མཁོ་འདོན་པ། ཕུན་ཚོགས།
ཨོ་སི་ཁྲི་ལི་ཡའི་གནས་མཁར་གསར་(Newcastle)ཡི་གྲོང་ཁྱེར་ནང་དུ། ༢༠༡༦/༧/༩ སྟེ་བོད་ཟླ་ལྔ་བའི་ཚེས་ལྔ་ཉིན། དེ་གའི་བོད་རིགས་མཐུན་ཚོགས་ཀྱིས་༧གོང་ས་སྐྱབས་མགོན་ཆེན་པོ་མཆོག་དགུང་གྲངས་གྱ་གཅིག་ལ་ཕེབས་པའི་གྱ་སྟོན་འཁྲུངས་སྐར་སྲུང་བརྩི་ཞུས་ཤིང། སྐུ་མགྲོན་གཙོ་བོར་སྐུ་ཚབ་དོན་གཅོད་ལྷག་པ་མཚོ་སྒོ་མཆོག་དང་ཨོ་གླིང་དབུས་གྲོས་ཚོགས་ཀྱི་འཐུས་མི་གཙོས་ཕྱོགས་ཡོངས་ནས་སྐུ་མགྲོན་སུམ་བརྒྱ་ཙམ་དང་། ཨོ་གླིང་གི་མངའ་སྡེ་དྲུག་ནས་ཕེབས་པའི་མདོ་སྨད་པ་བརྒྱད་བཅུ་ལྷག་ལྷན་འཛོམས་བྱུང་། དེར་བསྟུན་ནས་ཉིན་གཉིས་པ་
པདྨ་དཔལ་དབྱངས།
ཨ་མ་ལགས།
ཁྱེད་ཀྱི་འཛུམ་མདངས།
ང་ཡི་འདྲེན་བྱེད་ལ།
མིག་ཆུ་དང་ལྷན་དུ་ཤར་སྐབས།
ཨ་མ་ལགས། ངས་ཁྱེད་རང་དྲན།
ཁྲུམ་ཁྲུམ་དུ་བཞུར་བའི་མིག་ཆུ།
མཁུར་ཚོས་ལས་མུ་ཏིག་བཞིན་ས་ལ་ཐོར།
འབྲིང་བ་དཀོན་མཆོག་འཇིགས་མེད།
(ནོར་གླིང་མཐོ་སློབ་ཏུ་འཆད་ཁྲིད་ཆེད་བྲིས་པའི་རགས་ཟིན།)
དང་པོ། འགྲེལ་ཆེན་ངོ་སྤྲོད།
༄༅།། བསྟན་བཅོས་ཀྱི་རྩིས་འགོ་ལྔའི་སྒོ་ནས་ངོ་སྤྲོད་ཞུས་ན། ༡ འདི་ཡི་མཛད་པ་པོ་ནི་སུ།། ༢ ལུང་ནི་གར་བཏུས་ ༣ ཕྱོགས་གར་གཏོགས།། ༤ སུ་ཡི་དོན་དུ་འདི་ཉིད་མཛད།། ༥ དབུ་ཞབས་བསྡུས་པའི་དོན་ནི་ཅི།། ཞེས་གསུངས་པ་ལྟར།
༡༽ མཛད་པ་པོ་ནི་སུ། གཞུང་འདིའི་མཛད་པ་པོ་ནི་ཀརྨ་སི་ཏུ་བསྟན་པའི་ཉིན་བྱེད་དེ། སི་ཏུ་གཙུག་ལག་ཆོས་ཀྱི་སྣང་བའམ།
དེ་ལས་མང་བ་། “༄༅། །སི་ཏུའི་སུམ་རྟགས་འགྲེལ་ཆེན་གྱི་ཁྲིད་ཐབས་མདོར་བསྡུས།” »
སྤོབས་པ་མཐའ་ཡས།
