ལྡོང་ཆུ་ཤེལ། (ལྡོང་ངེ་བསྟན་འཛིན་གྲགས་པ།)
ཐེངས་འདིའི་སྟོན་རླུང་གིས་བཀྱགས་པའི་ཁྲུང་ཁྲུང་གི་གཤོག་རླབས་དཀར་པོ་ལ།
ཁྱོད་ཀྱི་མིག་མཐའ་ནས་ཞུ་མ་ཐུབ་པའི་མུ་ཏིག་རྡོག་པོ་རེ་རེས།
འོད་མདངས་ཟབ་མོའི་འགྲེལ་བབཤད་རེ་རེ་ཁུར་ཏེ།
གངས་རིའི་ཉིན་སྲིབ་ཏུ་ཤུགས་ཀྱིས་འཕྱོ།
མཚོ་མོ་གཞན་ཞིག་གི་གནས་ཚང་ལ་ཤུགས་རིང་འབྱིན་པའི་ངང་བ་ལགས།
ཁྱོད་ཀྱིས་ཅུང་ཙམ་སྒུག་རོགས།
སྙན་ངག་པས། ཁྱོད་དང་རྒྱང་རིང་དུ་ལྷུང་བའི་སྐར་མདའི་རྗེས་ལ།
ཆེས་རྣོ་བའི་མིག་ཟུང་གི་གོམ་འགྲོས་འཁྱོར་བཞིན།
ཆུ་རྒྱུན་དུ་བསྲིངས་པའི་མཛའ་གཞས་དྭངས་མོ་ཞིག་གི་སྣེ་མོར།
འཕག་འཚག་རྒྱག་པའང་ཁྱོད་ཚོའི་ཆེད།
