ནམ་མཁའ།

ང་ཚོའི་རང་ས་དྲོན་མོ་གཞན་ལག་ཏུ་ཤོར་ནས་ལོ་ངོ་ལྔ་བཅུ་ལྷག་རྒལ་སོང་། ལོ་ངོ་ལྔ་བཅུའི་རིང་རེ་སྒུགས་སྐོམ་པའི་ཆུ་འདོད་པ་ལྟར་རྒྱབ་ཡོད། ཡིན་ཡང་དེ་རིང་ད་རུང་ཡང་རེ་སྒུགས་ཀྱི་སྣེ་མོ་ལ་འཇུས་ཏེ་འགྲོ་བཞིན་པའི་སྒང་རེད། རྒྱ་ནག་གི་འགོ་ཁྲིད་རེ་རེ་བརྗེ་བའི་དུས་ལ་སླེབས་དུས་བོད་གཞི་བྱེས་གཉིས་ཀྱིས་རེ་བ་ཆེན་པོ་ཞིག་གིས་ཁ་གདངས་ཚོད་ག་ལ་ཟིན། རྒྱ་གཞུང་གིས་འགོ་ཁྲིད་རེ་རེ་བཞིན་བོད་ཐོག་འཛིན་པའི་སྲིད་བྱུས་ལ་འགྱུར་བ་འགྲོ་རྒྱུ་ལས་མཁྲེགས་འཛིན་སྔར་ལས་ཆེ་རུ་ཕྱིན་ཡོད། འོན་ཀྱང་བོད་ཀྱི་རེ་སྒུགས་ལ་རྫོགས་མཐའ་ཞིག་ག་ལ་མཆིས། ལོ་ལྔ་བཅུའི་རེ་སྒུགས་ལ་འབྲས་བུ་མ་སོན་པས་སྙིང་སྟོབས་ཀྱི་མེ་ལྕེ་ཡང་བོད་ཕྱི་ནང་གཉིས་ནས་གྲངས་ལྔ་བཅུ་བརྒལ་སོང་།

དེ་ལས་མང་བ་། “རྒྱལ་སྤྱིའི་གསར་ལམ་ཁག་ཏུའང་མི་ཚུད་པའི་བོད།” »

ངས་པོ་རྒྱལ་མཚན།

༸གོང་ས་མཆོག་གིས་ཐུགས་རེ་ཆེན་པོས་ཐད་སྐོས་སྤྱི་འཐུས་ལ་བསྐོས་བཞག་གནང་མྱོང་ལ་བཙན་བྱོལ་སྤྱི་ཚོགས་ནང་ལས་དོན་དངོས་སུ་འབུར་ཐོན་གྱི་མཛད་རྗེས་ཡོད་པའི་བྱས་པ་ཅན་གྱི་མི་སྣ་དག་ལ་དྲ་རྒྱའི་ནང་དུ་རྩོམ་འཆལ་མང་པོ་སྤེལ་གྱིན་འདུག་པར་ང་ཚོ་བོད་མི་རིགས་ཆེད་ལ་རྒྱ་དང་དྲིན་གཟོ་ཤེས་པ་རྣམས་ནས་དེ་དག་རྒྱ་ཡན་དུ་འཇོག་ཐབས་བྲལ། དཔེར་ན་བང་ཆེན་དྲ་རྒྱའི་ཟིན་བྲིས་པ་སྟག་རྒོད་ཟེར་བ་སོགས་ཀྱིས་སྐུ་ངོ་ཟླ་བ་ཚེ་རིང་སྐོར་ལ་འཆལ་གཏམ་ཐེངས་མང་པོ་སྤེལ་སོང་།

དེ་ལས་མང་བ་། “རྒྱ་ཡན་དུ་གཏོང་མི་ཉན།” »

ཁྲོ་གཏུམ།

ཚགས་ཤོག་འདིའི་<<པར་རིས་རྒྱུད་ནས་ཤེས་བྱ་ཁག་ཅིག་ངོ་སྤྲོད་>>ཞེས་པའི་ལེ་ཚན་དུ། “པར་རིས་འདི་ནི༧རྒྱལ་མཆོག་བཅུ་བཞི་པ་བསྟན་འཛིན་རྒྱ་མཚོ་མཆོག་གི་འཁྲུངས་གཞིས་ཡིན་ཞིང་། བོད་ཤར་ཕྱོགས་ཨ་མདོ་བླ་བྲང་དང་ཁ་ཐག་ཉེ་བའི་སྟག་འཚེར་ཞེས་པའི་གྲོང་པར་ཡོད་པ་རེད”འདི་ལྟར་རང་གི་ལོ་རྒྱུས་མི་ཤེས་པའི་ནགས་ཀྱི་སྤྲེའུ་བཞིན་ངོ་སྤྲོད་ཡ་ང་བ་ཞིག་གིས་ང་ལ་ཡང་ཡང་གཅར་སོང་།

