ཆང་སྐྱེས།
དུང་གི་ཟླ་བ་མཁའ་རུ་འཛུམ་དང་ལྷན།།
སེམས་ཀྱི་རྟ་ཕོ་ཕ་ཡུལ་ཕྱོགས་སུ་ཤོར།།
དྲན་འཛིན་མེ་ལོང་ཡུལ་གྱི་དྲིན་ཆེན་མ།།
དོ་ནུབ་དྲན་པའི་གདུང་བ་ཧ་ཅང་ལྕི།།
བསླུ་བྲིད་རླུང་བུ་རྒོད་པའི་གྲོང་ཚོ་ན།།
༧གོང་ས་མཆོག་གི་སྐུའི་འཁྲུངས་སྐར་ལ་ཕུལ།
ཀོ་ལི་གྷལ་གཞིས་ཆགས་གཞུང་པ་ཚེ་དབང་བསོད་ནམས།
བསྐལ་བཟང་སངས་རྒྱས་སྟོང་གི་ཐུགས་ཀྱི་སྲས།།
ཁམས་གསུམ་ཆོས་ཀྱི་རྒྱལ་པོ་སྙིགས་དུས་མགོན།།
གངས་ཅན་མགོན་པོ་བསྟན་འཛིན་རྒྱ་མཚོ་མཆོག །
ངུར་སྨྲིག་གར་གྱི་རྣམ་རོལ་རྟག་བརྟན་ཤོག །
བཅུ་དྲུག་ཟླ་གཞོན་ལང་ཚོ་རྣམ་པར་རྒྱས།།
རང་བཙན་ཚོགས་པར་བསྟོད་གླུ་གངས་སེང་གེའི་ང་རོ།
ཨེ་མ་ཧོ།
ཀི་ཀི་བསོ་བསྭོ་ལྷ་རྒྱལ་ལོ།།
རང་ལས་གཉེན་གཅེས་འཛིན་པའི་སྤུན།།
བཙན་པོའི་གདུང་རྒྱུད་དུང་བའི་གྲོགས།།
རང་ངོ་རང་གིས་ཤེས་པའི་བུ།།
བཙན་པོའི་རྒྱལ་སྤྱི་ངོ་སོ་བསྟོད།།
རང་བཙན་གཙང་མའི་རྒྱལ་ཁབ་ཀྱི།།
དེ་ལས་མང་བ་། “རང་བཙན་ཚོགས་པར་བསྟོད་གླུ་གངས་སེང་གེའི་ང་རོ།” »
ཁྱོད་ཚོ་རེད།
བསོད་ནམས་ནོར་བུ།
ཁུ་ཚུར་དགྲ་ལ་འཕྱར་མཁན་ཁྱོད་ཚོ་རེད།།
ངོ་རྒོལ་གནམ་ས་གཡོ་མཁན་ཁྱོད་ཚོ་རེད།།
ལག་པ་སྤུན་ལ་སྲིང་མཁན་ཁྱོད་ཚོ་རེད།།
གཞིས་བྱེས་གཅིག་ཏུ་སྒྲིལ་མཁན་ཁྱོད་ཚོ་རེད།།
འབོད་སྒྲ་གནམ་ལ་གྱེར་མཁན་ཁྱོད་ཚོ་རེད།།
བསྟོད་དབྱངས་དྲི་མེད་ཤེལ་དཀར།
ཆབ་མདོ་ངག་ཕུན།
མཁྱེན་པའི་གཏེར་ཆེན་རྒྱལ་དབང་ཀརྨ་པ།།
བསྟན་འགྲོའི་དོན་དུ་མཛད་པ་རླབས་ཆེན་སྐྱོང་།།
འགྲོ་བའི་དོན་དུ་ངལ་བ་ལྷོད་མེད་མཛད།།
རྒྱལ་དབང་ཀརྨ་པ་ལ་བསྟོད་དབྱངས་འབུལ།།
ངལ་བ་ལྷོད་མེད་རིག་པའི་གནས་ལ་བརྩོན།།
