རྔ་བ་ཀུན་བཟང་།
དེ་རིང་ང་རང་གཅིག་པོ་ཁ་ཁུ་སིམ་པོར་སྐོར་ལམ་གྱི་རྐུབ་བཀྱག་བདག་མེད་སྟེང་དུ་བསྡད་དེ་ལམ་འགྲོ་དག་ལ་ཞིབ་པར་བལྟས། སྐོར་ལམ་སྟེང་དུ་འགྲོ་མཁན་འགྲུལ་པ་རྣམས་ཀྱི་ལག་ཏུ་ཉི་གདུགས་དང་ཕྲེང་བ་འཁྱེར་བ་དང་། ནད་ཡམས་ལ་དོགས་ནས་ཁ་ལག་ཚང་མ་བཏུམས་ཏེ་ལམ་དུ་འགྲོ་བས་ངོ་ཡང་མི་ཤེས།
ནམ་རྒྱུན་ཡིན་ན་མི་རྣམས་ཀྱི་སྐད་ཆ་བཤད་པ་དང་རྩེད་མོར་རོལ་ཏེ་སྐོར་ལམ་ཧྲིལ་པོ་དགོད་སྒྲས་ཁེངས་ལ། ཁང་པའི་ནང་དུ་འཛུལ་ནས་སྡུག་སྒོམ་རྒྱག་པ་དང་ལམ་ཁ་འདི་ནས་མི་ཚང་མར་དོགས་སྣང་ངང་འགྲོ་ག་ལ་དགོས་ཨང་།
འབྲིང་བ་འཇིགས་མེད།
<<ཉེ་རབས་བོད་ཀྱི་སྲིད་དོན་ལོ་རྒྱུས་དང་ལྷ་སྲས་རྒྱལ་ལོ་དོན་གྲུབ།>>འགྲེམས་སྤེལ་སྔ་ཕྱིའི་སྐབས་ཀྱི་གླེང་མོ།
དང་པོ། ཉེ་རབས་བོད་ཀྱི་སྲིད་དོན་ལོ་རྒྱུས་སྐོར་ཡིག་འཇོག་བྱེད་རྒྱུ་གལ་ཆེ་ཚུལ།
༄༅།། སྤྱིར་བོད་ཀྱི་ལོ་རྒྱུས་ནི་དུས་ཡུན་ཧ་ཅང་རིང་ཞིང་། དེང་སང་ལོ་ངོ་སྟོང་ཕྲག་མ་ཟད་ཁྲི་ཕྲག་གི་སྐད་ཆ་ཤོད་བཞིན་ཡོད། དེའི་རིང་གི་ལོ་རྒྱུས་ཡིག་ཆའང་རྒྱལ་རབས་དང་། རྣམ་ཐར། ཆོས་འབྱུང་སོགས་མང་པོ་ཡོད་ཀྱང་སྲིད་དོན་གྱི་ལོ་རྒྱུས་ཉུང་ཞིང་། ཉེ་རབས་ཀྱི་སྲིད་དོན་ལོ་རྒྱུས་དེ་བས་ཀྱང་ཉུང་། ཕྱི་རྒྱལ་གྱི་སྐད་ཡིག་ནང་ཡོད་ཀྱང་མང་པོ་མེད་པར་མངོན་ལ་བོད་ཡིག་ནང་དུའང་ཤིན་ཏུ་ཉུང་བས། འདི་འདྲའི་ཉེ་རབས་ཀྱི་སྲིད་དོན་ལོ་རྒྱུས་ཀྱི་ཡིག་ཆ་བོད་ཡིག་ནང་གསར་དུ་རྩོམ་འབྲི་གནང་རྒྱུ་ནི་གལ་ཆེན་པོ་དང་དགོས་མཁོ་ཆེན་པོར་གྱུར་ཡོད།
བསྟན་པའི་དངོས་གྲུབ། ཧྥ་རན་སི་རྒྱལ་ས་ཕ་རེ་སི་ནས།
ཨ་ལགས་རྗེ་སྤྲུལ་བློ་གྲོས་ཆོས་བཟང་མཆོག་གིས་བརྩམས་པའི་ཨ་རི་བ་བླ་མ་དཀར་པོ་ཞེས་པའི་དཔེ་དེབ་ལས་ཞོར་ལ་བཀླགས་ཚར་བ་ཡིན། རྩོམ་ཡིག་གི་ཚིག་སྦྱོར་བདེ་ལ་གོ་སླ་བ། ནང་དོན་གཏིང་ཟབ་པའི་ཧ་ཅང་ཀློག་འདོད་བྱུང་ལ། དཔེ་དེབ་འདི་ལྟ་བུ་རང་རེའི་སྤྱི་ཚོགས་ནང་མང་ཙམ་བསྒྱུར་སྤེལ་བྱེད་ཐུབ་ན་ལེགས་སྙམ་པའི་ཚོར་བ་ཞིག་ངང་གིས་སྐྱེས་བྱུང་ལ། ཨ་ལགས་རྗེ་སྤྲུལ་མཆོག་ལ་སྙིང་ཐག་པ་ནས་བཀའ་དྲིན་བླ་མེད་དུ་ཆེ་ཞུ་འདོད་བྱུང་། ཨ་ལགས་རྗེ་སྤྲུལ་ལགས་སུ་བླ་སྤྲུལ་གཞན་དང་མི་འདྲ་བའི་ཐུན་མོང་མ་ཡིན་པའི་ཁྱད་ཆོས་ཤིག་ཡོད་ལ། ཁོང་བླ་སྤྲུལ་ཞིག་ཡིན་སྙམ་པའི་ང་རྒྱལ་མེད་ལ། རྫིག་མདོག་དང་ཤེས་མདོག་གི་རྣམ་འགྱུར་དེ་བས་ཀྱང་མེད། ལྷག་པར་དུ་ཁོང་ཞི་དུལ་བག་ཕེབས་ངང་བསླབ་པ་སློབ་གཉེར་གནང་མཁན་གྱི་གྲྭ་རྐྱང་དཀྱུས་མ་ཞིག་ཡིན་ལ། དཔེ་ཁྲིད་དང་ཆོས་ར་སོགས་སུ་ཕེབས་སྐབས་ལམ་བར་ནས་ཕྲུ་གུ་ཆུང་ཆུང་དག་ལ་བརྩེ་སེམས་རབ་ཏུ་འཁོལ་ནས་ཡོད་པ་ད་དུང་ངའི་མིག་ལམ་དུ་ཤར་ཡོང་གི་འདུག
དེ་ལས་མང་བ་། “ཨ་རི་བ་བླ་མ་དཀར་པོའི་དཔེ་དེབ་བཀླགས་པའི་མྱོང་ཚོར།” »
རྩོམ་པ་པོ། ཇེ་མཱེ་སུ་སྒྲ་ཝུ་སུ། སྒྱུར་བ་པོ། འདྲེ་གླེན་པ།
དུས་རབས་གཅིག་གི་གཞས་ཞེས་པའི་བྱ་དགའ་ཐོབ་པའི་གླུ་གཞས་མིང་གྲགས་ཅན།
ཉིན་དེའི་མཚན་མོར
སྙིང་ཉེ་ང་རང་གཉིད་ལ་ཡུར་སྐབས
ངས་ཁྱེད་རང་བྲང་ཁར་སྦྱར་བ་རྨིས
ཡིན་ཡང་གཉིད་ལས་སད་དུས་འཁྲུལ་སྣང་རེད
ང་ཡིས་མགོ་བོ་བསྒུར་ནས་མིག་ཆུ་བཞུར
དེ་ལས་མང་བ་། “ཁྱེད་རང་ངའི་ཉི་འོད་ཡིན། (you are my sunshine)” »
རྔ་བ་ཀུན་བཟང་།
ཨ་ལ་ལ་མོ་ཞེས་པའི་གླུ་དབྱངས་དང་གླུ་བ་གཉིས་གོ་མྱོང་མཁན་མང་ནི་རེད། ལྷག་པར་དུ་བོད་ཕྱི་ནང་གཉིས་ཀྱི་ལོ་ཆུང་ཁྲོད་ན་གླུ་བ་བསོད་བཀྲ་མི་ཤེས་མཁན་ཧ་ལམ་ཉུང་ཉུང་རེད་འདོད། རྒྱུ་མཚན། གླུ་བ་ཁོང་གི་དབྱངས་དང་། སྒྲ། བརྙན་སོགས་ལ་མཚོན་ན་དེང་རབས་ཀྱི་འཚོ་བ་དང་། གསར་གཏོད་ཀྱི་ཁྱད་ཆོས། མཛེས་དཔྱོད་ཀྱི་རྣམ་པ་ལྡན། དཔེར་ན། <<གངས་ཅན>>དང་། <<ཁམས་བདེ། >> <<གཏམ>> ཨ་ལ་ལ་མོ་ཞེས་པའི་གླུ་ཚིག་ནང་ལ་མི་རིགས་ཤིག་གི་རེ་བ་དང་། རྨི་ལམ། ལས་དབང་། སྐྱོ་གར་སོགས་དབྱངས་དང་ཚིག་གི་ལམ་ནས་བརྗོད་ཡོད་པ་ཧ་ཅང་གསལ།