བོད་གངས་ལྗོངས་པ་སྤྱི་དང་བྱེ་བྲག་ཏུ་མདོ་སྨད་པ་རྣམས་ལ་མཚོན་ན་སྟག་མཚེར་རིན་པོ་ཆེ་ཡབ་སྲས་རྣམས་ནི་སྤོབས་པ་བྱ་ཞིང་མིག་དཔེར་འོས་པའི་མི་སྣ་ཤ་སྟག་རེད། སྟག་མཚེར་རིན་པོ་ཆེ་ནི་མདོ་སྨད་སྐུ་འབུམ་དགོན་པའི་སྤྲུལ་སྐུ་ཞིག་རེད། ཁོང་ནི་ཆོས་ལུགས་ཀྱི་གོ་གནས་དང་མཚན་མཐོང་ཆེ་བ་ཙམ་དུ་མ་ཟད་ཆབ་སྲིད་ཀྱི་གཟིགས་རྒྱ་ཡངས་ཤིང་དཔའ་མཛངས་ལྡན་པ་ཞིག་ཀྱང་རེད། བོད་དུ་རྒྱ་དམར་གྱིས་བཙན་འཛུལ་བྱས་པའི་སྐབས་སུ་ཁོང་གིས་རྒྱ་དམར་ལ་ངོ་དགའ་དང་རྒྱལ་ཚོང་གི་ལས་སྣ་གཅིག་ལ་ཡང་ཞུགས་མ་མྱོང་།
དེ་ལས་མང་བ་། “ཡབ་གཞིས་སྟག་མཚེར་ཚང་གི་ལྷ་སྲས་ཀུན་དགའ་ནོར་བུ་མཆོག་རང་བཙན་ཚོགས་འདུར་ཞུགས།” »
པར་བ། གཡུ་ལོ། རྩོམ། རས་པ།
གྲོགས་པོ་ཡེ་ཤེས་གྲགས་པ་ལགས་ཉེ་ཆར་དུར་ལམ་སྤུ་རྒྱལ་བང་སོར་བལྟ་སྐོར་དུ་ཕྱིན་ནས་པར་བསྐྱོན་པ་ཁག་གཅིག་གུས་པོར་ལྟད་མོར་གནང་བ་དང་། དེ་འབྲེལ་ལབ་གླེང་ཉུང་ཙམ་རྗེས་བང་སོ་དེ་དག་ལ་དངོས་སུ་བལྟ་འདོད་ཀྱི་འདུན་པ་གློ་བུར་བ་ཞིག་སླེབས།
དུར་ལམ་སྤུ་རྒྱལ་བང་སོ་ཞེས་པ་འདི་ནི་བོད་མདོ་སྨད་མཚོ་སྔོན་པོའི་ནུབ་ཕྱོགས་དུར་ལམ་རྫོང་དུ་ཡོད་ཅིང་།
གླང་དར་ཚ་བོ། (ཨ་རི།)
བོད་པའི་སྤྱི་ཚོགས་ཀྱི་གནད་དོན་དབྱེ་ཞིབ་པ་ཚོས་བརྗོད་པ་ལྟར་ན། དེང་སང་བཙན་བྱོལ་བོད་མིའི་སྤྱི་ཚོགས་ཀྱི་གསར་ལམ་ཆེ་ཆུང་ཡོད་དོ་ཅོག་མི་སྒེར་གྱི་བསམ་ཚུལ་སྤེལ་ས་རུ་གྱུར་ཡོད་པའི་སྐོར་རེད། ལྷག་པར་དུ་སྒེར་འཁོན་གྱི་དབང་གིས་ཕན་ཚུན་ཡིག་ངག་གཉིས་ཐོག་ནས་ཁ་དམག་དང་ཡིག་དམག་རྒྱག་སའི་གཡུལ་ངོ་ལྟ་བུ་ཞིག་ཏུ་ཡང་ཆགས་ཟིན་ཡོད་འདུག
གནད་དོན་དེ་ལ། བོད་དོན་དང་བོད་ཀྱི་གནས་བབ་ལ་དེ་ཙམ་དོ་སྣང་མེད་མཁན་དག་གིས་ནི་ཅི་ཡང་མི་སྨྲ་བར་ཁ་རོག་རང་སར་བསྡད་ཡོད་འདུག་ལ།
བློ་གྲོས་རབ་བརྟན།
—-ནེའུ་ཡོག་རང་བཙན་ཚོགས་འདུ་ཟེར་བར་རྩེད་མཚར་དུ་བསྲིངས་པ།
