ཆང་སྐྱེས།
 
ལས་དབང་བུ་མོ།
ཞལ་རས་དཀར་པོ་བཅོ་ལྔའི་ཟླ་བཞིན་རྒྱས།།
བྲང་གི་མྱོས་བུམ་དུང་དཀར་གཟུགས་སུ་འབུར།།
སྐད་ཆ་ཚིག་རེ་བར་ན་དགོད་སྒྲ་རེ།།
དགོད་སྒྲ་རེ་རེ་ནང་ན་དབྱངས་རྟ་རེ།།

མཚོ་མོ།
དེང་རབས་གོམ་སྟབས་མྱུར་མོའི་གྲུ་ཁ་ནས།།
སྲེད་པའི་ཟུར་མིག་འཇམ་པོ་ཕྱོགས་སུ་གཡོ།།

དེ་ལས་མང་བ་། “བཀྲ་ཤིས་ཇ་ཁང་ནང་གི་མེ་ཏོག་ཆུན་པོ།” »

འདྲེ་གླེན་པ།
 
ཝེ་་་་་་་་་་་་་་་ནམ་མཁའ་འཚོ
ད་ང་བུད་འགྲོ
རྗེས་ལ་ཁ་པར་མ་གཏོང་
ཁྱིམ་ན་རྒན་མོ་ཡོད ཞ་ཞི་ཡང་ཡོད

ཝེ་་་་་་་་་་་་་་་ནམ་མཁའ་འཚོ
ཁྱོད་རྒན་གསོ་ཁང་ནས་སུན་ན
སློབ་གྲྭར་སོང་
རྒན་ཡོལ་གྱི་ཡོང་འབབ་ཉུང་ཉུང་མ་རེད་མོས

དེ་ལས་མང་བ་། “གཤོག་པ་བསྐྱུར་ནས་འཕུར་ཚུལ།” »

བློ་བཟང་རིན་ཆེན།
 
ཀྱེ་ཀྱེ་སྙིང་གི་གྲོགས་པོ།།
རྒྱ་གར་འཕགས་པའི་ཡུལ་ལ།།
འབྱོར་བའི་སྐལ་བཟང་ཉི་མ།།
སེམས་ལ་ཉར་རྒྱུ་བྱུང་ངམ།།

འདིར་འབྱོར་ལོ་ཟླའི་ནང་ལ།།
བྱ་བཞག་གང་ཞིག་སྒྲུབ་པའི།།
སློབ་འབྲས་སྟོན་གྱི་ལོ་ཏོག།
གཞན་ལ་ངོམ་རྒྱུ་བྱུང་ངམ།།

དེ་ལས་མང་བ་། “དྲི་བ།” »

ཆང་སྐྱེས།
 
ཆར་བ་ཟ་ཟིམ་འབབ་པའི་ཉིན་མོ་ཞིག་སྟེ།།
ཐ་མག་ཚེ་སྲོག་རྔུབ་པའི་མྱི་རྐྱང་ཁེར་འདུག།
འདས་པའི་ལོ་ཟླ་རིང་མོའི་ངོ་གདོང་ནག་པོ།།
དེ་རིང་བཙན་གྱིས་བསྒྲིགས་པའི་སྙན་ངག་མ་ཡིན།།

ནག་པོ་བདུད་སྡེ་དཔུང་གི་སྟོབས་ཤུགས་རེད་དང་།།
རང་མགོ་རང་གིས་གཡོག་པའི་བྱས་ཉེས་ཡིན་ནམ།།
གང་ལྟར་དགུན་ཁ་ཞིག་གི་ས་སྲོད་ཀློང་ནས།།
སྐད་ཅིག་ཉིད་ལ་ཡོད་ཚད་ལག་ནས་ཤོར་སོང་།།

དེ་ལས་མང་བ་། “རྨ་ཁ་ཤོར་བའི་ལོ་ཟླ་དེ་དག” »

ཁ་བའི་རྣམ་ཤེས།
 
རྨད་བྱུང་ངོ་མཚར་ལྟ་ན་སྡུག་པའི་གྲུ་འཛིན་ཞིང་གི་བཀོད་པ་བཤམས།།
གངས་རིའི་མགོན་པོ་རྒྱལ་བ་ཡབ་སྲས་རྫུ་འཕྲུལ་རྐང་པས་ས་ལ་བབ།།
རྣམ་དཀར་འཕྲིན་ལས་བསིལ་བའི་ཟེགས་མ་ཕྱོགས་ཀྱི་འཁོར་ལོའི་མཐའ་རུ་འཕྱོ།།
ཞལ་གྱི་དཀྱིལ་འཁོར་མཐོང་བ་དོན་ལྡན་འཛུམ་པའི་འོད་ཀྱིས་ཁྱོད་ལ་སྲུངས།།

