བདེན་འཚོལ།

 
༄༅།། དེང་སང་གངས་ལྗོངས་མདོ་སྨད་ཡུལ་གྱི་དགེ་ལུགས་པའི་ཆོས་སྡེ་ཆེ་ཆུང་ཡོངས་རྫོགས་སུ་ཆོ་འཕྲུལ་སྨོན་ལམ་ཆེན་མོ་ཚོགས་བཞིན་ཡོད་སྟབས། ཉེ་འཁོར་གྱི་དད་ལྡན་མང་ཚོགས་རྣམས་དགོན་སྡེ་ཁག་ཏུ་མཆོད་མཇལ་སོགས་ལ་བསྐྱོད་བཞིན་པ་ནི་རྒྱུན་སྲོལ་གྱི་བྱེད་སྒོ་གལ་ཆེན་ཞིག་ལ་བོད་མི་རྣམས་ཀྱིས་ངོས་འཛིན་བྱེད་ཀྱི་ཡོད། མདོ་སྨད་སྟག་ཚང་ལྷ་མོ་ཀིརྟི་དགོན་གྱིས་མཚོན་ཀིརྟིའི་དགོན་ཁག་རྣམས་སུ་ཡང་རྒྱུན་སྲོལ་ལྟར་ཟླ་འདིའི་བོད་ཚེས་བཞིའི་ཉིན་ནས་བཅུ་དྲུག་བར་ཆོ་འཕྲུལ་སྨོན་ལམ་ཆེན་མོ་ཚུགས་བཞིན་ཡོད། སྟག་ཚང་ལྷ་མོ་ཀིརྟི་དགོན་གྱི་ཆོ་འཕྲུལ་སྨོན་ལམ་ཆེན་མོའི་བྱེད་སྒོའི་ཆ་ཤས་བོད་ཚེས་བཅུ་གསུམ་ཉིན་གྱི་གོས་སྐུ་ཆེན་མོ་དང་།

དེ་ལས་མང་བ་། “མཆོད་མཇལ་བའི་དད་མོས་དང་འགྲོ་འདུག་ལ་བཀག་སྡོམ་བྱས།” »

༄༅། །ཨོཾ་ཨཱཿགུ་རུ་སུ་མ་ཏི་ཀིརྟི་མ་མ་སརྦ་སིདྡྷི་ཧཱུཾ། རྒྱལ་ཀུན་ཡེ་ཤེས་ཆོས་སྐུ་འཇམ་པའི་དབྱངས། །ངེས་པ་ལྔ་ལྡན་ལོངས་སྐུ་ཀུན་ཏུ་གཟིགས། །སེང་གེའི་ང་རོ་མཆོག་གི་སྤྲུལ་བའི་སྐུ། །སྐུ་གསུམ་ལྷུན་གྲུབ་དྲུག་པ་རྡོ་རྗེ་འཆང༌། །རྒྱལ་བ་བློ་བཟང་གྲགས་པ་ལ་གསོལ་བ་འདེབས། །བསམ་པ་ལྷུན་གྱིས་འགྲུབ་པར་བྱིན་གྱིས་རློབས། །ལྷུམས་སུ་ཞུགས་དུས་ཡབ་ཀྱི་གཟིགས་སྣང་ལ། །ལྕང་ལོ་ཅན་ནས་གསང་བའི་བདག་པོ་ཡིས། །གསེར་གྱི་རྡོ་རྗེ་འཕངས་པ་ཡུམ་ལ་ཐིམ། །མཁའ་འགྲོའི་ཚོགས་ཀྱིས་ཁྲུས་གསོལ་བྱེད་པ་གཟིགས། །གསང་བདག་རྡོ་རྗེ་འཛིན་དང་དབྱེར་མེད་པའི། །རྒྱལ་བ་བློ་བཟང་གྲགས་པ་ལ་གསོལ་བ་འདེབས། །བསམ་པ་ལྷུན་གྱིས་འགྲུབ་པར་བྱིན་གྱིས་རློབས། །

དེ་ལས་མང་བ་། “༄༅། །རྒྱལ་བ་བློ་བཟང་གྲགས་པ་ལ་གསོལ་བ་འདེབས་པའི་ སྨོན་ཚིག་བསམ་པ་ལྷུན་གྱིས་འགྲུབ་པ་ཞེས་བྱ་བ་།” »

