སྙན་ཚོམ།
འཛུམ་ཆུང་བཀྲ་ཤིས།
རྨི་ལམ།
ཀྱག་ཀྱོག་གི་ལམ་སྐེད་དུ་བགྲེང་ནས།
མག་མོག་གི་འདས་སོང་ལ་བལྟས་ཤིང།
རབ་རིབ་ཀྱི་མདུན་ལྗོངས་གླེང་དུས།
ཁ་ཕྱོགས་བྲལ་བའི་རྨི་ལམ།
མཚོ་ངོགས་ཀྱི་གཡོལ་གྲུ་བཞིན།
རྦ་རླབས་ཀྱིས་གང་སར་འཁྱེར་འགྲོ
བློ་གྲོས་རྒྱལ་པོའི་རྣམ་དཔྱོད་ལ་ལྟ་བ་སྲིན་བུ་མེ་ཡི་རང་འོད།
དོལ་སྨྱོན།
ལྷོ་སྤྲིན་བུ་མོའི་འགྲོས་དང་བསྟུན་ཏེ་ཟིམ་ཟིམ་སྦྲང་ཆར་འཇོ་བའི་ཀློང་། །
སྣ་ལྔའི་མཚོན་མདངས་མངོན་པར་བཀྲ་བ་དབང་པོའི་གཞུ་ཡི་གཟི་འོད་ནང་། །
སྡེར་ཆགས་རྒྱལ་པོ་འགྱིང་བའི་ཁྲི་ལ་བཞེངས་སྟབས་ཚུལ་དུ་དགྱེས་བཞུགས་པའི། །
དུས་གསུམ་རྒྱལ་བའི་མཁྱེན་རབ་གཅིག་འདུས་ཟུར་ཕུད་ལྔ་པས་བདག་བློ་སྐྱོངས། །
ཁྱོད་ཐུགས་ལྷ་ལམ་ཡངས་པའི་དབྱིངས་ན་རྣམ་དཔྱོད་ཆུ་འཛིན་ལང་ལིང་འཁྲིགས། །
ལེགས་བཤད་གཏམ་གྱི་གད་རྒྱངས་རབ་སྒྲོག་མན་ངག་སྦྲང་ཆར་ཡོངས་གཏོར་བས། །
སྐལ་ལྡན་བློ་ཡི་པད་ཚལ་འབྱེད་ལ་འགྲན་གྱི་ཟླ་མེད་ཟུར་མཁར་བ། །
བློ་གྲོས་རྒྱལ་པོའི་རྣམ་དཔྱོད་རྩལ་ལ་བདག་བློ་དང་བའི་སྤུ་ལོང་གཡོ། །
དེ་ལས་མང་བ་། “བློ་གྲོས་རྒྱལ་པོའི་རྣམ་དཔྱོད་ལ་ལྟ་བ་སྲིན་བུ་མེ་ཡི་རང་འོད།” »
སུམ་རྟགས་ཐོན་མིས་བརྩམས་པ་ཨེ་བདེན་ནམ།
ལྷོ་ཕྱོགས་ཉི་ཟླ།
གངས་ཅན་བོད་ཀྱི་སྨྲ་མཁས་སམ་བྷོ་ཊ།།
རྣམ་དཔྱོད་རིག་པའི་དཔའ་བོ་ཨ་ནུའི་སྲས།།
ཁྱེད་ཀྱི་སྙན་པའི་གྲགས་པ་ས་གསུམ་ཁྱབ།།
སྒོ་གསུམ་གུས་བས་ཐོན་མིར་ཡང་ཡང་འདུད།།
རྒྱ་གར་ཡུལ་དུ་རིག་པའི་ཁུ་བྱུག་གྲགས།།
དབྱངས་གསལ་སོ་བཞི་གསར་གཏོད་མཛད་པ་པོ།།
བོད་ཀྱི་ལོ་ཙཱ་ཐོག་མར་ཁོ་ནར་བྱོན།།
སུམ་རྟགས་ཐོན་མིས་བརྩམས་པ་བློ་མ་བདེ།།
བདག་ཅག་གི་སྟོན་པ་ཐུགས་རྗེ་ཅན་ལ་བསྟོད་པ།