དེ་ལས་མང་བ་། “ཚགས་ཤོག་བྷོ་ཊིའི་སྟེང་ན་རླུང་སྡོམ་པོ་ཞིག” »

མགར་འཇམ་དབྱངས།

གསང་ཉུལ་བ་ཞེས་པའི་ཡིག་འབྲུ་རྡོག་པོ་འདི་དག་དར་སོ་འགྲོ་བཞིན་པའི་བཙན་བྱོལ་བའི་སྤྱི་ཚོགས་ཆུང་ཆུང་འདིར། གསང་ཉུལ་བ་ཞེས་པའི་མིང་བརྡ་བཀོལ་སྟངས་ལ་ཐོགས་པ་མེད་པར་ཚང་མར་གོམས་ལོབས་སུ་སོང་བའི་རྒྱུན་སྲོལ་ཞིག་ཏུ་ཆགས་ཡོད་མོད། གསང་ཉུལ་བ་ཞེས་པའི་མིང་བརྡ་སྟབས་བདེ་འདིའི་ཕག་གི་འཇིགས་རུང་གི་སྐྱོ་གར་ལ་ཡིད་གཟབ་བྱེད་མཁན་ཉིན་སྐར་ཙམ་རེད། དེས་ན་ཚིག་ཕོན་ཆེན་པོས་འགྲོ་སོང་མི་དགོས་པའི་མིང་ཚིག་སྟབས་བདེ་འདི། བརྟན་ལྷིང་མེད་པའི་སྤྱི་ཚོགས་དབར་དུ་རིང་ལུགས་ཉེ་ཚེ་བ་སྒྲུབ་བྱེད་ཀྱི་ཚོང་རྫས་ཤིག་ཀྱང་ཆགས་ཡོད་ལ། མི་གཤིས་བོར་བའི་སྐྱེ་བོ་འུར་བོ་ཆེ་རྣམས་ལ་དེ་ལས་ལྷག་པའི་གསར་འགྱུར་འཕར་མ་ཞིག་གི་ཚབ་མཚོན་ཀྱང་ཉན་ཡོད།

དེ་ལས་མང་བ་། “གསང་ཉུལ་བ།” »

སྤྲུལ་སྐུ་དབང་ཆེན།

མཁན་ཆེན་དམ་པ་ཚུལ་ཁྲིམས་བློ་གྲོས་མཆོག་གིས། གལ་ཏེ་ཤ་མི་ཟ་བར་འགོག་དགོས་ན་དང་པོ་རང་གིས་ཤ་བཅད་དགོས་པ་རེད། དེ་ཡང་སྔོན་མ་ཆོས་སྒར་ནས་གྲྭ་བ་ཁ་ཤས་ཤིག་འབྲོག་ཕྱོགས་ལ་ཕེབས་ཏེ་ཤ་ཡི་ཉེས་དམིགས་བགྲངས་ནས་ཤ་བཅད་བྱེད་མཁན་མང་པོ་ཞིག་བྱུང་བ་རེད། ཤ་བཅད་བྱེད་མཁན་དེའི་ཁྲོད་ནས་རྒད་པོ་ཞིག་འབྲོག་སྡེ་གཞན་པ་ཞིག་ནང་སོང་ནས་ང་ཚོའི་སྡེ་ནང་གྲྭ་བ་ཁ་ཤས་ཕེབས་ཏེ་དགེ་སྒྲུབ་སྡུག་སྤོང་སྐོར་གསུང་བཤད་གནང་ནས་ཤ་བཅད་མཁན་མང་པོ་བྱུང་བས་ང་ཡང་ཤ་བཅད་ཡིན་ཞེས་སྐད་ཆ་བཤད་པ་རེད། དེ་དུས་སྡེ་བ་གཞན་པའི་རྒད་པོ་ཞིག་གིས་བླ་མ་དེ་ཚོའི་ཤ་མཆོད་ཀྱི་མི་འདུག་གམ་ཞེས་དྲིས་པ་རེད།

