ཀུན་དང་མཐུན་པའི་སྤྱོད་པ་མེད་ཀྱང་རང་མགོ་ཐོན་པའི་འགན་འཁུར་དགོས།
ཁ་ལ་ཟ་རྒྱུའི་ཟས་ནོར་མེད་ཀྱང་སྤྲང་པོར་སྦྱིན་པའི་གཏོང་སེམས་དགོས།
ག་པར་འགྲོ་བའི་རྐང་པ་མེད་ཀྱང་རྒྱལ་ཁམས་མཐོང་བའི་མིག་གཉིས་དགོས།
ང་ཚོ་བོད་མིའི་སྒོམ་ཤིས་བཟང་པོ་གཞན་ལ་ཕན་པའི་ཀུན་སློང་དགོས།
ས་ཕག་ལོ་ལ་ངོས་ལ་ལོ་སར་མེད།
ཀྱེ་མ་ཧོ།།
ཀཿཐོག་དགེ་རྩེ་དགོངས་པ་ཆོས་དབྱིངས་རྫོགས།།
ཁ་མཆུ་ནག་པོ་ཀརྨ་པ་ལ་གཙུགས།།
ག་ས་གང་དུ་བོད་མིའི་རླུང་རྟ་ཆག།
ང་ཡིས་བསམ་ན་ད་ལོ་ལ་སར་མེད།།
ཅ་ཡི་ན་ལ་ཕག་ལོ་དགེ་མཚན་ཆེ།།
ལོ་ནག་ཕག་ནག་ལོ།།
༼༡༽
ཨོ་ཟོབ་རྡོ་རྗེ་སྣ་ཡིས་ལག་དཀར་བསད།།
ཨེ་ཙི་སྨུག་ཀློང་ཕྲོད་ནས་ཀརྨ་ལྐུགས།།
ཨུ་ཚུགས་སྤྲེལ་ཚོགས་གླིང་ནས་ཕག་སྤེན་ཤི།།
ཨི་ཀ་རྒྱག་པའི་ལོ་སར་ངར་མི་དགོས།།
ཨ་ཁ་ཡང་དག་ཆོས་པ་ཁྱི་བཞིན་འཁྱམས།།
ཧ་ཅང་ཐལ་བའི་སྙིགས་ལྔའི་མུན་ནག་ཁྲོད།།
ས་སྟེང་ཕལ་ཆེར་ཁྲམ་པས་གང་བའི་ཚེ།།
མིར་ཛ། གྷ་ལིབ་ཀྱི་སྙན་རྩོམ་འགའ།
པདྨ་ཚེ་དབང་ཤཱསྟྲིས་བསྒྱུར།
Mehrban ho ke bula lo muje chaho jis waqt,
Main gaya waqt nahi hung ki phir aabhi na sakkung/
དགོས་པའི་དུས་ཚོད་ནམ་ཡིན་ལ།།
ང་ལ་སྐད་ཐོངས་ཐུགས་རྗེས་གཟིགས།།
ང་ནི་འདས་པའི་དུས་ཚོད་ལྟར།།
བསྐྱར་ལོག་བྱེད་རྒྱུ་མེད་པ་མིན།།
ཕ་མར་སྤྲིངས་བའི་སེམས་ཀྱི་ངུ་ངག
དགའ་བ་ནས།
ལེ་དབར་ཁྲི་མ་འབུམ་གྱིས་ཆོད་པའི་སྡེ་རྐྱང་གྲོང་སྟོང་ས་ཞིག་ན།།
ཇ་རྐྱང་རྩམ་ཐང་ཟས་སུ་འཐུས་པའི་མི་ཚེའི་ཕྲེང་བ་བསྐོར་མཁན་མ།།
ཟས་གོས་གནས་མལ་མ་ཆད་མ་སྟོང་ཉིན་ཞག་རེ་རེའི་འཚོ་བའི་ཁྲོད།།
