འབྲོང་ངུར་ཆོས་རྗེ།
༡༽ ཁ་སང་ཁ་བརྡའི་སྟེང་རྩོམ་གྲོགས་བསོད་ནམས་ནོར་བུས། སྙིང་སྟོབས་མ་ཞུམ་སྲོང་བཙན་བུ་རྒྱུད་རྣམས། །སུམ་གཉིས་ས་ལ་མངའ་དབང་བསྒྱུར་དུ་འགྲོ། །ཞེས་བྲིས་འདུག་པས་ངའི་དྲན་འཆར་ཞིག་སད་དུ་བཅུག དེ་ཡང་། འཛམ་གླིང་ལོ་རྒྱུས་ཐོག་རྒྱལ་ཁབ་ཕན་ཚུན་བཙན་པོ་དབང་ཡོད་དང་དྲག་པོའི་དམག་འཁྲུག་ལན་མང་བྱུང་བ་ནི་སྤྱིར་བཏང་ཞིག་ཡིན་ཡང་། གནས་ཚུལ་དེ་དག་ཆོས་རྒྱལ་ཞིག་ལ་གཏན་ནས་མི་འཚམ་སྙམ། ད་དུང་གནས་ཚུལ་འདི་དག་མེས་དབོན་ཚོའི་ཁྱད་ཆོས་དང་བོད་ཀྱི་ལོ་རྒྱུས་ཀྱི་གཟི་བརྗིད་ཅིག་ཏུ་གླེང་བ་ནི། ཁོ་བོས་བལྟས་ན་ནོར་འཁྲུལ་ཞིག་ཏུ་འཁུམས། འཛམ་གླིང་སུམ་གཉིས་དབང་དུ་བསྡུས་པ་སོགས་དོན་མེད་བཙན་པོ་དབང་ཡོད་གནང་བ་དག་ནི་བཙན་པོ་སྲོང་བཙན་སོགས་ཀྱི་ནོར་འཁྲུལ་ཞིག་ཏུ་ངོས་འཛིན་བྱེད་འོས་པ་ལས་ཁྱད་ཆོས་སུ་བསྔགས་འོས་པ་ག་ལ་ཡིན། ད་ལྟ་ང་རང་ཚོའི་གནས་བབ་ལ་ཉེ་ལྟ་ཞིག་གྱིས་དང་། གཞན་གྱིས་བཙན་པོ་དབང་ཡོད་བྱས་ནས་རང་གི་རྒྱལ་ཁབ་བཙན་འཕྲོག་དང་དྲག་པོའི་བཙན་གནོན་བྱེད་དུས་གང་འདྲ་འདུག ང་ཚོས་དེ་ནི་མཐའ་གཅིག་ཏུ་མ་འགྲིགས་པར་ཐག་གཅོད་བྱེད་ཅིང་ཆེས་ཐ་ཤལ་གྱི་བྱ་སྤྱོད་ཅིག་ཏུ་ངོས་འཛིན་བྱེད་ཀྱི་ཡོད།

དེ་ལས་མང་བ་། “བསྔགས་མི་འོས་པའི་བཙན་པོའི་སྙིང་སྟོབས།” »

པ་དོན་ནས།
བརྡ་འཕྲིན་ཚན་རྩལ་གྱི་དུས་རབས་འདིར། ས་སྒང་གི་མི་རིགས་འདིར་མཚོན་ན། རྩིས་འཁོར་སོགས་སྤྱོད་ཤེས་མཁན་གྱི་གྲངས་ཚད་བོད་མི་སྤྱི་ཡོངས་ཀྱི་བརྒྱ་ཆ་གཉིས་ཀྱང་ཟིན་པར་དཀའ་ཚོད་ལ། ཤེས་མཁན་ཁྲོད་ལོག་ཕྱོགས་སུ་སྤྱོད་མཁན་གྲངས་འབོར་ཉིན་རེ་བཞིན་འཕར། འཛུབ་གནོན་རྒྱག་ཤེས་ཙམ་དང་། ཚིག་གྲུབ་བཟོ་ཤེས་ཙམ་ནས་འདི་མི་འགྲིགས་པ་དང་། གན་འགྲིགས་གི་མེ ད་པའི་འུད་བསྒྲགས་ཀྱིས་བོད་ཡིག་དྲྭ་རྒྱ་སྤྱི་ཡོངས་ཀྱི་བརྒྱ་ཆ་བདུན་ཅུ་ཁེངས། མ་ཟད། དེང་བོད་ནང་གི་སྤུན་ཟླ་དག་རྩ་ཆེ་བའི་མི་ལུས་རིན་ཆེན་བོད་མི་རིགས་ཀྱི་ཆེད། བོད་ཀྱི་རྩ་དོན་ཆེད། བོད་དོན་བདེན་མཐའ་གསལ་ཆེད་མཆོད་མེར་ཕུལ། ཁོ་ཚོར་མཚོན་ན་དེ་ལས་ལྷག་པའི་ཞི་རྒོལ་བྱེད་སྟངས་གཞན་ཞིག་ཡོད་པ་མ་རེད། ཡར་ཞུ་བྱས་ན་རྒྱལ་ཁབ་ལ་རྒྱབ་གཏོད་དང་། འཇ ིགས་སྐུལ་བར་འབྲེལ་བ་ཡོད་ཚུལ་གྱིས་གཅིག་མཇུག་གཉིས་མཐུད་ཀྱིས་བཙོན་འཇུག

