གནས་ཚུལ་མཁོ་གཏོང་བ་ས་དཀར་བཀྲ་ཤིས།
ཕྱི་ཟླ་༨པའི་ཚེས་༡༡ དང་༡༢ སྟེ་ཉིན་གཉིས་རིང་འདི་གའི་སྤེལ་ལྗམ་བོད་རིགས་ཚོགས་པའི་ཚོགས་གཙོ་གཞོན་གཙོས་རྒྱུན་ལས་རྣམ་པ་དང་སློབ་སྟོན་པ་བསྟན་འཛིན་ནོར་བུ་ལགས། སྦར་སིལ་སྐུ་ཚབ་དོན་གཅོད་སྐུ་ངོ་དངོས་གྲུབ་རྡོ་རྗེ་ལགས་དང་ དོན་གཅོད་དྲུང་ཡིག་ཀརྨ་ལགས་བཅས་སྤེལ་ལྗམ་ནང་བོད་མི་གནས་སྡོད་ས་གནས་ཁག་དྲུག་སྟེ་ཨོ་སི་ཐན་ཏེན་དང་བྷུ་རུ་རྗེའུ། གྷེན་ཊི། ལུའུ་ཝན། སྦར་སིལ། ཨན་ཀྲོབ་བཅས་སུ་ཕྱོགས་བསྐྱོད་གནང་ཡོད་ལ། ཐེངས་འདིར་ས་གནས་ཁག་དྲུག་ནང་ཕྱོགས་བསྐྱོད་དགོས་བའི་དོན་གནད་ཁག་ནི་གཤམ་གསལ་སྟེ།
རུ་ཤུལ་བུ།
ཕྱི་ཚེས་བཅུ་གཅིག་ཉིན་དབྱིན་ཅི་རྒྱལ་ས་ལོན་ཏྲོན་ནས་བོད་རིགས་བུ་མོ་ཆོས་དབྱིངས་སྐྱིད་ཀྱིས་འཛམ་གླིང་རྩེད་ཐང་དུ་བོད་པ་ཚང་ལ་གོ་སྐབས་ཡོད་ན་མི་རིགས་གཞན་དང་གཅིག་མཚུངས་ཡིན་པས་དཔང་རྟགས་སུ་རྒྱ་མོ་དག་གི་ཕྲག་གདང་ལ་རྐང་པ་བཞག་ནས་བོད་པ་ཚང་གི་ལོ་རྒྱུས་ལ་དངུལ་གྱིས་རྟགས་མ་ཞིག་གིས་ཟིན་ཐོ་བཀོད་པ་དེ་འུ་ཅག་ཚང་མ་དགའ་འོས་པའི་དོན་བཟང་ཞིག་ཅི་ལ་མིན། ཕྱི་ཚེས་བཅུ་གསུམ་ཉིན་ནས་མདོ་སྨད་རྨ་ཆུའི་ཡུལ་དུ་གེ་སར་རྟ་རྒྱུག་འགྲན་ཚོགས་ཆེན་མོ་འགོ་ཚུགས་ཡོད་འདུག
ཨོ་རྒྱན་ཉི་མ།
མཁས་དབང་བཀའ་ཁྲི་མཆོག་གིས་སཱ་ར་མཐོ་སློབ་ཀྱི་དུས་སྟོན་ཐོག་གནང་བའི་གསུང་བཤད་ལས། ༼༧གོང་ས་མཆོག་གིས་སྐུ་དབང་མི་མང་གིས་འོས་འདེམས་བྱས་པའི་དབུ་འཁྲིད་ལ་རྩིས་སྤྲོད་གནང་པའི་ལོ་གཅིག་རིང་ལས་དོན་ལ་འཐུས་ཤོར་ཕྱིན་མེད་པ་དང་། ད་ལྟའི་བཙན་བྱོལ་སྤྱི་ཚོགས་གཞན་ལས་ལྷག་ཅིག་བྱུང་ཡོད་པ་འདི་མི་རབས་