བསམ་གླིང་ཚེ་རིང་ལྷ་མོ།

༼འདེ་ནི་བྱིས་པའི་དུས་ཆེན་གྱི་ཉིན་མོར་གུས་མོས་སློབ་ཕྲུག་ཚོར་ཆེད་དུ་སྒྲོགས་སྦྱང་ཞུས་པའི་སྙན་ཚིག་ལགས་སོ།༽

གཅེས་ཕྲུག་ཚོ། བོད་གངས་ཅན་གྱི་སོན་རྩ་ཚོ། ང་ཚོས་གྲངས་བྱ་རེ་རེ་བཞིན་ཞིམ་ཞིམ་མངར་མངར་གྱིས་ཕར་ལ་བསྐྱལ་ཏེ། མདུན་ལམ་དང་ཕུག་བསམ་གྱི་དགའ་མ་མདུན་དུ་བསུ་བཞིན། ཤེས་བྱ་ཡོན་ཏན་གྱི་ནོར་བུ་དུ་མ་ང་ཚོའི་ཁོག་ཏུ་བཅུག་བཞིན་ཡོད་ཨང་། བོད་གངས་ཅན་གྱི་ཕ་ཡུལ་དང་བྲལ་བའི་གཅེས་ཕྲུག་ཚོ། བོད་རྒྱལ་ཁབ་ཀྱི་ས་ཆ་ཡོད་ཚད་རྒྱ་དམར་གྱིས་ཁེངས་ནའང་འདྲ། བོད་གངས་ཅན་གྱི་རྒྱལ་ཁང་ཕོ་བྲང་པོ་ཏ་ལར་རྒྱ་ནག་དམར་པོའི་དར་ཆ་བཙུགས་ནའང་འདྲ།

དེ་ལས་མང་བ་། “བོད་གངས་ཅན་གྱི་སོན་རྩ་ལགས།” »

ཅོག་རོང་གི་མྱི།

ཀྭ་ཡེ་ཁོ་བོ་དྲ་ཐོག་སླེབས་ཙ་ན།
ཁ་བརྡ་ནང་གི་མཆན་པ་ཐ་ཐོར་ཚོས།
ག་ཡང་རྐུབ་ཀྱག་མ་བརྟན་མ་ཚུགས་ཞེས།
ང་ཕོད་གནས་ནས་དབྱུངས་ཞེས་ག་ཆད་སྨྲ།

དེ་ལས་མང་བ་། “ཀ་རྩོམ།” »

སོག་མདའ།

ལུས་ཤ་ཁྲག་གཅིག་པའི་ཨ་མྱེ་དང་ཨ་ཁུས།།
དཔའ་ཐེ་ཚོམ་འཇིགས་ཞུམ་སྤུ་ཙམ་ཡང་མེད་པར།།
རྒྱ་དམར་བོའི་མེ་མདའི་སོ་ཁ་ལ་མཆོངས་ནས།།
བོད་གངས་རིའི་རིགས་རྒྱུད་ང་ཚོ་ཡི་ཆེད་དུ་།།

དེ་ལས་མང་བ་། “བོད་མགོ་ནག་ཚང་མ་ཁྱིམ་ཚང་གཅིག” »

རེབ་ཐོག་མདའ།

ཞི་བའི་བཅིངས་འགྲོལ་ཁ་ལ་འཁྱེར་བའི་ལོ་རབས་ལྔ་བཅུའི་སྣེ་མོ་ནས།།
དོན་ཚན་བཅུ་བདུན་མིང་གིས་ལྕིབས་པའི་མེ་མདའ་ཞིག་གི་སོ་ཁ་ནས།།
སྒང་བ་བོད་ལ་འཇབ་ནས་སླེབས་པའི་ཤར་ཕྱོགས་རྒྱ་ཡི་ལག་དམར་ཚོས།།
གཞིས་བྱེས་བོད་པ་ཁ་ཁ་བཟོས་པའི་ན་ཟུག་སྙིང་ལ་བརྐོས་ནས་ཡོད།།

དེ་ལས་མང་བ་། “ང་ཚོ་སད་རན་འདུག” »

གངས་རིའི་སྲས་མོ།

འབྲོག་པ་གྲོང་བསྒྱུར་ཟེར་ནས།། ནོར་ལུག་མེད་པར་བཟོས་སོང།།
ཅང་མེད་ཁང་སྟོང་ཞིག་གིས།། ཁ་ཙམ་གསོ་ཐབས་ཡོད་དམ།།

འཆར་ལྡན་བུ་སྐྱེ་ཟེར་ནས།། བུད་མེད་སྐྱེ་སྒོ་བཀག་སོང་།།
ཕྲུ་གུ་འཕེལ་བ་བཀག་ན།། རིགས་རྒྱུད་ཇི་ལྟར་སྤེལ་ལམ།།

དེ་ལས་མང་བ་། “ལས་འདིར་གཟིགས་པའི་དུས་རེད།” »

བསམ་གླིང་ཚེ་རིང་ལྷ་མོ།

སྡོང་པོ་ལོ་མའི་འཁུར་གྱིས་རབ་ལྕི་ཞིང་།།
ལྡེམ་ལྡེམ་གར་སྟབས་སྤྲོ་བའི་ཤུགས་དང་བྲལ།།
ལྷིང་འཇགས་ནགས་ཀྱི་འཇོལ་མོའི་ཅ་ཅོ་ཡང་།།
མྱ་ངན་གདུང་བས་ཀྱི་ཧུའི་སྒྲ་དང་མཚུངས།།

དེ་ལས་མང་བ་། “མ་བཅོས་ཡིད་ཀྱི་རང་སྒྲ།” »

བཀྲ་ཤིས་དོན་འགྲུབ།

དགོན་མིན་དགོན་པར་བཏགས་པའི་གྲོང་བརྡལ་ནས།།
དབུ་སྐྲ་མཚོན་ལ་དྲངས་པའི་གྲྭ་རྒོད་དག།།
བྱེས་ལ་གཞིས་ཆགས་ཟེར་བའི་གྲོང་གསེབ་ཏུ།།
ངེས་འབྱུང་ཞལ་ཁ་བསྒྱུར་བ་ཇེ་མང་རེད། །

དེ་ལས་མང་བ་། “ངོ་ལོག་པ་སླེབས་ཡོད།” »

——སློབ་གྲྭ་དང་སློབ་གྲོགས་གླེང་བ།

དེ་ལས་མང་བ་། “ཆིག་ལབ་རིང་མོ། ༼ཚན་པ་དང་པོ༽” »

སོག་མདའ་གཡུ་མགོན་པོ་སྐྱབས།

ཕྱི་དྲོ་མཚམས་སྤྲིན་ནུབ་རིའི་ཕར་ཕྱོགས་སུ་ཡོལ་དུས།།
ཨ་མའི་ནུབ་ཚ་སྐོལ་ནས་ཨ་ཕ་ལ་སྒུག་ཀྱང་།།
ཕ་ལོ་ཕྱིར་ཡོང་མེད་པའི་དགོང་མོ་དེ་བསམ་ན།།
ཡ་ཆུང་སྙིང་གི་དཀྱིལ་ལ་ཚ་ཤུར་ཞིག་བརྒྱབ་སོང་།།

དེ་ལས་མང་བ་། “བུ་ལོས་ཕ་ལོར་ཕུལ་བའི་སེམས་འཕྲིན།” »

ས་དཀྱིལ་ཚེ་བཀྲ།

ཉི་མ་འདི་ཚོར། གནམ་ངོ་རབ་རིབ་ཀྱིས་དཔྱིད་རླུང་ལྡང་གིན་འདུག
དཔྱིད་རླུང་ལྡང་བའི་ཉི་མ་འདི་ཚོར། ཉེ་འཁོར་འདིའི་ཡུལ་མི་ཚོས་བསུན་སྣང་དང་ཉམ་ཆུང་གི་མིག་ཟུང་གིས་སུ་ཞིག་ལ་ལེ་བདའ་བྱེད་ཀྱིན། སུ་ཞིག་ལ་དམོད་མོ་གཏོང་གིན། ཡང་ན། མཁར་གྲོང་དང་སྲང་ལམ་གྱི་བཞི་མདོ་རེ་རེ་ན་གཟེབ་ནང་གི་འདབ་ཆགས་ཚོགས་མིག་གིས་འཚོ་བའི་མེ་ལོང་དམར་པོ་དག་མེད་ས་ན། སྐྱོ་སྡུག་གི་མཆི་མ་ཁོག་ལ་བསྙིལ་ནས་སུ་ཞིག་ལ་ངུ་ངག་གིས་མཆིལ་ཞགས་འཕེན་སྙིང་འདུག

དེ་ལས་མང་བ་། “ལྷ་ཚོགས་དྲན་པ། ༼བོད་འབྱོར༽” »

