རས་པ།
འུར་འུར་ཟང་ཟིང་གི་མཚན་ནག་ཅིག་ཏུ
སུ་ཞིག་གིས མེ་མདའ་འཁུར་ཏེ་འགྲུལ་བཞུད་ལ་ཞུགས་དགོས་བྱུང་བའི
ནང་བའི་དགེ་སློང་ཞིག་གི་སྐྱོ་ལྷང་ལྷང་གི་ཐུགས་གཤིས་དེ་འཆད་ཤེས་སམ
བདག་གིས་ལེ་བདའ་ཅི་ཡང་མེད་པར་བུ་ཆུང་ལ་གཏམ་རྒྱུད་འདི་བཤད་པར་ཉིན་རེ་བཞིན་སྒུག་ཡོད
ལས་ངན་གྱི་གུས་པས་ཡ་མཚན་པའི་གཏམ་རྒྱུད་འདི
སྐྱེས་ནས་རྒྱུན་རིང་ཞིག་ཏུ་ཚོར་མེད་ཅིང
རླབས་ཆེ་བའི་གདམས་ག་འདིར་ཡུན་རིང་བོར་ངེས་ཤེས་སྐྱེས་ཐུབ་མེད
ཚྭ་རུ་མ་ཐབས་མཁས་ཀྱིས། རྡ་ས།
༼རང་རེའི་རྒྱལ་རྟགས་ངོས་གསར་དུ་བྲིས་པའི་ཚིག་རྐང་ལས་འཕྲོས་པའི་རང་གི་བསམ་ཚུལ་ཁ་བརྡ་བྱས་པ།༽
རང་རེའི་བོད་གཞིས་བྱེས་གཉིས་གཞན་གྱི་བཙན་གནོན་འོག་དང་། གཞན་ཡུལ་དུ་བཙན་བྱོལ་དུ་ཡོད་པའི་དེང་སྐབས་ཀྱི་གནས་བབ་ཡ་ང་བའི་ངང་ཡོད་པ་བདེན་པ་རེད། བོད་ནང་དུ་རང་རེའི་ཕ་ས་ཕ་ཡུལ་གྱི་ས་སྟེང་ས་འོག་ཡོད་ཚད་སྔོག་འདོན་དང་། གཅོད་གཏུབ་ཀྱིས་ཕྱི་ནང་བསློགས་ཤིང་རྩད་མེད་བཟོས་དང་བཟོ་བཞིན་པའང་བདེན་པ་རེད། འུ་ཅག་གི་ཕ་མ་སྤུན་ཟླ་ཐམས་ཅད་ལ་ལུས་འགྲོ་འདུག་གི་རང་དབང་། ངག་སྨྲ་བརྗོད་ཀྱི་རང་དབང་། ཡིད་དད་གུས་ཀྱི་རང་དབང་སོགས་རང་དབང་ཡོད་ཚད་གཞན་དབང་འོག་ཚུད་ནས་ཆུ་ཚོད་ཉེར་བཞིའི་རིང་འཛེམས་དོགས། འཇིགས་སྐྲག་ངང་ལུས་བཙོན་དུ་ཚུད་ཅིང་སེམས་དམྱལ་བར་ལྷུང་ནས་ཡོད་པ་ཡང་ཧ་ཅང་བདེན་པ་རེད།
ཐེ་བོ་ཤེས་རབ་རྒྱ་མཚོ།
ཤེས་རབ་ཀྱི་འོད་སྣང་ལས་མཆེད་ཅིང་མེ་དཔུང་ལྟ་བུའི་དཔེ་དེབ་ནི་ད་གཟོད་ཤེས་རྨོངས་ཀྱི་གྲོག་རོང་ལས་བརྒལ་བའི་རྐང་ཟམ་ངོ་མ་ཞིག་སྟེ། ཡོད་ཚད་ཀྱི་ཡོད་ཚད་ཉམས་རྒུད་ཀྱི་མུན་དོང་ནང་ཐུར་ནས་ཐུར་དུ་ཟགས་བཞིན་པའི་མི་རིགས་ཤིག་ལ་མཚོན་ན། དཔེ་དེབ་དེའི་རིགས་ནི་ངེས་པར་དུ་བཀླག་དགོས་ངེས་ཤིག་ཡིན་ལ། མ་བཀླགས་ཚད་མེད་ཀྱི་དཔེ་ཆ་ཞེས་པ་ཡང་དཔེ་ཆ་དེའི་རིགས་ལ་ཟེར་བ་ཡིན་ན་ཧ་ཅང་འོས་འཚམ་ཡིན།
གཤམ་ནས་བདག་གིས་སྐུ་ཞབས་རེ་མདོ་སེངྒེ་ལགས་ཀྱི་དཔྱད་བརྗོད་དེབ་འཕྲེང་གསུམ་པ་《བོད་ཀྱི་ཤེས་ཡོན་ལམ་ལུགས་དང་སྲིད་བྱུས》 ཀྱི་ལྗིད་ཁོག་ཐད་ནས་སྐད་ཆ་ཚིག་ཀ་གཅིག་བཤད་འདོད་བྱུང་། ཁོང་ནི་རིག་གནས་དགག་སྒྲུབ་ཐད་བོད་ཕྱི་ནང་གཉིས་ཆར་ཤུགས་རྐྱེན་མི་ཆུང་བའི་གཞོན་སྐྱེས་རྩོམ་པ་པོ་ཞིག་ཡིན་ལ། ཉེ་ཆར་ྋགོང་ས་མཆོག་གི་སྐུའི་འཁྲུངས་སྐར་ཉིན་ཁོང་གི་དཔྱད་བརྗོད་བརྩམས་ཆོས་དེབ་ཕྲེང་གསུམ་པ་
