མགལ་དུམ།
 
ཕན་ཚུན་གསལ་ཆ་སྤུ་ཙམ་མེད་དུས་སུ།།
བཙན་དང་དབང་ཡོད་འཇིགས་སྐུལ་མ་ཡིན་པར།།
དགོད་སྒྲ་འཛུམ་འཛུམ་ཁྲོད་ནས་མཇལ་བ་ཡིན།།
ཐུག་འཕྲད་ནོར་བ་ཡོད་ན་ཁྲིམས་ལ་གཏུགས།།

སྣང་བར་འགྲོ་བའི་སྐད་ཆས་འགོ་བརྩམས་ཤིང་།།
ཡིད་ལ་ཟུག་པའི་མིག་བརྡས་མཇུག་སྐྱོང་བཞིན།།

དེ་ལས་མང་བ་། “བརྩེ་དུང་ནོར་བ་ཡིན་ན་ཁྲིམས་ལ་གཏུགས།” »

ཤར་ཕྱོགས་ཁུག་རྟ།
 
མཆོད་བརྗོད།

ཁྲི་ཆེན་ཏི་སེ་གངས་ཆེན།།1
གངས་ཅན་བོད་ཀྱི་བླ་རི།།
དམ་ཚིག་༧མགོན་ལ་དཀར་པས།།2
གུས་ཕྱག་ཁྱོད་ལ་ཤོར་སོང་།།

བསྟོད་གཞུང་དངོས།

བརྩེ་ཆེན་ས་སྐྱའི་རི་ན།།

དེ་ལས་མང་བ་། “བདག་མོ་བསོད་ནམས་དཔལ་སྐྱིད་ལ་བསྟོད་པ་སྟག་ཤར་གཞོན་པའི་སྣང་བ།” »

རྔ་བ་ཀུན་བཟང་།

བུ་མོ་འཁྱགས་པོ་ཞིག་ཀུན་བཟང་སྒྲོལ་མ།།
བུ་ཕོ་རིག་རྒོད་ཞིག་སེར་རྡོར་རིན་ཆེན།།
ལེ་བར་སྟོང་ཕྲག་གི་ཕ་རོལ་ཞིག་ནས།།
རྨི་ལམ་ཆུང་ཆུང་ཞིག་རྨིས་ན་ཨེ་ཆོག།

རེ་བ་ཆེ་ཆེ་ཞིག་སེམས་ན་ཡོད་ཀྱང་།།
ལས་དབང་ཆུང་ཆུང་ཞིག་རྒྱང་ལ་ཤོར་བས།།

དེ་ལས་མང་བ་། “རྨི་ལམ་ནང་གི་མཛའ་བོ།” »

ཆབ་མདོ་ངག་ཕུན་གྱིས།
 
བོད་མི་རིགས་དཀའ་སྡུག་དངོས་ཡོད་རྣམས།།
ཐུགས་ཞུམ་མེད་སྙན་ཞུ་ཁྲི་བདུན་ཞིག།
རྒྱ་དམར་པོའི་མདུན་དུ་ཕུལ་བར་མཛད།།
དེས་རྐྱེན་པས་དམར་པོས་བཙོན་དུ་བཅུགས།།

རྒྱ་དམར་པོའི་བཙོན་ནང་བཞུགས་དགོས་ཀྱང་།།
ཐུགས་ཞུམ་པ་མེད་པའི་བདེན་དོན་རྩད།།

དེ་ལས་མང་བ་། “པཎ་ཆེན་ཆུང་སྲིད་དྲན་པའི་འཁྲུངས་སྐར་བསུ།” »

རྔ་བ་རྒྱལ་ཁམས་པ།

༈ ༀ་སྭ་སྟི། རབ་འབྱམས་རྒྱལ་བ་ཀུན་ཀྱི་མཁྱེན་བརྩེའི་མདངས།།
དཀར་འཇམ་མཚན་དཔེའི་ཕུང་བོར་གསལ་བའི་ལྷ།།
སྤྱན་རས་གཟིགས་དབང་ཐུགས་རྗེ་རྒྱ་མཚོའི་དཔྱིད།།
རོང་ཆེན་ཆོས་རྗེའི་ཞབས་ལ་གསོལ་བ་འདེབས།།

