ལྷོ་ཕྱོགས་ཉི་ཟླ།

དེང་སྐབས་བོད་ཀྱི་སྲིད་དབང་སྒེར་འཛིན་གྱི་ལམ་ལུགས་ཟེར་བ་དེ་མཇུག་སྒྲིལ་ནས་ལོ་ངོ་མང་པོ་ཤིག་ཕྱིན་ཚར་ཟིན་ཀྱང་ད་དུང་ཡང་ཚོགས་པ་རང་སྐྱ་བ་སྒེར་ཁ་ཤས་ཀྱིས་སྒེར་གཅོད་ཀྱི་ལམ་ལུགས་འདི་དོན་དམ་པའི་རྒྱུད་འཛིན་བྱེད་བཞིན་པའི་རྣམ་པར་གསལ།

དེ་ལས་མང་བ་། “སྒེར་གཅོད་ཀྱི་མི་བུ་འདི་དག” »

འཆམ་ར་དྲི་མེད་རྒྱལ་མཚན།
དེའང་ཉེ་བའི་ཆར་བོད་ཀྱི་དུས་བབ་གསར་ཁང་གི་གསར་འགོད་པ་དོན་འགྲུབ་བཀྲ་ཤིས་ལགས་ཀྱིས་ “ སྤྱི་ཟུར་ཧོར་གཙང་འཇིགས་མེད་ལགས་སུ་བོད་གཞུང་མང་རྒྱལ་ཡོངས་ཚོགས་ཆེན་དང་འབྲེལ་ཏེ། ༸གོང་ས་མཆོག་བགྲེས་ཡོལ་དུ་ཕེབས་པ་དང་བཙན་བྱོལ་བོད་གཞུང་མཚན་སྒྱུར་གནང་བ་བཅས་ཀྱི་ཐད་བཅར་འདྲི་ཞུས་ཡོད།”ཅེས་པའི་དྲིས་ལན་ནང་དུ། ཕྱོགས་མང་ཞིག་ནས་གནད་སྨིན་གྱི་ལན་གནང་འདུག་པ་ནི་སྤྱི་ཟུར་ཞིག་གི་ཉམས་འགྱུར་འདི་འདྲ་ཞིག་ལོས་ཡིན་དྲན་པའི་དགའ་ཚོར་རེར་བྱུང་ལ་གུས་བཀུར་ཡང་ཡོད། ད་དུང་དྲི་བ་རྣམས་ཀྱི་ལན་མང་ཤོས་ཐད་བརྗོད་ཅི་ཐུབ་ཞིག་བྱས་ཡོད་པའི་མཐོང་སྣང་འདིས་དེ་བས་ཀློག་སྤྲོ་བ་ཞིག་དང་། ལྟ་རྒྱུ་ཉན་རྒྱུ་མང་ས་ཞིག་བྱུང་སོང་། རེད་དེ། ཕྱོགས་འགའ་རེའི་ཐད་ནས་གསལ་ཁ་དང་གཏན་ཚིགས་མེད་པའི་ཁར་སྤྱི་ཟུར་ཞིག་གི་ངོས་ནས་ཀྱང་བཤད་ཐལ་ཅན་རེ་མཐོང་སོང་ལ། དེ་ཚོའི་སྐོར་ནས་གསར་འགོད་པས་ཀྱང་སྐྱར་འདྲི་བྱས་མེད་པ་ནི། གསར་འགོད་པ་ཞིག་གི་ངོས་ནས་གནས་ཚུལ་ཆ་ཚང་རྒྱུས་ལོན་ཡོང་བའི་གོ་སྐབས་གལ་ཆེན་འགའ་བརླག་འདུག་དྲན་སོང་། (ཡིག་ཐོག་དྲི་བ་ཡིན་ན་དམིགས་བསལ་རེད།) དེའི་ནང་གི་བསམ་ཚུལ་མ་མཐུན་སའི་དོན་གནད་གསུམ་ཟུར་འདོན་བྱས་ཏེ་བཤད་ན།