རེ་བའི་མིག་ཞགས་རྒྱང་ལ་གཏད་པའི་དྲིན་ཆེན་ཨ་མ་སྙིང་རེ་རྗེ།།
དགུན་གསུམ་གངས་དང་གྲང་རླུང་ཀློང་ལ་ཐབ་ཁ་གསོ་བཞིན་བུ་ཕྲུག་བསྐྱངས།།
དཔྱིད་གསུམ་རྩྭ་དང་རྩི་ཏོག་འཐུ་བཞིན་རི་ཐང་འགྲིམས་ཏེ་སྒོ་ཟོག་འཚོ།།
དབྱར་གསུམ་འདམ་དང་དྲག་ཆར་གསེབ་ལ་འོ་མ་འཇོ་བཞིན་ཕྱུར་མར་བསགས།།
སྟོན་གསུམ་རྩ་བསྡུས་གྲོག་མ་བརྐོས་ཏེ་བུ་ཡུག་ངོགས་ལ་ངལ་བ་སྤྱད།།
ས་ཕག་གནམ་ལོ་གསར་ཚེས་ལ་ཕུལ་བའི་ཀ་བཤད།
ཚེ་དབང་བསོད་ནམས་ནས
ཀ་དགས་ཕྱག་རྒྱ་གངས་ཅན་མགོན་པོར་འདུད།
ཁ་བའི་ཡུལ་གྱི་གནམ་ལོ་གསར་ཚེས་ལ།
ག་ས་གང་དུ་གནས་པའི་བོད་རིགས་ཚོར།
ང་ཚོ་བོད་ཀྱི་ལོ་གསར་འཚམས་འདྲི་ཞུ།
ཅ་ཅོ་ཟང་ཟིང་བོད་ཀྱི་ལོ་གསར་མིན།
ཆ་ལུགས་མཐུན་ན་བོད་ཀྱི་ལོ་གསར་ཡིན།
ཇ་ཆང་ཟས་ཀྱི་མཆོད་པ་ལོ་གསར་ཡིན།
ཉ་ཕག་སྡིག་ཟས་ལོ་གསར་སྤྲོ་སྐྱིད་མིན།
མཁས་དབང་དགེ་འདུན་ཆོས་འཕེལ་གྱི་གསུང་དུམ་ཞིག་ཚིགས་བཅད་དུ་བསྡེབས་པ།
“རྒྱ་གར།’’
ཡུལ་དང་ཡུལ་སྡེ་མཚུངས་པ་མ་ཡིན་ཆོས་ལུགས་སྤྱོད་ལམ་ལ་སོགས་ཐ་དད་སྣ་ཚོགས་ཀྱི། །
འབྱུང་བའི་གནས་སུ་གྱུར་པའི་ཡུལ་གླིང་ཆེན་པོ་རྒྱ་གར་ཞེས་བྱ་འཕགས་པའི་ཡུལ་གྲུ་དེར། །
ཤིན་ཏུ་མཐོ་བའི་རྩེ་མོ་དག་ནི་མཁའ་ལ་སྙེགས་པའི་རྔམ་བརྗིད་ལྡན་པའི་རི་བོ་དང་། །
ཡོད་ཚད་ཀུན་ནས་དམའ་བར་གྱུར་ཅིང་མེ་ལོང་ངོས་ལྟར་མཉམ་པའི་ཐང་ཡང་མཐོང་དུ་མཆིས། །
པདྨའི་མདངས་དང་ལྡན་པ་ཚེ་རབས་ཀུན་ཏུ་སྐྱིད་པའི་ཨརྱཎ་སྟེ་རྗེ་རིགས་དང་། །
སོལ་བའི་ཁ་དོག་འཛིན་གྱུར་བཀྲེས་ཤིང་ཕོངས་པས་མནར་བ་གཉུག་མའི་དུས་ཀྱི་དམངས་རིགས་སོགས། །
