ཐོད་འབུར་མ།
སྐྱ་རེངས་དྭངས་དུས་ཕུག་རོན་ཚང་ལས་འཐོན།
ཉི་འོད་འཕྲོད་ཁ་ཐང་ཆེན་ར་བ་ནང་།།
ཡུལ་བྱ་ཕུག་རོན་ཤོག་རྩལ་ངོམ་བཞིན་ཏུ།།
ཆ་ཡོད་ཇི་བཞིན་བདག་གི་ཕྱོགས་སུ་འཕུར།།
ཤིན་ཏུ་དགའ་བའི་སེམས་ཀྱི་ཚོར་བ་ལས།།
མྱུར་ཏུ་ཕུག་རོན་ལག་ཏུ་འཛིན་འདོད་ཆེ།།
སྲས་མོ་ལགས། ཁྱོད་རང་དྲན །
སྐྲ་རིང་མ།
དུས་དབྱར་ཟླ་ཤར་དུས་ཁྱེད་རང་དྲན།།
དབྱར་མེ་ཏོག་ཤར་དུས་ཁྱེད་རང་དྲན།།
རྒྱན་མེ་ཏོག་འདྲ་བའི་སྲས་མོ་ཁྱོད།།
དུས་དེང་སང་ས་ཕྱོགས་གང་དུ་ཡོད།།
དགུན་ནམ་ཟླ་ཤར་དུས་ཁྱེད་རང་དྲན།།
དགུན་ཁ་བ་བབས་དུས་ཁྱེད་རང་དྲན།།
གངས་དཀར་པོ་འདྲ་བའི་གཞུངས་དྲང་མ།།
དུས་དེང་སང་ས་ཕྱོགས་གང་དུ་ཡོད།།
ཨེ་མ་རྒྱ་གར། བཀའ་དྲིན་ཆེ།
སྲིད་སྐྱོང་གིས་རྒྱ་གར་གཞུང་གི་སྐད་ཆར་མ་ཉན་པ་ཡིན་ནམ།
བློ་གྲོས་རབ་བརྟན།
ཐབ་ཆུང་ཆུང་དང་མེ་ཚ་བོ། ཕྱི་རྫིག་ནང་སྟོང་།
རྒྱ་གར་དབུས་གཞུང་གིས་རྒྱ་གར་ལ་ཐུགས་རྗེ་ཆེ་ཞུ་བའི་ལས་དོན་སྤེལ་དགོས་མ་རེད་ཅེས་བཤད་ཡོད་ལ། དེའི་རྒྱབ་ལྗོངས་སུ་གནད་དོན་མང་པོ་ཞིག་གབ་ནས་ཡོད་པ་ཤེས་དགོས། འོན་ཀྱང་སྲིད་སྐྱོང་བློ་སེང་གིས་རྒྱ་གར་གཞུང་གི་སྐད་ཆར་མ་ཉན་པར་ལས་དོན་བསྒྲུབས་སོང་། སྲིད་སྐྱོང་གིས་སྐད་ཆར་ཉན་མ་ཤེས་པ་ཡིན་ནམ། ཡང་ན་རང་གི་ཁེ་ཕན་གཙོ་བོར་བཟུང་སྟེ་གཞན་གྱི་སྐད་ཆ་སྣང་མེད་དུ་བཏང་བ་རེད།
བོད་མིའི་སྒྲིག་འཛུགས་ལ་རྒྱ་གར་གཞུང་ནས་རྒྱ་གར་བ།
དེ་ལས་མང་བ་། “སྲིད་སྐྱོང་གིས་རྒྱ་གར་གཞུང་གི་སྐད་ཆར་མ་ཉན་པ་ཡིན་ནམ།” »
དཔེ་དེབ་ངོ་སྤྲོད།
ཁ་བ་ནག་པོ་ནས།
སིམ་འཛུལ། ཨོ་སི་ཊི་ལི་ཡའི་རྒྱལ་ཁབ་ནང་རྒྱ་ནག་གི་ཤུགས་རྐྱེན།