རྒན་པ་དག་གི་བཀའ་དྲིན་ཡིན་པ། ད་ཆར་བཙན་བྱོལ་སྤྱི་ཚོགས་དང་སྒྲིག་འཛུགས་ཀྱི་རྨང་རྡོ་ཉིན་རེ་བཞིན་སྲ་བརྟན་དུ་འགྲོ་བཞིན་ཡོད་པ་དེས་བཙན་བྱོལ་སྤྱི་ཚོགས་འཐོར་ཞིག་ཏུ་མི་འགྲོ་བའི་བརྡ་ལན་ཞིག་པེ་ཅིན་ལ་སྤྲོད་བཞིན་ཡོད། དེ་བཞིན་བཀའ་ཤག་གི་སྲིད་ཇུས་ཆིག་སྒྲིལ་དང་གསར་གཏོད། རང་ཁ་རང་གསོ་གསུམ་གྱི་སྐོར་གསལ་བཤད་གནང་སྐབས་ཁོང་གིས། བོད་མི་ཚོར་གཞན་རྟེན་གྱི་བསམ་བློ་ཤུགས་ཆེན་པོ་ཡོད་པའི་ཚོར་སྣང་བྱུང་ཚུལ་དང་། གལ་སྲིད་སོ་སོར་རང་གི་རྐང་པའི་སྒང་ལངས་ཐུབ་པའི་གདེང་ཚོད་མ་བསླེབ་པར་དུ་བོད་ཀྱི་རྩ་དོན་འགྲུབ་ཁག་པོ་ཡིན་༽སྐོར་སོགས་གསུངས་པ་ཞིག དུས་བབ་ལས་མཐོང་སོང་བས་བསམ་གཞིག་བྱ་རྒྱུ་དང་། ཞིབ་འཇུག་བྱ་རིན་ཡོད་པའི་སྐད་ཆ་ཞིག་རེད།
ཁྲིམས་ལུགས་སློབ་མ། བློ་བཟང་གྲགས་པ།
བོད་ས་ཤོར་ནས་ད་བར་ལོ་ངོ་ཧྲིལ་པུ་༥༣རིང་། ༧གོང་ས་མཆོག་གི་ཐུགས་རྗེ་བཀའ་དྲིན་ལ་བརྟེན་ནས། ང་ཚོ་གནས་མེད་ཀྱི་འཁྱམ་པོ་ཞིག་ཏུ་གྱུར་མེད་ལ། བདག་མེད་ཀྱི་དྭགས་ཕྲུག་ལྟ་བུའི་གནས་སྟངས་ཤིག་ཏུ་དེ་བས་ལྷུང་མེད། དེ་ནི་རྒྱ་གར་གཞུང་གིས་ཆབ་སྲིད་དང་ཁྲིམས་ལུགས། རིག་གཞུང་དང་སྤྱི་ཚོགས་སོགས་ལྟ་གྲུབ་དུ་མས་གྲུབ་འབྲས་ཀྱིས། ང་ཚོར་གནས་ཚང་གཡར་པ་རེད། བོད་མིའི་རང་ཉིད་ཀྱི་ཆོས་དང་རིག་གཞུང་། གོམས་གཤིས་དང་ལེགས་བྱང་སོགས་མ་ཉམས་གོང་འཕེལ་དང་ཉམས་པར་སླར་གསོའི་ཆེད་དུ། བོད་མི་སྐྱབས་བཅོལ་བ་རྣམས་རྒྱ་གར་རྒྱལ་ཡོངས་ཀྱི་ཞིང་ཆེན་འདྲ་མིན་དུ་བགོས་ནས། ད་བར་གཞིས་ཆགས་༣༨ཙམ་དུ་གནས་འཁོད་བྱས་པར་མ་ཚད། རང་ཉིད་ཀྱི་མི་དམངས་ཁྲི་ཚོགས་མང་པོ་དཀའ་ངལ་གྱི་གནས་སུ་ལྷུངས་ཡོད་ནའང་།