སྲོག་ཆགས་གྲོག་སྦུར་ཙམ་ལ་འཚེ་བ་ཡོངས་སུ་སྤངས་པའི་སངས་རྒྱས་པ་དང་གཅེར་བུའི་ཆོས། །
མི་རྟ་གླང་གསུམ་བསད་པའི་ཁྲག་གི་མཆོད་སྦྱིན་ལ་བརྟེན་ཐར་པ་འཚོལ་མཁན་དག་ཀྱང་སྣང་། །
རྔ་མོང་དག་གི་རྒྱབ་དང་འདྲ་བ་འབའ་འབུར་ཆེ་ཞིང་མྱ་ངམ་ཅན་གྱི་རི་ཐང་དང་། །
རྨ་བྱའི་མགྲིན་པ་བཞིན་གྱི་ཁ་དོག་མཐོན་མཐིང་ཅན་གྱི་ཉམས་དགའ
དེ་ལས་མང་བ་། “མཁས་དབང་དགེ་འདུན་ཆོས་འཕེལ་གྱི་གསུང་དུམ་ཞིག་ཚིགས་བཅད་དུ་བསྡེབས་པ།” »
རང་ཡུལ་རང་བདག་དགོས་པའི་ཀ་བཤད།
ཚེ་དབང་བསོད་ནམས་ནས།
ཀ་ཁའི་འོག་ཏུ་འཚོ་བའི་བོད་རིགས་ཚོ།
ཁ་བའི་ཡུལ་དེ་ང་ཚོའི་ཕ་ཡུལ་རེད།
ག་ནས་བསམ་ཀྱང་རང་ཡུལ་རང་བདག་དགོས།
ང་ཚོ་ཆོལ་གསུམ་བོད་མིའི་ཆིག་སྒྲིལ་བརྟན།
ཅ་ཅོ་མ་མང་རང་ཡུལ་རང་བདག་ཆེད།
ཆ་རྐྱེན་བསྐྲུན་ནས་བློ་ཐག་ཆོད་པ་དགོས།
ཇ་ཆང་ལོངས་སྤྱོད་རྗེས་ལ་མགོ་འཁོར་ན།
ཉི་མ་རིང་པོ་མི་ཡུལ་རྫོགས་ལ་ཉེ།
རི་འདབས་ཀྱི་གསང་འཕྲིན།
དགའ་བ་མཇེ་ཕྲུག་ནས།
ཚ་གདུང་ལྕི་མོས་ལུས་ཁམས་མི་ངལ་ཞིང་།།
ཐལ་རྡུལ་བཙོག་པས་མིད་པ་མི་བརྣངས་བའི།།
ཡིད་འོང་མཛེས་པས་ཕྱུག་པའི་ཡུལ་ལྗོངས་ལ།།
མི་ཚེའི་ཕྲེང་བ་རེ་ཞིག་བསྐོར་ན་འདོད།།
དགུན་གཞུང་རི་བོས་ཁ་བ་གོས་སུ་བཀླུབས།།
དབྱར་ཁ་ལྗོན་པས་ཆར་བ་མགྲོན་དུ་བསུས།།
རང་བྱུང་མངོན་ཚུལ་མཚར་བའི་ས་ཆེན་ན།།
ཁོ་བོའི་རྣམ་ཤེས་འདི་ལ་ཚེ་སྲོག་ཐོབ།།
ཉེ་སྔོན་གྱི་མཆུ་ཏོ།