གུར་མགོན་སྐྱབས་ལ་བསྔོ་སྨོན་ཀུན་བཟང་ལམ་སྟོན།
ཨེ་མ་ཧོ།
ན་མོ་གུ་རུ་པདྨ་ཀ་ར་ཡེ།
མགོན་རྒྱལ་བ་ཀུན་འདུས་ཐུགས་རྗེ་ཅན།།
སྐྱབས་བླ་མ་པདྨ་འབྱུང་གནས་དང་།།
ལྷ་རྩ་གསུམ་ཆོས་སྐྱོང་སྲུང་མ་ཡིས།།
བུ་ཉམ་ཆུང་བར་དོའི་ལམ་སྣ་དྲོངས།།
སེམས་བསམ་པ་བཟང་པོའི་མི་རབས་ཤིག།
དེ་ལས་མང་བ་། “གུར་མགོན་སྐྱབས་ལ་བསྔོ་སྨོན་ཀུན་བཟང་ལམ་སྟོན།” »
འཁྲིག་ཐབས་སློབ་ཁྲིད།
སྐྱོ་བྲག་དགའ་དབང་།
འཛམ་བུའི་གླིང་གི་སྐྱེ་བའི་དངོས་པོ་ཐམས་ཅད་ཕོ་མོའི་རྡུལ་འདུས་པ་ལས་བྱུང་ཞིང་། འགྲོ་བ་མི་ཡང་ཕོ་མོའི་ཁམས་འདུས་པ་ལས་འབྱུང་གིན་ཡོད་ལ། ཕོ་མོའི་ཁམས་འདུས་པའི་ཐབས་རང་བྱུང་ལྷན་སྐྱེས་ཀྱིས་གྲུབ་པ་ནི་འཁྲིག་པ་སྤྱོད་པ་ཡིན། གལ་སྲིད་འགྲོ་བ་མི་སྤྱིའམ་མི་རིགས་བྱེ་བྲག་པ་ཞིག་གི་ཕོ་མོས་འཁྲིག་པ་གཏན་ནས་མི་སྤྱོད་པའི་དུས་སྐབས་ཤིག་ཤར་བ་ཡིན་ན། འགྲོ་བ་མི་སྤྱིའམ་མི་རིགས་བྱེ་བྲག་པ་དེ་འཇིག་རྟེན་འདི་ནས་ཡལ་འགྲོ་བ་ལས་འཚོ་གནས་ཡོང་གི་མ་རེད། དེས་ན་འཁྲིག་པ་སྤྱོད་པ་ནི་རང་གི་རིགས་རྒྱུན་སྤེལ་བའི་རྩ་བ་རང་བྱུང་ལྷན་སྐྱེས་སུ་གྲུབ་པའི་གནས་ཚུལ་ཞིག་ལས་བཙོག་བལྟ་དགོས་པའི་བྱ་བ་ངན་པ་ཞིག་གང་མ་རེད།
འཆི་བ་མི་རྟག་པ།
ཀོང་པོའི་བུ་མོ།
རྟག་བརྟན་མེད་པའི་འཇིག་རྟེན་འདིར།།
ཟང་ཟིང་བྱ་སྤྱོད་མང་ན་ཡང་།།
དེ་རིང་ཚེ་སྲོག་གནས་པ་དེས།།
གཞན་ལ་ཕན་པའི་སེམས་ཤིག་སྐྱེས།།
འཆི་བ་མི་རྟག་ལུས་རྟེན་འདི།།
རེ་སྨོན་སེམས་ཀྱི་འཆར་སྣང་།
ལྷ་ཐོག་འཆི་པོ་རྒྱལ།
བོད་རིགས་ཚོ་ལ་ཕུལ།
གདོང་དམར་པོ་རྩམ་ཟན་བོད་རིགས་ཚོ།།
ཤོག་ཕྱོགས་ལྷུང་ཁྱེད་ཚོའི་བསམ་པ་མིན།།
