གཉིས་ཉིན་རྒྱ་ནག་ནན་ཅིན་གྲོང་ཁྱེར་གྱི་ཉེན་རྟོག་པ་སུམ་བརྒྱ་ལྷག་གིས་གློ་བུར་གྲོང་ཁྱེར་ནང་ཁུལ་གྱི་ཆགས་སྤྱོད་ཁང་ངམ་སྨད་ཚོང་ཁང་སོ་གཉིས་ཀྱི་ནང་དུ་ཞིབ་གཤེར་བྱས་ཏེ་བཤང་ཚོང་ནམ་དང་ཁེ་ལས་གཉེར་མཁན་ད་དག་གི་སྤྱིན་བདག་སོགས་ཁྲིམས་འགལ་མི་སྣ་བརྒྱ་དང་དོན་བརྒྱད་འཛིན་བཟུང་བྱས་པ་མ་ཟད། ད་དུང་སྤྱི་བདེ་ཚན་པས་རྒྱ་ནག་ནན་ཅིན་གྲོང་ཁྱེར་ལྔ་གཅིག་ལམ་གྱི་གཙོས་གཞུང་ལམ་གཡས་གཡོན་ལ་ཡོད་པའི་ལམ་འགྲམ་སོགས་སུ་མོ་ལོ་བཅོ་བརྒྱད་ལའང་མ་བུད་པའི་བུ་མོ་ཆུང་ཆུང་ཚོས་བཤང་ཉོ་མཁན་གྱི་མགྲོན་པོ་འདྲ་མིན་བརྩེ་བ་ཆེན་པོས་སྣེ་ལེན་བྱེད་བཞིན་པ་དང་།
འཇིགས་མེད་བཀྲ་ཤིས་ཀྱིས། ————– ༄༅།། ངག་གི་སྦྱོར་བ་སྟོན་པའི་བསྟན་བཅོས་ཁྲོད། ། ངག་གི་ལྷ་བཞིན་ཚད་མར་འཛིན་པ་ཡི། ། ངག་གི་མུན་སེལ་དག་ཡིག་ངག་སྒྲོན་ལས། ། ངག་གི་འོད་སྣང་ཕྱོགས་བཅུར་འཕྲོ་གྱུར་ཅིག ། (རྩོམ་ཡིག་འདི་རིང་དྲགས་སྟབས། ཐད་ཀར་ཡིག་གཟུགས་སུ་ཤར་བ་ཞིག་ཡོང་མི་འདུག དགོངས་འགལ་མེད་པ་ཞུ། གཤམ་གྱི་འགྲེལ་ཐག་ན་…
*འོད་ཟེར་པོད་ཁུག་ལས་བསྒྱུར།*
ནགས་ཤོད་སད་མི།
བོད་ལྗོངས་གསོ་རིག་སློབ་གླིང་སློབ་ཐོན་སློབ་མ་བརྒྱ་ཁ་ལྷག་ཅིག་གིས་བོད་རང་སྐྱོང་ལྗོངས་སྒོ་ཁ་ནས་ངག་
བཅད་ངོ་རྒོལ་བྱས་འདུག བོད་ལྗོངས་གསོ་རིག་སློབ་གླིང་གི་སློབ་ཐོན་སློབ་མར་རེབ་གཉིས་པའི་གཞུང་ལས་པ་ཡར་བསྡུའི་གྲངས་འབོར་ཆེས་ཉུང་བས་2010 ལོའི་ཟླ་བ 9 པའི་ཚེས 2 ཕྱི་དྲོ་ཆུ་ཚོད 4 པར་སློབ་མ་ཚོས་རྒྱལ་དར་ཆུང་ཆུང་ཞིག་ཐོགས་ཏེ་ལྗོངས་མི་དམངས་སྲིད་གཞུང་གི་སྒོ་ཆེན་འགྲམ་ནས་ངོ་རྒོལ་བྱས་འདུག 2010 ལོའི་ཟླ་བ 8པའི་ཚེས 31 ཉིན། འདི་ལོའི་གཞུང་ཞབས་ལས་མི་ཡར་བསྡུའི་མིང་གཞུང་ཕྱིར་བསྒྲགས་བྱས་རྗེས། ལོ་འདིར་ཁོང་ཚོའི་སློབ་གྲྭར་གསོ་རིག་ཆེད་སྦྱོང་ཐུབ་པའི་བོད་ཀྱི་ལྷ་རྗེ 17% ལས་བསྡུ་འཆར་མེད་པ་དང་། 83% གྱི་གསོ་རིག་སློབ་མའི་མིང་གཞུང་མར་ཟགས་ཡོད་པ་རེད། དོན་འདི་མི་ལོ་ལྔ་ཏག་ཏག་སློབ་ཆེན་འགྲིམས་པའི་ཁོང་ཚོར་འདྲ་སྙོམ་བྱུང་མེད་པས་ཁོང་ཚོས་དེ་དོན་གོང་རིམ་ལ་ཡར་ཞུ་བྱས། གནད་དོན་འདིས་ཟླ་བ 