ཤིང་རྟ།
མ་འདྲིས་འགྲོ་བའི་མཛའ་བཤེས་དྲིན་ཆེན་གྱི་བླ་མས།།
ཕྲ་རགས་ཆོས་ཀྱི་གནས་ལུགས་རྗེན་པ་རུ་གཟིགས་ནས།།
ཟབ་དགུ་ལེགས་བཤད་དད་ལྡན་བགོ་སྐལ་དུ་སྩོལ་མཁན།།
གྲུབ་དབང་ལུང་རྟོགས་རྒྱལ་མཚན་སྙིང་དབུས་ནས་དྲན་ནོ།།
དྲི་མེད་ཐུབ་བསྟན་ཡང་སྙིང་ངེས་གསང་གི་གྲུ་ཆར།།
སྐལ་བཟང་གདུལ་བྱའི་ཡིད་ཀྱི་ཞིང་ས་རུ་ཕབས་པས།།
ཉམས་རྟོགས་འབྲས་བཟང་སྨིན་པའི་དམར་སེར་གྱི་འདུས་སྡེ།།
ས་ཆེན་འགེངས་པའི་མཛད་རྗེས་སྙིང་དབུས་ནས་དྲན་ནོ།།
དེ་ལས་མང་བ་། “བླ་མ་ཨ་ཁྱུག་གམ་གྲུབ་དབང་ལུང་རྟོགས་རྒྱལ་མཚན་གྱི་རྗེས་དྲན་དད་པའི་ཆུ་རྒྱུན།” »
བྲོ་འཚལ།
སེམས་དང་སེམས་པ་གླན་ནས།།
ཉི་མ་ཟླ་བ་འགོར་ཡང་།།
སྐྱིད་སྣང་བདེ་བོའི་ཚོར་བ།།
ད་རེས་མ་གཏོགས་མ་བྱུང་།།
རྨེ་རུ།
ཨ་མའི་བུ་ཆུང་ས་མཐའ་ལ་མ་ཡོང་།།
ས་མཐའི་འཚོ་བ་བུ་གཡུག་ཁྲོད་ལ་ཡོད།།
ལོ་ཟླ་གྲངས་མེད་སེམས་ཀྱི་མེ་ཏོག་དེ།།
བུ་གཡུག་ཁྲོད་ནས་བཞད་ཁ་བྱེད་ཐབས་བྲལ།།
བསམ་གླིང་ཚེ་རིང་ལྷ་མོ།
རྒྱང་རིང་རི་གྲོང་སྨུག་སྤྲིན་སྟུག་པོས་སྒྲིབ།།
ཤང་ཤང་ཟེར་བའི་ཆུ་མོའི་སྐད་སྒྲ་ཙམ།།
དར་ལྗང་སྣུམ་པར་ཀླུབ་པའི་ནགས་ལྗོངས་དག།
འདྲེན་བྱེད་ཡུལ་དུ་སྣང་བའི་སྐབས་མ་ཤར།།
སྤྲུལ་དབང་ཆེན།
སྤྱི་ཚོགས་རྨོངས་ཞེན་གླེན་སྐྲན་རྣག་འབུར་ལ།
སྨྱུག་ཁྱུ་གཟུར་གནས་གཙག་བུ་རྣོན་པོས་བཙིར།
བླུན་སྒོམ་ལྷ་འདྲེ་ཡིད་གྱི་ཆོ་འཕྲུལ་གསོད།
སྨྱུག་རྒོད་རྩོམ་པ་སྤྱི་ཚོགས་སྣེ་ཁྲིད་ཡིན།།
དེ་ལས་མང་བ་། “དྲྭ་འབུ་ཞེས་རྟག་ཏུ་དམོད་མོ་བྱེད་མཁན་འགའ་ལ་སྨྲས་པ།།” »
པད་མ་ཆོས་སྒྲོན།
༼རྒྱ་དམག་བོད་ལ་ལྷགས་སྐབས༽
ཆེམ་ཆེམ་འོད་ཀྱི་སྒྲོན་མེ་སྣང་བ་དེ་
རྔམ་གནག་རླུང་གིས་འཇོམས་པ་
ཐེངས་གཅིག་ག་ལ་ཡིན་
ལང་ལོང་བསང་དུད་སྔོན་མོའང་
ཐལ་རྡུལ་ངོ་བོར་ཡོངས་སུ་དྭངས་པའི་དུས་
མཆོད་དོ་གསོལ་ལོ་ཡི་ཞབས་ཏོག་ཁྲོད་ནས་
བདག་ཅག་གི་ལྷ་སྲུང་མཐུ་བོ་ཆེ་རྣམས་