( བདག་ཅག་གི་སྟོན་པ་ཐུགས་རྗེ་ཅན་སངས་རྒྱས་བཅོམ་ལྡན་འདས་ལ་བསྟོད་པ་སྒྲ་རྒྱན་རླབས་ཀྱི་རྩེད་དགའ་དགོད་པའི་མཆོད་སྤྲིན་བྱ་བ་བཞུགས་སོ།།)
ཐེ་བོ་དཀོན་མཆོག་ཤེས་རབ་ཀྱིས།
ན་མོ་གུ་རུ་ཤཱཀྱ་མུ་ནེ་ཡེ།
ཀུན་མཁྱེན་ཀུན་ཀྱིས་བསྔགས་པའི་ཡང་དག་ལམ། །
ལམ་བཟང་བཟང་བོའི་གསུང་གིས་གསལ་མཛད་གང་། །
གང་དག་དག་དང་མ་དག་གདུལ་བྱའི་འཁོར། །
ཆོས་ཀྱི་འཁོར་ལོ་བསྐོར་ལ་ཕྱག་འཚལ་ལོ། །
གང་གིས་གང་དུ་མངོན་པར་སངས་རྒྱས་ནས། །
ཝ་ར་ཎ་སཱི་ནགས་ཀྱི་དགའ་ཚལ་ན། །
ལྔ་སྡེ་ལམ་ལྔའི་ལམ་གྱི་མཐར་དབྱུང་ཕྱིར། །
བདེན་བཞིའི་ཆོས་འཁོར་བསྐོར་ལ་ཕྱག་འཚལ་ལོ། །
རྒྱང་རིང་རྒྱང་གི་ངའི་སྙིང་ཉེ་མ།
༼ཐག་རིང་ན་ཡོད་པའི་སྙིང་གི་མཛའ་མོར་སེམས་འཕྲིན་དུ་ཕུལ་བ།༽
བརྩོན་འགྲུས་དཔལ་བཟང་གིས། ལྡི་ལི།
༡༽
ཤིང་ལོ་ལས་ཟགས་པའི་ཆུ་ཐིགས་བཞིན ཆེས་དག་གཙང་གིས་སྨིན་པའི་ཁྱོད་ཀྱི་ལང་ཚོའི་ཐིགས་པ་ཆུང་ཆུང
ངའི་ལག་ཟུང་གི་མཐིལ་ན་གཉིད་པའི་རྨི་ལམ་ལྗང་ཁུ་ཞིག་དང་ཀུན་ཏུ་འདྲེས་ཤིང་ཀུན་ནས་མཚུངས
ངས སེམས་ཆུང་ངང་ཁྱོད་ཀྱི་ཕུགས་འདུན་གྱི་རྨི་ལམ་དཀྲོག་པར་སྐྲག་ནས ཁྱོད་རང་གཏན་ནས་བསྒུལ་བསྒུལ་མ་བྱས་ཤིང ང་རང་ཡང་གཏན་ནས་མ་འགུལ
སྐབས་དེ་དུས་ཁྱོད་དང་ང་འཇིག་རྟེན་འཚོ་བའི་གཡོར་གྲུའི་ནང་ཡམ་ཡོམ་འགུལ་ཞིང
སྐབས་དེ་དུས་ང་དང་ཁྱོད་ཕན་ཚུན་གྱི་སེམས་ནང་ལ་ཆེས་གསང་བའི་བརྩེ་དུང་གི་མིག་ཆུ་ཞིག་ཏུ་གྱུར
སྙན་ངག་གི་ལམ་དུ་དྲངས་པའི་རྟོགས་བརྗོད་སྤྲིན་གྱི་མེ་ཏོག
རྗེ་ཉིད་དགུང་ལོ་སུམ་ཅུའི་ནང་ཕེབས་དུས་ཀྱི་སྐུ་པར།
དེ་ལས་མང་བ་། “སྙན་ངག་གི་ལམ་དུ་དྲངས་པའི་རྟོགས་བརྗོད་སྤྲིན་གྱི་མེ་ཏོག” »
ཁྱེད་ཉིད་དྲན་དུས།
འཛུམ་ཆུང་བཀྲ་ཤིས།