ལྟ་བ་ནམ་མཁའི་མཐའ་ལ་འཛེགས་གྱུར་ཀྱང་།།
སྤྱོད་པ་རྒྱལ་བསྟན་སྤྱི་ཡི་གཉེན་གྱུར་པ།།

དེ་ལས་མང་བ་། “༅༅།། ཞྭ་སེར་བསྟན་པའི་མཛེས་རྒྱན་འབྲས་རོང་པོ་ཆོས་རྗེ༧སྐྱབས་མགོན༧ཀིརྟི་རིན་པོ་ཆེའི་ཞབས་བརྟན་དུ་གསོལ་བ་འཆི་མེད་བདུད་རྩིའི་དབྱངས་སྙན་ཞེས་བྱ་བ།།” »

དགེ་བསྟན།

སེམས་པ་བཟང་བས་བརྩེ་བའི་མིག་གིས་ལྟ།།
གཤིས་ཀ་འཇམ་པས་སྙན་པའི་ངག་གིས་བསུ།།
རྣལ་འབྱོར་མ་ཡི་རིགས་ལས་མཆེད་པ་ཡི།།
བལ་ཡུལ་བུ་མོ་སེམས་ཀྱི་མེ་ཏོག་ཡིན།།

གཟུགས་བྱད་བཟང་བས་སེམས་པ་དབང་མེད་འཆོར།།
བཞིན་རས་མཛེས་པས་མིག་གི་དབང་པོ་འགུག།
འོད་གསལ་ལྷ་ཡི་རིགས་ལས་མཆེད་པ་ཡི།།
བལ་ཡུལ་བུ་མོ་མིག་གི་དགའ་སྟོན་ཡིན།།

དེ་ལས་མང་བ་། “བལ་ཡུལ་བུ་མོ།” »

དགའ་བ་མཇེ་ཕྲུག

མི་རིགས་རེ་ལ་རྒྱལ་ཁབ་རེ་རེ་དང་།།
རྒྱལ་ཁབ་རེ་ལ་མི་དཔོན་རེ་འགའ་ཡོད།།
མི་འབངས་བདེ་ཞིང་ལྷིང་འཇགས་ཡོད་མེད་ཀྱང་།།
ཡུལ་གྱི་རྗེ་བོའི་གང་བྱས་རང་བཞིན་གྱུར།།

མགོ་དཔོན་བར་གྱི་འཛད་མེད་གྱོད་ཁའི་ཀློང་།།
མེ་མདའི་སྐད་སྒྲ་འབྲུག་ལྟར་གང་སར་གྲགས།།
མདའ་དང་མདེའུ་ཆར་བཞིན་ཆད་མེད་བབས།།
ལུང་པའི་ཕུ་མདའ་ཁྲག་དང་ངུ་ངག་རྒྱང་།།

དེ་ལས་མང་བ་། “འཐབ་རྩོད་ལས་བྱུང་བའི་སྐྱོ་གར།” »

ཐོད་འབུར་མ།
 
སྐྱ་རེངས་དྭངས་དུས་ཕུག་རོན་ཚང་ལས་འཐོན།
ཉི་འོད་འཕྲོད་ཁ་ཐང་ཆེན་ར་བ་ནང་།།
ཡུལ་བྱ་ཕུག་རོན་ཤོག་རྩལ་ངོམ་བཞིན་ཏུ།།
ཆ་ཡོད་ཇི་བཞིན་བདག་གི་ཕྱོགས་སུ་འཕུར།།

ཤིན་ཏུ་དགའ་བའི་སེམས་ཀྱི་ཚོར་བ་ལས།།
མྱུར་ཏུ་ཕུག་རོན་ལག་ཏུ་འཛིན་འདོད་ཆེ།།

དེ་ལས་མང་བ་། “ང་དང་ཕུག་རོན།        ” »

