སྐྱོ་བྲག་དགའ་དབང་།

 
སངས་རྒྱས་ཤཱཀྱ་ཐུབ་པ་གྲོང་ཁྱེར་ཆེན་པོ་མཉན་ཡོད་ཀྱི་རྒྱལ་བུ་རྒྱལ་བྱེད་ཀྱི་ཚལ། མགོན་མེད་ཟས་སྦྱིན་གྱི་ཀུན་དགའ་ར་བར། དགེ་སློང་བརྒྱད་བརྒྱའི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་ཁྲི་ཉིས་སྟོང་དང་ཐབས་ཅིག་ཏུ་བཞུགས་པའི་ཚེ། དུས་མ་ཡིན་པའི་སྤྲིན་ཆེན་པོ་ཞིག་བྱུང་ནས། ཉིན་ཞག་བདུན་དུ་རྒྱུན་མ་ཆད་པར་དུས་མ་ཡིན་པའི་ཆར་ཆེན་པོ་བབས་ཏེ། དགེ་སློང་རྣམས་ཀྱི་ཟས་ཆད་པར་གྱུར་པས་ཉམ་ཆུང་བར་གྱུར་པ་ན། སངས་རྒྱས་ཀྱི་བཀའ་བཞིན་ཀུན་དགའ་བོས་བསྐུལ་ཏེ། འཇམ་དཔལ་གཞོན་ནུར་གྱུར་པས། མཉན་ཡོད་ཀྱི་གྲོང་ཁྱེར་ཆེན་པོ་ནས། བསོད་པའི་བཟའ་བ་དང་། བཅའ་བ་དང་།

དེ་ལས་མང་བ་། “བླ་གྲྭ་མདོག་ངན་བསྟན་པ་ཉམས་རྟགས།” »

རྔ་བཟའ་བདེ་པོ་འཚོ།

 
དུང་ཕྱུར་གྱི་ཕྱེད་ཀ་ཐོན་པ་(Half A Billion Rising) ཡང་ན་འབུར་ཐོན་རྒྱ་གར་གྱི་བུད་མེད(The Emergence of Indian Women) ཅེས་པའི་དེབ་འདི་ནི། རྒྱ་གར་གྱི་རྩོམ་པ་པོ་ཨ་ནྭེ་རྭོ་དྷ་དྷོ་ཏཱ(Anirudha Dutta) ལགས་ཀྱིས་ཕྱི་ལོ་༢༠༡༣ ནས་༢༠༡༥ བར་ལོ་གཉིས་ཀྱི་རིང་ལ་རྒྱ་གར་གྱི་མངའ་སྡེ་ཚང་མར་ཕྱིན་ཏེ། རྒྱ་གར་གྱི་བུད་མེད་སྤྱི་དང་བྱེ་བྲག་སྐབས་འདིའི་བུད་མེད་ཀྱི་གནས་སྟངས་ལ་བརྟག་དཔྱད་དང་ཞིབ་འཇུག་བྱས་པའི་འབྲས་བུར་བྲིས་པ་ཞིག་རེད་འདུག

ངས་དེ་རིང་ཆེད་དུ་དེབ་འདིའི་སྐོར་གླེང་འདོད་པའི་རྒྱུ་མཚན་ནི།

དེ་ལས་མང་བ་། “དུང་ཕྱུར་གྱི་ཕྱེད་ཀ་ཐོན་པ། (འབུར་ཐོན་རྒྱ་གར་གྱི་བུད་མེད།)” »

རྫ་ཚེ་རིང་བཀྲ་ཤིས།
 
སངས་རྒྱས་ལ་ཕྱག་འཚལ་ལོ།།
དེ་རིང་ངས་སྐད་ཆ་ཞིག་ཤོད་འདོད་སྐྱེས། ང་ལ་བསམ་ཚུལ་འདི་ཡོད་ནས་དུས་ཚོད་གང་འཚམས་འགྲོ་སོང་། དེང་སང་ཡར་ཐོན་ཅན་གྱི་ལག་རྩལ་དང་རྒྱུ་ཆ་སྤྱད་ནས་དགོན་པ་སོ་སོ་དང་མི་སྒེར་སོ་སོའི་བླ་མའི་འདྲ་འབག་གམ་པྲ་བརྙན་(蠟像 wax figure)མང་པོ་བཟོ་གིན་འདུག གུ་རུ་ང་འདྲ་མ་ལྟ་བུ་སྔོན་གྱི་དུས་ན་ཡང་བླ་མའི་འདྲ་བརྙན་བཞེངས་པའི་ལུགས་ནི་ཡོད་ངེས་རེད། འོན་ཀྱང་གུ་རུ་ང་འདྲ་མར་མཚོན་ན། ཚད་དང་མཚན་ཉིད་ཀྱི་ཆ་ནས་འདྲ་ན་ཡང་། རྣམ་པའི་ཆ་ནས་མཚོན་རྟགས་རང་བཞིན་གྱི་བཟོ་ཐབས་གང་ལེགས་སྤྱད་ཡོད་ས་རེད།

དེ་ལས་མང་བ་། “བླ་སྐུ་པྲ་བརྙན་མང་པོ་བཞེངས་པའི་དགེ་སྐྱོན།” »

བེ་རི་རིག་པའི་རྡོ་རྗེ།

 
དེ་རིང་ངས་ཉེ་ཆར་རྡོར་གདན་དུ་འཚོགས་པའི་རྒྱལ་བ་ཇོ་ནང་བའི་དམིགས་བསལ་ཚོགས་ཆེན་ཐེངས་བརྒྱད་པ་དང་འབྲེལ་བའི་སྐོར་ནས་ཅུང་ཟད་ཅིག་གླེང་དགོས་བྱུང་སོང་།