9 པའི་ཚེས 1 ནས་བོད་ལྗོངས་གསོ་རིག་སློབ་མ་རྣམས་མཉམ་སྡེབ་ཀྱིས་སློབ་གྲྭའི་དབུ་ཁྲིད་དང་། རྩ་འཛུགས་པུའུ། འཕྲོད་བསྟེན་ཐིང་བཅས་ལ་ཞུ་གཏུག་བྱས་ཀྱང་ཚོགས་འདུ་འཚོགས་ནས་སེམས་གསོའི་རྣམ་པ་ལྟ་བུས་རྒྱལ་ཁབ་ཀྱིས་ཁྱེད་ཚོར་ལས་མེད་དུ་འཇོག་མི་སྲིད་ཟེར་བ་ཙམ་ལས་དོན་དངོས་ཀྱི་མིང་གཞུང་སྤར་སྣོན་ཅི་ཡང་བྱས་མེད། ཟླ་བ 9 པའི་ཚེས 2 ཕྱི་དྲོ་སློབ་མ་བརྒྱ་ལྷག་མཉམ་འདུས་ཀྱིས་འཕྲེད་དར་དཔྱངས་པ་དང་། ལག་ཏུ་རྒྱལ་དར་ཆུང་ཆུང་འགའ་ཁྱེར་ནས་བོད་ལྗོངས་མི་དམངས་སྲིད་གཞུང་གི་སྒོ་ཆེན་འགྲམ་དུ་ཁྲོམ་སྐོར་བྱས་འདུག དེ་དོན་གཤམ་གྱི་འདྲ་པར་དག་ལ་གཟིགས།
བསྟན་འཛིན་ཉིན་བྱེད།
བཙན་ བྱོལ་དུ་ཡོད་པའི་བོད་རིགས་གཞོན་སྐྱེས་མང་པོ་ཞིག་གིས་ང་ལ་ཁྱོད་ཀྱི་ལྟ་བ་ རང་བཙན་ཡིན་ནམ་དབུ་མའི་ལམ་ཡིན་ཞེས་དྲི་བ་འདོན་གྱི་འདུག དེས་ཤུགས་ཀྱིས་ང་ཚོའི་སྤྱི་ཚོགས་ནང་བོད་ཀྱི་གནད་དོན་སེལ་ཐབས་བྱེད་རྒྱུའི་ ཐད་འགལ་བ་ཞིག་ཡོད་པ་གསལ་པོར་མཚོན་གྱི་ཡོད། འདྲི་བ་འདིར་ངས་ལན་འདི་འདྲ་ཞིག་རྒྱག་གི་ཡོད། ངའི་ལྟ་བ་ནི་རང་བཙན་ཡང་མིན་ལ་དབུ་མའི་ལམ་ཡང་མིན། ངའི་ལྟ་སྤྱོད་གཉིས་ནི་བཙན་བྱོལ་རེད། གློ་བུར་དུ་བལྟས་ན་ལན་འདི་ཡ་མཚན་ཅན་ཞིག་ཏུ་མཐོང་སྲིད། ཡིན་ནའང་འདི་དངོས་ཡོད་གནས་སྟངས་ཞིག་ཡིན་པ་རེད། ད་ལྟའི་ཆར་དངོས་ཡོད་གནས་ཚུལ་ནི་ང་ལ་རང་བཙན་གྱི་གདམ་ག་མེད་ལ་རང་སྐྱོང་གི་ གདམ་ག་ཡང་མེད། ང་ལ་གདམ་ག་གཅིག་ཡོད་པ་དེ་ནི་མུ་མཐུད་དེབ་གསེར་པོ་འཁྱེར་ཏེ་བཙན་བྱོལ་བྱེད་ རྒྱུའམ་ཡང་ན་རང་དབང་ཅན་གྱི་རྒྱལ་ཁབ་ཨ་རི་ལྟ་བུ་ཞིག་གི་མི་སེར་བྱེད་རྒྱུ་དེ་ ཡིན་པ་རེད།
དེ་ལས་མང་བ་། “བོད་རང་དབང་འཐབ་རྩོད་དང་ཨ་རྒྱ་གཉིས་ཀྱི་འབྲེལ་ལམ་ལ་དཔྱད་པ།” »
