དམེ་ཤུལ་འཇིགས་མེད་འོད་ལྡན།
ཁ་བ་གངས་ཀྱིས་བསྐོར་བའི་ཡུལ་གྲུ་ཞིག་ན།།
རང་དབང་ཞི་བདེར་དགའ་བའི་མི་རིགས་ཤིག་གིས།།
རྩམ་སྐྱོ་བལྡག་ཅིང་མ་ཎི་བཟློ་བའི་ཞོར་དུ།།
སྲོག་ཆགས་འབུ་སྲིན་ཚུན་ལ་གནོད་འཚེ་སྤངས་ཡོད།།
ལར་ཞེན་གྱི་མེ་འབར་སྟངས།༼བོད་དོན་སླད་དུ་རང་སྲོག་མེ་ལ་བསྒྲོན་པའི་དཔའ་བོ་དཔའ་མོ་ཚོ་ལ་རྗེས་དྲན་དུ་བསྟབས་པའི་ངག་ཕྲེང་།༽
__ཨ་རིག་དགེ་མཐོང་།
སྲས་གཙང་སྲས་པོས་སྲིད་པའི་ཁམས་འདིར་འཚེ་མེད་ཞི་བའི་ལམ་སྲོལ་བཏོད། །
ད་ལྟའི་དུས་སུ་ཏ་ལའི་བླ་མར་ཀུན་གྱིས་ཞི་བདེའི་དེད་དཔོན་འབོད། །
དེ་ཡི་རྗེས་འཇུག་གདོང་དམར་བོད་ཀྱིས་འཚེ་མེད་ཞི་བའི་དར་ཐག་འཐེན། །
མི་རིགས་བདེ་སྡུག་སྙིང་ལ་བཅངས་ཏེ་ཚེ་སྲོག་དམར་པོས་སྒྲོན་མེ་སྤར། །
མེ་དཔུང་།
གོང་དཀར་ངག་རྣམ།
-མེས་ཚིག་མེར་གཏུགས་ཀྱིས་བདེན་པ་སྒྲོག་པའི་གངས་ཅན་ལྗོངས་ཀྱི་དཔའ་བོ་དཔའ་མོ་ཚོར་ཕུལ་བ།
འཇིལ་དུ་མེད་པའི་མེ་དཔུང་རེ་རེས།
སྲོག་ཟུངས་ཀྱི་འཁོར་རྒྱུན་ཆད་དེ།
སེམས་པ་དང་སེམས་པ་འདྲེས་པའི་གནམ་འོག་ན།
སྙིང་ཁམས་བྲག་ཏུ་བསྟིམས་པའི་ཁྱོད་ཚོ།
འཇགས་དཀའ་བའི་མེ་དཔུང་།
འདི་ལྟར་་་་་བསམ་གྱི་འདུག
རེབ་ཐོག་མདའ།
མེས་དབོན་རྣམ་གསུམ་མཛད་པ་དྲན་བཞིན་དུ།།
མཁན་སློབ་ཆོས་གསུམ་ཡིད་ལ་འཁོར་གི་ཡོད།།
ཀ་ཅོག་ཞང་གསུམ་ལག་རྗེས་ཀློག་ཞོར་དུ།།
རིག་པའི་གཞུང་ལུགས་མཐའ་དེ་རྟོགས་ན་བསམ།།
ཉི་ནུབ་ཀྱི་སེམས།
རྩེ་སྐར།
—མདང་ནུབ་གློ་བུར་ཐོལ་བྱུང་གི་དྲན་ཚོར།
ཐག་རིང་ཕ་ཡུལ་ཕྱོགས་ནས་ཡོང་བའི།།
རླུང་གིས་བཏེགས་པའི་སྐད་ཆ་དེ་ཚོ།།
ལ་ཁའི་ཉི་མ་ནུབ་ལ་ཉེ་ཁར།།
གློ་བུར་དྲན་པའི་ངོས་ལ་བབས་སོང༌།།
ཁེར་རྐྱང་བ། བདེ་མོ་བྱོས།
རྔ་བ་ཀུན་བཟང་སྒྲོལ་མ།
མཚམས་མཚམས་སུ་ཁྱོད་རང་
ཁེར་རྐྱང་ངང་ལམ་ལ་ཆས་དགོས་མོད
ཁྱེད་རང་ཁྱེད་ཀྱི་དོན་དུ་འཚོ་ན་བཟང་
ཡོད་ཚད་ལྐོག་གྱུར་ཞིག་གཏན་ནས་མིན་པས
སྐབས་སྐབས་སུ
སེམས་ཀྱི་མཛའ་མོ་དྲན་པ།
ནམ་མཁའ།
དྲན་པའི་སེམས་ཀྱི་བུ་ཆུང་འཁྱམས་པོ་འདི།།
