བར་ཕུ་ཕུན་ཚོགས།
ང་བོད་མི་ཞིག་ཡིན་པས།
གངས་ལྗོངས་ང་ཡི་ཕ་ཡུལ་ཡིན།
གངས་ཆབ་ང་ཡི་ཟུངས་ཁྲག་ཡིན།
གངས་རི་ང་ཡི་སེམས་པ་ཡིན།
གངས་ཕྲུག་ང་ཡི་སྤུན་ཟླ་ཡིན།
དབྱངས་ཀྱི་བཞུར་རྒྱུན།
ཨ དོན་ཉི།
____གཞས་པ་ཨ་མཆོག་མགོན་པ་ོདོན་གྲུབ་ཀྱི་གཞས་ལ་ཉན་པ།
༡༽
སྙན་ཞིང་འཇབེས་པའི་དབྱངས་རྟ་མཁྲེགས་པོས།
རི་སྟེང་དང་རི་་ཤོད་དུ་འཁྱིལ་བའི།
སྨུག་པ་དུམ་ཅིག་དལ་བུར་གནམ་ལ་དེད།
ནགས་ཁྲོད་དང་སྤང་ངོས་སུ་ཡན་པའི།
མེས་པོའི་རོལ་དབྱངས་ཤིག་ག་ལེར་སྤྲིན་པར་བཏབ།
ད་དུང་སྒྱུ་རྩལ་གྱི་ཁམས་ན་འཕྱོ་བའི་དབུ་སྐྲའི་རྨ་ཁ།
དྲན་གདུང་གི་གླིང་ན་འབུར་བའི་རུས་པ་དཀར་པོ།
རྨི་ལམ་གྱི་གླུ་དབྱངས།
ཁ་བའི་འབྲོག་མོ།
མཚན་གུང་གདུང་བ་དེའི་རྨི་ལམ་ནས།།
སེམས་ཀྱི་སྙན་ངག་དེ་ཡུལ་ལ་བསྲིངས།།
སྐད་ཅིག་དགའ་བ་འདིའི་སྟོང་འདང་གིས།།
འཁྲུལ་བའི་མི་ཚེ་ལ་གླུ་ཞིག་ལེན།།
རྩྭ་ལྗང་བསིལ་འཇམ་གྱི་སྤང་གཞོངས་དེས།།
བདག་གི་སེམས་པ་ལ་གཡུ་མདོག་མཛེས།།
གསར་བརྗེའི་དཔའ་བོ།
ཟིང་པོའི་བུ།
ཀླད་རྙིང་ཚེར་མས་བསིམ་ལྡན་མཐའ་བཞི་བསྐོར།།
རོ་མྱགས་ལྟ་བས་འདྲེན་བྱེད་རབ་རིབ་གྱུར།།
གཞན་ཅོལ་བློ་ཡི་འགན་འཁྲིའི་འདུ་ཤེས་དོར།།
དམངས་གཙོའི་འོ་མཚོར་དུག་ཆུ་ནག་པོ་དྲངས།།
ཆོས་སྲིད་ལམ་ལུགས་སྟུག་པོས་གཉིད་དུ་ཡུར།།
གསར་བརྗེའི་འོད་ལ་བཙན་པོས་གོས་རྙིང་གཡོག།།
<<རྒྱང་གླུ>>
ཚེ་རིང་།
ཞི་བདེ་རྒྱ་མཚོ་འཁྱིལ་བའི་ཉེ་འགྲམ་གྱི།།
ཆུ་ཡི་སྨུག་པ་འཐིབ་པའི་ཡུལ་ལྗོངས་ནས།།
སྣང་བ་རླུང་གིས་ཁུར་བའི་སྡུག་ཡུས་ཁྲོད།།
རྨི་ལམ་ཞིང་ཁམས་འགྲིམ་པའི་གཏམ་རྒྱུད་ཡོད།།
སྟོན་མཇུག་ལོ་མས་བཀབ་པའི་རྐང་རྗེས་ལ།།