ཁ་ཡོད་ལག་མེད་ཚོ། རང་བཙན་སྒྲོག་རོགས། རང་བཙན་རྩོད་མཁན་མེད་ནའང་སྒྲོག་ནི་རེ་ཡོད་ན་ལོས་ཆོག རྩོད་མི་ཐུབ་ནའང་སྒྲོག་ལོས་ཐུབ། ཚོགས་འདུ་རེ་ཡང་འཚོགས་ལོས་ཐུབ། དགྲ་མེད་ས་དང་ཁ་གཏད་མེད་ས་ན་ཁ་ལ་ཤོང་ཚད་ཤོད་དང་། ཁུ་ཚུར་བསྡམས་ནས་ཤོད་དང་། མིག་ལོག་ཅེར་ནས། བརྣག་སེམས་གནོད་སེམས་ཀྱིས་རང་བཙན་སྒྲོག་དང་། ཅི་ཞིག་ལ་དམིགས་ཡོད། གང་ཞིག་གི་ཆེད་ཡིན་པ་སྒྲོག་མཁན་ཚོ་ལས་སྟོན་ཡོང་གིན་འདུག
—-ཞོ་ར་བསྟན་པ་དར་རྒྱས་ཀྱིས་བརྩམས།
༄། །རྗེ་བཙུན་ཤེས་རབ་རྒྱལ་མཚན་གྱི་རྣམ་ཐར་མདོར་བསྡུས་སུ་བཀོད་པ་བཞུགས་སོ།།
ཤེས་བྱའི་མཁའ་ལ་ཤེས་རབ་སྣང་བ་རྩེན།།
རབ་གསལ་ཐུགས་ལ་རབ་འབྱམས་གཞུང་ལུགས་རྫོགས།།
རྒྱལ་བ་མགོན་པོའི་རྒྱལ་སྲས་སེམས་དཔའ་ཉིད།།
མཚན་ལྡན་བླ་མའི་མཚན་མར་སྟོན་ལ་འདུད།།
དེ་ལ་འདིར་འཕགས་མཆོག་ཕྱག་ན་པདྨོ་བསམ་བཞིན་མི་ཡི་ཟློས་གར་བསྒྱུར་བ།
་་་་་་་་་དྲེད་པོ་ཧོར།
སྤྱི་སྤྱོད་རླངས་འཁོར་མདུན་ནས་མདུན་དུ་རྒྱུ།།
མདུན་གྱི་ལམ་ནག་མཐའ་ནས་མུ་ལ་ཟུག །
ཡུལ་ལུང་ཞིང་ཐང་ནམ་མཁའི་མཐའ་དང་འབྲེལ། །
གནམ་གྱི་མཐོངས་ན་སྤྲིན་དཀར་དར་བཞིན་ཆགས།།
ཁྲི་གདུགས་ཉི་མ་སྤྲིན་དཀར་གསེབ་ནས་ཤར།།
སྐྱོ་བྲག་དགའ་དབང་།
བོད་པའི་གནའ་སྲོལ་ལ། དཔེ་ཆའི་དབུ་ཡིག་དང་། གཙུག་ལག་ཁང་གི་སྒོ་བྱང་སོགས་འབྲི་བ་ན། ཐོག་མར། སྐད་ལེགས་སྦྱར་དང་ཡི་གེ་རྒྱ་གར་གྱི་ཡི་གེ་ཡིན་པ་དང། བར་དུ། སྐད་ལེགས་སྦྱར་དང་ཡི་གེ་བོད་ཡིག་ཡིན་པ་དང་། ཐ་མར། སྐད་དང་ཡི་གེ་གཉི་ག་བོད་ཡིན་པ་འབྲི་བ་ལ་སུམ་ཕབ་ཟེར།
འགྲོ་མགོན་བཀའ་བརྒྱུད་པའི་དགོན་སྡེ་སོགས་ཀྱིས་ཀྱང་གཙུག་ལག་ཁང་གི་སྒོ་བྱང་སོགས་སུ་མར་མི་དྭགས་པོའི་མཚན་སྔགས་སུམ་ཕབ་འབྲི་བའི་སྲོལ་ཡོད་པ་ནི།
རྩོམ་པ་པོ་ཤེས་རབ་དར་རྒྱས།
༼རྒྱལ་མཆོག་བཅུ་བཞི་པ་ཆེན་པོ་མཆོག་གི་མཛད་འཕྲིན་དུ་མ་ཟུར་ཙམ་གླེང་བ༽ཞེས་པ་ནས་ཟུར་འདོན་ཞུས་པ་ཡིན།
“མང་གཙོ་”ནས་“དམངས་གཙོ”ར་བསྒྱུར་བའི་ཚུལ།