ཕྱི་ལོ་ ༢༠༡༧ ཟླ་ ༡ ཚེས་ ༢ ཉིན། རྒྱ་གར་རྡོ་རྗེ་གདན་དུ་འཚོགས་པའི་རྒྱལ་བ་ཇོ་ནང་པའི་དམིགས་བསལ་ཚོགས་ཆེན་ཐེངས་བརྒྱད་པའི་མཇུག་བསྡོམས་ཐོག བོད་གཞུང་ཆོས་དོན་བཀའ་བློན་ཀརྨ་དགེ་ལེགས་མཆོག་ཆེད་ཕེབས་ཀྱིས། གསུང་བཤད་གནང་སྐབས། “ཇོ་ནང་པར་ཐོབ་ཐང་གཅིག་ཀྱང་མ་སྤྲད་པ་དང་། ཕྱིར་ཕུད་བཏང་བ་ཞིག་མིན་པས་གོ་ལོག་ཐེབས་རྒྱུ་མེད་”ཅེས་གསུངས།

དེ་ལས་མང་བ་། “ཆོས་བརྒྱུད་ཆེན་པོའི་ནང་གི་ཆེན་པོ།” »

—ཐེ་བོ་སངས་རྒྱས།

 
འདས་པའི་ཟླ་ཤས་རིང་ང་དྲ་འཇུག་བྱེད་ལོང་མ་བྱུང་ཟེར་ན་སུའི་རྣ་བར་འགྲོ་མོད། དྲང་མོར་བཤད་ན། འཁྱོངས་ནི་མེད་པའི་ལས་དོན་ཙག་ཙིག་གི་རྐྱེན་པས་ལྷོད་ཤེད་ཀྱིས་དྲ་ཉུལ་བྱེད་མ་ཐུབ་ཐལ། ད་ནངས་ང་ལ་ཐང་ཧྲུའུ་རྩོམ་པ་པོའི་པོད་ཁུག་ལས་ཁོང་གིས་ཉེ་དུས་བྲིས་པའི་བོད་འབྲེལ་རྩོམ་ཡིག་ཅིག་རྙེད་པ་དྲྭ་གྲོགས་ཚོར་ཕྱི་ལོ་གསར་ཚེས་ཀྱི་ལེགས་སྐྱེས་སུ་འབུལ་སྙིང་འདོད།

དེ་ལས་མང་བ་། “ཐང་ཧྲུའུ་རྩོམ་པ་པོའི་ཟིན་བྲིས་གསར་པ།” »

སྐྱོ་བྲག་དགའ་དབང་།

 
ང་ནི་བོད་ཆེན་པོའི་ལྗོངས་ཁམས་ནང་ཆེན་སྐྱོ་བྲག་ཏུ་འཚར་ལོང་བྱུང་བ་ཞིག་རེད། ངས་འཐུང་བའི་ཆུ་བོ་ནི། ཡ་གླིང་ཤར་ལྷོའི་རྒྱུད་ཀྱི་གཙང་ཆེན་ཨང་དང་པོ་མེའི་ཀོང་ཧྥུའི་ཆུ་མགོའི་ཉེ་ལོགས་རེད། གཙང་པོ་དེ་ནི།
རྣོན་པོའི་རྭ་དང་སྡེར་མོ་མཆུ་ཏོ་སོགས། །
འབིག་པར་ནུས་པའི་ཆ་ཤས་ཀུན་སྤངས་ཀྱང་། །
འཇམ་པོར་གསང་ལམ་འགྲིམ་པའི་ཐབས་མཁས་ཀྱིས། །
ནོར་འཛིན་བུ་མོའི་ཕང་བར་ལྷང་གིས་ཐོན། །

དེ་ལས་མང་བ་། “ངའི་འཐུང་ཆུ།” »

ཡ་མ་ཚེ་རིང་།

 
དེ་ཡང་། རང་ཅག་གི་སྟོན་པ་བཅོམ་ལྡན་འདས་སྐུ་མྱ་ངན་ལས་འདས་པའི་ཚུལ་བསྟན་ཏེ། དུས་རིང་པོར་མ་ཐོགས་པ་ན། ཤེར་ཕྱིན་གྱི་མདོ་སྡེ་རྣམས་ལྷ་དང་ཀླུའི་ཡུལ་དག་ཏུ་གདན་དྲངས་ཤིང་། གོ་ལ་འདིར་ཐེག་དམན་ལ་འཆད་ཉན་གྱི་སྲོལ་དར་ཁྱབ་ཆེན་པོ་སོང་བའི་དབང་གིས། ཐེག་ཆེན་གྱི་སྡེ་སྣོད་ལ་ཐོས་བསམ་སློབ་གཉེར་བྱེད་པའི་དོན་གཉེར་ཅན་རྣམས་ནི་ག་ལེར་ལྟག་ཆུ་ཆད་པའི་རྫིང་བུ་བཞིན་དུ་གྱུར་ཏེ། ཐེག་ཆེན་གྱི་བསྟན་པ་ཉམས་དམས་སུ་སོང་བར་བཤད།

ཡང་སྐབས་དེར། ཉན་ཐོས་ཀྱི་དགེ་འདུན་རྣམས་ནི་དབྱར་གྱི་མཚོ་མོ་བཞིན་འཕྱུར་ཞིང་། ཆར་ཤུལ་གྱི་ཤ་མོ་ལྟར་བརྡོལ་ཏེ།

དེ་ལས་མང་བ་། “ཤ་ཚ་བའི་གཏམ་ལ་སྙན་མོ་མེད། ནད་སོས་པའི་སྨན་ལ་ཞིམ་པོ་མེད།” »