ཡང་ཕྱོགས་གཞན་ནས་དཔྱད་ན། སྒྱུ་རྩལ་བ་བསོད་བཀྲ་དང་ཁོང་གི་གླུ་ཚིག་ནང་ལ་དེང་རབས་ན་གཞོན་རྣམས་ལ་ཁ་བརྡ་དུ་མ་ཞིག་གནང་འདུག དཔེར་ན། <<ད་སད་ན་རེད་>> དང་། <<རང་ལ་ཡིད་ཆེས་དགོས>> <<བཞུར>> ལ་སོགས་ཀྱི་ནང་ལ་
ཁྲོ་གཏུམ།
དེ་རིང་། ལྷིང་འཇག་གི་མཚོ་མོ
རླབས་ཀྱི་འགྲམ་ལྕག་བྲལ
ཆུ་སྐྱུར་ཆ་ཀ་ཡང་ག་ཤེད་ཅིག་ཏུ་འཕུར
མཚོ་མོའི་ངོགས་སུ་ནམ་ཡང་ཅེར་མཁན
རྟག་བརྟན་གྱིས་གཟིགས་མཁན
མཚོ་མཐའི་ཁང་བརྩེགས་འདི་རིགས་ཡིན
ཟླ་འདིའི་ཟླ་སྟོད་ལ། ང་ཚོས་བོད་པ་འབུམ་རམས་པའི་སློབ་མ་དང་མཁས་པ་སྐོར་ཞིག་གིས་གྲུབ་པའི་འབུམ་ཚོགས་ཞེས་པའི་ཚོགས་པ་དེའི་ལས་གཞི་འགའ་ཁྱབ་བསྒྲགས་བྱས་པ་ཡིན། འདིར་གསལ་བཤད་བྱེད་དགོས་པ་ཞིག་ལ། ལས་གཞི་དེ་དག་ནི་ལ་རྩེ་ཡི་འཆར་འགོད་བྱས་པ་ཞིག་མིན་པར། འབུམ་རམས་པ་ཁོང་ཚོས་འབུམ་རམས་པ་སློབ་སྦྱོང་སྐབས་ཀྱི་ཤེས་རྟོགས་དང་ཉམས་མྱོང་བཅས་ཡུལ་ཕྱོགས་ཀྱི་དོ་སྣང་ཅན་རྣམས་ལ་སྤེལ་ཆེད་དུ་འཆར་འགོད་གནང་བ་ཞིག་ཡིན། ལ་རྩེ་ཡིས་ལས་གཞི་འདི་དག་ལ་དོ་དམ་དང་རམ་འདེགས་ཀྱི་ཞབས་ཞུ་ཞུ་རྒྱུ་བྱུང་བ་ནི་ང་ཚོས་སྐལ་བཟང་དུ་སྒོམ་བཞིན་ཡོད། ཟླ་བདུན་པའི་ཟླ་དཀྱིལ་ལ་འབུམ་ཚོགས་ཀྱི་གཏམ་བཤད་ཕྲེང་བ་དང་པོ་སྤེལ་བའི་རྗེས་མཐུད་ནས་ད་ལྟ་འབུམ་ཚོགས་ཀྱི་དཔེ་དེབ་གསར་ཐོན་ངོ་སྤྲོད་ཐེངས་དང་པོ་ཁྱབ་བསྒྲགས་བྱེད་ཀྱི་ཡོད། དཔེ་དེབ་གསར་ཐོན་ངོ་སྤྲོད་ཐེངས་དང་པོ་འདི་སྔར་འཆར་ལྟར་ན་ཟླ་འདིའི་ཚེས་ཉེར་བཞིའི་ཉིན་རིག་འབྱུང་དོན་གྲུབ་བཀྲ་ཤིས་ནས་གནང་རྒྱུ་ཡིན་ཡང་། དེ་ལ་གཤམ་གསལ་ལྟར་འགྱུར་བ་གཏོང་དགོས་བྱུང་།
དེ་ལས་མང་བ་། “འབུམ་ཚོགས་ཀྱི་དཔེ་དེབ་གསར་ཐོན་ངོ་སྤྲོད་དང་པོའི་གསལ་བསྒྲགས།” »
གངས་དཀར་སེམས།