དེ་ལ་འདིར་ཐོག་མར། བོད་ལུགས་སུ་དགུང་གྲངས་བཅུ་དྲུག་དང་ཕྱི་ལུགས་ལྟར་ན་བཅོ་ལྔར་ཕེབས་མཚམས་ལུགས་གཉིས་ཀྱི་འགན་དབང་དངོས་སུ་བཞེས་སྐབས། རྨ་བརྒྱ་བུག་སྟོང་དུ་གྱུར་པའི་བོད་ཀྱི་སྣོད་བཅུད་བསྟན་སྲིད་དང་བཅས་པ་རྒྱ་ལག་ཏུ་འཆོར་མགོ་ཚུགས་པའི་ཚུལ་དང་། མགོན་པོ་མཆོག་ནས། “ལྷ་སར་དྲག་གནོན་བྱས་རྗེས་མའོ་ཙེ་ཏུང་གིས་པེ་ཅིན་ནས་ཏཱ་ལའི་བླ་མར་ཅི་བྱས་རྩད་གཅོད་བྱས་པར། དེའི་ལན་དུ་ཏཱ་ལའི་བླ་མ་བྲོས་ནས་ཤོར་འདུག་ཅེས་བཤད་པར་བརྟེན། མའོ་ནས། འོ་ན། ང་ཚོའི་དམག་ལ་རྒྱལ་ཁ་ཐོབ་མེད་པར་ཕམ་པ་རེད་ཅེས་བཤད་པའི་གནས་ཚུལ་ཞིག་འདུག །”ཅེས་བཀའ་སྩལ་བའི་དོན།
རྩོམ་པ་པོ་ཤེས་རབ་དར་རྒྱས།
༼རྒྱལ་མཆོག་བཅུ་བཞི་པ་ཆེན་པོ་མཆོག་གི་མཛད་འཕྲིན་དུ་མ་ཟུར་ཙམ་གླེང་བ༽ཞེས་པ་ནས་ཟུར་འདོན་ཞུས་པ་ཡིན།
ཐར་པ་ཆེན་པོ་གཉིས་ཏེ་“མི་སྒེར་གྱི་ཐར་པ་”དང་“སྤྱི་ཚོགས་ཀྱི་ཐར་པ”ར་འཁྲིད་པའི་ཚུལ།
མགོན་པོ་མཆོག་གི་མཛད་པ་རྣམ་ཐར་ལ་དོ་དབྱིངས་ཆེ་བ་དག་ལ། འདིར་བཤད་པའི་ཐར་པ་ཆེན་པོ་གཉིས་ཀྱི་ཐ་སྙད་འདི་གསར་པའམ་སྔར་གོ་མ་མྱོང་བ་ཞིག་མིན་ནའང་། བོད་འབངས་བྱིངས་ལ་མཚོན་ན། ཐོག་མར་སྤྱི་ལོ་ 1983 ལོར་བོད་རིགས་འདུས་ཚོགས་སུ་གསུངས་ཏེ་མི་ལོ་སོ་གསུམ་ཙམ་འདས་ཀྱང་གོ་མྱོང་ཙམ་ཡང་མེད་པའི་ཚད་དུ་ལུས་ཡོད། ལར་ནས་ཐ་སྙད་དང་པོའི་དོན་ཆོས་གཞུང་དུ་ཡང་ཡང་གསུངས་ཀྱང་ཚིག་རིས་འདི་ལྟར་དུ་མེད་ལ། ཐ་སྙད་ཕྱི་མ་ནི་ལོ་རྒྱུས་སྟེང་མ་བྱུང་བ་ཞིག་ཡིན་པས་འདིར་ཆེད་གཉེར་གྱིས་འགོད་པར་འདོད་དེ་ཐ་སྙད་གཉིས་ཀྱི་བསྟན་དོན་ནི་གཤམ་དུ་ཟུར་ཙམ་བཤད་པར་འདོད་དོ།།
དེ་ལས་མང་བ་། “ཐར་པ་ཆེན་པོ་གཉིས་ཏེ་“མི་སྒེར་གྱི་ཐར་པ་”དང་“སྤྱི་ཚོགས་ཀྱི་ཐར་པ”ར་འཁྲིད་པའི་ཚུལ།” »
རྩོམ་པ་པོ་ཤེས་རབ་དར་རྒྱས།
༼རྒྱལ་མཆོག་བཅུ་བཞི་པ་ཆེན་པོ་མཆོག་གི་མཛད་འཕྲིན་དུ་མ་ཟུར་ཙམ་གླེང་བ༽ཞེས་པ་ནས་ཟུར་འདོན་ཞུས་པ་ཡིན།