དྲི་མེད་ལྷག་བསམ།

 
བློ་གཟུ་བོ་མིན་པའི་སྐད་ཆ་ལ་ཀུན་གྱིས་སྨོད་པར་འོས། འཛམ་གླིང་འཁྲུགས་ཆེན་གཉིས་པ་མཇུག་མ་བསྡུས་བར་གཏུམ་སྤྱོད་ནི་རྒྱལ་ཁབ་ཀུན་ལ་ཡོངས་གྲགས་རེད། རྒྱལ་ཁབ་སུ་ཡིན་ཡང་གཏུམ་སྤྱོད་མ་བྱས་པའི་ལོ་རྒྱུས་གཙང་མ་ཞིག་ཁས་ལེན་མི་ཐུབ། ཉི་ཧོང་ནི་ལོ་ལྔ་སྟོང་ལྷག་ལ་རང་ས་མ་ཤོར། གཞན་གྱི་བཙན་འོག་ཏུ་མ་སོང་པའི་རླབས་ཆེན་གྱི་མི་རིགས་ཅིག་རེད། ཉི་ཧོང་གི་རྒྱལ་རྒྱུད་ནི་འཛམ་གླིང་ན་ལོ་རྒྱུས་རིང་ཞིང་རྒྱལ་རྒྱུད་བརྟན་བརླིང་དཔའ་མཛང་གི་ཚད་དུ་འོས་པ་ཞིག་རེད། ཉི་ཧོང་ལ་ཡིག་རྨོངས་པ་མེད་ཅིང་དམངས་མི་ཕལ་མོ་ཆེ་སློབ་ཆེན་མཐར་ཕྱིན་རེད།

དེ་ལས་མང་བ་། “༄༅། ། ཉི་ཧོང་ནི་རླབས་ཆེན་གྱི་མི་རིགས་ཤིག་ཡིན།　” »

འདབ་པ་ཚེ་དབང་མགོན་པོ།
 

འཇར་པན་གྱི་དམག་མིའི་སྐོར།

སྤྱིར་བཏང་མི་རིགས་སོ་སོར་རང་གི་ངོ་བོ་མཚོན་བྱེད་ཀྱི་རིག་གཞུང་དང་། དེ་བཞིན་སྐད་ཡིག ཡུལ་སྲོལ་གོམས་གཤིས་སོགས་ཡོད་དགོས་པ་མ་ཟད། དེ་དག་གིས་མི་རིགས་བཟང་ངན་དང་། ཤེས་ཡོན་ཆེ་ཆུང་། སྙིང་སྟོབས་ཆེ་མིན། ལས་ཀ་འཇོན་མེད། གཤིས་རྒྱུད་འཇམ་མིན་སོགས་ཀྱི་རྣམ་གཞག་ཐམས་ཅད་འདི་ནས་འབྱེད་ལ། དེ་མཚུངས་གཞི་རྩའི་ལམ་བུ་འདིའི་བརྒྱུད་ནས། འོ་སྐོལ་ཤར་ཕྱོགས་པའི་མི་རིགས་བྱེ་བྲག་པ་ཞིག་ལ་མ་བརྟགས་མ་དཔྱད་པའི་སྒོ་ནས་གང་ཞིག་སྣང་བ་དག་ལ་གཏམ་ཞིག་མཆིད་ན། ཡ་གླིང་མངའ་ཁོངས་ཀྱི་གླིང་ཕྲན་ཆུང་ངུ་ཞིག་ཏུ་

དེ་ལས་མང་བ་། “ཤར་ཕྱོགས་པའི་ནང་ལ་ཆེས་རྡུགས་ཤོས་དེ་ཉི་ཧོང་ངམ་འཇར་པན་གྱི་མི་རིགས་རེད།” »

[ཕྲན་བཤད། ཁྲོ་གཏུམ།]