ཁྱེད་ཉིད་དྲན་དུས།
མིང་ཟུང་མཆི་མས་བརླན་ཞིང།
སེམས་པ་སྐྱོ་བས་བཟི།
མྱ་ངན་གྱི་འཚོ་བའི་ཀློང་ནས་འདི་ལྟར་ཁྱེད་རང་དྲན་དུས།
ལྐོག་གྱུར་གྱི་མཇལ་འཛོམས་ཤིག་ལ་སྨོན་པ་ཧ་ཅང་དྲག
ཁྱེད་ཉིད་དྲན་དུས།ལྷིང་འཇགས་ཀྱི་གཙང་བོ་གྱེན་ལ་བཞུར་ཞིང།
ཁུ་སིམ་གྱི་རི་བོ་ཐུར་ལ་འཕྱིང།
སྨན་ཁང་ཞིག་ལ།
བསམ་གླིང་ཚེ་རིང་ལྷ་མོ།
ལག་ཟུང་གིས་གྲོད་པ་སྐྱོར་ཞིང་།།
གུག་གུག་དང་འཁྱར་འཁྱོར་གོམ་འགྲོད།།
ངོ་གདོང་ལས་ཐལ་སྐྱ་འཚུབ་པའི།།
སྨན་ཁང་གི་ཁོར་ཡུག་ཡ་ང་།།
རང་བཞིན་སྡུག་བསྔལ་གྱིས་བཟིར་བའི།།
ནད་པའི་བཞིན་མདངས་དེ་མཐོང་དུས།།
བྱམས་ལྡན་འཛུམ་དཀར་གྱིས་བསུ་བའི།།
སྨན་པ་སྨན་ཞབས་དག་མཁོ་ཨང་།།
རྨ་ཁ།
རིག་འཛིན།
ང་དགུའི་ལོ་ཟླའི་རླུང་འཚུབ་དྲག་པོས།།
གངས་རིའི་ཡུལ་གྱི་སྣོད་བཅུད་ཡོད་རྒུ།།
མྱ་ངམ་ཐང་གི་གཡུལ་སར་བསྒྱུར་བ།།
གདོང་དམར་བོད་མིའི་སྙིང་གི་རྨ་ཁ།།
གུན་ཁྲན་དམག་གི་གླང་སྤྱོད་རྩུབ་མོས།།
གདོང་དམར་བོད་མིའི་ཡབ་མེས་འབུམ་ཕྲག།
དམར་གསོད་དྲག་པོའི་འཁོར་ལོ་སྐོར་བ།།
གདོང་དམར་བོད་མིའི་སྙིང་གི་རྨ་ཁ།།
ཚ་བ་མདའ་སྨྱུག་གླེང་བའི་ལེའུ།
ཕོ་རོག་དཀར་པོས་བྲིས།
༡༽རྣམ་དཔྱོད་གློག་གི་གར་དུ་རབ་འཁྱུགས་པ།།
ལོག་རྟོགས་སྙིང་སྟོབས་མངའ་བའི་རིགས་ཀྱི་བུ།།
གཞིས་བྱེས་གཉིས་ན་གྲགས་པའི་གྲགས་པ་ཅན།།
ཚ་བ་མདའ་སྨྱུག་དོན་གྱི་སྨྱུ་གུ་ཞིག།
༢༽དཔྱོད་ཤེས་རྒྱང་འབོད་འཇགས་པའི་མཐའ་མཇུག་ཏུ།།
ལོག་རྟོགས་སྙིང་སྟོབས་སྙིང་ཁམས་འཕར་ནས་སླེབས།།
ཧི་མ་ལ་ཡི་ཕ་རོལ་ཚུར་རོལ་ན།།
ལྷིང་འཇགས་མེད་པར་ཅ་ཅོ་སྣ་ཚོགས་སྒྲོག།
དཔལ་ལྡན་རྒྱུད་བཞི་ལ་ཆེ་བ་བཅུ་གཅིག་གི་སྒོ་ནས་བསྟོད་པ་ ཀ་ལ་པིང་ཀའི་མགྲིན་དབྱངས།