གངས་རིའི་ལྗོངས་ཀྱི་དབྱངས་ཅན་ངག་གི་སྤུན།།
མཚོ་ཆེན་སྔོན་མོའི་འགྲམ་རུ་འཁྲུངས་པ་ཡི།།
དཔལ་གྱི་ལྷ་མོའི་ཕྱོགས་སུ་ཡང་ཡང་ཤོར།།
སྲབ་སྒྲོག་དྲན་ཤེས་ནན་གྱིས་བསྟེན་ན་ཡང་།།
ཐོགས་མེད་ཚོར་བ་སུ་ཡིས་འགོག་ནུས་སམ།།
མེ་ཡི་འབར་སྟངས།
རླུང་བུ།
ལམ་འདི་ཨ་ཕའི་བཞུད་ལམ་ཡིན་འདྲ།།
ཨ་ཕ་དྲག་པོ་དམག་ལ་ཆས་ཡོད།།
ཐུ་བྷོད་སྙིང་སྟོབས་མེ་རུ་འབར་བའི།།
བདེན་དཔང་རྣལ་མ་མིག་ལ་བསྟན་བྱུང་།།
མེ་རྒོལ།
ཨ་འདུས་མིག་ཆུ།
—ཚོར་བས་གྱེར་བའི་དབྱངས།
མེ་ལྕེ་ལམ་ལམ་གྱིས་འབར་བྱུང་།།
ཚེ་སྲོག་འོད་སྣང་གིས་བཞུད་སོང་།།
སེམས་པ་གྲང་འཁྱག་གིས་བསྡམས་སོང་།།
མིག་ཆུ་ཤམ་ཤམ་གྱིས་བབས་བྱུང་།།
ཕ་ཡུལ་དང་བདག་་་ད་དུང་མ་འོངས་པ།
རེབ་ཐོག་མདའ།
ལྗང་མདོག་ནམ་ཟླ་བཀླུབས་པའི་དུས་ཚིགས་ཤིག་ལ།།
ཟླ་བའི་རྨི་ལམ་བོར་བའི་རྩྭ་ཐང་དེ་ནས།།
ཁ་ཡ་ན་ཟླ་འཛོམས་པའི་གླུ་སྐད་ལྷང་ལྷང་།།
སྐྱིད་པའི་ཉིན་མོ་བོད་ལ་འཆར་རྒྱུ་ཡོད་ན།།
འགུལ་སྐྱོད་ཅིག
སོག་མདའ།
འཕོངས་ཚོས་ས་ལ་འཇོག་སའི་གནས་ཤིག་མ་མཐོང་།།
རྐང་ཐང་ལ་མོ་རྒྱག་པའི་ལམ་ཞིག་མ་རྙེད།།
ལག་པ་བྲང་ལ་བཞག་ནས་འདང་ཞིག་བརྒྱབ་ཀྱང་།།
རྐང་བ་གཉིས་ཀྱི་ཐོག་ལ་ད་དུང་ལངས་མེད།།
ཁ་བརྡ།
དོལ་སྨྱོན།
ཁ་བརྡ། དབྱངས་ཅན་ལྷ་མོའི་ནུ་ཟུང་ལས་འབབ་པའི་འོ་མ་མངར་མོ།
ཁ་བརྡ། འཇམ་པའི་དབྱངས་ཀྱི་རལ་གྲི་ལས་མཆེད་པའི་མེ་ལྕེ་དམར་མོ།
ཁ་བརྡ། ཐོན་མི་མཁན་པོའི་ཟུངས་ཁྲག་ལས་བཞུར་བའི་དབྱངས་གསལ་གྱི་དོ་ར།
ཁ་བརྡ། མེས་པོ་ཚོའི་རུས་རྐང་ལས་ཟགས་པའི་རྣམ་ཤེས་དྲོན་མོ།
ཁ་བརྡ། ཡབ་མེས་ཚོའི་རྔུལ་ཆུ་ལས་གྲུབ་པའི་ཕ་ཁྱིམ་སྨུག་པོ།
ཁ་བརྡ། སྣ་མང་ཤེས་བྱས་བྱུར་བུར་གཏམས་པའི་བང་མཛོད་ཆུང་ཆུང་།
ལོ་མའི་རེ་སྒུག་གི་གཏམ་རྒྱུད།
གཅན་ཡུ་མོ།
དུས་རབས་གསར་བའི་སྐྱ་རེངས་ཤིག་གི་དལ་ལྷོད་མེད་པའི་བཞུར་རྒྱུན་མྱུར་བས།།
བརྩེ་སེམས་བརྒྱུས་པའི་དགུ་ཆུ་སྔོན་མོར་མེ་ཏོག་སེར་ཆེན་མིག་ཆུ་ཤོར་བཞིན།།
གཏན་འདུན་ཟབ་སའི་ལྗོན་ཤིང་སྐམ་པོས་སྙིང་གཏམ་བདུད་རྩི་ཡང་ཡང་འཐུང་ཤོར།།