དོན་རྒྱལ་གྱི་བསམ་བློའི་འཁྱེར་སོར་བལྟ་ན། ཁོང་གི་ལྗགས་རྩོམ་རྣམས་ཡག་པོ་ཞིག་ཀློག་ན་ངོ་འཕྲོད་གི་རེད། ཕལ་ཆེར་ངོ་མ་འཕྲོད་པའང་ཡོད་རྒྱུ་མ་རེད། ལྷག་པར་དུའང་། ཁོང་གི་ལྗགས་རྩོམ། ་་འདི་ནའང་དྲག་ཏུ་མཆོངས་ལྡིང་བྱེད་བཞིན་པའི་སྙིང་གསོན་པོ་ཞིག་འདུག་་ ཟེར་བ་དེ་ཁོང་གི་ཁོང་ན་མཆོངས་ལྡིང་བྱེད་བཞིན་པའི་སྙིང་གསོན་པོ་དེ་ཡིན་པ། རྩོམ་འཇུག་ཏུ། ་་འདི་ནི་ངའི་སེམས་ན་དྲག་ཏུ་མཆོངས་ལྡིང་བྱེད་བཞིན་པའི་སྙིང་གསོན་པོ་ཞིག་ཡིན་ལ།་་ ཞེས་བྲིས་པས་ཤེས། དེས་ན་ཁོང་གི་སེམས་ཁོང་ན་ལྡིང་བཞིན་པའི་སྙིང་གསོན་དེ་ག་འདྲ་ཞིག་ཡིན་མིན་ལ་རོབ་ཙམ་བལྟས་ན།
གཅིག བོད་ཀྱི་ཐུན་མོང་མ་ཡིན་པའི་རིག་གནས་ལ་ལྟ་སྟངས
རྩོམ་དེའི་མགོ་བཙུགས་མ་ཁད་དུ། ་་མཛེས་སྡུག མཚར་སྡུག སྙིང་སྡུག་་ ཅེས་དབུ་བཙུགས་ཡོད་པ་རེད། མཛེས་སྡུག མཚར་སྡུག སྙིང་སྡུག་དེ་ག་རེ་ལ་ཟེར་གི་ཡོད་པ་རེད་ཟེར་ན། དེའི་གཤམ་དུ།
དེ་ལས་མང་བ་། “མདའ་ཚན་པས་དོན་རྒྱལ་གྱི་སྙན་ངག་ཅིག་ལས་དོན་རྒྱལ་ལ་ལྟ་བ།” »
དགེ་འདུན།
ངས་སྒྲུང་ཞིག་བཤད་འདོད་བྱུང་། ལོ་བཅུ་བཞི་ཙམ་གྱི་སྔོན་དུ་ང་ཚོས་དུས་བབ་ཀྱི་ལས་ཀ་བྱས་པ་རེད། བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་ཡང་སྐབས་དེ་ཤེད་ཅིག་ནས་ལག་ལེན་གྱི་ཐོག་ལ་འཁོར་བ་རེད། ཡིན་ན་ཡང་ཁ་མཆུ་དང་ཐག་གཅོད་སོགས་བྱུང་མེད་པ་རེད། མཚམས་ཤིག་ལ། དུས་བབ་ཐོག་ཡིག་འཁྱར་ཞིག་སྤེལ་ཉེས་ལ་བསྙད་ནས་བྱ་དུར་བཟང་པོས་ཁ་མཆུ་བཙུགས་པ་རེད། གྱོད་ཡ་ནི་དུས་བབ་རྩོམ་སྒྲིག་པ་རེད། བཙན་བྱོལ་ནང་གི་ཆེས་མཐོའི་ཁྲིམས་ཞིབ་ཁང་ལ་སླེབས་པའི་ཁ་མཆུ་ཐོག་མ་དེ་རེད། ཁྲིམས་ཡིག་རྒྱབ་ཤ་ལྗང་ཅན་པ་དེ་སྦྱངས་ནས་ཁ་མཆུའི་རྩོད་པ་དེ་བྱས་པ་རེད། ཟིང་ཚ་པོ་བྱུང་པ་རེད། མཐའ་མ་དེ་བཅད་ཁྲ་བསྒྲགས་པ་རེད། དེ་དུས་དུས་བབ་ཀྱི་ཉེས་ཆད་དུ་ཧིན་སྒོར་ ༢༠༠༠ བྱ་དུར་བཟང་པོར་སྤྲོད་དགོས་པ་རེད་ཅེས་བྲིས་འདུག ངས་གལ་སྲིད་སྒོར་མོ་དེ་མ་སྤྲད་ན་ག་རེ་ཡོང་གི་རེད་ཅེས་དྲིས་པ་ཡིན། དེའི་ལན་ནི། ངེད་ཀྱི་འོས་འདེམས་ཀྱི་ཐོབ་ཐང་ཤོར་གི་རེད་གསུངས་སོང་། དེ་ལས་ལྷག་ཡོད་དམ། ཕལ་ཆེར་མེད་པ་རེད། ད་སྒྲུང་ཚར་སོང་། ད་སྒྲུང་འདིས་གང་ཞིག་སྟོན་ནམ་ཟེར་ན། བཙན་བྱོལ་གྱི་ཆེས་མཐོའི་ཁྲིམས་ཞིབ་ཁང་ལ་ ཉེས་ཅན་པ་ཞིག་བཙོན་འཇུག་བྱེད་པའི་དབང་ཚད་མེད་པ་རེད། ང་ཚོའི་འཛིན་སྐྱོང་དང་སྤྱི་འཐུས། ཁྲིམས་ཁང་། མཐའ་ན་ང་ཚོའི་དམངས་གཙོ་འདི་ཡང་ཡ་རབས་ཀྱི་སྤྱོད་པ་ལ་བརྟེན་ནས་བཙུགས་པའི་གཞུང་ཞིག་རེད། ང་ཚོའི་མི་དམངས་ལ་ཁྲིམས་ལུགས་ཀྱི་ཐོག་ནས་དམངས་གཙོའི་ནང་ཆ་ཤས་ལེན་དགོས་པ་དང་། ཁྲིམས་ལ་བརྩི་དགོས་པ། ཁྲིམས་ཀྱིས་དབང་བསྒྱུར་བྱེད་དགོས་པ་འདི་དག་ཚང་མ་ལག་ལེན་ངོ་མ་ཞིག་གི་ཐོག་ནས་ཡོང་མི་ཐུབ་པ་ཞིག་རེད། དེ་དག་ནི་ཡ་རབས་དང་བཟང་སྤྱོད་ཀྱི་ཐོག་ནས་ཡོང་བ་ཞིག་རེད། དེ་ཡང་མཐར་གཏུགས་ན་༧རྒྱལ་བ་རིན་པོ་ཆེའི་མཚན་གནས་རྗེས་འབྲེལ་གྱི་ཐོག་ནས་ཡོང་ཡོད་པ་ཞིག་རེད།
༡ རིགས་གཅིག་རྐང་འཛིན་ཟེར་བ་འདི་ནི་ལྷ་རམས་ཐོན་རྗེས་སྦྱོང་དགོས་པ་ཞིག་མ་རེད། ལྷ་རམས་ཐོན་རྗེས་ལོ་ཚད་ཆུང་ཆུང་ཞིག་མ་རེད། དེ་བས་རིགས་གཅིག་རྐང་འཛིན་པ་སུ་ཡིན་ལ་ཚོགས་ཆོས་གྲྭར་དམིགས་བསལ་བྱིན་ཏེ་ཁོ་ཚོ་ཁོ་ཚོས་བདམས་པའི་ལམ་ཁ་དེར་འགྲོ་རུ་འཇུག་དགོས།
༢ ལེགས་སྦྱར་སྦྱངས་ནས་ག་རེ་བྱེད་ཀྱི་ཡིན་ནམ། བཀའ་འགྱུར་བསྟན་འགྱུར་ནང་མེད་པའི་ཆོས་ཚན་གང་ཞིག་ལེགས་སྦྱར་ནང་ལྷགས་འདུག དེ་བས་དབྱིན་ཇི་སྦྱངས་ཏེ་འཛམ་གླིང་གི་ཤེས་བྱ་རིག་པའི་གནས་སྣ་ཚོགས་ལ་སློབ་སྦྱོང་བྱེད་དགོས། དགེ་ལུགས་ཚང་གི་བླ་མ་བཟོད་པ་མ་གཏོགས་ནུབ་ཕྱོགས་སྤྱི་ཚོགས་ནང་དུ་བོད་པའི་ཆོས་རིག་གི་སྟེང་ནས་རང་རྐང་ཚུགས་ཡོད་པ་ཞིག་ཕལ་ཆེར་སྟོན་རྒྱུ་མི་འདུག་པས། བསྡུས་གྲྭ་ནས་བརྩམས་ཏེ་དབྱིན་ཡིག་སྦྱོང་དུ་འཇུག་དགོས།
༣ གྲྭ་པའི་ལག་གི་གློག་ཀླད་དང་ལག་ཐོག་ཁ་པར་གཏན་འགོག་སོགས་དེང་རབས་འཛམ་གླིང་དང་ཁ་འབྲལ་བའི་ཁ་བྲལ་རིང་ལུགས་ཀྱི་བྱེད་སྟངས་ངོ་མ་དེ་ཕྱིར་བསྡུ་བྱེད་དགོས།
དེ་ལས་མང་བ་། “དགེ་ལྡན་བཅའ་ཡིག་ཆེན་མོའི་ཁ་སྣོན་དུ་བསྐུར་པའི་བཅའ་ཡིག་དུས་མཐུན་འཁྱེར་བདེ་མ།” »
རབ་འབྱོར་གྱིས།