རྒྱལ་ཁབ་འདིར་འབྱོར་ནས་ལོ་ལྔའི་ནང་ཐོག་མར་གསར་འབྱོར་ཡིན་སྐབས་སུ་ངས་ཞོར་ལས་ཀྱི་ཟོལ་དུ་ཐབ་ཚང་དུ་ཕོར་པ་འཁྲུས་པ་དང་། བུད་མེད་ཚོའི་རྐང་ལག་གཉིས་ལ་མཚོན་རྩི་བྱུག་སའི་ནང་རྐང་པ་འཁྲུ་མཁན་ནམ་མཚོན་རྩི་བྱུག་སར་སོང་བ། དེ་རྗེས་གཞུང་འབྲེལ་སྡེ་ཚན་གྱི་ངོ་སྤྲོད་བརྒྱུད་ཅ་དངོས་སྟེབས་རྩིས་རྒྱག་མཁན་དང་། དེ་མིན་ཅ་དངོས་རྙིང་པ་བཙོང་སར་གྱོན་ཆས་གཙང་བསྒྲིག་བྱེད་མཁན་བཅས་ཀྱི་ལས་ཀ་བྱས་མྱོང་།
དེ་ལས་མང་བ་། “སྤྱི་ཟུར་ཞིག་གིས་གསང་སྤྱོད་འཁྲུས་པའི་མྱོང་བ།” »
གཞུང་པ་ཚེ་དབང་བསོད་ནམས།
འཛམ་གླིང་དམག་ཆེན་གཉིས་པ་འཇུག་སྒྲིལ་ནས་འཛམ་གླིང་མཉམ་འབྲེལ་རྒྱལ་ཚོགས། ( UNO ) གསར་དུ་བཙུགས་ནས་དང་ཐོག་མཉམ་འབྲེལ་རྒྱལ་ཚོགས་ཀྱི་བདེ་འཇགས་ཚོགས་ཆུང། ( Security Council ) བཙུགས་པ་དང་། དེ་ནས་འགྲོ་བ་མིའི་ཐོབ་ཐང་གི་ཚོགས་ཆུང་སོགས་དགོས་གལ་ལ་ཞིག་པའི་རིམ་པས ཚོགས་ཆུང་ཁག་བཙུགས་པ་དང་། མི་གི་སྤྱི་ཚོགས་ག་འདྲ་ཞིག་ཡིན་ཀྱང་སྤྱི་ཚོགས་ཀྱི་བདེ་འཇགས་ལས་གལ་ཆེ་བ་མེད་པ་ནི་ཆེ་ས་རྒྱལ་ཁབ་དང་། གཞུང། ་སྒྲིག་འཛུགས། ཆུང་ས་ཁྱིམ་ཚང་སྒེར་བཅས་པར་ཞི་བདེ་དང་ལྷིངས་འཇགས་བརྒྱུད་ནས་ཡར་རྒྱས་འགྲོ་དགོས་པ་ནི་སྤྱི་ཚོགས་འཚོ་གནས་ཐུབ་པའི་རྨང་གཞི་དེ་ཡིན་པ་ནི་དེང་སྐབས་འཛམ་གླིང་གི་ལུང་པ་མང་པོའི་ནང་ཞི་བདེ་ལྷིངས་འཇགས་མེད་པ་ནས་རྒྱལ་ནང་གི་དཔལ་འབྱོར་དང་། སྤྱི་ཚོགས་ཀྱི་བདེ་འཇགས། མི་མང་གི་འཚོ་བ་སོགས་སྤྱི་ཚོགས་འཚོ་གནས་ཐུབ་པའི་ལས་གཞི་མང་པོ་ལ་རང་བཞིན་དོ་ཕོག་དང་ཉམས་ཆགས་འགྲོ་བཞིན་པ་ང་ཚོའི་མཐོང་ཐུབ་པ་དང་ཐོས་ཐུབ་པ་ཞིག་ཡིན་པ་དང་། སྤྱི་ཚོགས་ལ་བདེ་འཇགས་
དེ་ལས་མང་བ་། “མི་ཡི་སྤྱི་ཚོགས་འཚོ་གནས་ཐུབ་པ་ལ་སྤྱི་ཚོགས་ཀྱི་བདེ་འཇགས་ལས་གལ་ཆེ་བ་གང་ཡང་མེད།” »
པདྨ་ཚེ་དབང་ཤཱསྟྲིས།
མིག་ཆུ།
སུ་ཞིག་གི་སྡུག་བསྔལ་ཐོས་ནས།
ངའི་མིག་ནང་དུ།
མིག་ཆུ་ཞིག་འཁོར།
མིག་ཆུ་འདི་ཅི་རེད།
མིག་ཆུ་འདི་དཔང་པོ་ཞིག་ཨེ་རེད།
མིག་ཆུ་འདི་དཔང་རྟགས་ཤིག་ཨེ་རེད།