གཏུ་མུག་གི་མགྲོན་ཏུ
མངོན་པར་གཤེགས་ཟིན་པ་བདེན་ན་
མགོན་མེད་སྐྱབས་མེད་དུ་ལྷག་པའི་ཚོ་ཁག་སྟེ་
སུ་ཞིག་གིས་བསྐྱུར་པའི་དྭ་ཕྲུག་གི་ཁྱུ་ཚོགས་ཡིན་ནམ་
བལྟས་ན་སྐྱིད་པ་ལས་བཞུགས་ན་མི་སྐྱིད་པ།།
ཉི་མ་ལྷ་ས་ལ་ཡང་ཡང་འགྲོ་དགོས་ཞེས།།
དངོས་པོ་སྡུད་གསོག་ལ་བྲེལ་བའི་ཁྱེའུ་ཁྱེད།།
ལོ་ན་ཆུང་ཆུང་གི་ལྷ་མོ་དོན་གྲུབ་རེད།།
ལྷ་སའི་བདག་དབང་ལ་རིང་བའི་ཙོང་ཁའི་ཡུལ།།
ཇག་པ་པུའུ་ཧྥང་གིས་ཡོམ་བསྒྱུར་བྱེད་པའི་དུས།།
བྱིས་པ་ཆུང་ཆུང་དེས་རྔམ་བརྗིད་མ་ཉམས་པར།།
པུའུ་ཧྥང་ཁྱེད་རེད་ཅེས་སྨྲ་མཁན་ལྷ་མོ་རེད།།
མགར་བུ།
གངས་ཅན་ལྗོངས་ལ་བཀའ་དྲིན་ཆེ་བའི་མགོན།།
གངས་ཅན་ལྗོངས་ཀྱི་ལྷ་མི་ཀུན་གྱི་མགོན།།
རྒྱལ་བ་དོན་གྱི་བདག་པོའི་སྲས་གཅིག་པུ།།
མ་ཧཱ་པཎ་ཆེན་ཟམ་གདོང་སྤྲུལ་སྐུར་འདུད།།
སྙིགས་མའི་རང་མདངས་ཆེས་ཆེར་བདོ་བའི་དུས།།
གངས་ཅན་ལྗོངས་ལ་༧རྒྱལ་བློན་ཚུལ་དུ་བྱོན།།
བསྟན་སྲིད་ཉག་ཕྲའི་སྲི་ཞུར་རླབས་ཆེན་པོ།།
སྒྲུབ་པའི་ཐོན་མི་གཉིས་པ་ཁྱེད་ལ་འདུད།།
བྲོ་འཚལ།
དུས་རབས་ཉེར་གཅིག་ལ་ཐོད་འདི་ལ་མཐོ་སྒང་བོད་པ་འདི་བ་ཚང་།།
གསོད་གསོད་རྒྱོབས་རྒྱོབས་ཉིན་མཚན་བསྐྱལ་བ་དམྱལ་བའི་ས་གཞི་ཆེན་པོ་འདྲ།།
གནས་དང་ས་ཆ་དམག་མིས་བསྡམས་ཏེ་མདའ་དང་གྲི་ཁ་བྲང་ཁར་གཏད།།
རྩྭ་དང་རྩི་ཤིང་བརྩད་ནས་བཀོག་སྟེ་སྒང་བ་བོད་ལ་ཟས་ཁ་གཅོད།།
གཅན་འོད་འབར།
དུས་ཚིགས་ཀྱི་གཙང་བོ་བཞུད་སྟངས་ལས་རི་ལུང་གི་ཁ་དོག་འགྱུར་སོང།
ཉིན་མཚན་གྱི་ལྷག་རླུང་ལྡང་ཚུལ་ལས་མི་ཚོགས་ཀྱི་ལུས་སེམས་རྒས་སོང་།
འོན་ཀྱང་། འདི་ཚོས་ཁྱོད་ལ་འགྲེལ་བཤད་ཡང་དག་ཅིག་རྒྱག་མ་ཐུབ་ལ།
གསལ་བཤད་བདེན་པ་ཅིག་དེ་བས་ཀྱང་བྱེད་མ་ནུས།
ཡོད་ཡོད་འདྲ་བའི་ཁྱོད།
ཡང་སྙིང་ཅི་ཞིག་ཡིན།
ཡང་སྙིང་གང་ན་ཡོད།
ཨོྃ་སྭྰ་སྟི།།
ཀུན་ཕན་གསོ་བྱེད་རིག་པའི་གནས་ལ་མཁས།།
གཞན་དོན་བྱམས་དང་སྙིང་རྗེའི་བདག་ཉིད་ཆེ།།