ཚེ་རིང་རྒྱལ།
ད་ཐེངས་ཨ་རིའི་གསུང་ཆོས་སྐབས་དུས་དབང་གོ་སྒྲིག་ཚོགས་གཙོ་སྐལ་ལྡན་བློ་གྲོས་ཀྱིས་བཙན་བྱོལ་བོད་གཞུང་ཞེས་འཁོད་པའི་སྟོད་གོས་འཚོང་མི་ཆོག་པའི་བཀའ་རྒྱ་དང་འཇིགས་སྐུལ་བཏང་འདུག དེ་ནི་དངོས་གནས་ཡིད་སྐྱོ་བའི་གནས་ཚུལ་ཞིག་རེད། སྤྱིར་བཏང་ལོ་རྒྱུས་ཐོག་བོད་རང་བཙན་གཙང་མ་ཡིན་པར་མ་ཟད་རྡ་སའི་མང་གཙོ་ཀ་བ་གསུམ་ལྡན་གྱི་སྲིད་གཞུང་དེ་བོད་མི་ས་ཡ་དྲུག་གི་ཁྲིམས་མཐུན་གྱི་གཞུང་ངོ་མ་དེ་རེད།
བོད། ལྷ་ཀླུ་གཉན་གསུམ།
ལྔ་བཅུ།
ཡུན་རིང་ཞིག་ཟེར་ན་ཆོག དུས་ཚོད་ཐུང་ཐུང་ཞིག་ཟེར་ན་འགྲིག་གི་ཡོད། གང་ལྟར། རྒྱ་གར་དུ་སློབ་སྤྱོང་བྱེད་བཞིན་པའི་ང་རང་གི་ནུ་མོ་ལྷ་མོ་སྐྱིད་དང་ཁ་གྱེས་དེ་ཟླ་ངོ་གསུམ་ལྷག་གི་རྗེས་སུ་ངས་ཁོ་མོ་ལ་ཁ་པར་བརྒྱུད་ནས་ཁོ་མོ་ལ་ཁ་བརྡ་བྱས་པ་ཡིན་ལ། རྗེས་སུ་གངས་མཚོ་མོ་རང་གིས་ཁ་བརྡ་མི་ཉུང་བ་ཞིག་བྱས་ནས་བསྡད་སོང་། ༡༡།༡༢།༠༨
ལས་ཀའི་དབང་གི་ཟེར་ན་འགྲིག ཁོམ་པ་དང་བསྟུན་ནས་ཟེར་ན་ཆོག ཞི་བདེའི་གཟེངས་རྟགས་ཀྱི་ཉིན་མོ་ཏག་ཏག་ལ་སྲུང་བརྩི་བྱེད་མ་ཐུབ་པར། དེ་རིང་འདི་ཁུལ་ནས་བོད་རིགས་སྤུན་ཟླ་ཁ་ཤས་ཀྱི་ལྷན་འཛོམས་དུ་བློ་དོན་བཟའ་མི་གསུམ་གྱི་ནང་དུ་འཛོམས་དུས་བཟོས་པ་ལྟར། ང་དང་གངས་མཚོ་གཉིས་ཀྱང་དེ་རུ་བཅར། བོད་མི་དྲུག་དང་སྐྱེ་དམན་གཉིས་བཅས། ཞི་བདེ་གཟེངས་རྟགས་བཞེས་ནས་ལོ་ངོ་བཅུ་དགུ་འཁོར་བར་སྲུང་བརྩི་བྱས།
སྙན་བཟང་གཡུང་དྲུང་ཚེ་རིང་།
སྡུག་བསྔལ་རྒྱ་མཚོར་བྱིང་བའི་ལུས་ཅན་འགྲོ།།བདེ་ཆེན་ལམ་དུ་འགོད་པའི་འདྲེན་པ་རྗེ།།ཤར་གདོང་བློ་བཟང་བཤད་སྒྲུབ་རྒྱ་མཚོ་ལ།།མི་ཕྱེད་དད་པའི་ལན་མང་གསོལ་བ་འདེབས།།མདོ་ཁམས་གཡར་མོ་ཐང་གི་འགྲོ་རྣམས་ཀྱིས།།བསོད་ནམས་ཡོལ་གོར་བསྐྱིལ་བའི་ལྷ་ཡི་མཚོ།།རྟེན་འབྱུང་རླུང་ཤུགས་དཀར་པོའི་ཉེར་བསྲུབས་པས།།གང་སྐུ་ཟླ་གཞོན་ལྗོངས་འདིའི་རྒྱན་དུ་བཞད།།ཟླ་བཞིན་དཀྱིལ་