རང་རིགས་རྒྱུད་བརླག་ལ་ཉེ་བའི་དུས།།
རོགས་ནང་ཚང་མཐུན་ན་རྒྱལ་ཁ་ཡིན།།
ཆུང་འདྲིས་རོགས་ལོ་ཞལ་ཐང་སྒྲོལ་མ་མིན།
ཟླ་གཞོན།
དབྱངས་ཅན་ལྷ་མོ་ཞལ་ཐང་ཞིག།
རྗེ་བཙུན་སྒྲོལ་མ་ཟངས་སྐུ་ཞིག།
རྒྱ་བཟའ་བལ་བཟའ་འཇིམ་སྐུ་ཞིག།
གེ་སར་འབྲུག་མོ་གཏམ་རྒྱུད་ཅིག།
བདེ་བའི་ཡང་སྙིང་རོལ་མྱོང་བའི།།
ཆུང་འདྲིས་རོགས་ལས་མཛེས་པ་སུ།།
ང་སུ་རེད།
རྔ་བ་ཀུན་བཟང་།
ང་རང་སྐྱེས་མ་ཉིད་དུ་ཆ་མེད་ངང་འགྲོ་ཡིན།
ང་རང་སླེབ་མ་ཉིད་དུ་འགག་སོང་།
ངས་བཤད་མ་ཉིད་དུ་གོ་དཀའ་ཤིང་།
ང་འགྲོ་མ་ཉིད་དུ་ཞ་སོང་།
ང་སུ་རེད།
<<རྣམ་ཤེས།།>>
ཀོང་པོའི་བུ་མོ།
ནམ་མཁར་སྤྲིན་ནག་ལྷོག་ལྷོག་འཁྲིགས།།
ས་གཞིའི་སྟེང་དུ་ན་བུན་འཐིབས།།
ཀྱེ་མ་རྣམ་ཤེས་ཡང་པོ་དེ།།
འཇིག་རྟེན་འདི་ནས་བྲལ་བར་སྐྱོ།།
དཀའ་སྡུག་ཆེ་བའི་ལམ་ཕྲན་འདིར།།
སྐུའི་འཁྲུངས་སྐར་བསུ་གླུ
འཇིགས་དབང་པས།
སྐུའི་འཁྲུངས་སྐར་ལ་བསྟོད་པ།
༅༅། ཤེས་རབ་ཀྱི་རྣམ་དཔྱོད་བྱམས་བརྩེ་དང་སྦྲེལ་ནས།།
མཐའ་མེད་ཀྱི་འགྲོ་ལ་ཐུགས་བརྩེ་ཡི་བདེ་སྐྱིད།།
རྣམ་ཀུན་ཏུ་བརྩལ་མཁན་དགེ་སྦྱོང་གི་དཔའ་བོ།།
ཞི་བདེ་ཡི་དེད་དཔོན་བཅུ་བཞི་པ་ཆེན་པོ།།
བསྟན་འཛིན་གྱི་རྒྱ་མཚོར་སྒོ་གསུམ་ནས་བསྟོད་དོ།།
བོད་ཀྱི་སྐད་ཡིག་འདི་ལོ་ངོ་ག་ཚོད་ལ་གནས་ཐུབ་རྒྱུ་རེད་ཨང་།
རྩོམ་པ་པོ། མེ་ལྕེ། ༼གཅན་བཟོད་རྒྱམ་གྱིས་འོས་སྦྱོར་བྱས།༽
ང་ཚོས་རང་གི་ཕ་སྐད་བཤད། ང་ཚོས་རང་གི་ཀ་ཁ་འབྲི།
