ཤར་ཕྱོགས་ཁུག་རྟ།

དེང་འཛམ་གླིང་ཤར་ནུབ་ཀྱི་འབྲེལ་བ་ཉིན་རེ་བཞིན་ཇེ་ཆེར་འགྲོ་ཡི་ཡོད་པས། རྒྱ་ནག་མི་མང་དང་གཞིས་ལུས་བོད་མི་ཚོས་དབུ་མའི་ལམ་ལ་རྒྱབ་སྐྱོར་གནང་ཤུགས་ཆེ་རུ་འགྲོ་བཞིན་ཡོད། རྒྱབ་སྐྱོར་ཅི་ཙམ་ཐོབ་པ་དེའི་ཚོད་ཀྱིས་གྲུབ་འབྲས་ཀྱང་སྔར་ལས་མང་བ་འབྱུང་ངེས་པ་ནི་བཤད་མི་དགོས་ཀྱང་། སྐབས་བབ་བརྗོད་དོན་ནི་གྲུབ་འབྲས་བགྲང་རྒྱུ་དེ་མིན། ཉེ་སྔོན་ཚོགས་མ་ཐག་པའི་གྲོས་ཚོགས་ཀྱི་གྲོས་གཞི་དང་འབྲེལ་ཏེ་ཚོགས་གཙོ་སྦྲེལ་བོ་དང་སྲིད་སྐྱོང་བཅས་༸གོང་ས་སྐྱབས་མགོན་ཆེན་པོར་མཇལ་བཅར་སྐབས།

དེ་ལས་མང་བ་། “དབུ་མའི་ལམ་གྱི་སྲིད་བྱུས་བཟུང་རིང་རང་ཕྱོགས་ཀྱི་འཐུས་ཤོར།” »

རེ་མདོ་སེང་གེ

ཉིན་ཤས་གོང་ཞིང་ལྗོངས་ལྔའི་གཅིག་གྱུར་གྱི་གཞི་རིམ་སློབ་གྲྭའི་བོད་ཀྱི་སྐད་ཡིག་སློབ་དེབ་ཁག་ལ་ལྟ་ཀློག་བྱས་ཤིང༌། སྐད་ཡིག་སློབ་དེབ་ཁག་གི་པར་རིས་དང་དྲན་ཐོ་མདོ་བསྡུས་བཅས་སྐད་འཕྲིན་གྱི་མདུན་ངོས་སུ་བཞག་པ་ཡིན། ཅང་མ་འགོར་བར་བོད་ནང་གི་འབྲེལ་ཡོད་དམའ་འབྲིང་དང་མཐོ་འབྲིང་གི་གེ་རྒན་དུ་མ་ཞིག་གིས། “བསླབ་གཞིའི་སློབ་དེབ་འདི་དག་གི་ཐོག་ནས་ཁྱེད་ལ་མཐོང་ཚུལ་གང་འདྲ་བྱུང་”ཟེར་ནས་ཡིག་ངག་གཉིས་ཐོག་ནས་སྐད་ཆ་དྲིས་བྱུང་བས། “སློབ་དེབ་འདི་དག་གི་ཐོག་ནས་སློབ་ཕྲུག་ཚོར་སྤྱི་ཡོངས་ཀྱི་གོ་རྟོགས་དང་ཤེས་བྱའི་རྣམ་གྲངས་ཕྲན་བུ་ཇེ་མང་དུ་གཏོང་ཐུབ་སྲིད་ཀྱང༌། ཆེད་དུ་དམིགས་སའི་བོད་མི་རིགས་ཀྱི་ཚེ་སྲོག་རྒྱུན་གནས་ཐུབ་པའི་རྣམ་ཤེས་དང་ཟུངས་ཁྲག་འདང་ངེས་ཤིག་མེད་པའི་མཐོང་ཚུལ་བྱུང༌།

དེ་ལས་མང་བ་། “བོད་ཕྱི་ནང་གི་སློབ་གྲྭ་དང་སློབ་དེབ།” »

ཁང་ཟླ་སྲས།

འདི་ནི་རྣ་བས་སྒྲ་མི་ཐོས་ཤིང་། མིག་གིས་གཟིགས་མི་མཐོང་བར་མ་ཟད། ད་དུང་སྐད་ཆ་ཡང་བཤད་མི་ཤེས་མཁན་གྱི་བུ་མོ་ཆུང་ཆུང་ཞིག་གི་གཅེས་པར་འོས་པའི་མི་ཚེ་མུན་ནག་གི་ཁྲོད་ནས་ཇི་ལྟར་འོད་སྟོང་འཕྲོ་བའི་ཉིན་མོ་ཞིག་ཏུ་ཇི་ལྟར་མདུན་སྐྱོད་བྱས་པའི་དོན་དངོས་ཀྱི་ལོ་རྒྱུས་ཤིག་རེད། ཁོང་ཉིད་ལོང་པ་དང་། འོན་པ་ཞིག་ཏུ་མ་གྱུར་པའི་ཡར་སྔོན་དུ་ཁོང་གིས་སྤྱིར་བཏང་གི་སྐད་ཆ་བཤད་རྒྱུ་འགའ་ཞིག་སློབ་སྦྱོང་བྱས་མྱོང་ཡོད།

དེ་ལས་མང་བ་། “ཧེ་ལེན་ཁེ་ལར་གྱི་མི་ཚེའི་ལོ་རྒྱུས།” »

ཐེ་བོ་སངས་རྒྱས།

འཛམ་གླིང་ལོ་རྒྱུས་ནང་གོ་གནས་ངེས་ཅན་ཟིན་པའི་དབྱིན་ཇིའི་འགྲུལ་སྐྱེལ་གྲུ་གཟིངས་ཐྲི་ཐྲའ་ནིག་ RMS.Titanic. སྐོར་ཁོ་བོས་ཤེས་རྟོགས་རགས་ཙམ་བྱུང་བ་བཤད་ན། མཚོ་གྲུ་དེ་ཧར་ལཱན་ཌུ་ཨནཌ་ཝོལ་ཧྥུ་ Harland and Wolff, ཞེས་པའི་བཟོ་གྲྭའི་གྲུ་རྫིངས་འཆར་འགོད་པ་སྐུ་ཞབས་ཐོ་མེ་སི་ཨན་ཌེར་ཝུ་སིས་ Thomas Andrews, བྱང་ཨེར་ལཱན་ཌུའི་གྲོང་ཁྱེར་བྷེལ་ཧྥ་སི་ཐྲི་ Belfast, ནས་དུས་རབས་ཉི་ཤུ་བའི་མགོ་སྟོད་དུ་གསར་བཟོ་བྱས་པ་ཞིག་རེད།

དེ་ལས་མང་བ་། “ཐྲི་ཐྲའ་ནིག་གྲུ་གཟིངས།” »