ཁྲོ་གཏུམ། ས་ལ་འགྲོ་བའི་མིའི་རྐང་ལག་གི་རྒྱུ་རྐ་དག ལས་དབང་གི་གློག་འོད་འཁྱུག་པ་རྐང་གཅིག་གི་དབང་འོག གནམ་ལ་མིག་གཏད་པའི་དམིགས་ཡུལ་དེ་དག་གི་རྫོབ་ན ས་ལ་སོ་བཏབ་པའི་གཏམ་རྒྱུད་དེའི་རིགས་ཀྱི་མཆུ་ཏོ རྣ་བ་ཟུང་མཆུ་ཏོ་དང་འབྲེལ་བ མིག་རྡོ་ཟུང་མཆུ་ཏོ་དང་འབྲེལ་བ མཆུ་ཏོ་གཡུགས་པའི་ཁ་ཆུ་དེ་དག་གིས་བཙོང་སྐྱེས་ཤིང སྒོག་ལོག་གི་བྲོ་བ་ཡང་གྲང་ཐུག་དང་མཉམ་དུ མཆུ་ཡི་བྲོ་རྫས་དུ་མས གློག་སྙིང་མཆིན་གསུམ་ལ་གཙེས་མྱོང་ཞིང་ཕན་ཡང་ཡོད་ཨང ཕྱི་ལོ་ ༢༠༡༩ ཟླ་ ༠༡…
མིར་ཛ། གྷ་ལིབ་ཀྱི་སྙན་རྩོམ་འགའ།
པདྨ་ཚེ་དབང་ཤཱསྟྲིས་བསྒྱུར།
༡། རེ་རེའི་དོན་དུ་སྲོག་ཀྱང་གཏོང་འོས་པའི།།
ང་ལ་མངོན་འདོད་སྟོང་ཕྲག་དུ་མ་ཡོད།།
དེ་ཚོའི་ནང་ནས་མང་པོ་གྲུབ་མོད་ཀྱང་།།
ད་དུང་འགྲུབ་རྒྱུར་ལུས་པ་དུ་མ་མཆིས།།
ཨ་མ་རིན་པོ་ཆེའི་ཞབས་བརྟན་ཚེ་དབང་སྒྱུ་འཕྲུལ་རོལ་མོ་སྒྲ་སྙན་ཞེས་བྱ་བ།
ཨེ་མ་ཧོ།
ན་མོ་མ་ཧཱ་གུ་རུ་ཨ་མ་མ་ལོ་ཡེ།།
༡༽
ཨ་མ་མ་སྐྱེས་དབྱིངས་ཆེན་ནམ་མཁའ་ལས།།
ཨ་མ་མ་འགགས་འོད་གསལ་ཉི་ཟླའི་གར།།
ཨ་མ་མ་ལོས་བྱམས་བརྩེའི་ཕྲིན་ལས་འོད།།
ཨ་མ་མ་གྱུར་འགྲོ་བའི་མགོན་པོ་མཛོད།།
༢༽
ཨ་མ་མ་དྲན་ཉི་མ་གཅིག་ཀྱང་མེད།།
ཨ་མས་མ་བརྩེ༌ལོ་ཟླ་ཞག་དུས་དབེན།།
དེ་ལས་མང་བ་། “ཨ་མ་རིན་པོ་ཆེའི་ཞབས་བརྟན་ཚེ་དབང་སྒྱུ་འཕྲུལ་རོལ་མོ་སྒྲ་སྙན་ཞེས་བྱ་བ།” »
རེབ་གོང་། མ་ཕམ་གཡུ་མཚོ། ཀྱེ་མ་གང་དུ། མི་ལ་རས་པའི་ལན།
(མཁས་དབང་དགེ་འདུན་ཆོས་འཕེལ་གྱིས་ཨིན་སྐད་དུ་བརྩམས་པའི་སྙན་ངག་ཁག་བཞི།)
Rebkong རེབ་གོང་།
My feet are wandering neath the alien star,
My native land, – the road is far and long.
Yet the same light of Venus and Mars
Falls on the small green valley of Rebkong.
