དགེ་བསྟན།
སེམས་པ་བཟང་བས་བརྩེ་བའི་མིག་གིས་ལྟ།།
གཤིས་ཀ་འཇམ་པས་སྙན་པའི་ངག་གིས་བསུ།།
རྣལ་འབྱོར་མ་ཡི་རིགས་ལས་མཆེད་པ་ཡི།།
བལ་ཡུལ་བུ་མོ་སེམས་ཀྱི་མེ་ཏོག་ཡིན།།
གཟུགས་བྱད་བཟང་བས་སེམས་པ་དབང་མེད་འཆོར།།
བཞིན་རས་མཛེས་པས་མིག་གི་དབང་པོ་འགུག།
འོད་གསལ་ལྷ་ཡི་རིགས་ལས་མཆེད་པ་ཡི།།
བལ་ཡུལ་བུ་མོ་མིག་གི་དགའ་སྟོན་ཡིན།།
རྐེད་པ་ཕྲ་བས་འཐམས་ན་སེམས་ཁ་ཚིམས།།
འཕོང་ཚོས་ལྡིར་བས་བརྒྱབ་ན་ཆགས་པ་འཕེལ།།
དྲུག་ཅུ་རྩ་བཞིའི་སྒྱུ་རྩལ་ཀུན་རྫོགས་པའི།།
བལ་ཡུལ་བུ་མོ་སྙིང་གི་དགའ་མ་ཡིན།།
སྲོལ་རྒྱུན་གཤིས་ཀ་ལྡན་པས་ཧམ་པ་མེད།།
དེང་དུས་ལྟ་བ་ཡོད་པས་འཛེམ་བག་མེད།།
ཅི་ཙམ་སྤྱད་ཀྱང་ངོམས་པ་མེད་པ་ཡི།།
བལ་ཡུལ་བུ་མོ་འདོད་པའི་ལྷ་མོ་ཡིན།།
གནག་སྣུམ་ཕྲ་ལ་འཁྱོག་པའི་སྨིན་མའི་འོག།
སྤྲུལ་བའི་བཟོ་བོས་ཆེད་དུ་བྱས་འདྲ་བའི།།
དགོད་ལ་ཁད་པའི་མིག་གི་གསང་ཉུལ་ནི།།
ཁྱོད་ཀྱི་སྙིང་གི་གསང་བ་རྐུ་བྱེད་ཡིན།།
སྨུག་ལ་དམར་མདངས་རྒྱས་པའི་མཆུ་སྒྲོས་ནི།།
གཤོག་རྩལ་རབ་ཏུ་རྫོགས་པའི་ཕྱེ་ལེབ་བཞིན།།
ཆགས་པའི་རྒྱལ་མཚན་རྩེ་མོར་འཁྱུག་པའི་ཚེ།།
ཁྱོད་ཀྱི་དབུགས་ཀྱི་རྒྱུ་བ་འགགས་ལ་ཁད།།
རུས་སྦལ་ལྟོ་བ་བཞིན་དུ་འབུར་བ་ཡི།།
མཚན་མའི་ཁ་སྒོ་ག་ལེར་ཕྱེ་བའི་ཚེ།།
པད་མ་ཞེས་པའི་མིང་གིས་བསྙད་དོན་ཡང་།།
ཚིག་འགྲེལ་མི་དགོས་བློ་ལ་ངང་གིས་འཆར།།
ཕྲ་ལ་རིང་བའི་འཁུན་སྒྲ་དབྱངས་སུ་ལེན།།
ལྡེམ་ཞིང་མྱུར་བའི་རྐེད་པའི་གར་སྟབས་མཛེས།།
འདོད་པའི་ལོངས་སྤྱོད་མ་ལུས་སྦྱིན་པ་ཡི།།
བལ་ཡུལ་བུ་མོའི་ཡོན་ཏན་བརྗོད་མི་ཚར།།
རྩོམ་ཡག་མོ་འགུ
བདག་ལ་མཚོན་ན་བལ་ཡུལ་བུ་མོ་ལ་ཆ་རྒྱུས་ཁྱོན་ནས་མེད། སྣ་རིང་བུ་མོ་དང་སྣ་ཐུང་བུ་མོ་གཉིས་ཀྱི་ནང་ནས་ཤེས་ཡོན་དང་འཇོན་ཐང་ད་དུང་སྤྱོད་པ་སོགས་གང་གི་ཐད་ནས་སུ་ཡག་པོ་ཡོད་དམ།