ཁྲོ་གཏུམ།

བློ་རྩེ་མ་འཁྱོལ་བར་ཁྱོད་རང་བརྗེད་དེ་ལོ་མང་འགོར
དོ་ནུབ གནས་ལུགས་མེད་ལ ད་དུང་རྒྱུ་མཚན་ཡང་མེད་པར
ཁྱོད་རང་རྨི་ལམ་དུ་གསལ་ཞིང ད་དུང་དྲོད་ཁོལ་འཛོམས
ཁྱོད་རང་མ་གཞི་ངའི་སེམས་གཏིང་ནས་བརྗེད་ཚར་ཡོད

དེ་ལས་མང་བ་། “དོ་ནུབ ཁྱོད་རྨི་ལམ་དུ་འཁོར” »

ས་དཀྱིལ་ཚེ་བཀྲ། (བོད་འབྱོར།)

ཉག་ཕྲ་བའི་དུས་སུ། ཚེ་སྲོག་ལས་རྩ་ཆེ་བ་གཟི་བརྗིད་ཉིད།①
མེ་ཕུང་། གཅེས་པར་འོས་པའི་ཐ་ཚིག་ཅིག་སྟེ། སྙིང་ཉེ་བའི་མཆུ་སྒྲོས་ལ་འོད་ཀྱི་གོང་བུ་འཛུམ་པའི་མེ་ཏོག་མང་པོས་ཚ་སྡུག་གི་ཀློང་ནས། མཛེས་སྡུག་སྤར་སོང་། ལང་ཚོ་སྤར་སོང་། བདེན་དོན་སྤར་སོང་། མེ་ལྕེ་དྲག་པོ་འབར་བའི་མེ་ཕུང་རེ་རེ་ནི། ཏག་ཏག ཉི་ཟླའི་སྙིང་ལ་ཚི་ལུ་ཆགས་པའི་གཏམ་རྒྱུད་དག མུན་པའི་ཁྲོད་ཕྱེ་མ་ལེབ་ཁྲ་བོ་དག་གིས་སྒྱུ་རྩལ་གྱི་ལམ་ཁར་བདེན་སྣང་འཚོལ་བ་དང་མཚུངས་ཨང་།

དེ་ལས་མང་བ་། “མེ་ཕུང་། མེ་ཕུང་། མེ་ཕུང་།” »

འཁྱམས་པོ།

དུངས་དུངས་ཀྱི་དུངས་པ་ཟབ་པས་་་མར་མེ་འོད་ཆེན།
འབུམ་ཕྲག་གི་རེ་བ་བརྩེགས་པའི་ང་།
འབར་བཞིན་འབརབཞིན་ང་འབར་སོང་།
ངའི་ཨ་མྱེ་འབར་ ཨ་ཕ་འབར་ བུ་ཆུང་འབར་ ཕུ་བོ་དང་ནུ་མོ་འབར།

དེ་ལས་མང་བ་། “མར་མེ་འོད་ཆེན།” »

རྔ་བ་ཀུན་བཟང་སྒྲོལ་མ།

དུས་རབས་གསར་བའི་སྤྱི་ཚོགས་ཟིང་ཆའི་ཁྲོད་དུ།།
ན་གཞོན་གསར་བའི་ཚེ་སྲོག་གཅིག་འབར་གཉིས་འབར།།
ཁ་བ་ཚང་གི་མི་འབོར་གཅིག་རྫོགས་གཉིས་རྫོགས།།
མི་རབས་གསར་བའི་མདུན་ལམ་མ་འབར་རོགས་ཤེས།།

དེ་ལས་མང་བ་། “མ་འབར་རོགས་ཞུ།” »

བཀྲ་ཤིས་དོན་གྲུབ།

གསེར་གྱི་ལྷ་ཁང་ཆེན་པོའི་ནང་ཁུད་ན།།
གསེར་གྱི་སྐུ་འདྲ་ཞལ་རས་འཛུམ་དམུལ་དམུལ།།
གསེར་ཁྲི་སེང་གེས་བཏེགས་པའི་ཡང་སྟེང་གི །
གསེར་ཞལ་ཅན་དེ་ཡིད་ལ་ལྷང་ལྷང་དྲན།།

དེ་ལས་མང་བ་། “སྒྲུབ་ཆེན།” »