སྐྲ་རིང་མ།

དུས་དབྱར་ཟླ་ཤར་དུས་ཁྱེད་རང་དྲན།།
དབྱར་མེ་ཏོག་ཤར་དུས་ཁྱེད་རང་དྲན།།
རྒྱན་མེ་ཏོག་འདྲ་བའི་སྲས་མོ་ཁྱོད།།
དུས་དེང་སང་ས་ཕྱོགས་གང་དུ་ཡོད།།

དགུན་ནམ་ཟླ་ཤར་དུས་ཁྱེད་རང་དྲན།།
དགུན་ཁ་བ་བབས་དུས་ཁྱེད་རང་དྲན།།
གངས་དཀར་པོ་འདྲ་བའི་གཞུངས་དྲང་མ།།
དུས་དེང་སང་ས་ཕྱོགས་གང་དུ་ཡོད།།

དེ་ལས་མང་བ་། “སྲས་མོ་ལགས། ཁྱོད་རང་དྲན །” »

རླུང་དམར།
 
བདེན་པའི་སྐྱེས་ཐོབ་གདོད་ནས་སྨིན་པའི་དྲི་མེད་ཆོས་ཀྱི་དབྱངས་གསོལ་བཞིན།།
ཤེས་རབ་དད་པའི་མ་བསླུས་ཕན་པའི་དགེ་ཚོགས་གཏམ་གྱི་བདེན་བཤད་འདུག།
དེང་གི་གསེར་ལྗོངས་རྒུད་མིན་སྒུལ་བའི་ངན་ངོན་རང་སྟོན་མཚང་བྱེད་བསྒྲེས།།
གཡོ་མེད་གློག་ཞགས་ཐུར་མདའི་རྒོད་པོས་མ་རིག་ནག་པོའི་དཔུང་གདང་གཅུན།།

སཱ་ལའི་ལྗོངས་འདིར་གཙུག་རྒྱན་ཆོ་འཕྲུལ་ངོ་མཚར་བྱེ་བ་དུས་དབང་དགྱེས།།
ལས་དབང་དམན་པའི་རླུང་རྟ་ནག་པོ་དམར་དམག་དཔུང་གི་རྟབ་རྟབ་བཟུང་།།

དེ་ལས་མང་བ་། “བདེན་པ་རང་བཤད། 
” »

དཔྱིད་སྨིན། ༼གློག་བརྙན་(美味奇缘)བལྟས་པའི་སེམས་ཚོར་དངོས་མ།༽

མ་བརྟགས་སྒྱུ་མའི་དོ་ཤལ་ངོས་སུ་ཚོར་བའི་སིལ་བ་ཁྲོམ་ཁྲོམ་འབབ།།
བརྟགས་ཤིང་དཔྱད་ན་ཡིད་ཀྱི་འདུ་བྱེད་སྐད་ཅིག་མི་སྡོད་གཡོ་སྐྱོམ་བྱེད།།
ཟོལ་མཐོང་སྤྲིན་རུམ་སྟུག་པོའི་ཀློང་ནས་མིག་ཆུའི་ཆར་རྒྱུན་བྲེལ་གྱིས་འབྱོན།།
སྲིད་པའི་ཆོས་ཉིད་ཁ་ཅིག་ལ་ནི་ངེས་ངེས་བདེན་པོའི་གཏན་ཚིགས་བརྗིད།།
བགྲང་བྱ་ཉི་ཤུའི་གྲིབ་མའི་འོག་ཏུ་སྤྱན་ཆབ་དང་བཅས་ཡིབ་བྱེད་ཅིང་།།
ཁེ་དང་གྲགས་པ་སྐྱབས་སུ་འཆོལ་བའི་འཐོབ་རྩོད་ཆེན་པོའི་འཁོར་ལོ་ཡིས།།
གདུངས་པའི་ཉེན་ཞིང་ཐབས་ཀྱིས་ཕྱུགས་པའི་གཡོ་ཅན་མུན་པ་ནག་པོ་དེས།།
སྦྱར་བྱུང་ཚིག་གི་ཟེར་མདའ་ཁྱུ་གཅིག་མངོན་ཆུང་ལས་ལ་