ནམ་མཁའ
ང་ཚོ་ཚང་མས་ཤེས་གསལ་ལྟར་ཆབ་སྲིད་ཀྱི་རི་སྒང་དེ་ནས་མར་མེ་ཁྲོམ་སྐོར་ཐེངས་ལྔ་བཅུ་རྒལ་སོང་། ཡིན་ཡང་འཛམ་གླིང་གི་ཚོང་རྫས་སུ་གྱུར་བའི་བོད་ཀྱི་གནས་སྟངས་ལ་འགྱུར་བ་ཕྲན་བུ་ཙམ་ཡང་བྱུང་མེད། དེས་རྐྱེན་བོད་ནང་གི་དཔའ་བོ་དང་དཔའ་མོ་ཚོས་རང་གི་ལུས་ལོངས་སྤྱོད་དང་།ཐ་ན་རང་གི་བྲང་ཁོག་ནས་བརྒྱུད་པའི་བུ་ཕྲུག་ཡང་བློས་བཏང་བྱེད་དང་བྱེད་བཞིན་ཡོད། འདི་འདྲའི་གནས་སྟངས་གཉེན་ཕྲེང་ཅན་ལ་བོད་མི་ཡོངས་ཀྱིས་སེམས་ནས་མ་བཟོད་པར།བོད་གཞུང་དང་འགོ་ཁྲིད་མི་སྣ་སོགས་ལ་ཁ་རྡུང་ཡང་གཏོང་བཞིན་ཡོད། མ་ཟད་ད་རུང་༧གོང་ས༧་མཆོག་གིས་བོད་ནང་གི་བོད་མི་ཚོར་རང་ལུས་མེ་བསྲེགས་ཀྱི་ལས་འགུལ་མཚམས་འཇོག་བྱེད་དགོས་བའི་བཀའ་སློབ་གནང་དགོས་ཚུལ་གྱི་བསམ་ཚུལ་དངོས་ཤུགས་གང་རུང་དུ་བརྗོད་དང་བརྗོད་བཞིན་ཡོད།
དེ་ལས་མང་བ་། “བདེན་པའི་མེ་ལྕེ་ནས་བདེན་པའི་ཨུ་ཚུགས་སུ་བསྐྱོད།” »
མཆོད་འབུལ་སྐབས་༧སྐྱབས་རྗེ་ཀིརྟི་རིན་པོ་ཆེ་དང་ལྷན་དུ།
དེ་ལས་མང་བ་། “རེབ་གོང་མཆོད་འབུལ་སྨོན་ལམ་གྱི་བྱུང་སོང་རྩིས་ཁྲ།” »
གཅན་འོད་འབར།
ད་ལྟ་བོད་ཕྱི་ནང་གཉིས་ན་ཚ་ཚ་འུར་འུར་གྱིས་འབར་ཞིང་ཁྱབས་ཀྱིན་པ་ནི་བོད་ནང་གི་རང་ལུས་མེར་བསྲེགས་ཀྱི་ལས་འགུལ་འདི་རེད། རང་ལུས་མེར་བསྲེགས་ཀྱི་རྒྱལ་སྐྱོབ་ལས་འགུལ་འདི་གཅིག་མཇུག་གཉིས་མཐུད་དུ་བྱུང་ནས་ཁ་གྲངས་འདི་འདྲ་ཞིག་ལ་སླེབས་པར་བསམ་ན་སེམས་གཏིང་ནས་སྐྲག་སྣང་ཞིག་ངམ་ངམ་ཤིག་ཤིག་གིས་མི་སྐྱེ་པའི་བོད་མི་ཞིག་ཡོད་མི་ངེས་འདོད་ལ། ལས་འགུལ་འདིའི་རྒྱབ་ལྗོངས་དང་ཁྱབ་རྒྱ། རྒྱལ་གཅེས་པ་འདི་དག་གི་ཞལ་ཆེམས་དམ་བཅའ་དང་དགོས་དམིགས་རེ་འདུན་སོགས་ཤེས་ན་སྙིང་གསེབ་ནས་སྔར་མེད་ཀྱི་སེམས་ཤུགས་ཤིག་དྲག་ཏུ་ལངས་མི་སྲིད་པའི་བོད་མི་ཞིག་ཀྱང་ཕལ་ཆེར་མེད་མི་སྲིད་ཅེས་བརྗོད་ན་ཆོག་མོད།
གནས་ཚུལ་མཁོ་འདོན་པཿ སྐལ་བཟང་རྡོ་རྗེ།
གནས་ཚུལ་འབྱོར་དུསཿ ༢༠༡༢ ཟླ་ ༨ ཚེས་ ༡༣
དེ་རིང་གི་ཨ་མདོ་རྔ་པའ་ཁུལ་གྱི་རང་ལུས་ཀྱི་འདྲ་དཔར་ཞིག་བོད་ནས་འབྱོར་སོང་། བསྐུར་མཁན་གྱིས་འདི་ལྟར་བྲིས་འདུག
༡ དེ་རིང་བོད་ནས་འབྱོར་བའི་གནས་ཚུལ་ནང་། མདོ་སྨད་རྔ་པ་ཁུལ་དུ་དེ་རིང་རྒྱ་ནག་ཆུ་ཚོད་༦།༥༠ཐོག་གཞོན་སྐྱེས་གཉིས་ཀྱིས་རང་ལུས་མེར་བསྲེགས་བཏང་བ་དང་། དེ་རྗེས་གཞོན་སྐྱེས་གཅིག་ཉེན་རྟོག་པས་བསད་པ། ཆུ་ཚོད་༨པ་ཙམ་ལ་དགེ་འདུན་པ་ཞིག་གིས་དགོན་པའི་མདུན་དུ་རང་ལུས་མེར་བསྲེགས་བཏང་བའི་ཛ་དྲག་གནས་སྟངས་ཐོན་འདུག ཚང་མས་དོ་སྣང་གནང་རོགས། ད་ལྟ་རྔ་བ་རྫོང་ཐོག་ཏུ་མི་མང་པོས་སྐད་འབོད་རྒྱག་བཞིན་པའི་བརྙན་པར་ཞིག་ཕྱིར་ཐོན་ཡོད་འདུག་ཀྱང། མཚན་མོ་ཡིན་ཙང་གསལ་པོ་ཡོད་ས་མ་རེད།
༢ ཡང་བསྐྱར་འདི་ལྟར་བྲིས་འདུག གོ་ཐོས་ལྟར་ན་ཆུ་ཚོད་ཕྱེད་ཙམ་གྱི་གོང་དུ་རྔ་བ་ཀིརྟི་དགོན་གྱི་འགྲམ་དུ་སླར་ཡང་གྲྭ་བ་ཞིག་གིས་རང་ལུས་མེ་རུ་ཕུལ་སོང་ཟེར་བའི་གནས་ཚུལ་ཞིག་ཀྱང་འདུག་པ་ད་ལྟ་ཁ་གསལ་གང་ཡང་མི་འདུག དེ་བདེན་ན།། འདི་དེ་རིང་གི་རང་ལུས་མེར་བསྲེགས་གསུམ་པ་རེད་ཟེར།
དེ་ལས་མང་བ་། “ཨ་མདོ་རྔ་པ་ནས་རང་ལུས་མེར་བསྲེགས་བསྟུད་མར་བྱུང་བ།” »
