Hundred Verses: Poetry of an Ordinary Person
献给金刚瑜伽母之诗歌（中译文）
ཀླུ་སྨྱོན་ཧེ་རུ་ཀ
སྐྱེ་བ་སྐྱེ་བར་གསེར་མདོག་གི །
ཞིང་གྲོང་ཉུལ་བའི་རླུང་བུར་ཤོག །
རླུང་བུ་དེ་ཡིས་བསྐལ་པའི་བར། །
གང་སར་འཁྱེར་བའི་དྲི་ཞིམ་ཤོག །
May I be born, life after life as the wind
That breezes through golden villages.
May I be the fragrance that for eons
The breeze carries in all directions.
祈愿生生世世吾生如
金色谷地漂泊之微风
生如千劫不散之芳馨
随风渐飘散遍满四方
*

དེ་ལས་མང་བ་། “སོ་སྐྱེའི་སྙན་ངག་བརྒྱ་བ་སྐད་གསུམ་ཤན་སྦྱར།” »

དོལ་སྨྱོན།

༡
རང་གི་རྐང་པར་རང་ཉིད་ལངས་པ་དང་།།
རང་གི་སྣ་ཐག་རང་མགོར་དཀྲི་བ་དང་།།
རང་གི་དགེ་རྒན་རང་ཉིད་བྱེད་པ་ཡིས།།
མ་འོངས་དོལ་པོའི་སྒལ་ཚིགས་སྦོམ་པར་ཤོག།

༢
ལྟ་བའི་མིག་ཟུང་ཆེས་ཆེར་གདངས་པ་དང་།།
སྙོབ་པའི་ལག་ཟུང་ཀུན་ནས་བྲེལ་བ་དང་།།
བསམ་པའི་སྒོ་མོ་རབ་ཏུ་ཡངས་པ་ཡིས།།
མ་འོངས་དོལ་པོའི་ཕྲག་རྒྱ་ཡངས་པར་ཤོག།

དེ་ལས་མང་བ་། “དོལ་སྨོན་ཉེར་གཅིག་མ་བཞུགས་སོ།།” »

ཀླུ་སྨྱོན་ཧེ་རུ་ཀ

“བདག་ལ་ལྷ་ཁང་ནང་དུ་ཆང་འཐུང་ཆུགས། །མིན་ན་དཀོན་མཆོག་མེད་པའི་གནས་ཤིག་རྗོད། །”
–མིར་ཟ་སྒ་ལེབ།

དེ་ལས་མང་བ་། “མིར་ཟ་སྒ་ལེབ་ལ་བྲིས་པའི་སྙན་ངག་བརྒྱ་བ།” »

ཚེ་དབང་བསོད་ནམས་།

ཀུན་ཁྱབ་འགན་འཁུར་གཞན་ཕན་བྱང་ཆུབ་སེམས་།
ཁ་ཙམ་མིན་པའི་དོན་དངོས་ལག་ལེན་ཟབ་།
གང་ལ་བསྟེན་ན་མི་བསླུ་དཀོན་མཆོག་གསུམ་།
ང་ཚོ་ལས་ཅན་ནང་བསྟན་མཇལ་བ་བཟང་།

ཅ་ཅོ་མ་མང་རང་སེམས་སྲུངས་ན་དགའ་།
ཆ་ལུགས་མ་དོར་ཕ་མེས་རྒྱུད་འཛིན་དགོས་།
ཇ་ཆང་ཟས་བཅུད་ལུས་ཀྱི་དྲན་ཤེས་རྒྱས་།
ཉ་ཕག་གོང་གསུམ་སྡིག་པའི་ཨ་ཞང་རེད་།

དེ་ལས་མང་བ་། “ཀ་བཤད་ཀུན་ཁྱབ་འགན་འཁུར།” »

༊གཟི་མིག

གཡང་མཚོར་བཟའ་ཟླ་མེད་པའི་གཏམ་བཟང་འདིས།།
བོད་ཁམས་ས་གཞི་དུ་མར་གཡོ་འགུལ་བཏང་།།
སྟག་ཤར་ང་ཡིན་ཟེར་བཤད་མི་ལྡོམ་འགས།།
གཡང་མཚོ་གནའ་མ་ལེན་རྒྱུའི་སྟོང་བསམ་བཅངས།།