ལྟོས་བཅས་ཆ་ཚང་བའི་གཟིགས་ཚུལ།
འདིར་ལྟོས་བཅས་ཆ་ཚང་བའི་གཟིགས་ཚུལ་ཞེས་པ་ནི། དུས་གསུམ་གང་དུ་གཏོགས་པའི་བྱ་དངོས་ཅི་ཞིག་ཡིན་ཡང་། གནས་དུས་རྒྱུ་རྐྱེན་སྣ་ཚོགས་ལ་བརྟེན་ཅིང་ལྟོས་ཏེ་སྐྱེ་གནས་འཇིག་གསུམ་བྱེད་པ་སྨོས་མེད་ཡིན་པས། སྐྱོན་གནས་གང་ཞིག་སེལ་བའམ་དགོས་དོན་ཅི་ཞིག་སྒྲུབ་པ་ན། དོན་གནད་བྱེ་བྲག་པ་གཅིག་གམ་དུ་མ་ཙམ་ཞིག་དམིགས་འབེན་དུ་མི་འཛིན་པར་ཕྱོགས་ཡོངས་ནས་བརྟག་དཔྱད་དང་དབྱེ་ཞིབ། བསམ་གཞིག་སོགས་ངེས་པར་དུ་བྱ་དགོས་པར་མཐོང་བའི་ལྟ་ཚུལ་རྨད་དུ་བྱུང་བ་ཞིག་ལ་ཟེར། དབྱིན་སྐད་དུ་དེ་ལ་ “holistic view” ཞེས་དང་། ལྟ་ཚུལ་དེ་ལ་བརྟེན་པའི་བྱེད་ཐབས་ལ་ “holistic approach” ཞེས་གསུངས།
—-
@བྱམས་ཕྲུག
པད་མ་ཚེ་བརྟན།
ཁྱོད་ནི་འགྲམ་ཆང་གི་གཉེན་པོར་བཞད་པའི་བ་ཀུ་ལ།
མེ་ལྕེའི་ལག་ངར་གྱིས་བཏེགས་པའི་སྡུག་གིས་བཟུང་བའི་གངས་རི།
ཁ་བ་མེད་པའི་དགུན་ཁར་སྤུངས་པའི་རྩྭ་ཐང་གི་མ་ཎི་རྡོ་འབུམ།
ཤར་ཕྱོགས་ཁུག་རྟ། ༼བསྟན་རྣམ་གྱིས་བརྒྱུད་གཏོང་བྱས།༽
མིའི་མི་ཚེའི་ནང་གཏམ་རྒྱུད་སྣ་ཚོགས་པ་འབྱུང་ཟེར་བ་ནི་ཅི་ལ་མ་བདེན། ལྷག་ཏུ་བཙན་བྱོལ་བ་དག་གི་མི་ཚེའི་གཏམ་རྒྱུད་ནི་དེ་བས་ཀྱང་དགོད་བྲོ་ལ་ངུ་ཡང་བྲོ་བ་ཞིག་ཅི་ལ་མིན། སློང་ཆང་གཏོང་བ་དང་ཆང་སའི་རྟེན་འབྲེལ་སྒྲིག་པ་ནི་རབ་བྱུང་ཕོ་མོ་ཕུད་ངེས་པར་བརྒྱུད་དགོས་པའི་ལམ་བུ་ཞིག་ཡིན་པ་མི་རིགས་སོ་སོའི་གོམས་གཤིས་ཙམ་མིན་པར། སེམས་ལྡན་དུད་འགྲོ་སྲོག་ཆགས་གྲོག་འབུར་ཡན་གྱིས་ཐག་གིས་བཅད་པ་ལྟར་སྣང་ཡང་། གུས་པར་མཚོན་ན། མནའ་མ་སློང་བ་དང་ཆང་སའི་རྟེན་འབྲེལ་སྒྲིག་རྒྱུར་འདོད་པ་དེ་ཙམ་མེད་པའི་བསམ་ཕྱོགས་ཤིག་མ་བཅོས་གཤིས་སུ་ཡོད་ཅིང་།
—-ཡེ་ཤེས་ཕུན་ཚོགས།
