ཤེས་དགས།།
སྐྱིད་ན་སྐྱིད་པོ་དེ་ཡང་མི་གོ་ད་དུང་སྡུག་བསྔལ་ཆེ་མདོག་བཤད།།
སྡུག་བསྔལ་རང་གི་ཐོག་ཏུ་བབས་ན་ལས་རེད་ཟེར་ནས་བསམ་པ་བདེ།།
གོ་ལྡོག་འཇིག་རྟེན་འདི་ཡི་ཆོས་ཉིད་རིམ་པས་རང་གིས་མྱོང་པ་རྣམས།།
བསམ་པའི་ཚེ་ན་གཅིག་པུ་ཡིན་ཡང་དབང་མེད་གད་མོ་དི་རིར་འཆོར།།
མ་འཆོལ་དོན་རྣམས་དཀའ་བ་བརྒྱ་ཡིས་བསྒྲུབས་དགོས་ཤ་རྟག་ཉིད་དུ་མཆིས།།
ཅི་ཕྱིར་གོལ་དང་འཁྲུལ་བ་འདི་ཚོ་མི་དཀའ་བྱེད་སྙིང་འདོད་པ་ཨང་།།
བྱིས་པ་མིན་ཡང་བྱིས་བ་ལྟ་བུར་རང་ཐོག་འབབ་ན་མགོ་བོ་འཐོམས།།
གཞན་གྱིས་དེ་འདྲ་བྱས་པ་མཐོང་ན་མ་འདོད་ཁྲེལ་གད་ཁོང་ནས་འཆོར།།
གངས་ཉི།
ཡོད་ཚད་ལ་ཁ་དོག་རྒྱས་ཞིང་།།
གསར་བྱུང་གི་མྱུ་གུ་འབུས་ཏེ།།
འཇིག་རྟེན་འདི་མཛེས་པའི་ཕྱུག་དུས།།
ཕན་ཚུན་ལ་དམ་དུ་འཁྱུད་མྱོང་།།
དྲན་སྣང་གི་སྡོམ་བུ་འཁྱམས་པོ།།
ངེས་མེད་ཀྱི་ཕྱོཊ་བཞིར་ཉུལ་ནས།།
ལས་དབང་གི་དཀོས་ཐག་དེ་ལ།།
བཟོད་མེད་ཀྱི་ན་ཟུག་སྟོང་ཕྲག།
ཐེ་བོ་དཀོན་མཆོག་ཤེས་རབ་ཀྱིས།
ཐུགས་རྗེའི་ཤུགས་ཀྱིས་འགྲོ་བའི་གདུང་བ་སྐྱོབ།།
བདག་མེད་གཟིགས་པས་སྲིད་པའི་འཆིང་བ་བཅད།།
སྲིད་ཞིའི་མཐའ་ལ་མི་གནས་ཡིད་ཅན་མགོན།།
ཟླ་མེད་སྟོན་པ་ཤཱཀྱའི་དབང་བོར་འདུད།།
འདུས་བྱས་མཐའ་དག་མི་རྟག་སླུ་བའི་ཆོས།།
ཟག་བཅས་ཐམས་ཅད་སྡུག་བསྔལ་ཉིད་དུ་མཁྱེན།།
ཆོས་རྣམས་མ་ལུས་སྟོང་ཞིང་བདག་མེད་པ།།
མྱང་འདས་ཁོ་ན་ཞི་བ་དགོངས་ལ་འདུད།།
བསམ་གླིང་ཚེ་རིང་ལྷ་མོ། 
སྨུག་སྤྲིན་ལང་ལོང་ལྡིང་བ་ཁྱེད།།
རི་ཚོགས་མྱུལ་ནས་ཅི་ཞིག་བྱེད།།
ཁྱེད་ཀྱི་སྙིང་སྡུག་དགའ་མ་དེ།།
ལྗོན་པའི་ཁྲོད་དུ་ལུས་སམ་ཅི།།
ཀླུ་སྨྱོན།
—ཆོས་འཁོར་དུས་ཆེན་ལ་ཕུལ་བ།
ནམ་མཁའ་སྔོ་བའི་གནས་དེ་རུ། །
རི་དྭགས་མང་བའི་ནགས་དེ་རུ། །
མེ་ཏོག་འཁྲིགས་པའི་ཚལ་དེ་རུ། །