དེ་ལས་མང་བ་། “ཏཱ་ལའི་བླ་མ་ཇག་པས་བགྲེས་ཡོལ་བྱེད་བཅུག་པ་རེད་ཟེར།” »

བོད། ལྷ་ཀླུ་གཉན་གསུམ།
ང་ལྔ།

ལས་ཀ་བྱེད་ས་ནས་དེ་རིང་དངོས་ནས་དཀའ་ལས་ཁག་ནས་ཤི་ལ་ཁལ་ཞིག་མྱངས་སོང་། མཛའ་མོས་དེ་རིང་ནི་སྒེར་གཉེར་བྱིས་སྐྱོང་གི་ལས་ཀ་དེ་མཇུག་རྫོགས་པ་ཡིན་ལ། ཁོ་མོ་ང་རང་གི་ལས་ཀ་བྱེད་སའི་འགྲམ་གྱི་མི་ཚང་ཞིག་དུ་ཡོང་ཡོད་པ་ཡིན་དུས། ང་རང་གི་ལས་ཀ་གྲོལ་ནས་གོན་པ་བརྗེ་བཞིན་པའི་སྐབས་སུ་ཁ་པར་སླེབས་སོང་། དེ་དུས་ངས་ཁྱེད་རང་གང་དུ་ཡོད་ཅེས་དྲིས་པ་ན། ཁོ་མོས་ཁྱེད་རང་གིས་དེ་རིང་ང་ཁྱེད་ཀྱི་འགྲམ་དུ་ལས་ཀ་བྱེད་དུ་ཡོང་ཡོད་པ་ཤེས་བཞིན་དུ་ཁ་པར་ཁྱེད་རང་གི་འགྲམ་དུ་མི་གཉར་བར་གང་བྱེད་ཅེས་བཤད་པ་དེར། ངས་ད་ལྟ་རང་ལས་ཀ་ཚར་སོང་། ཁྱེད་རང་གང་དུ་ཡོད་ཅེས་དྲིས་པའི་ལན་ཏུ། མོ་རང་འཚིག་ཇ་ཁང་ཞིག་ཡོད་པ་དེ་རུ་སྒུག་ཡོད་ཟེར།

དེ་ལས་མང་བ་། “གཞན་ཡུལ་ན་ལས་ཀ་དང་འཚོ་བ་འདི་འདྲ་རེད།” »

རིག་པའི་རྡོ་རྗེ།

ངའི་བསམ་བློ་གཏོང་སྟངས་ནི་ཆེས་སྤྱིར་བཏང་བ་ཞིག་ཡིན་མོད། ཅིག་བྱས་ན་ལེགས་ཆ་རེ་ཡང་ཡོད་མི་སྲིད་པ་མིན་པས་བསམ་ཚུལ་ལྷུག་པོར་འབྲི་འདོད་བྱུང་། དེ་ཡང་ཀླུ་སྨྱོན་ཧེ་རུ་ཀས་བོན་ཆོས་རྙེད་པའི་བརྒྱུད་རིམ་ཞེས་པ་བཀླགས་པའི་ཚོར་སྣང་ཙམ་ཞིག་ཡིན།
ནང་པ་སངས་རྒྱས་པའི་གྲུབ་མཐའ་བཞི་དང་། གཡུང་དྲུང་བོན་གྱི་བསྟན་པ་རིན་པོ་ཆེ་ལྟ་ཅི་སྨོས། ཕྱི་རོལ་གྱི་གྲུབ་མཐའ་ཐ་དད་པ་དང༌། ཐ་ན་བཟོའི་གནས་ལ་སོགས་པ་རིག་པའི་འཇུག་སྒོ་མ་ལུས་པ་རྣམས་ཀྱང་སངས་རྒྱས་བཅོམ་ལྡན་འདས་ཉིད་ཀྱི་ཡེ་ཤེས་ལས་བྱུང་བའི་འཕྲིན་ལས་ཀྱི་རྣམ་འགྱུར་ཙམ་དུ་ནི་ངོས་འཛིན་བྱེད་དགོས་མོད། མཁས་པར་རློམས་པའི་སྐྱེ་བོ་ཕལ་མོ་ཆེས་རང་ཉིད་དུལ་བར་རློམས་ཞིང་ཁས་ལེན་ལ།