༡༽ དྲི་བ་འདི་ཀོ་སྤྱི་ལོ2013ལོའི་དགུན་ཁར་མཁས་དབང་ཁང་དཀར་ཚུལ་ཁྲིམས་སྐལ་བཟང་ལགས་ནུབ་བྱང་མི་རིགས་སློབ་ཆེན་དུ་འཆད་ཁྲིད་ལ་ཕེབས་ནས་དེ་གའི་དགེ་སློབ་སྐོར་ཞིག་ལ་བཏོན་པའི་དྲི་བ་ཞིག་རེད། དྲི་བ་འདི་ནི་ཚན་རིག་པས་སའི་གོ་ལའི་ཚེ་ཚད་ལོ་ངོ་ག་ཚོད་ཡིན་པ་ལྟ་བུ་དང་། ཆོས་ལུགས་པས་བསྟན་པའི་གནས་ཚད་ལོ་ངོ་ག་ཚོད་ཡིན་པ་ལྟ་བུའི་དྲི་བ་བརྗིད་པོ་དང་ཆེན་པོ་དང་རྫིག་པོ་དེ་འདྲ་མ་ཡིན་ནའང་།
དེ་ལས་མང་བ་། “བོད་ཀྱི་སྐད་ཡིག་འདི་ལོ་ངོ་ག་ཚོད་ལ་གནས་ཐུབ་རྒྱུ་རེད་ཨང་།” »
ཚ་བོ།
—-ཆང་སྐྱེས།
༼རྒྱ་ནག་གྲོང་ཁྱེར་ན་སློབ་སྦྱོང་བྱེད་བཞིན་པའི་རང་གི་ཚ་བོ་ཞིག་གིས་བསྐུར་ཡོང་བའི་སྐད་འཕྲིན་དང་འདྲ་པར་སོགས་མཐོང་ཐོས་བྱུང་རྗེས།༽
ཚེ་སྲོག་མྱུ་གུ་གངས་རིའི་འདབས་ནས་རྒྱས།།
ལང་ཚོའི་མེ་ཏོག་ཙི་ཎིའི་གྲོང་ན་བཞད།།
མེས་པོའི་སྲོལ་བཟང་བོར་བའི་གླེན་རྟགས་ཀྱིས།།
ཁྱེད་ལ་དུངས་པའི་སེམས་པ་འཁྱག་སོབ་སོབ།།
ཡ་མཚན་གཉིས། ཐན་ལྟས་གཅིག
སེར་ཤུལ་རིན་ཆེན་དོན་གྲུབ།
ཉེ་ཆར་རང་བཙན་བྱོལ་བོད་མིའི་སྤྱི་ཚོགས་སུ་བྱུང་བའི་གནས་ཚུལ་ཡ་མཚན་ཅན་གཉིས་ནི་བསམ་གཞིག་མ་བྱས་རང་བྱས་ཀྱིས་གནད་དོན་ཞིག་རེད། གང་ཡིན་ཟེར་ན་གནད་དོན་དེ་གཉིས་ཀྱི་མི་རིགས་ཤིག་གསོན་གནས་ཀྱི་འཚར་ལོང་དང་འབྲེལ་བ་ཡོད། ཡ་མཚན་གཅིག་བོད་ཀྱི་མཛངས་མས་བོད་ཡིག་བོད་སྐད་མི་ཤེས་པ་དེ་དང་གཞན་ཞིག་ནི་དེ་ལ་རྒྱབ་སྐྱོར་གྱི་རྣམ་པ་སྟོན་མཁན་གྱི་བོད་མི་དག་རེད། ཆེས་སྤྱིར་བཏང་གི་བུ་མོ་ཞིག་གིས་བོད་ཡིག་བོད་སྐད་མ་ཤེས་ན་ཡ་མཚན་རྒྱུ་དེ་ཙམ་མེད། འོན་ཀྱང“བོད་ཀྱི་མཛངས་མ”ཟེར་བའི་མིང་འདི་ཁུར་མཁན་
ནོར་འཁྲུལ་ལ་སྐྲག་པའི་བོད།
ཟླ་སྨུག་པོ།