ཕྱི་ལོ་ ༢༠༡༢ ཟླ་ ༨ ཚེས་ ༡༣ ཉིན་གྱི་བོད་ནང་གི་དུས་ཚོད་ ༦།༥༠ ཙམ་ལ་བོད་མདོ་སྨད་རྔ་པ་རྫོང་ཆོས་རྗེ་མ་ཞང་སོ་རུ་མ་སྡེ་བའི་མི་སྐྱ་བཀྲ་ཤིས་དང་། རང་ལོ་ ༢༡ ཡས་མས་ཤིག་ཡིན་པ་ཁོང་དང་། སོ་རུ་མ་ནས་ཡིན་པའི་རྔ་པ་ཀིརྟི་དགོན་པའི་སྨན་པ་གྲྭ་ཚང་གི་གྲྭ་ལུང་རྟོགས། རང་ལོ་ ༢༠ ཡས་མས་ཤིག་ཡིན་པ་ཁོང་གཉིས་ཀྱིས་རྔ་པ་ཀིརྟི་དགོན་པའི་མཐའ་འཁོར་གྱི་འཁོར་ཁང་ཞིག་གི་ནང་ནས་རང་ལུས་ལ་མེར་སྒྲོན་ཏེ་དཔའ་བོའི་སྲང་ལམ་ནས་ངོ་རྒོལ་སྐད་འབོད་བྱས་ཡོད།
དེ་ལས་མང་བ་། “ཨ་མདོ་རྔ་པར་ཕྱི་ཚེས་ ༡༣ ཉིན་གྱི་རང་ལུས་མེར་སྲེག་གནས་ཚུལ།” »
མཚུངས་མེད་རྡ་རམ་ས་ལའི་ཉེ་འཁོར་གྱི་མཐོ་སློབ་ཁག་དང་ཚོགས་པ་ཁག མི་མང་ཡོངས་ཀྱི་སྙན་ལམ་དུ།
འདི་ག་ཤེས་རབ་དགའ་ཚལ་སློབ་གླིང་གི་བོད་ཡིག་ཤེས་ཡོན་སྡེ་ཚན་གྱི་ངོས་ནས་ངེད་སློབ་གྲྭའི་སློབ་ཟུར་རྒྱལ་གཅེས་དཔའ་བོ་འཇམ་དཔལ་ཡེ་ཤེས་མཆོག་ལ་རྗེས་དྲན་གྱི་སླད་དུ་རྡ་སའི་ཉེ་འཁོར་གྱི་མཐོ་སློབ་༼སློབ་མ་བཅུ་རེ་དགོས།༽ཁག་ཅིག་དང་ཚོགས་པ་ཁག ༼ཚོགས་མི་བཅུ་ངེས་བར་དུ་དགོས།༽ མི་མང་༼མི་བཅུ་ཚང་དགོས།༽བཅས་ཀྱི་ནང་ཁུལ་དུ་ཕ་སྐད་གཙང་མའི་འགྲན་བསྡུར་ཞིག་གོ་སྒྲིག་ཞུ་རྒྱུ་ཡིན་ལ།
ཨ་ནུ་ཐང་བསོད་ནམས།
Guor Marial སྒོ་མ་རེས་ཡ་ནི་རྒྱལ་ཁབ་མེད་པའི་རང་དབང་གི་ཨོ་རྩལ་རྩེད་འགྲན་པ་ཞིག་ཡིན་ཞིང་ཁོང་ནི་སྤྱི་ལོ༡༩༨༤ལོརཟླ༤ཚེས༡༥ཉིན་ཨ་ཧྥི་རི་ཁའི་གསོའི་སྒྲན་Sudanརྒྱལ་ཁབ་ནས་སྐྱེས། གསོའི་སྒྲན་རྒྱལ་ཁབ་ཀྱི་ནང་འཁྲུག་རྐྱེན་གྱིས་ཁོང་བྱིས་བའི་སྐབས་ནས་གཞན་གྱིས་བཙན་ཁྲིད་བྱས་ཏེ་བྲན་གཡོག་ཏུ་བཀོལ་ཡང་། རྗེས་སུ་ཨེ་རྗེད་དམ་ཁེ་རྙེག་ཏུ་བྲོས་ཞིང་གནས་དེའི་སྐྱབས་བཅོལ་བའི་ལག་ཁྱེར་རྒྱུད་དེ་རང་ལོ་བཅུ་དྲུག་སྟེང་ཨ་རིར་འབྱོར། བྱོས་བྱོལ་དུ་ཕྱིན་སྐབས་ཉིན་གསུམ་ལ་བར་མཚམས་མ་བཞག་པ་བྲོས་བའི་ཉེར་ལེན་གྱིས་རྒྱུག་ཤར་བྱེད་སྐབས་སྔོན་གྱི་བྱུང་བ་དྲན་བས་རྒྱུགས་འདོད་པ་མེད་ཀྱང་། རིམ་བཞིན་འཚོར་སྣང་དེ་རྙིང་བ་གྱུར་ཅིང་འཇའ་ལྟར་ཡལ་ནས་ཨ་རིའི་རྒྱུག་རྩལ་འགྲན་བསྡུར་marathonནང་ཞུགས་ཏེ། འགྲན་བསྡུར་ལས་ཨོ་རྩལ་འགྲན་རྩོད་ལ་ཞུགས་རྒྱུའི་ཆུ་ཚད་ཡོད་པའི་བདེན་དཔང་ཐོབ།
སྤྲུལ་དབང་ཆེན།
སྐྱ་རེངས་བུ་མོས་སྤྲིན་དཀར་གཡབ་ཏེ།
ཞོགས་པའི་ཉི་གཞོན་མགྲོན་དུ་བསུས་ཞིང་།
འཛུམ་ཞལ་འོད་ཀྱིས་སྒེའུ་ཁུང་ཕྱེས་ནས།
གདོང་ལ་དྲོད་འཇམ་ཕྱག་གིས་བྱུགས་བྱུང་། །
འདུ་འཛིའི་འདུ་ལོང་ཆེ་བས་འུར་ཟིང་།
ཚོང་ཟོག་ཡར་མར་སྐྱེད་འདྲེན་རླུང་འཁོར།
གཅིག་ལས་གཅིག་མཁས་རང་ལྟོའི་ཆེད་དུ།
དབུལ་ཕྱུག་གཉིས་ཀ་བྲེལ་ལ་ཕྱོགས་སོང་། །
ངས་ཤེས་ཀྱིན་ཡོད་༧གོང་ས་ཏཱ་ལའི་བླ་མར་སྐྱོན་བརྗོད་བྱེད་པ་དེ་ལས་སླ་བོ་ཞིག་མ་རེད། འོན་ཀྱང་། གནད་དོན་འདིའི་ཐོག་ཏུ་ནང་བའི་རྗེས་འཇུག་པ་ཚོས་སྤྱན་རས་གཟིགས་ཀྱི་རྣམ་སྤྲུལ་དུ་ལྟ་ཞིང་འཛམ་གླིང་ནོ་བྷེལ་ཞི་བདེའི་གཟེངས་རྟགས་བཞེས་མཁན་ཁོང་ལ་ངེས་པར་དུ་སྐྱོན་བརྗོད་བྱས་ན་འོས། ཅིའི་ཕྱིར་ཏཱ་ལའི་བླ་མས་རང་ཉིད་རང་གིས་གསོད་མཁན་ཚོར་སྐྱོན་བརྗོད་བྱེད་མི་ཐུབ་པ་རེད། ཅིའི་ཕྱིར་ཁོས་རླབས་ཆེ་བའི་ཀུན་སྤྱོད་དང་ཆོས་ལུགས་ཀྱི་ལྟ་གྲུབ་དག་བེད་སྤྱོད་བྱས་ནས་རང་ཉིད་རང་གིས་གསོད་བཞིན་པའི་མིའི་རིགས་ཀྱི་དམར་མཆོད་དེར་སྐྱོན་བརྗོད་བྱེད་མི་ཐུབ་པ་རེད། རྒྱས་པ་འདི་རུ་བསྣུན་ཏེ་སྐར་ཁུང་དྲ་བ་བརྒྱུད་ཀློགས།
དོན་གྲུབ་རྡོ་རྗེ།