དེ་ལས་མང་བ་། “དགོན་སྡེ་ཁག་དང་ནང་ཆོས་སློབ་སྦྱོང་བྱེད་ས་རུ་གློག་འཕྲུལ་སོགས་འགོག་པ་མི་ལེགས་པ། །” »

རིགས་སློབ། མཚོ་འགོ་འཇམ་དབྱངས།།

དང་པོ།༽ ཆོས་ཚན་དབར་གྱི་བགྲོ་གླེང་ཐོག་མར་ཇི་ལྟར་བྱུང་ཚུལ།

སྤྱི་ལོའི་དུས་རབས་བཅུ་དགུ་པའི་ལོ་རབས་བདུན་ཅུ་ཙམ་ནས་བཟུང་བོད་ཀྱི་བསམ་བློའི་བདག་ཉིད་ཆེན་པོ་༸གོང་ས་༸སྐྱབས་མགོན་ཆེན་པོ་མཆོག་ནས་ནང་པའི་སེམས་ཁམས་རིག་པའི་རྣམ་གཞག་དེ་དག་ནུབ་ཕྱོགས་པའི་ཚན་རིག་གི་ཁོངས་སུ་གཏོགས་པའི་ཀླད་པ་དང་དབང་རྩ་རིག་པའི་རྣམ་གཞག་རྣམས་དང་བགྲོ་གླེང་གི་ལམ་ནས་ཕན་ཚུན་བསམ་བློའི་གོ་རྟོགས་སྤེལ་རེས་གཏོང་དགོས་པའི་ བསམ་ཚུལ་བྱུང་བ་བཞིན་ཕྱི་ལོ་༡༩༨༣ལོར་བྱང་ཨ་མི་རི་ཀའི་ཚོང་པ། ཨར། ཨེ་ཌམཨེ་གལ་(R. Adam Engle)དང་དབང་རྩའི་ཚན་རིག་པ་མཁས་དབང་སྐུ་གཤེགས།

དེ་ལས་མང་བ་། “༸གོང་ས་མཆོག་གིས་ནང་ཆོས་ཀྱི་ཚན་རིག་དང་ནུབ་ཕྱོགས་པའི་ཚན་རིག་དབར་བགྲོ་གླེང་གནང་བའི་གྲུབ་དོན་འཇལ་བ།” »

སྐྱོ་བྲག་དགའ་དབང་།

གཞན་ཕན་ནི། རྫོགས་པའི་སངས་རྒྱས་གཞན་ཕན་སེམས་ལས་འཁྲུངས། །ཞེས་བོད་དུ་དར་བའི་ནང་ཆོས་ཀྱི་བསྒྲུབ་བྱའི་སྙིང་པོར་གསུངས་ཤིང་། སྤྱི་ཚོགས་ཀྱི་ཁྲོད་ནའང་སེམས་ལ་སྤྲོ་བ་འཕེལ་བའི་གཏམ་ལས་ཤིག་ཡིན་མོད། དོན་དངོས་ལ་ཧ་ཅང་གི་ལག་བསྟར་དཀའ་བའི་བྱ་བཞག་ཅིག་རེད། གང་ཟག་ཚང་མ་བདག་བདེ་འབའ་ཞིག་འདོད་མཁན་ཡིན་པའི་ཕྱིར་ན། འགྲོ་བ་མིའི་ལྷན་སྐྱེས་ཀྱི་སེམས་སུ་ང་ལ་ཕན་གདགས་མཁན་ཞིག་རྙེད་ན་སྙམ་པ་ལས། ངས་ཕན་འདོགས་ས་ཞིག་རྙེད་ན་སྙམ་པ་ནི་ཕལ་ཆེར་མི་སྲིད་པ་ལྟ་བུ་ཡིན། གལ་ཏེ་ཕན་ཞིག་འདོགས་བསམས་ནའང་ཐོགས་དཀའ་བ་སྟེ། འཕྲལ་ཕུགས་ཀྱི་གནས་ཚུལ་ཤེས་པའི་རྣམ་དཔྱོད་མེད་ན་རང་གིས་ཕན་ཐབས་སུ་བསམ་པ་དེ་ཕན་གནོད་ཅིར་འགྱུར་ཆ་མི་འཚལ་བ་སྟེ། ཕ་མས་བརྩེ་བ་ཆེ་ཐག་ཆོད་ནས་ང་སློབ་གྲྭར་འགྲོ་མི་དགོས་པའི་ཆེད་དུ་ལོ་མང་རིང་གཞུང་ལ་ཉེས་ཆད་འཇལ་བ་རེད།

དེ་ལས་མང་བ་། “གཞན་ཕན།” »