ཁྱེད་ཀྱིས་ཆོས་འཁོར་ཐོག་མར་བསྐོར། །
ཉི་འོད་དྲོ་བའི་གནས་དེ་རུ། །
རྩྭ་ལྗང་སྐྱེས་པའི་གནས་དེ་རུ། །
ཁ་ཁུ་སིམ་པའི་གནས་དེ་རུ། །
ཁྱེད་ཀྱིས་ཆོས་འཁོར་ཐོག་མར་བསྐོར། །
དོལ་སྨྱོན།
ཤཱཀ་ཐུབ་གཤེན་རབ་ཕྱི་མི་ཡིན་མིན་ཁྱོད་དང་ང་ཡི་རྩོད་གཞི་མིན།།
བན་ཆོས་བོན་ཆོས་གང་ཞིག་ཡག་མིན་ཁྱོད་དང་ང་ཡི་གླེང་གཞི་མིན།།
བསྟན་པ་འདི་ཡི་དོན་སྙིང་བསམ་ནས་ཉམས་ལེན་ཐུགས་ཀྱི་སྙིང་པོར་ལོངས།།
རིག་གཞུང་འདི་ཡི་ཡང་སྙིང་དགོངས་ནས་རླབས་ཆེན་སྤྱོད་པའི་རྒྱ་མཚོར་ཞུགས།།
ཐེ་བོ་དཀོན་མཆོག་ཤེས་རབ་ཀྱིས།
ཐུགས་བསྐྱེད་མཁའ་ལྡིང་ཕུ་བོས་ཉེར་དྲངས་པས། །
མཚན་དཔེའི་དཀྱིལ་འཁོར་ཉིན་བྱེད་གཞོན་ནུའི་དཔལ། །
རྒྱལ་ཡུམ་དབང་ཕྱོགས་མངལ་གྱི་ཆུ་འཛིན་ལས། །
གྲོལ་བས་འཇིག་རྟེན་དགའ་བདེར་འགོད་ལ་འདུད། །
རང་གཞན་གྲུབ་མཐའ་རྒྱ་མཚོའི་ཕ་རོལ་སོན། །
མདོ་སྔགས་གཞུང་ལུགས་ཆོས་འཁོར་རྟག་ཏུ་བསྐོར། །
ཆེས་སྙིགས་དུས་འདིར་རྒྱལ་བའི་མཛད་པ་ཅན། །
ཐུབ་བསྟན་ཡོངས་ཀྱི་བདག་པོར་བཞེངས་ལ་འདུད། །
གཅན་འོད་འབར།
ཆར་བས་བརླན་པའི་ལམ་ཕྲན་འདི།
སྨུག་པས་དཀྲིས་པའི་རི་ཀླུང་གང་དུ་འཐེན།
འགྲོ་ཞོར་དུ་ཚོད་ཚོད་ལ་ཅི་ཡང་མི་མཐོང་པའི་རྒྱང་ལ་ལྟ་རྒྱུ་ཡོང།
རྒྱབ་མདུན་ནས་འཐོར་ཡོང་བའི་ཆར་ཐིགས་ཀྱིས།
རྐང་པའི་རྡོག་སྒྲ་ལྷན་དུ་རྣ་ལ་གཉིད་འབབ་པའི་སྒྲ་ཞིག་སྒྲོག་པ།
ཁ་ཕྱོགས་བྲལ་བའི་སེམས་པ་འདི་ལ་སེམས་གསོ་བྱེད་པ་དང་འདྲ།
མགར་འཇམ་དབྱངས།
མིག་ཤེལ་ནག་པོ་གྱོན་པའི་རྫིག་ཉམས་ཀྱི་བཟོ་ལྟ།།
སོ་དཀར་འཛུམ་རིས་དྭངས་མོའི་ཧ་ལོ་ཡི་བསུ་སྐྱེལ།།
ཆང་ཤེལ་ཕན་ཚུན་འཐབ་པའི་སིང་སྒྲ་ཡི་སྒྲོབ་ཉམས།།
མི་སེམས་གཡོ་བར་བྱེད་ལྐོག་གྱུར་གྱི་བྱེད་སྒོ།།
སྤྱད་ཀྱང་ཚིམ་པ་མེད་པའི་ཆགས་རྩེད་ཀྱི་འཁུན་སྒྲ།།