དེ་ལས་མང་བ་། “ཇྰཝེད། ཨཁཏར་གྱི་(Aansu) སྟེ་མིག་ཆུ་ཞེས་པའི་སྙན་རྩོམ་ཞིག” »
མ་སངས་བརྩོན་འགྲུས་ནས།
༄༅།། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་འཁྲུངས་སྐར་ཏེ། ཕྱི་ཟླ་ ༧ ཚེས་ ༦ ཉིན་གྱི་དུས་བཟང་དེར་རྩོམ་པ་པོ་ཨ་ལགས་རྗེ་སྤྲུལ་ལགས་ཀྱིས་བརྩམས་པ་ཨ་རི་བ་བླ་མ་དཀར་པོ་ཞེས་པའི་དཔེ་དེབ། ཀིརྟིའི་བྱེས་པ་གྲྭ་ཚང་གིས་༸སྐུའི་འཁྲུངས་སྐར་གྱི་སྲུང་བརྩི་ཞུས་གྲུབ་རྗེས། སྔ་དྲོ་ཆུ་ཚོད་ ༡༠ པའི་ཐོག་ཀིརྟིའི་དགེ་རྩ་ཚོགས་པའི་གཞན་ཕན་ཞི་བདེའི་ཚོགས་ཁང་དུ་སྐུ་མགྲོན་གཙོ་བོ་རྩོམ་པ་པོ་དང་ཉམས་ཞིབ་པ་ཤེས་རབ་དར་རྒྱས་ལགས་དང་། ཀིརྟིའི་བྱེས་པ་གྲྭ་ཚང་གི་ཆེས་མཐོའི་བོད་ཀྱི་རིག་གནས་སློབ་གཉེར་ཁང་གི་རྩོམ་རིག་འགན་འཛིན་ཟུར་པ་རྩོམ་པ་པོ་སྒ་རུ་ཁ་སེངྒེ་ལགས། ཀིརྟིའི་དགེ་རྩ་ཚོགས་པའི་སྤྱི་ཁྱབ་རྒྱུན་ལས་རྣམ་པ། ཀིརྟིའི་བྱེས་པ་གྲྭ་ཚང་གི་ལས་སྣེ་དང་དགེ་རྒན་ཁག་གཅིག དོ་སྣང་ཅན་གྱི་སློབ་གཉེར་བ་དང་གསར་འགོད་པ་སོགས་འཛོམས་པའི་དབུས་དབུ་འབྱེད་གནང་།
དེ་ལས་མང་བ་། “ཨ་རི་བ་བླ་མ་དཀར་པོ་ཞེས་པའི་དཔེ་དེབ་བཀླག་པའི་འཆར་སྣང་།” »
ཁ་བ་མཚོ།
ཡང་བསྐྱར་གསོན་ན།
ཞང་ཡཱ་རེས་གཡུ་སྦྲ་དབྱངས་ཀྱིས་སྤུར་ཏེ།
རྗེ་བླ་མའི་བྱིན་རླབས་གླུ་ཡིས་ཞུས་ཏེ།
ཡུལ་ཕ་མའི་སྤྱན་ཟུང་འོད་དུ་འཚེར་བའི།
དྲིན་འཛུམ་དཀར་མེ་ཏོག་འདབ་བརྒྱ་དགོད་འདོད།
ནམ་མཁའ།
དེ་རིང་འདིར་འགྲེལ་བཤད་མང་པོ་ཞིག་མི་དགོས་བར་ཆོས་རྒྱུད་ཁག་གི་སྤྱི་འཐུས་དང་། མདོ་སྟོད་ཀྱི་སྤྱི་འཐུས་འགའི་འབྲེལ་ལམ་གྱི་སྟེང་ནས་བསམ་ཚུལ་ཞིག་དྲ་ཤོག་ཐོག་འབྲི་རྒྱུ་ཡིན། ཚང་མས་མཁྱེན་གསལ་ལྟར། སྤྱི་འཐུས་སྐབས༡༦དང་བཀའ་ཤག་སྐབས༡༥མཇུག་ཏུ་བཙན་བྱོལ་གཞུང་གི་ཁྲིམས་ཞིབ་པ་གསུམ་ཉེས་མེད་ཀྱི་སྒོ་ནས་འཕོ་འགྱུར་བཏང་སྟབས། བཙན་བྱོལ་བོད་མིའི་གཞུང་ཞབས་ཟུར་བ་སོགས་གཙོ་བྱས་ཏེ། མི་དམངས་ཡོངས་ཀྱི་བློ་འཚུབ་ཆེན་པོ་སྒོ་ནས། ཁྲིམས་ཞིབ་པ་གསུམ་བསྐྱར་དུ་ཕེབས་དགོས་བའི་འབོད་སྐུལ་བྱས་ཏེ། ཁོང་རྣམ་པ་གསུམ་གྱིས་ཀྱང་མི་དམངས་ཀྱི་རེ་འདོད་ལྟར། ཕྱིར་ཕེབས་ཏེ་བཙན་བྱོལ་བོད་མིའི་ཁྲིམས་ཞིབ་ཁང་དུ་ཕྱག་ལས་གནང་བཞིན་པ་ལ། གཞི་ལུས་མི་དམངས་མི་ཉུང་བ་ཞིག་གི་རེ་སྐུལ་ལྟར། དེ་རིང་འདིར་ཁོང་རྣམ་པ་གསུམ་ལ་ཕྲན་གྱིས་ཐུགས་རྗེ་ཆེ་ཞེས་ལག་ཟུང་ཐལ་མོ་སྦྱར་ཏེ་ཞུ་བཞིན་ཡོད།
དེ་ལས་མང་བ་། “དམ་ཉམས་མཉམ་འཛོམས་བྱས་ཏེ་བཙན་བྱོལ་གཞུང་ལ་རྒོལ་བ།” »
གཞུང་པ་ཚེ་དབང་བསོད་ནམས།
མང་གཙོའི་རྒྱལ་ཁབ་ག་འདྲ་ཞིག་ཡིན་ཀྱང་རྒྱལ་ཁབ་དེའི་རྩ་ཁྲིམས་ལས་གལ་ཆེ་བ་མེད་པ་ནི་ཁྲིམས་ལུགས་ཡོངས་ཀྱི་རྩ་བ་དེ་རྩ་ཁྲིམས་ཡིན་པ་ནས་རྒྱལ་ཁབ་དང་སྲིད་གཞུང། གྲོས་ཚོགས་དང་མི་མང། གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་དང་སྒྲིག་འཛུགས། མི་སྒེར་སོགས་ཚང་མས་ཡིད་ཆེས་དང་། བློ་གཏད། བརྩི་བཀུར་ཉམས་ལེན་ཞུ་དགོས་པ་དེ་ཡུལ་མིའི་ལས་འགན་ཆེ་ཤོས་དེ་ཡིན་པ་དང་། དེ་ལས་ལྷག་པའི་ཁྲིམས་ཡིག་མེད་པ་དང་། ང་ཚོ་བཙན་བྱོལ་དུ་འབྱོར་མ་ཐག་༸གོང་ས་མཆོག་ནས་བོད་མི་མང་གིས་མ་འོངས་མདུན་ལམ་ལ་ཐུགས་བརྩེ་བ་ཆེན་པོའི་གཟིགས་སྐྱོང་འོག་དེ་སྔའི་བོད་ཀྱིས་ཆབ་སྲིད་ལམ་ལུགས་ལ་འགྱུར་བ་བཏང་ནས་འཛམ་གླིང་སྤྱི་དང་མཐུན་པའི་དེང་རབས་མང་གཙོའི་ལམ་ལུགས་ནང་བོད་མི་མང་འཁྲིད་ནས་སྤྱི་ལོ་ ༡༩༦༠ ལོའི་སྤྱི་ཟླ་ ༩ ཚེས་ ༢ ཉིན་ཆོལ་གསུམ་ཆོས་ལུགས་དང་བཅས་པའི་སྐུ་ཚབ་ལས་སྒྲུབ་པའི་བོད་ཀྱི་མང་གཙོའི་གཞུང་གསར་འཛུགས་གནང་ནས་འཛམ་གླིང་ཡོངས་ནས་ང་ཚོར་དགའ་བསུ་དང་རྒྱབ་སྐྱོར་གྱི་རྣམ་འགྱུར་སྟོན་མཁན་གྱིས་གྲངས་ཚད་དེ་ཉུང་ཉུང་མིན་པ་དང་། སྤྱི་ལོ་
དེ་ལས་མང་བ་། “སྐབས་བཅུ་བདུན་པའི་འདེམས་ཐོན་སྤྱི་འཐུས་ཚོའི་ལས་ཁུར་དམ་འབུལ་ཞུ་ཕྱོགས་ལ་དཔྱད་པའི་གཏམ།” »