ང་ལ་ཕྲན་དཔྱད་ཅེས་པའི་ངོས་ནས་སྙན་ངག་ཅིག་གི་ཚེ་སྲོག་གླེང་བར་སྤོབས་པས་མི་འདང་བས་ན། ཕྲན་བཤད་ཅེས་གླེང་བར་སྤྲོ་སོང་། དཔྱད་པ་ནི་ནམ་ཡང་རང་ཉིད་ཀྱི་ཚོར་ངོས་སུ་འཆར་བའི་ཀློག་ཚོར་དེ་གཅིག་པུ་མ་ཡིན་པར་སྙན་ངག་གི་ཚེ་བླ་སྲོག་གསུམ་ལ་ཤ་ཐིམ་རུས་ཐིམ། ཡང་ན་སྒྱུ་རྩལ་གྱི་ཉམས་འགྱུར་ལ་ངེས་ཆ་གསལ་ཐག་ཆོད་དང་། གནའ་དེང་ཉིས་ཆའི་སྒྱུ་རྩལ་གྱི་ཁྱད་ཆོས་སོགས་སུ་སྦྱང་བ་མི་དམན་པ་ཞིག་མཆིས་ན།

དེ་ལས་མང་བ་། “ཟླ་བའི་འོད་ལ་འཁྲེན་པ་ཞེས་པའི་སྙན་ངག་ཕྲན་བཤད།” »

[ངས་མཐོང་བའི་འཛུམ་ཆུང་དུམ་བུ།]    

ཁ་བ་སྐམ་པོ།

དྭངས་གཙང་ཆུ་མོ་ལྷོད་དང་སིམ་གྱིས་འབབ་དུས།།
སེམས་ཀྱི་བུ་ཆུང་ལུ་གུ་བཞིན་དུ་རྩེད་དུས།།
ཁྱེད་ཀྱིས་གནང་བའི་ལུས་སེམས་མཉེན་མོ་ཞིག་སྟེ།།
བདག་གི་ནང་ནོམ་གོས་ཆེན་འབྲུག་མ་ཞིག་ཡིན།།

དེ་ལས་མང་བ་། “ཁྲོ་གཏུམ་ཀྱིས་སྙན་ངག་ཅིག་ལ་ཕྲན་བཤད་བྲིས་པ།” »

རང་འཚོལ།

 
སྤྱིར་འདྲ་ཞེ་ན་ཆོས་གཉིས་བར་རྣམ་པ་དང་བྱེད་ལས་སོགས་ཅི་རིགས་ཐོག་མཚུངས་ཆ་མང་ན་འདྲ་ཞེས་བརྗོད་པ་ཀུན་གསལ་ཡིན་མོད། འོན་ཀྱང་འདིར་སྐབས་བབ་འདྲ་ཞེས་པ་དེ་ཚིག་གྲོགས་གཞན་དང་སྦྱར་ནས་མིང་དུ་གྲུབ་ཚུལ་གྱི་སྐོར་སྙིང་བསྡུས་ཤིག་བཤད་འདོད།
ཡོངས་གྲགས་སུ་བོད་ཀྱི་སྐད་ཡིག་ལ་སྐུ་འདྲ། འདྲ་སྐུ། འདྲ་སྤར་རམ་འདྲ་པར། འདྲ་ཆོས་སོགས་མིང་ཚིག་གང་ཞིག་གི་སྔོན་རྗེས་གང་རུང་ལ་འདྲ་ཞེས་སྦྱར་ཏེ་གྲུབ་པའི་ཐ་སྙད་གཏན་ཚུགས་པ་མང་དག་ཅིག་ཡོད་གསལ་རེད། དེ་ཡང་སྐུ་འདྲ་དང་འདྲ་སྐུ་ནི་སངས་རྒྱས་བྱང་སེམས་དང་ལྷ་སྲུང་སོགས་ཀྱི་སྐུ་གཟུགས་དངོས་དེ་མིན་ཡང་། དེ་དག་དང་མཚུངས་པས་སྐུ་འདྲ་དང་འདྲ་སྐུ་ཞེས་བཏགས་ཡོད།

དེ་ལས་མང་བ་། “{འདྲ་ཞེས་པའི་ཐ་སྙད་གླེང་བ།}” »

ལྕང་ཞབས་འགྱུར་མེད་ཚེ་དབང་།

 
རིག་གཞུང་ཕ་མཐའ་མི་མངོན་བྱང་ཐང་ལ། །
ཨུ་ཚུགས་གོམ་པས་འཇལ་ན་ཨ་ཐང་ཆད། །
བློ་དང་ཐབས་ཀྱི་འཕྲུལ་ལ་བརྟེན་གྱུར་ཏེ། །
དོན་གྱི་གསང་ལ་ཤུགས་ཀྱིས་བགྲོད་ཚུལ་བཤད། །

