ཡོང་ཁུངས། བོད་ཀྱི་དུས་བབ།

 
སྤྱི་འཐུས་རྒྱུན་ལས་ཀྱི་ཤེས་ཡོན་སྲིད་བྱུས་སྐོར་ལ་རྟོག་ཞིབ་ཚོགས་ཆུང་ཞིག་བཙུགས་ཡོད་པ་དེས། ད་ཆར་བཀའ་ཤག་དང་ཤེས་རིག་ལས་ཁུངས་སོགས་ལ་དྲི་བ་གཏོང་གི་ཡོད། དེའི་རྗེས་ལ་སློབ་གྲྭ་ཁག་ནང་དངོས་སུ་རྟོག་ཞིབ་ལ་འགྲོ་རྒྱུ་ཡིན། ཆུ་མགོའི་གནས་སྟངས་ག་རེ་ཆགས་ཀྱི་ཡོད་མེད་ལ་རྒྱུས་ལོན་བྱས་རྗེས། སློབ་གྲྭ་སོ་སོའི་གནས་སྟངས་ག་རེ་ཆགས་ཡོད་མེད་རྟོགས་ཡོང་གི་རེད་ཟེར།

སྔར་ལོའི་ཕྱི་ཟླ་དགུ་བའི་ནང་སྐབས་བཅོ་ལྔ་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བརྒྱད་པའི་སྟེང་།

དེ་ལས་མང་བ་། “ཤེས་ཡོན་སྲིད་བྱུས་ཟེར་བ་དེ་བོད་ཡིག་སློབ་པ་གཅིག་པུ་མ་རེད།” »

རྩོམ་པ་པོ། གུར་མགོན་སྐྱབས།  འོས་སྦྱོར་བ་འཇིགས་མེད།

ལོ་དུ་མའི་ཡར་སྔོན་ཞིག་ལ་ང་རང་ཆབ་ཆ་ནས་གྲོགས་པོ་ཞིག་ལ་ཐུག་མྱོང་། ཁོས་ང་ལ“ཨ་ལགས་དོར་ཞིའི་ཁ་པར་ཨང་གྲངས་ཨེ་ཤེས”ཟེར། ངས“ཨ་ལགས་ཚང་གི་ཁ་པར་གྱིས་ཅི་བྱེད”ཅེས་ཕྱིར་དྲིས་པ་ན། ཁོས“ངས་ཁོང་ལ་ཁ་པར་ཞིག་གཏོང་དགོས། ཁོང་གིས་ནང་དོན་རིག་པའི་གཞུང་མང་པོ་རྒྱ་ཡིག་ཏུ་བསྒྱུར་བཞིན་འདུག ཡིན་ནའང་རྒྱ་ཡིག་ནས་བོད་ཡིག་ཏུ་བསྒྱུར་པའི་དེབ་གཅིག་ཀྱང་མི་འདུག ངས་བསམ་ན་བོད་ཡིག་ནས་རྒྱ་ཡིག་ཏུ་བསྒྱུར་རྒྱུ་དེ་རྒྱ་མི་དག་གི་ལས་ཀ་རེད།

དེ་ལས་མང་བ་། “བོད་ཀྱི་ལོ་ཙཱ་བའི་སྡེ་ལ་བཤད་པའི་སྐད་ཆ་འགའ།” »

ཆུང་ཚེ་རིང་།

 
དེ་རིང་དྲྭ་ལམ་ཁག་ཏུ། མཁས་དབང་གདོང་ཐོག་བསྟན་པའི་རྒྱལ་མཚན་(༡༩༣༤-༢༠༡༥) མཆོག་དགོངས་པ་རྫོགས་པའི་གནས་ཚུལ་ཐོན་འདུག་པས། རིན་པོ་ཆེ་ཐེངས་ཁ་ཤས་ཞལ་མཇལ་མྱོང་བའི་ཆ་ནས་གཤམ་གསལ་རྗེས་དྲན་གྱི་རྩོམ་འདི་བྲིས་པ་ཡིན། གྲོགས་པོ་གཞན་ཚོས་ཀྱང་གཤམ་དུ་མཆན་བཀོད་དེ་ཁོང་གི་མཛད་པ་ཆ་ཚང་བར་མཛོད།