གཡང་མཚོའི་སྐད་ངག་སྙན་མོའི་འགྱུར་ཁུགས་དང་།།
མཚར་ལྡན་འོད་སྟོང་འབར་བའི་སྐུ་ལུས་ལ།།
ལང་ཚོ་སེར་བས་བཅོམ་པའི་རྒན་པོ་ཡང་།།
མ་འོངས་འཆར་གཞི་གསར་བའི་འོད་སྣང་བསྩལ།།

དེ་ལས་མང་བ་། “གླུ་མ་གཡང་ཕྱུག་མཚོའི་དགའ་རོགས།” »

རྒྱ༌ཤོད༌བུ༌ཆུང༌དར༌རྒྱས།

བརྩེ༌ལྡན༌ཟླ༌མོ༌ཕྱོགས༌ལ༌སོང༌ཤུལ།།
ཟླ༌མེད༌ཨ༌བུ༌ཁེར༌མ༌ལྷག༌དུས༎
ནང༌གི༌ཨ༌མ༌དྲན༌པའི་རྦ༌རླབས།།
ཡིད་ཀྱི་མཚོ་ལས་རབ་ཏུ་འཕྱུར་སོང་།།

རྒྱ༌མཚོའི༌གཏིང༌ལ༌རིན༌ཆེན༌དོ༌ཤལ༎
སྙིང༌གི༌མཐིལ༌ལ༌ནོར༌བུ༌ཆ༌གཅིག།
ཚེ༌སྐལ༌འདི༌ཡིི༌ནོར༌བུ༌རང༌འགྲིག།
མ༌དང༌བུ༌མོ༌ཚེ༌འདིའི༌སྙིང༌པོ།།

དེ་ལས་མང་བ་། “༼ ནང༌གི༌ཨ༌མ༌དྲན༌པ།། ༽” »

དགའ་ཕྲུག

མི་སེམས་མི་ལ་ཆགས་པའི་གཏམ་རྒྱུད་ལས།།
དགའ་སྡུག་འདྲེས་མའི་ལེའུ་སྣ་ཚོགས་ལྡན།།
བློ་འདྲིས་སེམས་ཀྱི་མི་སྣ་གལ་ཆེན་དེར།།
ཚེ་འདིའི་འགྲོ་འདུག་ལས་ལ་མཉམ་འཇུག་བྱས།།

དགའ་དུས་དགའ་བའི་ངོ་འཛུམ་བསུ་རེས་བྱས།།
སྡུག་དུས་མྱ་ངན་ཐང་ལ་མཉམ་འཛོམས་བྱས།།
སྐྱིད་སྡུག་འཇིག་རྟེན་ཆོས་ཉིད་རང་བཞིན་འདིར།།
གཏན་གྱི་འཚོ་བའི་རོལ་བྱ་གཅིག་ཏུ་འདུས།།

དེ་ལས་མང་བ་། “ནམ་ཟླ་དབྱེར་མེད་ཀྱི་བརྩེ་དུང་།” »

དགའ་བ་མཇེ་ཕྲུག

བཞུད་པའི་ཆུ་མོའི་དབྱངས་ནི་རྣ་ལ་སྙན།།
སྐྱིད་པའི་ནམ་ཟླའི་འགྱུར་ཁུགས་བློ་ལ་བབས།།
སྡུག་པའི་ལྷ་མོའི་སྐུ་ནི་སེམས་ལ་སིམས།།
མཛེས་སྡུག་རང་བཞིན་ལྡན་པའི་ཞིང་ཁམས་འདྲ།།

དབྱར་གྱི་ལྷགས་རླུང་འཇམ་པོ་དལ་གྱིས་ལྡང་།།
སྐྲ་ལོའི་འོག་ནས་སྨིན་མ་ཀེམ་ཀེམ་བྱས།།
བཞིན་བཟང་དུང་ཟླ་ལྟ་བུའི་ཉམས་འཇོ་ལས།།
ལང་ཚོ་དར་ལ་སོན་པའི་མཛེས་སྡུག་མངོན།།