དགའ་སྐྱོ་མིག་ཆུའི་དྭངས་མ་གཏམས་ཀྱིས་འཁྱིལ།།
ཁྲག་དར་དམར་པོའི་འོག་ཏུ་བསྡད་མི་དགོས་པ་ངའི་གཟི་བརྗིད་ཡིན།
ཨེ་མ་ཧོ།
ཀ་བ་བུམ་པ་ཡང་མ་རྩོད།།
ཁ་ཁོག་མཚུངས་པ་ཡི་ཆོས་པ།།
ག་ས་གང་དུ་ལ་སོང་ཡང་།།
ང་ནི་དྲང་བདེན་ལ་གནས་ཡོད།།
ཅ་ཅོའི་འདུ་འཛི་ལ་མ་ཆགས།།
ཆ་ལུགས་སྣ་ཚོགས་ལ་བསྒྱུར་ཀྱང་།།
དེ་ལས་མང་བ་། “ཁྲག་དར་དམར་པོའི་འོག་ཏུ་བསྡད་མི་དགོས་པ་ངའི་གཟི་བརྗིད་ཡིན།” »
བཙན་བྱོལ་བོད་ཀྱི་སྙན་ངག་པ་ཚོར་ཞུ་འབོད།
ས་ནག་གད་པ།
སྙིང་ལ་ཉལ་བའི་དོན་གྱི་ཕྱི་ནང་དག །
སྒྱུ་རྩལ་ཚིག་ལ་བརྒྱུས་པ་འགའ་ཡོད་ན། །
དེ་དེར་གུས་ཕྱག་སྙིམ་པའི་མེ་ཏོག་གི །
ཕྲེང་བ་བརྩེགས་པའི་སྟངས་སྟབས་འབུལ་བ་ཡིན། །
ཚིག་གི་སྤྲོས་པ་ཙམ་ལ་སྙན་ངག་ཅེས། །
ཁ་ཤོམ་འུད་སྒྲོག་བྱེད་པའི་ཅ་ཅོ་དག །
སེམས་དང་གོམ་པ། ད་དུང་བརྩེ་བ།
འབའ་སྲས།
ཁྱེད་ཉིད་ཁོ་ན་བདག་གིས་བསམ་བཞིན་མེད།།
འོན་ཀྱང་ཁྱེད་ཉིད་ཁོ་ན་སེམས་སུ་འཕོས།།
བདག་གི་སེམས་ལ་བདག་པོ་གཅིག་ཡོད་ན།།
དེ་ནི་མ་གསུངས་ཁྱེད་ཉིད་ཡིན་པ་ཤེས།།
མི་ཡི་རྟོག་པ་བསམ་པར་མཐའ་མེད་ཀྱང་།།
བརྩེ་དུང་རྒྱ་རུ་ཚུད་ན་མཐའ་ཡོད་འདྲ།།
ང་ལ་ཁོམ་པ་མེད།
འབའ་སྲས།
འཇིག་རྟེན་འཁོར་བ་འདི་དང་ཁྱིམ་ཚང་གཉིས།།
རང་རང་སྡོད་གནས་ཟེར་ཡང་ཁོམ་མེད་ཡུལ།།
སྐྱེས་ནས་མ་ཤི་བར་དུ་ཁོམ་པ་ཞིག །
རང་ཉིད་ནད་པར་མ་གྱུར་མེད་དོ་ལོ།།
སྤྲང་བོར་རང་གི་ཚོད་ཀྱིས་བརྩི་བྱ་མང་།།
ཕྱུག་པོར་དེ་བས་འདང་རྒྱག་འཆར་གཞི་མང་།།
ཁ་དང་ལག་པ།
བསོད་ནམས་ནོར་བུ།
ཁ་ནས་ཐོན་པ་དེ་བྱམས་དང་སྙིང་རྗེ་ཡིན།།
ལག་གིས་བཟུང་རྒྱུ་དེ་བྱ་ཤ་ཉ་ཤ་ཡིན།།
ཁ་དང་ལག་པ་གཉིས་རིང་ཐུང་མ་སྙོམ་པས།།