རྒྱུས་མེད་གནམ་གྱི་ སྐར་མའི་འོག་ཏུ་ ཁོ་བོས་གོམ་པ་ སྤོ་བཞིན་ཡོད།།
བདག་གི་ཕ་ཡུལ་ རྒྱང་ན་གནས་ཤིང་ དེ་ཡི་བཤུལ་ལམ་ ཧ་ཅང་རིང་།།
འོན་ཀྱང་སྐར་མ་ པ་སངས་དང་ནི་ མིག་དམར་ཟུང་གི་ འོད་དེ་ཉིད།།
ལྗང་མདོག་ལྡན་པ་ རེབ་གོང་ཞེས་བྱ་ ལུང་ཆུང་དེ་རུ་ འཕྲོ་བར་བྱེད།།
དེ་ལས་མང་བ་། “རེབ་གོང་། མ་ཕམ་གཡུ་མཚོ། ཀྱེ་མ་གང་དུ། མི་ལ་རས་པའི་ལན།” »
༄༅།། དཔལ་ལྡན་སྲིད་སྐྱོང་མཆོག་གི་གཟི་བརྗིད་ཁོག་སྟོང་རྣམ་བཤད་གཟུར་གནས་དགྱེས་པའི་ཚོམ་བུ།
གྲགས་པ།
ཁ་ཕོ་གནམ་ལས་ཆེ་བའི་བློ་སེང་གིས།།
ཆིག་སྒྲིལ་གསར་གཏོད་རང་ཁ་རང་གསོ་ཡི།།
ཁ་གཡང་སྙན་མོའི་གཡོ་ཇུས་དར་ཐག་ཉིད།།
གཞིས་བྱེས་བོད་མིའི་བར་ལ་ཤུགས་ཀྱིས་འཐེན།།
རྩ་དོན་གསུམ་གྱི་གྲུབ་འབྲས་སྙེ་མ་ཞིག།
མི་ལོ་བདུན་ལ་ཉིན་མོའི་སྐར་མ་བཞིན།།
ནམ་ཡང་མཐོང་བར་དཀའ་བའི་རང་མདོག་དེ།།
ན་ནིང་ད་ལོ་ཇེ་གསལ་ཇེ་གསལ་རེད།།
༄༄།།གྲུབ་དབང་སངས་རྒྱས་མཉན་པ་རིན་པོ་ཆེའི་ཞབས་དྲུང་ནས་སྔ་འགྱུར་ཡབ་ཆོས་སྙིང་ཐིག་ཡ་བཞིའི་དབང་ལུང་ཟབ་མོ་ཞུས་པའི་གཏམ་སྙན་རིག་འཛིན་ངག་གི་མཆོད་ཕྲེང་།
༄༄།། ན་མོ་གུ་རུ་པདྨ་ཀ་ར་ཡེ།
གདོད་ནས་རྣམ་དག་ཆོས་སྐུའི་སྟོན་མཆོག་ཀུན་ཏུ་བཟང་ཞེས་སྲིད་ཞིའི་མཐའ་ལས་འདས་པའི་བདག་ཉིད་ཆེ།།
ས་བཅུའི་འཁོར་ལ་ཟབ་རྒྱས་ཆོས་སྟོན་ལོངས་སྐུ་འོད་མི་འགྱུར་ཞེས་མཚན་གྱི་རོལ་མོ་དགེ་ལེགས་ཅན།།
རབ་འབྱམས་སྤྲུལ་པའི་རོལ་བ་འབྱམས་ཀླས་ཨོ་རྒྱན་གསང་བ་གསུམ་གྱི་སྒྱུ་འཕྲུལ་ཞབས་སེན་པདྨོའི་རྡུལ།།
བདག་གི་དད་གསུམ་དབྱར་གྱི་དཔལ་མོ་མཛེས་པའི་རྒྱན་ཕྲེང་སྲིད་པའི་མཐར་ཡང་རྫོགས་ལྡན་རྒྱན་གྱུར་ཅིག།
སེམས་པ་ཁ་བས་མནན་ཚུལ།
ཁྲོ་གཏུམ།
ཁ་བ་དང་བྲལ་བ་ནི་རང་ཡུལ་དང་བྲལ་བ་ཡིན