ཁྲོ་གཏུམ།
འབྲོག་ཐང་ནས་མེ་སྦར་མྱོང
སྔར་བཞིན་སྣང་བ་དགུང་སྔོན་གནམ་ཡིན
སེམས་པ་མེ་དང་གཅིག་ཡིན
རི་བོ་ལ་བྱིན་མྱོང
དེ་བཞིན་སྣང་བ་དབྱར་གཞུང་ཡིན
ཁ་བ་མཚོ།
ནམ་མཁའི་ལྷ་མོའི་གཞས་ཀྱི་དབྱངས་རྟ་དང་འགྲོགས་ནས།
ལམ་ལ་ཆས་དུས་ནང་ནས་ཆས་སྟངས་དང་འདྲ་བར།
ངའི་ཁང་ཆུང་གྲུ་བཞིའི་སྒེའུ་མིག་ལ་ཨ་མའི་མིག་ཟུང་ཕྱག་བརྡ་གཏོང་བ་འདྲ།
འབྲིང་བ་འཇིགས་མེད་ཀྱིས།
༄༅།། དེ་རིང་ཆོས་འཁོར་དུས་ཆེན་གྱི་ཉིན་མོར། སྔར་༸སྐྱབས་རྗེ་མཁས་དབང་ཟམ་གདོང་རིན་པོ་ཆེས་གནང་བའི་བཀའ་སློབ་ཅིག་ཏུ། ཆོས་འཁོར་དང་པོ་བསྐོར་བའི་དུས་ཆེན་ནི་འཕགས་པ་གནས་བརྟན་པ་རྣམས་ཀྱིས་དྲུག་པའི་ཚེས་བཅོ་ལྔར་བརྩི་བ་དང་། ང་ཚོས་དྲུག་པའི་ཚེས་བཞིར་བརྩི་བ་འདི་གཉིས་ལས། དེ་བྱུང་རིག་པའི་དབང་དུ་བྱས་ན་འཕགས་པ་གནས་བརྟན་པའི་བརྩི་སྲོལ་དེ་ཁུངས་ལུང་རྒྱུ་མཚན་ཡང་དག་དང་ལྡན་ཚུལ་དང་། ང་ཚོས་དྲུག་པའི་ཚེས་བཞིར་བརྩི་བ་འདིའི་རྒྱུ་མཚན་ཅི་ཡིན་དཔྱད་དགོས་ཚུལ་ཞིག་གསུངས་ཡོད་པ་དེ་དྲན་སོས་པ་དང་འབྲེལ་འདིར་དེའི་སྐོར་གླེང་སློང་ཙམ་བྱེད་འདོད་བྱུང་།
བཅོམ་ལྡན་འདས་ས་གའི་ཉ་ལ་སངས་རྒྱས་ནས་བདུན་ཕྲག་བདུན་གྱི་རིང་རྡོ་རྗེ་གདན་དུ་བཞུགས་པ་ནི་རྩོད་མེད་ཡོངས་གྲགས་ཡིན་ཞིང་། ས་གའི་ཉ་ནས་བདུན་ཕྲག་བདུན་འདས་པའི་ཉིན་མོ་ནི་ཚེས་གྲངས་ཆད་ལྷག་མེད་པའི་དབང་དུ་བྱས་ན་ཆུ་སྟོད་ཀྱི་ཡར་ཚེས་གསུམ་ལ་ཁེལ་
དེ་ལས་མང་བ་། “ཆོས་འཁོར་དུས་ཆེན་གྱི་ཚེས་གྲངས་སྐོར་ཅུང་ཟད་གླེང་བ།” »
ཨོ་གླིང་། འདྲེ་གླེན་པ།
དྲན་གདུང་ཆེ་སྐབས་སྙན་ངག་འབྲི
སེམས་པ་མི་སྐྱིད་སྐབས་རོལ་མོ་དཀྲོལ
ཀླད་པར་མུན་པ་འཐིབས་སྐབས་རི་མོ་འབྲི
སྙན་ངག
དཔལ་འབྱོར་མ་རེད
ཚན་རིག་མ་རེད
ཆོས་ལུགས་ཀྱང་མ་རེད
འུ་གཉིས་གཅིག་པུའི་སེམས་ཁྲལ་ཐོལ་པ་རེད
རིགས་ཀྱི་བུ།