བལྟས་ཀྱང་ངོམས་པ་མེད་བའི་འཁྲུལ་སྣང་གི་རོལ་རྩེད།།
མཐོང་ཡང་ངོ་ཚ་མེད་པའི་མིག་ལྗང་གི་རིགས་འདི།།
འབའ་སྲས།
ཁོག་པ་བཤང་གཅིས་གང་བའི་དྲི་མ་འདི་དང་།།
ཀླད་པ་གསེར་གྱིས་བལྟམས་པའི་རྣམ་དཔྱོད་འདི་གཉིས།།
མི་ཡི་ལུས་ཕུང་འདི་ལ་མཉམ་དུ་གནས་པ།།
རྣམ་འབྱོར་གཙང་བཙོག་མེད་པའི་བརྡ་རྟགས་རེད་དམ།།
ཉིན་མོ་ཉི་མའི་འོད་ཀྱིས་འཛམ་གླིང་འཁྱུད་པ།།
མཚན་མོ་མུན་པ་ནག་པོས་ཉེ་ཁོར་བསྒྲིབས་པ།།
གོ་ལ་ས་ཡི་ཁྱོན་ནས་རིམ་གྱིས་འཁོར་བ།།
ཀུན་མཁྱེན་བློ་དང་སྒྲིབ་པ་བསྟན་པ་ཡིན་ནམ།།
ཝཱར་ཎ་བློ་བཟང་ཆོས་གྲགས།
གང་ཞིག་རྣ་བའི་བུ་གར་ལྷུང་ཚེ་ལུས་ཀུན་གཡོ་ཞིང་མཆི་མ་འཛགས།།
གང་ཚེ་འདྲེན་བྱེད་མིག་གི་རིག་ན་དྲན་ཤེས་ཚོར་འདུ་ཀུན་ནས་བརླག།
ཞུགས་ལ་བསྒྲོན་པའི་རྒྱལ་སྲས་དཔལ་བོའི་མཛད་པའི་བརྟུལ་བཞུགས་རླབས་པོ་ཆེ།།
སྐྱོ་བའི་ངག་གི་དབྱངས་སུ་བཀུག་ནས་རྗེས་དྲན་གུས་འདུད་སྙིང་ནས་ཞུ།།
བྲོ་འཚལ།
བྱ་དང་བྱིའུ་གཉིད་དུ་ཡུར་ནས་མཚན་མོའི་ཡུལ་ལྗོངས་ལྷིང་འཇགས་བསྐྲུན།།
བཟོ་རིགས་འཕྲུལ་འཁོར་འགྲུལ་མཚམས་ཆད་དེ་ཁྲ་ཁྲ་གློག་གཞུས་གླིང་འདི་བརྒྱན།།
སྐར་ཚོགས་མང་པོ་གྲལ་དུ་འཚང་ནས་ལྷིང་འཇགས་མཚན་མོའི་མཁའ་མཐའ་བརྒྱན།།
ཅང་མེད་བུ་ང་ཉལ་ཁྲི་སྒང་ན་གཏི་མུག་བཙན་པོས་གཉིད་ལ་བརྫངས།།
ཁ་བའི་རྡུལ་བརྩེགས་ནས།
བཙན་པོ་བློ་བཟང་སེང་གེ་ལགས།
ལྟེ་ཁྲག་བྱེས་ནས་འཐོར་ཀྱང་།།
དུང་བ་བོད་ལ་ཟབ་ནས་ཡོད།།
ཡབ་མེས་བདེ་དོན་སྙིང་ལ་སྐྱོང་།།
གཡུ་ཐོག་བུ།
སྨན་གྱི་བླ་མ་ང་ཡི་ལྷ་སྐལ་ཡིན།།
གསོ་རིག་རྒྱུད་བཞི་ང་ཡི་ཆོས་སྐལ་ཡིན།།
ལྕགས་རིའི་མཐོ་སློབ་ང་ཡི་ཕོ་བྲང་ཡིན།།
དགེ་སློབ་ཡོངས་རྫོགས་ང་ཡི་ནང་མི་ཡིན།།
བྲོ་འཚལ།
ན་ནིང་དོ་ཚིགས་ལོ་ཡི་ཆར།།
ཆང་ས་སུས་རྒྱག་རང་དབང་རེད།།