———-
དེ་རིང་ང་ལ་ལས་ཀ་ཡོད། ལས་ཀ་དེ་ཐབ་ཚང་གི་ལས་ཀ་རེད། གཅིག་ནི་ཧ་ཡང་ཆེན་པོ་དེ་ལ་ཆུ་དགང་རྒྱུ་དེ་རེད། ཆུ་འགེངས་མཁན་ནི་ང་ཡིན་སྟབས། བསྟན་འཛིན་གྱིས་ “ང་ལ་ཆུ་ཁེང་ཞིག་” ཅེས་བཤད་པ་དེ་ངས་ངོས་ལེན་བྱེད་མ་ཐུབ། ང་རླུང་ལངས། ངས་བསྟན་འཛིན་ལ། “དེས་ན། ངས་དགས་རྒྱུའི་ཤིང་དེ་ཚོ་ཁྱོད་ཀྱིས་ཁོས་ཤིག་”ཅེས་བརྗོད་པ་ཡིན། “ དེ་ལ་བསྟན་འཛིན་ཧ་ཅང་མ་དགའ་བ་རེད། ཁོང་གིས། “ང་དཔོན་པོ་ཡིན། ཁྱོད་ཀྱི་བྱ་སྤྱོད་དེ་འགྲིག་མ་སོང་། ངས་ཐོར་དགོད་རྒྱུ་ཡིན།”ཞེས་ང་ལ་སྨྲས། ཁོང་དཔོན་པོ་རེད། ཁོང་ནི་ང་དང་བཅས་པའི་ལས་ཀ་བ་ཚང་མ་འཇུན་མཁན་དེ་རེད། ཁོང་ཁྲོས་པའི་སྐབས་སུ་ང་ཚོ་སྐྲག་ནས་རང་རང་གི་སྤྱོད་པ་ཡང་དག་གིས་གདུད་དགོས་པ་རེད། མི་འདུད་མཁན་རྣམས་ལ་ཁོང་གིས་ལས་ཀ་བ་གཞན་རྣམས་བསྐུལ་ནས་ཐུད་པར་བྱེད་པ་རེད།
དེ་ལས་མང་བ་། “རྒན་འཇམ་དཔལ་ལེགས། ཡི་གེ་དག་མ་འདི་འདྲ་རེད་དམ།” »
མི་ཉག་དུང་ཟླ།
ནམ་ཟླ་ཆར་སྨུག་གིས་བཟུང་བའི་ཉིན་ཞག །
ས་གཞི་ལ་རྒས་གཉེར་གཡོ།
རི་གྲོང་དང་རྣ་བ་ཡོད་ཚད།
འཇག་སྐྱའི་ཤུགས་གླུ་ཡིས་ཡང་ཡང་གདུང་།
ཀརྨ་པ ཁྱེད་ཕེབས་ཤུལ་དུ།
རི་གྲོང་འདི ལྕགས་མཁར་སྒོ་མེད་ཀྱི་ཞིང་ཁམས་ཡིན།
ཁྲོ་གཏུམ།
སྐད་ཡིག་གི་ཁྱབ་ཁོངས་སུ་མེད་དུ་མི་རུང་ཞིང་མེད་ན་མི་ཆོག་པ་ནི་བརྡ་སྤྲོད་ཞེས་བ་འདི་ཡིན་ལ། གལ་སྲིད་བརྡ་སྤྲོད་ཀྱི་ནུས་པ་མེད་ན་མི་རིགས་འདིའི་རིག་གཞུང་དང་ཡུལ་སྲོལ་གོམས་གཤིས། མེས་པོའི་མཛད་རྗེས་སོགས་ཇི་ལྟར་ལོ་ངོ་ཁྲི་འབུམ་ལ་གནས་ཐུབ་བམ། རྒྱལ་ཁབ་དང་མི་རིགས་ཞེས་ལོགས་སུ་ཡོད་པ་ཞིག་ཡིན་དུས་རྒྱལ་ཁབ་དེ་ལ་དཔག་པའི་སྐད་ཡིག་ཞེས་པ་ཞིག་དང་འབྲེལ་ནས་བརྡ་སྤྲོད་ཞིག་གི་འགྲོས་རིམ་ཡོད་པ་ནི་སྐད་ཡིག་དེའི་སྲོག་རེད།
