(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
སྐྱིད་སྲས་དགེ་ལེགས་ཉི་མ།
ཡངས་པའི་གནམ་ས་སོ་སོར་འབྱེད་པ་ཤེལ་གྱི་གངས་དཀར་ལྷུན་པོའི་གནས།།
མཁའ་དབུགས་གཙང་མས་ཚེ་ཐག་བསྐྱེད་ཅིང་ལྷན་སྐྱེས་མཛེས་སྡུག་དཔལ་གྱིས་སྒེག།
འབྱུང་བཞི་དྭངས་སྙོམས་ཡན་ལག་བརྒྱད་ལྡན་རྫ་ཆུ་བསིལ་བའི་ལྷུང་ལྷུང་ཆབ།
མ་བྱིན་སྤངས་པའི་ལྷ་དབང་གིས་ཀྱང་གཡུ་འབྲུག་སྤྲུལ་ནས་ཧུབ་ཀྱིས་རྔུབ།

སྤང་སྨན་མཚོ་སྨན་གཡང་དུ་འཁྱིལ་བའི་སྨན་ལྗོངས་ཕྱུག་མོའི་དགའ་ཚལ་ན།
ནད་དང་སྨན་ཞེས་ཐ་སྙད་དག་ལ་རྨོངས་པའི་མགོ་བོ་ཧུར་གྱིས་འཐོམ།
ཕྱོགས་བཞི་མཚམས་བརྒྱད་གང་ནས་ཕེབས་པའི་དུག་ཅན་སྦྲ་མ་ར་ཡི་ཁྱུ།
ལྗོངས་འདིའི་དབུགས་ཀྱིས་ཡོངས་སུ་སོས་ནས་ཨེ་བདེན་སྙམ་པའི་དོགས་པ་འཛིན།

དེ་ལས་མང་བ་། “གངས་ལྗོངས་ལ་ཕུལ་བའི་མཆོད་ཆབ།” »

བོད། ལྷ་ཀླུ་གཉན​་གསུམ།

འཚོ་བ་ཟེར་བ་འདི འདོད་ཆགས་ཟེར་བ་འདི
བརྩེ་དུང་ཟེར་བ་འདི ཞེན་འདང་ཟེར་བ་འདི
གང་ལྟར མིང་ཚིག་འདི་དག་གི་སྔ་གཞུག་ན
རོ་སྐམ་པོ་ཞིག་ལ་འཐམ་ནས་ངུ་བའི་ང་
ཕྱི་ནང་གི་གཟུགས་རིས་ནི གྲིབ་མ་ལ་འཁེན་པའི་གཤིས་ཤིག
གང་ཞིག་ནས་བཙན་གྱིས་འོང་བ་ཞིག
སུ་ཞིག་ནས་ལྷོད་ཀྱིས་སྤྲད་པ་ལྟར
ཅི་ཞིག་གིས་འཇམ་གྱིས་བསླུས་པ་ལྟར
དོན་དངོས་ཐོག རང་ཉིད་ནི་གསོན་འདྲེ་བཞིན

དེ་ལས་མང་བ་། “ངའི་མིང་གཞན་གསོན་འདྲེ་ཡིན།” »

ང་དུར་ཁྲོད་ཀྱིས།

ལེའུ་དང་པོ།
བྱ་ཆེན་ཚང་མལ་རི་བོའི་ཟོམ་དུ་ལུས་སོང་།།
སྲོད་ཀྱི་གླིང་བུ་སྟོང་བའི་དབྱིངས་སུ་བཏབ་སོང་།།
ཁྱོད་ལ་ཐད་ཀར་བཞག་པའི་སྐད་ཆའི་ཁྲོད་ནས།།
ཞེ་འདང་རྗེན་རྗེན་ཞིག་གི་ཁ་དོག་རྙེད་བྱུང་།།