འཁོར་རྫོགས་པའི་བཞིན་རས་ལ།།སྔོན་སྨོན་སྟོང་གི་ཆབ་ཀྱིས་ཁྲུས་བྱས་པའི།།སྙིང་རྗེའི་འཛུམ་དཀར་གཡོ་བའི་རྣམ་འཕྲུལ་གྱིས།།ས་གསུམ་སྐྱེ་དགུའི་སྙིང་ལ་བདེ་དགའ་བསྐྲུན།།ཁ་གྱ་འཇམ་དབྱངས་དཔལ་གྱི་བཞུགས་ཁྲི་ལ།།བྱས་བསགས་གནམ་གྱི་རྒྱལ་མོའི་རྒྱས་བཏབ་པས།།གང་སྐུ་མཛེས་པའི་རྒྱན་དུ་མངོན་བཞུགས་ཏེ།།རྒྱལ་བསྟན་གདུགས་ཆེན་དཀར་པོ་མཁའ་ལ་བསྒྲེངས།།འདྲེན་མཆོག་བློ་བཟང་བསྟན་པའི་ཞབས་སྐྱེས་རྡུལ།།
ཀླུ་སྨྱོན།
དྲ་གྲོགས་བསམ་པ་དང་ཤར་རལ་གྲི་ལགས། ཉིད་རྣམ་གཉིས་སོགས་ཀྱིས་གཟའ་འཁོར་གཅིག་ལྷག་གི་སྔོན་དུ་ཁོ་བོས་ཕུག་རོན་ནད་པ་ཞིག་བརྗོད་བྱར་བྱས་ཏེ་འཁྲབས་པའི་སྙིང་རྗེའི་གར་ཆུང་དེར་བལྟས་རྗེས། ཁོ་བོས་སྐྱེ་རྒུའི་ས་ཡོམ་སོགས་ཀྱི་སྐབས་སུ་བོད་ལ་ཕན་པའི་ལས་ཀ་གང་དང་གང་བྱས་ཞེས་སྤྱིར་ན་དུས་རྟག་ཏུ་རང་གི་གདོང་ལ་འཛུག་དགོས་པའི་མཛུབ་མོ་སྦོམ་པོ་དེ་ངའི་གདོང་ལ་བཙུགས་ནས་བཀའ་འདྲི་གནང་བྱུང་བར་ལན་ཉུང་ཉུང་ཞིག་འབུལ་ཆོག་པ་སྟེ། སྐྱེ་རྒུའི་ས་ཡོམ་གྱི་སྐབས་ང་རང་གནས་སྡོད་ས་འདིའི་བོད་རིགས་ཚོས་ཞག་ཞེ་དགའི་ རིང་ལ་བདུན་ཚིགས་རེ་རེ་བཞིན་བཟང་སྤྱོད་སྨོན་ལམ་དང་མ་ཎི་སྒྲོལ་མ་སོགས་བཏོན་ པ་ཡིན། ཞི་བའི་ངོ་རྒོལ་དང་རྔ་བའི་རང་ལུས་མེར་བསྲེགས་སོགས་ཀྱི་སྐབས་སུ་དེ་བཞིན་ཞག་ ཞེ་དགུའི་རིང་བདུན་ཚིགས་རེ་རེ་བཞིན་བོད་རིགས་གང་ཐུབ་ཐུབ་ཅིག་མཉམ་འཛོམས་ ཀྱིས་བཟང་སྤྱོད་སྨོན་ལམ་དང་མ་ཎི་སོགས་བསགས་པ་ཡིན། རྗེས་སུ་ཨ་རིར་གནས་སྡོད་ས་གནས་གང་སའི་བོད་མི་ཚོར་སྐད་ཆ་འདྲི་དུས་མཉམ་དུ་ འཛོམས་ནས་སྨོན་ལམ་བཏོན་པ་མང་པོ་ཞིག་འདུག་ཀྱང་ཞེ་དགུའི་རིང་བདུན་ཚིགས་རེ་རེ་ བཞིན་བོད་རིགས་མཉམ་འཛོམས་ཀྱིས་སྨོན་ལམ་བཏོན་པ་ཞིག་ང་ཚོའི་ས་གནས་འདི་ལས་གཞན་ དུ་ཡོད་ཚུལ་གོ་མ་སོང་།
དེ་ལས་མང་བ་། “ཕུག་རོན་ནད་པ་ཞིག་དང་ངའི་"སྙིང་རྗེའི་འཁྲབ་སྟོན་"ལས་འཕྲོས་པ།” »
ཚེ་རིང་རྒྱལ།
འཛམ་གླིང་གི་མང་གཙོའི་འཕེལ་རིམ།
འཛམ་གླིང་གི་མང་གཙོའི་འཕེལ་རིམ་ནི་དུས་སྐབས་ཀྱིས་གསུམ་དུ་དབྱེ་རིགས་པ་སྟེ།
ཐོག་མའི་འགོ་འཛུགས་དང་། བར་གྱི་འཕེལ་རྒྱས། ཉེ་རབས་ཀྱི་མང་གཙོའི་རྣམ་པའོ།