ཁམས་ནགས་ཤོད་འབྲི་རུ་རྫོང་འབྲི་རུ་ཤང་བཀྲ་ཤིས་དར་ལུང་གྲོང་ཚོ་ནས་ཡིན་པའི་གླུ་པ་མཆོག་གསལ་ཕྱི་ཟླ་༧ པའི་ཚེས་༢༩ ཉིན་དགོང་དྲོ་ཆུ་ཚོད་བཅུ་པ་ཙམ་ལ་མཚོ་སྔོན་ཟི་ལིང་གྲོང་ཁྱེར་གྱི་དྲ་ཁང་ཞིག་ནས་ཡི་གེ་གཏོང་བཞིན་པའི་སྐབས་སུ་རྒྱ་ནག་གཞུང་གིས་འཇུ་བཟུང་བྱས་པའི་གནས་ཚུལ་ཐོན་འདུག གནས་ཚུལ་རྒྱས་པ་སྦྲེལ་ཐག་འདི་ནས་གཟིགས་གནང་རོགས།
སྐྱོ་བྲག་དགའ་དབང་།
དུས་ཡུན་རིང་འགྲོགས་པའི་ཆོས་ཀྱི་མཆེད། །
ཁ་བྲལ་བའི་ལོ་ཟླ་མང་པོའི་མཐར། །
གློག་དྲ་བའི་བརྒྱུད་ནས་གླེང་མོལ་བྱུང་། །
སེམས་དགའ་སྐྱོའི་ཆང་གིས་མྱོས་ནས་ཐལ། །
དུས་ཁར་རྩང་མཚན་མོའི་ནམ་ཕྱེད་ལ། །
བྱ་རྒྱ་ཁྲ་ཧོར་བ་བསླེབས་འདུག་ཟེར། །
ཚིག་བདེན་སྨྲའི་ལྷ་རྩེའི་ཁུ་བྱུག་གི། །
སྤུ་མཁའ་ལ་འཐོར་བའི་དངངས་སྐྲག་བྱུང་། །
ལུང་རྟོགས་རྒྱལ་མཚན།
༡༽བོད་ལ་ཡོད།
བྱམས་བརྩེ་ལྡན་པའི་ཆོས་ལུགས་བོད་ལ་ཡོད།།
གཟི་བརྗིད་ལྡན་པའི་ལོ་རྒྱུས་བོད་ལ་ཡོད།།
རིན་ཐང་ལྡན་པའི་རིག་གཞུང་བོད་ལ་ཡོད།།
དཔའ་མཛངས་ལྡན་པའི་རྒྱལ་བློན་བོད་ལ་ཡོད།།
གངས་ཅན་བོད་ཀྱི་རིགས་རྒྱུད་ཕ་བཟང་བུ།།
ཕ་མེས་བཟང་པོའི་ཞབས་འདྲེན་མ་ཞུ་ཨང་།།
རེབ་ཐོག་མདའ།
སྙན་ངག་གི་བཟི་ཁ
ཆང་འཐུང་ཐེངས་རེར་སྙན་ངག་དྲན་ཡོང་ལ
སྙན་ངག་འབྲི་ཐེངས་རེར་ཆང་འཐུང་ན་འདོད
སྙན་ངག་ཆང་དང་སྡེབ་ནས་བཏུང་ཐེངས་རེར
ངས་མཛའ་མོ་དེའི་སྙིང་གཏམ་དྲན་འོངས་ལ
དྲན་ཐེངས་རེ་རེར
རང་ཉིད་སྙན་ངག་གིས་ཐེངས་ཤིག་བཟི་ན་འདོད་ཨང