ཉིན་ཐོ་འབྲི་སྲོལ་བོད་ལ་དར་མེད་པ་མིན་ནའང་། དངོས་སུ་ལག་བསྟར་བྱེད་མཁན་བོད་ལས་ནུབ་ཕྱོགས་མི་སྣའི་ཁྲོད་མང་བ་མེད་དམ་སྙམ། དེ་བཞིན་རྒྱ་ནག་གི་སྤྱི་ཚོགས་ཁྲོད་དུའང་ཁྱིམ་ཚང་དེབ་ཐེར་ཟེར་པ་སོགས་འབྲི་སྲོལ་ཧ་ཅང་ཡག་པོ་ཡོད་འདུག རྩ་བའི་མི་འབོར་ཆ་ནས་བོད་ལ་གསུང་རྩོམ་གྱི་གྲངས་འབོར་དང་། མཁས་པའི་གྲངས་འབོར་ཉུང་ཉུང་མིན་པ་གསུང་མཁན་ཡོད་པ་དངོས་བདེན་རེད་སྙམ།
ཁ་སང་ནི་ཕྱི་ཟླ་ ༧ ཚེས་ ༡༠ རེས་གཟའ་སྤེན་པ་རེད། ༧རྒྱལ་བའི་འཁྲུངས་སྐར་ཕྱི་ཟླ་ ༧ ཚེས་ ༦ ལ་ཡིན་ནའང་། ནུབ་ཕྱོགས་ཡུལ་གྲུ་ཕལ་ཆེ་བར་གཟའ་མཇུག་ལས་སེང་དང་སྟབས་བསྟུན་བོད་མི་འདུ་འཛོམས་ཀྱིས་༧རྒྱལ་བའི་སྲུང་བརྩི་གཟབ་རྒྱས་ཞུ་གི་ཡོད། ལོ་གཅིག་གི་སྔོན་ཕྱི་ལོ་ ༢༠༢༠ ལོར་རྒྱལ་སྤྱིའི་ཁྱོན་ཡོངས་ལ་ཏོག་དབྱིབས་ནད་ཡམས་ཤུགས་ཆེ་ཁྱབ་སྤེལ་བྱུང་བས་ཡུལ་ཁྲིམས་དང་བསྟུན་བོད་མི་འདུ་འཛོམས་བྱེད་རྒྱུར་ཁག་པོ་བྱུང་ཡོད་ནའང་། འདི་ལོ་ཕྱི་ལོ་ ༢༠༢༡ ལོར་ནུབ་ཕྱོགས་ཡུལ་ཁག་འདྲ་མིན་ལ་བོད་མི་
བྱང་པ་མིག་དམར།
ཉུང་མཐའ་ནས་བྱས་ན། ཉེ་བའི་ལོ་བཅོ་ལྔའི་རིང་ལ་མང་ཚོགས་ནང་ཆོས་བརྒྱུད་སྤྱི་འཐུས་དགོས་དང་མི་དགོས་ཟེར་བའི་གླེང་གཞི་བྱུང་ཡོད། སྐད་ཆ་འདི་ད་དུང་ཡང་རྒྱུན་མཐུད་ནས་གནས་ཡོད། འདི་ནི་སྐབས་སོ་སོའི་ཆོས་བརྒྱུད་སྤྱི་འཐུས་ཚོའི་བྱ་སྤྱོད་ཀྱིས་བསྐྲུན་པ་ལས་གཞན་གང་ལའང་ངན་ཁག་དཀྲི་ས་མེད།
ངའི་ལྟ་སྟངས་ནི་ཆོས་བརྒྱུད་སྤྱི་འཐུད་མུ་མཐུད་ནས་གནས་དགོས་པའི་ལངས་ཕྱོགས་ཅན་ཡིན། ཡང་། ལངས་ཕྱོགས་འདིས་ད་ཡོད་ཀྱི་གནས་སྟངས་རང་འཇགས་གནས་དགོས་པའི་ངོས་འཛིན་བྱེད་ཀི་མེད། ད་ལྟའི་ང་ཚོའི་ཆོས་བརྒྱུད་སྤྱི་འཐུས་ཀྱི་བྱ་སྤྱོད་ནི་གྲྭ་པའི་ཀུན་སྤྱོད་ལས་བརྒལ་ཆེས་པ། མི་ནག་སྐྱ་བོ་ཞིག་གི་གནས་ཚད་ལས་ཀྱང་བརྒལ་བའི་བྱ་སྤྱོད་ཅན་དུ་མཐོང་གི་ཡོད།
དེ་ལས་མང་བ་། “ཆོས་བརྒྱུད་སྤྱི་འཐུས་མི་དགོས་ཟེར་མཁན་ཚོར་ཟློག་པ་རྒྱག་པ།” »