ཕྲན་ལ་གདོང་ཐོག་རིན་པོ་ཆེ་མ་མཇལ་གོང་། ཁོང་གིས་མཛད་པའི་དབྱིན་བོད་ཚིག་མཛོད་སྣང་བ་གསར་པ་ཞེས་པ་དེ་མཇལ།

དེ་ལས་མང་བ་། “མཁས་དབང་གདོང་ཐོག་བསྟན་པའི་རྒྱལ་མཚན་མཆོག་གི་སྐོར་གླེང་བ།” »

ཨེ་མ་ཧོ།

 
ཁོ་བོ་སྐྱེས་པའི་ཡུལ་ནི་བོད་ཆེན་པོ་ཡི་ལྗོངས་མདོ་སྨད་ཆུ་བཞི་སྒང་དྲུག་ལས་ལྷོ་ཟླ་ཟལ་མོའི་སྒང༌། གསེར་གྱི་དཔལ་དང་ལྡན་པའམ་ཆུ་བོ་གསེར་ལྡན་གྱི་འགྲམ་ཡིན་པས་ལྡན་མ། འབྲོག་གནས་མཆེད་ལྔའི་ནང་གསེས་ཇོ་བོ་སྒྱོགས་ཆེན་གདོང་རས་སྲུང་བ། འཕགས་ཡུལ་གྱི་པཎ་ཆེན་གྲུབ་པའི་དབང་པོ་ཤྲཱི་སྨྲྀ་ཏི་ཛྙཱ་ནས་ཞབས་ཀྱིས་བཅགས་ཤིང༌། ཆོས་མངོན་པ་སོགས་འཆད་ཉན་མཛད་དེ་ཐ་མའི་མཛད་པ་བསྟན་པའི་སྐུ་གདུང་རིན་པོ་ཆེ་ད་ལྟའི་བར་བཞུགས། མཐའ་འདུལ་གྱི་གཙུག་ལག་ཁང་གླང་ཐང་སྒྲོལ་མ་བཞུགས་པའི་གནས།

དེ་ལས་མང་བ་། “ཞལ་གསུངས་རྣམ་ཐར་མདོར་བསྡུས་གཞན་ངོར་བསྐུལ་གནང་བ།” »

སློབ་དཔོན་ཟམ་གདོང་རིན་པོ་ཆེ།

སློབ་དཔོན་ཟམ་གདོང་རིན་པོ་ཆེ་མཆོག་གིས་རིག་གཞུང་ཉམས་ཆག་འགྲོ་ཚུལ་སྐོར་གལ་ཆེའི་བཀའ་སློབ་དོན་ཚན་གསུམ་གནང་བ།

“རིག་གཞུང་ཉམས་ཆག་འགྲོ་ཚུལ་ལ་རིམ་པ་མི་འདྲ་བ་གསུམ་ཙམ་ཡོད། དེ་ཡང་རིག་གཞུང་གཞན་དང་འབྲེལ་བ་བྱེད་པའི་སྐབས་དང༌། བདག་པོ་ཡག་པོ་བརྒྱབས་མ་ཐུབ་པ། དགའ་མོས་མི་བྱེད་པའི་དབང་གིས་ཉམས་ཆག་འགྲོ་གི་ཡོད། རིག་གཞུང་གོམས་གཤིས་ཀྱི་གཞི་རྟེན་ལུས་ངག་ཡིད་གསུམ་ཡིན་ཞིང༌། དེ་ཡང་སྐད་ཡིག་དང༌། བཟའ་བཏུང༌། འགྲོ་འདུག ཆས་གོས་སོགས་ལ་གཞི་བཅོལ་ཡོད།

དེ་ལས་མང་བ་། “རིག་གཞུང་ཉམས་ཆག་འགྲོ་ཚུལ་སྐོར་གྱི་དོན་ཚན་གསུམ།” »