༡ ༽ མང་གཙོའི་ཐོག་མའི་བྱུང་རིམ།
གླིང་འདིའི་ཆེས་ཐོག་མའི་མང་གཙོ་ནི་སྤྱི་ལོའི་སྔོན་གྱི་དུས་རབས་དྲུག་པའི་ནང་༼ ༥༠༨༽གྷི་རིག་༼ Greek ༽རྒྱལ་ཁབ་ནས་འགོ་ཚུགས་ཤིང་རོ་མན་རྒྱལ་ཁབ་ནས་རིམ་གྱིས་འཕེལ་རྒྱས་བྱུང་ཡོད་པ་རེད།
ཀ༽ སྐབས་དེའི་གྷི་རིག་མི་མང་ནི་སྒེར་གཅོད་ཅན་གྱི་སྲིད་གཞུང་དང་ཧ་ཅང་ཡིད་སྐྱོ་བའི་གནས་སྟངས་མང་པོའི་འོག་འཚོ་བ་དང་རིམ་བཞིན་འགྱུར་བ་ཞིག་འགྲོ་རྒྱུར་རེ་བ་བྱེད་བཞིན་ཡོད།
བོད། ལྷ་ཀླུ་གཉན་གསུམ།
ལྔ་བཅུ།
ཡུན་རིང་ཞིག་ཟེར་ན་ཆོག དུས་ཚོད་ཐུང་ཐུང་ཞིག་ཟེར་ན་འགྲིག་གི་ཡོད། གང་ལྟར། རྒྱ་གར་དུ་སློབ་སྤྱོང་བྱེད་བཞིན་པའི་ང་རང་གི་ནུ་མོ་ལྷ་མོ་སྐྱིད་དང་ཁ་གྱེས་དེ་ཟླ་ངོ་གསུམ་ལྷག་གི་རྗེས་སུ་ངས་ཁོ་མོ་ལ་ཁ་པར་བརྒྱུད་ནས་ཁོ་མོ་ལ་ཁ་བརྡ་བྱས་པ་ཡིན་ལ། རྗེས་སུ་གངས་མཚོ་མོ་རང་གིས་ཁ་བརྡ་མི་ཉུང་བ་ཞིག་བྱས་ནས་བསྡད་སོང་། ༡༡།༡༢།༠༨
ལས་ཀའི་དབང་གི་ཟེར་ན་འགྲིག ཁོམ་པ་དང་བསྟུན་ནས་ཟེར་ན་ཆོག ཞི་བདེའི་གཟེངས་རྟགས་ཀྱི་ཉིན་མོ་ཏག་ཏག་ལ་སྲུང་བརྩི་བྱེད་མ་ཐུབ་པར། དེ་རིང་འདི་ཁུལ་ནས་བོད་རིགས་སྤུན་ཟླ་ཁ་ཤས་ཀྱི་ལྷན་འཛོམས་དུ་བློ་དོན་བཟའ་མི་གསུམ་གྱི་ནང་དུ་འཛོམས་དུས་བཟོས་པ་ལྟར། ང་དང་གངས་མཚོ་གཉིས་ཀྱང་དེ་རུ་བཅར། བོད་མི་དྲུག་དང་སྐྱེ་དམན་གཉིས་བཅས། ཞི་བདེ་གཟེངས་རྟགས་བཞེས་ནས་ལོ་ངོ་བཅུ་དགུ་འཁོར་བར་སྲུང་བརྩི་བྱས།
བསྟན་འཛིན་དགེ་ལེགས།
ད་ལམ་ཨ་རིའི་རྒྱལ་ས་ཝ་ཤིང་ཊྲོན་དུ་༧རྒྱལ་བ་ཡིད་བཞིན་ནོར་བུའི་སྐུ་མདུན་ནས་དཔལ་དུས་ཀྱི་འཁོར་ལོའི་དབང་ཆེན་ཐོབ་པ་ནི་ངའི་ཚེ་འདིར་སྐལ་པ་བཟང་ཤོས་ཤིག་ ཡིན། དེའི་སྐབས་དགའ་འོས་པའི་བྱ་བ་དང་། བློ་ཕམ་དགོས་པའི་བྱ་བའང་མང་དག་ཅིག་འདུག །
དེ་ལས་མང་བ་། “༄།༅། དུས་འཁོར་དབང་ཆེན་དང་དེའི་སྐབས་ཀྱི་མཐོང་ཐོས།།” »
གངས་རྡེའུ།