མ་སྐྱེས་མེ་ཏོག

མི་རིགས་ཤིག་གི་བདེན་པའི་སྙིང་སྟོབས་སེམས་བསྐྱེད་ཀྱིས་
ཁྱེད་ཅག་གི་རང་གཟུགས་མེ་རུ་འབར་སོང་།
བྱམས་བརྩེ་སྙིང་བོ་ཡིན་པའི་འཚེ་མེད་ཞི་བས་གཏོང་ཕོད་ཀྱིས་
ཁྱེད་ཅག་གི་ཚེ་སྲོག་ཕྲ་མོ་མི་རིགས་ལ་ཕུལ་སོང་།
ཁྱེད་ཅག་གི་སྲོག་གི་དབང་བོ་མི་རིགས་ལ་འཐིམས་པའི་སྙིང་སྟོབས་ཀྱི་
མེ་ལྕེ་འདི་མཛེས་སྡུག་གི་སྟོང་པ་ཡིན།

དེ་ལས་མང་བ་། “ཚེ་སྲོག་རླབས་ཆེན་ཡིན། མེ་ལྕེ་གཟི་བརྗིད་ཡིན།” »

སོག་མདའ།

སྟོད་ཕྱོགས་འབྲོག་གི་སྦྲ་ཁྱིམ་ནང་ནས་ངག་སྐད་རི་ལ་ཤོར་ཉིན་ནས།།
ཕ་མའི་སེམས་ལ་དྲོད་ཁོལ་སྦྱིན་པའི་བུ་མོ་ཆུང་ཆུང་སྙིང་རྗེ་བོ།།
གནག་སྣུམ་སྨིན་མའི་བམ་ཁ་མཐུག་ཀྱང་ཁྲ་ཆུང་མིག་གི་ཆགས་པ་མཛེས།།
འཇམ་ཞིང་ནག་པའི་ནོས་སྐྲ་བསིལ་བུ་རྒྱ་ལྕང་ལོ་མའི་འཁྲི་ཤིང་འདྲ།།

དེ་ལས་མང་བ་། “ངའི་སྲིང་ཆུང་མ། ༼སྨིན་སྣང་མཛེས་ཀྱི་དཔར་ལ་བལྟས་ནས་བྲིས།༽” »

ལྷ་ཆབ་སྦྱིན་པ།

ཡ་གའི་སྟོད་ན་གངས་ཤིག་མཐོང་བ་མེས་པོ་དམ་པའི་བླ་རི་སྟེ།།
དམའ་མོའི་གཤོངས་ན་མཚོ་ཞིག་འཁྱིལ་བ་མ་དང་སྲི་མོའི་མིག་ཆུ་ཉིད།།
བདག་གི་ཕ་ཡུལ་གཞན་ལ་ཤོར་ནས་མི་ལོ་དྲུག་ཅུ་ཧྲིལ་གྱིས་འདས།།
མུན་པའི་བམ་ཁ་དྲག་ཏུ་བྱེར་བའི་སྙིགས་མའི་དུས་ཀྱི་མཐའ་མ་འདིར།།

དེ་ལས་མང་བ་། “དཔའ་བོའི་རྟོགས་བརྗོད།” »

དོལ་སྨྱོན།

གསལ་བྱེད་སུམ་ཅུ་ང་ཡི་ཟུངས་ཁྲག་ཡིན།།
སུམ་རྟགས་དག་གསུམ་ང་ཡི་རུས་རྐང་ཡིན།།
སྙན་ངག་མངོན་བརྗོད་ང་ཡི་མཛེས་རྒྱན་ཡིན།།
ནང་རིག་སྨན་དཔྱད་ང་ཡི་འཇིག་རྟེན་ཡིན།།

དེ་ལས་མང་བ་། “ཚེ་སྲོག་ལ་འཐིམ་པའི་རོལ་དབྱངས།” »

སོག་མདའ།

སྟོད་ཕྱོགས་རྒྱ་གར་ཆོས་ཀྱི་ཞིང་ནས་དཔའ་བོ་ངར་མའི་མེ་ཁ་གསོས།།
སྨད་ཕྱོགས་མདོ་སྨད་ས་ཡི་ཐིག་ནས་མེ་ལྕེ་དམར་བོ་རིམ་གྱིས་མཆེད།།
ཆོལ་གསུམ་གངས་རིའི་རང་མདངས་དེ་ཡང་དམར་བོ་མེ་ལྕེའི་འོད་ཀྱིས་གཏམས།།
ཕ་ས་གངས་རིའི་བདེ་སྡུག་་གཉོར་བཞིན་ཆོལ་གསུམ་སྤུན་ཟླ་གཅིག་ལ་སྒྲིལ།།

དེ་ལས་མང་བ་། “མཐུན་སྒྲིལ་མེ་ལྕེའི་འོད་མདངས།” »