ཉེ་ཆར་ཨོ་སི་ཊི་ལི་ཡའི་རྒྱལ་ཁབ་ནང་རྒྱ་ནག་གི་ཤུགས་རྐྱེན་ཆེན་པོ་སླེབས་ཡོད་པའི་སྐོར་གྱི་དཔེ་དེབ་སྐད་གྲགས་ཅན་ཞིག་པར་སྐྲུན་བྱུང་བ་རེད། དཔེ་དེབ་དེ་སྐད་གྲགས་ཆགས་དགོས་པའི་རྒྱུ་མཚན་གཙོ་བོ་ནི་དཔེ་དེབ་དེ་ཨོ་སི་ཊི་ལི་ཡའི་རྒྱལ་ཁབ་ནང་རྒྱ་ནག་གི་ཤུགས་རྐྱེན་སྐོར་བྲིས་པ་ཙམ་མ་ཡིན་པར། དཔེ་དེབ་པར་སྐྲུན་སྔ་རྗེས་ཀྱི་གནས་ཚུལ་མང་པོ་ཞིག་
རིན་མེད་ཐོག་འབྲས་ནད་སྣ་ཚོགས་ཀྱི་བརྟག་བཤད་དཔྱད་སྨན་སྒར།
རྒྱ་གར་ལྷོ་ཕྱོགས་ས་གནས་གསར་འགོད་པ་དོན་འགྲུབ་བཀྲ་ཤིས་ནས།
སྤྱི་ལོ་༢༠༡༨ཟླ༤་ཆེས༡༠་ནིན་རྒྱ་གར་ལྷོ་ཕྱོགས་སྦེལ་ཀོབ་འཚོ་བྱེད་སྨན་ཁང་དུ་དབུ་བོད་མིའི་སྒྲིག་འཛུགས་་འཕྲོད་བསྟན་ལས་ཁུངས་དང་ན་ར་ཡ་ན་སྣ་མང་ཆེད་ལས་སྨན་ཁང་བཅས་ཐུན་མོང་ཐོག་བོད་མིའི་སྡོད་སྒར་ལྷོ་ཕྱོགས་གཞིས་ཆགས་སྦེལ་ཀོབ་དང་། ཧོན་སུར་། ཀོ་ལི་གྷལ་། མོན་གྷོ་ཌི་བཅས་ཀྱི་ས་གནས་སོ་སོར་འབྲས་ནད་བརྟགས་དཔྱད་སྨན་སྒར་ཞིག་དང་ལྷན་དུ་འབྲས་ནད་སྐོར་གྱི་གོ་རྟོགས་ལས་གཞི་ཞིག་སྤེལ་རྒྱུའི་འཆར་གཞི་ཡོད་པ་རེད་འདུག།
དེ་ལས་མང་བ་། “རིན་མེད་ཐོག་འབྲས་ནད་སྣ་ཚོགས་ཀྱི་བརྟག་བཤད་དཔྱད་སྨན་སྒར།” »
ང་ཚོ་བོད་ཡུལ་ལ་གྲྭ་པ་སྐྱ་མིན་སེར་མིན་མང་དོན།
རྩོམ་པ་པོ། བོད་ཆང་། ཡུལ་ཤུལ། ཚེ་དཔག་རིག་འཛིན་གྱིས་འོས་སྦྱོར་བྱས།
སྤྱིར་ང་ཚོ་བོད་ཀྱི་དགོན་སྡེའི་ཁྲོད་དུ་གྲྭ་པ་རྣམས་སྡོམ་པ་ཞུ་མ་ཐུབ་པ་དང་སྡོམ་པ་ཞུས་ཀྱང་ཤོར་བ་སོགས་མང་པོ་ཡོད། དེ་དག་གིས་སྡོམ་པ་མེད་བཞིན་དུ་གྲྭ་ལྭ་གྱོན་ཏེ་སྤྱོད་ལམ་གྱི་ཐད་ནས་ལྐོག་ཏུ་བུད་མེད་དང་ཆང་རག་སོགས་གཏན་ནས་ཚུལ་དང་མི་མཐུན་པའི་དོན་དག་མང་པོ་ལས་ཀྱིན་ཡོད་པ་རེད། དེ་དག་གིས་གྲྭ་ལྭ་ཕུད་དེ་སྤྱི་ཚོགས་དངོས་ལ་མི་ཞུགས་པའམ་མི་ཕོད་པའི་རྒྱུ་མཚན་གཉིས་ཡོད་པར་སེམས།