བསམ་བློའི་འདུ་ཤེས་དང་། ཡུལ་གོམས་གཤིས་ལུགས་ཀྱི་གྲུབ་ཆ་མ་འདྲ་བའི་རྒྱུ་མཚན་གྱིས་མི་རྣམས་ལ་རང་རང་གི་གཤིས་དཔྱོད་མ་འདྲ་བ་རེད་ཡོད་པ་བཤད་མ་དགོས་ལ། བོད་པ་རྣམས་ཀྱང་གནས་སྟངས་དང་ཁོར་ཡུག་ངེས་ཅན་ཞིག་ནས་འཚར་ལོངས་བྱུང་སྟངས་ཀྱིས། ཕལ་ཆེར་སུ་དང་མ་འདྲ་བའི་བསམ་བློ་གཏོང་སྟངས་ཁྱད་མཚར་ཞིག་ཡོད། དེ་ནི་ནོར་འཁྲུལ་ལ་ཧ་ཅང་སྐྲག་ཀྱང་ནོར་འཁྲུལ་སེལ་ཐབས་དང་ནོར་འཁྲུལ་ལས་སློབ་སྦྱོང་བྱེད་སྟངས་ཀྱི་གོམས་གཤིས་མེད་པ་མ་ཟད། རང་རང་གིས་བསགས་པའི་ནོར་འཁྲུལ་གང་དེ་ཅི་ལྕོགས་ཀྱིས་སྦས་གསང་བྱེད་ཐབས་ལ་འབད་པ་དེ་རེད།
ཨ་རོ་ཚོ། ད་བསྡད་ན་བཟང་།
ཁྲོ་གཏུམ།
ད་སྡོད
ཁྱོད་ཚོས་སའི་གོ་ལའི་རྐང་སྣུམ་གཏེད་ནས་རྐང་ཐུང་ལ་གཏུགས་འདུག
ཁྱོད་ཚོས་སའི་གོ་ལའི་ཚུ་ལེན་གཏེད་ནས་འགག་ཐུང་ལ་ཐུག་འདུག
ད་རུང་མུ་མཐུད་དུ་གཏེད་ནས་གང་ལ་ཐུག་འགྲོ
མུན་འོད་ཤན་འབྱེད།
ཁང་ཟླ་སྲས།
—-དྲ་ལམ་བརྒྱུད་གྲྭ་བས་རྐུན་མ་གཅར་རྡུང་བྱེད་པའི་བརྙན་ཐུང་ཞིག་མཐོང་རྗེས་བྲིས།
དང་པོ། སྒྲིག་ཆས་དང་། ཁྱད་ལས་ཀྱི་བར་ཐག
གལ་སྲིད་གྲྭ་བ་ཞིག་ཡིན་ཚེ་ངེས་པར་ཨུ་ཚུགས་དང་བཅས་ཁ་གཏད་གཅོག་དགོས་པ་ནི། ཁོང་ཁྲོ་ཡིན་ནམ། འདོད་ཆགས་ཡིན། ཡང་ན། གཏི་མུག་ཡིན་ཞེས་དྲིས་ཚེ། ང་ཚོས་དེར་ལན་ཇི་ལྟར་རྒྱག་དགོས་སམ། འདི་ནི་དེང་གི་མང་ཚོགས་ཀྱི་མིག་སྔར་ལྷག་པའི་རྒྱུན་ལྡན་གྱི་དྲི་བ་ཞིག་རེད། མང་ཚོགས་མང་པོ་ཞིག་གི་ཇི་འདྲ་ཞིག་ལ་གྲྭ་བ་ཟེར་བའི་དོན་
ང་ལ་དགོས་རྒྱུ་རང་འགོ་ཐོན་ཙམ་མིན།།
རེ་སྨོན།
ང་ལ་དགོས་རྒྱུ་རང་འགོ་ཐོན་ཙམ་མིན།།
བོད་ཀྱི་སྐད་ཡིག་ཤེས་པའི་བུ་ཞིག་དགོས།།
སྐད་ཡིག་སྤུས་དག་ཤེས་པའི་བུ་ཞིག་དགོས།།
ཕ་ལས་བུ་ཕྲུག་ལྷག་པའི་བུ་ཞིག་དགོས།།
ང་ཡི་རེ་བ་ཤེས་ཡོན་ཡོད་ཙམ་མིན།།