བོད་འདི་ཇེ་ཆུང་ནས་ཇེ་ཆུང་དང་རྒྱ་འདི་ཇེ་ཆེ་ནས་ཇེ་ཆེ་རེད་ཟེར་བའི་བོད་ཕྱི་ནང་གཉིས་སུ་བོད་ཀྱི་རིག་གཞུང་དང་ཤེས་ཡོན་སྲིད་བྱུས་ཇེ་ལེགས་དང་། སྐད་ཡིག་ཉམས་ཆགས་སླར་གསོ་སོགས་ཀྱི་ཆེད་དུ། ཕྱི་ནང་གཉིས་སུ་ལས་འགུལ་རིམ་པ་གང་མང་སྤེལ་བཞིན་ལྟར། ལྷག་དོན་བོད་ནང་དུ་བགྲོ་གླེང་གཏམ་བཤད་དང་། ཐ་སྙད་གསར་བཟོ་གང་གི་ཆ་ནས་འགྲིག་འདུག་པ་ཀུན་ཤེས་རེད། ཡིན་ན་ཡང་། ཡིད་སྐྱོ་བ་ཞིག་ལ་བྱེས་འབྱོར་བོད་ཀྱི་སློབ་གྲྭ་ཆེ་ཆུང་དང་གྲྭ་ས་ཆེ་ཆུང་བླ་མ་མྱི་ཆེན་ཐ་ན་རླུང་འཕྲིན་དང་བརྙན་འཕྲིན་ཁང་ན་ཡང་། ར་མ་ལུག་གི་སྐད་རྒྱ་ཁྱབ་ཆེ་རུ་ནས་ཆེ་རུ་འགྲོ་བཞིན་འདུག དཔེར་ན་། ཁ་སང་ཨ་རིའི་voaབརྙན་འཕྲིན་ཀུན་གླེང་གི་མདོ་འཛིན་པ་བསོད་ནམས་དབྱངས་འཛོམས་ལགས་ཀྱིས་ཨ་རིའི་ཝ་ཤིན་ཏྲོན་གྱི་༸་གོང་ས་མཆོག་གི་འཁྲུང་སྐར་མཛད་སྒོའི་གནས་ཚུལ་ཐད་གཏོང་ལེན་ཚན་ནས་འདི་ལྟར། “དེ་རིང་སྐུ་མདུན་གྱི་འཁྲུངས་སྐར་ལ་མི་གང་མང་སླེབས་བཞིན་འདུག ད་ནངས་ཞོགས་པ་སྔ་མོ་ནས་མི་མང་པོ་བྷ་སུ་(Bus) ཞོན་ནས་སླེབས་ཀྱིན་འདུག”
ཚེ་རིང་སྐྱིད་།
སྙིང་ཉེ་བའི་གྲོགས་མོ་གངས་སྒྲོན་ལགས།
ངས་ཁ་པར་ལག་ཏུ་བཟུང་ཏེ་ཡང་ཡང་དུ་མིང་ཐོ་བརྡ་རྟགས་གནོན་གྲབས་བྱེད་ཀྱང་ངས་ཁྱེད་ལ་ཁ་པར་གཏན་ནས་གཏོང་མི་ཕོད་ལ། དོན་དག་འདི་ང་ལ་མཚོན་ན་ཧ་ཅང་གློ་བུར་བ་ཞིག་ཡིན་པ་མ་ཟད་། ངས་འཆར་ཡན་ཁྲོད་ནས་མ་སྐྱེས་པའི་བྱིས་པ་དེར་ཉོས་པའི་གྱོན་ཆས་རྣམས་ཀྱང་ག་ལེར་མིག་ལམ་ནས་མོག་མོག་ཏུ་གྱུར་སོང་།-དུས་འཁོར་དབང་ཆེན་གྱི་ཆེད་དུ་རྡ་རམ་ས་ལའི་རྣམ་རྒྱལ་གྲྭ་ཚང་ནས་ཕེབས་པའི་དགེ་མདུན་པ་ཚོ་ཕྱིར་རྒྱ་གར་ལ་ལོག་འགྲོ་གིན་ཡོད་པས། ངས་ཁོང་ཚོའི་ལག་ཏུ་སྐུར་བར་འདོད་པའི། བྱིས་པ་དམར་རྗེན་ལ་མཁོ་བའི་རས་གདན་ཁྲ་ཁྲ་དེ་དང་ལོ་གཅིག་དང་ལོ་གཉིས། ལོ་གསུམ་ཅན་བཅས་ལོ་རེ་རེ་ཡི་གྱོན་ཆས་ཆ་ཚང་བ་རེ་ཉོས་ཡོད་པ་རྣམས་ལས་ཁུངས་སུ་ཁྱེར་ནས་ཡོང་ཡོད་ཀྱང་། དེ་རིང་ཞོགས་པ་དྲ་ཐོག་ནས་གློ་བུར་དུ་འབྲུག་བྷེ་དང་འཕྲད་བྱུང་ལ།
བོད། ལྷ་ཀླུ་གཉན་གསུམ།
ཞེ་དགུ
ཁ་སང་ཕྱི་དྲོ་ང་དང་གངས་མཚོ་གཉིས་མོ་རང་གི་གྲོགས་མོ་སྒྲ་ཝས་ཀྱི་སྐྱེ་སྐར་དུས་སྟོན་ལ་སྐད་བཏང་བ་ལྟར། ངས་ལམ་སྐབས་ནས་ཟ་བའི་ཟ་མ་ཁ་ཤས་ཤིག་བཟོས་པ་དང་། ང་ཚོ་རྗོ་སུ་ལམ་ནས་རྒྱལ་ཁབ་འདིའི་ལྷོ་ཕྱོགས་མེས་རྩེ་ཕེས་ར་མོན་ཟེར་བའི་ས་ཆ་འདིར་ཡོང་བ་ཡིན། ས་ཁུལ་འདི་ཡི་ཡུལ་ལྗོངས་ནི་རྩྭ་མེད་པའི་ཐལ་འདོག་གི་གྲོང་ཞིག་རེད། ཕར་བལྟས་ན་རི་བོ་མཐོང་ཚད་ལ་རི་བྲག་རེད་ལ། རི་བོ་དེ་དག་གིས་མཐོང་དུས་དམིགས་སུ་བཀར་ནས་རང་ཡུལ་གྱི་ཡུལ་ལྗོངས་མཛེས་ཤིང་ལྟ་ན་སྡུག་པ་དེ་དག་དྲན་དུ་འཇུག དངོས་ནས་ཐལ་འདོག་གི་ཡུལ་ལྗོངས་འདིས་སེམས་ཁོང་དུ་སྐྱོ་སྣང་ཞིག་ལྷོད་ཀྱིས་དྲངས་དེ་འོང་གི
འཇམ་དབྱངས་བསྟན་དར་ནས།
༄༅།།རྣོན་པོའི་རྣམ་དཔྱོད་མདོ་རྒྱུད་ཉིང་ཁུས་ཚིམས།།
སྙོམས་པོའི་བྱམས་བརྩེས་འགྲོ་ཀུན་བདག་གིར་བཞེས།།
ཞི་བའི་ལམ་སྟོན་སྲིད་པའི་མིག་གཅིག་པུ།།
ངེས་དོན་བླ་མ་གངས་རིའི་མགོན་དེས་སྐྱོངས།།
༡ རྗེ་འབངས་ཀྱི་འབྲེལ་བ་གསེར་ནག་གི་མདུད་པ།
གངས་རི་ཤེལ་གྱི་མེ་ཏོག་གིས་ཁོར་ཡུག་མཛེས་པར་བརྒྱན་པའི་རང་ཅག་ཁ་བའི་ཡུལ་གྱི་སྣོད་བཅུད་དར་རྒུད་དམ་ཆགས་འཇིག་གནས་གསུམ་གྱི་བྱུང་བ་གང་ཡིན་ན་ཡང་རྒྱུ་རྐྱེན་རྟེན་འབྲེལ་གྱི་ཚོན་སྣ་མང་པོ་ཞིག་གིས་གྲུབ་པའི་རི་མོ་ཡིན་པ་ལས་སྣ་གཅིག་རྐྱང་བས་འབུར་དོད་དུ་བྱུང་བ་ཞིག་ག་ལ་ཡིན། ལར་ནས་ཕྱི་སྣོད་ཀྱི་བཀོད་པའི་གྲུབ་ཆའི་རྡུལ་ཕྲན་རེ་རེའི་སྒྲིག་རིམ་མི་འདྲ་བ་དང་། ནང་བཅུད་ཀྱི་སེམས་ཅན་རེ་རེའི་ལུས་ཕུང་གི་བཟོ་དབྱིབས་མི་འདྲ་བ་སྣ་ཚོགས་ཤིག་ཡོད་པ་འདི་ལ་རང་རང་གི་ཐུང་མོང་མ་ཡིན་པའི་རྒྱུ་རྐྱེན་བྱེ་བྲག་པ་ཞིག་གི་ཤུགས་རྐྱེན་ངེས་པར་ཚང་དགོས་
དེ་ལས་མང་བ་། “གནས་ལུགས་བདེན་པ་ལ་འཇུས་པའི་ལྟ་གྲུབ་ཀྱི་རྣོ་དབལ།” »
འདི་ཟླའི་ཚེས་ ༡༥ ཉིན་རྔ་པ་ཀིརྟི་དགོན་པའི་གྲྭ་བློ་བཟང་མཁས་གྲུབ། རང་ལོ་ ༣༩ ཡིན་པ་ཁོང་དང་། རྔ་ཀིརྟི་དགོན་པའི་གྲྭ་བློ་བཟང་རྒྱ་མཚོ། རང་ལོ་ ༣༦ ཙམ་ཡིན་པ་གཉིས་ལ་ལོ་ ༣ རེའི་བཙོན་འཇུག་ལོ་ཐག་བཅད་ཡོད་འདུག། དེ་ཡང་བློ་བཟང་མཁས་གྲུབ་ནི་ད་ལོའི་ཕྱི་ཟླ་ ༥ ཚེས་ ༤ ལ་དགོན་པའི་ནང་ནས་འཛིན་བཟུང་གིས་བཀག་ ཉར་བྱས་ཤིང་། ཁོང་གི་ཕ་ཡུལ་ནི་རྔ་པ་རྫོང་ཕྱུགས་ལས་འགབ་མའི་ཐོས་ལི་ཚང་ཞེས་པ་ཡིན་ལ། ཕ་མིང་ལ་ཐོས་ལི་ཟེར་བ་ཡིན།
དེ་ལས་མང་བ་། “ཕྱི་ ལོ་ ༢༠༡༡ ཟླ་ ༧ ཚེས་ ༡༩ ཉིན་འབྱོར་བའི་ཨ་མདོ་རྔ་པའི་གནས་ཚུལ་ཁག་ཅིག” »
མི་ནག་ཚང་ལུང་རིགས་རྒྱལ།