གཅིག ཁ་ཤས་ཀྱིས་གྲྭ་ལྭ་འདི་ཕུད་པ་ཡིན་ན་ཁོ་རང་ལ་གྲྭ་ལོག་ཞེས་པའི་ཐ་སྙད་འདོག་པར་སྐྲག་པ་དང་།
དེ་ལས་མང་བ་། “ང་ཚོ་བོད་ཡུལ་ལ་གྲྭ་པ་སྐྱ་མིན་སེར་མིན་མང་དོན།” »
བདེན་པ་རང་བཤད།
རླུང་དམར།
བདེན་པའི་སྐྱེས་ཐོབ་གདོད་ནས་སྨིན་པའི་དྲི་མེད་ཆོས་ཀྱི་དབྱངས་གསོལ་བཞིན།།
ཤེས་རབ་དད་པའི་མ་བསླུས་ཕན་པའི་དགེ་ཚོགས་གཏམ་གྱི་བདེན་བཤད་འདུག།
དེང་གི་གསེར་ལྗོངས་རྒུད་མིན་སྒུལ་བའི་ངན་ངོན་རང་སྟོན་མཚང་བྱེད་བསྒྲེས།།
གཡོ་མེད་གློག་ཞགས་ཐུར་མདའི་རྒོད་པོས་མ་རིག་ནག་པོའི་དཔུང་གདང་གཅུན།།
སཱ་ལའི་ལྗོངས་འདིར་གཙུག་རྒྱན་ཆོ་འཕྲུལ་ངོ་མཚར་བྱེ་བ་དུས་དབང་དགྱེས།།
ལས་དབང་དམན་པའི་རླུང་རྟ་ནག་པོ་དམར་དམག་དཔུང་གི་རྟབ་རྟབ་བཟུང་།།
ཚོར་བའི་འོག་འགྱུ།
དཔྱིད་སྨིན། ༼གློག་བརྙན་(美味奇缘)བལྟས་པའི་སེམས་ཚོར་དངོས་མ།༽
མ་བརྟགས་སྒྱུ་མའི་དོ་ཤལ་ངོས་སུ་ཚོར་བའི་སིལ་བ་ཁྲོམ་ཁྲོམ་འབབ།།
བརྟགས་ཤིང་དཔྱད་ན་ཡིད་ཀྱི་འདུ་བྱེད་སྐད་ཅིག་མི་སྡོད་གཡོ་སྐྱོམ་བྱེད།།
ཟོལ་མཐོང་སྤྲིན་རུམ་སྟུག་པོའི་ཀློང་ནས་མིག་ཆུའི་ཆར་རྒྱུན་བྲེལ་གྱིས་འབྱོན།།
སྲིད་པའི་ཆོས་ཉིད་ཁ་ཅིག་ལ་ནི་ངེས་ངེས་བདེན་པོའི་གཏན་ཚིགས་བརྗིད།།
བགྲང་བྱ་ཉི་ཤུའི་གྲིབ་མའི་འོག་ཏུ་སྤྱན་ཆབ་དང་བཅས་ཡིབ་བྱེད་ཅིང་།།
ཁེ་དང་གྲགས་པ་སྐྱབས་སུ་འཆོལ་བའི་འཐོབ་རྩོད་ཆེན་པོའི་འཁོར་ལོ་ཡིས།།
གདུངས་པའི་ཉེན་ཞིང་ཐབས་ཀྱིས་ཕྱུགས་པའི་གཡོ་ཅན་མུན་པ་ནག་པོ་དེས།།
སྦྱར་བྱུང་ཚིག་གི་ཟེར་མདའ་ཁྱུ་གཅིག་མངོན་ཆུང་ལས་ལ་
བོད་ཀྱི་དམག་དཔོན་དང་མདའ་དཔོན་གྱི་གོ་གནས་བཞེས་མྱོང་བའི་ཉི་ཧོང་པ་ཞིག་གླེང་བ།
