ཨ་རིག་དགེ་མཐོང་།

སྤྱིར་བཏང་ནང་ཆོས་ལས། གཞན་ལ་ཕན་མ་ཐོགས་ན་གནོད་མ་སྐྱེལ་ཅེས་པའི་དཔེ་ལྟར། བོད་ཀྱི་རྩ་དོན་ཐད་ནས་ཀྱང་ཕན་མ་ཐོག་ན་གནོད་མི་སྐྱེལ་རྒྱུ་ནི་གལ་ཆེའོ།།

གོང་གི་འདི་བསམ་འཆར་གྱི་བརྗོད་དོན་སྙིང་བསྡུས་ཡིན།

སྤྱིར་བཏང་དམངས་ཁྲོད་དུ་བཤད་རྒྱུན་ཞིག་ལ། བསམ་པ་བཟང་ན་ས་དང་ལམ་ཡང་བཟང་ཟེར་སྲོལ་ཡོད་པ་ལྟར། གཞོན་ནུ་ལྷན་ཚོགས་ཐོག་མར་དབུ་བརྙེས་པ་ནས་ད་ལྟའི་དབར་དུ་ལས་འགུལ་རབ་དང་རིམ་པ་གནང་ཞིང་ཕལ་ཆེ་བ་བོད་ཀྱི་རྩ་དོན་ལ་ཕན་པའི་རྒྱུ་རུ་གྱུར་ཡོད་ལ་ཁག་ཅིག་དེ་ལས་ལྡོག་སྟེ་རྩ་དོན་ལ་གནོད་པར་གྱུར་ཡོད། གང་ལྟར་གོང་གི་དཔེ་ལས་གསལ་བར་ཤེས་ནུས།

གཞོན་ནུ་ལྷན་ཚོགས་ཀྱི་ཚོགས་མི་ལ་མཚོན་ནས་ཞུས་ན། ཤེས་འཇོན་གཉིས་ལྡན་གྱི་མི་སྣ་གལ་ཆེན་མང་བོ་ཞིག་ནང་དུ་ཞུགས་མྱོང་ཡོད་པ་དང་། དེའི་ནང་གི་ཁག་ཅིག་བོད་ཀྱི་བཀའ་ཁྲི་གཙོས་བཀའ་བློན་དང་སྤྱི་འཐུས་སོགས་ཀྱི་ལས་སྣེ་མཐོ་རིམ་གྲས་སུ་ཐོན་མྱོང་། ཡིན་ན་ཡང་། གཞོན་ནུ་ལྷན་ཚོགས་ཀྱི་ནང་དུ་རྩ་དོན་ལ་ལྡོག་ཕྱོགས་ནས་འགྲེལ་བཤད་སྣ་ཚོགས་བརྒྱབས་ཏེ་རྒྱ་ནག་གི་ལག་ཆ་ཨང་དང་ཤོས་ལྟ་བུ་གྱུར་བ་ཡང་རེ་ཟུང་ཡོད། ང་རང་ཉིད་ལ་མཚོན་ན་དུས་རྒྱུན་བོད་ཀྱི་གཞོན་ནུ་ལྷན་ཚོགས་ལ་དགའ་བོ་ཡོད་པ་དང་གཞོན་ནུ་ལྷན་ཚོགས་ཀྱིས་སྤེལ་བའི་ལས་འགུལ་ཆེ་ཤོས་ཕལ་ཆེ་བ་ལ་དང་བླང་སྒོ་ནས་མཉམ་ཞུགས་བྱས་ཡོད། གཞོན་ནུས་ལས་འགུལ་སྤེལ་པ་དང་ང་དེ་ལ་མཉམ་ཞུགས་བྱས་པ་ནི་ཁ་རིན་བརྩི་མི་དགོས་པར་འགན་འཁྲི་ཞིག་རེད་བསམ། གཞོན་ནུའི་ཚོགས་གཙོ་གཞོན་ལ་འདས་མ་ད་གསུམ་ལ་ཤེས་འཇོན་གཉིས་ལྡན་དང་ཅི་ཡང་མི་ཤེས་པར་ཨུ་ཚུགས་མཁྲེགས་འཛིན་ཅན་སོགས་མི་འདྲ་བ་ཡོད་མྱོང་ལ་འབྱུང་སྲིད།

དེ་ལས་མང་བ་། “གཞོན་ནུ་ལྷན་ཚོགས་ཀྱི་བསམ་བློ་ཐོངས།” »