ཁ་བཙོག་སུས་བཤད་མཛད་སྤྱོད་ཡིན།།
དེ་བས་སྨྱོན་པའི་རྩ་ཧྲལ་ཚོ།།
སུ་རྒྱག་འདི་རྒྱག་གན་ཚོར་མེད།།
སུ་འདེམས་འདི་འདེམས་ཁོང་ཚོར་མེད།།
ཨ་མ་ཡིན་ཡང་ཆང་ས་རྒྱག།
ནམ་མཁའ།
གཞན་གྱི་སྡུག་ལ་དམིགས་པའི་སྙིང་རྗེ་ཆེན་པོ་ལས།།
འཁྲུངས་བའི་འབྲས་བུ་རྒྱལ་སྲས་སེམས་བསྐྱེད་ཉེར་གཉིས་ཀྱི།།
ཕྱུགས་རྫི་ལྟ་བུའི་སེམས་མཆོག་བསྐྱེད་པའི་སྤྱན་རས་གཟིགས།།
མི་ཡི་གཟུགས་ཅན་གངས་རིའི་མགོན་པོ་དེ་ཡིས་སྐྱོངས།།
གཅན་འོད་འབར།
ཆེས་མཐའ་མའི་འབབ་ཚིགས་འདི་ནས།
ཆར་བས་བརླན་པའི་ངོ་གདོང་ལ་བྱིལ་བྱིལ་བྱས་ཤིང།
མཆི་མས་གཤེར་བའི་མིག་ཟུང་ལ་འོ་ཞིག་བྱས།
འགྲོ་ལ་ཉེ་བའི་སེམས་མེད་ཀྱི་རླངས་འཁོར་དེ་དང།
གཡུ་ལུང་་རྣོ་གྲི།
སྐྱེས་ལྷ་ཡུལ་ལྷ་དགྲ་ལྷ་ཚོང་གི་ལྷ།།
འགོ་བའི་ལྷ་དང་སྲིད་པ་ཆགས་པའི་ལྷ།།
ཁྱིམ་གྱི་ལྷ་དང་ཐབ་ལྷ་སྒོ་ཡི་ལྷ།།
བོད་འདི་གྲངས་མེད་ལྷ་ཡི་ཕྱག་གིས་སྐྱོར།།
– གྲོགས་མོ་ཞིག་གི་སྐྱོ་གཏམ་ལས་བཏུས།
འབའ་སྲས།
ཆུ་བོ་རླབས་ཀྱིས་འཕྱུར་བ་དྭངས་ཤིང་།།
ནམ་མཁའ་སྤྲིན་པས་དག་པ་གཙང་ཡང་།།
ལྗོན་ཤིང་ལོ་མ་རྙིད་པ་ལྟ་བུའི།།
ང་ཡི་སེམས་ཀྱི་མཛེས་སྡུག་བོར་སོང་།།
ཤིང་རྟ།
མ་འདྲིས་འགྲོ་བའི་མཛའ་བཤེས་དྲིན་ཆེན་གྱི་བླ་མས།།
ཕྲ་རགས་ཆོས་ཀྱི་གནས་ལུགས་རྗེན་པ་རུ་གཟིགས་ནས།།
ཟབ་དགུ་ལེགས་བཤད་དད་ལྡན་བགོ་སྐལ་དུ་སྩོལ་མཁན།།
གྲུབ་དབང་ལུང་རྟོགས་རྒྱལ་མཚན་སྙིང་དབུས་ནས་དྲན་ནོ།།
དྲི་མེད་ཐུབ་བསྟན་ཡང་སྙིང་ངེས་གསང་གི་གྲུ་ཆར།།
སྐལ་བཟང་གདུལ་བྱའི་ཡིད་ཀྱི་ཞིང་ས་རུ་ཕབས་པས།།
ཉམས་རྟོགས་འབྲས་བཟང་སྨིན་པའི་དམར་སེར་གྱི་འདུས་སྡེ།།
ས་ཆེན་འགེངས་པའི་མཛད་རྗེས་སྙིང་དབུས་ནས་དྲན་ནོ།།
དེ་ལས་མང་བ་། “བླ་མ་ཨ་ཁྱུག་གམ་གྲུབ་དབང་ལུང་རྟོགས་རྒྱལ་མཚན་གྱི་རྗེས་དྲན་དད་པའི་ཆུ་རྒྱུན།” »