དོལ་སྨྱོན།
ཐུ༵གས་བསྐྱེད་སྨོན་ལམ་དག་པའི་མཁའ་ལ་སྤངས་རྟོགས་ཡོན་ཏན་ཆ་ཤས་རྫོགས། །
ཐུ༵གས་བརྩེའི་ཕྲིན་ལས་འོད་ཟེར་ཆེན་པོས་འགྲོ་བའི་དུཿཁའི་སྨག་རུམ་བཅོམས། །
ཐུ༵གས་བཞེད་དགེ་མཚན་རྨད་དུ་བྱུང་བའི་འདྲེན་པ་ཆེ་མཆོག་གཙོ་བོ་སྟེ། །
ཐུ༵གས་རྗེ་ཐབས་ཀྱིས་གསོ་རིག་རྒྱས་མཛད་སྨན་གྱི་བླ་མར་གུས་པས་འདུད། །
དེ་ལས་མང་བ་། “དཔལ་ལྡན་རྒྱུད་བཞི་ལ་ཆེ་བ་བཅུ་གཅིག་གི་སྒོ་ནས་བསྟོད་པ་ ཀ་ལ་པིང་ཀའི་མགྲིན་དབྱངས།” »
༄༅།།སྤྱི་ཚོགས་གསར་རྙིང་གི་ཁྱད་པར་ཅུང་ཟད་བརྗོད་པ་ཉི་ཤུ་བ་ཞེས་བྱ་བ།
ཐེ་བོ་དཀོན་མཆོག་ཤེས་རབ།
རང་ཅག་བོད་ཀྱི་སྤྱི་ཚོགས་རྙིང་བ་ལ། །སྐྱོན་དང་ཞན་ཆ་མེད་པ་མིན་མོད་ཀྱི། །
ད་ལྟའི་རྒྱ་དམར་གཞུང་གི་སྲིད་ཇུས་ལ། །བལྟས་ན་དགེ་མཚན་ཤིན་ཏུ་མང་བོ་མཐོང་། །
སྤྱི་ཚོགས་རྙིང་བར་རང་ཉིད་ལ། །གཅིག་ཏུ་དབང་བའི་ས་ཁང་ཡོད། །
སྤྱི་ཚོགས་གསར་བར་རང་ཉིད་ལ། །གཅིག་ཏུ་དབང་བའི་ས་ཁང་མེད། །
དེ་ལས་མང་བ་། “༄༅།།སྤྱི་ཚོགས་གསར་རྙིང་གི་ཁྱད་པར་ཅུང་ཟད་བརྗོད་པ་ཉི་ཤུ་བ་ཞེས་བྱ་བ།” »
སྟེས་དབང་གིས་ཕྲད་པའི་ཀོ་རི་ཡའི་བུ་མོ (Hyangja)ལགས།
སྦྲ་རིགས་ཐོགས་མེད། (ལྡི་ལི་མཐོ་སློབ།)
ལོ་རྒྱུས་ཀྱི་གཉའ་བར་དུ་འགྱིང་བའི་གནའ་བོའི་རི་གྲོང་ཆུང་ཆུང་དེར།
སྟེས་དབང་གིས་ཕྲད་ཅིང་སྟེས་དབང་གིས་འདྲེས་པའི་ཀོ་རི་ཡའི་བུ་མོ་ལགས།
མཛེས་སྡུག་གང་ཞིག་གིས་སྦགས་པའི་འཚིག་ཇ་ཕོར་གང་གི་སྔ་གཞུག་ཏུ།
རྡུལ་མཚོན་ལས་རྣོ་བའི་ཁྱོད་ཀྱི་ཟུར་མིག་དང་འཛུམ་མདངས།
བདག་གི་འཇིག་རྟེན་དུ་ཁད་ཀྱིས་འཛུལ་ནས་སླེབས་བྱུང་ལ།
མུ་ཏིག་བཞིན་འཚེར་བའི་ཁྱོད་ཀྱི་དྭངས་གཙང་དང་རེ་སྨོན།
བདག་གི་གཙང་ངོགས་སུ་གཡོར་གྲུ་བཞིན་ལྷོད་ཀྱིས་སྐྱོམ་བཞིན་ཕེབས་བྱུང་།