ལྡེམ་ལྡེམ་གཡོ་བའི་དགའ་ཚལ་ཞིག་གི་དུས་འགྲོས་རླབས་ཀྱི་འགྱུ་བ་རྒོད་སོང་།།
གྲོགས་པོ་གྲོགས་པོ་ཟེར་བ།
གངས་དཀར་རྒྱལ་སྲས།
ནམ་རྒྱུན་མང་མང་འདྲ་བའི་ངོ་ཤེས་ཚོ།།
གལ་ལ་ཐུག་དུས་ཉུང་ཉུང་འདྲ་བ་འདི།།
མི་གཞིིའི་སྲབ་མཐུག་ཙམ་ལས་གཞན་དུ་ནི།།
ཁག་འཇོག་ཁ་གཡར་བྱེད་ས་ཡེ་ནས་མེད།།
རྒྱང་རིང་གི་མཁའ་འགྲོ་མ།
རེབ་ཐོག་མདའ།
སྟོན་གྱི་སྡོང་ལོ་ཟགས་པའི་གཙང་འགྲམ་དེ་ནས།།
མིག་ཆུ་ཆུ་ལ་བསྐུར་བའི་ན་ནིང་ཞིག་ལ།།
ལས་མཐུན་བུ་མོའི་སེམས་ཀྱི་གཏིང་ལ་འཁྲུངས་པའི།།
སྡུག་གི་གཏམ་རྒྱུད་མ་ཁོག་སྨྱུག་ཁར་བཞུར་ཐལ།།
སང་ཞོགས་ཁྲོམ་ན་ཡོད་དམ།
ལྷ་ཆབ་སྦྱིན་པ།
མྱོང་བ་མངོན་གསུམ་གསེར་དང་དངུལ་ལ་འཐིམ་སོང་།།
དངོས་ཡོད་འཚོ་བ་བུད་མེད་ཞལ་གྱིས་བཞེས་སོང་།།
རླུང་བུ་གར་གཡུག་དར་ལྕེ་དེ་རུ་ཟད་པ།།
བདག་གི་རྨི་ལམ་འཇིག་པའི་དཔེ་ཡིས་བཟུང་བཞག།
ཚོར་བས་བྲིས་པའི་སྙན་ཐུང་འགའ།
གཅན་འོད་འབར།
མེ་ཏོག་དང་གཡུ་སྦྲང།
མེ་ཏོག་གི་འདབ་མ་འཐོར་ཤུལ་དུ།
གཡུ་སྦྲང་གི་གླུ་སྒྲ་འཇགས་སོང།
སུས་ཀྱང་གླེང་མ་མྱོང་བ་ནི།
མེ་ཏོག་དང་གཡུ་སྦྲང་གི་གཏམ་རྒྱུད་ཡིན་ལ།
ཁེར་རྐྱང་གི་སྙན་ངག
རྔ་བ་ཀུན་བཟང་སྒྲོལ་མ།
སྤྲིན་ནག་གི་སྨུག་ལོང་ཡོལ་དུས།།
གྲང་རླུང་གི་འཁྱག་གདུང་བཙན་དུས།།
སུན་སྣང་གི་མིག་ཆུ་བཞུར་དུས།།
ཕྱིར་དྲན་ནི་སྐྱོ་བའི་གཞི་མ།།
རྫིང་བུའི་འཁྲིས་ཀྱི་ཆིག་ལབ།
བསམ་གླིང་ཚེ་རིང་ལྷ་མོ།
དྭངས་བསིལ་ཆབ་ཀྱི་མེ་ལོང་རབ་གསལ་ཞིང་།།
ལྗོན་པའི་ཕྲེང་བས་ལང་ཚོ་རབ་ཏུ་ངོམ།།
མཁའ་ཡི་སྤྲིན་དཀར་ཆུ་མོའི་ནང་དུ་གསལ།།
རྫིང་བུའི་མཐའ་རུ་ཆུ་བྱས་བྲོ་གར་འཁྲབ།།
ཨ་མ་་་་་་་དྲན་གདུང་གི་ཀློང་ན།
རེབ་ཐོག་མདའ།
ཕ་ཡུལ་ཞིག་གི་ངོ་གདོང་བོར་བའི་ནུབ་ཕྱོགས་གྲུ་ཁའི་སྡེ་ཞིག་ན།།
ས་མཐའི་ཉི་མས་ཕྱི་ལུས་དྲོད་ཀྱང་མ་ཁྱོད་མེད་པའི་ལོ་ཟླའི་ཁྲོད།།
སྐྱབས་བཅོལ་མིང་གི་ཆོ་ལོ་ལེན་བཞིན་ཉིན་མཚན་ཞིག་གི་ཧྲག་བར་ནས།།
དྲིན་ལྡན་ཨ་མ་སྙིང་ནས་དྲན་པའི་ཚིག་གསུམ་སྙིང་ནས་ཤོར་ནས་ཐལ།།