སྒྲོན་ཕྲུག་ནས།
———
དེ་རིང་གཟའ་ཉི་མའི་ཞོགས་ཀ་སྔ་པོ་ནས་ཡར་ལངས་ཏེ་ནམ་རྒྱུན་ལྟར་་བྷོ་དྷའི་མཆོད་རྟེན་ལ་སྐོར་བ་ཁ་ཤས་བྱས་རྗེས། མཆོད་རྟེན་ཤར་ངོས་ཀྱི་བོད་པའི་ཇ་ཁང་རིང་པོ་ཞིག་ཡོད་ས་དེར་ཇ་འཐུང་དུ་སོང་སྐབས། ག་ས་གང་ནས་ཡོང་བའི་སྐོར་རྒྱག་མང་པོས་རླངས་པ་ཁོལ་ཁོལ་གྱི་མངར་ཇ་དང་། ཨ་ལོ་བག་ལེབ་རྔམ་ཟ་དང་རྔམ་འཐུང་བྱེད་ཀྱིན་འདུག དེ་བཞིན་ང་ཡང་དེའི་གྲས་སུ་བསྡད་ནས་ཇ་འཐུང་ཞོར་དུ་གཡས་ལྟ་གཡོན་ལྟ་བྱས་དུས། ངའི་རྒྱབ་ཀྱི་ཅོག་ཙེ་ཞིག་གི་སྟེང་ཕར་བལྟས་ཚོད་ལ་བོད་པ་ལོ་ན་ལྔ་བཅུ་ཡས་མས་ཁ་ཤས་ཤིག་དང་། ཨ་ནེ་ཞིག་བསྡད་འདུག་པ་མཐོང་བྱུང་། སྐབས་དེར་རྒན་པོ་ཞིག་གིས་ལག་གཡས་པས་ཇ་བཟུང་། གཡོན་པས་སྣ་ཐ་ཞིག་བཟུང་སྟེ། དབུགས་རིང་རེ་འཐེན་ཞོར་དུ། ཡ་ད་ད་ལོ་འོ་རང་ཚོའི་དགའ་ལྡན་ཁྲི་བ་དེ་སུ་ལ་བླུགས་དགོས་པ་རེད་ལབ་བྱུང་། ལམ་སང་ཁོང་གི་ཁ་གཏད་དུ་ཡོད་པའི་རྒན་པོ་ཞིག་གིས་ག་རེ་དགའ་ལྡན་ཁྲི་བ། བཀའ་བློན་ཁྲི་བ་ལབ་དང་ཟེར། དེ་དུས་ཁྲིས་ནས་རྒན་མོ་ཞིག་གིས་ག་རེ་སེམས་ཁྲེལ་བྱེད་ཀྱིན་ཡོད། རྒྱ་ཆེའི་མང་ཚོགས་ཀྱིས་འོས་ཤོག་བླུག་ཡོང་དུས་གཅིག་ལ་ཁེལ་ཡོང་གི་རེད། དེ་འོ་རང་ཚོའི་འགོ་ཁྲིད་རེད། ལབ་པ་དང་ཁམས་ཕྱོགས་ནས་ཡིན་པའི་ལོ་ན་ཁོང་ཚོ་ལས་ཅུང་ཆུང་བ་ཞིག་གིས་དེ་གལ་ཆེན་པོ་རེད་ད། ང་ཚོས་ངེས་པར་དུ་མི་ཡག་པོ་ཞིག་མ་འདེམས་ན་རྒྱལ་པ་རིནཔོ་ཆེ་ནི་དགུང་ལོ་མཐོན་པོ་རེད།
༄།། ཨལ་བྷིར་གྲི་ཨ་ཡེན་སི་གྲན། (Albert Einstein) སྔ་མའི་འཕྲོ།
རྔ་བ་རྒྱལ་ཁམས་པ།
ལྟོས་མེད་ཀྱི་དུས་དང་ལྟོས་མེད་ཀྱི་འགུལ་སྐྱོད་ནི། ཚན་རིག་པ་ནོས་ཁྲོན་གྱི་གཞི་རྩའི་ཚན་རིག་གི་རྨང་གཞི་ཡིན་ཞིང་། ཨ་ཡེན་སི་གྲན་མཆོག་གི་རྩིས་གཞི་དང་ལྟ་ཚུལ་དག་གིས་གོང་གི་བསམ་འཆར་དེ་དག་ནུས་མེད་དུ བཏང་ཡོད། ལྷག་པར་ཁོང་གིས་ཚན་རིག་གི་བསམ་བློ་བ་སྐུ་ཞབས་ཨིར་ནི་སི་མ་ཆིའི་མཆོག་གིས་བརྩམས་པའི་དཔེ་ཆར་གཟིགས་ཞིབ་མཛད་པས། ཐུགས་ལ་ཤུགས་རྐྱེན་ཆེན་པོ་ཞིག་ཐེབས་འདུག ཨིར་ནི་སི་མཆོག་གིས་ལྟོས་མེད་ཀྱི་དུས་སམ། ལྟོས་མེད་ཀྱི་འགུལ་སྐྱོད་ཅིག་མེད་ཚུལ་གྲོས་སྟོན་གནང་ཡོད། ཨ་ཡེན་སི་གྲན་གྱི་དམིགས་བསལ་ལྟོས་བཏགས་རིག་པ་ལ་བརྟེན་ནས། ཆེས་ཡིད་ཆེས་དཀའ་བའི་མྱུར་ཚད་ཀྱི་གནས་སྟངས་འོག དུས་ཀྱི་རྒྱུ་ཤུགས་ཇི་ལྟར་བྲི་ཚུལ་སོགས་གཤམ་དུ་བཤད་པའི་འགྲེལ་བརྗོད་དག་ལས་རོབ་ཙམ་རྟོགས་ཐུབ་པ་ཡིན། དུས་ཀྱི་རྒྱུ་ཤུགས་བྲི་ཚུལ་ནི། བྱ་དངོས་གང་ཞིག་གི་རྒྱུ་ཤུགས་ཆེས་མྱུར་ཚད་དང་ལྡན་པའམ། འོད་ཀྱི་མྱུར་ཚད་དང་ཐག་ཉེ་བ་ཞིག་སྟེ། འདི་ལ་ཚན་རིག་ཐོག་དུས་རྒྱང་བསྐྱེད་པ་ཞེས་བརྗོད། དེ་ཡང་སྤྱི་ལོ་༡༩༤༡ལོར་ཞིབ་འཇུག་ཚོད་ལྟ་བྱས་པའི་ཉམས་མྱོང་ལྟར་ན། དུས་ཚོད་ཧ་ཅང་བྲིན་མོ་ཞིག་རླུང་འབུད་གནམ་གྲུར་བཞག་ནས། མགྱོགས་ཚད་མཐོན་པོའི་ངང་འཛམ་གླིང་ཕྱོགས་མཐར་ཉིན་གཉིས་རིང་འཕུར་སྐོར་བྱས་རྗེས། གནམ་གྲུའི་ནང་གི་དུས་ཚོད་དེ་ས་ཐོག་ན་ཡོད་པའི་དུས་གཅིག་པ་དེ་དང་བསྡུར་ན། སྐར་ཆ་ཁ་ཤས་ཤིག་ཉུང་དུ་ཕྱིན་ཡོད་པར་བཤད་ལ། རྒྱུ་མཚན་ནི།
དེ་ལས་མང་བ་། “༄།། ཨལ་བྷིར་གྲི་ཨ་ཡེན་སི་གྲན། (Albert Einstein) སྔ་མའི་འཕྲོ།” »
ཁྱིམ་ཚང་ཆེན་པོ་གཉིས་ཀྱི་བར་དུ་བཙིར་བའི་བློ་བཟང་སེང་གེ།
བང་ཆེན་ཚང་གི་ནུབ་ཁའི་ཉི་གཞོན་གྱི་ཟིན་བྲིས་ནས་དྲངས
དྲུག་གསུམ་བཅོ་བརྒྱད།
རྒྱལ་སྤྱིའི་བོད་རིག་པའི་ཚོགས་འདུའི་ཐོག་ཉི་ཧོང་པ་ཞིག་དང་འཕྲད། ང་ཚོས་གླེང་མོལ་བྱས། ཁོང་གི་བོད་སྐད་ནི་བོད་པ་རང་རེད། ངས་སྤྱིར་བཏང་གི་དྲི་བ་ཞིག་དྲིས་པ་ཡིན། དེང་སང་ཅ་ལག་ཐོན་གསར་མང་པོ་ཡོད་རེད། དེ་ཚོ་ཉི་ཧོང་གི་སྐད་དུ་བསྒྱུར་སྐབས། ཅ་ལག་གཅིག་ལ་མིང་སྣ་ཚོགས་ཆགས་ནས་དཀའ་ངལ་འཕྲད་ཀྱི་འདུག་གམ། ཡང་ན། ཁྱེད་ཚོ་ལ་གཞུང་གིས་གཏན་འབེབས་བྱས་པའི་སྐད་ཡིག་ཚོགས་པ་ཞིག་གིས་མིང་ཚིག་གསར་བཟོ་བྱེད་ཀྱི་ཡོད་པ་རེད། ཅེས་དྲིས། ཁོང་གིས་རྣམ་འགྱུར་ལྷོད་ལྷོད་ཅིག་གི་ངང་ནས། “དེ་འདྲ་ཁྱོན་ནས་མ་རེད། ང་ཚོ་ལ་ཆ་གཞག་ན། ཅ་ལག་གསར་པ་སོགས་ཐོན་སྐབས། ཚགས་པར་དེ་འདྲས་ངོ་སྤྲོད་ཀྱི་ཡི་གེ་བྲིས་ནས་མིང་བཏགས་ཡོང་གི་རེད། དེ་ཡང་ཚགས་པར་རེ་རེ་ནས་མིང་རེ་རེ་བྲིས་ཏེ་ཡོང་གི་རེད། རིམ་གྱིས་མི་མང་གིས་མིང་གང་བློ་ལ་འཇགས་བདེ་བ་དང་སྣང་བ་འགྲོ་བ་དེ་བེད་སྤྱོད་བྱས་ཡོང་གི་རེད། དེ་ནས་མིང་གཞན་རྣམས་རང་བཞིན་གྱིས་ཡལ་འགྲོ་གི་རེད་ལ། མི་མང་གིས་གང་འདམས་པ་དེ་མིང་གཏན་འཁེལ་འགྲོ་གི་རེད། དེ་འདྲ་ཡིན་ཙང་རྙོག་དྲ་ཡོད་མ་རེད།”ཅེས་གསུངས་བྱུང་།
བདག་ལ་བཅོས་མིན་གྱི་བློ་རྩེ་གཏོད་པའི་སྔོན་གྱི་སློབ་བུ་མཁན་པོ་ཕུར་རྣམ་ལ་སྤྲིངས་པ་ཤར་རྒྱ་མཚོའི་སྤྲིང་ཡིག
རྫ་ཚེ་རིང་བཀྲ་ཤིས
བཅོམ་ལྡན་འདས་པདྨ་གར་གྱི་དབང་ཕྱུག་ལ་ཕྱག་འཚལ་ལོ། །
ཐག་རིང་བོད་ཀྱི་ས་མཐོའི་ལུང་པ་ན། །
དམ་ཚིག་མདུད་རྒྱ་དམ་པའི་སློབ་བུ་ཞིག། །
ཟ་ཟིའི་མི་བཟློ་བའི་གར་སྟེགས་ནས། །
དྲན་པའི་མིག་རྒྱང་བདག་ལ་བསྲངས་པ་དེར། །
དེ་རིང་ཟོལ་མེད་ཡིད་ཀྱི་མེ་ལོང་དུ། །
བཅོས་མིན་རྟོག་པའི་འདུ་འཕྲོ་བག་ཕབ་སྟེ། །
བཀྲས་མཐོང་བསྟན་འཛིན་རྣམ་རྒྱལ། ཡང་བསྐྱར་ཐེངས་གཅིག་བཤད།
བྱང་ཀ་ལེ་ཕོར་ཉ་ནས་སྦྲ་ནག་ཚང་།
བཀྲས་མཐོང་བསྟན་འཛིན་རྣམ་རྒྱལ་ལགས།སྐུ་ཚེ་དེ་བོད་མི་རིགས་ལ་ཕུལ་ཞིངཕྱགས་རྗེ་དེ་བོད་སྤྱི་ཚོགས་ལ་འཐིམ་པས་མི་སྣརླབས་ཆེན་ཞིག་ཡིན།ཁོང་གིས་ཆུང་དུས་ནས་རྡོར་གླིང་དུ་སློབ་གྲྭར་འགྲིམས་ཞིང་བོད་དབྱིན་ཧིན་གསུམ་ལ་སྦྱང་བ་ཕུད་དུ་་ཕྱིན་པ་མཛད་།