དེ་ལས་མང་བ་། “དུས་སུ་མཁོ་བའི་གཏམ།” »

མྱི་ལྟིག
ན་ནིང་ནས་བཟུང་བོད་ཁམས་ཕྱོགས་ནས་སེར་མོ་བ་གཙོ་བྱས་པའི་ཕོ་མོ་ལོ་ན་རྒན་གཞོན་མང་ པོ་ཞིག་གིས་རང་ཉིད་ཀྱི་ཚེ་སྲོག་རང་རིགས་སམ། རང་དབང་། ཡང་ན་རྒྱལ་ཁབ་ཀྱི་དོན་དུ་འཇིགས་སྣང་ དང་ཞེད་སྣང་གང་གིས་ཀྱང་མ་ཁོག་པར་རང་ཉིད་ནས་བཟུང་སྤར་འགོ་བརྩམས་པ་རེད། དེ་ནི་སུས་ཀྱང་ འགྲེལ་བཤད་མི་ཐུབ་པའི་འཐབ་རྩོད་ཅིག་གམ་སུས་ཀྱང་བཀའ་བཀོད་མེད་པའི་ཨུ་ཐུག་གི་ཨག་སྐད་ཅིག་ ཅི་ལ་མིོན། དེ་བཞིན་བྱེས་ཕྱོགས་ནས་ཀྱང་གསར་འགོད་གསལ་བསྒྲགས་རེ་དང་། སྐད་འབོད་ཁྲོམ་སྐོར་རེ་ གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་ཚོས་དགོས་དབང་གིས་བྱས་པ་རེད། ཡིན་ནའང་། བར་མཚམས་ཤིག་ནས་བོད་ཁམས་ཀྱི་ལས་འགུལ་སྤེལ་སྟངས་སམ་འགུལ་སྐྱོད་བྱས་སྟངས་དེ་ནི་འཚེ་བ་ཡིན་མིན་དང་། མཇུག་འབྲས་ཡོད་མེད་ཀྱིས་རྩོད་གླེང་བྱེད་འགོ་བརྩམས་པ་རེད།

དེ་ལས་མང་བ་། “མི་སྐོར་ཞིག་གིས་ཉོན།” »

ནམ་མཁའ་ནས ༡༡/༢/༢༠༡༢ལ་ཡོ་རུབ་ནས་བྲིས།
སྐུ་ཞབས་ཝང་ལགས། ཁྱེད་ཀྱིས་གསུངས་བའི་དོན་ཚན་དང་པོའི་གལ་ཏེ་ཞེས་བ་ནས་ཐོལ་རྒལ་གཏན་ནས་མི་བརྩི་བར།
བཙན་བྱོལ་བོད་མི་ཚོས་མཆོད་འབུལ་དང་བསྔོ་བ་སྨོན་ལམ་མར་མེ་ཁྲོམ་སྐོར་སོགས་ཀྱིས་གསལ་བསྒྲགས་ཙམ་ལས་ནུས་པ་ཅི་ཡང་མི་འདུག་བསམ་བློ་འདི་ཁྱེད་རང་ཉིད་ཀྱི་བསམ་ཚུལ་ཞིག་ཡིན་ནམ། རྒྱ་སྲིད་གཞུང་གི་བསམ་ཚུལ་རེད། བོད་ཕྱི་ལོགས་ཀྱི་བོད་མི་ཚོས་རྔམ་སྟོན་ཁྲོམ་སྐོར་གྱིས་རྒྱ་སྲིད་གཞུང་ལ་འགུལ་བསྐྱོད་བྱེད་མི་ནུས་སྟེ།དེང་སང་འཛམ་གླིང་གི་རྒྱལ་ཁབ་སྟོབས་ཆེན་མང་པོས་དཔལ་འབྱོར་གྱི་དབང་གིས་རྒྱ་ནག་སྲིད་གཞུང་ལ་བསྟུན་དགོས་ཀྱི་ཡོད་སྙམ་པའི་སྤོབས་པའི་ང་རྒྱལ་འདི་ཁྱེད་རང་ལ་ཡང་རྒྱ་ནག་སྲིད་གཞུང་ལ་ཡོད་པ་བཞིན་ཁྱེད་ཀྱི་སེམས་སུ་ཡང་ཡོད་པ་ཕལ་ཆེར་གསལ་བོ་རེད་ལབ་ན་འགྲིག ད་རུང་ཁྱེད་ཀྱིས་གསུངས་པ་ལ། བོད་ནང་གི་བོད་མི་ཚོར་མངོན་གསལ་གྱི་ཁ་ཕྱོགས་ངེས་བསྟན་ཞིག་དགོས་མཁོ་ཆེ་ཟེར་བ་ལ་འདིར་གཞིགས་ཚེ། བཙན་བྱོལ་གཞུང་ལ་མངོན་གསལ་གྱི་ཁ་ཕྱོགས་བརྟན་པོ་ཞིག་མི་འདུག་བསམ་པའི་ཚོར་བ་འདི་ཡང་ཁྱེད་དང་རྒྱ་སྲིད་གཞུང་ལ་ཡོད་པའི་བསམ་བློ་ཞིག་ཡིན་པ་གསལ་བོ་རེད།

དེ་ལས་མང་བ་། “ཝང་ལུའི་ཞོང་གི་བོད་ཀྱི་ཐབས་ལམ་ཟེར་བའི་རྩོམ་ཡིག་བཀླགས་རྗེས།” »