བརྩེ་དུངས་དང་མི་གཤིས་ཀྱིས་ལྡེམ་པོར་སྐྱོར་བའི་ཀོ་རི་ཡའི་བུ་མོ་ཁྱེད།
དོན་ངོ་མར། དུས་ཚིགས་གང་ཞིག་ལ་བརྐུངས་པའི་རྒྱང་རིང་གི་ཁུ་བྱུག་ཡིན།
ད་དུང་ཡིད་ཆེས་དང་རེ་བཞག་གིས་ཁེངས་པའི་ཉམ་ཆུང་གཞོན་ནུ་མ་ཁྱེད།
འཇིག་རྟེན་གང་ཞིག་ནས་ཕེབས་པའི་བརྩེ་དུང་གི་ཕོ་ཉ་ཡིན།
དེ་ལས་མང་བ་། “སྟེས་དབང་གིས་ཕྲད་པའི་ཀོ་རི་ཡའི་བུ་མོ (Hyangja)ལགས།” »
དར་དམར་འོག་གི་མཐོང་ཐོས་མྱོང་གསུམ་གཏམ་དུ་གླེང་བ་གངས་ལྗོངས་ལ་ལྟ་བའི་མེ་ལོང་།
ཐེ་བོ་དཀོན་མཆོག་ཤེས་རབ་ཀྱིས།
དེ་ཡང་རྒྱ་ཆེའི་ཀློག་པ་བོ་རྣམས་ཀྱི་སྙན་ལམ་དུ་ཞུ་རྒྱུར། ད་ལྟའི་ཆར་རྒྱ་ནག་དམར་པོའི་སྲིད་གཞུང་གིས་བོད་ཞི་བའི་བཅིངས་གྲོལ་བཏང་ནས་ལོ་ ངོ་དྲུག་ཅུ་འཁོར་བའི་རྟེན་འབྲེལ་གྱི་མཛད་སྒོ་གཞི་རྒྱ་ཆེ་བ་ཞིག་བྱེད་ཀྱིན་ཡོད་ཀྱང་། དོན་གྱིས་བོད་འདི་བཙན་བཟུང་བྱས་ནས་སྡུག་གྱོང་མནར་གཅོད་ཚད་འདས་པ་ཞིག་གི་འོག དམྱལ་བ་མི་ཡུལ་དུ་མྱོང་བ་ལྟ་བའི་དཀའ་སྡུག་ལོ་ཟླའི་ཁྲོད། མཐོང་ཐོས་མྱོང་གསུམ་ཡོད་པའི་དོ་བདག་རང་ཉིད་ཀྱིས་དངོས་བྱུང་གི་ལོ་རྒྱུས་ཤིག་ ཚིག་བཅད་ཀྱི་ལམ་གོ་བདེར་བཀོད་པ་འདིས་རྒྱ་དམར་གྱི་རྫུན་གཏམ་གྱི་ལྟོ་བ་རལ་བའི་དགའ་བྱེད་རཱ་མཎའི་མདའ་ཡི་ཉག་ཕྲག་ཤིག་གོར་ཁ་རྒྱལ་པོའི་ཕོ་བྲང་གི་ཉེ་ཁྲིས་ནས་ངག་གི་འགྱུར་ཁུག་ལ་དྲངས་པའོ།།
ན་མོ་གུ་རུ་ལོ་ཀེ་ཤྭ་ར་ཡ།
ཐུགས་རྗེ་སྤྱན་དཀྱུས་པདྨའི་འཛུམ་ཞལ་ནི། །
ཁ་བའི་ལྗོངས་སུ་རྟག་ཏུ་འཕེན་མཛད་པ། །
གངས་ལྗོངས་འགྲོ་བའི་མགོན་པོ་པད་དཀར་འཆང་། །
ནམ་ཡང་སྐྱེ་དགུའི་གཙུག་ན་མཛེས་གྱུར་ཅིག །
དེ་ལས་མང་བ་། “དར་དམར་འོག་གི་མཐོང་ཐོས་མྱོང་གསུམ་གཏམ་དུ་གླེང་བ་གངས་ལྗོངས་ལ་ལྟ་བའི་མེ་ལོང་།” »