ཉེ་ཆར་ངས་བོད་ཀྱི་སྐད་ཡིག་གི་དྲ་རྒྱའི་ཡིག་གཟུགས་ཀྱི་ལེ་ཚན་ལ་ལྟད་སྐོར་ཞིག་བྱས་པར། དཔེ་སྐྲུན་གྱི་ཡིག་གཟུགས་ཀྱི་བྲི་གཞི་ཞིག་ངག་གི་དབང་པོ་འདས་པོ་དོན་གྲུབ་རྒྱལ་མཆོག་གི་གསུང་ཚིག་ཅིག་ཡིན་པ་འདི་ལྟར། ” ལ་རྒྱ་ནི་རང་རེའི་བླ་སྲོག་ཡིན། ང་རྒྱལ་ནི་རང་གི་གཟི་བརྗིད་ཡིན། ཕ་མས་སྤྲད་པའི་མགོ་བོ་མཐོན་པོ་དེ། གཞན་གྱི་རྐང་འོག་ཏུ་མི་འཇོག་པ་དང་། ཁ་བ་ཅན་གྱི་ལ་རྒྱའི་དཔུང་བ་དེ། གཞན་གྱི་མགོ་ཐོག་ཏུ་འགྲེང་ནུས་ན། རང་རིགས་ཀྱི་གཟི་བརྗིད་དང་། མེས་རྒྱལ་གྱི་ལ་རྒྱ་ཡང་རེད། “།
སྤྱིར་བཏང་མཁས་པ་སུ་ཞིག་གི་གསུང་ངག་ཅིག་ཡིག་གཟུགས་ཀྱི་བྲི་གཞིར་གྱུར་སྐབས། མི་མང་པོའམ་ཡང་ན་མི་སྐོར་ཞིག་གིས་གསུང་ངག་དེ་ལ་ཚིག་དོན་གྱི་ཆ་གང་རུང་ནས་བརྩི་མཐོང་ཆེ་བའི་རྟགས་ཡིན། དེས་ན་འདས་པོ་དོན་གྲུབ་རྒྱལ་མཆོག་གི་གོང་འཁོད་གསུང་ཚིག་དེ་ཡིག་གཟུགས་ཀྱི་བྲི་གཞིར་གྱུར་ཡོད་པ་ཡང་མི་སྐོར་ཞིག་གིས་དེ་གསུང་ངག་རྩ་ཆེན་ཞིག་ཏུ་བརྩི་བའི་མངོན་རྟགས་ལོས་ཡིན།
དེ་ལས་མང་བ་། “དོན་གྲུབ་རྒྱལ་གྱི་ང་རྒྱལ་དང་ང་རྒྱལ་གྱི་ལྟ་བ་།” »
༅༅།། སྤྱི་འཐུས་ཀྱི་འོས་བསྡུ་སླེབས་གྲབས་ཡོད། ཉེ་སྔོན་ང་ཚོས་ཆོས་ལུགས་ཀྱི་སྤྱི་འཐུས་སྐོར་ལ་ཁ་བརྡ་བྱས་པ་རེད། ད་རེས་ང་ཚོས་ཆོལ་ཁ་གསུམ་དང་ཕྱི་རྒྱལ་གྱི་སྤྱི་འཐུས་ཚོའི་སྐོར་བཤད། ཆོལ་ཁ་དང་ཕྱི་རྒྱལ་གྱི་སྤྱི་འཐུས་རྣམ་པའི་སྐོར་གླེང་སྐབས། གཙོ་བོ་སྤྱི་འཐུས་དེ་དང་དེའི་སྤྱི་དོན་དང་འབྲེལ་བའི་ལོ་རྒྱུས་དང་། དེ་མུ་མཐུད་སྤྱི་འཐུས་སུ་དགོས་ན་དགོས་པའི་རྒྱུ་མཚན་དང་། མི་དགོས་ན། མི་དགོས་པའི་རྒྱུ་མཚན་གསལ་པོ་དང་དྲང་པོ་དྲང་བཞག་གིས་བཀོད་རོགས། དེ་བཞིན་སྤྱི་འཐུས་དེ་ཚོར་ང་ཚོས་རེ་བ་གང་ཞིག་ཡོད་པ་དང་། ཁོང་ཚོར་སྐྱོན་ཆ་གང་དང་གང་ཡོད་པ། གནད་དོན་གང་ལ་ཤུགས་རྒྱག་དགོས་མིན།
དེ་ལས་མང་བ་། “ཆོལ་ཁ་དང་ཕྱི་རྒྱལ་སྤྱི་འཐུས་ཚོར་བསམ་འཆར་ཡོད་དམ།” »
རྔ་བ་རྒྱལ་ཁམས་པ།
གནའ་སྔ་མོར། མི་རྣམས་ཀྱིས་རང་འོད་ལ་བརྟེན་ནས་འཁོར་ཡུག་གི་འཇིག་རྟེན་མཐོང་ཞིང་།
རང་སེམས་ལ་བརྟེན་ནས་དྭངས་གསལ་གྱི་ལུས་པོ་གསོས།
དུས་དང་སེང་། མི་རྣམས་ཀྱིས་ཉི་འོད་ལ་བརྟེན་ནས་ཉིན་མཚན་གྱི་དབྱེ་བ་ཕྱེ་ཞིང་།
ཁ་ཟས་ལ་བརྟེན་ནས་རང་རང་གི་ལུས་པོ་གསོ།