དེ་ལས་མང་བ་། “ཚོར་བའི་འོག་འགྱུ།” »

Refugees: A Poem by a Gaddi by Santosh Kumari
སན་ཏོཤ་ ཀུ་མཱ་རི་ཟེར་བའི་གདྡི་བ་ཞིག་གི་སྙན་རྩོམ། སྐྱབས་བཅོལ་བ།

Many say I am enlightened
but inside me is a darkness.
༅༅། །དུ་མས་བདག་ནི་ཐམས་ཅད་མཁྱེན་པར་བརྩི།།
འོན་ཀྱང་བདག་གི་བློ་ལ་མུན་པ་ཞིག།།
When I think about my homeland
I wake up from my deep, deep sleep.
རང་གི་ལུང་པ་སེམས་ལ་འཁོར་བའི་སྐབས།།
བདག་ནི་སྟུག་པོའི་གཉིད་ལས་སད་གྱུར་ཏེ།།
Eyes full open, I gaze
to find there is no one around.
མིག་ཟུང་གདངས་ཏེ་ཅེར་ནས་ལྟ་བའི་སྐབས།།
སུ་གཅིག་འགྲམ་དུ་མཐོང་རྒྱུ་མེད་པར་གྱུར།།

དེ་ལས་མང་བ་། “སྐྱབས་བཅོལ་བ། (སྐད་གཉིས་ཤན་སྦྱར་གྱི་སྙན་ངག་ཅིག)” »

ཁྲོ་གཏུམ།

ཉིན་གསུམ་གྱི་རྗེས་སུ་ད་དུང་སེམས་སུ་ཤར་བས་ཤར་མར་ཕབ།

ངྷ་སའི་དཔྱིད་འགོ་ཚོས་པའི་བར་ལོགས་དེར
མེ་ཏོག་གི་ཟེའུ་འབྲུ་ཁ་མ་ཕྱེ་བའི་སྔོན་དེར
སྡོང་ལོ་དང་རྩྭ་ལོས་ལྗང་མདོག་གོན་པར་བྲེལ་ཤ་ལངས་པའི་དུས་ཚིགས་དེར
བུ་ཆུང་ངའི་འཁྲིས་སུ་རྩེད་མོར་གཡེང་ཡོད

བུ་ཆུང་གིས་སྐད་ཆ་བཤད་མགོ་འཛུགས་པའི་སྐབས
སྐད་ཆ་ཆལ་མ་ཆོལ་གྱི་སྒྲ་གདངས་ཀྱིས་ཕ་མའི་རྣ་རྩ་བཀང་བའི་ལོ་ཟླ
དཔྱིད་འགོ་ཡིན་པས་སྦྲང་ནག་འགའ་ཡང་ཉན་བྱེད་ཀྱི་བུ་གར་གཙེས
བུ་ཆུང་གིས་གློ་བུར་དུ

དེ་ལས་མང་བ་། “འབུ་ཡིས་རྡུང་གི་འདུག” »

ཆབ་མདོ་ངག་ཕུན་གྱིས།
 
བོད་ཆོས་རྗེས་སྲོང་བཙན་སྒམ་པོ་ཡིས།།
བློན་ཐོན་མིའི་འཕགས་པའི་ཡུལ་དུ་མངགས།།
སྒྲ་རིག་པའི་གནས་ལ་སྦྱོང་བར་མཛད།།
བོད་གངས་ཅན་ལྗོངས་ལ་ཆོས་རིག་སྤེལ།།

སྔོན་ཆོས་རྒྱལ་ལོ་པཎ་དྲིན་ཅན་ཚོས།།
ཆོས་མདོ་སྔགས་གངས་ལྗོངས་སྒྲོན་མེ་སྤར།།

དེ་ལས་མང་བ་། “འཕགས་ཡུལ་གཞུང་དམངས་ལ་བཀའ་དྲིན་ཆེ།  ” »