དེ་ཡང་དཔེ་ཆ་ལྟ་སྟངས་ཀྱི་རྣམ་བཤད་འདི་ལེ་ཚན་དུ་བགོས་ནས་འཆད་པ་ལ།

དེ་ལས་མང་བ་། “དཔེ་ཆ་ལྟ་སྟངས་རྣམ་པར་བཤད་པ་དཔྱིད་འགོ་མའི་ཆར་ཐིགས།” »

སྐལ་བཟང་དོན་གྲུབ།

 
ཟླ་འདིའི་ཚེས་༡༥ ཉིན་ཡུ་རོབ་ཀྱི་རྒྱལ་ཁབ་སུད་སིར་རྒྱ་ནག་གི་སྲིད་འཛིན་ཞི་ཅིན་ཕིང་གཞུང་འབྲེལ་སྐོར་བསྐྱོད་དང་འབྲེལ། ཐེངས་དང་པོར་རྒྱ་ནག་གི་སྲིད་འཛིན་ཞིག་འཛམ་གླིང་དཔལ་འབྱོར་ལྷན་ཚོགས་ལ་མཉམ་ཞུགས་བྱེད་པར་འབྱོར་ཡོད་པ་རེད། སྲིད་འཛིན་ཁོང་སུད་སིར་མ་འབྱོར་སྔོན་ནས། སུད་སིའི་གཞུང་འབྲེལ་མི་སྣ་དང་སུད་སིའི་བོད་མིའི་འགོ་ཁྲིད་བར། བོད་མིའི་ངོ་རྒོལ་ལས་འགུལ་དང་འབྲེལ་བའི་གྲོས་མོལ་བྱུང་ཡོད་པ་དང་། གྲོས་མོལ་དེ་ལས་བོད་མི་རྣམས་ཀྱིས་སྲིད་འཛིན་ཞི་ཅིན་ཕིང་སུད་སིའི་རྒྱལ་ས་བྷེན་དུ་ཉིན་རྒྱབ་མ་འབྱོར་སྔོན་ལ་ཆུ་ཚོད་གཉིས་ཀྱི་རིང་ལ། སུད་སིའི་གྲོས་ཚོགས་ཀྱི་ཁང་བརྩེགས་ལས་རྒྱང་ཐག་རིང་བའི་འཁྱམས་ར་གྲུ་བཞི་མ་ཞིག་ལ་ངོ་རྒོལ་བྱ་རྒྱུ་ཡིན་ཁར།

དེ་ལས་མང་བ་། “སུད་སི་གཞུང་གིས་བོད་དོན་ཁྱབ་བསྒྲགས་བྱས་པར་བཀའ་དྲིན་ཆེ།” »

ཡ་མ་ཚེ་རིང་།

 
དེ་ཡང་། ཡི་ཤུའི་སྟོན་པ་མ་ཤི་ཀའི་འཁྲུངས་ལོ་དང་འབྲེལ་བའི་ལོ་འཁོར་བརྩི་སྟངས་འདི་ལ། ཡི་ཤུའི་ལོ། དབྱིན་ཇིའི་ལོ། སྤྱི་པའི་ལོ། ཕྱི་པའི་ལོ་སོགས་བརྗོད་པ་མི་འདྲ་བ་དུ་མ་ཞིག་ཡོད་པས། ཐ་སྙད་དེ་དག་གི་འཕེལ་རིམ་དང་། ཐ་སྙད་དེ་དག་ལས་ང་ཚོས་གང་ཞིག་སྔར་སྤྱད་མྱོང་བ་དང་། ད་ལྟ་གང་ཞིག་སྤྱོད་ཀྱིན་ཡོད་པ་དང་སྤྱད་ན་འོས་འཚམས་ཡིན་ཞེ་ན།

ལོ་རྒྱུས་དང་འབྱུང་ཁུངས་རང་ལ་གཞིག་ཚེ་ལོ་བརྩི་ཚུལ་འདི། ཐོག་མར་ཡི་ཤུའི་སྟོན་པ་འཁྲུངས་ལོ་ནས་མགོ་བཙུགས་པ་ཞིག་ཡིན་འདུག་ལ།

དེ་ལས་མང་བ་། “ཕྱི་ལོ་དང་སྤྱི་ལོ་གང་ཞིག་བྲིས་ན་གཅིག་གྱུར་ཡོང་།” »