གྲོང་གི་སྲང་དུ་བརྡུང་བའི་ཞབས་བྲོ་དེ་དང་།།
ཡུན་རིང་སེམས་སུ་ཉར་བའི་སྙིང་གཏམ་ཟུང་ཞིག།
ཁྱོད་ཀྱི་གཞིས་ཁྱིམ་དེ་ལ་མགྲོན་དུ་ཆས་དུས།།
སྲོད་ཀྱི་ཉི་མ་བུ་མོའི་མཁུར་ཚོས་འདྲ་བྱུང་།།

དེ་ལས་མང་བ་། “སྲོད་ཁའི་སྙན་ངག།” »

གངས་སྨྱུག་གིས་སྤྱི་ལོ་༢༠༡༠།༠༩།ཚེས་༡༥ ཉིན།

ཨེ་མ་འདི་ན་ངོ་མཚར་བྱེ་བའི་བདག །
མ་དྲོས་གཙུག་ན་རིན་ཆེན་མཚན་གྱིས་མཛེས། །
ཧེ་རུ་ཀ་ཡི་རྨད་བྱུང་གཟེངས་རྟགས་ཉིད། །
ཕུལ་བྱུང་རྩོམ་པོ་ཞིག་ལ་འབུལ་འདིས་སྤྲོ། །

གལ་ཏེ་དེ་ལྡོག་ཡོན་པོའི་དབང་སོང་ཏེ། །
ཚུལ་མིན་ངག་གི་ཕྲེང་བ་སྤེལ་བའི་རིགས། །
རང་སྣང་རི་མོ་ནང་ཆ་སྟོན་བའི་ཞོར། །
འཆལ་གཏམ་དུས་ཀུན་སྒྲོག་ལ་ཡིད་གཟབ་བྱོས། །

དེ་ལས་མང་བ་། “ཀླུ་སྨྱོན་རྩོམ་རིག་བྱ་དགའ་ལ་ཡིད་གཟབ་དགོས་པའི་ཆོས་ཚན།” »

རྔ་བ་རྒྱལ་ཁམས་པ།

རེད། དུས་དེ་ནི་ཆེས་སྤྱིར་བཏང་གི་ཞོགས་པ་ཞིག་རེད།
གཉིད་མ་སད་ཀྱི་བར་གསེང་དེ་ནས།
ངས་ཁྱོད་ཐེངས་གཅིག་མཐོང་བྱུང་།
དུས་དེ་ནས་བཟུང་། ཁྱོད་དྲན་ཐེངས་རེ་རེར།
ང་ལ་ཁོང་འདར་ཞིག་ངང་གིས་སྐྱེ་ཞིང།
བདེ་ཚོར་ཕྲ་མོ་ཞིག་ཀྱང་རང་བཞིན་གྱིས་འདྲེན་འོང་།
མཐིང་མདོག་གི་དབྱིངས། ཟླ་འོད་ཀྱི་སྣང་བས་འཁྱུད་པའི་ཨ་མ།
ཁྱོད་ཀྱི་ཆེས་གཏིང་རིམ་ཞིག་ན། ནུས་ཤུགས་ཀྱི་ཐིག་ལེར་འཁྱིལ་བའི་སྒྲོམ་པུ།
རང་འགུལ་གྱི་གཡོ་འཆོམ་ཞིག་གམ། ལས་དབང་གི་རྟེན་འབྲེལ་ཞིག་ལས།
ཆུ་ལས་ཆུ་རླབས། མཁའ་ལས་འཇའ་ཚོན། སེམས་ལས་རྣམ་རྟོག་གི་འཇུ་བ་བཞིན།
འཇིག་རྟེན་དང་འཇིག་རྟེན་ལས་འདས་པའི་རྣམ་བཞག་དང་།
བདེན་རྫུན་གྱི་ལྟ་གྲུབ་ཚང་མ་གློ་བུར་དུ་བརྡོལ་བྱུང་།
འཐེན་ཤུགས་ཟད་པའི་གོ་ལ་ལྟར་གློ་བུར་དུ་འཐོར་སོང་།
གནམ་ས་ཁ་འབྱེད་པ་ལྟར་གློ་བུར་དུ་ཕྱེས་བྱུང་།
དུས་དེ་ནས་བཟུང་།
ཁྱོད་ཀྱི་རྒྱ་ཆེ་གཏིང་ཟབ་ཀྱི་འཇིག་རྟེན་གྱི་བཀོད་པ་རེ་རེའི་ནང་།
ངའི་ལས་དབང་གི་ཚེ་སྲོག་རྒྱུ་བའི་བདེ་སྡུག་གི་ཁྱིམ་གཞིས་ཆེ་ཆུང་རེ་རེ་གྲུབ་ཅིང་།
ངས་ཡང་དང་བསྐྱར་དུ་རང་ཉིད་དགའ་ས་དང་སྡུག་ས། དུངས་ས་དང་ཁྲོ་ས། བྱམས་ས་དང་སྡིགས་ས་སོགས།
བག་ཆགས་ཀྱི་རྩིག་རྨང་སྣ་ཚོགས་བཏང་ཞིང་།

དེ་ལས་མང་བ་། “༄།། རིག་པ། ལམ། འཐེན་ཤུགས།” »

འདྲེ་མགོ་རྡོ།

སྔགས་འཆང་ཀླུ་སྨྱོན་གྱི་མི་ཚེར་རྩོམ་ལ་བསྔོས་པ།།
འདྲེ་ངས་མ་བཤད་ཀྱང་མི་ལ་གསལ་བོ་ཡིན་པས།།
བྱས་པའི་འབྲས་བུ་ཞིག་ཕྱི་ལ་འཇོག་ན་འདོད་པ།།
ཁོང་ཙམ་མ་ཟད་པའི་ང་ཚོ་ཚང་མར་ལོས་ཡོད།།

བོད་ཀྱི་རྩོམ་རིག་གི་ཚབ་མཚོན་ཀླུ་སྨྱོན་མིན་པ།།
འདྲེ་ངས་མ་བཤད་ཀྱང་མི་ལ་གསལ་བོ་ཡིན་པས།།
ཀླུ་སྨྱོན་རྟགས་མ་ལ་མི་འདོག་གནས་ལུགས་དག་ཀྱང་།།
མི་འགའ་འདྲེ་ལྟར་གྱི་གནས་ལུགས་ཡེ་ནས་མི་འདུག།

དེ་ལས་མང་བ་། “ཀླུ་སྨྱོན་རྩོམ་རིག་གཟེངས་རྟགས་ལ།” »

(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
ཕོ་རོག་དཀར་པོས་བྲིས།
དགའ་སྐྱོ་རེས་སུ་འབྱུང་བའི་སེམས་ཁམས་ཀྱི་གཤིས་སུ།།
འགོག་མེད་ངང་གིས་འཆར་བའི་རྣམ་རྟོག་གི་འགྱུ་བ།།
ང་དང་ཁོ་མོ་མེད་པའི་དོན་དམ་གྱི་དབྱིངས་ནས།།
རང་མྱོང་བརྗོད་དུ་མེད་པའི་ན་ཟུག་ཅིག་འབར་བྱུང་།།

ང་ཡིས་གང་ཚོར་ཁོ་མོའི་སེམས་ཁམས་ཀྱིས་ཚོར་ཞིང་།།
ཁོ་མོས་གང་མྱོང་ང་ཡིས་རྣམ་ཤེས་ཀྱིས་མྱོང་བའི།།
མྱོང་ཚོར་ཐ་མི་དད་པའི་ལུས་སེམས་ཀྱི་འབྲེལ་བས།།
ང་དང་ཁོ་མོའི་བརྩེ་འདང་ལྷན་ཅིག་ཏུ་མདུད་འདུག།