ཁྱོད་དང་ང་ཡི་བར་ཐག་རིང་མོར་ལེ་བར་སྟོང་གིས་བསྐལ་ཀྱང་རུང་།།
ལས་ཀྱི་རྣམ་སྨིན་དྲན་བཞིན་དྲན་བཞིན་མཚན་མོའི་གཉིད་ཐེབས་ཆད་ཀྱང་རུང་།།
སྐྱོ་གདུང་མིག་ཆུ་བར་མེད་བཞུར་བས་བྲང་གི་སྟོད་ཁོག་བརླན་ཀྱང་རུང་།།
ནམ་ཞིག་ཁྱེད་ལ་ཕུལ་བའི་ཞུ་འཕྲིན་ཕུག་རོན་དཀར་པོས་གཤོག་ཟུང་

དེ་ལས་མང་བ་། “མི་རྟག་སྒྱུ་མའི་ཟློས་གར།” »

ཐེ་འོད་ཟེར།
 
ཤཱཀྱ་ཐུབ་པའི་གྲྭ་ཟུར་རྣམ་པ་ཚོའི།།
ལུས་ཀྱི་ཐོག་ན་ཆོས་ཀྱི་བྱིན་རླབས་ཡོད།།
ཁོག་པའི་སྙིང་ན་བྱམས་དང་སྙིང་རྗེ་ཡོད།།
ཁ་ལྕེའི་དབར་ན་མདོ་སྔགས་རིག་གནས་ཡོད།།

གནའ་དུས་མཁས་པའི་ཁྲོད་ན་གྲྭ་ཟུར་མང་།།
དེང་སང་སློབ་དགེ་ཕལ་ཆེར་གྲྭ་ཟུར་རེད།།
ཆོས་སྲིད་གཉིས་ལྡན་གྲྭ་ཟུར་གྲངས་མེད་ཡིན།།
ཨམ་རྗེ་མཁས་དབང་ཁྲོད་ན་གྲྭ་ཟུར་མང་།།

དེ་ལས་མང་བ་། “ཤཱཀྱའི་གྲྭ་ཟུར་ཚོ།” »

ཆང་སྐྱེས།
 
ཁེར་རྐྱང་འཚོ་བའི་སེམས་པ་རླུང་གིས་འཁུར།།
དྲན་གདུང་ལྕི་མོའི་མིག་ཆུ་ལག་པས་ཕྱིས།།
ལོ་དང་ཟླ་བའི་ལོ་རྒྱུས་ཁ་བས་གཡོག།
ཁ་བ་མར་མར་ཀློང་ནས་ཁྱེད་རང་དྲན།།

འཁྲེང་ཞེན་སྙིང་གི་ཕྱི་མིག་རྒྱང་ལ་འཕངས།།
ཞེན་ཆགས་ཟབ་མོའི་དུངས་བ་ཁོག་ཏུ་སྦས།།
ཁྱོད་དང་ངེད་གཉིས་ལེ་བར་སྟོང་གིས་བཅད།།
རྨི་ལམ་ཞིང་ནས་ཁྱེད་ལ་འོ་ཞིག་བྱས།།

དེ་ལས་མང་བ་། “འདི་ལྟར་བྲིས་ཨེ་ཆོག” »

ཐེ་འོད་ཟེར།
 
གཡོ་སྒྱུ་ཁྲལ་གསུམ་དཔུང་ཤེད་ཀྱིས།།
བསྐོས་པའི་ཆོས་རིག་བཀའ་བློན་གྱི།།
ཁྲི་རྒན་སྟེང་གི་སྨྱོ་གཏམ་ལ།།
སེམས་ལྡན་སུ་ཞིག་ཡི་རང་བྱེད།།

རྒྱལ་བསྟན་རིན་ཆེན་གསེར་གྱི་ནོར།།
ལུང་ཙམ་ཉིད་ལ་མ་བརྟེན་པར།།
དཔྱད་གསུམ་ཚད་མས་འཛིན་པ་ལ།།
སྡང་བའི་རོ་ལངས་བྱ་སྤུ་གནོན།།

དེ་ལས་མང་བ་། “བདེན་གཏམ་ཚིགས་སུ་བཅད་པ།” »

ཨ་མྱེས་སྲས་ཆུང་གིས།
 
ནུབ་ཕྱོགས་མགོ་སེར་ཡུལ་ལ་གནས་གྱར་བའི།།
རིགས་ལ་ཞེན་པ་དཀར་བའི་འཁྱམས་པོ་ངས།།
དྲན་སྐུལ་སྙིང་དམའི་ཟུག་ཁྲག་དྭངས་མ་འདི།།
བགྲེས་སོང་ཐུབ་ཕུའི་སྙན་ལ་དལ་གྱིས་གསོལ།།

ལྷ་དང་བླ་མའི་བཀའ་ལུང་རྫུན་དུ་ལྟ།།
ཆོས་དང་སྲོལ་རྒྱུན་ཁུངས་མེད་མཐོང་ཡང་ཆོག།

དེ་ལས་མང་བ་། “དགེ་ཐུབ་བསྟན་ཕུན་ཚོགས་ལ་སྤྲིངས་པའི་འཕྲིན་ཕ་བཟང་བུ།” »