དེ་ལས་མང་བ་། “མཛེས་མ་དང་རང་བྱུང་།” »

དགའ་ཕྲུག་ནས།

བོད་པའི་མི་ལ་རྣམ་རྟོག་མང་དྲགས་ཏེ།།
བུད་མེད་ཐོག་ལ་བཞགས་ན་བཙོག་ཚུལ་བཤད།།
འདོད་ཆགས་གཞན་ལས་ཆེ་བའི་མི་རིགས་ིའདིར།།
འདོད་པའི་ལོངས་སྤྱོད་མི་ཤེས་ཡ་རེ་མཚན།།

མཇེ་དང་སྟུ་གཉིས་ཐུག་རེས་བྱེད་ཙམ་དང་།།
ཁུ་བ་དཀར་པོ་ཕྱི་ལ་དོན་ཙམ་གཉིས།།
འཁྲིག་པའི་བདེ་བ་དེ་ཙམ་མ་ཡིན་པས།།
བོད་རིགས་ཀུན་གྱིས་ཤེས་དགོས་ཨ་རོ་ཚོ།།

དེ་ལས་མང་བ་། “ཤེས་པར་བྱོས།” »

སད་ཀྱིས་བཅོམ་པའི་མེ་ཏོག།

ཡིད་སེམས་ཁྱེད་ལ་གཏད་པའི་ཡིད་ཆེས་རེ་རེ
མིག་ཟུང་ཁྱེད་ལ་ཕྱོགས་པའི་མིག་ཆུའི་རྡོག་པོ་རེ་རེ
རེ་བའི་དྲོད་མ་ཡལ་བའི་བྲང་གཞུང་ནས་བཞུད་སོང་།
སྤྲོ་སྣང་གི་མེ་ཏོག་གང་སར་བཞད་པའི་ངའི་སེམས་པ།

དུས་བཞིར་འཛུམས་མདངས་ཀྱིས་ཕྱུགས་པའི་ངའི་ངོ་གདོང།
ད་ཆ་མཇའ་མཚོན་བཞིན་ཆ་མེད་དུ་ཡལ་སོང།
སིལ་སྤོལ་རྩེད་ཐང་དུ་རྡབ་པའི་ཐག་སྒྲ་ཐོས་ཐེངས་རེར
ངེད་གཉིས་ཀྱིས་ཆེས་ཐོག་མར་ཆ་མི་ཚང་བའི་སྒྲུང་གཏམ་འདིར།

དེ་ལས་མང་བ་། “ངས་ཁྱེད་ལ་བདེ་སྐྱིད་ཡོང་བར་སྨོན།” »

ཁྲོ་གཏུམ།

སྐད་དང་ཡུལ་སྲོིལ་གྱིས་བཙན་འཛུལ་བྱེད་སའི་མཁའ་དབུགས་སུ
ངའི་རྐང་པའི་གོམ་ཁ་འཁྱར་མ་འཁྱོར
ངའི་མགོ་རྣའི་ལ་རྒྱ་བདེན་མ་བདེན
དལ་བུར་བསྐྱོད་ཅིང་ཤུགས་ཀྱིས་ལྡིང་བའི་སྙིང་གི་འཕར་རྩ

ངས་འབྲོང་གི་ཕ་ས་ནས་བྱིས་དུས་ཀྱི་རྩེད་ཆས
གཞོན་དུས་ཀྱི་རྩེད་རོགས་དགོད་རོགས
ཡུལ་སྲོལ་གཤིས་ཀར་འཁོར་བའི་ངའི་ལས་དབང་གི་དབྱངས
ཡོད་ཚད་ས་མཐའི་རྨི་ལམ་ངོས་སུ་འཁྲིད་ཅིང

དེ་ལས་མང་བ་། “ང་ནི་འབྲོང་གི་ཕ་ས་ནས་ཡོང་བ།” »