དེ་ལས་མང་བ་། “ཧ་ཅང་བཟི་བའི་ང་དང་ཁོ་མོ། ད་དུང་ངའི་མི་ཚེ་ཡི་ལེའུ།” »

འདྲེ་མགོ་རྡོ་ནས།
འདི་ནས་མར་བརྩིས་ཀྱི་ཉི་མ་གསུམ་གྱི་རྗེས་སུ།།
སྐུ་ཞབས་བློ་སེང་གི་བཀའ་ཤག་གོར་སེ་འགྲུབ་རྒྱུར།།
གྲོས་ཚོགས་རྭ་བ་ནས་གླེང་སློང་བྱེད་རྒྱུ་བསམས་ན།།
ཡ་ཆུང་སེམས་པ་འདི་བྲེད་ཤའི་གཡང་ལ་ལྷུངས་འགྲོ།

རྒན་གཞོན་བུད་མེད་དང་བཅས་པའི་སྲིད་སྐྱོང་ཚང་ལ།།
རྣོ་ངར་འཇམ་རྩུབ་ཀྱི་དུམ་གཅོད་སོ་ཁ་རྫོགས་ཕྱིར།།
ལོ་ཆུང་བློ་སེང་གི་རིག་པ་སྒྲིམ་ནོ་བཙོག་དུས།།
ཟུར་གསུམ་ཟུར་ཁ་ནས་མི་འགྱེལ་རང་འགྱེལ་ལོས་ཡིན།།

དེ་ལས་མང་བ་། “བཀའ་ཤག་གོར་གོར་མ།” »

༼ཀླུ་སྨྱོན་རྩོམ་རིག་བྱ་དགའི་འགྲན་རྩོམ།༽

གྱེར་ནག་ཚང་བློ་གྲོས་འགྱུར་མེད།

༡མཁྱེན་པའི་ཡེ་ཤེས་ཐུགས་ཡང་དག་པ་ཨ་སྔོན་མཐའ་བྲལ་ནམ་མཁའི་དབྱིངས། །

བརྩེ་ཆེན་སྙིང་རྗེ་དྭངས་མའི་གོང་བུ་དཀར་གསལ་ཟླ་བ་གཞོན་ནུའི་འཛུམ། །

ཐུགས་རྗེ་ཀུན་གསལ་སྤྱན་རས་གཟིགས་དབང་ལྷ་མིའི་རྣམ་འདྲེན་བཅུ་བཞི་པ། །

འཛམ་གླིང་ཞི་བདེའི་དེད་དཔོན་ཆེན་མོར་སྒོ་གསུམ་དྭངས་པས་སྤྱི་བོར་མཆོད། །

༢ཤེལ་དཀར་ཞུན་མ་དྭངས་མའི་མདོག་འཆང་འཇོ་སྒེག་བཅུ་དྲུག་ལང་ཚོ་ཅན། །

ཞི་རྒྱན་བཅུ་གསུམ་མཛེས་པས་བརྒྱན་པ་ཟག་མེད་ཡེ་ཤེས་འོད་ཀྱི་སྐུ། །

རྒྱུད་མངས་སྟོང་གི་གླུ་དབྱངས་སྙན་པ་ཚངས་པའི་སྲས་མོ་ཡིད་འཕྲོག་མ། །

བདག་མགྲིན་ལོངས་སྤྱོད་འཁོར་ལོར་བཞུགས་ལ་རིག་བྱེད་སྨྲ་བ་ཉིད་གྱུར་ཅིག །

དེ་ལས་མང་བ་། “བོད་པ་ཚང་གི་གོད་ཆག་ལས་འཕྲོས་པའི་ན་ཟུག་ཅིག” »

(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
བྱ་གཞུང་འཇམ་དབྱངས། སེ་ར

ཆོ་འཕྲུལ་དུས་ཀྱི་ཟོལ་སྦྱོར་མེ་ལྕེ་ཐུར་དུ་མཆེད་པའི་འོབས་ནང་ངམ།།
རྒྱལ་ཕམ་རྩོད་པའི་བུ་ཡུག་འཚུབ་པའི་ཇག་དམག་དཔུང་གི་གཡུལ་ས་ནས།།
གཡོ་སྒྱུ་མུན་པའི་སེམས་ཁམས་བསླུ་བའི་ཉམ་ཐག་ངག་གི་གདུང་འབོད་ལ།།
གོ་ལ་ཧྲིལ་བོ་བྱམས་བརྩེས་བརླན་པའི་དེད་དཔོན་མཆོག་གིས་ལན་གཅིག་དགོངས།།

རང་དབང་ལྷ་མོའི་མཛེས་སྔུག་མཚར་ཞེས་གྲགས་སྙན་འབར་བའི་གྲུ་ཟུར་ན།།
འབངས་མིའི་རང་དབང་ལྕགས་ཐུར་བསྐོན་པའི་མྱི་ངན་རྫུ་བའི་དབང་ཤུགས་ཀྱིས།།
འོད་ཆེན་ལམ་ནས་མདུད་དུ་སྐྱོད་པའི་གོམ་ཁ་བཀག་པའི་གཏམ་རྒྱུད་དེ།།
ཡང་ཡང་ཐོས་བའི་ཡ་ཆུང་སེམས་པ་ན་ཟུག་དྲག་པོས་གོས་ཆག་ཤོར།།

དེ་ལས་མང་བ་། “སྐྱབས་མགོན་ཆེན་པོ་ཁྱེད་ཀྱིས་འདི་ལ་བཟོད་ལགས་སམ།” »

རིག་འཛིན།

ཤེས་རབ་འོད་སྟོངས་འབར་བའི་སློབ་བུའི་ཚོགས།།
རིག་པའི་ལང་ཚོ་བག་ལ་མ་བཞག་པར།།
ཉིན་མཚན་དབྱེར་མེད་བརྩོན་པའི་གྲུར་ཞུགས་ཏེ།
ལེགས་བཤད་རྒྱ་མཚོའི་ཕ་མཐར་སོན་པར་འཚལ།།

སྙན་གཞུང་སྤང་ལྗོངས་ཡངས་མོའི་སྐྱིད་ཚལ་དུ།།
དགའ་འཛུམ་སྤྲོ་དགས་མྱོས་པའི་ཁྱུ་བྱུག་ལྷན།།
སྒྱུ་རྩལ་ཉམས་འགྱུར་ཕྱུག་པའི་གསུང་དབྱངས་བཅས།།
བརྩོན་པའི་གཤོག་ཟུང་ཆད་མེད་འགུལ་བར་རྩོམས།།

དེ་ལས་མང་བ་། “རེ་སྐུལ་སེམས་ཀྱི་ཞུན་ཐིགས།” »

(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
—ཚེ་བྲ་ཕུན་གསུམ་དང་། གཞན་དག་གི་དུར་ས་ནས་ངུས་པ།

རྫ་སྲས་བདེ་ཆེན།

ལྷ་ཚོགས་བྲོས་པའི་བར་སྣང་ཐེད་པོ་ལ།།

རེ་བའི་མིག་ཟུང་རྡུལ་གྱིས་འཐགས་པ་ན།།

རང་གིས་བྲང་ཁོག་སྤར་བའི་མེ་འོད་ཀྱིས།།

ས་གཞིའི་སྨག་ཆེན་བསྲེག་པའི་ངལ་བ་བྱས།།

དེ་ལས་མང་བ་། “དཔའ་རྒོད་ཀྱི་ནམ་མཁའ།” »

(ཀླུ་སྨྱོན་རྩོམ་རིག་བྱ་དགའི་འགྲན་རྩོམ་དུ་།)