གཡུང་དྲུང་གཉུག་མའི་བསྟན་པ་འཛིན་པའི་རྗེ།།
བན་བོན་བླ་མ་རོང་ལེ་ཞབས་བརྟན་ཤོག།
ཅེས་མཁན་པོ་འོད་གསལ་མཐའ་ཡས་ཀྱིས་བསྐུལ་ངོར་ཤྲྰིས་སོ། །
དེང་དུས་བན་བོན་གྱི་རྩོད་པ་དེ་རྒྱུ་འབྲས་དང་ལུང་རིགས་མེད་པར་ང་བཟང་ཁྱོད་ངན་གྱི་སྒྲོ་བཀུར་མང་པོ་མཐོང་བས་རྐྱེན་དང་། ཞེ་འཁོན་ཅན་འགའ་རེས་བདག་གི་མིང་ཡང་གང་དྲན་དྲན་དུ་བེད་སྤྱོད་ནས་མུན་ནག་མདའ་འཕེན་གྱིས་ཁྱོད་ཚོ་དུས་ཚོད་དང་རང་རྒྱུད་ཆུད་ཟོས་གཏོང་བ་དག་ལ་སྙིང་རྗེ་ནས་ཁ་བརྡ་དྲ་ལ་འདི་བསྐུར་བ་ཡིན། །
དེ་ལས་མང་བ་། “བན་བོན་གྱི་བླ་མ་རོང་ལེའི་ཞབས་བརྟན་གསོ་སྨན་བདུད་རྩིའི་བུམ་བཟང་ཞེས་བྱ་བ། །” »
གངས་ཉི་གཞོན།
ཆུང་ཆུང་བྱིས་དུས་ཀྱི་མཇལ་འཛོམས་སྐྱིད་པོ།།
ལྷད་མེད་དྭངས་གཙང་གི་རྫ་ཆབ་བསིལ་མ།།
ལོ་ཟླའི་འཕྱོན་མ་འདིས་ཁམ་དུ་བྱས་ཀྱང་།།
ཡ་ཆུང་སེམས་ཁོང་ན་ཡལ་བ་མི་འདུག།
ཀླུ་སྨྱོན།
ནམ་མཁའ་སྔོ་ཞིང་ཉི་འོད་ས་ལ་ཟགས། །
བྱ་བྱེའུའི་སྐད་ཅོར་རྨི་ལམ་ཀློང་ནས་ཐོས། །
བསིལ་རླུང་ཁྲོད་དུ་མཛེས་མའི་ལུས་དྲི་མཆེད། །
སྤྲིན་པ་རབ་རིབ་རི་བོའི་ཐོད་དུ་ལྷུང་། །
གྲོང་གསེབ་ཐར་ཐོར་བྱ་ཕོའི་གླུ་དབྱངས་ཁྱབ། །
བ་ལང་བག་ཡངས་ཞིང་ཚིགས་བར་དུ་རྒྱུ། །
འབྲས་ཞིང་སྙེ་མའི་མགོ་བོ་ལྕི་ཞིང་ལྡེམ། །
མགོ་དཀྲིས་ལྗང་སེར་མཐོང་ཙམ་ཡལ་ཙམ་བྱེད། །
སྣྲོན་ངག་ཁྲི།
༡༽གང་གི་ཐུགས་བརྩེས་སྙིགས་དུས་འགྲོ་རྣམས་ལ།།
ཉེ་བར་གཟིགས་ཏེ་གངས་ལྗོངས་ཡངས་པའི་ཞིང་།།
མདོ་སྨད་ཙོང་ཁའི་ས་ཡི་ཐིག་ལེ་རུ།།
སྐུ་ཡི་ཕྲེང་བའི་དཔགས་བསམ་ཡོངས་འདུ་འཁྲུངས།།
གངས་ཉི་གཞོན།
གྲང་ངར་ལག་པ་ཁང་མིག་ནང་ལ་བརྐྱངས།།
ཐབས་ཆགས་མལ་ཁང་ཆུང་ཆུང་འཁྱག་པས་བསྡམས།།
སྡོང་ལོ་འཕུར་བའི་ཤག་སྒྲ་རྣ་བར་གཟན།།
སྨྲེང་བའི་སེམས་པ་སྟོན་གྱི་རླུང་བུས་ཁྱེར།།