སྙན་བཟང་གཡུང་དྲུང་ཚེ་རིང་།
ཉི་ཧོང་གི་ཡུལ་འདིར་མིའི་འགྲོ་བ་བྱུང་ནས་ལོ་ངོ་ཁྲི་གཅིག་ལྷག་ཕྱིན་པ་དང་། དུས་རབས་གསུམ་པའི་ནང་ཡ་ཡོ་ཨིའི་( Yayoi )ཡུལ་དུ་རྒྱལ་ཕྲན་ཆུང་ཆུང་མང་པོ་ཕྱོགས་གཅིག་ཏུ་བསྒྲིལ་བའི་ཡ་མ་ཐ་ཨི་ཁོ་ཀུ་( Yamataikoku)ཞེས་པའི་རྒྱལ་ཕྲན་ཆེན་པོ་ཞིག་ཆགས་ནའང་། དུས་རབས་གསུམ་པའི་མཐའ་ལ་རྒྱལ་ཕྲན་དེ་མེད་པར་མངོན། དུས་རབས་བཞི་པའི་མགོ་ཙམ་ལ་ཡ་མ་ཐོ་( Yamato)གྲགས་པའི་རྒྱལ་ཁབ་ཅིག་ཡུལ་འདིར་ཐོག་མར་དབུ་བརྙེས་པས་རྒྱལ་ཁབ་ཅིག་གི་དབྱིབས་ཐོན་པ་དང་། སྐབས་དེར་རྒྱ་ནག་དང་ཁོ་རེ་ཡའི་དབར་དམག་འཐབ་ལན་མང་བྱུང་བས་ཡུལ་དེ་གཉིས་ནས་མི་མང་པོ་ཞིག་ཡ་མ་ཐོའི་རྒྱལ་ཁབ་ལ་བྲོས་བྱོལ་དུ་འབྱོར་འདུག་ལ། ཡུལ་འདིའི་ཤེས་རིག་དང་། ལམ་ལུགས། ཅ་ལག་མང་པོ་ཞིག་རྒྱ་ནག་ཡུལ་ནས་བླངས་པར་བཤད།
དེ་ལས་མང་བ་། “བོད་ཀྱི་དམག་དཔོན་དང་མདའ་དཔོན་གྱི་གོ་གནས་བཞེས་མྱོང་བའི་ཉི་ཧོང་པ་ཞིག་གླེང་བ།” »
སྐྱབས་བཅོལ་བ། (སྐད་གཉིས་ཤན་སྦྱར་གྱི་སྙན་ངག་ཅིག)
Refugees: A Poem by a Gaddi by Santosh Kumari
སན་ཏོཤ་ ཀུ་མཱ་རི་ཟེར་བའི་གདྡི་བ་ཞིག་གི་སྙན་རྩོམ། སྐྱབས་བཅོལ་བ།
Many say I am enlightened
but inside me is a darkness.
༅༅། །དུ་མས་བདག་ནི་ཐམས་ཅད་མཁྱེན་པར་བརྩི།།
འོན་ཀྱང་བདག་གི་བློ་ལ་མུན་པ་ཞིག།།
When I think about my homeland
I wake up from my deep, deep sleep.
རང་གི་ལུང་པ་སེམས་ལ་འཁོར་བའི་སྐབས།།
བདག་ནི་སྟུག་པོའི་གཉིད་ལས་སད་གྱུར་ཏེ།།
Eyes full open, I gaze
to find there is no one around.