༄༅།།རྗེ་བཙུན་མ་མུ་མེད་ཡེ་ཤེས་མཚོ་མོའི་རྟོགས་པ་བརྗོད་པ་གསང་གསུམ་རྒྱ་མཚོའི་ཟེགས་མ་ཞེས་བྱ་བ།
རབ་འབྱམས་རྒྱལ་བའི་སོར་རྟོག་ཡེ་ཤེས་ཉིད།།
སིནྡྷུའི་རྒྱ་མཚོར་འདབ་སྟོང་རྩེར་སྨིན་པ།།
རང་བྱུང་མཚན་དཔེའི་དཔལ་འབར་མཚོ་སྐྱེས་རྗེ།།
འཇིགས་བྲལ་པདྨ་ཀ་རས་དུས་ཀུན་སྐྱོངས།།
དེ་ལས་མང་བ་། “རྗེ་བཙུན་མ་མུ་མེད་ཡེ་ཤེས་མཚོ་མོའི་རྟོགས་བརྗོད་གསང་གསུམ་རྒྱ་མཚོ།” »
ཡོང་ཁུངས། བོད་ཀྱི་དུས་བབ།
ད་ལོའི་སྐབས་བཅུ་དྲུག་པའི་བོད་མི་མང་སྤྱི་འཐུས་དང་། བཀའ་ཤག་སྐབས་བཅོ་ལྔ་པའི་སྲིད་སྐྱོང་འོས་བསྡུའི་ལས་རིམ་ཁྲོད། བོད་མིའི་ཡ་རབས་བཟང་སྤྱོད་ཉམས་ཆག་ཆེན་པོ་བྱུང་སྟེ་ཆོལ་ཁ་ཆོས་ལུགས་ཕྱོགས་འཐེན་གྱི་རྣམ་པ་ཤུགས་ཆེན་བྱུང་ཡོད་པ་དང་། བོད་པའི་སྤྱི་ཚོགས་ནང་གི་གནད་ཡོད་མི་སྣ་དག་ལ་གླེང་ཕྱོགས་སྣ་ཚོགས་བྱུང་ཞིང་། མང་ཚོགས་ཀྱི་ཆེ་མཐོང་དང་བརྩི་བཀུར་ཉམས་པ་སོགས་ཀྱི་གནས་སྟངས་བྱུང་ཡོད།
དེ་བཞིན། འོས་བསྡུའི་ལས་རིམ་ཁྲོད་ཀྱི་གནས་ཚུལ་ཁག་ཅིག་ལ་བརྟེན་ཏེ་
དེ་ལས་མང་བ་། “འོས་བསྡུའི་སྒྲིག་གཞི་མ་གཏོགས། བཅའ་ཁྲིམས་ལ་བསྒྱུར་བཅོས་གཏོང་མི་དགོས་སམ། ༼ ༡ ༽” »
དཀོན་མཆོག་རབ་བརྟན།
དང་པོ།
༢༠༡༥ ལོའི་དགུན་ཁའི་དགོང་ཁ་དེར། རྒྱ་གར་བྱང་ཕྱོགས་ཧེ་མ་ཅཱལ་མངའ་སྡེའི་རྡོ་ལ་རྡའི་རི་ལྡེབས་སུ་ཆགས་པའི་རྡ་སའི་རི་གྲོང་ནི་ཅུང་རྒྱུན་ལྡན་ལྟར་སྣང་སྟེ། ནུབ་ཁའི་ཉི་ཟེར་དམར་པོའི་འོག་ཏུ་རྡོ་ལ་རྡའི་རི་རྩེར་ཆགས་པའི་གངས་རྙིང་དང་། རི་མགུལ་གྱི་བྲག་རི་སྐྱ་བོ། རི་རྐེད་ཀྱི་འཚང་ཁའི་ཐོག་བརྩེགས་དག་གི་གྱང་སེར་བོ། དེ་བཞིན་ཐོག་བརྩེགས་དག་གི་ཐོག་ཁར་ཐེན་པའི་དཀར་སེར་དམར་སྔོའི་དར་ལྕོག་དང། གངས་སེང་རྟགས་ཅན་གྱི་རྒྱལ་དར་སོགས་མིག་ལམ་དུ་མངོན་ཚད་ལ་དམར་རྩི་བྱུགས་པ་བཞིན་དམར་ཤིག་གེར་སྣང་ལ།