གངས་སྨྱུག་གིས།

རྣམ་པར་རྒྱལ་བའི་ཁང་བཟང་རིན་པོ་ཆེར།།
མཁའ་ཡི་སྙེ་མའི་དབུ་འཕང་དགུང་ལ་བསྙེགས།།
ཡིད་འོང་མཛེས་པའི་སྒྱུ་འཕྲུལ་མི་ཡུལ་རྒྱལ།།
བདག་གི་གྲོགས་པོ་རྒྱལ་བའི་རྒྱལ་མཚན་མཆོག།

ཤེས་བྱ་རྒྱ་མཚོའི་མཇིང་ལས་རབ་ཟབ་ཀྱང༌།།
རྣམ་དཔྱོད་གསེར་མིག་འཇའ་རིས་ཁྱུགས་སེ་ཁྱུག།
རྣོ་མྱུར་རིག་པའི་གསེར་ཤོག་གཏིང་མཐའ་བརྒལ།།
བདག་གི་གྲོགས་པོའི་བློ་རིག་གསེར་ཉ་མཚུངས།།

དེ་ལས་མང་བ་། “གྲོགས་པོ་བཀྲ་ཤིས་རྟགས་བརྒྱད།” »

(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
བོད་འབྱོར། འོད་གསལ་མཐའ་ཡས་ནས།

ཨེ་མ་ལས་ཅན་འགྲོ་བའི་སྐྱབས་གཅིག་ཏུ་གྱུར་པའི། །
ཐོག་མེད་བསགས་པའི་སྡིག་ལྟུང་དྲུངས་འབྱིན་གྱི་གཉེན་པོ། །
དུས་གསུམ་རྒྱལ་བ་ཀུན་གྱི་ཕྲིན་ལས་ཀྱི་བདག་ཉིད། །
ལྷག་པའི་ལྷ་མཆོག་རྡོ་རྗེ་སེམས་དཔའ་ལ་འདུད་དོ། །

སྔོན་བསགས་ལས་འཕྲོ་བཟང་པོའི་ཉེར་ལེན་ལ་བརྟེན་ནས། །
བསིལ་ལྡན་ཁ་བའི་ལྗོངས་འདིར་ལན་གཅིག་ཏུ་སྐྱེས་ཤིང་། །
འཇིག་རྟེན་འཁྲུལ་སྣང་འཁོར་བའི་བྱ་བཞག་ལ་གཡེངས་ནས། །
དོན་མེད་མི་ཚེ་ཟད་ལ་སེམས་པ་འདི་སྐྱོ་འོ། །

དེ་ལས་མང་བ་། “དྲིན་ཆེན་ཨ་ཕ་དྲན་པའི་སྐྱོ་གླུ་ཤུལ་ལུས་འཁྱམ་པོའི་སྐྱོ་ངག” »

(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
ཨ་རིག་དགེ་མཐོང་།
དྭངས་གཙང་རང་བཞིན་མ་བསླད་འོད་མདངས་དེ་རྒྱས་ཤིང་། །

རྟེན་འབྱུང་ཨ་མའི་ཐུགས་ཡིད་བདུད་རྩི་ཡིས་གཏམས་པས། །

སྣ་ཚོགས་ཀུན་རྫོབ་སྒྱུ་མའི་ངོ་གདོང་དེ་བཤུས་ནས། །

མཐར་ཐུག་སྐུ་བཞིའི་ལམ་ཡིག་ཕྱག་ཟུང་དུ་འབྱོར་བྱུང་། །

དེ་ལས་མང་བ་། “སྟོན་པ་ཐུབ་པའི་དབང་བོར་བསྟོད་པ།” »