ཕྱི་ཚེས་ ༡༩ ཉིན་པེ་ཅིན་གྱི་བཀོད་ཁྱབ་འོག་ལྷ་སའི་སྲང་ལམ་དང་གྲོང་འདབ་ཁག་དམག་མིས་བསྐོར་ཞིང་། བོད་ཞི་བའི་བཅིངས་འགྲོལ་བཏང་སྟེ་ལོ་ ༦༠ འཁོར་བ་ཞེས་པའི་ཆབ་སྲིད་འཁྲབ་སྟོན་ཞིག་གི་ཡོལ་བ་བཙན་གྱིས་ཕྱེ། སྐབས་དེར་གདོང་ན་འཛུམ་མདངས་མེད་ཅིང་། བདེ་སྐྱིད་ཀྱི་ཉམས་འགྱུར་ཡོངས་སུ་ཤོར་བའི་བོད་རིགས་སྐོར་ཞིག་གི་ཞབས་བྲོ་འགའ་རེ་ཡང་བརྒྱུད་ལམ་ཁག་ཏུ་བསྟན།
སྐབས་འདིར་ང་ཚོའི་མིག་ལམ་ལ་འཆར་ཡོང་བ་ནི་སྔོན་ཆད་ཁོང་ཚོས་འཁྲབ་མ་ཐུབ་པའི་འཇིགས་རུང་གི་འཁྲབ་ཚན་གཞན་ཞིག་ཡིན།
༼ཡོང་ཁུངས། བོད་ཀྱི་བང་ཆེན།༽
དྲི་བ། ཆབ་སྲིད་ཀྱི་རྣམ་པ་མངོན་རིགས་མི་འབྱུང་བའི་གྲོས་ཆོད་དགོངས་དོན་བཞིན། གཞོན་ལྷན་ཚོགས་གཙོར་གསལ་བཤད་རེ་སྐུལ་ཞུས་ཀྱང་ནུས་པ་མ་ཐོན་སྐོར་གསུངས་འདུག་པས། དེ་ག་འདྲ་ཡིན་ནམ།
ལན། གོ་སྒྲིག་ཚོགས་ཆུང་གིས་དེ་རིང་གསལ་བསྒྲགས་ནང་བཀོད་པའི་ནང་དོན་དེ་ནི། རང་སྐྱོན་འགེབས་ཆེད་བཤད་པའི་སྐད་ཆ་གསར་པ་ཞིག་རེད། གང་ལགས་ཞེ་ན། ཐོག་མར་དུས་དབང་གཏན་འཁེལ་བ་ནས་བཟུང་ང་ཚོས་གོ་སྒྲིག་ཚོགས་ཆུང་ལ་ཡིག་ངག་གཉིས་ཐོག་ནས་ཚོང་ར་ཞིག་གནང་སྐྱོང་ཡོང་བའི་འབྲེལ་བ་རིམ་པས་ཞུས་སྐབས། ཆབ་སྲིད་ཀྱི་རྣམ་པའམ་ཆབ་སྲིད་རང་བཞིན་གྱི་ཅ་དངོས་བཙོང་མི་ཆོག་པ་ཟུར་ཙམ་ཡང་གསུངས་མྱོང་མེད་པ་མ་ཟད། དེ་བས་ཀྱང་ཁྲོམ་ས་ལེན་མཁན་ཚོར་བཀྲམ་པའི་ཁྲོམ་སའི་ལམ་སྟོན་ཡིག་ཆ་ཞིག་ང་ཚོར་ཕྱི་ཟླ་༤ ཚེས་༡ ཉིན་བཏང་འབྱོར་བྱུང་བ་དང༌། དེ་བཞིན་ཁྲོམ་སའི་ལམ་སྟོན་ཡིག་ཆ་དོན་ཚན་༡༣ ད་ལྟ་ཡང་དུས་དབང་དྲ་རྒྱའི་ནང་ཡོད་བཞིན་པ་བཅས་ཡིག་ཆ་དེ་གཉིས་ཀའི་ནང་དུ་ཡང་ཆབ་སྲིད་རང་བཞིན་གྱི་ཅ་དངོས་བཙོང་མི་ཆོག་ཟེར་བའི་དོན་ཚན་ཟུར་ཙམ་ཡང་བཀོད་མེད་པས། ད་ལྟ་ཁོང་ཚོས་གསལ་བསྒྲགས་ནང་ཆབ་སྲིད་ཀྱི་རྣམ་པ་མངོན་རིགས་མི་འབྱུང་བའི་གྲོས་ཆོད་དགོངས་དོན་ཟེར་བ་ནི། འུག་པའི་རྫུན་དྲུག་བཤད་པའི་གཏམ་རྒྱུད་ལྟར་སྔོན་རྗེས་ལྷུ་མི་ཐུག་པའི་སྐད་ཆ་ཞིག་རེད་ལ།
དེ་ལས་མང་བ་། “བཙན་བྱོལ་བོད་གཞུང་ཞེས་འཁོད་པའི་སྟོད་གོས་དེ་ལ་ཐུག་འདུག” »
བོད། ལྷ་ཀླུ་གཉན་གསུམ།