སེམས་ཤོར་སའི་ཐུགས་རྗེ་ཆེན་པོ།
རས་པ།
འུར་འུར་ཟང་ཟིང་གི་མཚན་ནག་ཅིག་ཏུ
སུ་ཞིག་གིས མེ་མདའ་འཁུར་ཏེ་འགྲུལ་བཞུད་ལ་ཞུགས་དགོས་བྱུང་བའི
ནང་བའི་དགེ་སློང་ཞིག་གི་སྐྱོ་ལྷང་ལྷང་གི་ཐུགས་གཤིས་དེ་འཆད་ཤེས་སམ
བདག་གིས་ལེ་བདའ་ཅི་ཡང་མེད་པར་བུ་ཆུང་ལ་གཏམ་རྒྱུད་འདི་བཤད་པར་ཉིན་རེ་བཞིན་སྒུག་ཡོད
ལས་ངན་གྱི་གུས་པས་ཡ་མཚན་པའི་གཏམ་རྒྱུད་འདི
སྐྱེས་ནས་རྒྱུན་རིང་ཞིག་ཏུ་ཚོར་མེད་ཅིང
རླབས་ཆེ་བའི་གདམས་ག་འདིར་ཡུན་རིང་བོར་ངེས་ཤེས་སྐྱེས་ཐུབ་མེད
མཆོད་སྤྲིན།
སྙན་བཟང་གཡུང་དྲུང་ཚེ་རིང་།
སྡུག་བསྔལ་རྒྱ་མཚོར་བྱིང་བའི་ལུས་ཅན་འགྲོ།།བདེ་ཆེན་ལམ་དུ་འགོད་པའི་འདྲེན་པ་རྗེ།།ཤར་གདོང་བློ་བཟང་བཤད་སྒྲུབ་རྒྱ་མཚོ་ལ།།མི་ཕྱེད་དད་པའི་ལན་མང་གསོལ་བ་འདེབས།།མདོ་ཁམས་གཡར་མོ་ཐང་གི་འགྲོ་རྣམས་ཀྱིས།།བསོད་ནམས་ཡོལ་གོར་བསྐྱིལ་བའི་ལྷ་ཡི་མཚོ།།རྟེན་འབྱུང་རླུང་ཤུགས་དཀར་པོའི་ཉེར་བསྲུབས་པས།།གང་སྐུ་ཟླ་གཞོན་ལྗོངས་འདིའི་རྒྱན་དུ་བཞད།།ཟླ་བཞིན་དཀྱིལ་འཁོར་རྫོགས་པའི་བཞིན་རས་ལ།།སྔོན་སྨོན་སྟོང་གི་ཆབ་ཀྱིས་ཁྲུས་བྱས་པའི།།སྙིང་རྗེའི་འཛུམ་དཀར་གཡོ་བའི་རྣམ་འཕྲུལ་གྱིས།།ས་གསུམ་སྐྱེ་དགུའི་སྙིང་ལ་བདེ་དགའ་བསྐྲུན།།ཁ་གྱ་འཇམ་དབྱངས་དཔལ་གྱི་བཞུགས་ཁྲི་ལ།།བྱས་བསགས་གནམ་གྱི་རྒྱལ་མོའི་རྒྱས་བཏབ་པས།།གང་སྐུ་མཛེས་པའི་རྒྱན་དུ་མངོན་བཞུགས་ཏེ།།རྒྱལ་བསྟན་གདུགས་ཆེན་དཀར་པོ་མཁའ་ལ་བསྒྲེངས།།འདྲེན་མཆོག་བློ་བཟང་བསྟན་པའི་ཞབས་སྐྱེས་རྡུལ།།
ཕྱི་དྲོའི་མཛེས་ལྗོངས་མྱུལ་བ།
བསམ་གླིང་ཚེ་རིང་ལྷ་མོ།
ཨ་སྔོན་ནམ་མཁའ་ཆུ་འཛིན་དགའ་མ་ལ།།
ཡོངས་སུ་ཆགས་པ་སྐབས་ཤིག་དོར་བར་མཛོད།།