དེ་ལས་མང་བ་། “ཆེས་སྤྱིར་བཏང་གི་བསམ་བློ་གཏོང་སྟངས་ཤིག” »

ཤར་ཕྱོགས་ཁུག་རྟ།

༧གོང་ས་མཆོག་གིས་བོད་དོན་ལ་ཐུགས་སྣང་གནང་མི་ཆོག་ག་རེ་ཡིན་ནམ།
༧གོང་ས་མཆོག་གིས་རང་གི་ཆབ་སྲིད་ཀྱི་ཐུགས་འགན་ཡོད་ཚད་མི་མང་གིས་འོས་འདེམས་བྱས་པའི་འགོ་ཁྲིད་ལ་གནང་རྗེས། འཛམ་གླིང་གི་ཆབ་སྲིད་དེབ་ཐེར་ནང་ལོ་རྒྱུས་གསར་བ་ཞིག་བྲིས་ཡོད་ལ། ལོ་རྒྱུས་དེའང་མང་གཙོ་དང་དྲང་བདེན་གྱི་སྲོག་ཏུ་བྱས་ཡོད། ཡིན་ནའང་སྒེར་གཅོད་དབང་འཛིན་པ་རྒྱ་ནག་གཞུང་གིས་༧གོང་ས་མཆོག་གི་ཆབ་སྲིད་ཐད་ཀྱི་དགོངས་ཞུ་གནང་བ་ནི། རང་ཉིད་ལ་གནའ་ནས་ཕོག་ཚར་བའི་སྐྲད་ནད་ངོས་འཛིན་བྱེད་པོ་ཞིག་ཏུ་བརྩིས་ཏེ། ནང་ཁོག་རུལ་ཟིན་པའི་སྐྲད་ནད་དེ་ད་དུང་ཕྱི་ཐུམ་མཛེས་བོ་ཞིག་གིས་གཡོག་རྩིས་ཐེངས་མང་བྱེད་ཀྱི་ཡོད་པ་རེད་ལ། བརྒྱུད་ལམ་རྫུན་བཟོ་བྱས་ཏེ་ནང་ཁོག་རུལ་བའི་གནས་སྟངས་དེ་ཉིད་ཐ་ན་རང་གི་མི་མང་ལའང་སྟོན་འདོད་མེད་པ་རེད་མོད། ཡིད་སྐྱོ་དགོས་པ་ཞིག་ནི། དེང་དུས་བརྡ་འཕྲིན་དུས་རབས་ནང་༧གོང་ས་མཆོག་གིས་ཆབ་སྲིད་ཀྱི་ཐུགས་འགན་མི་བཞེས་རྒྱུའི་གནས་ཚུལ་དངོས་མ་འཛམ་གླིང་ནང་གསལ་བོ་ཆགས་པ་དེ་རེད།

དེ་ལས་མང་བ་། “ཡེ་རྡོར་སྤྱང་དྲགས་ནས་བསྟོད་བསྔགས་རེག་འདུག” »