མིག་ཟུང་གདངས་ཏེ་ཅེར་ནས་ལྟ་བའི་སྐབས།།
སུ་གཅིག་འགྲམ་དུ་མཐོང་རྒྱུ་མེད་པར་གྱུར།།
དེ་ལས་མང་བ་། “སྐྱབས་བཅོལ་བ། (སྐད་གཉིས་ཤན་སྦྱར་གྱི་སྙན་ངག་ཅིག)” »
རྨི་ལམ་ཞིག་དང་འབྲེལ་བའི་གཏམ།
ཡི་གེར་འགོད་མཁན། བསྐལ་བཟང་གཡུང་དྲུང་།
བོད་ཟླ་དང་པོ་ཚེས་གསུམ་གྱི་དགུང་མོར་ཐོབ་རྒྱལ་གསར་བ་སྨན་རིའི་དགོན་འདབས་སུ་རྨིས་པའི་རྨི་ལམ། ཞོགས་པ་དེར་ང་དང་ལྷན་དུ་ཕུ་བོ་བསྐལ་བཟང་གཡུང་དྲུང་དང་དགེ་བཤེས་གཡུང་དྲུང་དགེ་ལེགས་ང་ཚོ་གསུམ་གྱིས་ཞོགས་ཇ་ལ་རོལ་དུས་ངས་མདང་དགུང་རྨི་ལམ་ཡ་མཚན་ཞིག་རྨིས་སོང་ཞེས་བཤད། དེ་མ་ཐག་ཏུ་ཁོང་གཉིས་ཀྱིས་ཞོགས་ཇའང་འཐུང་མཚམས་བཞག་ཏེ་ག་རེ་རྨིས་སོང་ཞེས་ང་ལ་ཚུར་འཚང་ཁའི་ཚུལ་དུ་དྲི་བར་དྲིས་ཤིང་། ཧོན་འཐོར་བའི་ཚུལ་དུ་མིག་གིས་ཀྱང་ཧྲིག་གེར་ངའི་གདོང་ལ་ལྟ་བཞིན་ཡོད་པའི་ཚོར་སྣང་བྱུང་།
ངས་མདང་དགུང་རྨིས་པའི་རྨི་ལམ་ནི་འདི་ལྟར་ཏེ། སྨན་རིའི་ཚོགས་ཁང་ཆེན་པོའི་གཡས་ཕྱོགས་སུ་ཞིང་གཤེགས་དམ་པ་ཁྲི་འཛིན་སོ་གསུམ་པ་མཆོག་གི་སྐུ་གདུང་ཞུགས་འབུལ་བྱ་སའི་གནས་དེར། ཁྲི་འཛིན་རིན་པོ་ཆེ་ཧ་ཅང་གིས་ཐུགས་དགྱེས་ཤིང་ཞལ་གྱི་
རྩོམ་ཡིག་བསྡུ་བའི་གསལ་བརྡ།
བཀུར་འོས་རྒྱ་ཆེའི་སྨྱུག་ཐོགས་པ་ཡོངས་ཀྱི་སྙན་ལམ་དུ།
སྐད་ཡིག་འཆི་གསོན་གྱི་རྒྱུ་རྐྱེན་གཅིག་ནི་སྔར་ཡོད་རྒྱུན་འཛིན་དང་ད་ལྟའི་གཙོ་རྒྱུག་སྐད་ཡིག་གི་ཚབ་བྱེད་ཐུབ་མིན་ལ་རག་ལས་ཡོད་པས། རིག་གནས་ལ་དད་མོས་མ་སྨད་པ་རྣམས་ཀྱིས་རང་རང་གི་ས་ནས་ནུས་པ་ཇི་ཡོད་ཀྱིས་འབད་བརྩོན་རེ་བྱེད་བཞིན་ཡོད།
བོད་སྐད་ཤོད། བརྒྱད་དབྱངས་སྒྲོལ་མ།
གདན་ས་སྟག་ཚང་ལྷ་མོའི་གསོ་རིག་འགྲོ་ཕན་གླིང་གི་མཁན་ཟུར་མདོ་སྔགས་རབ་འབྱམས་སྨྲ་བ་དགེ་བའི་བཤེས་གཉེན་ཆེན་པོ་ཚུལ་ཁྲིམས་འོད་ཟེར་མཆོག་གི་རྣམ་ཐར་ངོ་སྤྲོད།
རེ་མདོ་སེངྒེས་འོས་སྦྱོར་བྱས།