དབེན་པའི་ཡིད་ལ་ཅུང་ཟད་ངལ་གསོའི་བཅུད།།
མཛེས་ལྗོངས་ལོངས་སྤྱོད་སྐལ་བཟང་གནང་བ་སྩོལད།།
སྤྲིན་དཀར་ཚོམས་བུས་མཐའ་བཞིའི་རི་བོ་མྱུལ།།
སྔོ་སངས་ནམ་མཁར་སྤྲིན་དཀར་ཐར་ཐོར་འགྱིང་།།
ཡུན་རིང་ཆར་ཆུས་བཀྲུས་པའི་ལྗོན་པའི་ཚོགས།།
དགའ་བདེས་བསུས་པའི་གཡུ་རལ་ཅི་ཡང་གསིག།
ཚང་མས་ཤེས་རན་རེད།
འབའ་སྲས།
རི་བསང་ཕུལ་བའི་དུ་སྤྲིན་རླུང་གིས་འཁུར།།
ཉག་ཁར་འཐེན་པའི་དར་ལྕེ་བསིར་བུས་བཅད།།
གཉེན་པོའི་མིང་གི་བཟློས་པའི་མིད་པ་འགག །
སྐྱབས་གནས་ལྷ་ཞིག་མེད་པ་ཤེས་རན་རེད།།
ཨ་མས་བཏབ་པའི་ཞིང་གི་མྱུ་གུ་སྐམ།།
ཕ་ལོས་བཙུགས་པའི་སྡོང་བུའི་ལོ་མ་རྙིད།།
སྤུན་ཟླས་བརྐོས་པའི་ཁྲོམ་པའི་ནང་ཆུ་ཟད།།
ཆར་ཞིག་འབབ་རྒྱུ་མེད་པ་ཤེས་རན་རེད།།
མཚོ་མོའི་དར་ཁ་འགྲིམ་དུས།
འགར་ཚེ་རྒྱལ།
བསམ་ཕྱོགས་དེའི་ཤེད་ཀྱིས་ང་རང་གནས་ཤིག་ལ་བཙན་གྱིས་བརྫངས།
རི་བོའི་ཕར་རྒྱབ་ཀྱི་ཟླ་འོད་དེ་སྔར་བཞིན་དབྱར་ཟླ་དང་མཚུངས་ནའང༌།
མཚོ་མོ་དེ་ངའི་རྐང་འོག་ན་འཁྱག་ལ་འབྱར།
ལམ་ལ་ཆས་པའི་སྤྲིན་པ་དེ་ཚོས།
མཁའ་མཐའ་ནས་ང་ལ་ལག་བརྡ་གཏོང་བ་བཞིན་བཞུད་འགྲོ་དུས།
ང་ལ་ཞེ་སྨྲེང་ཞིག་དང་ལྷན་དུ་མཚོ་མོ་འདིའི་དར་ཁ་ཧ་ཅང་གྲང་།
མཛེས་མ་སྒྲོལ་མ་འདྲ་བོ་ཁྱེད་ཡིན།
(ནོར་གླིང་མཐོ་སློབ་ཀྱི་སྙན་ངག་མ་ཞིག་ལ་བསྟབས།)
རྟ་ནག་སྐལ་བཟང་ལུང་རིགས།
ཞལ་རས་འཛུམ་ཙམ་འཛུམ་ཙམ་བྱས་པ།།
སྙིང་སྡུག་བློ་ལ་འཐད་པས་ཡིན་ནམ།།
མགོ་བོ་གཡོན་ཙམ་གཡོན་ཙམ་བྱས་པ།།
སྙིང་སྡུག་རྒྱབ་གཟུགས་འཚོལ་བ་ཨེ་ཡིན།།
ནུ་ཟུང་དྲོན་མོའི་རྒྱབ་ཀྱི་གངས་རི།།
ཁྱེད་ཀྱི་སྙན་ངག་ཁུད་ན་བདོག་གམ།།
བྲང་གཞུང་ཚ་བོའི་ངོས་ཀྱི་བརྩེ་བ།།
སུ་དང་གང་གི་ལག་ལ་འཇོག་གམ།།