ལྡོང་གསེར་མིག་གིས་ཧི་བོན་དྲ་བ་ལས་དྲངས།
ང་ཡང་ཆུང་དུས་ནས་བོན་པོ་ཞེས་པའི་མིང་དེ་གོ་མྱོང་ཡང་བོན་ལ་ཆ་རྒྱུས་མེད། ཅུང་ཟད་ཅིག་ཐོས་པ་ནི་བོན་པོ་ཚོས་མཐུ་དང་ནུས་པས་མི་བསྲུན་པ་ཚར་གཅོད་པར་བྱེད་པ་དེ་ཙམ་ཡིན་པས་བོན་པོ་ཚོར་སྐྲག་གི་ཡོད། དཔེར་ན་དགོང་མོ་ཞིག་ལ་ཨ་ལགས་གཡུང་དྲུང་ཚང་དང་ངེད་གཉིས་རྫོང་གི་མགྲོན་ཁང་ཞིག་ཏུ་མཉམ་དུ་ཁེལ་སོང་བས། ངས་ཁོང་གིས་ང་ལ་གནོད་པ་གཏོང་རྒྱུར་སྐྲག་ནས་མགྲོན་ཁང་བརྗེས་པ་ཡིན་ལ། ངའི་སྤུན་མཆེད་ཅིག་གི་ཁ་ལ་ཉན་ནས་ཨ་ལགས་ཁོང་ལ་སྐུར་འདེབས་ཞུས་པས་དགོང་མོ་ དེར་རྨི་ལམ་ནང་ཨ་ལགས་ཁོང་གི་མཆོད་ཁང་ནང་དུ་སྐུ་འདྲ་ལག་པ་མང་པོ་ཅན་ཞིག་གིས་གཡོ་འགུལ་སྣ་ཚོགས་བྱེད་བཞིན་འདུག་པ་མཐོང་སྟེ་རང་ཉིད་གཉིད་མ་སད་ཅིག་ཏུ་གནས་ཀྱང་གཟུགས་པོར་སྒུལ་སྐྱོག་བྱེད་མ་ཐུབ་པར་དཀའ་ལས་ཧ་ཅང་ཁག་པོ་བྱུང་།

དེ་ལས་མང་བ་། “ཀླུ་སྨྱོན་ཧེ་རུ་ཀས་བོན་ཆོས་རྙེད་པའི་བརྒྱུད་རིམ།” »

མི་ནག་ཚང་ལུང་རིགས་རྒྱལ།
ལོ་མང་པོ་ཞིག་གི་རིང་ལ། ཁྱེད་ཀྱིས་བོད་ཁ་བ་གངས་ཅན་པ་ཞེས་པའི་ཚིག་འདི་མང་པོ་ཐོས་མེད་ཚོད་ཡིན། དེ་ཐོས་དུས་ནི་༧རྒྱལ་བ་རིན་པོ་ཆེ་མཆོག་གི་བཀའ་སློབ་དང་གསུང་འཕྲིན་ཞིག་གི་སྐབས་ཅིས་ཀྱང་ཡིན་ངེས། ང་ལ་མཚོན་ན་དེ་ལྟར་རེད།

༧རྒྱལ་བ་རིན་པོ་ཆེ་མཆོག་གིས་ནམ་རྒྱུན་༼ང་ཚོ་བོད་ཁ་བ་གངས་ཅན་པ་༽ཞེས་པའི་ཚིག་འདི་ཡང་ཡང་གསུང་གིན་ཡོད་ལ། དེ་དུས་ཁོང་གི་ཕྱག་རྒྱ་དང་གསུང་སྐད་ཀྱི་ནན་བརྗོད་རང་བཞིན་དེ་ཡང་ནམ་རྒྱུན་དང་མི་འདྲ་ཞིང་། ང་རང་ལ་མཚོན་ན་ལུས་ཀྱི་བ་སྤུ་ལངས་ཤིང་། ལུས་ཡོངས་ལ་དྲོད་རླབས་ཤིག་གིས་ཁྱབ་ཀྱིན་ཡོད།

དེ་ལས་མང་བ་། “ཁྱེད་ཀྱིས་༼གངས་ཅན་སྐྱིད་གཞོངས་༽ཞེས་བོས་ཤིགས།” »