གནའ་སྔ་མོར། མི་རྣམས་ཀྱིས་རྩ་རླུང་ལ་བརྟེན་ནས་མཁའ་དབྱིངས་སུ་འགྲུལ་བཞུད་བྱས་ཤིང་།
གྲུབ་རྟགས་ལ་བརྟེན་ནས་ས་གཏེར་དང་མཚོ་གཏེར་བཏོན།
དུས་དེང་སང་། མི་རྣམས་ཀྱིས་མཁའ་གྲུ་ལ་བརྟེན་ནས་མཁའ་དབྱིངས་ཀྱི་འཇུག་ངོགས་བརྟོལ་ཅིང་།
འཕྲུལ་རིགས་བརྟེན་ནས་ས་བཅུད་དང་མཚོ་བཅུད་བྲུས།
གནའ་སྔ་མོར། མི་རྣམས་ཀྱིས་སྒོམ་སྟོབས་ལ་བརྟེན་ནས་དུས་གསུམ་གྱི་གསང་བ་རྟོགས་ཤིང་།
རང་སྣང་ལ་བརྟེན་ནས་ངོ་མཚར་བའི་ཞིང་ཁམས་འགྲིམས།
དུས་དེང་སང་། མི་རྣམས་ཀྱིས་མྱོང་སྟོབས་ལ་བརྟེན་ནས་བདེན་རྫུན་གྱི་ཕུ་ཐག་གཅོད་ཅིང་།
ཚོད་སྒམ་ལ་བརྟེན་ནས་མཐའ་མེད་ཀྱི་འཇིག་རྟེན་འཇོག
བོད། ལྷ་ཀླུ་གཉན་གསུམ་ནས།
འདི་དང་འགྲོགས་ན་ལས་ཀྱི་དེད་པ་ལྟར།།
གན་དང་ཐུག་ན་བར་ཆད་འཕྲད་པ་ལྟར།།
དེ་ཉིད་མཐོང་དུས་སེམས་ཀྱི་བླ་ཤོར་འདྲ།།
གཤིན་པོའི་རྣམ་ཤེས་བསྡུ་མཁན་དོན་དངོས་སུ།།
འདྲིས་ཤིང་གཤིབ་ན་སྙིང་ཡང་འཁྱེར་འགྲོ་བ།།
བྲལ་བའི་ཚེ་ན་ཚོར་བ་སྟོང་འགྲོ་བ།།
རེག་པའི་སྐབས་སུ་སེམས་རྩ་བཟི་འཇུག་པ།།
ལུས་ཀྱི་ཕྱི་ནང་འཁུར་བའི་གཟུགས་དེ་སུ།།
ཀླུ་སྨྱོན།
མདང་དགོང་ངས་རྨི་ལམ་ཞིག་རྨིས་བྱུང་ལ།
དེ་ཡང་རྨི་ལམ་རྒྱུན་ལྡན་ཞིག་མ་རེད།
ངེད་ཚང་ལ་རྟ་རྒན་ཞིག་འདུག་ཅིང་།
རྟ་རྒན་དེའི་རྒྱབ་ཡོངས་རྫོགས་རྨ་རེད་འདུག
རྨ་ཁ་དེ་ཡོངས་སུ་རུལ་ནས་དྲི་ངན་ཁ་གི་འདུག
སྐྱག་སྦྲང་སྟོང་ཕྲག་མང་པོས་རྟ་རྒན་གྱི་རྒྱབ་རྨའི་ནང་དུ་ཚང་བཅོས་འདུག
ཁོ་ཚོ་གཅིག་པོ་ཡིན་ན་འགྲིག་སྟེ།
ཁོ་ཚོས་ཚིམ་པ་མེད་པའི་ངང་རང་རང་གི་བུ་རབས་ཚ་རྒྱུད་དག་ཀྱང་གསོ་སྤེལ་བྱེད་བཞིན་འདུག
པདྨ་ཚེ་དབང་ཤཱསྟྲིས།
བར་ལམ་ཞིག་ནས་བཙན་བྱོལ་སྤྱི་ཚོགས་ཀྱི་ནང་དུ། གསར་ཤོག་དང་། དྲ་གནས། ཟིན་ཐོ། བརྙན་འཕྲིན། རླུང་འཕྲིན་སོགས་བརྒྱུད་ལམ་དུ་མའི་ནང་དུ་ཡོང་ལ་ཉེ་བའི་བཀའ་བློན་ཁྲི་པ་དང་། སྤྱི་འཐུས་ཀྱི་འོས་བསྡུའི་ཐད་ལ་ཚ་ཚ་འུར་འུར་གྱིས་གླེང་པ་མ་ཟད། ཚོགས་པ་དང་སྒྲིག་འཛུགས་འགའ་རེས་་བཀའ་ཁྲིའི་འོས་གཞིར་བཞེངས་མཁན་འགའ་ཞིག་གི་དབར་ལ་བགྲོ་གླེང་ཁ་ཤས་ཀྱང་གོ་སྒྲིག་གནང་