(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
དཔལ་དགྱེས་པ་རྡོ་རྗེ།
ན་ མོ་ མ་ ཧྰ་ གུ་ རུ་ ཨ་ བྷྱ་ མ་ ཏི་ ཡེ། །
སྡེ་ གསུམ་ ཀློང་ དགུའི་ བཀའ་ བསྟན་ དམ་ ཆོས་ མཛོད། །
ཚེགས་ ཆུང་ དོན་ ཀུན་ རྟོགས་ པའི་ མན་ ངག་ ཐབས། །
མ་ ནོར་ སྒོ་ ཆེན་ འབྱེད་ པའི་ ལྡེའུ་ མིག་ མཆོག །
བསྟན་ པའི་ སྙིང་ པོར་ འཛིན་ ལ་ ཡང་ ཡང་ བསྔགས། །
༡.
བརྒྱུད་ པ་ དགུ་ ལྡན་ རིག་ འཛིན་ བླ་ མའི་ སྲོལ། །
ཟབ་ རྒྱས་ ཐེག་ པའི་ བརྗོད་ བྱ་ ནང་ རྒྱུད་ གསུམ། །
མདོ་ སྒྱུ་ སེམས་ ཀློང་ མན་ ངག་ རྗོད་ བྱེད་ ལས། །
བསླབ་ གསུམ་ རྒྱུད་ ལ་ འཕོ་ བའི་ ཆོས་ འཁོར་ རྒྱལ། །
༢.

དེ་ལས་མང་བ་། “༧སྐྱབས་རྗེ་དམ་པ་འཇིགས་མེད་བློ་གྲོས་རྒྱལ་མཚན་རིན་པོ་ཆེ་ལམཆོད་པ་བཀྲ་ཤིས་རྟགས་བརྒྱད། །” »

(ཀླུ་སྨྱོན་རྩོམ་རིག་བྱ་དགའི་འགྲན་རྩོམ། )
རྩེ་སྐར།
དགུན་ཁའི་གྲང་རེག་ཉི་མའི་ཟིལ་གྱིས་བཅོམ།།
དཔྱིད་ཀྱི་དྲོད་ཁོལ་ལྗོན་པའི་རྩེ་ནས་འཛུམ།།
ཁ་བ་ཆར་དུ་བརྙེས་པའི་དུས་ཚིགས་ན།།
ལང་ཚོའི་ཐིའུ་གསར་བྱུ་རུའི་མདངས་ཀྱིས་མངོན།།
གྲང་རླུང་འུར་གྱིས་ལྡིང་བའི་ལོ་ཟླ་ན།།
དགུན་གསུམ་ཙག་ལ་བརྒྱུས་པའི་ཁ་བ་མས།།
ཁམ་བུའི་མེ་ཏོག་ཤར་བའི་མཛེས་སྡུག་ལ།།
ཁེངས་པའི་ཕྱི་མིག་དམར་པོ་འཕེན་བཞིན་བཞུད།

དེ་ལས་མང་བ་། “ཁམ་བུའི་མེ་ཏོག” »

(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
དབྱངས་བུ་ཚེ་རིང།

མོ་ལ་དབྱངས་ཅན་ལྷ་མོ་ལྟ་བུའི་འཇོ་སྒེག་གི་མཛེས་སྡུག་དང་། ཁུ་བྱུག་གི་གསུང་སྐད་ལྟ་
བུའི་སྐད་ངག་གི་སྙན་འགྱུར་མེད་ཀྱང། བཅོས་མིན་ལྷུན་ཆགས་དང་གཡོ་མེད་དྲང་
བདེན་གྱི་གཤིས་སྤྱོད་གཉོམ་པོ་དེས་མོ་ནི་ཀུན་གྱི་སེམས་ངོགས་ན་མེ་ཏོག་ལྟ་བུའི་
མཚར་སྡུག་གི་གཟི་བྱིན་ཆེས་ཆེར་འབར་ཡོད།
དེའི་ཕྱིར་མོ་ནི་ཡིད་དུ་འོང་བའི་བུ་མོ་ཞིག་ཡིན་པས། མཐའ་འཁོར་ན་ཕོ་གསར་མང་པོ་
ཞིག་གིས་མིག་ཟུང་རིག་རིག་དང་སེམས་པ་ཚ་ལམ་ལེམ་ཁོ་མོ་ལ་དོ་སྣང་དང་ཡིད་འཇོག་
བྱས་ཀྱང། མོས་རང་ཉིད་ཀྱི་ཡིད་འོང་གི་ཀུན་གཤིས་དེ་དམ་དུ་བཟུང་ནས་སུ་ལའང་
སེམས་པའི་ཁ་ལོ་མི་གཡེང་པར། གཉོམ་ལྷང་ལྷང་གི་འཛུམ་མདངས་ནམ་རྒྱུན་བཞིན་
རྫོགས་མཐའ་མེད་པའི་སེམས་འགྱུ་མང་པོའི་ཁྲོད་དུ། ཕ་མའི་མཛའ་བརྩེ་ལས་ཐོབ་
པའི་རང་དགོས་ལས་དོན་ལ་འབད་པས་བརྩོན་བཞིན་མཆིས།