སྟོན་པའི་དགེ་སྦྱོང་ཚོ་ཨ་འུ་ནེ་ཙོ་ཡིན།།
ཁ་ཡིས་འགྲེལ་རྒྱུ་དེ་བདག་མེད་བདེན་མེད་ཡིན།།
ལག་ལ་ཐོགས་རྒྱུ་དེ་བདག་འཛིན་བདེན་འཛིན་ཡིན།།
དཀར་ངོགས་འཚོལ་བ།
འབའ་སྲས།
ཁྱེད་ཀྱི་བྲང་གཞོང་ན་མི་དྲོད་ཡོད་ཟེར།།
ང་ཡི་སེམས་གཏིང་གི་འཁྱག་རོམ་མཐུག་གོ །
ཁྱེད་ཀྱི་ཕྱག་མཐིལ་ན་བདེ་སྐྱིད་མངའ་ཟེར།།
ང་ཡི་སྙིང་དབུས་ཀྱི་མྱ་ངན་ལྕི་འོ།།
ཁྱེད་ཀྱི་སྤྱན་ཟུང་གི་ཟུར་མིག་རྣོ་ཟེར།།
ང་ཡི་རུས་རྐང་འདི་མ་ཕུག་ལྷག་ཡོད།།
དཔའ་བོ་དྲན་པའི་ས་སྲོད།
རས་པ།
བྱང་ཕྱོགས་ཀྱི་རི་བོར
བལྟ་འདོད་མེད་པའི་སྤྲིན་པས་འཚང་
སྨུག་པར་གྱུར་བའི་སྤྲིན་པ་ནི་གྲ
དགུན་ལྗོངས སེམས་ཀྱིས་ཐེག་དཀའ་བའི་དེ་རིང
སྨུག་པ་དེ་ད་གཟོད་ངས་ཀྱང་གྲང་རླ
བདག་རང་གི་ཁེ་ཕན་གཅིག་པུར་ལུས་
ཁ་སྟབས་ཕྲན་བུ་དེའང་དེ་ཉིད་ཡིན་
འདོད་པའི་སྒྱུ་རྩལ།
ཨོ་རྒྱན་ཉི་མ།
ཨེ་མ།
མི་ཡུལ་གྱི་མཛེས་སྡུག
སེམས་ཁོང་གི་བདུད་རྩི།
བསམ་དོན་གྱི་རེ་བ།
འདོད་པ་ཡ།
འདོད་པ།
ཇག་ལྷ་མོ།
སྐྱིད་སྲས།
ལུས་ཀྱི་བྲལ་བ་ས་མཐའི་གནས་ལ་གཏད།།
སེམས་ཀྱི་འདུན་མ་ལྷོ་མཐའི་སྤྲིན་ལ་འདྲེས།།
ལུས་སེམས་བར་ཐག་ཕྱེས་པའི་མིག་གོང་གི།།
ཆུ་ཐིགས་རྡོག་པོ་སུ་ལ་འཁྲེང་བ་ཡིན།།
སེམས་པ་འབྲོང་རྒོད་རྫ་རིའི་འཕྲང་ལ་བཞུད།།
སུག་བཞི་རྡོག་སྣེ་གྲུ་གསུམ་རྡོ་ཡིས་རྨས།།
སྐད་འཕྲིན་གྱི་དུས་རབས།
འབའ་སྲས།
དུས་རབས་འདི་ནི་བོད་དགྲ་རྒྱ་ཡིས་བསྐྲུན།།
དགྲ་ཡི་ལག་ཆ་བོད་པས་ལག་བསྟར་བྱེད།།
བོད་པ་ཉུང་བའི་ལག་མཐིལ་ཆུང་ཆུང་ན།།
དགྲ་ནག་མིག་ལ་མེ་ལོང་ཆེན་པོ་བཤམས།།
ལ་རྒྱ་ཅན་གྱིས་མི་རིགས་རྩ་དོན་བཤད།།
ཤེས་ཡོན་པ་ཡིས་རིག་པའི་བགྲོ་གླེང་བྱེད།།
ཁ་པར་རྩེ་བ།