བོད། ལྷ་ཀླུ་གཉན་གསུམ།

ང་གསུམ།

ཁ་སང་ཐེ་ལན་གྲི་ཟ་ཁང་དེའི་འགན་འཛིན་གྱིས་བཤད་པ་ལྟར་དེ་རིང་སྔ་བོ་ཆུ་ཚོད་བཅུ་བའི་སྟེང་དུ་ང་རང་ཟ་ཁང་དེའི་ཐབ་ཚང་དུ་སོང་ནས་རང་གི་གང་ཤེས་པའི་ཁ་ཟས་ཤིག་བཟོས་ཟེར་བ་ལྟར་དུ་འཐེན་ཐུག་བརྔོས་མ་ཤ་ཡོད་དང་ཤ་མེད་གཉིས་སྡེར་མ་བཞི་དང་ཤ་མོག་བརྔོས་མ་ཁུ་ནུར་ཡོད་པ་ཞིག་བཟོས་དེ་ཁོང་ཚོ་འགན་འཛིན་ལྷན་རྒྱས་སུ་བྲོ་བ་ལྟ་རུ་བཅུགས་པ་ཡིན། འགན་འཛིན་བཞི་བོས་ཁ་གཅིག་གྲགས་ཀྱིས་དངོས་ནས་བྲོ་བ་འདུག་ཟེར་ནས་བསྔགས་བརྗོད་བྱས་སོང་།

དེ་ལས་མང་བ་། “གཞན་ཡུལ་ན་ལས་ཀ་དང་འཚོ་བ་འདི་འདྲ་རེད།” »

ཨ་རིག་འགྱུར་མེད།

ཟླ་འདིའི་ཕྱི་ཚེས་ ༦ ཉིན་གཞོན་ནུའི་འགྱུར་ཁུགས་རྩོམ་སྒྲིག་ཚན་ཆུང་གིས་བསྒྲུབས་པའི་གཞོན་ནུའི་འགྱུར་ཁུགས་ཀྱི་དམིགས་བསལ་འདོན་ཐེངས་ཚགས་པར་ཐོག་མ་དཔར་བསྐྲུན་འགྲེམས་སྤེལ་བྱས། ད་ལྟ་ཚགས་ཤོག་འདི་ལྷོ་ཕྱོགས་སྦེལ་ཀོབ་དང་ལྡི་ལི། ངྷ་སའི་གཡས་གཡོན་སོགས་སུ་འགྲེམས་སྤེལ་བྱེད་ཀྱིན་པ་ཡིན་ལ། ཐག་རིང་ཐུང་གི་གཏམ་ལ་ཉན་ན་ཚགས་ཤོག་འདི་ལ་མི་མང་བོས་དོ་སྣང་དང་དགའ་བསུ་ཆེན་པོ་ཐོབ་ཀྱིན་འདུག་སྐད།
ད་དུང་ས་རཱ་བོད་ཀྱི་མཐོ་སློབ་ཏུ་བྱེས་སྐྱེས་བོད་ཡིག་ལ་དེ་ཙམ་དོ་སྣང་མེད་མཁན་དང་། ནམ་རྒྱུན་བོད་སྐད་ཡིག་སྟེང་གི་གྲགས་ཅན་ཚགས་ཤོག་བོད་ཀྱི་དུས་བབ་དང་བོད་ཀྱི་བང་ཆེན། སྤྱི་ཚོགས་མེ་ལོང་ལྟ་བུ་མི་ཀློག་མཁན་གྱི་སློབ་མ་དག་གིས་ཀྱང་།

དེ་ལས་མང་བ་། “བཙན་བྱོལ་གྱི་ཆེས་ཐོག་མའི་མཇེ་དང་སྟུའི་ཚགས་ཤོག” »

སེར་ཤུལ་རིན་ཆེན་དོན་གྲུབ།

སྐུ་ཞབས་ཞོགས་དུང་གི་(དོགས་སློང་སྙིང་སྟོབས)་སུ་དད་པ་གླེང་བ་ཞེས་པའི་རྩོམ་ཡིག་ཅིག་བཀོད་ཡོད།
རྩོམ་ཡིག་དེར། འདུན་དང་ཞེ་སྡང་འཇིགས་པ་དང་། །རྨོངས་པའི་ཆོས་ལས་ཡོངས་མི་འདའ། །དེ་ལ་དད་པ་ཅན་ཞེས་བྱ། །ཞེས་པའི་མགོན་པོ་ཀླུ་སྒྲུབ་ཀྱི་རིནཆེན་ཕྲེང་བའི་ལུང་འདི་དྲངས་ནས་བོད་མི་རྣམས་ལ་དད་པ་རྣམ་དག་ཅིག་ཡོད་མ་མྱོང་ཞིང་། ཡང་མ་དག་པའི་དད་པ་དེས་བོད་གངས་ཅན་པ་རྒུད་པའི་གནས་སུ་འདྲུད་བཞིན་པ་དང་དྲུད་སོང་བར་འགྲེལ་ཡོད། འདི་ལྟར་འགྲེལ་བའི་གཞི་རྩ་ནི་གོང་དུ་བསྟན་པའི་དད་པ་དེ་དད་པའི་ཚད་གཞི་རུ་བཞག་ཅིང་དེ་ཡོད་མེད་ཀྱིས་དད་པ་ཡོད་མེད་ཀྱི་རྗེས་སུ་འགྲོ་ལྡོག་བྱེད་པའི་གནས་ལུགས་གཞིར་བཞག་གིས་བཤད་པ་ཞིག་རེད།

