གཡུ་མཚོ།
དཀར་མཛེས་བོད་རིགས་རང་སྐྱོང་ཁུལ་གྱི་སྤྱི་ཡི་རྒྱ་ཁྱོན་ལ་སྤྱི་ལེ་གྲུ་བཞི་མ་འབུམ་གཅིག་དང་ཁྲི་ལྔ་སྟོང་གསུམ་ལྷག་ཡོད་ལ། མི་འབོར་ཧ་ལམ་ས་ཡ་གཅིག་ལ་ཉེ། དེ་ལས་བརྒྱ་ཆ་དགུ་བཅུ་ཙམ་ནི་བོད་རིགས་ཡིན། དེ་ཡང་གཞུང་ས་དར་རྩེ་མདོ་གཙོ་བྱས་པའི་རྫོང་ཁག་བཅོ་བརྒྱད་ཡོད་དེ། དར་རྩེ་མདོ། རྟའུ། བྲག་མགོ། དཀར་མཛེས། དཔལ་ཡུལ། ཉག་རོང་། སྡེ་དགེ། གསེར་རྟ། སེར་ཤུལ། རོང་བྲག འབའ་ཐང་། ལི་ཐང་། འདབ་པ། ཕྱག་ཕྲེང་། ཉག་ཆུ་ཁ། ལྕགས་ཟམ་ཁ། བརྒྱད་ཟུར། སྡེ་རོང་བཅས་ཡིན། འདི་འདྲ་བའི་བོད་རིགས་མི་དམངས་འདུས་ཁུལ་གཙོ་བོ་ཞིག་ལ་སྤྱི་ཡིན་ན་བོད་ཡིག་ཧ་ཅང་དར་བ་ཞིག་ཡིན་པ་ནི་སྨོས་མ་དགོས་པ་ཞིག་རེད། ཡིན་ཡང་ཆེས་སྐྱོ་དགོས་པ་ཞིག་ནི་དཀར་མཛེས་བོད་རིགས་རང་སྐྱོང་ཁུལ་ཞེས་པའི་མིང་བཟུང་ནས་ཡོད་པའི་ས་ཆ་འདི་ལ་བོད་ཡིག་མཐོ་འབྲིང་གསུམ་མ་གཏོགས་མེད། སྤྱི་དཀར་མཛེས་རྫོང་ལ་བོད་ཡིག་མཐོ་འབྲིང་གཉིས་ཡོད་ཀྱང་།