ཨེ་མ་ཧོཿ ཨེ་ཝྃ་ཞི་བདེ་གླིང་པའི་ཕྲིན་ལས་གར། ། དོན་གཉིས་ཡིད་བཞིན་ནོར་བུའི་སྙིང་ཐིག་གི ། བསྟན་འཛིན་ཆོས་ཀྱི་རྒྱ་མཚོ་རིན་པོ་ཆེའི། ། བཞེད་དོན་ལྷུན་གྲུབ་སྐུ་ཚེ་རབ་བརྟན་ཤོག ། ཤྲྰིས་སྙིང་ནས་སྨོན་པ་དགེའོ། །
བསམ་གླིང་ཚེ་རིང་ལྷ་མོ།
ཀ་མ་ལ་ལྟར་སྐྱེ་དགུའི་མཛེས་རྒྱན་སྤྱན་རས་གཟིགས་དབང་ཁྱེད་ཀྱི་སྐུ།།
ཁ་བ་རི་པའི་ས་འཛིན་སྣུམ་པོར་མཚན་བཟང་དཔེ་བྱད་བཟང་པོས་བལྟམས།།
ག་ཤེད་འགྲོ་བའི་སྡུག་བསྔལ་སེལ་ཕྱིར་བསྟན་འཛིན་རྒྱ་མཚོ་འགྲོ་བའི་དཔྱིད།།
ང་ཅག་འགྲོ་བའི་བསོད་ནམས་དཔལ་དུ་བཙན་པོའི་རྒྱལ་ཁབ་བོད་དུ་འཁྲུངས།།
ཨ་འདུས་མིག་ཆུ།
འདོད་རྔམ་མེ་ཆེན་ཤུགས་ཀྱིས་འབར་བའི་ཀློང་རིམ་ཞིག་ན་རྩི་ཤིང་ཡུན་གྱིས་བསྐམས་པ་དང་།།
དྲག་འཐབ་གཡུལ་གྱི་འཚུབ་རླུང་ཁྲོད་ན་འགྲོ་མིའི་ཚེ་སྲོག་དོན་མེད་ཤོར་ནས་འགྲོ་བའི་དུས།།
འགྲོ་བ་དང་ནི་ཁོར་ཡུག་ཀུན་ལ་རྟེན་འབྲེལ་གཤིས་ཀྱིས་དམ་དུ་འཆིང་བ་ལེགས་གཟིགས་པའི།།
ས་ཆེན་འོད་ཀྱིས་ཁྱབ་པར་མཛད་མཁས་འགྲོ་བའི་མིག་གཅིག་མགོན་པོ་གང་ཉིད་འཁྲུངས་པར་གྱུར།།
ཁ་བརྡ་དྲ་བར་༧སྐུའི་འཁྲུངས་སྐར་དམིགས་ནས་སྙན་ངག་མང་པོ་བསྐུར་འདུག་སྟབས། འདིར་སྙན་ངག་དུམ་བུ་འགའ་དཀྱུས་གཅིག་ཏུ་བཀོད་ཡོད།
++++++++++++++++++++++++++++++++++++++++++++
ཁྱོད་ཀྱི་སྐྱེས་སྐར་ལ་རྟེན་འབྲེལ་ཞུ།
གཅན་འོད་འབར།
—————-
དུས་དེ་རིང།
མི་སེམས་གྲངས་མེད་ཀྱིས་བཏེགས་པའི་སྙིམ་པ།
ཁ་དོག་མི་འདྲ་བའི་དག་གཙང་ཁ་བཏགས་ཀྱིས་རྒྱན་ནས།
འབྱུང་བཞིའི་བར་ཆད་སྟོབས་ཀྱིས་གཤེགས་པའི་མེ་ཏོག་ཅིག
རྟ་ནོར་ལུག་གསུམ་གྱི་ལས་དབང་སྒོམ་ནས།
སྦྲ་ནག་དང་རྩྭ་ཐང་གི་སེམས་ཁོངས་ལ།
མཛེས་སྡུག་གིས་བཞད་པའི་ཉིན་མོ་ཡིན་ན།
ངས་ཁྱོད་ཀྱི་སྐྱེས་སྐར་ལ་རྟེན་འབྲེལ་ཞུ།
དེ་ལས་མང་བ་། “༧སྐུའི་འཁྲུངས་སྐར་ལ་ཕུལ་བའི་སྙན་ངག་གི་ཚོམས།” »
མདའ་ཆབ་བྲག་པས།
ཁ་བ་ལེབ་མོ་ཡི་ཁྲོད་ན།
གནམ་མཐའི་སྐར་ཚོགས་ལ་ལྟ་བཞིན།
རྒྱང་བཞུད་བུ་ཆུང་ལ་དུངས་ནས།
དྲིན་ཆེན་མ་ལོ་ཡིས་བསྒུག་ཡོད།།