དེ་ལས་མང་བ་། “དད་པ་དངོས་གླེང་བ།” »

དོ་རྒྱ་དགེ་སློང་གིས་ཟིན་བྲིས་སུ་བཏབ།

དུས་ དབང་སྐབས་ཀྱི་གསུང་ཟིན་ཁ་ཤས་ཞིག་འགོད་པར་བྱ། ༡ བདེན་བཞིའི་ངོ་བོ་དང་བྱ་བ།འབྲས་བུ་བཅས་ལ་བཟླས་པ་སྟེ། རྣམ་གྲངས་བཅུ་གཉིས་སྒོ་ནས་བདེན་བཞི་བསྟན་སྟངས་ཞིབ་ཕྲ་གསུངས། བདེན་བཞིའི་མདོ་ལས། བདེན་པ་བཞི་ལ་ལན་གསུམ་རེ་བཟླས་ནས་ཡང་བསྐྱར་གསུངས་པ། དགེ་སློང་དག ངས་གང་ནས་འཕགས་པའི་བདེན་པ་བཞི་བོ་འདི་རྣམས་ལ་དེ་ལྟར་ལན་གསུམ་དུ་བཟླས་ཏེ། རྣམ་པ་བཅུ་གཉིས་སུ་བསྐོར་བས་མིག་བསྐྱེད་ཅིང་། ཤེས་པ་དང་། རིག་པ་དང་། བློ་དང་། རྟོགས་པ་སྐྱེས་པ་དེ་ནས་ལྷ་དང་བཅས་པའི་འཇིག་རྟེན་བདུད་དང་བཅས་པ། ཚངས་པ་དང་བཅས། དགེ་སྦྱོང་དང་། བྲམ་ཟེར་བཅས་པའི་སྐྱེ་དགུ་དང་། ལྷ་དང་མིར་བཅས་པ་འདི་ལས་གྲོལ་བ་དང་། ངེས་པར་འབྱུང་པ་དང་། མི་ལྡན་པ་དང་། རབ་ཏུ་གྲོལ་བ་དང་། ཕྱིན་ཅི་ལོག་དང་བྲལ་བའི་སེམས་ཀྱིས་མང་དུ་གནས་པར་གྱུར་ཅིང་། དགེ་སློང་དག ངས་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ སོ་ཞེས་བྱ་བར་ཤེས་སོ། ཆོས་ཀྱི་རྣམ་གྲངས་དེ་བཀའ་སྩལ་བ་ན། ཚེ་དང་ལྡན་པ་ཀུན་ཤེས་ཀོའོ་ནྡི་ནྱ་དང་ལྷ་བརྒྱད་ཁྲི་ཆོས་རྣམས་ལ་ཆོས་མིག་རྡུལ་ མེད་ཅིང་དྲི་མ་དང་བྲལ་བ་སྐྱེས་སོ། ཅེས་གསུངས།

དེ་ལས་མང་བ་། “༧གོང་ས་མཆོག་གིས་དུས་འཁོར་དབང་ཆེན་ཐེངས་སོ་གཅིག་པ་ཝ་ཤིན་ཀྲོན་དུ་གནང་སྐབས་ཀྱི་གསུངས་ཁ་ཤས་ཟིན་བྲིས་སུ་བཏབ་པ།” »