༄༅།། ཕྱི་ལོ་ ༢༠༡༨ ལོའི་ཟླ་ ༣ ཚེས་ ༣༠ ཉིན་གྱི་ཞོགས་པ་སྔ་བོར་དགེ་བའི་བཤེས་གཉེན་ཆེན་པོ་ཨ་ཁུ་ཚུལ་ཁྲིམས་འོད་ཟེར་མཆོག་དགོངས་པ་རྫོགས་པའི་གནས་ཚུལ་ཐོས། ཁོང་ད་ལོ་དགུང་ལོ་བརྒྱད་ཅུ་གྱ་བརྒྱད་ལ་ཕེབས་པས་སྐུ་ཚེ་བཟང་མཐར་ཕྱིན་པ་ཞིག་ཡིན་ཡང། ཁོང་གི་ཡིད་དུ་འོང་བའི་མཛད་སྤྱོད་དང་གཏིང་མཐའ་བྲལ་བའི་མཁྱེན་ཡོན་སེམས་ལ་དྲན་པའི་སྐབས། བསམ་བློའི་ནང་ཕངས་སེམས་ཆེན་པོ་ཞིག་རང་བཞིན་གྱིས་ཡོང་གི་འདུག འོན་ཀྱང་འདི་ལྟར་མི་ཐོག་བརྗེས་ནས་འགྲོ་དགོས་པ་ནི་ཟློག་ཐབས་མེད་པའི་ཆོས་ཉིད་ཅིག་ཡིན་པས།
འབུ་ཡིས་རྡུང་གི་འདུག
ཁྲོ་གཏུམ།
ཉིན་གསུམ་གྱི་རྗེས་སུ་ད་དུང་སེམས་སུ་ཤར་བས་ཤར་མར་ཕབ།
ངྷ་སའི་དཔྱིད་འགོ་ཚོས་པའི་བར་ལོགས་དེར
མེ་ཏོག་གི་ཟེའུ་འབྲུ་ཁ་མ་ཕྱེ་བའི་སྔོན་དེར
སྡོང་ལོ་དང་རྩྭ་ལོས་ལྗང་མདོག་གོན་པར་བྲེལ་ཤ་ལངས་པའི་དུས་ཚིགས་དེར
བུ་ཆུང་ངའི་འཁྲིས་སུ་རྩེད་མོར་གཡེང་ཡོད
བུ་ཆུང་གིས་སྐད་ཆ་བཤད་མགོ་འཛུགས་པའི་སྐབས
སྐད་ཆ་ཆལ་མ་ཆོལ་གྱི་སྒྲ་གདངས་ཀྱིས་ཕ་མའི་རྣ་རྩ་བཀང་བའི་ལོ་ཟླ
དཔྱིད་འགོ་ཡིན་པས་སྦྲང་ནག་འགའ་ཡང་ཉན་བྱེད་ཀྱི་བུ་གར་གཙེས
བུ་ཆུང་གིས་གློ་བུར་དུ
བོད་ཀྱི་སྤྱི་ཚོགས་ལ་ཁ་ཚ་དགོས་གཏུག་གི་ཉམས་ཉེས་གླེང་བ།
ཨོ་རྒྱན་ཉི་མ།
བོད་པ་ཚོར་སྒོར་མོ་ཡོད་མ་མྱོང་བ་དང་། ཕྱུག་པོར་གྱུར་མ་མྱོང་བ་དང་། འཚོ་བ་གསར་པའི་ལྟ་གྲུབ་གསོན་པོ་ཡོད་མ་མྱོང་བ་སྟེ། མ་མྱོང་བ་གསུམ་གྱིས་མུ་གེ་འཆི་ལ་ཉེ་བའི་དུས། གཞན་གྱི་ཟ་ལྷག་འཐུང་ལྷག་དང་། རིག་གཞུང་དང་། འཚོ་བ་གསར་བའི་གད་སྙིགས་ཅུང་ཅུང་ཟད་འགམ་རྒྱུ་རག་དུས་ཡོད་ཚད་ནས་ཡོད་ཚད་སྨྱོ་བཞིན་པ་རེད།
གྲྭ་བཙུན་ཚོས་དབུ་རེག་ཞབས་རྗེན་བྱས་པ་དེས་རྒྱུད་ལ་ངེས་འབྱུང་གིས་ཟིན་པའི་སྤོང་སེམས་མཚུངས་ལྡན་དགོས་པ་གཏིང་བརྗེད་གྱུར་པ་དང་། སྔགས་པ་ཚོས་སྣང་སྲིད་དག་མཉམ་དུ་ངེས་པའི་རིམ་གཉིས་ལྟ་བའི་གདེངས་དང་ལྡན་པས། འཁོར་འདས་ཀྱི་སྲོག་འཕྲོག་དགོས་པར་མ་ཤེས་པ་དང་། ཁྱིམ་པ་ཚོས་ཆབ་དཔལ་སྲོག་ཏུ་བཟུངས་ཏེ་འཁོར་བའི་ལས་ལ་བརྩོན་དགོས་པའང་མ་ཤེས་པར། ཡོད་ཚད་མགོ་མཇུག་དང་། བཟང་ངན་མེད་པར་འཆོལ་རྙོག་ཏུ་