བཙན་བྱོལ་བོད་མིའི་སློབ་གྲ་ཐོག་མ་སྟེ། མ་སུ་རུ་དབུ་འཛུག་གནང་སྐབས་དབྱིན་ཡིག་དགེ་རྒན་དང་། ཕྱི་རྒྱལ་རོགས་སྐྱོར་ཚོགས་པ་ཁག་གིས་སྐད་བསྒྱུར་གནང་བ་སོགས།
དེ་ལས་མང་བ་། “བཀྲས་མཐོང་བསྟན་འཛིན་རྣམ་རྒྱལ། ཡང་བསྐྱར་ཐེངས་གཅིག་བཤད།” »
ང་ལ་དབང་བའི་མི་དེ་རང་ཉིད་བྱེད་འདོད་ཀྱང་།
བོད། ལྷ་ཀླུ་གཉན་གསུམ་།
དེ་དུས་ནས་བཟུང་ སུ་ཞིག་གིས་འཁྲིད་པ་མི་ཤེས
གང་ལྟར ཕྱིར་ཡོང་མེད་པའི་མི་ཞིག་ལ་ང་རང་གི་སེམས་པ་བྱིན
མི་མཐོང་ས་ཞིག་ནས མི་གཉོབ་ས་ཞིག་ནས
སུས་ཀྱང་རྐང་རྗེས་སྤར་ཡོད་མེད་ལ་ཉམས་མ་བཞག
ལོ་ངོ་མང་བོ་མང་བོ་ཞིག་བུད་ཐལ
ད་དུང་ རྒྱང་རིང་རྒྱང་རིང་གི་ཕྱོགས་ཤིག་ལ་བལྟས
སྐར་མ་གནམ་སྐྱོང་།
ཚེ་རིང་དོན་གྲུབ།
———-
སྐར་མ་གནམ་སྐྱོང་།
ངའི་སྙིང་ཁོངས་སུ་འོད་འཚེར་གྱིན་པའི་སྐར་མ།
ངའི་འཇིག་རྟེན་ལ་འོད་སྣང་སྒྲོན་པའི་སྐར་མ།
ངའི་ཚེ་སྲོག་དང་གཞི་གཅིག་ཏུ་སྣོལ་པའི་སྐར་མ།
ངའི་མི་ཚེ་དང་འཚོ་བ་ལ་ཁ་ཕྱོགས་སྟོན་མཁན་གྱི་སྐར་མ།
སྐར་མ་ཁྱེད་མཁའ་རུ་བདེ་བར་བྱོན་པ་ལེགས་ལ།
གནམ་མཁའ་འདི་ཁྱེད་ཀྱིས་སྐྱོང་ཞིང་དབང་བ་སྐལ་བ་བཟང་།
སྐར་མ་ཁྱེད་སྟོང་ཁམས་སུ་སླེབས་ནས་བཟུང་།
ངས་འཇིག་རྟེན་འདིའི་སྣང་བ་ཚོར་སོང་ལ།
ངས་མི་ཚེ་ཡི་ཁ་ཕྱོགས་རྙེད་སོང་།
ངས་འཚོ་བ་ཡི་དོན་སྙིང་རྟོགས་སོང་།
༸གོང་ས་མཆོག་གི་བཀའ་སློབ་
༸གོང་ས་མཆོག་གིས་དགོངས་དག་ཞུས་འདུག
འཇིགས་མེད་བཀྲ་ཤིས་ཀྱིས།
༄༅།། དེང་སང་བོད་མི་ཚོའི་ཡ་རབས་སྤྱོད་བཟང་ཉམས་བཞིན་པའི་སྐོར་ཕྱི་ནང་གང་སར་གོ་རྒྱུ་རིག་རྒྱུ་ཇེ་མང་དུ་འགྲོ་བཞིན་ཡོད། ཉེ་ཆར་རྒྱ་གར་ལྷོ་ཕྱོགས་སུ་འཚོགས་པའི་བོད་གཞུང་དམངས་རྒྱལ་ཡོངས་ཚོགས་ཆེན་ཐོག་བཀའ་བློན་ཁྲི་པ་མཆོག་གིས་བོད་མིའི་སྤྱི་ཚོགས་ཀྱི་ཉེན་ཁ་ཅན་གྱི་འགྱུར་འགྲོས་ཁག་དྲུག་གསུངས་པའི་ནང་དུ་ཚན་པ་གཅིག་ནི་ “བཟང་སྤྱོད་ཉམས་ཆག” ཅེས་གལ་ཆེན་པོ་བྱས་ནས་གསུངས་ཡོད། ༸གོང་ས་མཆོག་གི་བཀའ་སློབ་སྔ་ཕྱིའི་ནང་ ཡ་རབས་སྤྱོད་བཟང་ནི་བོད་མི་ཚོའི་ཐུན་མོང་མ་ཡིན་པའི་ཁྱད་ཆོས་ཤིག་ཡིན་ཚུལ་ངོ་སྤྲོད་དང་འབྲེལ་བོད་མི་ཚོས་རྒྱུན་དུ་ཡ་རབས་སྤྱོད་བཟང་བྱེད་རྒྱུ་གལ་ཆེན་ཡིན་སྐོར་མ་གསུངས་ས་ཞིག་ཕལ་ཆེར་མེད།
ཡ་རབས་སྤྱོད་བཟང་ཉམས་བཞིན་པའི་རྒྱུ་རྐྱེན་ནི། གཏམ་སྙན་གྲགས་དང་། ཐོབ་གོ་ས། རྒྱུ་ལོངས་སྤྱོད་སོགས་འཐོབ་འདོད་ཀྱི་འདོད་རྔམས་ཇེ་ཆེར་སོང་བའི་དབང་གིས་ཡིན་ཞིང། འདོད་རྔམས་དེའི་ནང་ནས་ཀྱང་གཙོ་བོ་གཅིག་ནི་དཔལ་འབྱོར་འདུ་འགོད་ཆེད་ཕྱི་རྒྱལ་དུ་འགྲོ་འདོད་ཀྱི་འདོད་རྔམས་དེ་ཡིན། ཕྱི་རྒྱལ་དུ་འགྲོ་ཆེད་ཁྱིམ་པ་རྣམས་གྲྭ་པར་རྫུ་བ། གྲྭ་པ་རྣམས་བླ་མར་རྫུ་བ། གསར་འབྱོར་རྣམས་ཆབ་སྲིད་བཙོན་མར་རྫུ་བ། མིང་སྲིང་རྣམས་བཟའ་ཚང་དུ་རྫུ་བ། རྩོམ་མི་ཤེས་མཁན་རྣམས་རྩོམ་པ་པོར་རྫུ་བ་སོགས་ཕྱི་རྒྱལ་དུ་ཐར་ཐབས་ཁོ་ནའི་ཆེད་མགོ་སྐོར་སྐྱག་རྫུན་ག་རེ་བཤད་དགོས་ཀྱང་ཡ་ང་ཐེ་ཚོམ་མེད་པར་བཤད་རྐྱང་བྱེད་ཀྱི་ཡོད་པ་འདིའི་དབང་གིས་དོ་བདག་སོ་སོའི་ཡ་རབས་སྤྱོད་བཟང་ཉམས་པར་མ་ཟད།
བོད་ཀྱི་གདོང་རིས།
པར་བ་དང་སྒྲིག་བཟོ་མཁན་དཔལ་ལྡན་རྒྱལ།
བོད་མིའི་རང་དབང་དང་ཐོབ་ཐང་བརྩོན་ལེན་ཐད་ཀྱི་འཐབ་ཇུས་(Strategy) དང་ལག་བསྟར།
རྡོ་རྗེ་དབང་རྒྱལ། རྒྱལ་བ་རིན་པོ་ཆེ་མཆོག་གི་དབུ་ཁྲིད་འོག་བོད་མི་དམངས་ཀྱིས་ཐོབ་ཐང་དང་རང་དབང་ལས་འགུལ་སྤེལ་ནས་ལོ་༥༠་འདས་ཟིན་པ་རེད། འདས་པའི་ལོ་ངོ་ལྔ་བཅུའི་རིང་བཙན་བྱོལ་བོད་མིས་རྒྱ་གར་དུ་སྲ་བརྟན་གྱི་བོད་མིའི་གཞིས་སྒར་འཛུགས་ཐུབ་ཡོད་པ་མ་ཟད། དམངས་གཙོའི་དམིགས་བརྟེན་གྱི་སྲིད་གཞུང་ཞིག་ཀྱང་བཙུགས་ནས་ཐོག་མའི་ཉམ་ཆུང་བའི་བོད་རང་དབང་གི་ལས་འགུལ་གྱི་མེ་རོ་དེ་བཙན་བྱོལ་སྤྱི་ཚོགས་ནས་ཕྱིར་གཞིས་སྲུང་བོད་ཀྱི་སྤྱི་ཚོགས་ཁྲོད་དར་སྤེལ་གྱིས་ཉམས་གསོ་གནང་ཐུབ་པ་བྱུང་ཡོད་པའི་སྟེང་། ད་དུང་ འདས་པའི་ལོ་ངོ་ལྔ་བཅུའི་ནང་ཧུར་བརྩོན་ཆེན་པོས་བོད་རང་དབང་ལས་འགུལ་གྱི་མེ་རོ་དེ་གཞིས་སྲུང་བོད་ཀྱི་སྤྱི་ཚོགས་ཀྱི་སྟེང་འོག་བར་གསུམ་དང་ཡུལ་ལུང་ཆེ་ཆུང་གར་སར་ཁྱབ་སྤེལ་གནས་ནས་བོད་ཡུལ་ཆོལ་ཁ་གསུམ་དུ་བོད་རང་དབང་གི་མེ་དཔུང་དེ་དཀྱུས་གཅིག་ཏུ་འབར་ནས་དེས་རྒྱལ་སྤྱིའི་བོད་རང་དབང་གི་ལས་འགུལ་ལ་སྐུལ་འདེད་ཀྱི་ཚེ་སྲོག་གསར་བ་སྤྲོད་ཐུབ་ཡོད། (རྩོམ་ཡིག་འདི་ཆ་ཚང་བ་གཤམ་གྱི་འབྲེལ་ཐག་ནས་ PDF བརྒྱུད་ཀློག་རོགས།) strategic-planning_unicode_9
ཚོད་ཚོད་ལ་སྙན་ངག་ཅིག་འབྲི་ན་འདོད།
ཀླུ་སྨྱོན།
དེ་རིང་གནམ་གཤིས་དེ་འདྲ་ཡག་རྒྱུ་མི་འདུག་པས།
ནང་ལ་འཛུལ་ནས་ཇ་རེ་འཐུང་བཞིན་སྙན་ངག་ཅིག་འབྲི་ན་འདོད།
དེ་ཡང་འཆར་གཞི་དང་བཀོད་སྒྲིག་སོགས་གང་ཡང་མེད་པར་ཚོད་ཚོད་ལ་འབྲི་ན་འདོད།
འོ་ན་ཅི་ཞིག་གི་སྐོར་ལ་འབྲི་དགོས་སམ།
ཁ་སང་ཉི་ནུབ་ངའི་མགོ་ཐོག་ནས་རྒྱང་རིང་དུ་འཕུར་སོང་བའི་བྱ་ཁྱུ་དེར་དམིགས་ནས་ཅིག་འབྲི་དགོས་སམ།
ཡང་ན་མདང་དགོང་བརྙན་འཕྲིན་ནང་མཐོང་བའི་ལེ་དབར་ཁྲི་ཕྲག་བརྒལ་ནས་འཚོ་གནས་སྙེག་པའི་བྱ་ཁྱུ་*དེའི་ལས་དབང་གི་སྐོར་ལ་ཅིག་འབྲི་དགོས།
ཡང་མིན་ན་རང་ཉིད་ཀྱང་རྒྱ་མཚོའི་ཕ་རོལ་ནས་འདབ་ཆགས་ཁེར་འཕུར་ཞིག་གི་ཚུལ་གྱིས་གནས་འདིར་བསླེབས་པའི་སྐོར་ལ་ཅིག་འབྲི་དགོས།
ཁོ་གཉིས་ད་དུང་བཀག་གཉེར་བྱས་འདུག
སེར་ཆེན་གྱི་ཟིན་བྲིས་ནས་དྲངས།
བལ་ཡུལ་ནང་གི་ཆབ་སྲིད་ཀྱི་རྙོག་འཛིང་ཆེན་པོ་དང་ཕྱིའི་གནོན་ཤུགས་འདྲ་མིན་ཡོད་རྐྱེན་བལ་ཡུལ་རྒྱལ་ཁབ་ནང་གནས་སྡོད་སྐྱབས་བཅོལ་བོད་མི་ཚོ་ཡང་དཀའ་བསྔལ་མི་མྱོང་བ་ཕྲད་དང་འཕྲད་བཞིན་པ་རེད།བོད་མི་སེམས་ཤུགས་ཅན་ཁོང་གཉིས་ཡིན་ན་ད་ཐེངས་ཀྱི་མང་གཙོའི་དུས་དྲན་ནང་མཉམ་ཞུགས་བྱས་ཏེ་ཁྲོམ་གཞུང་དང་རྒྱ་ནག་གཞུང་ཚབ་ཁང་སོགས་སུ་འཛུལ་ཞུགས་བྱེད་རྒྱུ་ཡིན་པའི་རྟོགས་གཞི་འོག་ནས་འཛིན་བཟུང་བྱེད་པ་ཞིག་རེད།མ་ཟད་བློ་ཡུལ་ལས་འདས་བ་ཞིག་ལ་དགོང་མོ་འཛིན་བཟུང་གི་སྐབས་དེར་བོད་མི་དེ་གཉིས་ལ་ཉེན་རྟོག་པའི་ཉེས་རྡུང་ཤུགས་ཆེན་བཏང་ཡོད་པའི་གནས་ཚུལ་ཡང་ཐོན་ཡོད།ད་དུང་ཁོང་གཉིས་མཆོད་རྟེན་མངའ་ཁུལ་གྱི་ཉེན་རྟོག་བཀག་གཉེར་ཁང་དུ་དམིགས་བསལ་རྒྱུ་མཚན་གང་ཡང་མེད་པ་དང་གཙོ་བོ་ཁྱིམ་ཚང་བསྔོག་བཤེར་སྐབས་བོད་ཀྱི་རྒྱལ་དར་ཞིག་རྙེད་སོན་བྱུང་བ་དང་དེར་ཁོག་བཞག་གིས་ད་ལྟ་ཡང་བཀག་བསྡད་ཡོད་པ་རེད།བོད་མི་དེ་གཉིས་གང་མགྱོགས་གློད་གྲོལ་ཡོང་ཆེད་བོད་མི་དོ་སྣང་ཅན་ཚང་མའི་རྒྱབ་སྐྱོར་དང་ཐུགས་ཁུར་མཉམ་བཞེས་གནང་རོགས།
འགྲོ་བའི་བླ་སྲོག་ལ་འཆི་བ་མེད་ན། བོད་མིའི་འབོད་སྒྲ་ལ་འཇགས་པ་མེད།
བདག་གི་ཆོལ་ཁ་གསུམ།
གཡུ་དྲུག་དཀར། རྡ་ས།
གནམ་སྔོན་པོའི་དཀྱིལ་འཁོར་གཅིག་གི་འོག་དང་། ས་དོག་མོའི་གདན་ཁྲི་གཅིག་གི་ཐོག བདག་གི་ལོ་རྒྱུས་ཀྱི་མཁར་རྫོང་མཐོན་པོ་གཅིག་གི་གཞི་འཛིན་ཏུ་གྱུར་པའི་ཆོལ་ཁ་གསུམ།
རྫ་སྨུག་པོ་གྱེན་ཏུ་འགྲེང་སྟངས་དང་ཆུ་གཙང་བོ་ཐུར་དུ་རྒྱུག་སྟངས། རི་མཐོན་པོ་འཕྲེད་དུ་ཉལ་སྟངས་དང་མཚོ་སྔོན་མོ་རླབས་ཀྱིས་འཁྱིལ་སྟངས་སུ་གྱུར་བའི་ས་རིས་ཀྱི་སྐྱ་ཐིགས་དེ། རང་བྱུང་གི་བགོད་འགྲེམས་ཤིག་ཡིན་ཆོག་ཨང་།
མཛེས་སྡུག ཁྱོད་ད་རུང་ཤི་མི་ཉན།
ཅེན་ནི།(简昵)
ཟླ་བ་གཞོན་ནུས་བསྒྱུར།
མདང་དགོང་གཟིམ་སྦུག་ཏུ་གྲོགས་མཆེད་དག་དང་མཉམ་འཛོམས་ཀྱིས་ཟ་མ་ཟོས་པ་ཡིན། བུད་མེད་ཀྱི་འཇིག་རྟེན་གྱི་བརྗོད་གཞི་ནི་མེད་ས་མི་འགྲོ་བ་ཞིག་རེད། ཅི་ཡིན་གང་ཡིན་མེད་པར། ང་ཚོའི་ཁ་བརྡ་བུད་མེད་ཀྱི་སྐྲ་ལོའི་སྒང་ལ་ཕྱོགས་སོང་། སྐྲ་ལོ་ནས་མགོ་བཙུགས་ཏེ་སྐྲ་ཚོས་བསྒྱུར་བའི་སྐོར་དང་། དེ་ནས་ཡང་ཚོས་སྒྱུར་གྱི་རྫས་ནས་རྒྱུན་དུ་སྐྲ་ཁ་སྒྱུར་བར་ནད་རིགས་འབྱུང་བའི་སྲིད་པ་ཡོད་ཚུལ་སོགས་གླེང་།