གྲིབ་གཟུགས།

སྟོན་ལོ་སེར་པོ་ཁད་ཀྱིས་ས་ལ་ལྷུང་སྟངས་དང་རླུང་བུས་དྲུད་འགྲོ་བའི་ལོ་མ་སྐམ་པོའི་ཧྲག་སྒྲ་དེ་དག་ནི། ཉིན་འདི་ཚོར་ངའི་སེམས་དང་ཐག་ཉེ་ཤོས་ཀྱི་ཡུལ་ལྗོངས་དང་རོལ་དབྱངས་སུ་གྲུབ་འདུག སྐྱོ་ཤས་ཀྱིས་ཁེངས་པའི་ཁོར་ཡུག་གི་གྲུ་ཟུར་ནས་ཁེར་རྐྱང་གི་གོམ་འགྲོས་འཁྱར་མ་འཁྱོར་གྱིས་སྤོ་དུས་རྒྱང་རིང་གི་ངའི་ཡོད་ཚད་དྲན་ཐབས་རྩ་བ་ནས་མི་འདུག ངས་རང་ཉིད་ནི་ནམ་ཡང་དགའ་སྐྱོ་དེ་ཙམ་མེད་པའི་རྡོ་བའི་སྙིང་ཁམས་ཅན་ཞིག་ཡིན་བསམས་ཀྱང་ཕ་ཡུལ་གྱི་བྱིས་པ་སྣབས་ལུད་དེ་ཚོའི་སྣང་བརྙན་དང་།

དེ་ལས་མང་བ་། “ནམ་ཟླ་སྐྱ་བོ།” »

སྲས་མོ།

དུས་འདིར། བོད་ནང་གི་ངོ་རྒོལ་གནས་སྟངས་ཛ་དྲག་ཆེ་རུ་འགྲོ་བཞིན་ཡོད། བསམ་ཚུལ་ཙམ་ལས་མ་བྱུང་ནའང་འདོན་དགོས་པའི་དུས་ཤིག་རེད་སྙམ་ནས་དྲན་ཚུལ་ཞིག་འབུལ་འདོད་བྱུང་།

༡ བོད་ནང་གི་ཛ་དྲག་གནས་སྟངས།

བོད་ནང་གི་གནས་སྟངས་ནི་ཛ་དྲག་རེད། ༢༠༠༨ ནས་ཛ་དྲག་གི་རྣམ་པ་ཆེ་རུ་ཕྱིན་ཡོད། ད་ལྟ་ནི་དེ་བས་ཀྱང་ཛ་དྲག་ཆེ་རུ་འགྲོ་བཞིན་ཡོད། རྒྱ་གཞུང་གིས་བོད་མིའི་འདི་ཕྱི་གཉིས་ཀྱི་སྐྱབས་གནས་སྤྱི་ནོར་༸གོང་ས་སྐྱབས་མགོན་ཐམས་ཅད་མཁྱེན་པ་མཆོག་ལ་མཚན་སྨད་ཞུས་དང་ཞུ་བཞིན་པ་ནི་སེམས་ནང་ཕོག་ཐུག་ཆེ་ཤོས་ཤིག་ཆགས་ཡོད། བོད་ནང་འགྲོ་བ་མིའི་ཐོབ་ཐང་དང་སྨྲ་བརྗོད་རང་དབང་མེད་པ། ཆོས་དད་རང་མོས་ཟེར་ཡང་ཁ་ཙམ་ལས་མིང་དོན་མཚུངས་པའི་རང་དབང་མེད་པ། ད་དུང་ལོ་ནས་ལོ་བསྟུད་ནས་རྒྱལ་གཅེས་ཆོས་གཅེས་ཞེས་པའི་ལས་འགུལ་འདྲ་མིན་སྤེལ་ནས། ཆོལ་གསུམ་བོད་མིར་དུས་དང་རྣམ་པ་ཀུན་ཏུ་སུན་གཙེར་བྱེད་པ། ལྷག་དོན་བོད་མི་ཚོས་ལོ་ངོ་སྟོང་ཕྲག་མང་པོར་དད་མོས་དང་གཙིགས་ཆེར་འཛིན་པའི༌ཆོས་དང་རིག་གཞུང་རྣམས་ཐབས་ལམ་སྣ་ཚོགས་ཀྱིས་ཉམས་མས་གཏོང་བ་སོགས་ཀྱིས་ད་ལྟའི་སྐབས་ལ། ལོ་མང་རིང་གི་དཀའ་ངལ་གྱི་ན་ཟུག་མ་བཟོད་པར། རང་ལུས་མེ་བསྲེགས་ཀྱི་ལམ་ནས་རྒྱ་ནག་གཞུང་ལ་ཞུ་འབོད་གྱི་ལམ་ཁ་འདི་འདམས་པ་དང་། དེ་ནི་ཐབས་ཟད་འུ་ཐུག་མཐའ་མའི་ཞུ་འབོད་ཅིག་ཆགས་ཡོད།

དེ་ལས་མང་བ་། “བོད་དོན་ཐད་ལྟ་ཚུལ།” »

བསྟན་འཛིན་ལྷག་བསམ།
ཉེ་ལམ་ཉེ་གྲོགས་འགའི་འཁྲིས་ནས་རྣ་བར་མི་སྙན་པའི་གནས་ཚུལ་ཞིག་ཐོས་པ་ནི། མེས་དབོན་གཙུག་ལག་དཔེ་སྟོན་སློབ་གྲྭའི་སྐབས་དང་པོའི་སློབ་མ་རྣམས་ད་ལྟའི་ཆར་འཛིན་གྲྭ་དགུ་པར་སླེབས་ཀྱིན་ཡོད་པའི་སྐབས་འདིར། སཾ་བྷོ་ཊའི་སྤྱི་ཁྱབ་འགན་འཛིན་མཆོག་ནས་ཕྱི་ལོ་ ༢༠༡༡ ལོའི་ལོ་འཁོར་འཇུག་སྡོམས་མཛད་སྒོའི་སྟེང་དགེ་སློབ་ཕ་མ་དང་བཅས་པའི་ཚོགས་ཐོག་ཏུ་”མ་འོངས་པ་སྐབས་དང་པོའི་སློབ་མ་རྣམས་འཛིན་རིམ་བཅུ་པར་སླེབས་སྐབས། ཁོང་ཚོའི་རྒྱ་གར་རྒྱལ་ཡོངས་ཡིག་རྒྱུགས་སམ་ཡང་ན་འཛིན་རིམ་བཅུ་པའི་ཡིག་རྒྱུགས་ཆེན་མོ་དེ་བཞིན། ནེ་ཤི་ནལ་ཨོ་པན་སཁུལ་(National Open School)རྒྱུད་ནས་གཏོང་རྒྱུའི་ཐག་གཅོད་བྱེད་ཡོད། ཅི་སྟེ་ཕ་མ་རྣམས་དེ་ལ་འདོད་པ་དང་མོས་མཐུན་མེད་ན་། རང་ཉིད་ཀྱི་ཕྲུ་གུ་རྩ་དགོངས་ཞུས་ན་ཆོག་ལ་། སློབ་མ་གཅིག་ལས་མེད་ཀྱང་འཛིན་རིམ་བཅུ་པ་དེ་བཞིན་ཚུགས་རྒྱུ་ཡིན་”ཞེས་སྤོབས་པ་མཐོན་པོས་བཤད་འདུག་ཀྱང། ལྷག་པར་ཕ་མ་འགའ་དེ་མ་ཐག་ཅི་བྱ་གཏོལ་མེད་ཀྱི་གནས་སུ་འགྱུར་ནས་རེ་ཞིག་བློ་ཕམ་དགོས་པ་ཆགས་འདུག

དེ་ལས་མང་བ་། “མདུན་ལམ་མེད་པའི་དཔེ་སྟོན་སློབ་གྲྭ” »

ནམ་མཁའ་ནས་༡༥/༢/༢༠༡༢ལ་ཡོ་རུབ་ནས་བྲིས།

དེང་སང་རྒྱ་ནག་གི་མེ་མདའ་གཏད་ས་གསུམ་བོད་དང་ནང་སོག་ཞིན་ཅང་གསུམ་ཡིན།
༢༠༠༩ལོར་ཞིན་ཅང་གིས་ཞི་རྒོལ་བྱས་ཏེ་རྒྱ་གཞུང་གིས་ཁྲག་དྲི་བྲོ་བར་དམར་གསོད་བྱས་ཡོད་ལ།
ཡིན་ན་ཡང་༢༠༠༨ལོ་ཡི་བོད་ཆོལ་གསུམ་གཅིག་གྱུར་གྱིས་ཞི་རྒོལ་ཆེན་མོ་ལ་རྒྱ་གཞུང་གི་བརྙན་འཕྲིན་སོགས་ལས་རྡུང་འཕྲོག་བསྲེགས་གསུམ་གྱི་མིང་བཏགས་ཏེ། བོད་ཐོག་གཏམ་སྡིག་གཏོང་བ་བཞིན་སྡིག་དམོད་བྱས་མེད།
དེ་ནི་རྒྱ་གཞུང་གིས་ལོ་གཅིག་གི་རིང་བོད་ཐོག་བརྙན་འཕྲིན་དང་ཚགས་པར་སྒྲ་སྡུད་འཁོར་ལོ་སོགས་གནས་ཚུལ་སྤེལ་སའི་ས་ཡོད་ཚད་ནས་རྡུང་འཕྲོག་བསྲེགས་གསུམ་གྱི་མིང་གིས་གཏམ་སྡིག་བྱས་སྟེ། བོད་རིགས་བྱིས་པ་ཚུན་གྱི་སེམས་སུ་རྨ་ཁ་དང་རུས་གསེང་ལ་ན་ཟུག་སྦྱིན་པའི་ངོས་ཟིན་ཞིག་རེད། རྒྱུ་མཚན་ནི་སྲིད་འཛིན་ཧུའུ་ཅིན་ཐོ་ཡིས་ཁ་ནས་འཆམ་མཐུན་ཞེས་བའི་ཚིག་ཞིག་རྒྱ་ནག་རྒྱལ་ཡོངས་སུ་བསྒྲགས་པ་རེད། ན་ནིང་ལོར་ནང་སོག་ནས་ཞི་རྒོལ་གྱི་འགོ་བརྩམས་ཏེ་དྲག་དམག་གིས་མགོ་བོ་མནན་ཙམ་བྱས།

དེ་ལས་མང་བ་། “ཧུའུ་ཅིན་ཐོ་ཡི་མེ་མདའི་འོག་གི་མི་རིགས་འཆམ་མཐུན།” »