ཟླ་བ་ཆོས་གྲགས།
ཡར་ལངས་དུས་ཁ་པར་རྩེ་རྒྱུ་མིན། །
ལས་གལ་ཆེན་མཐུས་ཤོར་འགྲོ་ཡི་འདུག །
དུས་རྩ་ཆེན་འཕྲོག་བརླག་གཏོང་གི་འདུག །
དོན་མེད་པར་ཉིན་ཕྱེད་རྫོགས་ཀྱི་འདུག །
ཉལ་རན་དུས་ཁ་པར་རྩེ་རྒྱུ་མིན། །
མིག་ཁྲ་ཆུང་རྒྱང་གཟེ་ཤོར་གྱི་འདུག །
མི་རྐྱང་གི་འགྲུལ་བཞུད།
བཀྲ་ཤིས་དོན་འགྲུབ།
གྲིབ་མ་ནག་པོས་མདུན་ནས་མདུན་དུ་བསུ།།
རྐང་རྗེས་རབ་རིབ་རྒྱབ་ནས་རྒྱབ་ཏུ་ལུས།།
བུ་ཡུག་འཚུབ་མས་སྡང་བའི་དགུན་གཞུང་ལ།།
མི་རྐྱང་ལམ་ལ་ཆས་པའི་གཏམ་རྒྱུད་ཡོད།།
སྨུག་པའི་རྒྱ་མཚོ་འཁྱིལ་བའི་ཕ་མཐའ་ནས།།
མེ་ཏོག་ཞིང་ཁམས་བསྐྲུན་པའི་རྨི་ལམ་གྱིས།།
གནམ་ནས་བརྐྱངས་པའི་སྐས་གདངས།
ཀླུ་སྨྱོན་ཧེ་རུ་ཀ
ཏག་ཏག་ཉིན་གུང་ཞིག་ལ།
ཆར་བ་བབས་མཚམས་བཞག་པའི་ཉིན་གུང་ཞིག་ལ།
རི་ཀླུང་ཐང་གསུམ་སྨུག་ཤིག་གེ་ཡིན་པའི་ཉིན་གུང་ཞིག་ལ།
གློག་ཞགས་ཤིག་གི་རྗེས་སུ་འཇའ་ཚོན་སྣ་ལྔ་འཕྲོ་རིམ་འཕྲོར་ཤར་བྱུང་།
ཚོ་དཔོན་དང་ཡུལ་མི་ཚང་མ་རྐང་རྗེན་ཡིན་ལ།
རྒན་རྒོན་དང་བྱིས་པ་ཚང་མའི་ངོ་གདོང་དྲེགས་པས་འཚོས་ཡོད།
གློ་བུར་དུ།
ཡིད་དགའ་བའི་གླུ།
བསམ་གླིང་ཚེ་རིང་ལྷ་མོ།
སྐུ་མཇལ་ན་ཆུ་ཤེལ་དབང་པོ་བཞིན།།
གསུང་ཐོས་ན་དབྱར་རྔའི་སྒྲ་དབྱངས་བཞིན།།
དོན་ཟབ་པ་མཐའ་ཡས་རྒྱ་མཚོ་བཞིན།།
ཚིག་རིན་ཆེན་ནོར་བུས་བྱུར་བུར་ཁེངས།།
ལུང་གཞུང་ལུགས་བཀྲོལ་བ་སྦྲང་ཆར་བབ།།
དོན་གསལ་བ་གངས་དཀར་ལྷེབ་མོ་འདྲ།།
ཁྱོད་ཀྱི་སྐད་ཆ།
རྔ་བ་ཀུན་བཟང་།
——–སྦྲ་ནག་ལ་བྲིས།
ཁྱེད་ཀྱིས་བསྐུར་ཡོང་བའི་སྐད་ཆ།
དམར་བོའི་ཟུངས་ཁྲག་བཞིན་བཞུར་འོང་བས།
ངའི་ཤ་གསེང་རུས་གསེང་ནང་ཐིམ་སོང་།
དེར་བརྟེན།
ངའི་ཅིས་ཀྱང་ཉན་དགོས།