ཆུང་དུས་ཀྱི་དགུན་ཁ་ནི་ཁ་བ་རེད
ཁ་བའི་འདབ་མ་བརྩེགས་པའི་གངས་རི་དཀར་སང་ངེ
ཁ་བ་བྱ་ཁྱུ་བཞིན་འབབ་པའི་བར་ན
ངའི་ནང་མི་དང་ང་ཡོད་ལ
ངའི་རྟ་ནོར་ལུག་གསུམ་ལས་བོང་བུ་མེད
སྐྱེས་དུས་ནས་མཐོང་མྱོང་བ་ནི་རི་བོ་དག་ལས་དེའུ་འབུར་ཉུང
རི་བོ་མཐོ་ས་ནས་བསང་ཕུལ་ཞོར་རླུང་རྟ་བསྐྱོད
བསང་བརྩི་ཞོར་ཀི་བཏབ
བློ་བདེ་ཟླ་བ་གཞོན་ནུ། (ཞར་བཀོད་གཉིས།)
ཨེ་མ་ཧོ།
ན་མོ་གུ་རུ་བུདྡྷ་ཛྙཱ་ན་ཡེ།།
ཀ་དག་གདོད་མའི་བཙན་ས་ཟིན།།
ཁ་དོག་རྩོད་གྲྭའི་ཐལ་སྐད་དབེན།།
ག་ས་གང་དུ་མཆིས་ན་ཡང་།།
ང་ཁྱོད་ཞེན་ལྟའི་ཆགས་ཞེན་བྲལ།།
ཅ་ཅོ་མོད་པའི་གྲོང་ཁྱེར་དུ།།
ཆ་ལུགས་ངེས་མེད་རྒྱུ་བའི་ཚེ།།
ཇ་ཆང་སྲེད་ཆགས་མ་ཆེ་ཡང་།།
ཉ་ཉོག་འཚམས་པའི་དགའ་སྐྱིད་རོལ།།
བུ་མོ་མེ་ཏོག་གཡུ་སྒྲོན།
ལྷ་རྩེའི་ཁུ་བྱུག
འཇའ་འོད་གློག་མ་སྤྲིན་གྱི་བུ་མོ་ཞིག །
དཀར་འོད་ཉག་མ་འཐིབ་པའི་བུ་མོ་ཞིག །
ཟླ་བའི་འོད་ལས་བརྒལ་བའི་མངོན་འགྲོ་མ། །
ས་སྟེང་མེ་ཏོག་སྟོང་གིས་མཚོན་ནུས་མིན། །
བཞིན་གྱི་པདྨ་བཀད་ཡག་མ། །
མིག་གི་ཨུཏྤལ་འཛུམ་ཡག་མ། །
གཡང་ཕྱུག་མཚོའི་གསང་དོར།
གཟི་མིག
ངག་གིས་བཀུག་པའི་གླུ་སྐད་སྙན་མོ།།
རྒྱུད་མང་སྒྲིམ་པའི་སེན་རྩེར་འཁྱིལ་ནས།།
ངོ་རུ་བཞད་པའི་འཛུམ་ཟེར་འདབ་མས།།
བདག་གི་སེམས་ཆུང་དམ་དུ་བཏགས་ཐལ།།
འཛུམ་པའི་ཞལ་རས་འོད་ཀྱིས་བརྒྱན་ཏེ།།
ཁྲ་ཆུང་མིག་ཟུང་ཞོགས་པའི་སྐར་མདས།།
བགྲེས་པོའི་མིག་ཆུ། (ཞར་བཀོད་གཅིག)
གླིང་གཟི་མིག
ཚེ་སྲོག་འདིའི་གྲུབ་ཆ་མཛེས་ཤོས
ལྟོ་དང་འདོད་སྲེད་ཀྱིས་བསྐྱལ
ད་ནི་ལང་ཚོ་ཡལ་བའི་ང
དུང་སོ་སུམ་ཅུར་རྒས་བའི་གས་ཁ་ཤོར་ཚེ
ཤུལ་དུ་ལྷག་པ་ནི
དུས་ཀྱིས་བཅིང་བས་ཤ་ལྤགས་བགྲེས་པོ་དེ་རེད
དུས་དེར
ལག་པ་འདར་འདར