ཡོད། འོན་ཀྱང་ད་ལྟ་བར་དུ་མང་ཆེ་བས་རང་རང་གི་ཁམས་དང་མོས་པར་བསྟུན་ཏེ། བཀའ་ཁྲི་སུར་འོས་མིན་དང་། དེ་དག་གི་འོས་པའི་ཁྱད་ཆོས་དང་། མི་འོས་པའི་སྐྱོན་ཆ། དེ་བཞིན་སྤྱི་འཐུས་ཀྱི་འོས་གཞིའི་སྐོར་ལ་སྐབས་བཅུ་བཞི་པའི་གྲོས་ཚོགས་ཚོགས་དུས་བརྒྱད་པ་མཇུག་བསྒྲིལ་མ་ཐུབ་པའི་དབང་གིས་ད་ཡོད་སྤྱི་འཐུས་འགའ་ཞིག་ལ་སྐྱར་དུ་འོས་བླུགས་མི་འོས་པའི་སྐོར་ཙམ་གླེང་བ་ལས། དེ་མིན་ཡོང་རྒྱུའི་སྤྱི་འཐུས་ཀྱི་འོས་གཞི་དང་། འོས་འཕེན་པའི་སྐོར་ལ་དེ་ཙམ་གྱི་ཐུགས་སྣང་མ་བྱུང་བ་ལྟ་བུར་སྣང་།
སྤྱིར་མང་གཙོའི་ལམ་ལུགས་ལྡན་པའི་རྒྱལ་ཁབ་ཕལ་ཆེ་བའི་ནང་དུ་སྲིད་ཇུས་འདྲ་མིན་འཛིན་པའི་སྲིད་དོན་ཚོགས་པ་གཉིས་གསུམ་མམ། དུ་མ་ཡོད་པར་བརྟེན།
དེ་ལས་མང་བ་། “བཀའ་ཁྲི་དང་། སྤྱི་འཐུས་ཀྱི་འོས་འཕེན་པ་གླེང་བ།” »
དཔལ་ལྡན་རྒྱལ་གྱི་ཟིན་བྲིས་ནས་བླངས།
དེ་རིང་ངོ་དེབ་སྟེང་དུ་སྐུ་ཞབས་དོན་གྲུབ་རྒྱལ་གྱིས་བརྩམས་པའི་༼འདི་ནའང་དྲག་ཏུ་མཆོངས་ལྡིང་བྱེད་བཞིན་པའི་སྙིང་གསོན་པོ་ཞིག་འདུག༽ཅེས་པའི་སྙན་རྩོམ་འདི་གྱེར་འདོན་ཞིག་ལ་ཉན་རྗེས་སེམས་སུ་དགའ་སྐྱོ་འདྲེས་མའི་ཚོར་བ་ཞིག་སྐྱེས།
འདི་ནི་སྐུ་ཞབས་དོན་གྲུབ་རྒྱལ་གྱི་རང་མོས་སྙན་རྩོམ་ལེགས་ཤོས་ཞིག་ཡིན་ལ། ༡༩༨༠ དཀྱིལ་ཙམ་ལ་ཁོང་གི་སྙན་རྩོམ་འདི་པར་སྐྲུན་མ་བྱས་གོང་། ངའི་སློབ་གཉེར་བྱེད་སའི་མཚོ་སྔོན་མི་རིགས་སློབ་གྲ་ཆེན་མོའི་བོད་རིགས་སློབ་མ་ཁག་ཅིག་གི་ལག་ཏུ་སྙན་རྩོམ་འདིའི་མ་ཡིག་ལག་བྲིས་ཞིག་རག་ཡོད་པ་དེ། ང་ཚོས་ཕར་བཤུ་ཚུར་བཤུ་བྱས་ནས་སློབ་མ་མང་པོ་ཞིག་གིས་སྙན་རྩོམ་འདི་བློ་ངོར་ཀློག་ཐུབ་ཀྱིན་ཡོད། སྙན་རྩོམ་གྱེར་འདོན་འདིར་ཉན་སྐབས། སྐུ་ཞབས་དོན་གྲུབ་རྒྱལ་དགོངས་པ་མ་རྫོགས་པའི་ཟླ་ཁ་ཤས་སྔོན་༡༩༨༥ ལོའི་དབྱར་ཁར། ཁོང་མཚོ་སྔོན་མི་རིགས་སློབ་གྲ་ཆེན་མོའི་ནང་ཕེབས་ནས ང་ཚོའི་འཛིན་གྲའི་དེང་རབས་རྩོམ་རིག་དགེ་རྒན་སངས་རྒྱས་རིན་ཆེན་གྱི་ཚབ་བྱས་ནས་དོན་གྲུབ་རྒྱལ་གྱིས་ལག་གཡས་བར་ས་སྨྱུག་བསྐོར་ཅིང་།