དབྱངས་རྟ་ཞིག་གིས་ང་རང་བཙུར་སོང་།
བོད། ལྷ་ཀླུ་གཉན་གསུམ།
ཉན་བཞིན་ཉན་བཞིན་སེམས་པ་དྲགས་དུ་ལྡིང་།།
བསམ་བཞིན་བསམ་བཞིན་མིག་ཆུ་ཆར་དུ་གྱུར།།
བལྟ་བཞིན་བལྟ་བཞིན་ཤ་དང་རུས་པ་འདར།།
ཅི་འདྲའི་ཡིད་འོང་སྟོང་གི་དབྱངས་རྟ་ཞིག།
ཡང་ན་ང་རང་བཟི་ནས་འཁྱོར་བཞིན་འདུག།
དེ་མིན་རླུང་བུ་ཞིག་གིས་འཁུར་གྲབས་འདུག།
མིན་ན་རིགས་ཀྱི་སྙིང་རྩ་རྨས་ཟིན་འདུག།
གང་ལྟར་རང་ཉིད་དགའ་བའི་དབྱངས་ཤིག་རེད།།
སྒྲ་འབྱུང་ཚུལ་དང་དེའི་ཁྱད་ཆོས་།
བཞག་ལྡོམ་དར་རྒྱས་།
འགྲོ་ བ་ཡོངས་འཇིག་རྟེན་འདིར་འཚོ་པར་སྒྲ་ནི་ཧ་ཅང་གལ་ཆེ་བ་ཞིག་ཡིན་ལ་སྒྲའི་དབྱངས་ རྟར་བརྟེན་ནས་ཕན་ཚུན་འབྲེལ་བ་བྱེད་ཀྱིན་ཡོད་ལ་སྒྲ་ལ་བརྟེན་ནས་རླུང་འཕྲིན་ ལས་གསར་འགྱུར་དང་སྙན་འཇེབས་ཆེ་བའི་རོལ་དབྱངས་སོགས་ཉན་ཀྱི་ཡོད་། ད་དུང་འུ་ཚོས་སྒྲ་ལ་བརྟེན་ནས་ཞབས་བྲོ་འང་རྒྱག་གི་ཡོད་། འུ་ཚོས་ཧ་ཅང་མཐོ་བའི་སྒྲ་ཐོས་སྐབས་བློ་བུར་དུ་གཡས་གཡོན་ལ་ལྟ་ཞིང་དེ་ཡིས་འུ་ ཚོའི་བདེ་འཇགས་སུ་རོགས་བྱེད་། ཡིན་ན་ཡང་། སྒྲ་དེ་གང་ཞིག་རེད་།
༢༠༡༠ བོད་ཀྱི་དུས་སྟོན།
ཕྱི་ལོ་ ༢༠༡༠ ཟླ་ ༩ ཚེས་ ༡༠ ནས་ ༡༢ །
ཝི་སོ་ཀོན་སིན་སློབ་གྲྭ་ཆེན་མོ (མལ་ཌི་སིན)
ཝི་སི་ཀོན་སིན་བོད་མིའི་སྤྱི་མཐུན་ཚོགས་པ་དང་ཝི་སི་ཀོན་སིན་སློབ་གྲྭ་ཆེན་མོའི་ཨེ་ཤི་ཡ་ལྷོ་མའི་སྡེ་ཚན་ཐུན་མོང་གིས་གོ་སྒྲིག་སྦྱིན་བདག་བྱས།
ཕྱི་ལོ་ ༢༠༡༠ ཟླ་ ༩ ཚེས་ ༡༠ ། རེས་གཟའ་པ་སངས།
དབུ་འབྱེད་མཛད་སྒོ་དང་དཀྱིལ་འཁོར་བཞེངས་སྐྲུན་འགྲེམས་སྟོན། མེ་མོ་རིལ་ དབྱི་ནུན་གྱི་ཨོལ་ཌི་མལ་ཌི་སིན་ཁང་མིག (Old Madison Room, Memorial Union)