སྤྱིར་འགྲོ་བ་མི་མང་བོ་ཞིག་སྐྱེ་བ་ནས་འཆི་བ་ནི་ལྡོག་དུ་མེད་པའི་ཆོས་ཉིད་དུ་འཁུམ་པ་ཡིན་དུས། སྐྱེ་ནས་འཆི་བ་མཐོ་གོང་མ་རྒྱལ་བོ་དང་དམན་སྲང་བར་གྱི་སྤྲང་བོ་དང་བཅས་པའི་འགོ་ཐོག་ན་ཡོད་པ་ནི་སྐྱེ་འགྲོ་དབུགས་ཐོག་ཀུན་ལ་འདྲ་མཚུངས་ཡིན། དེས་ན་བདག་གིས་རང་ཉིད་མ་ཤི་བའི་གོང་གི་དེ་རིང་། ངས་ཁ་ཆེམས་འདི་ལྟར་འཇོག་ན་འདོད།
སེར་ཤུལ་རིན་ཆེན་དོན་གྲུབ།
མི་ཚེ་ནི་མི་ཞིག་གི་འཚོ་བའི་རྒྱུད་རིམ་དང་ཡང་ན་ཚེ་སྲོག་བུས་པ་ནས་འཆི་བདག་གིས་མ་བསུ་བའི་བར་གྱི་རིང་ཐུང་མི་སྙོམས་པའི་ལོ་ཟླ་དེ་དག་ཡིན་མོད། ལོ་ཟླ་དེ་དག་དམ་འཛིན་དང་སྙིང་སྟོབས་ཆེན་པོས་འབད་བརྩོན་བྱས་ན་འགྲོ་བ་མིའི་རིགས་སྤྱི་དང་བྱེ་བྲེག་རང་དང་རང་གི་ཉེ་འགྲམ་གྱི་སེམས་ལྡན་དེ་ཚོར་ཕན་ནུས་རང་བཞིན་ལྡན་པའི་ལས་བྱ་ཡང་དག་པ་རེའང་བསྐྲུན་ཐུབ། སྤྱིར་བཏང་མི་ཞིག་གི་མི་ཚེའི་ཁ་ཕྱོགས་དང་། ཕུགས་བསམ། མདུན་སྐྱོད། སྤྱི་ཚོགས་ལ་ཕན་པའི་རང་བཞིན་གྱི་བསམ་བློ་སོགས་ནི་དགེ་རྒན་དང་། ཁོར་ཡུག ཉེ་འགྲམ་གྱི་སྤྱི་ཚོགས་སོགས་ཧ་ཅང་གི་མང་པོ་ཞིག་ལ་བལྟོས་ཤིང་འབྲེལ་བ་མ་ཟད་རང་ཉིད་ཀྱི་སེམས་ཤུགས་དང་། སྤོབས་པ། དམིགས་ཚད་བཅས་ལ་ཡང་འབྲེལ་བ་ཆེན་པོ་ཡོད།
ཏྲེ་ཧོར་ཐུབ་བསྟན་ནས།
་གི་ཆུ་ཚོད་བཅུ་ཐོག་རྒྱ་གཞུང་གིས་སྨྱོན་ཧམ་ཆེན་པོས་བོད་ཀྱི་ཞིང་འབྲོག་ཁྲི་ཚོ་མང་པོར་ཞི་བའི་བཅིངས་བཀྲོལ་བཏང་ནས་མི་ལོ་ཧྲིལ་པོ་དྲུག་ཅུ་འཁོར་བ་ཟེར་བའི་དུས་དྲན་མཛད་སྒོ་དེ་གྲོང་ཁྱེར་ལྷ་སའི་རྩེ་པོ་ཏ་ལའི་ཐང་ཆེན་དུ་ཟབ་རྒྱས་ངང་འཚོགས་ཡོད་པ་དང་མཛད་སྒོའི་ཐོག་དབུས་གཞུང་གི་སྐུ་ཚབ་ཞིའི་ཅིན་ཕིན་ཆེད་བཅར་ཀྱིས་འཚོགས་ཐོག་ཏུ་རྒྱུན་ལྡན་ལྟར་སྔར་གྱི་གུང་ཁྲན་གཞུང་གི་དོན་དངོས་ཀྱི་རང་བཞིན་ལས་ཡོལ་བའི་འཁྱོག་བཤད་ཀྱི་སྙན་ཚིག་དག་བསྐྱར་བཟློས་ཀྱིས་བདེ་འཇགས་དམག་མི་དང་སྐོར་སྲུང་མི་སྣས་དམ་དྲག་ཆེན་པོའི་འོག་མཇུག་བསྡུས་ཡོད་པ་དང་སྔར་ནས་གྲ་སྒྲིག་བྱས་ཟིན་པའི་མི་དག་ལས་སྤྱིར་བཏང་གི་བོད་མི་དཀྱུས་མ་དག་པོ་ཏ་ལའི་མདུན་ཐང་གི་ཐག་ཉེ་སར་ཡང་བཅར་བཅུག་མེད་པ་རེད།
དེ་ལས་མང་བ་། “བོད་ཀྱི་ལོ་རྒྱུས་ཀྱི་རྨ་ཁ་དང་རྒྱ་གཞུང་གིས་དགའ་སྟོན།” »