དེ་ལས་མང་བ་། “འདི་ནའང་དྲག་ཏུ་མཆོངས་ལྡིང་བྱེད་བཞིན་པའི་སྙིང་གསོན་པོ་ཞིག་འདུག” »
དཔལ་དགྱེས་རྡོ་རྗེས
ན་མོ་གུ་རུ་པདྨ་ཏྰ་ར་ཡེ། །
༡ ཨེ་མ་སྟོང་ཉིད་ལྷ་མོ། །
ཝྃ་ཆེན་ཚོགས་ལ་ཕེབས་ནས། །
ཟུང་འཇུག་སྒྱུ་འཕྲུལ་ལོངས་སྤྱོད། །
མཉམ་རོལ་ཕྱག་རྒྱ་ངོམ་ཤོག །
༢ སྐལ་བཟང་པདྨ་གེ་སར། །
ཆོས་དཔལ་ཡིད་ཀྱི་དགའ་སྟོན། །
བཀྲ་ཤིས་བདེ་ལེགས་རོལ་དབྱངས། །
གཡུ་སྦྲང་གཤོག་པར་རང་གྲུབ། །
༣ ཤར་ནུབ་རྒྱ་མཚོ་ཆེན་པོས། །
ཐག་རིང་ཡུལ་གྱིས་བསྐལ་ཡང་། །
བརྩེ་གདུང་དམ་ཚིག་མདུད་པ། །
ནམ་ཡང་འབྲལ་བ་མི་འདུག །
༤ ཐུགས་དམ་ཤེལ་གྱི་མཆོད་རྟེན། །
ཕྱི་གསལ་ནང་གསལ་དག་པ། །
ཡིད་མཐུན་པདྨ་གེ་སར། །
སྙིང་གི་དཀྱིལ་ནས་དྲན་སོང་། །
༥ ལས་ཉོན་བག་ཆགས་རྒྱུ་བ། །
རླུང་ནག་དྲག་ཏུ་གཡོས་ཀྱང་། །
མི་འགྱུར་རྡོ་རྗེའི་སྙིང་གཏམ། །
ནམ་ཡང་འགྱུར་རྒྱུ་མི་འདུག །
བོད། ལྷ་ཀླུ་གཉན་གསུམ་ནས།
སེམས་ཀྱི་སྐྱིབས་ཁུགས་སུ་འདར་བའི་རང་བྱུང་གི་གཤིས་ལ།།
དུས་གསུམ་གང་དུ་འང་མི་འགྱུར་ཆོས་ཉིད་ཀྱི་རྣམ་ཤེས།།
རྒྱབ་མདུན་གཏད་སོ་ཡི་བྲལ་བ་སེམས་ནང་གི་འཆར་གཞི།།
གཅིག་དུ་སྤུངས་པ་རུ་འབོད་པ་འགྲོ་བ་ཡི་ཚེ་སྲོག།
འདས་ཀྱང་སྲུང་བྱ་ཡི་སྟོང་བའི་འཇའ་གཟུག་ཀྱི་གནམ་འོག།
བྲིས་ཀྱང་འབྲི་སྨྱུག་གི་གཟད་པོའི་རྒྱུ་ཆ་ལས་གྲུབ་པའི།།
བརྩད་ཀྱང་ཚར་ཐབས་ཤིག་མེད་པ་ཞེ་སྡང་གི་འཐབ་ར།།
དེ་ཉིད་སྤྱི་གཙུག་དུ་བཀུར་མཁན་རྒྱལ་གཅེས་སུ་གྲུབ་འདུག།
གསུང་རབ་ཡིན་ན་ད་ལོ་རང་ལོ་༣༤་དང་བོད་ཨ་མདོ་ཀན་ལྷོ་རྨ་ཆུའི་མུ་ར་དགོན་པའི་དགེ་འདུན་པ་དང་། རེ་བའི་རྐང་ལམ་ཚགས་པར་གྱི་རྩོམ་སྒྲིག་མི་སྣ། བོད་ཨ་མའི་རང་སྐད་སླར་གསོ་ཚོགས་པའི་ཚོགས་མི། རྩ་ཐང་བོད་ཡིག་རྨོངས་སེལ་སློབ་གྲྭའི་རྐང་འཛིན་དགེ་རྒན། ༢༠༠༨་ལོའི་ཟླ་གསུམ་པའི་ཚེས་༡༧ཉིན་རྨ་ཆུ་ནས་བོད་མི་ཚོས་བོད་དོན་ཞི་བའི་ལས་འགུལ་རྗེས་ཐེངས་དང་པོར་འཛིན་བཟུང་བྱས། ༢༠༠༨ལོའི་ཟླ༥ཚེས༡༨ཉིན་ཨ་མདོ་རྔ་བ་ནས་འཛིན་བཟུང་ཐེངས་གཉིས་བ་བྱས།
དེ་ལས་མང་བ་། “མུ་མཐུད་བཙོན་འཇུག་མནར་གཅོད་མྱོང་བཞིན་ཡོད་ཟེར།” »