དེ་ལས་མང་བ་། “ཡིད་དུ་འོང་བའི་བུ་མོ་ཞིག” »

༼རྒྱལ་བསྟན་དོན་གྱིས་མཛེས་པར་བྱེད་པའི་ྋསྐྱབས་རྗེ་འཁྲུལ་ཞིག་རིན་པོ་ཆེ་ཞིང་གཞན་དུ་གཤེགས་པར་སྐྱོ་བའི་གདུང་དབྱངས་སུ་བྲིས་པ།༽
ཕོ་རོག་དཀར་པོས།
སྐུ་མཚན་དཔེའི་ཉིན་བྱེད་དབྱིངས་སུ་ཡལ།།
གསུང་ཟབ་རྒྱས་གདམས་པ་ཡི་གེར་ཤར།།
ཐུགས་ཆོས་ཀྱི་དབྱིངས་སུ་འཐིམ་པ་ཡི།།
མགོན་བླ་མ་ཁྱོད་ལ་གསོལ་བ་འདེབས།།

གཞི་འཁོར་བའི་རྩ་བར་འཁྲུལ་བ་ཞིག།
ལམ་བགྲོད་པའི་རིམ་པར་འཁྲུལ་བ་ཞིག།
འབྲས་ཆོས་སྐུའི་དབྱིངས་སུ་འཁྲུལ་བ་ཞིག།
འཁྲུལ་ཀུན་ལ་ཞིག་པའི་འཁྲུལ་ཞིག་རྗེ།།

དེ་ལས་མང་བ་། “གདུང་བའི་དབྱངས་སུ་བཞུར་བའི་མིག་ཆུ།” »

སྤོབས་པ་མཐའ་ཡས།

ངེས་པར་འབྱུང་བའི་ཚུལ་ཁྲིམས་གཙང་མའི་འོད༎
སྲིད་པའི་མུན་པ་འཇོམས་པའི་གཉེན་གཅིག་པུ༎
གནས་བརྟན་ཆེན་པོ་ལྷ་ཡི་ལྷར་གྱུར་པ༎
ཞི་བའི་དབྱིངས་སུ་བཞུད་པའི་ཚུལ་འདི་སྐྱོ༎

བདེ་བར་གཤེགས་པའི་རིང་ལུགས་དྲི་མ་མེད༎
འཛིན་སྐྱོང་སྤེལ་ལ་འགྲན་པའི་ཟླ་བྲལ་བ༎
ཡོངས་ཀྱི་དགེ་བའི་བཤེན་གཉེན་ཡོངས་ཀྱི་མགོན༎
འཁྲུལ་ཞིག་ཆོས་ཀྱི་རྒྱལ་པོ་སྙིང་ནས་དྲན༎

དེ་ལས་མང་བ་། “གནས་བརྟན་ཆེན་པོ་འཁྲུལ་ཞིག་རིན་པོ་ཆེ་རྗེས་སུ་དྲན་པ་རྒྱུ་མཚན་དང་འབྲེལ་བའི་ཚིག་བཅད་ཉུང་ངུ་༎” »