དེ་ལས་མང་བ་། “བོད་ཀྱི་སྤྱི་ཚོགས་ལ་ཁ་ཚ་དགོས་གཏུག་གི་ཉམས་ཉེས་གླེང་བ།” »
མཚར་གཏམ། ཨེན་སེ་ཀྲེན་དང་བོད་པའི་འབྲོག་པ་ཐུག་པ།
བསྟན་འཛིན།
ཉིན་གཅིག་དངོས་ཁམས་རིག་པ་མཁས་ཅན་ཨེན་སི་ཀྲེན་དང་བོད་པའི་འབྲོག་པ་ཞིག་གནམ་གྲུའི་སྡོད་ས་འཁྲིས་ལ་འཁེལ། འབྲོག་པ་དེས་དངུལ་མང་པོ་ཞིག་ཁུག་མ་ནས་བཏོན་ནས་རྩི་བཞིན་ཡོད། གནམ་གྲུའི་འགྲུལ་བཞུད་དུས་ཚོད་རིང་བས་ཨེན་སེ་ཀྲིན་ཉོབས། འབྲོག་པ་དེ་ལ་ཁ་བསྐོར་ནས། ཁྱོད་ཀྱིས་ང་ངོ་ཤེས་སམ་ཞེས་དྲིས། འབྲོག་པ་དེས། ཨོ་ཧོང་།
དེ་ལས་མང་བ་། “མཚར་གཏམ། ཨེན་སེ་ཀྲེན་དང་བོད་པའི་འབྲོག་པ་ཐུག་པ།” »
ཕ་ཡུལ—ཡུལ་གྱར་བ། ཡུལ་གྱར་བ—ཕ་ཡུལ།
སྐྱིད་སྲས་དགེ་ལེགས་ཉི་མ།
“ཕ་ཡུལ་”ཞེས་པའི་ཡིག་འབྲུ་འདི་གཉིས་ནི་མི་བུ་སུ་ཡིན་ཀྱང་རྐང་མཐིལ་ནས་མགོ་བོའི་བར་ཀྱི་ལུས་ཀྱི་ཟུངས་ཁྲག་གི་རྒྱུ་བ་དང་། ནང་གི་རྣམ་ཤེས་ཀྱི་འགྱུ་སྟངས་སོགས་ཀྱིས་བཏུམ་པའི་ཚིལ་བཏུམ་ཞིག་དང་ཡོངས་སུ་མི་མཚུངས་སམ། ལན་རེར་སྙིང་དྲག་ལྡིང་གིས་བསྐྱེད་པའི་ཁྲག་བཏུམ་ཞིག་ཏེ། སྙིང་ཁོ་ནར་གཟས་ནས་བཏབས་པའི་ལྕགས་འཛེར་ཞིག་དང་མཚུངས་པར་གཅོལ་མེད་གཡོ་མེད་ངང་ཟུག་གཟེར་ཁོ་ན་བསླངས་པར་བྱེད།
ང་ནི་ཡིག་འབྲུ་འདི་གཉིས་ཀྱིས་ཇི་ལྟར་གཙེས་ན་ཡིག་འབྲུ་འདི་གཉིས་དེ་ལྟར་ཇེ་གསལ་དུ་འགྲོ་བཞིན་ཡོད།
འཕགས་ཡུལ་གཞུང་དམངས་ལ་བཀའ་དྲིན་ཆེ།
ཆབ་མདོ་ངག་ཕུན་གྱིས།
བོད་ཆོས་རྗེས་སྲོང་བཙན་སྒམ་པོ་ཡིས།།
བློན་ཐོན་མིའི་འཕགས་པའི་ཡུལ་དུ་མངགས།།
སྒྲ་རིག་པའི་གནས་ལ་སྦྱོང་བར་མཛད།།
བོད་གངས་ཅན་ལྗོངས་ལ་ཆོས་རིག་སྤེལ།།
སྔོན་ཆོས་རྒྱལ་ལོ་པཎ་དྲིན་ཅན་ཚོས།།
ཆོས་མདོ་སྔགས་གངས་ལྗོངས་སྒྲོན་མེ་སྤར།།
